კ უ თ ხ უ რ ო ბ ა პარამეტრები

[marine]

ვთვლი, რომ ჭეშმარიტი ქართველი ვარ, რადგან ვარ ტრფიალი კუთხურობისა მინდა ამ თემაში საქართველოს ყველა კუთხე და მისი მახასიათებლები ჩავატიო


"საუკუნეების მანძილზე გარეშე ძალა ყოველთვის ცდილობდა ქვეყნის დაყოფას და კუთხურობის ნიშნით დაპირისპირების შექმნას".

/ილია II
"კარიბჭე" N24, 2017, გვ.10/

[marine]

კრიმანჭული

ამიერიდან იქ დავსახლდები,
ჩემი სამშობლო არის გურია...
ირაკლი აბაშიძე

-თუ არ გინახავს, ძამა, გურია,
ხალისს შენს გულში არ გაუვლია -
მითხრა გურულმა,
და ჰა, მეასედ
ვესტუმრე უკვე საჭამიასერს.

მრავალ ქვეყნის და კუთხის მნახველი
მაინც ვერ გავძლებ მე უგურიოდ,
თუ არ მიყვარდეთ,
ჩემი სახელი
თქვენს ახლომახლო არ გ უ უ რ ი ო თ.

ალბათ იქ ჰქონდათ ბუდე ფირალებს,
ტყე რომ ჩანს, ნისლით გადაბურული,
ნასაკირალზე დროშა ფრიალებს
და სმენას მიტკბობს კილო გურული.

ვიცი, რომ ცინცხალ სიტყვას გალესავთ
თქვენს კვიმატობას ვერ გადვურჩები,
ახია ჩემზე, მასვით "ადესა",
შემაღებინეთ წითლად ტუჩები.

ღმერთმა-მხატვარმა აქ მოაფრქვია
უუნაზესი ფერი აკვარლის,
აბა, რა არის, მაშ, სხვა რა ჰქვია
ამ მთებს, უნაზესს და უსაყვარლესს.

აბა, ჰე, კიდევ ერთხელ, მზისფერი
დააჭიკჭიკეთ ეგ კრიმანჭული...
ჩემი კაცობით,
ჩემი სიმღერით,
სიცოცხლით თქვენზე ვარ მიჯაჭვული.

/ნოდარ გურეშიძე, "გზა", გვ.84/