წმიდა ძლევაშემოსილი გიორგი პარამეტრები

[marine]

"როდესაც ჩვენ ვიხსენებთ წმინდა გიორგის წამებას, მის ცხოვრებას და მის საოცარ სიმტკიცეს რწმენისა, გვიპყრობს გაკვირვება, დიდი მოწიწება მის მიმართ; ვინაიდან ვერავითარმა მუქარამ, ვერავითარმა ტანჯვამ, ვერ აიძულა ის, ეღალატა ქრისტეს სარწმუნოებისთვის და უარი ეთქვა ქრისტესა და ეკლესიაზე!"

/მიტროპოლიტი შიო (მუჯირი)/

[marine]

"დავით აღმაშენებლის პირადი ნივთებიდან მეოცე საუკუნის დამდეგამდე მოაღწია მისმა ბეჭედმა, რომელიც გელათის მონასტერში ინახებოდა. XIX საუკუნის ბოლოს ბეჭედი უშუალოდ ნახეს და აღწერეს ნ. კონდაკოვმა და დ. ბაქრაძემ, შემორჩენილია ბეჭდის სურათიც.

ოქროში დაფერილ საკმაოდ დიდი ზომიდ ბეჭედზე გამოსახული იყო წმინდა დიდმოწამე გიორგი და იყო წარწერაც: "წმ. გიორგი ძალითა შენითა ვსძლევ მტერთა ჩემთა".

აღნიშნული წარწერა წმინდა გიორგის გამოსახულების ირგვლივ უნდა ყოფილიყო ამოკვეთილი, თუმცა ზ. ავალიშვილის მიხედვით, ბეჭედზე სხვა წარწერაც ყოფილა: "ჯვარითა მტერთა მძლეველი მე, დავით ვარ უძლეველი".

წარწერის შინაარსი აშკარად მეტყველებს წმინდა მეფის განსაკუთრებულ სასოებაზე წმინდა დიდმოწამე გიორგისადმი. შესაძლოა, წარწერის შემდგენელი თავად მეფეც იყო. დავით მეფე ხელზე ატარებდა უდიდეს სიწმინდეებს, რადგან მათგან მოელოდა შეწევნას.

იგი ალბათ შესაბამის ლოცვასაც წარმოთქვამდა ჯვრისა და წმინდა გიორგის მიმართ. სწორუპოვარი მეფე ამ დამოკიდებულებით იღებდა სულიერ შეეწევნასა და ფიზიკურ შემწეობას ღვთისაგან მძიმე ბრძოლებში.

ბეჭედი თავისი სიწმინდეებით და წარწერებით დავით მეფის სულიერ სიმაღლეზე მიგვანიშნებს, რაც სრულიად კანონზომიერი მოვლენა იყო.

მიიჩნევენ, რომ ბეჭედში "ცხოველსმყოფელ ჯვრის" ნაწილებთანე ერთად წმინდა გიორგის ნაწილიც უნდა ყოფილიყო ჩაბრძანებული"

/ლევან ტყეშელაშვილი/