ტელევიზორის და მისთანანის დამანგრეველი გავლენა პარამეტრები

[marine]

"მამა პაისს [ათონელი] მიაჩნდა, რომ ტელევიზორი დამანგრეველ გავლენას ახდენდა ბავშვებზე და ახალგაზრდებზე. ტკივილით საუბრობდა ისეთ მშობლებზე, ვინც საკუთარი სიმშვიდისათვის შვილებს სწირავდა საათობით ტელევიზორის საყურებლად, შედეგად კი მათი სული, გონება და სხეული ირყვნებოდა. მშობლებს ურჩევდა ტელევიზორის ნაცვლად სხვა რამ მიეცათ შვილებისთვის, სულიერი საზრდოთი ეკვებათ. (მოეთხროთ წმინდანთა ცხოვრებაზე, ესწავლებინათ ხატების და სიწმინდეების თაყვანისცემა). ტელევიზორი მარტო მთვარემდე აღწევს, სულიერი ტელევიზორი კი ღმერთამდე ადის".

ამ თემაზე ესაუბრებოდა მამა პაისი ერთ მასწავლებელს და მოსწავლეებს. მასწავლებელმა გაიფიქრა: "კეთილი, სხვა გადაცემებს არ ვუყურებ, მხოლოდ ახალ ამბებს", სწორედ ამ გაფიქრებისას მოუბრუნდა მამა პაისი და უპასუხა: "არც ინფორმაციას" და კვლავ განაგრძო ბავშვებთან საუბარი"

/მღვდელმონაზონი ისააკი/

[marine]

"ტელევიზორი დიდი ბოროტების მომტანია, მას ხალხი კატასტროფამდე მიჰყავს. თვით აპარატი ადამიანის ორგანიზმისათვის მავნე გამოსხივებას გამოჰყოფს და ბავშები დედის მუცელში ფიზიკურად იტანჯებიან იმით, რომ მათი დედები ფეხმძიმობისას ტელევიზორს ხშირად უცქერენ. ყოველგვარი სირცხვილის გარეშე ტელევიზორით აჩვენებენ ცოდვილ საქმეებს და მაცდურ სცენებს. ტელევიზორი - ეშმაკია. აი, მე თქვენ ერთ ამბავს მოგიყვებით, რომ გააცნობიეროთ, თუ რაშია აქ საქმე.

ერთი მოხუცი, ოთხმოცდაოთხი წლის, რომელიც წესიერად და ღვთისსათნოდ ცხოვრობდა, ცოლის გარდაცალების შემდეგ ძალიან დადარდიანდა. თავდავიწყების ძებნაში, იგი ტელევიზორით იქნა გატაცებული. არ გასულა სულ რაღაც სამი-ოთი თვე მეუღლის გარდაცვალებიდან და გადაწყვიტა დაქორწინებულიყო.

მისმა მოძღვარმა არც კი იცოდა, როგორ შეეგონებინა მისთვის, რომ მისი ჩანაფიქრი ველური და სასაცილო იყო. თავად მოხუცი კი ჩემთან მოვიდა წმიდა მთაზე და თავისი აზრი გამაცნო. მე მას ვურჩიე, ეცხოვრა წყნარად და მშვიდად და ქორწინებაზე არც კი ეფიქრა. მაგრამ მოხუცი აშკარად შერყეული იყო სულიერად, რადგან ოდნავი დაფიქრების შემდეგ მითხრა: "იცი, მამაო, მე უფლება მაქვს მეორე ცოლი მოვიყვანო".

მაშინ მე ვეღარ მოვითმინე. მე მას ვუთხარი, რომ გამშორებოდა და ჩემს თვალებს აღარ გაჰკარებოდა... ხედავთ, როგორი ზიანი მოაქვს ტელევიზორს?!"

/ღირსი პაისი ათონელი/