ქრისტე პარამეტრები

[marine]

"ჩვენი სიყვარული - ქრისტეს ვნებებს, ჩვენი რწმენა - მის აღდომას, ჩვენი სასოება მის ამაღლებას ეფუძნება"

[marine]

"მიწაზე ჩამოსულმა ძე ღვთისამ არ დატოვა თავისი ზეციური მამა, ხოლო როცა ზეცად ავიდა, არ მიუტოვებია მისი სახელის მორწმუნენი"

[marine]

"ქრისტემ შეგვიყვარა ჩვენ, უღირსნი. მაშ, ჩვენც შევიყვაროთ იგი, რომელიც ყოველგვარი სიყვარულის ღირსია!"

[marine]

"ამოირჩიე, რა უკეთესია - მთელი სამყარო გაიხადო მტრად, თუ იესო შეურაცხ-ჰყო?!"

[marine]

"ვაი მათ, ვინც განიშორებენ იესოს, ვინაიდან ისინიც ოდესღაც იძულებულნი იქნებიან, განეშორონ მას!"

[marine]

"ვისაც სურს იესო ქრისტეს მსგავსი იყოს დიდებაში, იგი მას უნდა ემსგავსებოდეს ცხოვრებითაც"

[marine]

"დაე, ყველაფერში შენი მასწავლებელი უფალი იესო ქრისტე იყოს; გონების თვალით მჭვრეტელმა საკუთარ თავს ხშირად ჰკითხე: რას იფიქრებდა, რას იტყოდა ან გააკეთებდა ამ შემთხვევაში იესო ქრისტე?"

[marine]

"ბოლომდე დაითმინე ქრისტესთან ერთად და ქრისტეს გულისათვის, თუკი გსურს, ქრისტესთან ერთად იმეფო!"

[marine]

"ის არ არის ქრისტესი, ვინც ისე არ აზროვნებს და მოქმედებს, როგორც - ქრისტე!"

[marine]

"ქრისტე, რომელიც მოწოდებული იქნა მეფობისათვის, განეშორა ამას, ხოლო ლანძღვასა და ჯვარზე სიკვდილისთვის მოწოდებისას, ნებაყოფლობით დათანხმდა; ამგვარად, ადამიანო, რომელსაც გსურს, ქრისტეს მიემსგავსო, მეტად უნდა გიხაროდეს შეურაცხყოფის მიღება, ვიდრე - დიდებისა!"

[marine]

"ვისაც ქრისტე არ უყვარს, მას არ სწამს მისი; მაცხოვარი არ უყვარს მას, ვისაც თავისი მოყვასი არ უყვარს"

[marine]

"იესო, ნათელო, ყოველგვარ სინათლზე აღმატებულო, მე ცოდვითა ვარ დამძიმებული, უკუნსა და ბნელში მყოფი ვარ, მაინც გხედავ, გხედავ და გმოსავ".

[marine]

"ქრისტეა იქ, სადაც მისი მადლი და სიწმინდე სუფევს"

[marine]

"იესო, ბოლო მსაჯულო, ვაღიარებ, რომ შენი სიყვარულით, როგორც სხვა არავინ, ვარ დაკოდილი"

[marine]

"იესო, ძეო ღვთისაო, მდუმარების იდუმალებავ, მომეც მე ძალა, მაღლა დავდგე ყველა გრძნობაზე და ყველა ფიქრზე"

[marine]

"ჰოი, დაგვიფაროს ღმერთმა, ვიყოთ სადმე ქრისტეს გარეშე!"

[marine]

"- ვარ ორსული, შეიძლება თუ არა, ჩემს შვილს დავარქვა იესო. ცოდვად ხომ არ ჩამეთვლება ეს საქციელი?
- საქართველოში იესო სახელად დარქმევის ტრადიცია არასდროს ყოფილა. ქართველი კაცი კრძალვითა და უდიდესი პატივისცემით შეჰყურებდა ღვთის სახელს და უბრალო მოკვდავისთვის მის დარქმევას ერიდებოდა. იესოს დარქმევის ტრადიცია გავრცელებული იყო საბერძნეთში. ასე რომ, ბავშვისთვის იესოს დარქმევა ცოდვად არ ჩაგეთვლებათ"

[marine]

"შენ გამოგცდის ბოროტი სული - სხეულის ბიწიერი მძლავრი მოთხოვნილების აღძვრით, წარმოიდგინე უმანკო სახე ქრისტესი და გადაწყვიტე: შებილწავ ამ უმანკოებას შენი მოთხოვნილების დაკმაყოფილებით თუ - არა? შენ გულფიცხელობ და ვერ აგიტანია მეზობლისაგან გალანძღვა, შეხედე მაცხოვრის მშვიდობიან სახეს და მოიგონე, რაგვარ საქციელს გავალებს იგი ამისთანა შემთხვევაში? შენ ხარ პატრონი დიდი სიმდიდრისა, გაიხსენე მაცხოვარი - მომცემი ამ სიკეთისა და მოძღვრება მისი, - სად უნდა ინახავდე სიმდიდრეს. შენ გიჭირავს საზოგადოებაში საპატიო ალაგი და წარჩინებული ხარისხი, მიხედე მაცხოვრის ხატს და წარმოიდგინე, - რისთვის აღგამაღლა და პატივ-გყო მან. შენ შეუპყრიხარ სიზარმაცეს, გარჯის ოფლის ღვრისა და მომჭირნეობის სიძულვილს, აბა, თვალი გაუსწორე მაცხოვრის სახეს! შენ გემძიმება შენი ობლობა, მაგრამ აბა შეხედე იმის სახეს, რომელსაც დედად და ნათესავად მიაჩნია ღვთის სიტყვის აღმსარებელნი!"

/ეპისკოპოსი ლეონიდე ოქროპირიძე/

[marine]

"ალექსანდრემ, ცეზარმა, კარლ დიდმა და მე დავაარსეთ იმპერიები, მაგრამ რაზე? ძალაზე. ქრისტემ თავის იმპერია დააარსა სიყვარულზე და მილიონები დღესაც მზად არიან თავისი ცხოვრება შესწირონ მას. მე თვითონ ისე მოვიზიდე მასები, შთავაგონებდი რა მათ, რომ თავს წირავდნენ ჩემთვის, მაგრამ ამისთვის ჩემი იქ ყოფნა იყო საჭირო. ამჟამად მე წმ. ჰელენეს კუნძულზე ვარ და სადღა არიან ჩემი მეგობრები? მე დავიწყებული ვარ და მალე ვიქცევი მტვრად, მატლის შესაჭმელად. რაოდენ დიდი უფსკრულია ჩემს უბედურ ყოფასა და ქრისტეს მარადიულ სამეფოს შორის, ქრისტესი, ვისაც აღიარებენ, ვინც უყვართ, ვისაც თაყვანსა სცემენ და ვისი გავლენაც მთელ დედამიწას მიმოეფინება. სიკვდილია ნუთუ ეს? თქვენ გეუბნებით: მერწმუნეთ მე - იესო ქრისტე - ღმერთია!"

/ნაპოლეონ ბონაპარტე/

[marine]

"ერთი წმინდანი ქრისტეს ევედრებოდა, რომ მისთვის ცოდვები მიეტევებინა, ეტვირთა თავისი ჯვარი, შესდგომოდა მას და მისი მოწაფეობის ღირსი გაეხადა. ქრისტემ შეისმინა მისი ვედრება.

ლოცვის დროს ის განკვირვებაში მოვიდა და იხილა საყდარზე მჯდომი ქრისტე, რომელმაც მას ჰკითხა:

- გინდა, რომ მე შემომიდგე?

- დიახ, უფალო.

- ვინც მე შემომიდგება, ამდაგვარ რამეს ვაძლევ.

და გადასცა ერთი ვაშლი. ვაშლი ძალიან ტკბილი იყო. წმინდანს ეამა და კიდევ სთხოვა.

- კიდევ გინდა? - ჰკითხა მას ქრისტემ.

- დიახ, უფალო.

მაშინ ქრისტემ კიდევ მისცა მას ვაშლი; თუმცა ის უგემური იყო და წმინდანს სახე მოეღუშა. როცა მესამე ვაშლი შეჭამა, ისეთი მწარე იყო, რომ ლამის გული აერია. ძლივსძლივობით შეიკავა თავი და უთხარ ქრისტეს:

- უფალო, ისეთ რამეებს მაძლევ, არ ძალმიძს შემოგიდგე.

ქრისტეს გაეღიმა და უთხრა:

- ჭამე, ანდრია (ასე ერქვა იმ წმინდანს), ეს ვაშლიც, რომ ის სიმწარე დაივიწყო.

შეჭამა თუ არა, ისეთი ტკბილი იყო, რომ ღრმა განკვირვებამ მოიცვა. უეცრად სამოთხეში აღმოჩნდა, იხილა იქ გამოუთქმელი მშვენიერებანი, იხილა მართალთა სულები, მათი ადგილსამყოფელი. ასევე იხილა ანგელოზები და მთავარანგელოზები, მოისმინა მათი გალობა - ალილუია. ერთი სიტყვით, იხილა მართალთა სულების მარადიული ნეტარებები.

ცოტა ხნის შემდეგ გონს მოვიდა. აცრემლებული ქრისტეს ფეხებთან დაემხო და სთხოვა, რომ შემწყნარებლობა გამოეჩინა და იგი თავის კრებულში მიეღო; თავისი სახიერებითა და გულმოწყალებით მართალთა შორის განეწეებინა, რათა ისიც დამტკბარიყო ნანახით.

აი, ძმაო, ამას იძლევა ქრისტე - ხან ტკბილს, ხანაც მწარეს"

/ღირსი ეფრემ კატუნაკელი/