ღვთისმშობლის წილხვდომილობა პარამეტრები

[marine]

"2018 წლის 27 დეკემბერს საქართველოს ეკლესიის წმინდა სინოდის განჩინებით 12 მაისი გამოცხადდა ღვთისმშობლისადმი საქართველოს წილხვდომილობის დღედ"

"რატომ აღმოჩნდა საქართველო ერთადერთი ქვეყანა ღვთისმშობლის წილხვედრი? სხვა, ყველა დანარჩენი, რომელიმე ქვეყნის მხოლოდ ერთი ნაწილია: ათონის მთა ადგილია საბერძნეთში; კიევ-პეჩორის ლავრა ადგილია უკრაინაში; დივეევო ადგილია რუსეთში; მხოლოდ საქართველოა მთლიანი ქვეყანა, ღვთისმშობელმა რომ თავის წილხვედრად გამოარჩია.

რატომ? იმიტომ რომ ჩვენ ერთი ობოლი ქვეყანა ვართ, მთელს დედამიწაზე ნათესავი და გულშემატკივარი არავინ გვივის, ობლის მამა კი ღმერთია. ჰოდა, აგვიყვანა დედაღვთისამ საგანგებო მფარველობის ქვეშ. აბა ამ ქარაშოტს როგორ გამოვასწრებდით და აქამდე როგორ მოვაღწევდით?!"

/"მრევლი" N235, 2023, გვ.12-13/

[marine]

ამას გენუკვი

ო, ღვთისმშობელო
მარიამ, მარად
შენი ლოცვა და
კურთხევა ფარავს
ივერთა მხარეს,
სამშობლოს ჩვენსას,
შენი წყალობა
გვჭირდება დღესაც.
მოეც ჩვენს შვილებს
იმედი ხვალის,
ლომის გული და
შევარდნის თვალი,
რომ ძმობა სწამდეთ
და ერთურთს ენდონ
და სიყვარული
ჩირაღდნად ენთოთ,
რომ კვლავ შვენოდეთ
ჩოხები ლეგა
ცოტნეს, პაატას,
შერგილს და გეგას.
რაც წინაპარმა
ვერ შეძლო ერთ დროს,
ვერც ჩვენ შევძელით,
მათ უნდა შეძლონ!
არ ეღირება
არცერთი გროშად,
თუ საქართველოს
ელვარე დროშა
არ გაშალეს, და
არწიეს მზემდე,
და შვილებს თუ არ
გადასცეს შემდეგ.
ო, ღვთისმშობელო
მარიამ, მარად
ამას გენუკვი
და ამას გვედრებ.

/ენვერ ნიჟარაძე, "თანამედროვე - თანამედროვეს!", გვ.119/