მრისხანება, მრისხანებაა პარამეტრები

[marine]

"ერთხელ, მასწავლებელმა თავის მოსწავლეებს ჰკითხა:
– რატომ ყვირიან ადამიანები. როდესაც ჩხუბობენ?
– იმიტომ, რომ მოთმინებას კარგავენ – თქვა ერთმა.
– კი მაგრამ ყვირილი რაში სჭირდება ადამაინს, როდესაც ის, ვისაც უყვირის, ისედაც მის გვერდით იმყოფება? – დააზუსტა მასწავლებელმა – არ შეიძლება წყნარად უთხრას? რაში სჭირდება გაღიზიანების დროს ყვირილი?
მოსწავლეები სთავაზობდნენ თავ-თავის ვარიანტებს, მაგრამ მასწავლებელი არცერთით არ დაკმაყოფილდა.
ბოლოს მან ახსნა:
– როდესაც ადამიანები არიან ერთმანეთით უკმაყოფილო და ჩხუბობენ, მათი გულები ერთმანეთს განეშორება. მათ უწევთ ყვირილი, რათა დაფარონ სიშორე და ერთმანეთს უკეთ გააგებინონ სათქმელი. რაც უფრო მეტად ბრაზდებიან, მით უფრო ხმამაღლა ყვირიან. ადამიანებს, როდესაც უყვარდებათ ერთმანეთი, მაშინ რა ხდება? ისინი კი არ ყვირიან, პირიქით ჩუმად საუბრობენ. ამ დროს, გულები მიდის ერთმანეთთან და მათ შორის მანძილი ძალინ მცირდება. როდესაც, კიდევ უფრო ძლიერად უყვართ, რა ხდება? – განაგრძნობდა მასწავლებელი – არ ლაპარაკობენ, არამედ მხოლოდ ჩურჩულებენ და უფრო უახლოვდებიან სიყვარულს. საბოლოოდ, ეს ჩურჩულიც აღარ სჭირდებათ. ისინი, მხოლოდ და მხოლოდ, უყურებენ ერთმანეთს და ყველაფერი ესმით სიტყვების გარეშე. ასეთი რამ ხდება, როდესაც გერდი-გვერდ ორი უსაზღვროდ შეყვარებული ადამიანია.
ასე, რომ, როდესაც კამათობთ, არ მისცეთ თქვენს გულებს ერთმანეთისგან განშორების უფლება, არ წარმოსთქვათ სიტყვები, რომლებიც კიდევ უფრო გაზრდის თქვენ შორის მანძილს. რადგანაც, ერთხელაც, შეიძლება დადგეს ის დღე, როდესაც მანძილი იმდენად გაიზარდოს, რომ ვერ იპოვოთ უკან დასაბრუნებელი გზა."

[marine]

"მრისხანების ვნების დასამარცხებლად ხშირად უნდა ვიფიქროთ იმ დამღუპველ შედეგებზე, რაც ამ ვნებას ჩვენთვის მოაქვს"

[marine]

"ნუ მისცემ საშუალებას მრისხანებას, შენს ხორხამდე მიაღწიოს!"

[marine]

"ვინც მრისხანების ჟამს ენას არ დაიოკებს, ის ვერც ვნებებს დაიმორჩილებს!"

[marine]

"მრისხანე ადამიანი, მკვდარიც რომ აღადგინოს, - ღვთისთვის სათნო არ იქნება!"

/ამბა აგაფონი/

[marine]

"ადამიანში გაღიზიანება თხრილივითაა. ვინც საკუთარ თავში დასძლია იგი, მან ეს თხრილი გადალახა!"

/წმ. ეფრემ ასური/

[marine]

"ერთმა წარმართმა ფილოსოფოსმა თქვა: "როდესაც იგრძნობ, რომ გაღიზიანებული ხარ, ნურაფერს იტყვი და მაშინვე ნურაფერს გააკეთებ, არამედ დადუმდი და ანბანის ყველა ასო წაიკითხე!". წარმართმა ანბანზე უკეთესი ვერაფერი იპოვნა სულის დასამშვიდებლად; ჩვენ კი, ქრისტიანებმა, ვიცით საუკეთესო სიტყვები, რომელიც შეიძლება მისცე გულსა და გონებას, რათა მღელვარება დაიოკო!"

[marine]

"იმისათვის, რათ მრისხანებაზე სიყვარულმა გაიმარჯვოს, მრისხანების ჟამს მოყვასისათვის ილოცე; გულის სიღრმიდან ამოთქვი: "უფალო! შეუნდე ცოდვა მას, ვინც მაწყენინა, ჩემსავით ისიც ადამიანია!" - დამერწმუნე, ლოცვა შენს სულს სიმშვიდეს მიანიჭებს".

[marine]

"შეიძლებელია, ვინმე განურისხდეს მოყვასს, თუ მისი გული თავდაპირველად არ გაამპარტავნდა, თუ არ დაამცირა ის და თავი მასზე აღმატებულად არ ჩათვალა"

/ამბა დოროთე/

[marine]

"ერთ დამთმობ სიტყვას შეუძლია დააყუჩოს რისხვა, უხეშ მისალმებას კი - მრისხანებაში ჩააგდოს"

[marine]

"მრისხანება ფირნიშია, რომელიც ადამიანს, ნების საწინააღმდეგოდ, თვითონ წარმოაჩინებს საკუთარ თავს"

/წმ. გრიგოლ ღვთისმეტყველი/

[marine]

"სრულიად არავისზე და არასოდეს განაწყენება მხოლოდ ანგელოზებს ძალუძთ, ხოლო მცირედ აღშფოთება და შემდეგ სწრაფად დამშვიდება ღვთის მოსიყვარულე ადამიანებისათვისაა დამახასიათებელი"

/"სულიერი მარგალიტი"/

[marine]

"განრისხებულ და გაბრაზებულ მდგომარეობაში ყოფნა სხვა არაფერია, თუ არა - საკუთარი თავის დასჯა სხვისი ცოდებისა და სისულელეების გამო".

[marine]

"მას, ვისაც კარგად ახსოვს საკუთარი უძლურებანი და ცოდვები, ვინც თავს სხვებზე დაბლა აყენებს, არ სცალია იმისათვის, რომ სხვაზე მრისხანებდეს".

[marine]

"მრისხანების ჟამს საკუთარი თავის ჯალათი ხდებით, საკუთარ თავს ტანჯავთ. განრისხებულ ადამიანზე საბრალო არაფერია!"

/წმ. იოანე ოქროპირი/

[marine]

"ერთი წმიდა მამა გვასწავლის, ამგვარად დავაცხროთ მოყვასის მრისხანება: "თუ შეიტყობ, რომ ძმა შენზე განრისხებულია, რაიმე საჩუქარი გაუგზავნე მას".

[marine]

"მრისხანება უგუნურების დასაწყისია"

[marine]

"მრისხანება ყველასთვის სახიფათო მრჩეველია; მრისხანებაში მიღებული გადაწყვეტილება არასოდეს არაა გონივრული!"

/წმ. გრიგოლ ღვთისმეტყველი/

[marine]

"მოყვასის მიმართ მრისხანებით აღვსილი ყოველთვის უმეტესად საკუთარ თავს აზიანებს, ვიდრე მის მიმართ მიყენებულ წყენას ითმენს. ამიტომ ჭეშმარიტად გონიერი ადამიანები უმეტესწილად მოთმინებით იტანენ მათთვის მიყენებულ უსიამოვნებებს. "ფიცხი კაცი სიბრიყვეს ჩადის, ავის მზრახველი კი საძულველია!" (იგავნი 14, 17).

[marine]

"პლატონ ათონელი ყველა განრისხებულ და ფიცხ ადამიანს ურჩევდა, სარკეში ჩაეხედა, რათა მრისხანების ჟამს საკუთარი უსახურება დაენახა"