ქორწინება საეკლესიო სამართალში, ტრადიცია, კანონიკა და ნორმა. პარამეტრები

[თამარი tamari]

გამარჯობა ყველას. გადავიკითხე თემა ზერელედ, არ მცალია, რომ ჩავუჯდე. გთხოვთ კონკრრეტულად გამეცით პასუხი კითხვაზე, რომელიც დიდი ხანია მაწუხებს _ შეიძლება თუ არა პატრიარქის ნათლულებს შორის ქორწინება? თუ შეიძლება, გთხოვთ რომ დამისაბუთოთ. ამ თემაზე ხალხში უკვე დიდი წინააღმდეგობებია

KAIROS

2. მირონისმიერი ნათესაობა ნიშნავს, რომ ერთმანეთს უნათესავდებიან და შესაბამისად ქორწინება არ შეიძლება:I. ნათლია და ნათლული,II. ნათლია და მეორე ნათლიაIII. ნათლიის სხვადასხვა ნათლულები.

თუ ეს ასეა, ესე იგი არ შეიძლება? ძალიან დავიბენი

[k@the]

თამარი tamari

მოძღვრის პსუხი
http://church.ge/index.php?showtopic=4674&...35&#entry358135

[თამარი tamari]

სიმართლე გითხრათ, ვერ დამაკმაყოფილა პასუხმა. რას ნიშნავს სიმბოლური აქტი? ნათლობის ლოცვის დროს არ მოიხსენებენ პატრიარქს როგორც ნათლიას? და მხოლოდ ნათლობის მოწმობაში ხდება სიმბოლურად მისი სახელის ჩაწერა? ეს ძალიან მტკივნეული თემაა და 10-15 წელიწადში უფრო მტკივნეული გახდება, თუ ნათლად არ განგვიმარტეს ყოველივე

[k@the]

თამარი tamari

პასუხში წერია, 10-15 წელი საკმაო დროა იმისითვის, რომ საქართველოს ეკლესიამ გამოიტანოს განჩინება, სადაც პატრიარქის ნათლულებს იკონომიის სახით მიეცემათ უფლება ქორწინების. ასე, რომ ამ ეტაპზე ასეთი განგაში მგონი არაა საჭირო.

[თამარი tamari]

მე მომიტევეთ უცოდინრობა, ვერ ვერკვევი ღრმად _ საქართველოს ეკლესიის მიერ გამოცემულმა განჩინებამ შეიძება შეცვალოს საეკლესიო კანონები?

[კანონისტი]

თამარი tamari

მე მომიტევეთ უცოდინრობა, ვერ ვერკვევი ღრმად _ საქართველოს ეკლესიის მიერ გამოცემულმა განჩინებამ შეიძება შეცვალოს საეკლესიო კანონები?

VI მსოფლიო კრების 53-ე კანონი ადგენს სულიერ ნათესაობას და განსაზღვრავს, რომ ადამიანისათვის ნათლული და ნათლულის მშობელი ახლო ნათესავია და მასზე ქორწინება არ შეიძლება. რაც შეეხება სხვა საფეხურის ნათესაობას, ამ კანონის კომენტირებისას ეპ. ნიკოდიმოსი (მილაში) აღნიშნავს, რომ ეს საკითხი ადგილობრივი ავტოკეფალური ეკლესიის საეკლესიო კრების პრეროგატივაა.

[Otherguy]

რატომ ხდება საქართველოში ჯვრისწერა მემრუშეების, ანუ იმათი, ვინც "მრუშობის ცოდვის გარეშე" გაეყარნენ მეუღლეს? ნუთუ ეს არაა უფლის კანონების დარღვევა? წმ. თეოდორე სტუდიელი 1 ამგვარი შემთხვევის გამო განუდგა საპატრიარქოს, დღეს კი ხშირად ხდება მეორედ და მესამედ ქორწინება მაშინ როცა გაყრა არ მომხდარა მრუშობის ცოდვის გამო...

ამასთანავე, რატომ ხდება რომ მოტაცებულ ქალს ჯვარს წერენ მომტაცებელზე, როცა როგორი თანახმაც არ უნდა იყოს ქალი(თუნდაც სექსი მოეწონა გაუპატიურებისას) ქალკედონის კრებამ დაადგინა რომ: "ქალის მომტაცებელი შეჩვენებულ იყვეს!"-ო?

[A.V.M]

...

[dzvelmartlmadidebeli]

A.V.M

პატროარქმა ეს აქცია დაიწყო იმისთვის,რომ ერი გამრავლებულიყო

შეიძლება თუ არა ერის გამრავლების კამპანია დავიწყოთ საეკლესიო გადმოცემებისა და კანონების დარღვევის ხარჯზე? თუკი, როგორც წმ. მამები ამბობენ, დიდი რჯულისკანონი გვასწავლის რა უნდა მივიღოთ და რას შევაქციოთ ზურგი; თუკი ის არის ჩვენი ორიენტირი საეკლესიო ცხოვრებაში, - გვაქვს კი უფლება მის საწინააღმდეგოდ, საკუთარი შეხედულებებით ვაწესრიგოთ ერის ცხოვრბა? მაშ დიდი რჯულისკანონი რა საჭიროა? დაწეროს თქვენმა პატრიარქმა ახალი საეკლესიო კანონები, ძველი გამოაცხადოს უქმად, შემდეგ, პატრიარქის დაწერილი კანონები მიიღოს თქვენმა ეკლესიამ სახელმძღვანელოდ და გვეცოდინება, რომ შვიდი მსოფლიო კრებების დადგენილებათა მიხედვით არ გინდათ ცხოვრება. თუ ასე არ აკეთებთ და აღიარებთ, რომ თქვენთვისაც საეკლესიო ცხოვრების ორიენტირი მამათა სწავლებები და კანონებია, მაშინ იქნებ თავი დაანებოთ თვითნებურ ინტერპრეტაციებს? ან აკურთხებს კი ღმერთი ამგვარ ნათლობებს, ნათესაობას და მირონით დამოყვრებულ მოძმეებს შორის ქორწინებას? არ იქნება ეს საანათემო საქმე?

პატრიარქის ნათლულებს,რომ ქორწინება არ შეეძლოთ გამოდის რა,რომ დღეს მგონი 5000-მდე ნათლულია და ეს რიცხვი ყოველდღე იზრდება.მაშინ გამოდის ისე,რომ ამ აქციის მიზანი ერის გამრავლება კი არა შემცირება ყოფილა.

პატრიარქის ქმედების ლოგიკა საკუთარი შეხედულებით კი არა, წმიდა მამათა სწავლებით უნდა შევაფასოთ ბ-ნო A.V.M. წმიდა მამათა სწავლებით კი ერთი სულიერი მშობლის მიერ მონათლულები ნათლისღებით დანათესავებულები არიან (ნათელ-მირონობას რომ უწოდებენ ჩვენში) და მათი დაქორწინება არ შეიძლება (ასე ამბობს წმ. სიმეონ თესალონიკელი. საწყენად ნუ მიმიღებთ და წმ. სიმეონი უფრო დიდი ავტორიტეტია, ვიდრე პატრ. ილია II).

[A.V.M]

,,

[dzvelmartlmadidebeli]

A.V.M

"ავს,რომ ავი არ ვუწოდო,კარგს სახელად რა დავარქო!"

დავიწყებ იქიდან ბატონო ძველმართლმადიდებელო,რომ რაც თქვენ გაქვთ წაკითხული და ნასწავლი,იმაზე ბევრჯერ მეტი აქვს წაკითხული,ნასწავლი,და გააზრებული უწმინდესს და თქვენზე მეტად იცის რა არის სწორი და რა არა,

კარგით რა, ბ-ნო A.V.M, რა არგუმენტია ეს? ამ მომენტში, მაინცა და მაინც თქვენს პატრიარქზე ნუ მიიღებთ ამას,, მაგრამ განა უცნობია, რომ მრავალი მწვალებელი ასევე ძალზედ განათლებული და უმაღლესი სასულიერო ხარისხების მფლობელი იყო? შეიძლება კი ასეთი "არგუმენტით" უარვყოთ აშკარა ფაქტი? ღმერთმა დაიფაროს და კაცი რომ მოკლას პატრიარქმა ან მიტროპოლიტმა ან იმრუშოს, ან კიდევ სხვა რომელიმე ცოდვა ჩაიდინოს, რომელიც მკაცრად დასჯადია, როგორც საეკლესიო სამართლის, ასევე სისხლის სამართლის კოდექსის მიხედვით, ის უნდა ვთქვათ, რომ "რაც თქვენ გაქვთ წაკითხული და ნასწავლი,იმაზე ბევრჯერ მეტი აქვს წაკითხული,ნასწავლი,და გააზრებული უწმინდესს და თქვენზე მეტად იცის რა არის სწორი და რა არა"?

კვლავ, თქვენს პატრიარქზე არ ვამბობ და, სატანა როგორი ანგელოზი იყო? მას იმაზე უფრო მეტი ცოდნა აქვს, ვიდრე თქვენ, მე და მთელს კაცობრიობას ერთად აღებული და რა? - მისმა მომხრეებმა ის უნდა გვითხრან, რომ "თქვენზე მეტი იცის, ღმერთიც კი უნახავს, ულაპარაკნია მასთან, და უკეთესად აქვს გააზრებული რა არის სწორი და რა არა?"

ასე ნებისმიერი მწვალებლობის და ბოროტების გამართლებაა შესაძლებელი... განა მოციქულმა ანათემას არ გადასცა თვით ანგელოზები და მოციქულებიც კი, ვინც იმას არ იქადაგებს რაც ერთხელ უკვე იქადაგეს ქრისტეს მოწაფეებმა? განა ამით არ მოგვეცა კრიტერიუმი რა მივიღოთ და რა არა, ვისგანაც უნდა მომდინარეობდეს იგი?

უფლის ანგელოზის უარყოფა და მეტიც, ანათემირება თუ შეგვიძლია, თუკი ის გადასცდება საღმრთო სჯულს და ჭეშმარიტებას, - პატრიარქი, ანგელოზზე მეტია?

მოკლედ, ბევრს არ გავაგრძელებ. მოდი, ასეთი "არგუმენტები" მომავალში არ დამიმოწმოთ.

[dzvelmartlmadidebeli]

ჩვენი ნავი მიდის და ორიენტირი ჭეშმარიტი, მართლმადიდებლური სარწმუნოებაა, ჩვენი ნავის მესაჭე მრავალმხრივ გამოცდილი,მრავლისმნახველი, ბრძენი და ღმრთის მადლით გაბრწყინებული უწმინდესი და უნეტარესი პატრიარქია. იგი მართავს ნავს, ხოლო ჩვენ, მეზღვაურები კი ვასრულებთ მის ბრძანებებს.

ასეთი რამ მე ქრისტეზე გამიგია. მაგალითად, წმ. სიმეონ თესალონიკელის (XV ს.) წიგნში (ძველსლავურ გამოცემაში თუ არ ვცდები) მოცემულია სულიერი ხომალდ-ეკლესიის ნახატი, რომელზეც მრავალი მგზავრია (ე. ი. ქრისტეანები - მთარგმნ.). ხომალდის მესაჭეა თვით ქრისტე. ხომალდის ქვემოთ ვხედავთ ადამიანებს (ე. ი. მწვალებლებს - მთარგმნ.), რომელთაც ხელთ უპყრიათ სხვადასხვა სახის იარაღი და ხომალდს უტევენ. ნახატის ზემოთ წარწერაა: "ხომალდი განასახიერებს მწვალებელთაგან დევნილ და შევიწროებულ ეკლესიას. მიწაზე კი მმართველნი მეფენი და თავადნი შეკრებილან" (რომლებიც, როგორც ითქვე მწვალებლებს განასახიერებენ. იხ. ქვემოთ ნახატი 1).


იგივე სურათს ვხედავთ ბერძნულ "დიდ რჯულისკანონში" (იხ. ნახატი 2), რომელსაც ბერძნულად "პიდალიონი" ეწოდება (და ნიშნავს "მესაჭეს" - მთარგმნ.). ამ წიგნს თან ახლავს ხომალდის გამოსახულება მრავალი მგზავრითურთ, რომელსაც მართავს თვით ქრისტე. ეს ხომალდი, გვაუწყებენ "პიდალიონის" გამომცემელნი, გამოხატავს ქრისტეს საყოველთაო (კათოლიკე) ეკლესიას: ეკლესია-ხომალდის ფუძეა მართლმადიდებლური რწმენა ყოვლადწმიდა სამებისადმი, ძელები და დაფები სარწმუნოების დოგმატები და გადმოცემებია, ანძა ჯვარზე მიანიშნებს, აფრები - სიყვარულზე; მესაჭე - ქრისტეა, ნიჩბოსნები და მეზღვაურები მოციქულები, ასევე, მათი მემკვიდრეები და კლერიკოსები. მგზავრები კი მართლმადიდებელი ქრისტეანები არიან; ზღვა - წუთისოფელია, ზურგის ქარი კი - სულიწმიდის მადლისმიერი მონაბერი; ქარიშხალი საცთურთა სახეა; გემბანი და კიჩო, რომლითაც იმართება და ზეციური ნავთსაყუდელისკენ მიემართება ხომალდი თქვენს წინ მდებარე საღმრთო განწესებათა წიგნი გახლავთ" (Н. Никольский. Греческая Кормчая книга "Пидалион", стр. 5).

(ნახ.1. ეკლესია-ხომალდი)


(ნახ. 2. ეკლესია-ხომალდი)

ეკლესიის ამგვარი (სიმბოლური) აღწერიდან ცხადად ჩანს, როგორი ადგილი უჭირავს ღვთის მცნებებს, სწავლებებს, მოციქულთა და წმიდა საეკლესიო დოგმატებსა და გადმოცემებს და როგორ ადგილს იკავებენ მორწმუნე მართლმადიდებელნი ამ სულიერი ხომალდის გემბანზე.

მართლმადიდებლური სარწმუნოება და საეკლესიო გადმოცმები ამ ხომალდის ძირითად ნაწილს, მის საფუძველს შეადგენს, ხოლო მორწმუნეები ან მეზღვაურნი უბრალო მგზავრები არიან. აქედან, გასაგები ხდება, რომ... თუ მართლმადიდებლური სარწმუნოება და წმიდა საეკლესიო გადმოცემები დაუზიანებელი, უცვლელი, მრთელი და შეურყვნელია... ამ წუთისოფელში თავის უსაფრთხო მსვლელობას მაინც გააგრძელებს და თქავის მიზანს უცილობლივ მიაღწევს. თავის მგზავრებს საბოლოო, სამარადისო ნავთსაყუდელამდე მიიყვანს და ყოვლისშემძლე მესაჭის, ქრისტეს მიერ ძღვანებული, მარადიულ ნეტარებას დაუმკვიდრებს.

მაგრამ, თუ ხომალდი დაზიანებულია, ძირი და გვერდები გახვრეტილია, ძელები და დაფები დამტვრეულია, მაშინ, უამრავი მგზავრი, მეზღვაური და მაღალჩინოსანიც რომ იყოს მასზე, ჩაძირვას ვერ აცდება.

ასეა ეკლესიაც: თუ მისი მართლმადიდებლური სარწმუნოება დაზიანებულია, საკლესიო დოგმატები და გადმოცემები დამახინჯებულია, სახარებისეული და წმიდა მამებისეული სწავლება შერყვნილია, უამრავი მგზავრი, მეზღვაური და მენიჩბოსნეც (ეპისკოპოსები და კლერიკოსები) რომ ჰყავდეს, ყველა თავის მგზავრითურთ და მეზღვაურებითურთ უცილობლივ ჯოჯოხეთის სიღრმეებში დაყვინთავს.

აი, ეს შედარებები, ეს სინონიმები ეკლესიამ ქრისტეს მიუსადაგა, თქვენ კი ბ-ნო A.V.M ქრისტეს ადგილას პატრიარქი დასვით (ეს პაპიზმის ზეგავლენა ხომ არ არის?).

ასე, რომ იმას კი ნუ იტყვი შენს ნავში პატრიარქი რომ იმყოფება, ის თქვი, შენს ნავს ძირი, გვერდები, კიჩო, აფრები და ა. შ. დაზიანებული ხომ არა აქვს, თორემ ამგვარი "ნავი" თავის "პატრიარქიანად" ოკეანის უფსკრულში დაინთქმება. ამგვარ ნავს, მასზე პატრიარქის ყოფნა ვერაფერს უშველის.

ამრიგად, ჩვენთვის ნავი (თქვენგან განსხვავებით) ეკლესიაა, - მესაჭე ქრისტეა, მისი ფუძე მართლმადიდებლური სარწმუნოებაა, ძელები და დაფები სარწმუნოების დოგმატები და გადმოცემებია, ანძა ჯვარზე მიანიშნებს, აფრები - სიყვარულზე; მესაჭე - ქრისტეა, ნიჩბოსნები და მეზღვაურები კი მოციქულები, ასევე, მათი მემკვიდრეები და კლერიკოსები. მგზავრები კი მართლმადიდებელი ქრისტეანები არიან; ზღვა - წუთისოფელია, ზურგის ქარი კი - სულიწმიდის მადლისმიერი მონაბერი; ქარიშხალი საცთურთა სახეა; გემბანი და კიჩო, რომლითაც იმართება და ზეციური ნავთსაყუდელისკენ მიემართება ხომალდი თქვენს წინ მდებარე საღმრთო განწესებათა წიგნი გახლავთ" (Н. Никольский. Греческая Кормчая книга "Пидалион", стр. 5).

აი, ის კრიტერიუმები რომლითაც შევიტყობთ ჩვენ ჭეშმარიტ ეკლესიაში ვიმყოფებით თუ არა. ამიტომაც, როგორც წმ. მოციქული პავლე ამბობს, პატრიარქი კი არა, თვით ზეციური ანგელოზიც რომ იყოს და იმის საწინააღმდეგო იქადაგოს, რაც ეკლესიის სამოციქულო სწავლების საწინააღმდეგოა, წყეული და ანათემირებულია.

ეს მორჩილება,რომ არ არსებობდეს ნავი დაიღუპება.

ვისდამი მორჩილება? ჩვენ ქრისტეს და მის სჯულს (მსოფლიო და ადგილობრივ საეკლესიო კრებათა განწესებებს), წმიდა მამათა ავტორიტეტს ვემორჩილებით და არა ვინმე პიროვნებას, თუნდაც პატრიარქს, რომლის უარყოფა კი არა შეჩვენებაც კი ყოფილა შესაძლებელი თუ რამეში დაუპირისპირდება საეკლესიო გადმოცემას. ხოლო პატრიარქისადმი ის მორჩილება, რომელზეც თქვენ ლაპარაკობთ, ისევ და ისევ, პაპიზმის ზეგავლენა მგონია. ასე ასწავლიან თქვენი მოძღვრები და დიდ საშინელებად მიაჩნიათ მადთამი პოლემიკა მაშინაც კი, როდესაც აშკარა უსამართლობას და უკანონობას სჩადიან. ხოლო თუ თქვენ მაინც თქვენსას დაიჩემებთ და მეტყვით, რომ მორჩილების თქვენეული გაგებაა სწორი, მაშინ წმ. მოციქულ პავლეს საკმაოდ მძიმედ შეუცოდავს, არც მოციქულთა კრების და არც ანგელოზთა მორჩილება ჰქონია და არც ღმრთისაც, რადგან მოციქულთა და ანგელოზთა კრება ყოველთვის ღმრთის მორჩილი იყო და მის ნებას ასრულებდა. ასევე შეუცოდავ ორგზისი კრების მამებს, რომლებიც გვასწავლიან პატრიარქისგან და სხვა უმაღლესი სასულიერო პირებისგან განდგომას, როდესაც ისინი აშკარა მწვალებლობას "საჯაროდ ქადაგებს და აშკარად ასწავლის ეკლესიაში" (ორგზ. კრებ. 15-ე კანონი. თბ. საეკლ. კალენდ. გვ. 376).

ხედავთ რას ამბობენ, "განხეთქილება კი არ მოიმოქმედაო", არამედ "ქების ღირსია" და "ეკლესია იხსნაო განხეთქილებისგან". ასე, რომ რამდენადაც საქებარია ამგვარი გამბედაობა და ჭეშმარიტებისა და ეკლესიის დასაცავად პატრიარქთა, მიტროპოლიტთა, და სხვა სასულიერო პირთა მხილება, თუკი ისინი აშკარა უსჯულოებას და უკანონობას სჩადიან, ქადაგებენ მწვალებლობას, ლოცულობენ მწვალებლებთან ერთად და ევქარისტულ ერთობაში არიან მწვალებელთა შემწყნარებლებთან, იმდენად გასაკიცხი და დასაგმობია ამგვარ იერარქებთან ერთობა და მითუმეტეს მათდამი მორჩილება.

როგორ ფიქრობთ, ცდებოდნენ ორგზისი კრების მამები ამ განჩინების გამოტანისას? განხეთქილებისკენ აქეზებდნენ სიმართლის და მართლმადიდებლური სარწმუნოების დამცველ ქრისტეანებს?

წმ. სახარებაში ნათქვამია: "თუკი გაცთუნებს შენი მარჯვენა თვალი, ამოითხარე და გადააგდე, ვინაიდან გიჯობს დაჰკარგო ერთი შენი ასოთაგანი, ვიდრე მთელი შენი სხეული ჩავარდეს გეენას. ხოლო თუ გაცთუნებს შენი მარჯვენა ხელი, მოიკვეთე და გადააგდე, ვინაიდან გიჯობს დაჰკარგო ერთი შენი ასოთაგანი, ვიდრე მთელი შენი სხეული ჩავარდეს გეენას" (მათე 5:29-30).

ვინ არიან ეს "თვალნი", რომლის ამოთხრასაც გვირჩევს მაცხოვარი, თუკი გვაცდუნებს, ან ვინ არიან "ხელნი", რომ უნდა მოვიკვეთოთ და გადავაგდოთ? - მაცდური სასულიერო იერარქები: "თვალში" უმაღლესი სასულიერო დასი იგულისხმება (პატრიარქი, არქიეპისკოპოსი და ა. შ.) "ხელში" კი მღვდელმსახურნი და სხვა უქვემოესნი დასნი. ასე განგვიმარტავს წმ. ათანასე დიდი.

ყოველივე ზემოთთქმული არის ჩემი პასუხი აგრეთვე თქვენს შეკითხვაზე:

ეხლა თქვენ გეკითხებით რა არის მორჩილება?მეთაურს მხოლოდ იმაში დავემორჩილოთ რაც მოგვწონს და არა იმაში რაც სწორად არ მიგვაჩნია?(არ ვიცი თქვენ როგორ ასწავლით და სწავლობთ,მაგრამ ჩვენთვის, მართლმადიდებლობა საკუთარი ნების წინააღმდეგ წასვლა და ზემდგომის უსიტყვო მორჩილებაა,)და თუ მე რაღაც გადაწყვეტილება არ მომწონს,მაგრამ მისი ავტორის მორჩილება მავალია(ამ შემთხვევაში უწმინდესის)საერთოდ არ შევხედავ ჩემს პირად სურვილს და გავაკეთებ ყველაფერს ისე როგორც პატრიარქი მაკურთხებს.

შემდეგ, თქვენ სრულიად სამართლიანად აღნიშნავთ, როცა გვწერთ:

თქვენ კი აბსოლიტურად სხვა ნავში ზიხართ(სადაც გინდა წადით ეს არ მაინტერესებს)და არაა თქვენი საქმე ჩვენი მესაჭე საით წაგვიყვანს.
Yველამ თავის ნავს მოუაროს!!!

ჭეშმარიტად, ჩვენ სხვა ნავში ვზივართ. იმ ნავში, რომლის მესაჭე ქრისტეა, რომლის ძირი მართლმადიდებლური სარწმუნოებაა და რომლის გემბანი და კიჩო - "რომლითაც იმართება და ზეციური ნავთსაყუდელისკენ მიემართება ხომალდი თქვენს წინ მდებარე საღმრთო განწესებათა წიგნი გახლავთ" (Н. Никольский. Греческая Кормчая книга "Пидалион", стр. 5).

აი, ჩვენი ნავი! თქვენი რაღაა? –

ჩვენთვის, მართლმადიდებლობა საკუთარი ნების წინააღმდეგ წასვლა და ზემდგომის უსიტყვო მორჩილებაა,)და თუ მე რაღაც გადაწყვეტილება არ მომწონს,მაგრამ მისი ავტორის მორჩილება მავალია(ამ შემთხვევაში უწმინდესის)საერთოდ არ შევხედავ ჩემს პირად სურვილს და გავაკეთებ ყველაფერს ისე როგორც პატრიარქი მაკურთხებს.

ახლა, უშუალოდ პატრიარქ ილია II-ის "ნათლისღების კამპანიაზე" გადავიდეთ. თქვენ წერთ:

იცით თუ არა რომ უწმინდესის ნათლობისას ყველა ბავშვს საკუთარი ნათლია ყავს,ხოლო პატრიარქი რიტუალის დასრულების შემდეგ ლოცავს ყველას და შემდგომ მსახურებებში იხსენიებს.

ე. ი. (თქვენი სიტყვები თუ სიმართლეს შეეფერება და მგონი ასეც არის, რადგან ამგვარი რამ განაცხადა გიორგი გამრეკელმა (მომიტევეთ ზუსტად არ ვიცი მისი ხარისხი) თქვენი პატრიარქი საქართველოს მოსახლეობას ატყუებს!

დიახ, ატყუებს და ეს ჩანს თქვენი აღიარებიდან: "უწმინდესის ნათლობისას ყველა ბავშვს საკუთარი ნათლია ყავს". არადა, მოსახლეობას ჰგონია, რომ მისი შვილის ნათლია პატრიარქი იქნება (საპატრიარქოც ასე არწმუნებს მოსახლეობას). და რა გამოდის? თურმე პატრიარქი ილია II ამ პატარების ნათლია არც კი ყოფილა. მაშ რაზეა დავა?

ჩვენ (და არა მარტო ჩვენ) ხომ იმაზე ვდავობთ, რომ არ შეიძლება ერთი კაცი 10 000 კაცის ნათლია იყოს (სიტყვა "ნათლია" პატრიარქ ილია II-თან მიმართებაში უნდა გავიგოთ მიმრქმელის აზრით). ამრიგად თუ ამ პატარებს თავიანთი ნათლიები ჰყავთ, ილია მეორე რა ფუნქციას ასრულებს მთელს ამ პროცესში? უბრალოდ დგას და წყლიდან ამოყვანილ ბავშვებს "ლოცავს" (თავზე ხელს ადებს)? და რა რიტუალია ეს? რამე ჩამატებაა ნათლისღების საიდუმლოში?

ან თუ ეს პატარები საკუთარი ნათლიებით მიდიან სამების ტაძარში მოსანათლავად, რატომ ატყუებს თქვენი საპატრიარქო სრულიად საქართველოს მოსახლეობას და არწმუნებს, რომ პატარების ნათლია (მიმრქმელი) ილია II?

გამოდის, რომ თქვენი პატრიარქი და მთელი სინოდი, არღვევენ უფლის მცნებას "არა იცრუო", ხოლო საქართველოს მოსახლეობა, რომელმაც იცის ამის შესახებ თავს იტყუებს და უხარია? ვაი, ჩვენს თავს... ამის მერე კიდევ გვიკვირს, რატომ არ არის ღმრთის წყალობა ჩვენს ქვეყანაზე... და არც იქნება... სანამ ამგვარ უმსგავსობას ექნება ადგილი და ყველა ერთად სიმართლეს და ჭეშმარიტებას სიცრუეზე გაცვლის. ყოველივე ამას კი "მორჩილებას" დაარქმევს.

პატრიარქი რიტუალის დასრულების შემდეგ ლოცავს ყველას და შემდგომ მსახურებებში იხსენიებს.

ეს არ არის "ნათლიობა" და თქვენს პატრიარქს ამისთვის არც არავინ ედავება.

ფაქტია,რომ ამ ინიციატივამდე ერის რიცხვმა ძალზე იკლო,ძალიან იყო გამრავლებული საშინელი ცოდვა-აბორტი,და არც არანაირი იმედი იყო იმისა,რომ ამ მდგომარეობას რამე ეშველებოდა მაგრამ პატრიარქის ამ წამოწყების შემდეგ,ერმა რიცხოვნობაში შესამჩნევად მოიმატა,შემცირდა დედის საშოში შვილთა ხოცვა,და ერზე უფრო მეტი მადლი გადმოვიდა.

ეს "სტატისტიკური" მონაცემები ალბათ საპატრიარქოშივე აიღეთ... ასეც, რომ იყოს, როგორც თქვენ წერთ, საღმრთო სჯულის დარღვევას ვერანაირი პატრიოტული მოსაზრება ვერ გაამართლებს, მეტიც, თქვენ პატრიოტიზმი ლამის მწვალებლობაში გადაგდით...

ერი მრავლდებაო... ვის რაში სჭირდება ერის ასეთი გამრავლება? იმისთვის ხომ არა, უფრო მეტი ქართველი ჩაცვივდეს ცეცხლის გეჰენაში? რას ანიჭებთ უპირატესობას, - ღმრთის სჯულს თუ ქართველი ერის გენეტიკურ გამრავლებას? და რას მოუტანს ეს ჩვენს ერს განკითხვის დღეს? გადაარჩენს? წერია სადმე, მრავალარიცხოვანი ერები გადარჩებიან და მცირერიცხოვნები წარწყმდებიანო? შეიძლება საპატრიარქო ამსოფლიურ ინტერესებზე ზრუნავდეს და თანაც ისე, რომ ქრისტეს სჯულს არღვევდეს?

წმ. იოანე ოქროპირი ამბობს, კარგად: "რას მაძლევს მე ერის სიმრავლე? ერთი ჯანსაღი ცხვარი არ ჯობია ათას ქეციანს? ან ერთი საღი მონეტა არ ჯობია ათას ყალბს?" - ჭეშმარიტად, ჯობია! თუ თქვენ ათასობით ქეციანი ცხვარი გირჩევნიათ ერთი ჯანსაღს?

როცა თქვენი პატრიარქი, სამღვდელოება და მთელი ერი ამას შეიგნებს, მაშინ ერის გამრავლებაზე მეტად, სულის სიჯანსაღეზე იფიქრებენ და მაშინ, ღმრთის წყალობით ერიც გამრავლდება, ღვთის შიშიც მოიმატებს და სჯულისადმი მორჩილებით ერი ცხოვნების გზას შეუდგება. ახლა კი (ჩვენდა სამწუხაროდ) გზა ხსნილი გაქვთ ჯოჯოხეთისკენ...

ეს ყველაფერი კი ღირს სხვათა გულის სახეთქად.

ძალიან გთხოვთ,დაფიქრდეთ და შემდეგ წამოაყენოთ ბრალდებები,და კიდევ ერთხელ გიმეორებთ,პატრიარქმა თქვენზე 1000-ჯერ მეტი იცის ბიბლიაზეც,რჯულისკანონზეც,

ამაზე უკვე ვრცლად გიპასუხეთ.

თქვენზე მეტი მადლიცააქვს, თქვენზე მეტად იცის როგორ უნდა ატაროს ერი გადასარჩენად(მერე რა თუ ეს გზა დაკლაკნილია,ეკლიანია?და ქვემძრომები ხელს უშლიან?)

საიდან იცით ვის მეტი აქვს მადლი და ვის ნაკლები... საიდან იცით თქვენ რა მადლი აქვს ჩვენს ეკლესიას? თქვენ რომ თქვენისა გჯერათ გასაგებია, მაგრამ ეს საკმარისი არ არის მადლისმიერი უპირატესობის წარმოსაჩენად... ისე, არ მიწყინოთ, მაგრამ მინდა გკითხოთ, რა მადლი აქვს თქვენს პატრიარქს? მისი პატრიარქობის პერიოდში დაიქცა ჩვენი ქვეყანა, ჯერ ეკუმენიზმის გზებზე ატარა (არც ახლა ამბობს უარს), შემდეგ ათასგვარი არასულიერი და ამსოფლიური იდეები შესთავაზა, ადვილად უშვებს ეკლესიაში მსახიობებს, მომღერლებს, თვით სხვა სარწმუნოების წარმომადგენელთაც კი (თუ არ ვცდები ადრე ზიარებასაც აძლევდა)...

საინფორმაციო საშუალებებით ვიტყობთ, რომ იერუსალიმის პატრიარქმა რუმინეთის საპატრიარქოსთან ევქარისტული ერთობა გაწყვიტა მხოლოდ იმიტომ, რომ ამ უკანასკნელმა იერუსალიმში ტაძარი ააშენა... რუსები კი ლამის ყველაფერს გვართმევენ, იჭრებიან თქვენი ეკლესიის იურსდიქციაში, თანაც აშკარად და უბოდიშოდ, თქვენი პატრიარქი კი ხმასაც არ იღებს ამ უმსგავსობის წინააღმდეგ (ვიცი, ამას ახლა მის "ბრძნულ" პოლიტიკას მიაწერთ).

რა წყალობა ეტყობა ჩვენს ხალხს? მთავრობა რასაც უნდა იმას აკეთებს, - საპატრიარქო კი დუმს. არ დადუმდება, მილიონებით, ჯიპებით და ყოველგვარი უპირატესობებით ნამწყალობევი საპატრიარქო? ეს არის ერის აღორძინება?



ბ-ნო A.V.M, როგორც ჩანს, თქვენ ან ძალიან მაღლა, მწვერვალზე იმყოფებით, საიდანაც ქვემოთ მყოფთა ცხოვრება არ ჩანს და თვალს მხოლოდ ლამაზი ჰორიზონტი ახარებს, ან ძალიან დაბლა, ბნელში, საიდანაც ერის უბადრუკი ცხოვრების დეტალები არ გსმენიათ. იქნება ან ზემოთ ამოხვიდეთ ან ქვემოთ ჩამოიაროთ, გაივაკოთ და უშუალოდ შეხედოთ რა სჭირს დღეს ჩვენს ქვეყანას? და ამას 10 000 ათასი პატარის ნათლიობით უნდა უშველოს თქვენმა საპატრიარქომ?

მალე სომხები ასობით ეკლესიას წაგვართმევენ... შესაძლოა მათ მიერ დასახლებული ტერიტორიებიც წაიღონ... პრეზიდენტი და პარლამენტი მათ მხარეზეა... ეს არის ღმრთის წყალობა?

ეს ღმრთის რისხვაა!

და ჩვენს ერს ეს ეკუთვნის! ეკუთვნის მისი დაუდევრობისთვის, უსჯულოების მორჩილებისთვის, უგუნურებისთვის, დარდიმანდობისთვის (ყანწი და დროსტარება რომ ურჩევნია საეკლესიო კანონების დაცვას)...

რაც უფრო მეტად დამძიმდება მისი მდგომარეობა, მით უფრო მეტად მიუახლოვდება გამოღვიძებას, რომელიც ძალიან მწარე იქნება... მიმოიხედავს და აღმოაჩნს, რომ თურმე მარტო რუსთაველის პროსპექტიღა დარჩენია...

მერე რა თუ ეს გზა დაკლაკნილია,ეკლიანია?და ქვემძრომები ხელს უშლიან?

"ქვემძრომები" ალბათ ჩვენ გგონივართ... ან რაში უშლიან ხელს? "ერის გამრავლებაში"? თუ საპატრიარქოს ხელთ არსებული პრივილეგიების შენარჩუნებაში? იქნებ სამღვდლო კასტის კეთილდღეობისა და უპირატესობების შენარჩუნებაში? არ ვიცი, სხვა რაში უნდა შეუშალონ ხელი თქვენს პატრიარქს და საპატრიარქოს...

ღვთის ბრძანება ჩვენთან სწორედ მისი პირით მოდის.

ელემენტარული ფანატიზმი... აღმოსავლური "პაპიზმი"...

და კიდევ,როდესაც თქვენ დაინახავთ,რომ პატრიარქის(ან ნებისმიერი სასულიერო პირის)ნათლული,როგორ დაქორწინდა პატროარქის პირად,მეორე ნათლულზე ამის შემდეგ გვესაუბრეთ ამ თემაზე.

ამას სულ მინიმუმ 15-20 წელი დასჭირდება (პატარების ასაკიდან გამომდინარე), ცოცხლები თუ დავრჩით მანამდე, დიდი სიამოვნებით... თუმცა, რად უნდა ლოდინი ამ უსჯულოების აღსრულებას? მისი აღსრულების "კანონიერი" ბაზა უკვე არსებობს - პატრიარქის იდეა! ოღონდ თქვენს საპატრიარქოში ამ "ბაზის" კანონიკურობა არავის ადარდებს, ხოლო ვისაც ადარდებს "ქვემძრომი" და "ქვეწარმავალია"...

ეხლა დაიწყება:თქვენ არ უყურებთ რეალობას,ეწინააღმდეგებით წმ.მამათა სწავლებას,ჯოჯოხეთში მოხვდებით და.ა.შ.
ისე ძალიან მაინტერესებს ხალხს კარგი ვითარებისა ასე ძლიერ რად შურს?

რაში გამოიხატება კარგი ვითარება? აფხაზეთისა და ოსეთის დაკარგვაში (თქვენი "მადლმოსილი" პატრიარქის "მადლმოსილი" მმართველობის დროს რომ დაიკარგა), საქართველოს მოსახლეობის განახევრებაში? თუ მის უკიდურეს სიდუხჭირეში? იქნებ ეს ვითარება, რომელიც თურმე შესაშური ყოფილა, ერის სიღატაკესა და ეპისკოპოსების სიმდიდრეში გამოიხატება? ან იქნებ იმაში, მსფოლიოში სახელგანთქმული კახპები რომ გსტუმრობენ და დაუსაჩუქრებლად არ უშვებთ საპატრიარქოდან? უშვებთ ეკლესიაში, ასწრებთ ღვთისმსახურებას... სამების ტაძრის გახსნის დროს, როდესაც პრეზიდენტმა სააკაშვილმა იქ მიტინგი მოაწყო (ქადაგებას ახლა ვერ დავარქმევ მის გამოსვლას, დიდი ბოდიში), ამბიონზე, ეპისკოპოსებთან ერთად ერთი ამერიკელი პოლიტიკოსიც აიყვანა (ცხადია, არამართლმადიდებელი), რომელმაც ასევე "იქადაგა" თქვენი ამბიონიდან, შემდეგ კი, ჰოი გაუგონარო მკრეხელობავ, ამბიონზე დედაკაცი (ნინო ბურჯანაძე) ავიდა... ამბიონზე ასული ამ ერისკაცების უკან მთელი თქვენი "წმინდა" სინოდი და პატრიარქი იდგა... ეს არის საამაყო? თქვენ გგონიათ რომ ეს "შესაშურია"?

ვაი, ჩვენს თავს... ღმერთო, გვიშველე!

მაგრამ ეგ არაფერი,როგორც წინაპრები გვასწავლიან
"ვირისგან,წიხლი რა საწყენია?"

თქვნ, ბ-ნო A.V.M. ჩვენს შორის არსებული შეთანხმება დაარღვიეთ, - გახსოვთ ალბათ, რომ შევთანხმდით ირონიის და შეურაცხყოფის გარეშე გვესაუბრა, - მაგრამ, არ ვიწყენ. ჩემი სისხლი და ხორცი ქართველი ხართ (იმედია), ბევრი რამ არ გესმით... ადრე, მეც თქვენსავით ვიყავი და როცა ძველმორწმუნეებისგან მხილებებს ვისმენდი, ზუსტად ისე ვფიქრობდი, როგორც თქვენ... სანამ დიდი სჯულისკანონი არ ავიღე ხელში, სანამ საქმის არსში არ გავერკვიე... აი, მაშინ ვინანე... და იცით რა გამიხარდა, რომ მათთვის აშკარად და პირდაპირ შეურაცხყოფა არასოდეს მიმიყენებია, და ეს იმიტომ გამიხარდა, რომ არ შემრცხვენოდა მათთან მისვლა... თუმცა, ისეთი კეთილები აღმოჩნდნენ, რომ ასეც რომ ყოფილიყო, ჩემი მისვლა ალბათ კიდევ უფრო გაუხარდებოდათ... (ხომ, იცით ანდაზა, "როგორც ქუხს, ისე არ წვიმსო"). ძველმოწესეთა "ქუხილის" უკან დიდი სიყვარული დგას (გინდ დაიჯერეთ, გინდ არა); დგას უდიდესი გულისტკივილი, ერის სიყვარული, რომელსაც ასე მწარედ ატყუებენ...

[Oldorthodox]

A.V.M
აბორტს თუ ებრძვის თქვენი პატრიარქი ამ ნათლობებით ასე ნელა თან მართლა ტყუილად ხარჯავს დროს ეგ იუსტიციის სამინისტროს საქმეა, ადგეს ილია II და შესთავაზოს მთავრობას რომ ვინც აბორტს გააკეთებს დაისჯება, შემოიღონ მკაცრი კანონი და დაიჭირონ რამოდენიმე ადამიანი, მერე ნახე ვინღა გააკეთებს შიშით. აი ასე ხდება აბორტთან ბრძოლა და არა ხალხის ერთმანეთთან დანათესავებით, გარკვევით იძახიან რომ ილია II ნათლიად უდგება ყველა ბავშვს...

ესეც ერთ ერთი ფაქტი

ვახტანგ მეფემ კონსტანტინოპოლის პატრიარქს გაუგზავნა განსასჯელად მიქაელ ეპისკოპოსი, რომელმაც, განრისხებულმა, ფეხით კბილები ჩაუმტვრია მასთან კურთხევისათვის მისულ მეფეს. კონსტანტინოპოლის პატრიარქმა პატივი აჰყარა მრისხანე მღვდელმთავარს და მონასტერში გაამწესა გონზე მოსასვლელად და მოსანანიებლად.

ეკლესიის კანონები რომ მოქმედებდეს ასე მოუწევდა თქვენს სამღვდელოებას... მითუმეტეს ვიცი რამოდენიმე თქვენი მღვდელმა ხელჩართულ ბრძოლაში არავის დააკლო ხელის დარტყმა ყველა დუმს ასეთ ფაქტებზე. რისი ეშინიათ? ღვთის რისხვის არა აშკარად.....

[Oldorthodox]

dzvelmartlmadidebeli
ჩემი და ნათლავდა ბავშვს სამებაში, უცებ მღვდელს მობილურმა დაურეკა, შეწყვიტა ლოცვები და ვიღაცას ნახევარი საათი ელაპარაკებოდა ტელეფონზე, ასეთი საკათედრო ტაძარი ღვთის სახლი იქნება?
ძველმართლმადიდებელი ვარ და არ დავდივარ საპატრიარქოს ეკლესიებში, იშვიათად თუ მიწევს ქორწილებში და ექსკურსიებზე... იმდენ დარღვევას ვხედავ რომ რა ვიცი, მოკლე კაბებით, შარვლებით შედიან უცხოელები ტაძრებში... რამდენი სატანისტი, პროტესტანტი შედის, მათთვის ეს მხოლოდ ისტორიული ნაგებობაა და მეტი არაფერი.
სანამ საპატრიარქოს ეკლესიაში ვიყავი ასეთ რაღაცებს ყურადღEბას არ ვაქცევდი, პატარა კი ვიყავი მაგრამ დიდიც რომ ვყოფილიყავი არ მივაქევდი ალბათ. იმდენად დაამახინჯეს ქადაგეგები. როგორც თავად თქვეს თუ მღვდელი სცოდავს ეს მისი საქმეაო და არა შენიო, შენ ილოცე გულითო.
ტელევიზორში ადრე ვუყურე, მღვდელი ეუბნებოდა პოლიციელს, დავით აქუბარდიას ოფისთან, " ეს შუშა რომ ჩავამტრვიო გამსროკავენო?" :|

[dzvelmartlmadidebeli]

Oldorthodox
მოკლედ, სადაც კი ნახავ ჩემს პოსტებს აუცილებლად უნდა "გადამიჯოკრო"?!

ამ პოსტს გწერ ყველას გასაგონად (შემეძლო PM-ში მომეწერა), როდესაც ნახავ ჩემს პოსტებს და ხედავ რომ აყოვნებენ პასუხის გაცემას, ეს ნიშნავს, რომ ემზადებიან, ერთ დროს დადებენ პასუხს; ან კიდევ ვერაფერს ამბობენ და ჩუმდებიან; ან მიიჩნევენ, რომ "ჩვენთან დავა არ ღირს", ჩვენ ხომ "ვერაფერს შეგვაგნებინებს კაცი". ასეთ დროს მოდიხარ შენ და დებ ისეთ პოსტებს, სადაც ძალიან ბევრი ხელმოსაჭიდი მასალაა მათთვის კრიტიკის თვალსაზრისით.

ანუ, იმის თქმა მინდა, რომ ახლა, A.V.M ადგება და მე კი არ გამცემს პასუხს, არამედ შენ, ჩემი პოლემიკა კი ჩაიკარგება.

ასე, რომ ნებით თუ უნებლიეთ მათ უწყობ ხელს... ხომ გთხოვე, ერთხელ გაითვალისწინე მეთქი.

ძველმართლმადიდებელი ვარ და არ დავდივარ საპატრიარქოს ეკლესიებში

კი ხარ ძველმართლმადიდებელი მაგრამ, რამდენი წელიწადია ჩვენს ეკლესიაში არ ყოფილხარ? აღსარება ბოლოს როდის თქვეი და ზიარება როდის მიიღე?

ჩემო "ოლდორთოდოქს", ჩემო ძვირფასო ადამიანო, ჯერ ეკელესიაში უნდა იარო, შემდეგ კი დაიწყო დავა სარწმუნოებაზე... მე აქ სპორტული ჟინის გამო კი არ შემოვდივარ...

გთხოვ კიდევ ერთხელ, რაც შეიძლება სერიოზულად მოეკიდე ამ ფორუმის პოლემიკას... უბრალო ხალხს არ ედავები...

და საერთოდ, ჯერ ეკლესიაში დაიწყე სიარული...

უღრმესი პატივისცემით: "ძველმართლმადიდებელი".

[George Leluashvili]

Oldorthodox
ეკლესიასა და მის ავტორიტეტს მხოლოდ ერთი-ორი შემთხვევით რატომ აფასებთ?კარგი ვერაფერი დაინახეთ სულ ცუდსა და დარღვევებზე რომ საუბრობთ?როგორადაც არ უნდა ეცადოს სამღვდელოება ან მრევლი, დანაშაული და დარღვევა მაინც გარდაუვალია.

რამდენი სატანისტი, პროტესტანტი შედის, მათთვის ეს მხოლოდ ისტორიული ნაგებობაა და მეტი არაფერი.

იმდენ დარღვევას ვხედავ რომ რა ვიცი, მოკლე კაბებით, შარვლებით შედიან უცხოელები ტაძრებში...რამდენი სატანისტი, პროტესტანტი შედის, მათთვის ეს მხოლოდ ისტორიული ნაგებობაა და მეტი არაფერი.

რა მაგარი აზროვნება გაქვთ, პირდაპირ ვოგნდები!
თქვე კაი ხალხო, სამების ტაძარი იმხელაა სად უნდა შეამოწმო სათითაოდ ყოველი შემომსვლელი, ვის რა აცვია და მით უმეტეს ვინ რა რელიგიის წარმომადგენელია.
სათითაოდ უნდა გამოკითხო: შენ სატანისტი ხარ, პროტესტანტი თუ წარმართიო?გამოდის თქვენც არ ხართ მართლმადიდებლურ ტაძრებში შეშაშვებნი.
ჩაცმულობა გასაგებია, მაგრამ რა პრობლემას ხედავთ უცხოელისა და განსხვავებული აღმსარებლობის ადამიანის ტაძარში შესვლაში?იქნება ის ადამიანი მართლმადიდებლურ ტაძარში შესვლის შემდგომ ხდება მართლმადიდებელი?ასეთი მრავალი ისტორია ვიცი პირადად.
მოკლე კაბიანებსა და შარვლიანებს კი, მე მაგალითად არ ვუშვებ ჩემ ადგილობრივ ტაძარში.სამებაში კი იგივე ვერ განხორციელდება.ეს თვითონ შემომსვლელმა უნდა გაითვალისწინოს, რომ არ შეიძლება შეუსაბამო სამოსლით წმინდა ტაძარში შესვლა.ეს ყველა შემსვლელმა იცის, მაგრამ მაინც კადრულობენ შესვლას.მით უმეტეს, ჩემთან ტაძარში, სანამ ეკლესიაში შეხვალ, სამგან აწერია ჩემხელა ასოებით:

ტაძარში შემსვლელთა საყურადღებოდ!

ეკრძალებათ ტაძარში შესვლა მამაკაცებს:შორტებით, თავდახურული, არაფხიზელ მდგომარეობაში.
ქალებს:თავდაუბურავი, მოშიშვლებული მხრებით, მაკიაჟით, შარვლით, მოკლე კაბით.

"ქალი-მამაკაცის ტანსაცმელში ჩაცმული, შეჩვენებულ იყოსო"-წერია სჯულისკანონში.
"ადამიანის ჩაცმულობა მისი სულიერი მდგომარეობის გამომხატველია'-მამა გაბრიელი.

გთხოვთ პატივი სცეთ ტაძრის სიწმინდეებს!

აი, ამ წარწერის წასაკითხად ისინი თვალებს იბრმავებენ და მაინცხ ბედავენ ტაძარში შესვლას!

იმდენად დაამახინჯეს ქადაგეგები

რა ქადაგებები დაამახინჯეს, რეებს იგონებ!
მანახე ერთი თქვენი ძველმართლმადიდებლური ეკლესიიდან, დეკანოზ არჩილ მინდიაშვილსა და დეკანოზ თეოდორე გიგნაძის მსგავსი მქადაგებელი.
ეს ჩემი ძალიან ამპარტავნული გამოთქმაა, მაგრამ ნერვები მომიშალა ამ ცილისმწამებლურმა გამონათქვამმა.
ეს ორი მქადაგებელი კი იმტომ გამოვყავი, რომ ისინი საკმაოდ ცნობილნი არიან და მათი ქადაგებები ყველასათვის ხელმისაწვდომია, თორემ მე ჯერ ცუდად და დამამახინჯებლად მქადაგებელი მღვდელი არ მინახავს.

როგორც თავად თქვეს თუ მღვდელი სცოდავს ეს მისი საქმეაო და არა შენიო, შენ ილოცე გულითო.ტელევიზორში ადრე ვუყურე, მღვდელი ეუბნებოდა პოლიციელს, დავით აქუბარდიას ოფისთან, " ეს შუშა რომ ჩავამტრვიო გამსროკავენო?" :|

უღირსი სამღვდელოება ყველა დროს იყო.ასე კარგად რომ იცით წმინდა მამების ცხოვრება, განა არ იცით, რომ მათ დროს უფრო იყვნენ მწვალებლური იდეებითა და უღირსებით მცხოვრები სამღვდელოება?
იოანე ოქროპირი ამბობს:"ძნელია ზოგიერთ მღვდელს ართუ მღვდლის, არამედ ადამიანი წოდება მიანიჭოო"
უღირსი სამღვდელოება დღითი დღე იწმინდება და არ შეიძლება მათი საქმეებით შეფასდეს მთლიანი მართლმადიდებლური ეკლესია.
კიმაგრამ ღირსეულ და პატიოსან მღვდლებს ვერ ხედავთ?განა ისინი ასე ცოტანი არიან?

[dzvelmartlmadidebeli]

GIORGI LELUASHVILI

მანახე ერთი თქვენი ძველმართლმადიდებლური ეკლესიიდან, დეკანოზ არჩილ მინდიაშვილსა და დეკანოზ თეოდორე გიგნაძის მსგავსი მქადაგებელი.
ეს ჩემი ძალიან ამპარტავნული გამოთქმაა, მაგრამ ნერვები მომიშალა ამ ცილისმწამებლურმა გამონათქვამმა.

ამ სიტყვებს მე არ უნდა ვპასუხობდე, მაგრამ მეც ნერვები მომიშალა შენმა ამპარტავნულმა განცხადებამ. მობრძანდი ჩვენს ეკლესიაში და იხილე. უკეთეს-უარესის განმსჯელი მე ვერ ვიქნები.

რა მაგარი აზროვნება გაქვთ, პირდაპირ ვოგნდები!
თქვე კაი ხალხო,

მინდა გკითხო, ხან შენობით რომ ლაპარაკობ ამ პოსტში და ხან თქვენობით, - ვის მიმართავ? მეც გამიყვანე ამ oldorthodox-თან ერთად "საქმეში"?

მე იმაზე ვაგებ პასუხს რაც მე დავწერე, ხოლო პიროვნება, ვისაც შენ ედავები, კერძოდ oldortdhodox-ი, მართალია ჩვენთან არის მონათლული, მაგრამ არ დადის ჩვენს ეკლესიაში... სიმართლე გითხრა, გამიკვირდა პოლემიკაში რომ ჩაება. ალბათ უფრო კინკლაობის წყურვილით... მაგას უფლებაც არა აქვს (და აუკრძალავენ საერთოდ) oldorthodox-ის ნიკით გამოსვლას და ძველმართლმადიდებლობის სახელით ლაპარაკსაც, რადგან ვინც ძველმართლმადიდებელი არ არის ცხოვრებით, ძველმართლმადიდებელთა სახელით ვერ ილაპარაკებს და ამას ჩვენ მივაქცევთ ყურადღებას.

ასე, რომ მავანი პიროვნების აზრი არ არის ძველმართლმადიდებელთა პოზიცია და ბევრს ნუ გაახურებ!

[dzvelmartlmadidebeli]

GIORGI LELUASHVILI
P. S.

სამების ტაძარი იმხელაა სად უნდა შეამოწმო სათითაოდ ყოველი შემომსვლელი, ვის რა აცვია და მით უმეტეს ვინ რა რელიგიის წარმომადგენელია.

სათითაოდ უნდა გამოკითხო: შენ სატანისტი ხარ, პროტესტანტი თუ წარმართიო?გამოდის თქვენც არ ხართ მართლმადიდებლურ ტაძრებში შეშაშვებნი.

ჩაცმულობა გასაგებია, მაგრამ რა პრობლემას ხედავთ უცხოელისა და განსხვავებული აღმსარებლობის ადამიანის ტაძარში შესვლაში?იქნება ის ადამიანი მართლმადიდებლურ ტაძარში შესვლის შემდგომ ხდება მართლმადიდებელი?ასეთი მრავალი ისტორია ვიცი პირადად.

ბოლო აბზაცი დიდ გაკვირვებას იწვევს. შენ მგონი ერთხელ გკითხე ცოტას ხომ არ წაიპროტესტანტებ მეთქი და მიპასუხე მართლმადიდებელი ვარო და მგონი ეკლესიაშიც კი მსახურობ. მაშ, როგორ ამბობ, რომ პრობლემას ვერ ხედავ უცხოელისა და განსხვავებული აღმსარებლობის ადამიანის ტაძარში შესვლაში? მაშ, რატომ კრძალავდნენ მოციქულები და წმიდა მამები მწვალებლების შეშვებას ეკლესიაში? თუ შენ ამის შესახებ არაფერი გსმენია?

დიდი სჯულისკანონის მიხედვით, არ შეიძლება ერეტიკოსებთან ერთად ლოცვა და მათ შესაკრებელში შესვლა სალოცავად (მოც. 45, 65. ლაოდ. 33). მწვალებლებს არა აქვთ ღვთისმსახურებაზე და მორწმუნეთა ლოცვაზე დასწრების ნება. (ტიმოთე ალექსანდრიელი 9), არც ღვთის სახლში შესვლის ნება, თუ ისინი ისევ მტკიცედ არიან ერესის მიმდევრები (ლაოდ. 6). არ შეიძლება მათგან მსხვერპლის მიღება (მოც. 46), არც მათთან დღესასწაულობა (ლაოდ. 37). არ შეიძლება სიარული ერეტიკოსთა სასაფლაოზე, ან მოწამეთა ადგილებად წოდებულ საწამებლებში, რომლებიც განკუთვნილია სალოცავად და განსაკურნებლად.

როგორ ფიქრობთ, იმ დროს, როდესაც ამ განწესებებს ღებულობდნენ თითო ოროლა კაცი დადიოდა ეკლესიაში? როგორ არჩევდნენ იმდროინდელი მოძღვრები მწვალებლებს მართლმადიდებლებისგან. არჩევნდნე იმითი, რომ მაშინ საეკლესიო ცხოვრება მოწესრიგებული იყო. ყველა მოძღვარი იცნობდა თავის სამწყსოს... ხოლო სხვა ქალაქებიდან ჩამოსულ მართლმადიდებლებს სხვადასხვა სახის ქარტები ჩამოჰქონდათ, რომლითაც წარსდგებოდნენ მოძღვართა წინაშე.

თქვენს ეკლესიებში ისეთი განუკითხაობაა, რომ ცხადია, ვინ სად შედის კაცმა არ იცის... განსაკუთრებით ღვთისმსახურების დროს... ღვთისმსახურების გარეშე, კიდევ დასაშვებია ტაძარი მისაწვდომი გახადო თუნდაც არამართლმადიდებლისთვის, რათა მართლმადიდებლურ სიმბოლიკასთან სიახლოვემ იქნებ მოაქციოს მწვალებელი, მაგრამ ამგვარი რამ ყოვლად დაუშვებელია ღმრთისმსახურების დროს.

როგორ ფიქრობ, როდესაც მღვდელი მართალთა ლიტურგიის დაწყების წინ ამბობს - "კათაკმეველნო განვედით" და ტაძრიდან გაჰყავს კათაკმეველნი, როგორ არის შესაძლებელი იქ ან დარჩეს, ან შევიდეს არამართლმადიდებელი, მწვალებელი ან საერთოდ სხვა რელიგიის წარმომადგენელი?

ან როგორ შეიძლება ვამტკიცოთ, რომ მამებს მიღებული აქვთ კანონები, რომლის შესრულება შეუძლებელი იყო მაშინაც და ახლაც, ტაძრების სიდიდის გამო?

ან პატარა ტაძრებზე რაღა ვთქვათ, განა იქაც ასეთი მდგომარობა არ არის?

ასე, რომ შენს"არგუმენტაციას" ტაძრებში მწვალებელთა შეშვების თაობაზე, საფუძველი არა აქვს.

შემდეგ, გაკვირვებას იწვევს თვით საკითხის დაყენება, თვით შეკითხვა:

რა პრობლემას ხედავთ უცხოელისა და განსხვავებული აღმსარებლობის ადამიანის ტაძარში შესვლაში?

თუ რა პრობლემას ვხედავთ ამაში, გაეცანი ზემოთ ხსენებულ საეკლესიო განწესებებს და იხილავ. მე კი მოკლედ გეტყვი: იმ პრობლემას ვხედავ, რა პრობლემასაც ხედავდნენ ხსენებული განწესებების მიმღები წმიდა მამები. შენ თუ ვერ ხედავ, მაშინ არ ყოფილხარ მართლმადიდებელი და ეგ არის.

და ბოლოს:

გამოდის თქვენც არ ხართ მართლმადიდებლურ ტაძრებში შეშაშვებნი.

ჩვენი ეკლესიის წევრებს ჩვენივე მოძღვრები უკრძალავენ თქვენს ტაძრებში შესვლას როდესაც იქ ღვთისმსახურება ტარდება... და ვინც ასე არ მოიქცევა, ვერ შემოვა ჩვენს ტაძრებში...

[George Leluashvili]

dzvelmartlmadidebeli

მობრძანდი ჩვენს ეკლესიაში და იხილე. უკეთეს-უარესის განმსჯელი მე ვერ ვიქნები.

მაგიტომ PM-ში რაღაც მოგწერეთ და არ მიპასუხეთ.

მინდა გკითხო, ხან შენობით რომ ლაპარაკობ ამ პოსტში და ხან თქვენობით, - ვის მიმართავ? მეც გამიყვანე ამ oldorthodox-თან ერთად "საქმეში"?

თქვენ სადმე მოგმართეთ შენობით?
როგორც თქვენ მე მესაუბრებით თქვენობით, ისე მე თქვენ.
რაღაც ვერ გავიგე...

მე იმაზე ვაგებ პასუხს რაც მე დავწერე, ხოლო პიროვნება, ვისაც შენ ედავები, კერძოდ oldortdhodox-ი,

საიდან სად წახვედით, თქვენ მოგმართეთ სადმე?

დიდი სჯულისკანონის მიხედვით, არ შეიძლება ერეტიკოსებთან ერთად ლოცვა და მათ შესაკრებელში შესვლა სალოცავად (მოც. 45, 65. ლაოდ. 33). მწვალებლებს არა აქვთ ღვთისმსახურებაზე და მორწმუნეთა ლოცვაზე დასწრების ნება. (ტიმოთე ალექსანდრიელი 9), არც ღვთის სახლში შესვლის ნება, თუ ისინი ისევ მტკიცედ არიან ერესის მიმდევრები (ლაოდ. 6). არ შეიძლება მათგან მსხვერპლის მიღება (მოც. 46), არც მათთან დღესასწაულობა (ლაოდ. 37).

აქ მოყვანილი არც ერთი მუხლიდან არ ჩანს აკრძალვა არამართლმადიდებლის მართლმადიდებლურ ტაძარში შესვლაზე.ლიტურგიაზე დასწრება და მათთან ლოცვა სხვა რამეა, მე საუბარი მაქვს მხოლოდ შესვლასა და დათვარიელებაზე.
და თუ შეიძლება ჯერ გაარკვით ხოლმე რისი თქმა მინდა და მერე მიწოდეთ პროტესტანტი!

როგორ ფიქრობ, როდესაც მღვდელი მართალთა ლიტურგიის დაწყების წინ ამბობს - "კათაკმეველნო განვედით" და ტაძრიდან გაჰყავს კათაკმეველნი, როგორ არის შესაძლებელი იქ ან დარჩეს, ან შევიდეს არამართლმადიდებელი, მწვალებელი ან საერთოდ სხვა რელიგიის წარმომადგენელი?

აი, აქაა შეცდომა.
მე გელაპარაკებით შესვლაზე და არა ლიტურგიაზე დასწრებაზე.

და ვინც ასე არ მოიქცევა, ვერ შემოვა ჩვენს ტაძრებში...

აბა როგორღა უნდა მოვისმინო თქვენი მოძღვრების ქადაგება, რომელზეც დამპატიჟეთ?

[dzvelmartlmadidebeli]

GIORGI LELUASHVILI

ლიტურგიაზე დასწრება და მათთან ლოცვა სხვა რამეა, მე საუბარი მაქვს მხოლოდ შესვლასა და დათვარიელებაზე.
და თუ შეიძლება ჯერ გაარკვით ხოლმე რისი თქმა მინდა და მერე მიწოდეთ პროტესტანტი!

გარკვეულია. გასაგებია.

აი, აქაა შეცდომა.
მე გელაპარაკებით შესვლაზე და არა ლიტურგიაზე დასწრებაზე.

კეთილი.

აბა როგორღა უნდა მოვისმინო თქვენი მოძღვრების ქადაგება, რომელზეც დამპატიჟეთ?

ქადაგების მოსმენა და ლიტურგიის ყურებაც შესაძლებელია ეკლესიის იმ ნაწილიდან ჩვენში, საქართველოში, სტოას რომ უწოდებენ. იქ დგანან კათაკმევლები, მძიმე ეპითემიების ქვეშ მყოფნი და სტუმრები (სხვადასხვა სარწმუნოების წარმომადგენლები, ვინც შესაძლოა ღვთისმსახურებას შეესრწოს და ეკლესიაში ვერ შედის).