კითხვა სიზმარზე, ეშმაკთან ბრძოლა პარამეტრები

[ertic]

უკვე მეორეჯერ დამესიზმრა ეშმაკთან შებრძოლება, პირველად უფრო უხილავი იყო, თითქოს დიდად არ ჩანდა, მაგრამ ვაცნობიერებდი რომ ეშმაკს ვებრძოდი, მაგ სიზმარში სასტიკი სიკვდილით დამამარცხა, ყელი გამომჭრა, რამოდენიმე ხნის მერე (დაახლოებით 1 თვე გავიდა) ისევ დამესიზმრა, ამჯერად ვიღაც უცხო კაცი იყო, მიხსნიდა რაღაცეებს (უფრო საეკლესიო ნივთებს მათვალიეებინებდა, კარგად აღარ მახსოვს), მომაწოდა ქანდაკება ეშმაკის გამოსახულებით და ხმამაღლა შესძახა "შეებრძოლე, შეებრძოლე", ამ დროს არაბუნებრივი ძალით მოვუჭირე ხელი ამ ქანდაკებას, რის მერეც გაცოცხლდა და ყელში მწვდა ისევ, რის მერეც გამეღვიძა საკმაოდ ანერვიანებულს. ვიცი რაღაც უცნაურად ჟღერს, მაგრამ მაგ დროს რასაც განვიცდი სიტყვებით ვერ გადმოვცემ, გახსენებაზეც კი ტანში ჟრუანტელი მივლის... ჩემს ცხოვრებას რაც შეეხება ჩვეულებრივი ქართველი ბიჭი ვარ, მორწმუნეც ვარ, მაგრამ საკმაოდ ღრმად არა სამწუხაროდ, სიზმრები ძალიან იშვიათად მესიზმრება და ისაც არასოდეს მიუქცევია ჩემი ყურადღება, აღსანიშნავია ისაც რომ ბოლო 6 თვის მანძილზე ძალიან ბევრი სირთულე გადავიტანე ცხოვრებაში და ეხლაც პროცესში ვარ, არ ვიცი შეიძლება რაიმე კავშირში იყოს ეს ყველაფერი. ძირითადად რაც მაინტერესებს რამეს თუ ნიშნავს და რა უნდა გავაკეთო საერთოდ?! მადლობა ყურადღებისათვის და ბოდიში აბდაუბდა ნაწერისთვის, რადგან სიზმარიც აბდაუბდა იყო და უსაშველოდ საზარელი...