ბაგრატიონები დავით მეფსალმუნის მემკვიდრენი?, თუ რაიმე ინფორმაცია მოგეპოვებათ პარამეტრები

[guest]

ერთერთ სტატიაში (სერბულ ენაზე წიგნი ქართველ წმინდანთა შესახებ, სადაც მიმოხილულია აგრეთვე ისტორიული პერიოდები ), წავიკითხე ორ ადგილას, რომ ბაგრატიონები არიან დავით მეფსალმუნის მემკვიდრენი, ასევე წერია ცალკე დავით აღმაშენებელზე (ცხადია, ისიც ბაგრატიონია). ერთერთი მონასტრის იღუმენმაც ახსენა ქართველ მეფეთა ბიბლიური წარმოშობა.

რაღაც მწირი ინფორმაცია ადრე სკოლის პერიოდიდან გადაკვრით გამახსენდა ახლა, თუ არ ვცდები სუმბათ დავითისძეს მტკიცება, მაგრამ როგორც ვთქვი, აღარ მახსოვს ზუსტად,თუ ვცდები მაპატიებთ.

ძალიან გთხოვთ, თუ რამე ინფორმაცია გაგაჩნიათ ამ თემის ირგვლივ, დაწეროთ, მე პირადად ძალიან მაინტერესებს.

სტატიას გადავუღე სურათი,სადაც ნახსენებია ზემოთხსენებული.





წინასწარ მადლობა.

[marine]

"ნ. მახარაძე შენიშნავს, რომ სახელი გაენათი იერუსალიმურ წარმომავლობაზე მიგვითითებს და იერუსალიმის მრავალრიცხოვან კარიბჭეთაგან ერთ-ერთის, დასავლეთის მეორე კარიბჭის, სახელწოდებაა, იგი აღნიშნავს "ბაღის კარს". აღნიშნული მოსაზრება სრულებით ლოგიკურია, რადგან გელათი, სულიერი თვალსაზრისით, "მეორე იერუსალიმი" უნდა გამხდარიყო, ხოლო ქართველი მეფეები კი ბიბლიური მეფე დავითის შთამომავლები იყვნენ. დავით წინასწარმეტყველიც ხომ იერუსალიმის ერთ-ერთ კარიბჭე ტაძარში დაიკრძალა! დავით მეფე ბრძანებს კიდეც თავის "გალობანი სინანულისანის" ტექსტში: "ისრაელისა მეფეთა ვბაძევდი".

დავით მეფის საფლავის ქვაზე შემორჩენილია ეპიტაფია 131-ე ფსალმუნის სიტყვები. ასომთავრული წარწერა გვაუწყებს ბიბლიური დავითის სიტყვებს: "ესე არს განსასვენებელი ჩემი უკუნითი უკუნისამდე; ეს მთნავს; აქა დავემკვიდრო მე". ჩვენი აზრით, აღნიშნული ეპიტაფიის ავტორი თავად დავით მეფეა, იგი ცხოვრების უკანასკნელ პერიოდში რაღაც სენით იყო შეპყრობილი და მან, როგორც ჩანს, წინასწარ დაგეგმა, თუ რა უნდა დაეწერათ მის უკანასკნელ განსასვენებელზე, რომელიც გამოირჩევა უბრალოებით.

აქვე უნდა ვთქვათ, რომ ფსალმუნის აღნიშნული სიტყვები სპეციალურად გააკეთებინა დავით მეფემ. როგორც ფსალმუნთა განმმარტებლები აღნიშნავენ: "სიონი არის ჩემი (დავითის) განსასვნებელი და დავემკვიდრები იქ, რადგან ის მე ავირჩიე".

სწორედ იმ დროს, როდესაც გამოჩნდება ცხოვრება, გამობრწყინდება დავითის დიდება: "განუმზადე სანთელი ცხებულსა ჩემსა". თუკი ეს სიტყვები ბიბლიური მეფე დავითის შესახებაა 131-ე ფსალმუნში, შეგვიძლია გააზრებულად ვთქვათ, რომ ქართველთა ცხებული წმინდა მეფე დავით აღმაშენებელია.

თამარ მეფის მემატიანე დავით აღმაშენებელს უწოდებს "ახალ დავითს", ანუ ძველი დავითი ბიბლიური მეფე დავითია, ახლო ახალი დავითი - დავით აღმაშენებელია. აქედან გამომდინარე უნდა განვაცხადოთ, რომ დავით მეფის სამხრეთ კარიბჭეში არსებულ საფლავის ლოდს, მასზე ამოკვეთილ წარწერას, სამხრეთ კარიბჭეში დაკრძალვას შორის არის დაფარული კავშირი და ეს ყოველივე დავით აღმაშენებლის განსაკუთრებული ღვთისმოშიშებასა და სულიერ სიმდაბლეს უნდა მივაწეროთ"

/ლევან ტყეშელაშვილი, "გელათი სამეფო მონასტერი და საძვალე", გვ.32/