ათონის მთაზე ქალებს არ უშვებენ პარამეტრები

[Adam]

როგორც ყველასთვის ცნობილია, ათონის წმ. მთაზე ქალებს არ უშვებენ, მიზეზი არ დაშვებისა არის ეს გადმოცემა: - ათონის წმინდა მთაზე ქალის შესვლა მკაცრად იკრძალება. აკრძალვას საფუძვლად დაედო ერთი შემთხვევა: გადმოცემის თანახმად, ბიზანტიის იმპერატორ თეოდოსის ქალიშვილი პლაკიდია რომიდან კონსტანტინეპოლში ბრუნდებოდა და გზად წმინდა მთის მონახულება მოისურვა. მას განსაკუთრებით მამამისის შეწირულობით აგებული „ვათოპედის“ მონასტრის ნახვა უნდოდა. როგორც კი პლაკიდია ტაძრის შესასვლელს მიუახლოვდა, გაიგონა ხმა, რომელიც კედლის ნიშაში დაბრძანებული ღვთისმშობლის ხატიდან მოდიოდა. ხმამ უთხრა, რომ თუკი იგი კეთილმორწმუნე ქრისტიანი იყო, დაეტოვებინა იქაურობა, რომ მისი იქ ყოფნით ცდუნებაში არ ჩაეგდო მონაზვნები. შეძრწუნებულმა პლაკიდიამ დაუყოვნებლივ დატოვა იქაურობა და მას შემდეგ, ათონზე ქალის შესვლა აკრძალულია.

მე მაინტერესებს, რატომ გადაწყდა ერთი ქალის არ შეშვებით ათონზე ქალის შესვლის აკრძალვა? იქნებ ღვთისმშობელმა იმიტომ გააფრთხილა პლაკიდია, რომ ის იმ მომენტში გამომწვევად გამოიყურებოდა, და აქედან გამომდინარე აცდუნებდა ბერებს? აბა წარმოიდგინეთ, 50-60 წლის მოხუცმა ქალმა როგორ უნდა აცდუნოს ბერი? მართლა ვერ ვხვდები, ერთი ქალის გამო რატომ უნდა აეკრძალოს სხვა ქალებს იქ წასვლა...თან, ათონელი ბერები ქალაქში ჩამოდიან, და თუ ცდუნებაზე მიდგა საქმე-ერში და ქალაქში უფრო მეტადაა ცდუნების შანსი..