მორჩილება, რას ნიშნავს მართლმადიდებლურად პარამეტრები

[marine]

"იმაზე, თუ რა დიდი სიხარული მოაქვს ადამიანისათვის მორჩილებას, ვკითხულობთ წმ. ეგნატეს (ბრიანჩანინოვი) თავგადასავალში. უსიტყვო მორჩილება და თავმდაბლობა გამოარჩევდა ბრიანჩანინოვს მონასტერში. პირველად მორჩილად იგი სამზარეულოში დაადგინეს. მზარეული ბრიანჩანინოვის მამის - ალექსანდრეს ყოფილი გლეხი იყო.

მორჩილის სამზარეულოში შესვლის პირველსავე დღეს ბეღელში ფქვილისათვის წასვლა გახდა საჭირო. მზარეულმა უთხრა ეგნატეს: "აბა, ძმაო, წავიდეთ ფქვილზე!" - და ფქვილის ტომარა ისე ესროლა, რომ სულ გააფქვილიანა.

ახალმა მორჩილმა ტომარა აიღო და წავიდა. ბეღელში, ტომარა რომ გაშალა და, როგორც მზარეულმა უბრძანა, კბილებით დაიჭირა, რათა ფქვილი მოხერხებულად ჩაყრილიყო შიგ, გულში ახალი, უჩვეულო სულიერი მოძრაობა იგრძნო. ასეთი რამ აქამდე არასოდეს განეცადა - საკუთარმა მორჩილმა საქციელმა, საკუთარი "მეს" სრულმა უგულვებელყოფამ ისეთი ნეტარება მოჰგვარა, რომ ეს შემთხვევა მთელი ცხოვრება ახსვოდა"

[marine]

"ნეტარია, ვინც აღსასრულამდე დაიმარხავს მორჩილებას, რამეთუ მარადიულ ცხოვრებაში წმინდა მოწამეთა თანა აღირაცხება"

[marine]

"როცა ადამიანი ისწავლის მორჩილებას, მაშინ უფალი ისმენს მის ლოცვებს"

/წმიდა სილუან ათონელი/

[marine]

"მორჩილება - წმინდა საქმე და ხსნის სწრაფი გზა"

[marine]

"მორჩილება - წმინდა საქმე და ხსნის სწრაფი გზა"

[marine]

"გსურს, სულიერებაში წარემატო? თავი აიძულე, ჯერ მორჩილებაში, შემდეგ - იესო ლოცვასა და სხვა ყველაფერში"

/წმ. ეფრემ კატუნაკელი/

[marine]

"სულგრძელი მხიარულად ხვდება განსაცდელს; თუ მას რომელიმე მორჩილების შესრულება ებრძანება ვინმესგან, იგი არ ეუბნება, არ გავაკეთებო"

/წმ. ეფრემ ასური/

[marine]

მორჩილებისათვის

"ჭეშმარიტად ნეტარია მორჩილი და უზაკველი კაცი, რადგანაც ის არის მსგავსი მისი მოძღვრისა - ჩვენი უფლის იესო ქრისტესი, რომელიც ზეციური მამის მორჩილი იყო სიკვდილამდე. ბედნიერია ის, ვინც მორჩილება შეიძინა, რადგანაც მან შეიძინა სიმდიდრე, ღირსი პატივისცემისა.

მორჩილს თუ რაიმე ებრძანება, იგი არ ურჩობს; თუ ვინმე უწყრება მას, ის არ შფოთავს; აგინებენ - პასუხს არ სცემს და მზად არის ყოველგვარი სიკეთის გასაკეთებლად. ყოველ განსაცდელს მადლობით იღებს იგი ღვთისაგან; ადგილიდან ადგილზე არ ინაცვლებს და მონასტრიდან მონასტერში. მორჩილს შრომა სიხარულს ჰგვრის, მას მასწავლებლები უყვარს და ადგილს, რომელზეც იგი დაფუძნდება, აღარ შორდება სიკვდილამდე. მორჩილი არავის შეურაცხყოფს ძმებში და არც უხუცესსა და მოძღვარს განიკითხავს. დასვენება დიდად არ ახარებს და გაჭირვება არ აწუხებს.

მრავალია მორჩილთა მადლი. როგორც მოციქული ამბობს, დიდია ნაყოფი მორჩილებისა და ნეტარია ის, ვინც მას მოიხვეჭს"

/წმ. ეფრემ ასური/

[marine]

"უმჯობესია მოსწავლის მოსწავლე გერქვას, ვიდრე საკუთარი ნებით ცხოვრობდე და საკუთარი ნების უსარგებლო ნაყოფს იმკიდე"

/წმ. სიმეონ ახალი ღვთისმეტყველი/

[marine]

"ურჩების ნაყოფი სიკუდილი არს"

[marine]

"როდესაც ჩვენი საქმე არ იწყება ლოცვა-კურთხევით, ეკლესიის მცნებებით და ღმერთი განყენებული გვყავს ჩვენი საქმიანობიდან და ცხოვრებიდან, ე.ი. თვითნება ხალხი ვართ"

[marine]

"მორჩილება სიბრძნისა და სიმდიდრის უარყოფაა. იოანე დამასკელის მაგალითი გავიხსენოთ: როდესაც იგი მორჩილად მივიდა მონასტერში, მაშინ ერთ=ერთი უდიდესი ღვთისმეტყველი იყო, საეკლესიო გალობის მწერალი და, ამავე დროს, სახელმწიფო დიდმოხელე, - ვეზირი, მაგრამ მან მთლიანად მოაკვდინა თავისი ამსოფლიური სიბრძნისა და დიდების გამოვლენის შესაძლებლობა და მორჩილებით ემსახურებოდა უფალს. სწორედ ესაა ჭეშმარიტი მორჩილება"

[marine]

"თუკი მოძღვარი ჩვენს სათხოვარზე გვაძლევს თანხმობას და არ გვიკრძალავს, ეს ჩვენგან მორჩილების გამოვლინება კი არ არის მოძღვრის ნაბრძანებზე, არამედ ჩვენივე სურვილების ასრულება. მორჩილებას მაშინ ავლენს მოღვაწე, როდესაც მოძღვარი ავალებს და მოძღვრის ნათქვამს უსიტყვოდ ასრულებს"

[marine]

"წმინდა მამას [ღირსი იოანე სინელი] თავმდაბლობისა და მორჩილების მაგალითად ვერცხლისწყალი მოჰყავს, - როგორც ვერცხლისწყალი არ ირევს არანაირ სიბინძურეს, ნებისმიერ სითხესთან შერევის შემთხვევაში ქვემოდან ექცევა, ასევე არ უნდა შეურიოს მორჩილმა არავითარი უკეთურება თავის ქმედებაში, იყოს თავმდაბალი და მორჩილი"

[marine]

"შესაძლოა, მოძღვრის მიერ დავალებული საქმე ადამიანს მიწიერად და უსარგებლოდ მოეჩვენოს, მაგრამ თუ მოძღვრის ნებას, მოძღვრის დავალებას მორჩილებით ასრულებს, ეს უკვე სარგებლის მომტანია მისი სულისათვის"

[marine]

"ადამიანი ყველა სათნოებას რომ ასრულებდეს, მაგრამ არა მორჩილებით და თავმდაბლობით, არამედ ურჩობით, ვერანაირ სულიერ სარგებელს ვერ მიიღებს. მორჩილებით ქმნილი მცირედი სულიერი ღვაწლიც კი გაცილებით მეტი სულიერი სარგებლის მომტანია"

[marine]

"ჭეშმარიტად მორჩილ ადამიანს სიკვდილის შიშიც უქრება, რადგან უფალს არის მინდობილი და იცის, რომ ყველაფერი, რაც კი მის ცხოვრებაში ხდება, ღვთისგან მხოლოდ და მხოლოდ მისი სულის სასიკეთოდ ხდება"