სიბერე და კვერთხი მოხუცებულთა პარამეტრები

[marine]

"მოხუცთა საკრებულოში დადექ და ვინც უფრო ბრძენია, მას მიეახლე... თუ სწავლულს იხილავ, დილაადრიანად ეწვიე. დაე, გაცვითოს შენმა ფეხებმა მისი კარის ზღურბლი".

/ისუ ზირაქი/

[marine]

"თმაზე დროის თრთვილი კარგა ხანს არ მეკარებოდა, მაგრამ ბოლო ხანს გვარიანად გავთეთრდი - თეთრი ჩაჩის ქვეშ ჩემი ჭაღარა თმა ისე გამოიყურება, როგორც თოვლის ქვეშ თოვლი"

/შარლოტ ბრონტე/

[marine]

"არა ასაკი ადამიანს, არამედ ადამიანი ამშვენებს თავის ასაკს"

/ირაკლი ბრაჭული
ქართული უნივერსიტეტის რექტორი, პროფესორი/

[marine]

"ცხოვრების ნელი გამოსწორება მხოლოდ ასეთ რამეს გამოხატავს: "დაე, ჩემში ჯერ ცოდვა ბატონობდეს, შემდეგ ოდესმე ღმერთიც იბატონებს; თავდაპირველად "ასონი ჩემნი წარვუდგინებთ საჭურველად სიცრუისა ცოდვასა ასოთა ჩემთა", შემდეგ კი, დროთა განმავლობაში, "საჭურველად სიმართლისა ღმერთსა". ასე შესწირა კაენმა მსხვერპლი: რაც უკეთესი იყო, თავისთვის დაიტოვა, ხოლო უარესი - თავის შემოქმედსა და სიცოცხლისმომნიჭებელ ღმერთს. ვიდრე შრომის უნარი გაქვს, ახალგაზრდობას ცოდვაში ატარებ, ხოლო, როდესაც დასუსტები, მაშინ უძღვნი საკუთარ თავს ღმერთს, როდესაც სხეული აღარაფერში გამოდგება და იძულებული ხარ, უმოქმედოდ დატოვო იგი".

/წმ. ბასილი დიდი/

[marine]

"გონიერება სიბერის ჟამს უკვე გონიერება აღარ არის, არამედ ის, რომ ადამიანს თავშეუკავებლობა აღარ ძალუძს!"

/წმ. ბასილი დიდი/

[marine]

"ვინც სიბერეს ელოდება იმისთვის, რომ საკუთარი თავი ღმერთს მიუძღვნას, ის ნათლად აჩვენებს, რომ სურს, საკუთარი თავი სათნოებისათვის შემოინახოს იმ დროისათვის, როდესაც სვა არაფრის გაკეთება აღარ შეეძლება!"

[marine]

"ცუდი ქრისტიანია ის, ვინც მხოლოდ იმიტომ არ სცოდავს, რომ ხელი და ფეხი აღარ ემორჩილება!"

[marine]

"ნუთუ ფიქრობთ, რომ მხოცებულობის ჟამს გაფურჩქვნის ასაკზე მეტად იქნებით მზად სინანულისათვის და გექნებათ მეტი სიმტკიცე მის შესანარჩუნებლად, და მოშურნეობა იმისათვის, რომ მისი გამოცდილება აჩვენოთ, და ძალა, რომ მისი წინააღმდეგობანი გადალახოთ?"

[marine]

"თქვენი უდროოდ ჩამობერებული ძვლებიდან ადენილი სუსტი ალი მიკიდია სულში. თქენი ოხვრა მინთია სანთლად. თქვენი მუხლებში ჩამდგარი სიბერე მაელდებს. გხედავთ და ასე მგონია, რომ ღმერთთან შესასვლელ კარს ვუყურებდე"

/გოდერძი ჩოხელი/

[marine]

"დღე დედამიწაზე ყოველთვის საღამოთი მთავრდება; ამიტომ დილის დამკარგავს შეუძლია, ჰქონდეს გარკვეული იმედი, რომ საღამოს აინაზღაურებს დაკარგულს; ადამიანის ცხოვრების დღეს კი ხშირად საღამოზე (მოხუცებულობაზე) ადრე, არცთუ იშვიათად კი - შუადღეზე (მოწიფულობის ასაკზე) ადრე მოულოდნელი სიკვდილი წყვეტს!"

[marine]

"მრავალნი ამბობენ, რომ მოწიფულობის ასაკში მიუძღვნიან თავს ღმერთს, მაგრამ მიაღწევენ კი ამ ასაკს, როგორც ისინი იმედოვნებენ? და თუ მიაღწევენ კიდეც, განა ისე ადვილი იქნება შეცვლა, როგორც ისინი ფიქრობენ?"

[marine]

"თქვენ თავს იტყუებთ, თუ ფიქრობთ, რომ ვნებები ახალგაზრდობასთან ერთად მიწყნარდება. რამდენი მოხუცია, რომელიც თავისი ცხოვრების პირველი წლების სამარცხვინო მიდრეკილებებითაა დაავადებული! რამდენი ჭაღარა პატივმოყვარეა, რომლებიც დაღლილობას არ უჩივიან, დაუღალავი სიხარბით დასდევენ პატივს, რომელიც მხოლოდ გაზრდის მათი დაკრძალვის დანახარჯს და რამდენიმე ზედმეტი სიტყვას დაამატებს მის ეპიტაფიაზე! რამდენი ფეთქებადი ადამიანია, რომლებშიც არც სისხლის დადინჯება, არც დაუძლურება არ ამცირებს მათ ძველებურ გაღიზიანებას, რომელიც შეიძლება, გაცოფებამდეც მივიდეს! რამდენი გემოთმოყვარეა, რომლებიც, ხანდაზმული ასაკის მიუხედავად, მაინც გრძნობენ დაფარულ ცეცხლს, მხოლოდ მათ სიცოცხლესთან ერთად რომ ჩაქრება! რა საბრალონი არიან თავიანთ სასტიკ მბრძანებლებს დამორჩილებული ეს მონები!"

[marine]

"ეეეჰ, ჯიელებო. დავბერდი, ჩემს იღბალს რა ვუთხარ, ისეთ დროს მიწია სიბერემ, როცა ქვეყანას ავანჩავანი გავუგე; აფსუს, ჩემო იღბალო, როგორ გამისხლტი! ნათქომია, კაცს იღბალი მიე და თუ გინდა, ცივ ქვაზე დასვიო. ისე დავბერდი, ერთხელაც არ მომიკრავს იღბლისათვის თვალი. არ ვიცი, ჯიელებო, როგორია, რა არის იღბალი".

/გოდერძი ჩოხელი/

[marine]

"სიცოცხლის ბოლოს მოძღვარი ძალზე დაუძლურდა, არა იმდენად წლების გამო, თუმცა 70 წლისა იყო, რამდენდაც ძნელი და სასტიკი ცხოვრებისგან, გონება ნათელი ჰქონდა"

[marine]

"ბერმა შემდეგ თქვა, რომ კაცი სიბერეში უფრო მიდრეკილია გულის შემუსვრისა და სიკვდილის ხსოვნისკენ"

[marine]

"ზოგიერთ პირველყოფილ თემებს წესად ჰქონდათ, მოეკლათ ან მიეტოვებინათ მოხუცები, რომლებსაც ზედმეტ ტვირთად მიიჩნევდნენ ოჯახისათვის"

[marine]

"სწორედ ხანდაზმულ ადამიანებზე ზრუნვით აიხსნება გაეროს დემოგრაფიული მონაცემები: 1950 წელს მსოფლიოში სამოც წელს ზემოთ ასაკის ორას თოთხმეტი მილიონი ადამიანი ცხოვრობდა, 1975 წელს ეს რიცხვი სამას ორმოცდაათ მილიონს შეადგენდა, ხოლო 2025 წლის ვარაუდით, 1 მილიარდი იქნება. ეს იგი, ზრდა ხუთმაგად ფიქსირდება".

[marine]

"სიბერე სასჯელი არ არის. სიბერე ნიჭია"

[marine]

"არაფერია სიბერეზე უფრო ძლიერი" - გვარწმუნებს წმინდა გრიგოლ ღვთისმეტყველი"

[marine]

"ადამიანის სიცოცხლის ხანგრძლივობა უშუალოდაა დამოკიდებული ზნეობაზე და არა საკვების, სავარჯიშო კომპლექსის, გაკაჟებისა და სხვა ბიოფიზიოლოგიურ თავისებურებებსა და ფაქტორებზე. ბიბლიური დეკალოგის (ათი მცნების) მეხუთე მცნებას პრინციპული მნიშვნელობა აქვს ადამიანის სიცოცხლის ხანგრძლივობის თვალსაზრისით. მხოლოდ ეს მცნება შეიცავს მიზეზშედეგობრივ კავშირს და გვითითებს, რომ ადამიანის დღეგრძელობა მისივე სიბრძნისა და ზნეობის ნაყოფია"