ბუნების ამოუცნობი ბუნება ;), რამე გაკვირვებთ ირგვლივ? პარამეტრები

[iisperiTOVLI]

მე ის მაკვირვებს ახლა,რომ ვზივარ,გწერთ ;გული კი მიცემს, ვსუნთქავ და მთელი ეს რიტმები,როგორ არ ირღვევა და შეთანხმებულია ერთმანეთთან.. (საერთოდ რეგულაციის საკითხები მნიშვნელოვანია ძალიან..)

[marine]

"საჭირო არაა ბუნებრივი მტკიცებულებების ძიება იმისათვის, რაც ბუნებაზე აღმატებულია, ან - ამ მტკიცებულებათა უკმარობის გამო, უარყოფა და ზებუნებრივის არაღიარება"

[marine]

"ერთხელ ვიწრო ბილიკით წადით მინდვრისაკენ, რომელზეც ხორბალია დათესილი, დააკვირდით თავთავს: ხედავთ ამ მსუბუქ გარსს, რომელიც გარს ერტყმის თავთავის ფხებს, რომლებიც მას იცავს? - ყოველივე ეს იმისთვისაა საჭირო, რომ თავთავი მზის დამღუპველ ზემოქმედებისაგან იყოს დაცული; ხედავთ იმ მწვანე ფოთლებს, რომლებიც კარტოფილის გარშემო იზრდება? ეს იმიტომაა, რომ შეინარჩუნოს სინოტივე, რომელიც სრულყოფილი ზრდისათვის არის საჭირო. ხედავთ ამ ჩენჩოს მარცვალზე, რომელიც იცავს მას. ვინ იცავს ასე თავთავს? მზის თვალისმომჭრელი ბრწყინვალებისაგან დასაცავად? განა გონიერმა არსებამ, უფალმა - არა? განა შეიძლება, ამგვარი მტკიცებულებების არსებობის შემდეგ, მაინც უარვყოთ მისი წინდახედულება და მადლმოსილება?"

[marine]

"მატლისა და ქინქლის წარმოქმნაში შეუდარებლად აღმატებული ხელოვნება ჩანს, ვიდრე - ადამიანის გონების მიერ შექმნილ საუკეთესო ნაწარმოებებში. მრავალნი აშენებენ ბრწყინვალე შენობებს, იგონებენ საოცარ მანქანებს, აგებენ უზარმაზარ გემებს: მაგრამ მათ შორის უძლიერესსა და გონებამახვილსაც კი არ შეუძლია, შექმნას მცოცავი მწერი, მფრინავი ჩიტი, მწვანე ბალახი, ან თუნდაც, ერთი ქვიშის ნამცეცი შეადგინოს".

[marine]

"ქრისტიანო! თუკი ვარსკვლავთა მსახურებმა ვარსკვლავისაგან ისწავლეს ერთი ჭეშმარიტი ღმერთის თაყვანისცემა, მაშინ მით უმეტესი თაყვანი ეცი მას თავად, როცა ხედავ მზეს, მთვარესა და ვარსკვლავებს".

[marine]

"რა დიდებულ, აღმაფრთოვანებულ გამოვლინებას წარმოგვიდგენს ბუნება ჩვენს თვალთა წინაშე! რა დამატყვევებელია მზის ჩასვლა საავდრო ღრუბლებში? რა დიდი სიამოვნებაა გულისა და სულისათვის, როდესაც გაზაფხულის კეთილსურნელებას ვიყნოსავთ და მაღალი მთის მწვერვალიდან გადმოვცქერით ქმნილებათა ხელახლა შობის სასწაულს! გიხაროდეს, გიხაროდეს, სულო ჩემო, იფიქრე იმ დროზე, როდესაც შნ ცათა ზეცაში ახვალ და ყოველივე ამაზე შეუდარებლად აღმატებულ გამოვლინებებს იხილავ. ყოველგვარი სიკეთე, რომლითაც ადამიანი ამ სოფელში ტკბება, არის მხოლოდ მცირე წვეთები ამ საოცარი სიხარულის წყაროსი, რომელსაც ნეტარნი ზეცაში იგემებენ!"

[marine]

"უფრო ადვილია ზეცის სივრცის, ცისქვეშეთისა და ზღვის უფსკრულების გაზომვა, ადვილია გულიდან ამოსული ამოსუნთქვის დათვლა. ვიდრე გაზომვა და შეცნობა ღვთის წყალობათა სიდიადისა და რიცხვისა".

[marine]

"ეჰ, საითაც გაიხედო, თვალმომჭრელი ბუნების სახე. ტყუილია თქმა: გამოდევნესო სამოთხიდან ადამიანი, ქართველებს არ შეჰმთხვევიათ ეს ძნელი საქმე"

/ვასილ ბარნოვი/

[marine]

"დიდებული წიგნი არის ბუნება. იგი თვით შემოქმედის არსებაა, ქმნილებათა სიმრავლეში საცნაურ ქმნილი. მის კაბადონთა ფურცელს და კითხვას არა სჯობია რა"

/ვასილ ბარნოვი/

[marine]

"ბალახის ერთი ღეროც საკმარისია, რათა დამბადებლის სიბრძნე გონებით განჭვრიტო!"

[marine]

"ნუ იკითხავ, ჰგავს თუ არა ბუნებას ის, რასაც ბუნების შემოქმედი ქმნის"

/წმ. იოანე ოქროპირი/

[marine]

"რაც მეტს შევიმეცნებთ, მით მეტად ვხვდებით შეუცნობელ საგნებს!"

[marine]

"ბუნების მთელი სილამაზე იდუმალი ღმერთის იდუმალებიდან გამომდინარეობს. იდუმალი ღმერთის ამ იდუმალების გარეშე ბუენბა ერთი წამისყოფითაც ვერ შეინარჩუნებდა ამ მდუმარე უბიწო სილამაზეს, რომელიც მისგან გამობრწყინდება.

შექმნილი ბუნება - ღრუბელია, რომელიც ფარავს საღვთო ცეცხლის დამაბრმავებელ ნათელს. ამ ღრუბლის გამჭვირვალობა თუ შეუღწევლობა ჩვენს სულიერ ხედვაზეა დამოკიდებული: დახვეწილი და მაღალი სულისათვის ის თხელი და გამჭვირვალეა, უხეშისთვის - ბნელი და შეუღწეველი"

/წმ. ნიკოლოზ სერბი/