მოძღვარი, ღვთის მსახური და მრევლი, ხალხის მათთან და მათი ხალხთან დამოკიდებულება პარამეტრები

[გლახა]

მართლმადიდებლურ ეკლესიაში რაც ძალიან მომწონს ეს არის მოძღვრის ინსტიტუტი.

კარგი მოძღვარი როცა გყავს ადამიანს, დიდი ბედნიერებაა.

მიკვირს რომ ზოგიერთი ადამიანი თავისი მოძღვრის ნათქვამზე მზად არის კლდიდანაც კი გადახტეს, მაგრამ გუშინ ერთ ეკლესიაში ვიყავი
რომლის შესასვლელში თეთრზე შავით ეწერა (და ასე ბევრგან წერია)

აკრძალულია ჩართული მობილურით შემოსვლა! მაგრამ თუ პატივს სცემენ მოძღვარს და ეკლესიის წესრიგს, რატომ არ ემორჩილებიან ღვთის მსახურის ამ მოთხოვნას?

რა დონემდე უნდა იყოს ადამიანი მოძღვრის, ან სხვა ღვთისმსახურის მორჩილი?
რა დროს შეუძლია არ დაემორჩილოს მას?

[adamis_nekni]

1) ვინც სასულიერო პირებს განიკითხავს, ის მათ ცოდვებსაც იდებს თავზე და საშინელ სამსჯავროზე მათთვისაც აგებს პასუხე;
2) თუ მოძღვარს არ უჯერებს, არც ღვთის ერთგული ხარ;
3)ვინც მოძღვრის გარეშე ცხოვრობს_უნაყოფოდ არსებობს. ასეთმა ადამიანმა კეთილი საქმეებიც რომ აკეთოს სინდისი მაინც არ დაუმშვიდდება, რადგან სიმშვიდე მხოლოდ აღსარებით მოიპოვება. ხოლო თავის ნებაზე მოსიარულე ადამიანი მუდმივ გაურკვევლობასა და სულის შფოთს არის მიცემული;
4)სულიერ მოძღვარში ცხოვრობს სული წმიდა და თუ ეს გაეჭვებს, იცოდე ამის გამო ხებლში ჩავარდები.
5)უფალს უყვარს ვაჟკაცური და ბრძენი სული, ხოლო თუ არცერთი გაქვს და არც მეორე, უნდა ევედრო ღმერთს, რომ მოგანიჭოს ეს ღირსებები და მიენდო სულიერ მოძღვარს.
6) ევედრე უფალს, რათა მოგანიჭოს საკუთარი ცოდვების დანახვის უნარი;
7) სიტყვა ღმრთისა_ჭეშმარიტებაა, სახარებისეული მცნებანი_ჭეშმარიტებაა, ხოლო ყოველი ადამიანი ცრუ არის.
8)ხიბლში მყოფთ სურთ, რომ დატკბნენ სულიერი სათნოებით და ამავე დროს არ ამბობენ უარს გრძნობათა ხორციელ ტკბობაზეც;
9)ჩვენი ხორციელი სხეული იმდენ მახეში ებმება, ისე დაგვცემს პირუტყვის დონემდე, რომ გვავიწყდება ღმერთიც, სულიც, ზეცაც. მარადისობაც, ადამიანის დანიშნულებაც, მონანიება_სულის ცხონების საწინდარია;
10)ვისაც მიწიერი ზეციერზე მეტად უყვარს, იგი მიწიერსაც დაჰკარგავს და ზეციერსაც;
11)ვისაც თავისი სიმართლისა სჯერა და მიჰყვება საკუთარი დაცემული ბუნების ნებას, ვერ გაექცევა ეშმაკის მახეს;
12)თუ ცოდვა აღარ აღძრავს შენს გულშI არავითარ თანაგრძნობას, მაშIნაც კი, როცა შეესწრები მსგავს ცოდვებზე ლაპარაკს, იცოდე, რომ ღმერთმა მოგიტევა ეს ცოდვა.
13)ამბობენ, აღარ დარჩნენო ისეთი მოძღვრები, რომლებსაც ძალუძთ, წმინდა წერილის ახსნა და სულიერი ხელმძღვანელობა. ეძიეთ და ჰპოვებთ. თუ ადამიანი გულმოდგინედ ილოდებს და სთხოვს უფალს გაუხსნას თავისი წმინდა ნება, მას სულის ცხონების პატარა პატარა ბავშვის პირითაც კი აცნობებს ღმერთი. ხოლო როცა ამბობენ, რომ სურთ სულიერი მოძღვრის მონახვა და ვერ უპოვიათ იგი_ცრუობენ, უბრალოდ მათ არ სურთ ღვთის ნებას რომ დამორჩილდნენ და თავის გასამართლებლად მიზეზებს ეძებენ;
14)თუ გსირთ წიგნში წაკითხულის ცხოვრებაში განხორციელება, თვითნებურად ნუ გააკეთებთ ამას. ჯერ მოძღვარს სთხოვეთ რჩევამ, რადგან სხვაგვარად შეიძლება სულ იოლად გაებათ ეშმაკის მახეში;
15)ანგელოზთა და წმინდანთა გარდა ჩვენს სულებს ბნელი ძალებიც ხედავენ. თუმცა წმინდა სულებს ვერ უსწორებენ თვალს, მათგან მომდინარე ძლიერი ნათების გამო. ცოდვებით დაჩრდილული სულებისა კი არ ეშინიათ. დაინახავენ თუ არა იმ წამს ესხმიან თავს და ათრევენ აქეთ-იქით ვნებიანი სურვილებით, ცოდვიანი გულისთქმებით, უკეთურ გრძნობათა გაღვივებით. ისინი წრფელი სულების დაუფლებასაც ლამობენ, მაგრამ მარცხდებიან ისრებივით მომავალი ნათელი სხივებით;
16)ეშმაკი ყველაფერთან ერთად ორ ბოროტებასაც სჩადის: ჯერ ითრევს ცოდვაში, შემდეგ კი აბრკოლებს მონანიებას.
17)ქრისტიანის ცხოვრება უნდა იმართებოდეს სინდისით, გონებით და სულიერი მოძღვრის რჩევებით.