განსაცდელი, ვისაუბროთ პარამეტრები

[marine]

"მართალია, შეუძლებელია, ტანჯვისას მწუხარებას არ გრძნობდე: წმინდანებიც, რომლებიც საზოგადო ვალს უხდიდნენ ბუნებას, ზოგჯერ ცრემლებით ასველებდნენ სარეცელს, მაგრამ მათ ცრემლებში გამოსჭვიოდა სულის უდრტვინველი სიმშვიდე, მსგავსად იმისა, როგორც ზოგჯერ წყნარ ამინდში წითელი მზე აირეკლება წვიმის წვეთებში"

[marine]

"წმიდა მამები გვირჩევენ კიდეც, მწუხარების ცრემლი დავღვაროთ. ოღონდ არა - ცრემლი გოდებისა და სასოწარკვეთისა, რომლებიც მხოლოდ გულს გვიგლეჯენ და მწუხარებას უნუგეშოდ აქცევენ, არამედ - ცრემლი, რომელიც უფლისადმი ლოცვით მხურვალებასთანაა შეზავებული. ამგვარი ცრემლები, მართლაც, შეიძლება, და უმჯობესიცაა, ვურჩიოთ მწუხარე კაცს. ისინი მეტად ამსუბუქებენ მწუხარებას, მსგავსად კეთილსასურველი წვიმისა: მწუხარებისა და ნაღვლისაგან გამხმარ გულზე ზეციდან იმედსა და ნუგეშს ღვრიან"

[marine]

"მოგზაური გზაში უდრტვინველად იტანს ყველა ქარიშხალსა და უამინდობას, ყველა გასაჭირსა და დანაკლისს იმ იმედით, რომ მოგზაურობის დასასრულს, სრულყოფილ განსვენებას ჰპოვებს მშობლიურ კერაზე. მებრძოლი მამაცურად მიდის მტრის წინააღმდეგ ომში, რომელთაც მისი მოკვლა სურთ, იმ იმედით, რომ ბრძოლის დასასრულს მისი გმირობა ღირსეულად დაგვირგვინდება, ჩვენც მიწიერი მოგზაურები ვართ, ქრისტეს მეომრები, განა არ უნდა ვიტანდეთ და ვითმენდეთ სულგრძელად ყველა მწუხარებას? მამაცურად წინ აღვუდგეთ ყველა ცხოვრებისეულ განსაცდელს, სრული და ცოცხალი რწმენით იმისა, რომ "საწუთროი ესე მცირე ჭირი ჩუენი გარდამეტებულსა და გარდარეულსა დიდსა დიდებასა საუკუნესა შეიქმს ჩვენთვის".

[marine]

"როგორც კი იგრძნობთ, რომ თქვენი მაცდუნებელი განსაცდელი შემოგეპარათ, მეყსეულად აიღეთ მაგალითი პატარა ბავშვებისაგან: მტაცებელი ცხოველის დანახვაზე შიშისაგან სწრაფად გარბიან ისინი მამის ან დედის მკლავებისაკენ, ან, უკიდურეს შემთხვევაში, მათ საშველად უხმობენ. ყველაფერი განსაცდელის ან საფთხის დროს თქვენც სასწრაფოდ გაეშურეთ უზენაესისაკენ, ევედრეთ მას შეწევნა და შემწეობა!"

[marine]

"თუ ვიცით, რომ უფალი ყოვლისშემძლეა, მაშინ არაფრის არ უნდა გვეშინოდეს, რადგან ვიცით, რომ უფალი ნებისმიერ სიტუაციაში შეგეწევა და გვაპოვნინებს გამოსავალს"

[marine]

"განსაცდელთა ყოველდღიური დათმენით განმტკიცდება ადამიანის სული და ნელ-ნელა უახლოვდება სრულყოფილებას"

[marine]

"ადამიანი, რომელიც ვერ გრძნობს ტკივილს - მკვდარია"

/არქიმანდრიტი რაფაელი კარელინი/

[marine]

"მწუხარება და ამპარტავნება - ეს ორი ცნება უცხოა ერთმანეთისთვის და ერთად ვერ თანაარსებობენ. კაცთმოყვარე ღმერთი სხვადასხვაგვარი მწუხარებით უნებლიე ღვაწლს არგუნებს ადამიანს და ამით ცხონების გზას უმზადებს მას"

[marine]

"სასუფეველში ყოველივე სრულქნილი და კეთილმოწყობილი იყო, ამინდი - კეთილსასურველი, ჯანმრთელობა - უნაკლო, განწყობა და ხასიათი - სათნო...

ჩვენს სამყაროში არც კი იცი, საიდან და როდის დაუბერავს მწუხარების ქარი: დღეს მხიარულსა და კმაყოფილს - ხვალ შეიძლება მოწყენილობა და ავადმყოფობა დაატყდეს თავს..."

[marine]

"თუ არ გვაქვს მწუხარება - არ გვაქვს ხსნა" - ამბობს წმინდა სერაფიმე საროველი. სვიმეონ ახალი ღვთისმეტყველი კი გვასწავლის: "როგორც ტანსაცმელს, ჭუჭყითა და სხვა რაიმე უწმინდურობით შებღალულს, დიდი ხნის რეცხვისა და წმენდის გარეშე ვერ გავწმენდთ, ასევე, ცოდვიანი ვნებების ლაფითა და ჩირქით შებღალულ სულის კვართს ვერაფერს მოვუხერხებთ ცრემლის, განსაცდელისა და მწუხარების გარეშე".

[marine]

"დავაკვირდეთ, როგორ ისრისება ყურძენი იმისათვის, რომ მისგან საუკეთესო სასმელი - ღვინო დადგეს; როგორ იფქვება ხორბალი და ცეცხლზე როგორ ცხვება, რომ აუცილებელი პროდუქტი - პური მოგვეცეს, და რამხელა ტემპერატურა სჭირდება ოქროს გამობრძმედვას, რომ წმინდა ბაჯაღლო მივიღოთ... ამ შედარებათა რიგში ჩავაყენოთ ღვთის მიერ ჩვენთვის დაშვებული განსაცდელების ნამდვილი დანიშნულება, და მივხვდებით, თუ როგორ ცდილობს უფალი, სნეულების ცეცხლითა და ტკივილის გზით განგვიცხადოს თავისი ნება და განგება - ჩვენივე განწმენდისათვის, რათა სასუფევლის მოქალაქეებად ვიქცეთ. და თუკი მცირედით მაინც დავემსგავსებით იობ მრავალტანჯულს და მადლიერებით მივენდობით უფალს, მის წმინდა ნებას, ჭეშმარიტად ვიქნებით ეკლესიურ საიდუმლოებათა მონაწილე".

[marine]

"მწუხარებაც სიმთვრალეა, რადგან დასცემს გონებას"

[marine]

"როდესაც ჩვენ განსაცდელში ჩავცვივდებით, მაშინვე უნდა მივმართოთ უფლისკენ მზერა და შევთხოვოთ შეწევნა. პეტრეს მსგავსად, უფალი ჩვენც მაშინვე გამოგვიწოდებს ხელს და ამოგვიყვანს მიწიერი, ამქვეყნიური განსაცდელებიდან, როგორც პეტრე ამოიყვანა აღელვებული ზღვიდან"

[marine]

"კაცის ცხონება სხვანაირად არ აღშენდება, თუ არა განსაცდელის დათმენით, ამიტომაც ვინც უარს ამბობს განსაცდელზე, ის თავის თავს ცხონებისგან განაშორებს და ამასთან გამოუცდელი რჩება. ვინც მადლობით დაითმენს, იგი ადვილად და თავისუფლად გამოივლის განსაცდელს და გამოცდილი გახდება"

[marine]

"თუმცა მამა ეფრემს [კატუნაკელი] არც განსაცდელები აკლდა. ბერი იოსები ასე მოძღვრავდა მას: "მადლისმიერი მდგომარეობა მოგეცა? მაშ, მალე განსაცდელსაც ელოდე. განსაცდელებმა და მწუხარებებმა მოგიცვა? ღვთის ნუგეშიც ახლოს არის".

[marine]

"ვისაც სურს, რომ ღმერთს სათნო ეყოს, ამა სოფელში მწუხარებები უნდა გაიაროს. რომელმა წმინდანმა განვლო ეს ცხოვრება სიცილით?"

/ღირსი ეფრემ კატუნაკელი/

[marine]

"ვინც განსაცდელს გაურბის, მარადიულ ცხოვრებას გაურბის"

[marine]

"ისეთი განსაცდელი მქონდა, რომ უკიდურეს ზღვრამდე ვიყავი მისული. მეტის ატანა აღარ შემეძლო და შეწევნას ვითხოვდი. მაშინ ბერი იოსები ვიხილე სიზმარში და მითხრა: "შვილო, შიგ გულში მყავხარ". იცით, როგორი ნუგეში მომცა ამან იმ მძიმე განსაცდელის დროს?! მიუხედავად იმისა, რომ მხოლოდ სიზმარში ვიხილე ბერი იოსები, დიდად მანუგეშა"

/ღირსი ეფრემ კატუნაკელი/

[marine]

"ზოგჯერ ისეც ხდება, რომ ღმერთი გვცდის, რათა გამოვფხიზლდეთ. მაგალითად, გვიგზავნის რაიმე განსაცდელს. ამით მას ჩვენი გამოფხიზლება სურს: "ნუ გძინავს, ადექი და ილოცე!"

/ღირსი ეფრემ კატუნაკელი/

[marine]

" - რომელი ლოცვა უნდა წავიკითხოთ სულიერი გასაჭირის დროს?

- ყოველგვარი სულიერი გასაჭირის დროს უნდა თქვათ შემდეგი ლოცვა: "ღმერთო, შეწევნასა ჩემს მოხედენ, უფალო, შეწევნად ჩემდა ისწრაფვე" და ეს ლოცვა იქნება თქვენი ყველა ჭირისაგან გამომხსნელი"