მრისხანება, მრისხანებაა პარამეტრები

[marine]

"განრისხებულ ადამიანს რომ შეეძლოს, საკუთარი თავის ამ მდგომარეობაში ნახვა, მას უკვე არანაირი ქადაგება აღარ დასჭირდებოდა, რამეთუ არაფერია უფრო უსიამოვნო, ვიდრე - გაღიზიანებული ადამიანის სახე"

/წმ. იოანე ოქროპირი/

[marine]

"თუ მიტევების უნარი არ გაგაჩნია, დადექი და იკითხე ლოცვები, გული მაინც მრისხანებით გექნება სავსე!.."

/მამა პეტრე კვარაცხელია/

[marine]

"სადაც გაბოროტება და მრისხანებაა, იქ თავმდაბლობის სული არ დაივანებს"

/წმ. იოანე ოქროპირი/

[marine]

"მრისხანება არის სისხლის დუღილი გულში და მის სიახლოვეს, რაც წარმოიქმნება ნაღველის აორთქლებისა თუ ამღვრევის შედეგად; ზოგჯერ მრისხანებას თან ახლავს შურისძიების გრძნობაც, რადგან, როცა შეურაცხყოფენ ანდა გვგონია, რომ შეურაცხგვყვეს, მრისხანება შეგვიპრყობს ხოლმე, ანუ იმ გრძნობით ვართ აღვსილნი, რომელშიც აღრეულია რისხვა და სწრაფვა შურისძიებისაკენ. არსებობს სამი სახეობა მრისხანებისა: გაღიზიანება (გაფიცხება), გაბოროტება და შურისძიება" - აღნიშნავს წმინდა იოანე დამასკელი".

[marine]

"მრისხანება, როდესაც თავად შენ გაწყენინებენ, - ეს არაწმინდა მრისხანებაა"

/ღირსი პაისი მთაწმინდელი/

[marine]

"მრისხანება და შურისძიება სუსტი სულის ვნებაა; ამიტომ ქალები მამაკაცებზე უფრო მრისხანენი და შურისმაძიებელი არიან"

[marine]

"გაღიზიანება ფეთქებადი ნივთიერების მსგავსია და ერთი ნაპერწკალიც კმარა, რომ რისხვაში გადაიზარდოს.
მრისხანება კი დროებითი შეშლილობაა! ამ დროს საშინელი სანახავები ვართ. ჩვენ მარტო ქრისტიანულ სახეს კი არ ვკარგავთ, არამედ აღარაფერი რჩება ჩვენში ადამიანური. განრისხებულ ადამიანზე ტყუილად კი არ ამბობენ, "გამხეცდაო". უმსგავსი სიტყვების რა ნაკადს აღარ უშვებს პირიდან მისი ბაგე!
უბედურება ისაა, რომ ჩვენი მრისხანება თითქმის ყოველთვის სამართლიანი გვგონია".

/არქიმანდრიტი იოანე (კრესტიანკინი)/

[marine]

"მრისხანება მრისხანებით არ განიკურნება!"

[marine]

"ცეცხლის საზრდო შეშაა, გაღიზიანებისა კი - ამპარტავნება"

/წმ. ეფრემ ასური/

[marine]

"არ არსებობს იმაზე დიდი გამარჯვება, ვიდრე საკუთარი მრისხანებისა და გულისწყრომის დაძლევაა!"

/წმ. ტიხონ ზადონელი/

[marine]

"აღშფოთებით ნურაფერს იტყვი, რადგან ბოროტება სიკეთეს ვერ შობს; არამედ დაითმინე, ვიდრე შენი აზრები დამშვიდდება და შემდეგ წყნარად თქვი!"

[marine]

"ცეცხლს ცეცხლით ვერ ჩააქრობ, არამედ - წყლით; მრისხანებასაც მრისხანებით კი ვერ დათრგუნავ, არამედ - თავმდაბლობითა და დიდი მოთმინებით"

[marine]

"მრისხანებ შენს მოყვასზე და თვითონაც, ღვთის წინაშე მრისხანებაში ხარ!"

[marine]

"მხეცისათვის არაბუნებრივია ლმობიერება, ადამიანისთვის კი - სისასტიკე!"

[marine]

"საკუთარ თავში ორი აზრი დათრგუნე: ნუ მიიჩნევ საკუთარ თავს დიდად და ნუ იფიქრებ, რომ სხვა ადამიანი შენზე ბევრად ნაკლები ღირსებისაა! ასეთ შემთხვევაში ჩვენთვის მოყენებული შეურაცხყოფა არასოდეს გაგვაღიზიანებს"

/წმ. ბასილი დიდი/

[marine]

"საკუთარი თავის გარდა ნურავისზე გაბრაზდები და განრისხდები"

[marine]

"მრისხანებისკენ მიდრეკილება ნამდვილი უბედურებაა გონიერი და თავისუფალი არსებისთვის"

/ღირსი იოანე კიბისაღმწერელი/

[marine]

"მრისხანება გონებას აბნელებს, ასკეტს წმინდა ლოცვას ართმევს, ცხოველზე დაბლა აყენებს. ის განდევნის ჩვენგან სულიწმიდის მადლს. "თუკი სულიწმიდა იწოდება და არის კიდეც სიმშვიდე სულთა, ხოლო მრისხანება - აღშფოთება გულისა, არაფერი ისე არ დააბრკოლებს ჩვენში სულიწმიდის დამკვიდრებას, როგორც მრისხანება".

/ღირსი იოანე კიბისაღმწერელი/

[marine]

"სამეფოზე გამარჯვება უფრო ადვილია, ვიდრე - საკუთარ მრისხანებაზე. გმირები, რომლებიც გამარჯვებულად აქცევდნენ მეფეებს, საკუთარი მრისხანების მონები ხდებოდნენ. ამიტომ წმიდა წერილი ხალხზე გამარჯვებულთან შედარებით საკუთარ მრისხანებაზე გამარჯვებულს ანიჭებს უპირატესობას. "სულგრძელი კაცი მამაცს სჯობს, საკუთარი თავის ხელმწიფე კი - ქალაქის ამღებს", - ბრძანებს სოლომონი".

[marine]

"ძნელია მრისხანების დაოკება; განსაკუთრებით, თქვენთვის, ძალაუფლებით აღჭურვილთათვის, დიდი ღვაწლია საჭირო: თქვენ უნდა განრისხდეთ კიდეც, სადაც საჭიროა, ე.ი. არ დაუშვათ გულის სიღრმეში განმხრწნელი ქმედებები. ამ შემთხვევაში უნდა მიემსგავსოთ ზღვას, რომლის ზედაპირი ქარიშხლის დროს მრისხანე და საშინელია, მაგრამ სიღრმე - წყნარი და უმოძრაოა!"