ბაგრატიონები დავით მეფსალმუნის მემკვიდრენი?, თუ რაიმე ინფორმაცია მოგეპოვებათ პარამეტრები

[guest]

ერთერთ სტატიაში (სერბულ ენაზე წიგნი ქართველ წმინდანთა შესახებ, სადაც მიმოხილულია აგრეთვე ისტორიული პერიოდები ), წავიკითხე ორ ადგილას, რომ ბაგრატიონები არიან დავით მეფსალმუნის მემკვიდრენი, ასევე წერია ცალკე დავით აღმაშენებელზე (ცხადია, ისიც ბაგრატიონია). ერთერთი მონასტრის იღუმენმაც ახსენა ქართველ მეფეთა ბიბლიური წარმოშობა.

რაღაც მწირი ინფორმაცია ადრე სკოლის პერიოდიდან გადაკვრით გამახსენდა ახლა, თუ არ ვცდები სუმბათ დავითისძეს მტკიცება, მაგრამ როგორც ვთქვი, აღარ მახსოვს ზუსტად,თუ ვცდები მაპატიებთ.

ძალიან გთხოვთ, თუ რამე ინფორმაცია გაგაჩნიათ ამ თემის ირგვლივ, დაწეროთ, მე პირადად ძალიან მაინტერესებს.

სტატიას გადავუღე სურათი,სადაც ნახსენებია ზემოთხსენებული.





წინასწარ მადლობა.

[marine]

"ნ. მახარაძის აზრით, დავით აღმაშენებლის გელათის მონასტრის სამხრეთ კარიბჭეში დაკრძალვა "იერუსალიმურ წარმომავლობაზე, ანუ დავით წინასწარმეტყველთან მეფე გვირგვინოსნის ღვთივსულიერ მიმართებაზე" მიგვანიშნებს.

იერუსალიმის მრავალრიცხოვან კარიბჭეთაგან ერთერთის, დასავლეთის მეორე კარიბჭის სახელწოდებაა გაენათიგენათი, იგი აღნიშნავს "ბაღის კარს", ძველი ქართულით - "სამოთხის კარს". ამას აღნიშნავს I საუკუნის ებრაელი ისტორიკოსი იოსებ ფლაბიუსი "იუდეველთა ომების ისტორიაში".

ძველი აღთქმის მიხედვით კი სოლომონმა ტაძარი ააგო იმ ადგილას, სადაც მეფე დავითს ანგელოზი მოევლინა მახვილით ხელში. იქიდან გამომდინარე, რომ დავით აღმაშენებლის ბიბილურ მეფე დავითთან კავშირზე ბევრია ნათქვამი, მათ შორის მეფეც თავის გალოვანში ბრძანებს: "ისრაელისა მეფეთა ვბაძვედო", მართლაც ყურადღებას იმსახურებს ნ. მახარაძის მოსაზრება:

ბიბლიური მეფე დავით წინასწარმეტყველი იერუსალიმის ერთერთ "კარიბჭე ტაძარში დაიკრძალა", მისმა მემკვიდრე სოლომონმა კი მამის მიერ დაწყებული იერუსალიმის ტაძარი განასრულა. დავით მეფსალმუნის მსგავსად, დავით აღმაშენებელიც "თავის მიერ დაწყებულ ტაძრის კარიბჭეში დაიკრძალა და გელათის მონასტერი მისმა მემკვიდრემ დემეტრემ დაასრულა"

/ლევან ტყეშელაშვილი, "დავით მეფე მესიის მახვილი", გვ.222/