"სირცხვილია, სხვისი სამკაულებით თავი მოიწონო, და უკიდურესი უგუნურებაა იამაყო ღვთისგან მოცემული ნიჭით"
/ღირსი იოანე სინელი/
"ღმერთისგან მოცემული ნიჭი საზიანოდ გვიტრიალდება, როცა ამ ნიჭისგან ვეძებთ საკუთარ და არა ღმერთის დიდებას"
/წმ. ტიხონ ზადონელი/
"თუკი ადამიანი არ არის მოკლებული ჯანსაღ აზროვნებას და იოლად უმკლავდება თავის საქმეებს, მაშინ იგი მტვრად უნდა განერთხოს ღვთის წინაშე და დღედაღამ მადლობა აღუვლინოს იმისათვის, რომ მიეცა მისგან გონება, და ამიტომაც მოუღლელად შეუძლია შრომა და საქმის კეთება, - და განა შეიძლება, ღმერთს არ ემადლიერო?"
/ღირსი პაისი მთაწმინდელი/
"თუ რაიმე საბოძვარი მიიღე, ქედს ნუ აიმაღლებ, რადგან არაფერი გაგაჩნია, რაც ღმერთისგან არ მიგიღია; და თუ არ ივლი მისი მცნებების თანახმად, წაგართმევს თავის საკუთრებას და უფრო ღირსეულს გადასცემს. მაშინ იმ ადამიანს დაემსგავსები, რომელსაც მელანში ჩაწობილი კალამი წაართვეს"
/ღირსი ეფრემ ასური/
"უფლის, როგორც რისხვის, ისე მისი წყალობის გამოვლენაა, როცა ის ამცირებს ან წყვეტს ღვთაებრივი ნიჭების მიცემას ისეთი ადამიანისთვის, რომელსაც თავის თავზე დიდი წარმოდგენა ექმნება და იქადის ღვთისგან მიმადლებული სიკეთეებით, როგორც საკუთარი მიღწევებით"
/ღირსი მაქსიმე აღმსარებელი/
"პირველი ნიჭი, რომელიც იესოს მლოცველს გადაეცემა, საკუთარი ცოდვიანობის შეცნობაა"
/არქიმანდრიტი იეროთეოსი (ვლახოსი)/
"განსაკუთრებით ხშირად იპყრობს გონებრივი ამპარტავნება იმ ადამიანს, ვინც ბუნებისგან დიდი ნიჭიერებითაა დაჯილდოებული"
/წმ. მღვდელმოწამე არსენი, სერპუხოველი/
"ყველა სულიერი ნიჭის მიღება არავის შეუძლია; და სულიწმიდის დახმარება ყველას თავისი რწმენის შესაბამისად ეძლევა"
/წმ. ბასილი დიდი/
"ღმერთი არ იძლევა დიდ ნიჭს დიდი განსაცდელის გარეშე"
/ღირსი გაბრიელი, აღმსარებელი და სალოსი/
"თვინიერებით ცოდვილთა გამოსწორება სულიერი ნიჭია"
/წმ. იოანე ოქროპირი/
"ილტვოდეთ სულიერ ნიჭთა მიმართ"
/წმ. პავლე მოციქული/
"ცოდვაა საკუთარ თავს უნიჭო ადამიანად თვლიდე: ვინაიდან ყოველ ადამიანს ღმერთი აძლევს ტალანტს - იმდენ ძალასა და საშუალებას, რამდენსაც დაიტევს მისი ბუნება და რამდენიც საჭიროა მისთვის საბოლოო მიზნის მისაღწევად"
"ის, რომ ყველას არათანაბარი ნიჭი მიეცა, ხელს არავის უშლის, რომ ერთნაირ ნეტარებას მიაღწიონ"
"ვინც თავს უნიჭოდ მიიჩნევს, იგი ან ვერ აცნობიერებს ღვთის ძღვენს, ან სურს მეტისმეტი, ან თავისი უქნარობის გამო ისიც დაკარგა, რაც ღმერთისგან მიუღია"
"უფალს არ შეუქმნია ადამიანები ნიჭის გარეშე"
/ღირსი პაისი მთაწმინდელი/
"მხოლოდ მადლიერების მეშვეობით გვეძლევა და მრავლდება ჩვენში ღმერთის ნიჭები. მოძღვარს [ბერ იოსებ ვატოპედელს] ხშირად მოჰყავდა წმიდა ისააკ ასურის ციტატა: "მხოლოდ ის ნიჭი რჩება გაუმრავლებელი, რომელსაც მადლიერება დააკლდა (რომლის გამოც სათანადოდ არ ვმადლობდით ღმერთს)".
/არქიმანდრიტი ეფრემ ვატოპედელი/
"მადლობა უთხარი ღმერთს სიტყვის ნიჭისთვის და ლოცვის ნიჭისთვის, რომლებიც ყოველ არსს შორის ერთადერთს - ადამიანს მიეცა"
/არიქმანდრიტი რაფაელი (კარელინი)/
"ღვთის სამადლობელად, მან [მეუფე სებასტიანემ] ათი მიღებული ტალანტი ასად აქცია"
"იცოდეთ, რომ ვისაც ხუთი ტალანტი აქვს ჩაბარებული, ის მასწავლებელია; ხოლო ვისაც ერთი, ის - მოსწავლე. თუკი მოსწავლე იტყვის, მე მოსწავლე ვარ, მე არა მაქვს საქმე და ჩაფლავს მისთვის ღვთის მიერ ბოძებული სიტყვის გამოთქმის ნიჭს, ოდნავადაც არ განამრავლებს რა მას, თუკი არ დაიწყებს არც დარწმუნებას, არც რჩევას, არც მხილებას, არც შეგონებას - როდესაც ამის შესაძლებლობა აქვს, და თავის ნიჭს მიწაში ჩაფლავს, უნდა იცოდეს, რომ ვერ გამართლდება იგი თავისი სიტყვებით: მე მხოლოდ ერთი ტალანტი მაქვსო. შენ ერთი ტალანტი გქონდა? შენ გმართებდა შეგეძინა კიდევ ერთი, გაგეორმაგებინა ტალანტი, შენ რომ კიდევ ერთი მოგეტანა, დამნაშავე აღარ იქნებოდი".
"უფალმა გიბოძა ის ნიჭები, რომელიც მის წინაშე მიიტანე, და კეთილი მიზნისაკენ წარმართე!"
"როგორც ყვავილი უციურნამოთ, ისე ნიჭი უსულიერსაზრდოდ სჭკნება და ნაყოფი ვეღარ მოაქვს"
/აკაკი წერეთელი/
"ნიჭი შეაჩნდა"
/ვასილ ბარნოვი/
"სულიწმიდის ნიჭთა სხვადასხვაობა დამოკიდებულია მის მიმღებ პირთა გონებრივი და ზნეობრივი ძალების განსხვავებაზე"
"ვინც თავს აიმაღლებს ბუნებრივი ნიჭებით, ანუ - გონებამახვილობით, მიხვედრილობით, მჭერმეტყველებით, სწრაფი მოსაზრებულობით და სხვა მონაცემებით, რომელიც ღვაწლის გარეშე აქვს მიღებული, ის ვერასდროს მიიღებს ზეგარდმო მადლს, რამეთუ მცირეში არამართებული - მრავალშიც არამართებული და პატივმოყვარე იქნება!"
/წმ. იოანე კიბისაღმწერელი/
"ღმერთს აქვს უფლება, გასცეს თავისი ნიჭები და ისევ უკან წაიღოს. ადამიანი არ უნდა მიეჯაჭვოს ღმერთს იმ ნიჭების შესაბამისად, რომლებიც მისგან აქვს მიღებული. ასეთი მოდგმა ღვთისადმი ნამდვილ სიყვარულს კი არ შეგვძენს, არამედ მისგან ბოძებულ ნიჭებზე მიჯაჭვულობას, ეს კი იმას ნიშნავს, რომ ნიჭებს უფრო მაღლა ვაყენებთ, ვიდრე მათს მონიჭებელს"
/მამა დიმიტრი სტანილოაე/
"ნიჭი უდიდესი პასუხისმგებლობაა. მაღალი მოვალეობა ის კი არ არის, ბევრი ტალანტი მოგეცა თუ ცოტა, არამედ ის, თუ რამდენად ერთგულად შეასრულე შენი ვალი"
/დეკ. ირაკლი კუთხაშვილი/
"რამდენ ნიჭს კლავენ და მარხავენ, მერე იგავებს წაგიკითხავენ დამარხული ტალანტის შესახებ…"
/მამა პეტრე კვარაცხელია/
"ტალანტად ვაქციოთ ცხოვრება, შევცვალოთ ის, რაც ამცხოვრებისეულია"
/წმ. იოანე ოქროპირი/
"სხვადასხვა ნიჭები არსებობს - ლოცვის, მარხვის, გალობის, ხატწერისა და სხვ. ღვთისგან მოცემული ასეთივე ნიჭია სიკვდილზე განუწყვეტელი ფიქრი, სიკვდილის ხსოვნა"
„მამა ამბაკუმ უხამლოს ფენომენალური მეხსიერება ჰქონდა. ამასთან, იგი გახლდათ ცხოველი ჭურჭელი სულიწმიდის ნიჭებისა. წერა-კითხვის უცოდინარმა და სიცოცხლის ბოლოს დაბრმავებულმა, მშვენივრად იცოდა ძველი და ახალი აღთქმა, ზეპირად, მეხსიერებით წარმოიტყოდა წმინდა წერილის მთელ თავებს და განმარტავდა მათ. თვალს უხაროდა, როცა ამ მოხუცს უცქერდა, რომელსაც სკვნილი, ან თავისი პატარა ლამპა ეპყრა ხელთ, იდგა და გამოაცხადებდა ღვთის სიტყვას, რომელიც სულიწმიდის მოქმედებით აღსავსე იყო მადლითა და სიხარულით“.
"უფალი ადამიანს ნიჭებს ღვთისმშობლის შუამდგომლობით აძლევს. ღვთისმშობელი უნაწილებს ხალხს ნიჭებს"
/ღირსი ეფრემ კატუნაკელი/
"ადამიანს არ უნდა დაავიწყდეს, რომ ღვთისგან ბოძებული ნიჭი მისი კუთვნილება არ არის, იგი შესაძლოა, ერთ დროს წაერთვას კიდეც. და თუ არ ერთმევა, ისევ ღვთის მოწყალების გამო; მაგრამ როდესაც ადამიანი ნიჭებს მხოლოდ საკუთარი თავის განსადიდებლად იყენებს და არა ღვთისა, მას ბოროტად იყენებს და სულს იღუპავს. ვინც ღვთისგან ბოძებულ ამა თუ იმ ნიჭს კეთილად, ღვთისსათნოდ იყენებს, მაინც განდიდდება, მაგრამ ეს განდიდება საკუთარ თავს კი არა, უფალს უნდა მიაწეროს, არ უნდა დაავიწყედეს, რომ ეს ღვთის შეწევნით შეძლო და დიდებაც მას კი არა, უფალს ეკუთვნის. ამ გზით ამპარტავნების საფრთხესაც აიცილებს"
"გარეგნულად სალათის ფურცლები ჰგავს მდოგვს, ძმარი კი ღვინოს, მაგრამ მათი დაგემოვნებისას სასა ცნობს და განასხვავებს მათ ერთმანეთისგან. ასევეა სულიც: თუკი მას განსჯის უნარი აქვს, გონებით ცნობს სულიწმიდის ნიჭებს და განასხვავებს მათ სატანის მოჩვენებითი ოცნებებისგან"
/ღირსი გრიგოლ სინელი/
"რა სასწაულებია! ჩვენი სიწმინდე, მშვიდობა, წარმატება, ღირსება, ასკეტიზმი, ლოცვა, მის (ღმერთის) მოყვარულთა გულისხმისყოფა ღვთის ხმისა, თავმდაბლობა, სიყვარული, თვინიერება და დაყუდება, რომელიც ეხმარება ადამიანს ყური უგდოს ღმერთს - ეს ყველაფერი სულიწმიდის ნიჭებია! ღმერთი გვიგზავნის მათ, როგორც მისი ყოფნის დამმოწმებელ ნიშნებს"
" - რა არის ტალანტი?
- ტალანტი ადამიანის სიცოცხლეა. უფალი ყოველ ადამიანს აძლევს ტალანტს და სანამ ცოცხალია უნდა განამრავლოს. არავინ დაჰკარგოს ღვთის ეს დიდი წყალობა. ათი ტალანტი იცი ვის მიეცა? პატრიარქსა და მეფეს, რადგან მათ უნდა მართონ ერი, მაგრამ ახლა პატრიარქის ჯვარი დამძიმდა, რამეთუ ღმერთისა და ერის წინაშე საკუთარი და მეფის ჯვრის მტვირთველობაც თავად უწევს. სანამ მეფე არ ეყოლება - საქართველოს არაფერი ეშველება.
ლაზარე ყარდა და საქართველოც სულ დაიშლება, მაგრამ როდესაც უფალმა ლაზარე აღადგინა - რომელიმე ნეკნი აკლდა მას? ასევე აღსდგება საქართველო ნიკოფსიიდან დარუბანდამდე"
/ღირსი გაბრიელი, აღმსარებელი და სალოსი/
"მიუხედავად იმისა, რომ ეკლესიური ნიჭების მთელი სისრულე გადმოგვეცა, ჩვენ ყოველგვარი ძალისხმევით უნდა ვეცადოთ, რომ მათი გამოყენების შესაძლებლობა გაგვაჩნდეს".
" - ნეტავ რა ტალანტი მომცა ღმერთმა?
- შენი ტალანტი არის რწმენა და ამრავლე იგი.
აიღე სახარება, წაიკითხე და აკეთე საქმე ისე, როგორც წერია, ესე იგი მოგეცა ტალანტი. მაგრამ ვაითუ ხუთი ტალანტი მოგეცა და სამ ტალანტზე შეჩერდი? სწორედ ამიტომ უნდა ამრავლო. რასაც კარგს გაიგებ - უნდა აკეთო. ან როგორ უნდა იყოს ადამიანის სული დამშვიდებული, როდესაც მოყვასი განსაცდელშია?"
/ღირსი გაბრიელი (აღმსარებელი და სალოსი)/
"საერთოდ უნიჭო და უგუნური ადამიანები არ არსებობენ. ღმერთი, "რომელსაც ნებავს, რომ ყველა ადამიანი გადარჩეს", თითოეულს აძლევს თუნდაც ერთ რომელიმე ნიჭს, როგორც საშუალებას ცხონებისას"
" - როგორ უნდა შეძლოს ადამიანმა, რომელიც ხედავს სხვის ნიჭს, რომ უხაროდეს და არ შურდეს მისი?
- თუ არ დაფლავს საკუთარ ტალანტებს, არამედ განავითარებს, მაშინ გაიხარებს სხვისი ტალანტითაც. რამდენიმე წელია, ვაკვირდები ერთ დას, მას აქვს ხმა და მოწიწება, ამგრამ არ გალობს კლიროსზე, რადგან საკუთარ ტალანტს მარხავს, შფოთავს, როცა ესმის, როგორ გალობს სხვა და, რომელსაც არც ისე კარგი ხმა აქვს. იგი არ ფიქრობს იმაზე, რომ ღმერთმა მას უკეთესი ხმა მისცა, თუმცა, არ ავითარებს.
ამიტომ ყველამ უნდა გამოიძიოს - იქნება მასშიც არის ის ნიჭი, რომლის გამოც სხვისი შურს და თავად არ ავითარებს? ან, იქნებ, ღმერთმა მას სხვა ტალანტი უბოძა, რადგან ღმერთმა არავინ დატოვა ნიჭის გარეშე, ყველა ადამიანს უბოძა რაღაც, რითაც დაეხმარება მას სულიერ ზრდაში"
/ღირსი პაისი ათონელი/
"და რას ნიშნავს "ტალანტის სათანადოდ მოხმარება?" ეს ნიშნავს, რომ ამ შენი ტალანტით ემსახურო ადამიანებს! მარტო შენთვის კი არ გამოიყენო, არამედ ემსახურო ადამიანებს და ემსახურო ღმერთს! აი, მაშინ მრავლდება, იზრდება ეს ტალანტები და მაშინ ვასრულებთ ღვთის მიერ დადგენილ დანიშნულებას და ჩვენც ვხაროთ და შევდივართ ჩვენი უფლის სიხარულში!"
/მიტროპოლიტი შიო (მუჯირი)/
"მადლობა უფალს, ჩემმა ხანგრძლივმა ცხოვრებამ მტკიცედ დამარწმუნა, რომ ყველანი გარკვეული დავალებით მოვდივართ ამქვეყნად, რომ ყველას ჩვენი ვალი გვაქვს უფლისა და ქვეყნის წინაშე, და ბოძებულ ნიჭს გონივრულად უნდა ვიყენებდეთ"
"ეს ნიჭი ღვთის საჩუქარია, ეს ღვთის მადლისგანაა, მაგრამ მისი შენარჩუნება ადამიანზეც არის დამოკიდებული. სულიერ ნიჭებს ადამიანი მაშინ კარგავს, როცა უყურადღებოდაა. ასეთ სულიერ საკითხებში სიფრთხილეა საჭირო. ნუ მოუყვებით სხვებს თქვენს ფარულ სულიერ გამოცდილებებს. ეს არასწორია. ასე ღვთის მადლს ვკარგავთ. ხედავთ ღვთისმშობელს? ის მდუმარებას იცავდა. მას არ უთქვამს მართალი იიოსებისთვის ხარების საიდუმლო, ეს მას ანგელოზმა უთხრა. იოსებს ეძინა და ანგელოზის ხმა გაიგონა, რომელიც უხმაუროდ, საიდუმლოდ მოვიდა. "ვერ შეეხებოდა ხელი ყოველთა". ფრთხილად! ღმერთი ძალიან იდუმალია; იმდენად იდუმალი, გვგონია, რომ არ არსებობს. იგი მათ ეცხადება, ვინც სიმდაბლის ნიჭის ღირსი გახდა"
/წმ. პორფირი კავსოკალიველი/
"არ განვადიდოთ საკუთარი თავი ჩვენთვის ბოძებულ ნიჭთა სიდიადით"
/დეკ. დავით ციცქიშვილი/
"თითოეული ადამიანი მოვალეა კეთილად მოიხმაროს მისთვის მინიჭებული შესაძლებლობები. როდესაც ადამიანს რამენაირი ნიჭით აჯილდოებს, ღმერთი ხომ პასუხსაც მოსთხოვს მათთვის"
/ღირსი პაისი ათონელი/
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)