ქრისტე აღსდგა,ჭეშმარიტად! პარამეტრები

[marine]

"მთელი ქრისტიანული მოძღვრება ეფუძნება აღდგომის ფაქტს. ამას მე არ ვლაპარაკობ, ამის შესახებ ბრძანებს პავლე მოციქული: "...უკეთუ ქრისტე არ აღდგომილ არს, ამაო არს სარწმუნოებაი ეგე თქუენი" (I კორ. 15, 17). თუ ქრისტე მკვდრეთით არ აღმდგარა, მაშინ ყველაფერი ინგრევა. მაგრამ იგი აღდგა და ეს ადასტურებს, რომ იგია უფალი სიცოცხლისა და სიკვდილისა და, მაშასადამე, არის ღმერთი!"

/არქიმანდრიტი ეპიფანე თეოდოროპულოსი/

[marine]

"არ უნდა დაგვავიწყდეს, რომ აღდგომა წელიწადში 52 კვირის განმავლობაში გრძელდდება. წელიწადში 52 კვირაა და ამდენივე აღდგომაა. როგორც გიხაროდა აღდგომის ღამეს, ისე უნდა გიხაროდეს მთელი წელი. კოცონი, რომელიც აღდგომას ავანთეთ, მთელი წლის განმავლობაში უნდა ენთოს. ის ადამიანები, რომლებმაც გარკვეული მადლი მიიღეს, ფეხისწვერებზე უნდა დადიოდნენ, რომ ეს მადლი შეინარჩუნონ. "

/დეკ. გიორგი თევდორაშვილი/

[marine]

"მაცხოვრის აღდგომით აღსრულდა დიდი საიდუმლო - გამოსყიდვა კაცთა მოდგმისა"

[marine]

"ხორციელება სასიკეთო რომ არ ყოფილიყო, უფალი სხეულში არ აღდგებოდა"

[marine]

"დღეს რამდენიმე სულიერი შვილი მესტუმრა სენაკში და ერთად ვიგალობეთ "ქრისტე აღდგა" სამჯერ. მე მათ ვუსურვე: "გისურვებთ, რომ ჩვენი უფლის, იესო ქრისტეს აღდგომამ ჩვენს სულებში ყოველივე კეთილშობილური და კეთილი გრძნობა აღადგინოს, ყველა ჩვენგანს სიწმინდისკენ წარგვიძღვეს და სძლიოს ძველ კაცს "ვნებითურთ და გულის თქუმით" (გალ. 5, 24). ამას ითხოვს უფალი. ამიტომ ვისურვებდი, რომ ინებოს და შეგვეწიოს მკვდრეთით აღდგომილი ღმერთი, რათა შევმუსროთ და მოვაკვდინოთ "ძუელი იგი კაცი" (რომ. 6.6) და მისი ეკლესიის ღირსნი გავხდეთ. უდიდესი სასწაული, რომელიც ქრისტემ აღასრულა, არის მისი აღდგომა. ნურასოდეს დაგვავიწყდება ეს. მრავალჟამიერ!"

/წმ. პორფირი კავსოკალიველი/

"ვიღაცამ თქვა, რომ დღეს ყველაფერი ლოცულობს: დედამიწა, ზეცა, ვარსკვლავები, სურნელოვანი ყვავილები, მორაკრაკე ნაკადულები, მოჩუხჩუხე წყაროები, მგალობელი ბულბულები, მონავარდე პეპლები, ყველანი გალობენ: "ქრისტე აღსდგა".

/წმ. პორფირი კავსოკალიველი/

[marine]

"ქრისტე არის ჩვენი სულის სიძე. ჩვენი სული - მისი სძალი, ყველაფერში მას მიჰყვება. მოწამეობაზეც, გოლგოთაზეც, ჯვარზეც, მაგრამ ასევე აღდგომაშიც. როდესაც სიყვარულის ამ საზომს მივაღწევთ, მაშინ ჩვენში ქრისტე დაივანებს და ჩვენს სულს აღავსებს"

/წმ. პორფირი კავსოკალიველი/

[marine]

"ჩვენც აღვდექით ქრისტეში!"

[marine]

" - როგორ აღნიშნავთ დღესასწაულებს, რაიმე განსაკუთრებულს ხომ არ გაიხსენებთ ამასთან დაკავშირებით?

- წელს, ამერიკის დასავლეთ სანაპიროზე, კალიფორნიის შტატში პირველად აღევლინა იესუ ქრისტეს ბრწყინვალე აღდგომის სადღესასწაულო ღამისთევის მსახურება ქართულად. ლიტანიობისას ტაძრის გარეშემოვლის საშუალება არ გვქონდა შენობის ადგილმდებარეობის გამო, ამიტომ გადავწყვიტეთ, სიმბოლურად შემოგვევლო ჩვენი პატარა ტაძრისთვის...

შენობის წინ დავდგით პატარა მაგიდა, რომელზედაც ქართულ დროშში გახვეული ოდიკი დავაბრძანეთ (ოდიკი არის, რაზეც ძღვენი იკურთხება და რის გარეშეც ეკლესია არ არსებობს), ზედ დავადგით უწმინდესის მიერ ნაჩუქარი, ხელნაკეთი ხის ეკლესია, დავდგით სამი ანთებული სანთელი და მის ირგვლივ ვლიტანიობდით... ეს იყო საოცარი... ნამდვილი მისტერია..."

/მამა იოანე (კავსაძე)/

[marine]

"აღდგომის დღეს ციდან წამოსული წვიმა
დედა ღვთისმშობელის ცრემლებია წმინდა"

/ნონა ფერაძე/

[marine]

"უდაოდ ცნობილია, რომ მაცხოვრის აღდგომის დღესასწაულს ჯერ კიდევ მოციქულები ზეიმობდნენ"

[marine]

"ქრისტე აღდგა! - ამ სიტყვებშია ჭეშმარიტების გამარჯვება!"


"ქრისტე აღდგა! - ეს ორი სიტყვა მოიცავს ორივე სიცოცხლეს, აერთებს ორივე სოფელს, აკავშირებს მიწას ზეცასთან, ქმნილებას - შემოქმედთან, ადამიანს - ღმერთთან".

/ილია მეორე/

[marine]

"ქრისტე აღდგა! - ამ სასიხარულო და მადლიან სიტყვებს იმეორებდნენ ჩვენი დიდებული წინაპრები; ეს სიტყვები გადაეცემოდა ბაგიდან ბაგეს, თაობიდან - თაობას და ავსებდა ადამიანებს იმ სიხარულით, რომელიც მარადიული სიყვარულის წიაღიდან მომდინარეობს!"

/ილია მეორე/

[marine]

"დიახ, ჩვენ გვწამს და ვაღიარებთ ქრისტეს აღდგომილს! ანდა როგორ შეიძლება არ გვჯეროდეს ქრისტეს აღდგომა, როდესაც ვხედავთ, რომ ყველა მოციქული ქრისტეს აღდგომისათვის ეწამა და არცერთ მათგანს სასიკვდილო წამების დროსაც არ შეუწყვეტია აღდგომილი ქრისტეს ქადაგება!"

/ილია მეორე/

[marine]

"დღეს ჩვენი მოზეიმე სულები ერთხმად უგალობენ და შესთხოვენ მკვდრეთით აღდგომილ მაცხოვარს: მოგვმადლე ჩვენ, ზეციურო მოძღვარო, ჩვენი დიდი წინაპრების რწმენის ძალა, სასოების შეურყევლობა და მხურვალება მათი სიყვარულისა!

მოგვმადლე ნიჭი, რომ ამქვეყნიურ ხმაურში გავიგონოთ მარადიულობის სიჩუმე და სიმშვიდე, რომ სამარადისოდ შეგიერთდეთ და ვიხაროთ შენთან!"

[marine]

"უფლის აღდგომა არის უდიდესი სასწაული და აზრისა და სიკეთის გამარჯვება ბოროტებაზე"


"აღდგომილი უფლის სხეულმა შეინარჩუნა მისთვის მიყენებული ჭრილობები. ეს არის მითითება იმაზე, რომ ვნებანი, თავდადება და ყოველივე ღირსეული, ქმნული მართალთა მიერ, თავის ადგილს ჰპოვებს მათ საუკუნო განდიდებაში"

[marine]

"აჰა, აღდგომა, დღე საამური, დღე ყოველგვარი მხიარულებისა და სიხარულისა; შემოიქცევა ჟამი და მარადიულად მოგვეახლება აღდგომა ქრისტესი, უფრო კი ყოველდღიურად და მარადჟამს აღსრულდება მათში, რომლებმაც უწყიან ამ დღის საიდუმლო"


"ვმადლობდეთ უფალს, ვინც გვიწინამძღვრა მარხვის ზღვაში, ვინც სიხარულით შეგვიძღვა მისი აღდგომის ნავსადგურში"


"აღდგომა ქრისტესი არის აღდგომა ჩვენი"

[marine]

"აღდგომის დღესასწაულმა სიხარულითა და ლხინით აგვივსო გულები, ერთბაშად გააქარწყლა მან ყოვლადწმიდა მარხვის სიმძიმე ანუ, უკეთ რომ ვთქვათ, სრულყო ჩვენი სულები და ამავე დროს, ნუგეში სცა მათ. ამ დღემ უხმო ყველა მორწმუნეს, რომ ილხენდნენ და აღავლენდნენ სამადლობელს; აწ კი, როგორც ხედავთ, მიიწურა იგი"



"სულს უხარია პასექის დადგომა, რადგან მას მისთვის სიმშვიდე და მრავალი შრომის შემსუბუქება მოაქვს"


"საიდუმლოი არს ჯუარცუმაი მისი, საიდუმლოი არს დაფლვაი მისი, საიდუმლოი არს აღდგომაი მისი"

[marine]

"ქრისტემ, ჩვენმა ღმერთმა, რომელიც "ჯვარსა დამოეკიდა" და რომელმაც ჯვარზე მიალურსმა სამყაროს ცოდვა, იგემა სიკვდილი და ჩავიდა ჯოჯოხეთის უქვემოეს ნაწილში. როდესაც იგი კვლავ ამოვიდა ჯოჯოხეთიდან, შევიდა თავის უკვდავ სხეულში (რომელსაც ჯოჯოხეთში ჩაშვების დროსაც არანაირად არ განშორებია), მყისვე აღდგა მკვდრეთით და ამიშ შემდეგ ამაღლდა ზეცად ფრიად დიდებითა და ძალმოსილებით".

[marine]

"აღსდგა ქრისტე და დაეცნენ ეშმაკნი"

"გულდასმით გამოვიკვლიოთ, თუ როგორ დაიფვლება ქრისტე ჩვენში, ვითარცა სამარეში, შემდეგ კი როგორ აღდგება იგი, ჩვენს სულებთან შეერთებული, და როგორ აღგვადგენს ჩვენც მასთან ერთად"

[marine]

"აღდგომა, სულიერი აღდგომა მოგმადლოთ უფალმა!"

/ილია მეორე/