თემის საბეჭდი ვერსია

პოსტის ავტორი: marine თარიღი: Apr 25 2007, 01:30 PM

"ოკუპაციისთანავე კომუნისტები შეუდგნენ ეკლესიების რბევას და ქართველი ხალხის რელიგიური მრწამსის აღმოფხვრას. პირველი ნაბიჯი იყო საეკლესიო ქონების კონფისკაცია. ეკლესიების დიდი ნაწილი ან საერთოდ აღგავეს პირისაგან მიწისა, ანდა სახელმწიფო და პარტიულ დაწესებულებათა შენობებად, კლუბებად, საწყობებად და თვით ფარეხებადაც კი აქციეს. ასეთი ხვედრი ხვდა წილად ქართველისათვის სათაყვანებელ მრავალ ძველ სამლოცველოს, კათედრალსა და ეკლესია-მონასტერს, მათ შორის ჯვრის მონასტერს, კათედრალებს თბილისში, ნიკორწმინდაში, ბედიაში, მოქვსა და ჯუმათში (რომელსაც ჯვრის ნაცვლად ლენინის ბიუსტი დაადგეს) და სხვა. გაზიდეს ჯვრები, შანდლები, ხატები და სხვა საეკლესიო ინვენტარი. ნაწილი მუზეუმებს გადასცეს, მაგრამ უმეტესობა საბჭოთა რუსეთში გაიტანეს. გაიტაცეს ძვირფასი თვლები, ხოლო ოქროს და ვერცხლის ნაკეთობები გადაადნეს.

ოკუპაციისთანავე შეიქმნა "მებრძოლ ათეისტთა საბჭო", რომელსაც მიეცა დიდძალი ფულადი ფონდი, შენობები, პრესა და ა.შ. და დაევალა ანტირელიგიური პროპაგანდა, ლენინის მიერ ჯერ კიდევ 1905 წელს ნათქვამი სიტყვების თანახმად: "რელიგია ხალხის ოპიუმია. რელიგია არის ერთგვარი სულიერი არაყი, რომლისთაც კაპიტალის მონები კარგავენ ადამიანურ სახესა და ღირსების გრძნობას."

კომუნისტების შემოსვლამდე საქართველოში, მრავალი ათასი ეკლესია იყო, ოკუპაციიდან ერთი წლის შემდეგ, 1922 წელს კი კათოლიკოსი ამბროსი ჩიოდა, რომ საქართველოში მხოლოდ 1500 ეკლესია მოქმედებსო. 1951 წელს კათოლიკოსმა კალისტრატემ "ნიუ-იორკ ტაიმსის" კორესპონდენტთან ჰარისონ ე. სეილსბერისთან საუბრისას თბილისში აღნიშნა, მხოლოდ ასი ეკლესია დაგვრჩაო. სხვა რომ არაფერი ვთქვათ, აქედანაც ნათელია, რა უყვეს კომუნისტებმა ქართულ ეკლესიას.

იდევნება რელიგიური წეს-ჩვეულებები. აკრძალულია ბავშვების მონათვლა ანდა საეკლესიო ჯვრისწერა (ამ მხრივ მეტი შეღავათები იყო მეორე მსოფლიო ომის დროს). თუ როგორ შეხვდა ქართველი ხალხი ამ აკრძალვებს, ეს ჩანს მღვდლის შვილის ვალერიან სანგულიასმიერ 1954 წლის 13 ოქტომბერს ჩვენამდე ფიცით მოცემეული ჩვენებიდან:

"მინდა აღვნიშნო, რომ კომუნისტები არა მხოლოდ სამღვდელოებას დევნიდნენ, არამედ პრაქტიკულად მათ ყველა ეკლესია-მონასტერი გააჩანაგეს. მოგეხსენებათ, ქართული ეკლესია IV საუკუნიდან იღებს სათავეს. იმ დროიდან მოყოლებული ქართველ ხალხს არ უღალატია თავისი რწმენისათვის, მთელი საქართველო მოფენილი იყო ტაძრებით, მონასტრებითა და ეკლესიებით.

დაიპყრეს თუ არა საქართველო, კომუნისტებმა იერიში მიიტანეს ეკლესიებზე. ზოგი მათგანი მთლიანად დაანგრიეს, მაგალითად კათედრალური ტაძარი თბილისში, ხოლო ზოგი კლუბებად ან თავლებად აქციეს და ყოველნაირად შებღალეს.

მე ვარ იმის მომსწრე, რომ ერთ ცნობილ და ძალიან ძველ ეკლესიას ჯვარი მოხსნეს და ზედ ლენინის ქანდაკება დაადგეს; დიახ, ლენინის ბიუსტი ჯვრის ნაცვლად.

კომუნისტებმა არა მხოლოდ დაანგრიეს და შემუსრეს ეკლესიები, არამედ გაძარცვეს ისინი ყოველგვარი განძეულობისაგან, რაც იქ საუკუნეების მანძილზე ინახებოდა. ქართველები ღრმად მორწმუნე ხალხია. ქართველი მეფეები, დიდებულები და უბრალო ხალხი ათასგვარ ძვირფას ნივთს სწირავდნენ ეკლესიას. კომუნისტებმა დააცარიელეს ეკლესიები და მთელი განძეულობა რუსეთში გაგზავნეს.

ერთი მაგალითი: დასავლეთ საქართველოს ერთ-ერთი მონასტრიდან გაიტანეს დიდად ცნობილ ქართველ მეფესთან დაკავშირებული განძეულობა. ამის გამო პროტესტი გაეგზავნა საქართველოს მთავრობას და ითხოვდნენ წაღებული ნივთების დაბრუნებას. მათ ცინიკურად განუცხადეს, რომ განძეულობა მოსკოვშია გაგზავნილი სარესტავრაციოდ. ამის შემდეგ ეს განძეულობა აღარავის უნახავს.

ტერორისა და დევნის მიუხედავად, კომუნისტებმა ვერ შეძლეს ქართველ ხალხში რელიგიური გრძნობის მოსპობა. ბევრჯერ ვყოფილვარ იმის მოწმე არა მხოლოდ ჩემს მშობლიურ სოფელში, არამედ სხვაგანაც, როდესაც საიდუმლოდ მოსულან მამაჩემთან და ბავშვის მონათვლა ან სხვა რელიგიური წესის აღსრულება უთხოვიათ. ასეთ შემთხვევაში ყველა კარსა და ფანჯარას ვკეტავდით, რომ კომუნისტს ან ინფორმატორს არაფერი გაეგო. მაგრამ მამაჩემს განსაკუთრებით უჭირდა, როდესაც ზიარებისათვის იძახებდნენ. დღისით წასვლა სახიფათო იყო, ამიტომ ღამეს ამჯობინებდა. მახსოვს ასეთი შემთხვევაც: ადგილობრივი დიდი თანამდებობის პირის, კაპიტან თორიას ცოლი ქმრისგან უჩუმრად მივიდა ბავშვის მოსანათლად. მაგრამ მოგვიანებით ეს ფაქტი გამჟღავნდა და ცოლიც და ქმარიც დააპატიმრეს. ქმარი გაათავისუფლეს თანამდებობიდან, გარიცხეს პარტიიდან და სადღაც გააქრეს."

ოკუპაციის პირველი დღიდანვე დაიწყო სამღვდელოების დევნა. ათასობით ქართველი მღვდელი, ბერი და მონაზონი დააპატიმრეს, გადაასახლეს, აწამეს და დახვრიტეს. აი, რას გვიამბობს ამის შესახებ ვალერიან სანგულია:

"კომუნისტები მოვიდოდნენ რომელიმე სოფელში და ხალხს უბრძანებდნენ შეკრებილიყვნენ მოედანზე ან საფიხვნოზე (ვაი იმას, ვინც არ მოვიდოდა). შემდეგ ხალხს მიმართავდნენ პროპაგანდისტები და რელიგიას აძაგებდნენ. ყოველთვის ერთსა და იმავეს ამბობდნენ: "რელიგია ოპიუმია, საწამლავია; იგი ხალხის დასამონებლად არის მოგონილი ექსპლუატატორებისა და მდიდრების მიერ; იმქვეყნიური სიკეთის აღთქმით იმორჩილებენ ღარიბებსა და უპოვართ; მჩაგვრელები ეუბნებიან ხალხს, რაც უფრო მეტად გაიტანჯებით ამქვეყნად, მით უფრო ნეტარნი იქნებით იმ სოფლად; ეკლესია იმპერიალისტებსა და მდიდრებს ემსახურება, ყველა მღვდელი ხალხის მტერია; ამიტომ არის, რომ ჩვენ, კომუნისტები, ხალხის ინტერესების ჭეშმარიტი დამცველნი, ვებრძვით ეკლესიასა და სამღვდელოებას. დაუსწორდით თქვენს მოღალატეებსა და უსასტიკეს მტრებს" და ა.შ. ამის შემდეგ მათი აგენტები იწყებდნენ ყვირილს: "მღვდელი, მღვდელი, მოღალატე მოვიყვანოთ აქ!" მიდიოდა 10-15 აგენტი და მოათრევდა მღვდელს შეკრების ადგილას, ხელებშეკრულს ყელზე თოკი ჰქონდა გამობმული. კომუნისტები დაუნდობლად ურტყამდნენ მუშტებსა და წიხლებს. სამოსელს შემოახევდნენ, წმინდა ჯვარს ჩამოგლეჯდნენ, ტალახში ათრევდნენ და წვერს გაპარსავდნენ.

ძალით თავმოყრილი ხალხი გარინდებული იდგა. ადრე ზოგი ცდილობდა გამოჰქომაგებოდა და მიშველებოდა უმწეო მსხვერპლს, მაგრამ ასეთებს ადგილზე კლავდნენ და ამის შემდეგ ხმას არავინ იღებდა. ზოგჯერ დედაბრები თუ წამოიტირებდნენ სასოწარკვეთილებისა და სიბრალულისაგან.

იგივე ხვედრი ერგო მამაჩემს და ბევრ სხვა მღვდელს. როდესაც მამაჩემი სახლიდან გაათრიეს, საბარლო დედაჩემი თან გაჰყვა და მეც თან წამიყვანა. პატარა ვიყავი, მაგრამ ყველაფერი მახსოვს. მახსოვს აგრეთვე, მამაჩემს ერთი მეგობარი ჰყავდა, - ისიც მღვდელი იყო - მ. ხარებავა. კომუნისტებმა იგი სასიკვდილოდ სცემეს, ხოლო შემდეგ წვერზე ცეცხლი წაუკიდეს. ეს არ არის ერთეული შემთხვევა. ყოველთვის, როდესაც კომუნისტები სცემდნენ და აწამებდნენ მღდლებს ხითხითით ეკითხებოდნენ: "სად არის თქვენი ღმერთი ახლა? რატომ არ გეხმარებათ?"

კომუნისტები ყველაფერს აკეთებდნენ ხალხში რელიგიური გრძნობის დასათრგუნავად და მათ გამოსავლენად, ვინც კვლავ იცავდა რელიგიურ წეს-ჩვეულებებს. ვალერიან სანგულია განაგრძობს:

"მახსოვს, შობის, აღდგომისა და სხვა რელიგიური დღესასწაულების დროს სკოლაში კომუნისტები მოდიოდნენ და მოსწავლეებს გვეკითხებოდნენ, რა კერძები გვქონდა შინ იმ დღეს. შავ დღეს დააყრიდნენ ოჯახს, თუ ბავშვი იტყოდა რომ სადღსასწაულოდ ჰქონდათ რაიმე მომზადებული. აღდგომის მეორე დღეს კომუნისტების შვილებს ხელებს უსინჯავდნენ და ვაი მას, ვისაც თითები წითლად, ლურჯად ან სხვა ფერად ჰქონდა შეღებილი. ეს იმას ნიშნავდა, რომ სააღდგომოდ კვერცხები შეეღებათ. ასეთი ბავშვების მშობლებს სასტიკად სჯიდნენ, ჩვეულებრივ - გადასახლებით."

მაგრამ ამ სასტიკმა დევნამ სულიერად მაინც ვერ გატეხა ქართველი სამღვდელოება. მან მრავალ განსაცდელს გაუძლო და ეკლესიის ისტორიაში იშვიათი სიმტკიცე გამოამჟღავნა. სხვათა შორის, როდესაც წითელმა არმიამ საქართველო დაიპყრო, ვისაც კი შეეძლო, თავს შველოდა, უცხოეთში მიეშურებოდა, მაგრამ არც ერთ სასულიერო პირს საქართველო არ დაუტოვებია. ისინი მრევლთან დარჩენასა და მისი ხვედრის გაზიარებას ამჯობინებდნენ."

პოსტის ავტორი: შოთა თარიღი: Apr 29 2007, 08:04 AM

საოცრება ისაა, რომ თვითონ ქართველი ხალხიც როგორ აყვა ამ ყველაფერს და დაივიწყა მამა პაპის ანდერძი რწმენა მამულის შენარჩუნებაზე.რომ ვყოფილიყავით რააღაც დასავლეთური კათოლიკური ქვეყანა კიდე ხო მაგრამ საკონების მანძილზე კბილებით ვიცავდით ჩვენ სარწმუნოებას ასე ერთი ხელით ყველაფერი დავანგრიეთ.

პოსტის ავტორი: ზესქვი_უჩა თარიღი: May 2 2007, 04:30 AM

ექვსკურსიაზე გაიჟღერა აზრმა რომ სტალინი სიკვდილის წინ ეზიარაო და ეს დაფიქსირებულია ისტორიაშიო. რაც ჩემთვის ძალზედ მოულოდნელი იყო. და რავი ახლაც არ მჯერა. ნეტა მართლა მასე იყოს მარა რავიცი აბა.
თქვენ ხომ არ გაგიგიათ ან იცით ამასთან დაკავშირებით რამე?

პოსტის ავტორი: afxazi თარიღი: May 2 2007, 04:53 PM

ზესქვი_უჩა

არ დაიჯერო სტალინის მორწმუნეობა. ეგ სიყალბეა. იმასაც გაიგებდი გამოცხადება ჰქონდა და ეკლესიები და სასულიერო სემინარიები იმიტომ გახსნაო. ეგ ყველაფერი მეორე მსოფლიო ომის დროს მოხდა და ხალხის ერთი იდეის ირგვლივ გაერთიანება ჭირდებოდა. ამას ყველაზე უკეთ კი ეკლესია გააკეთებდა. ამიტომაც გამოიჩინა მან ეკლესიის მიმართ ლმობიერება. რბილად რომ ვთქვა გამოიყენა. თორემ დამთავრდა ომი და საბოლოოდ მიწასთან გაასწორეს საქართველოს ეკლესია.

პოსტის ავტორი: Floyd თარიღი: May 3 2007, 09:52 AM

ზესქვი_უჩა

იცი უჩა მაგ ადამიანს ისეთი საქწმეები აქვს ნაკეთები არ მგონია მაგ ყველაფრის მერე მას ღმერთი ეწამა და ზიარებულიყო !სამწუხაროდ

პოსტის ავტორი: დათიკო თარიღი: May 4 2007, 01:21 AM

afxazi
Floyd
საინტერესოა რა არგუმენტებზე ეფუძნება თქვენი ცოდნა, ასე იოლად რომ უშვებთ ადამიანს ჯოჯოხეთში?
არის ძალიან ბევრი მოწმე, ვინც ადასტყურებს იმას, რომ სტალინი სისტემატიურად დადიოდა ეკლესიაში, ესწრებოდა წირვა ლოცვებს და ეზიარებოდა. თავად ამის შემსწრე ადამიანების ინტერვიუები არებობს. ასევე დაფიქსურებული მრავალი ისეთი ფაქტი რაც ადასტურებს სტალინის რელიგიურობას.
ფილმებიდან ჩამოყალიბებული სტერეოტიპებით მსჯელობა არ ეგების ისტორიას, მას ფაქტები და არგუმენტები უყვარს.
ხოდა, თუ ვინმეს რამეს დააბრალებთ უნდა შეგეძლოთ კიდეც მისი დამტკიცება.
მე არ ვარ სტალინისტი, ისიც ვიცი რომ მისი მმართველობის დროს ათასობით უდანაშაულო ადამიანი დაიხვრიტა, მაგრამ ცალსახად იმის მტკიცება (თან არგუმენტების გარეშე) რომ ის ეკლესიის მოძულე, სისხლისმსმელი და დესპოტი იყო, არ მიმაჩნია გამართლებულად.

პოსტის ავტორი: Floyd თარიღი: May 4 2007, 10:05 AM

დათიკო
იცი სტალინი რამოდენიმე ბატალიონს ფაშისტების ფერმას აცმევდა ,სოფლებში დაყავდა და ხალხს ახოცინებდა რომ ფაშისტები უფრო შეძულებოდათ ამაზე მეტი სადიზმი გაგიგონია? კითხე ნებისმიერ მოხუცებულ ადამიანს და გეტყვის ამის შესხებ !

პოსტის ავტორი: ქავთარაძე თარიღი: May 4 2007, 10:22 AM

Floyd
ეხლავე დავდებ მამა გიორგის ქადაგებას მოწამეთაში და მოუსმინე ერთი ასე რო ხართ აბლატავებულები აქ მოხუცებულ ადამიანებს ნუ იშველიებ, ყველა გეტყვის რომ სტალინი იყო უდიდესი მმართველი, და მამა გიორგიმ აღნიშნა რომ ის იყო მა-რ-თ-ლ-მ-ა-დ-ი-დ-ე-ბ-ე-ლ-ი

http://www.link.ge/file/121649/VORC043.wav.html
აი ეს ჩანაწერია ახალგაზრდებო და იმედია ასე არ გავკადნიერდებით და უარვყოფთ ამ აზრს

პოსტის ავტორი: natia83 თარიღი: May 4 2007, 11:25 AM

შემოგევლე

ვკითხულობდი პოსტებს სტალინის შესახებ და მამა გიორგის ნათქვამი გამახსენდა.

მამა გიორგი: ის იყო მა-რ-თ-ლ-მ-ა-დ-ი-დ-ე-ბ-ე-ლ-ი.

მადლობა ეს ლინკი რომ დადე გაიხარე


მე არ ვიცავ სტალინს მაგრამ შეცდომა ყველას მოსდის, თუმცა მინდა ავღნიშნო, რომ გარემოცვას ძალიან დიდი მნიშვნელობა აქვს.




სრულიად გეთანხმები

პოსტის ავტორი: შოთა თარიღი: May 4 2007, 11:31 AM

ქავთარაძე

გირჩევდი რომ "მესამე რომი" გეყურებინა და დოკუმენტური ფილმია სადაც ნათლათ აჩანს რომ სტალინის მოტივი რატომ გახსნა ეკლესიები, მაგისთვის ეს პოლიტიკური თამაში იყო მისთვის, უნდოდა რელიგი გამოეყენებინა რათა მოსკოვის გავლენა გაეძლერებინა მსოფლიოში და როდესაც მიხვდა რომ მოსკოვში მსოფლიო კრება აღარ ჩატარდებოდა ისევ დაიწყეს დევნა და დახურვა ეკლესიების.

natia83

მილიონობით ხალხის დახოცვა შეცდომათ მიგაჩნია? ეგ უკვე განძრახ სადისტობაა და არა შეცდომა

პოსტის ავტორი: ქავთარაძე თარიღი: May 4 2007, 01:48 PM

შოთა
რატომ ენდობი დოკ.ფილმს?
მოისმინე მამა გიორგის ქადაგებას?

დათიკო
გეთანხმები 100% .

პოსტის ავტორი: შოთა თარიღი: May 4 2007, 02:14 PM

ქავთარაძე
მე ვერ ჩამოვიღე ქართულ სერვერზე რაც შეხება ფილმს ის რეალობას ასახავს და მაში ფაკტებიც არის წარმოდგენილი , რატომ დაიწყსეს მაშინ ისეც კეტვა ტაძრების ომის შემდეგ?!

პოსტის ავტორი: Lenus თარიღი: May 4 2007, 07:37 PM

შოთა,

რამდენი მილიონი ადამიანი ჰყავს მოკლული სტალინს?

პოსტის ავტორი: ირგე თარიღი: May 27 2007, 07:51 PM

არამართლმადიდებლების დევნაზე არაფერი იცით?

პოსტის ავტორი: marita26 თარიღი: May 27 2007, 07:55 PM

ირგე
რომელს გულისხმობ მაინც?

პოსტის ავტორი: ketino თარიღი: May 27 2007, 07:58 PM

დააკონკრეტე.

პოსტის ავტორი: ირგე თარიღი: May 27 2007, 10:14 PM

marita26
ketino

ყველას. წარმართებიდან - იეღოველებამდე.

პოსტის ავტორი: marita26 თარიღი: May 27 2007, 11:00 PM

ირგე
არავინ არ დასდევს მაგათ ჯოხებით იყო მკალავიშვილის მრევლის მხრიდან აგრესია და ისიც დამთავრდა.აქეთ რომ მაწუხებენ არაფერია?? კარზე ყოველ თვეში მოგიკაკუნებენ და პროვოკატორულად გესაუბრებიან

პოსტის ავტორი: ირგე თარიღი: May 27 2007, 11:03 PM

marita26

წარმართებიდან იეღოველებამდე მარტო იეღოველები შეამჩნიე?
ბასილი რომ დევნიდა დევნა არაა?

პოსტის ავტორი: marita26 თარიღი: May 27 2007, 11:08 PM

ირგე
მერე მე დაგიწერე რომ დევნიდა ბასილი და მისი მრევლი და არც ვამართლებ მაგრამ ახლა ხო აღარაა

პოსტის ავტორი: ირგე თარიღი: May 27 2007, 11:13 PM

marita26
გაეცანი სუბარის მოხსენებას.

პოსტის ავტორი: marita26 თარიღი: May 27 2007, 11:16 PM

ირგე
მაგას ზუსტად ეგ ევალება რომ აღნიშნოს რელიგიური უმცირესობების ჩაგვრა,შეიძლება მცირე მასშტაბებით ხდება ფაქტები მაგრამ მასიური სახე ამას არა აქვს.ყავთ კაი დამცველები თავისუფლების ინსტიტუტის სახით არ დააჩაგრიებენ ასე თავს

პოსტის ავტორი: ირგე თარიღი: May 27 2007, 11:18 PM

marita26

გაეცანი მოხსენებას?
მასიური რას ნიშნავს?

პოსტის ავტორი: marita26 თარიღი: May 27 2007, 11:19 PM

ირგე
მასიური ნიშნავს იმას როცა ბევრგან და ხშირად როცა ხდება რა არი აქ ასახსნელი.

პოსტის ავტორი: ირგე თარიღი: May 27 2007, 11:21 PM

marita26

ბევრგან და ხშირად რამდენია საქართველოს მასშტაბებში?

მოხსენება წაიკითხე?

რა იცი რომ მასიური არაა? საინფორმაციო სააგენტოში მუშაობ? თავისუფლების ინსტიტუტში? სუბართან?

პოსტის ავტორი: marita26 თარიღი: May 27 2007, 11:23 PM

ირგე
არც მოხსენება წამიკითხავს და არც თავისუფლების ინსტიტუტსი არ ვმუშაობ დამიფაროს ღმერთმა.ვიცი ისე სხვა ინფორმაციული წყაროებიდან.შენი მიზანი რა არის? რომ საოცრად იჩაგრებიან სხვა რელიგიის წარმომადგენლები?? ამის აფიშირება?

პოსტის ავტორი: ირგე თარიღი: May 27 2007, 11:26 PM

marita26

ანუ არ გაინტერესებს რა ხდება შენს ქვეყანაში.

აფიშირება? მაგას რად უნდა დამატებითი აფიშირება? ევროსასამართლოში პროცესი წავაგეთ. მოგვეჭრა თავი შუაგულ ევროპაში.

პოსტის ავტორი: marita26 თარიღი: May 27 2007, 11:29 PM

ირგე
სუბარის მოხსენება რომ არ წამიკითხავს ეს იმას არ ნიშნავს რომ არ მაინტერესებდეს რა ხდება ამ ქვეყანაში როგორმე სხვა გზითაც გავიგებ.
შენ თუ გინდა ინერვიულე მაგ "თავის მოჭრაზე" და მე არ ვაპირებ

პოსტის ავტორი: ირგე თარიღი: May 27 2007, 11:30 PM

marita26

აბა რა გაიგე სხვა წაყაროებიდან? რა დევნის ფაქტები იცი 2005 წელს?

ჰო, რა გჭირს სანერვიულო? ჯერ ეკლესია მერე სახელმწიფო! მშვენიერი ლოზუნგია.

პოსტის ავტორი: ნათია თარიღი: May 27 2007, 11:32 PM

მე შეცდომებში დახვრეტა არ მიგულისხმია. ეგ რომ მომაკვდინებელი ცოდვაა არავინ დაობს მაგაზე.

პოსტის ავტორი: marita26 თარიღი: May 27 2007, 11:33 PM

ირგე
ხო ჯერ ჩემი სარწმუნოებაა პირველი და რა არი ამაში გასაკვირი???

პოსტის ავტორი: ირგე თარიღი: May 27 2007, 11:39 PM

marita26

მდააა. ნეტა ყველა ამფორუმელი მართლმადიდებელი ასე ფიქრობს: ჯერ სარწმუნეობა და მერე სამშობლო?

ამასაც გაეცანი ძვირფასო:
10. 29.06.05 #992-კოლ 2005 წლის 29 ივნისს საქართველოს სახალხო დამცველს განცხადებით მიმართეს მოქალაქეებმა – გოდერძი კვარაცხელიამ (მცხ. ქ. ქუთაისი, თაბუკაშვილის ქ.#12,ბ. 67), ხვიჩა ნორაკიძემ (მცხ. ქ. ქუთაისი, ლესელიძის ქ.#1), თეიმურაზ ჩოგოვაძემ (მცხ. ქ. ქუთაისი, თბილისის ქ.#51), სულხან ვაჩიბერაძემ (მცხ. ქ. ქუთაისი, მშენებლის ქ.#35, ბ. 53). განცხადებაში აღნიშნულია, რომ 2005 წლის აპრილის თვეში ქ. ქუთაისში, გ. ტაბიძის ქ. #44-ში შეიძინეს საცხოვრებელი სახლი (კანონის მოთხოვნათა სრული დაცვით – სანოტარო წესითა და საჯარო რეესტრში გატარებით).

2005 წლის 26 ივნისს ქუთაისში, გ.ტაბიძის ქუჩის #44–ში მდებარე სახლის ჭიშკართან შეიკრიბა 50-60–მდე ადამიანი, რომლებიც სახლის პატრონთა ფიზიკური ლიკვიდაციისა და სახლის გადაწვის მუქარით მოითხოვდნენ შენობაში დაწყებული სარემონტო სამუშაოების შეჩერებას. ამის ერთადერთი მიზეზი კი გახლდათ ის, რომ სახლის ახალი მეპატრონეები ,,იეჰოვას მოწმეები~ არიან. შეიქმნა ფიზიკური ანგარიშსწორების რეალური საფრთხე. იეჰოვას მოწმეებმა გამოიძახეს საპატრულო პოლიცია. ადგილზე მისულმა პატრულმა ფაქტობრივად არანაირი რეაგირება არ მოახდინა. ეს პროცესი დაახლოებით 2 საათს გრძელდებოდა. საბოლოოდ, პატრულის თანამშრომლებმა, დამნაშავეთა დაკავების ნაცვლად, ქ. ქუთაისის შინაგან საქმეთა სამმართველოს პოლიციის I განყოფილებაში თავად იეჰოვას მოწმეები ხ.ნორაკიძე და თ.ჩოგოვაძე წაიყვანეს, სადაც ჩამოართვეს პირადობისა და მართვის მოწმობები, ხოლო ინსპექტორმა შამილ რობაქიძემ მათ სიტყვიერი შეურაცხყოფაც მიაყენა. ამ დროს სახლთან შეკრებილი ადამიანები ეზოში შეიჭრნენ, ფიზიკური შეურაცხყოფა მიაყენეს პაატა კუპრავას და ძალის გამოყენებით გამოიყვანეს სახლიდან შალვა ხანთაძესთან ერთად.

სახლისა და მეპატრონეთა დარბევა გრძელდებოდა ყოველდღიურად. მოსახლეობა პერმანენტულად იკრიბებოდა სახლის ეზოში, ქვებს უშენდა სახლს და იქ მყოფ იეჰოვას მოწმეებს. ამ შეკრებებისას განსაკუთრებით აქტიურობდა და თავდამსხმელებს აქეზებდა ადგილობრივი მართლმადიდებელი მღვდელი ზოსიმე.

5 ივლისს ვითარებაში გასარკვევად სახალხო დამცველის წარმომადგენლები ქუთაისში ჩავიდნენ, რაც, როგორც გაირკვა, იეჰოვას მოწმეების მიმართ ანგარიშსწორების კიდევ ერთი მიზეზი გახდა. იმავე ღამით რამდენიმე პიროვნებამ სახლში მყოფ ადამიანებს აგურები დაუშინა. როგორც გაირკვა, მათი აგრესია იმან გამოიწვია, რომ იეჰოვას მოწმეებმა დასახმარებლად სახალხო დამცველს მიმართეს. არიან დაზარალებულები, ჩამტვრეულია ფანჯრის მინები.

პოსტის ავტორი: ketino თარიღი: May 27 2007, 11:54 PM

ირგე
და როდიდან გაჩნდნენ იეღოველები საქართველოში? დაარსების დღიდან? უბრალოდ ცნობისმოყვარეობაა, მეტი არაფერი

პოსტის ავტორი: ნათია თარიღი: May 28 2007, 12:02 AM

ირგე და ეგრი ?

პოსტის ავტორი: marita26 თარიღი: May 28 2007, 12:03 AM

ირგე
საუბრით პატრიოტობა და საქმით არაფრის გაკეთება ქვეყნისათვის და პირიქით ზოგჯერ მტრობა,აი რას უწოდებ ვაი-პატრიოტიზმს

პოსტის ავტორი: marine თარიღი: May 28 2007, 12:22 PM

ირგეს გასაგონად ვამბობ, რომ ამ თემაში საუბარია მართლმადიდებლობის დევნაზე საქართველოში და არა იეღოველებისა და სხვა სექტანტების. გთხოვთ, ეს გავითვალისწინოთ.

პატივისცემით

მარინე

პოსტის ავტორი: afxazi თარიღი: May 28 2007, 02:37 PM

ირგე
როგორც ჩანს შენ რაც მოგისმენია სხვისგან იმას ლაპარაკობ, ანუ შენი აზრი აქ არა არის დაფიქსირებული. სუბარის მოხსენებაში ნახსენები შემთხვევები რა თქმა უნდა გამოსაძიებელია და დამნაშავე უნდა დაისაჯოს, მაგრამ ამას საერთო არაფერი არ აქვს ეკლესიასთან. მე შეიძლება სხვა რელიგიის წარმომადგენელს შეურაცხყოფა მივაყენო, მაგრამ ის რომ ვიძახო ამას ეკლესიის სახელით ვაკეთებო ხომ სისულელე იქნება, ანუ ეს ცალკეული შემთხვევებია რომელიც სამწუხაროდ ხდება და არა მარტო საქართველოში და არა მარტო მართლმადიდებლობაში, ეს უფრო ფანატიზმის შედეგია.

როდესაც საუბრობ სხვა აღმსარებლობის უფლებებზე, რატომ არ გახსენდება ის ფაქტი, რომ როდესაც სვეტიცხოველში შეთანხმება დაიდო ეკლესიასა და სახელმწიფოს შორის 2002 წელს, მაშინ სხვა რელიგიის წარმომადგენლები მოიწვიეს და მათთან ერტად შეადგინეს ტექსტი, მაშინ არავის მოსვლია აზრად უფლებების დარღვევა.

პოსტის ავტორი: ირგე თარიღი: May 28 2007, 04:46 PM

marineს გასაგონად ვამბობ, რომ თემის სათაურია "რელიგიის დევნა საქართველოში", გთხოვთ ესეც გაითვალისწინოთ. პატივისცემით.
afxazi

თავად არ შევსწრებივარ ნამდვილად, მაგრამ სუბარის მოხსენება სანდო წყაროდ მიმაჩნია.

დავაფიქსირებ, რა პრობლემაა.
ნებისმიერი რელიგიის დევნა სამარცხვინო მოვლენაა.

ნამდვილად.
მე სადმე დავწერე, რომ დევნას მართლმადიდებელი ეკლესია ახორციელებდა?
ან სხვა პოსტებში სადმე წერია, რომ მართლმადიდებლების დევნას რომელიმე სხვა ეკლესია ახორციელებდა?

სხვა აღმსარებლობის წარმომადგენელთა დევნაზე.

ვერ გავიგე რის თქმა გინდა.

პოსტის ავტორი: marine თარიღი: May 28 2007, 04:57 PM

ეგ თემა მე გავხსენი და თუ შინაარს გაეცანი, მიხვდებოდი რომ აქ მართლმადიდებლობაზეა საუბარი, ამიტომ გთხოვ გაითვალისწინო, რომ მართლმადიდებლურ ფორუმში ხარ. თემა არაა გათვლილი იეღოველების პრობლემებზე სასაუბროდ, თუმცა ამჯერად ვფიქრობ ზომიერების ფარგლებში შეგიძლია ისაუბრო და გთხოვ, თავი შეიკავო ოფტოპიკებისგან.

პოსტის ავტორი: afxazi თარიღი: May 28 2007, 05:10 PM

ირგე

აბა რატომ დავობთ ვერ გავიგე. ცალკეული ამაზრზენი შემთხვევები ყოველთვის იყო და კიდევ იქნება. ამას მეც ვგმობ. საქარტველოს ეკლესია არასოდეს არ ახორციელებდა ზეწოლას სხვა რელიგიის აღმსარებლების მიმართ.

პოსტის ავტორი: ირგე თარიღი: May 28 2007, 05:26 PM

marine

იყო.

შეცვალე თემის სათაური და ჩემს პოსტებს ახალ თემაში გადავიტან. მერე აქ ამოშალე.
afxazi

მე არ ვდაობ.
ვინც დაობს იმას ჰკითხე.

დარწმუნებული ხარ იმაში:
1. რომ უნდა გეთქვა საქართველოს ეკლესია და არა საქართველოს მართლმადიდებელი ეკლესია?
2. რომ კარგად ერკვევი თუ ვის მიერ განხორციელებული ქმედება შეიძლება ჩაითვალოს ეკლესიის ქმედებად?
3. რომ პირველის და მეორეს გათვალისწინებით, საქართველოს მართლმადიდებელი ეკლესია არასდროს ახორციელებდა ზეწოლას სხვა აღმსარებლობის წარმომადგენლებზე?

პოსტის ავტორი: marine თარიღი: May 28 2007, 05:28 PM

ირგე

გთხოვ, ბოლომდე გადაიკითხო ჩემი სიტყვები..

პოსტის ავტორი: afxazi თარიღი: May 28 2007, 05:34 PM

ირგე

ძალიან დაკონკრეტება გყვარებია, კარგი ვიდავოთ.

1. ეს რას ნიშნავს ვერ გავიგე, მე აქ საქართველოს მარტლმაიდედებელი ეკლესია ვიგულისხმე, რაზეც გვაქვს საუბარი (მეგონა არ დამჭირდებოდა ამის მითითება).

2. ვიცი საითაც უმიზნებ, ანუ გგონია წამოსროლილი ფრაზებით ვხელმძღვანელობ ხომ. კარგად მომეხსენება შენს მიერ დასმული სეკითხვის არსი და ამას აქ გარკვევას არ ვაპირებ.

3 მოდი სანამ ამას გავარკვევდეთ ზეწოლაში რას გულისხმობ იმაზე მიპასუხე.

პოსტის ავტორი: a-l-e-q-s-a-n-d-r-e თარიღი: May 28 2007, 05:47 PM

რელიგია იდევნება კიდევ იმით რომ მოხსნეს სკოლებში რელიგიის უფასო სწავლა და ვინც არ გადაიხდის 5 ლარს ის არ ისწავლისო

პოსტის ავტორი: ირგე თარიღი: May 28 2007, 05:50 PM

marine

რომელი?
afxazi

ხო ეგრე აჯობებს, თორემ მერე რაზნაჩტენიები გვექნება.

ყველა ეგრე არ გულისხმობს და მიტომ გკითხე.

არა. ამას ნამდვილად არ ვგულისხმობ. უბრალოდ ადრე მქონდა დავა ამ საკითხზე და შენი აზრი მაინტერესებს: "ვის მიერ განხორციელებული ქმედება შეიძლება ჩაითვალოს საქართველოს მართლმადიდებელი ეკლესიის ქმედებად?"

კი ბატონო.
ნებისმიერი ძალადობა რელიგიური ნიშნით. (მაგ. კათოლიკეს ცემა იმის გამო რომ ის კათოლიკეა და არა იმის გამო რომ მთვრალია და იგინება)
ნებისმიერი შეზღუდვა რელიგიური ნიშნით. (მაგ. 50-იანელის არმიღება სამსახურში იმის გამო, რომ ის 50-იანელია და არა იმიტომ რომ ორი ღერი განათლება არ აქვს)
ნებისმიერი არათანასწორობა რელიგიური ნიშნით. (მაგ. ერთი ეკლესიის უფლება ააშენოს საყდარი და მეორე ეკლესიისთვის ანალოგიური უფლების ჩამორთმევა)

პოსტის ავტორი: afxazi თარიღი: May 28 2007, 06:03 PM

ირგე

პირველ ორში აბსოლიტურად გეტანხმები და ეს პირადად ჩემი მხრიდან დასაგმობია, არ შეიძლება. ფიზიკური კიარა და სიტყვერი შეურაცყოფაც არაქრისტიანულია და სასჯელს ექვემდებარება, ნებისმიერ შემთხვევაში. თუ ქრისტიანი ქვია ადამიანს დიდი სიყვარული უნდა უჩვენო სხვას და არა სიძულვილი.

რაც შეეხება მესამეს, კატეგორიულად არ გეთანხმები და რატომ, ბევრჯერ აღინიშნა რომ საქართველოს მარტლმადიდებელ ეკლესიას ძალიან დიდი წვლილი მიუძღვის ქვეყნის წინაშე და ეს ეკლესია საქართველოში უბრალოდ ვერ იქნება თანასწორ მდგომარეობაში, როგორც კათოლიკურ ან სომხურ ან სხვა ეკლესიებტან.

ერთიცაა - საქართველოში მხოლოდ საქართველოს მარტლმადიდებელი ეკლესიაა რომელიც დასრულებულადაა წარმოდგენილი, სხვა ეკლესიები კი ეპარქიებს წარმოადგენენ, სომხური ეკლესიის ეპარქია, აგრეთვე კათოლიკურიც ეპარქიაა და სხვებიც ხომ.

ეხლა შენ მითხარი რომ გვაქვს დასავლეთ ევროპის ეპარქია იცი რის ფასად უჯდებათ თუნდაც პატარა სამლოცველოს გახსნა, ეკლესიის აშენებაზე ლაპარაკიც ზედმეტია.

რაც აქვთ მე მგონი იმის შესაბამისი მრევლი ყავთ მათ, პირიქით თბილისში მოქმედ ორ სომხურ ეკლესიაში ძალიან ცოტა ხალხი დადის, რათ უნდათ მათ ბევრი, თუ დაჭირდებათ შეიძლება მიეცეთ უფლება, მაგრამ ისე არაა რა დროსაც გაუხარდებათ და როცა გაუხარდებათ მაშინ ააშენონ ტაძრები,

რაც შეეხებაიმას თუ ვისი ქმედება ითვლება ეკლესიის ქმედებად, ამაზე იმას ვიტყვი რომ ეკლესია ეპისკოპოსთა კრებულისგან შედგება, რომელსაც სათავეში კათოლიკოს-პატრიარქი უდგას, რომლებიც ერტად შეადგენენ საეკლესიო კრებას, ქარტულ სინამდვილეში წმ. სინოდს, აი სწორედ მისი გადაწყვეტილება ითვლება ეკლესიის პოზიციად და არა თუნდაც ცალკეული ეპისკოპოსის სეუმწყნარებლობა.

პოსტის ავტორი: ირგე თარიღი: May 28 2007, 06:23 PM

afxazi

მაინც?

მხოლოდ მრევლის ოდენობა შეიძლება იყოს არათანაბარი. რა თქმა უნდა ნორმალურ სახელმწიფოში.

არაა მასე.
არის საქართველოში დამოუკიდებელი პროტესტანტული ეკლესიები. ამ ფორუმზე არიან პროტესტანტები და თუ ვცდები გამისწორებენ.

ვინმე ზღუდავს, თუ ფული არ ყოფნით? მე არ ვარ გარკვეული და ცოტა ვრცლად მომიყევი.

მაგას კანონმდებლობა უნდა წყვეტდეს და არა ბრბო. (შენ არ გგულისხმობ. უბრალოდ რამდენიმე ცნობილი ფაქტი გამახსენდა)

ანუ თუ რომელიმე მღვდელი ან ეპისკოპოსი ან კათალიკოს პატრიარქი რაიმეს განაცხადებს ან მოიმოქმედებს, ეს არაა ეკლესიის ქმედება, ხოლო ეპისკოპოსთა კრებაზე მიღებული გადაწყვეტილება და ამ გადაწყვეტილების შესაბამისი ქმედება (თუნდაც არასასულიერო პირის მიერ ჩადენილი) ეს უკვე ეკლესიის ქმედებაა?

პოსტის ავტორი: afxazi თარიღი: May 28 2007, 06:42 PM

ირგე

ეხლა თან არ მაქვს, ალბათ ხვალ მექნება მოხსენება იმის შესახებ თუ სად, რომელ ქვეყანაში რომელი ეკლესიაა უპირატესი სხვა ეკლესიებტან შედარებით, სახელმწიფო კანონმდებლობით (მარტო საქართველოში უკვირთ ეს).

ხოლო იმაზე რა მიუძღვის საქართველოს მართლმადიდებელ ეკლესიას ქვეყნის წინაშე შენც კარგად მოგეხსენება და ფაქტების ჩამოთვლას არ დავიწყებ.

დასავლეთ ევროპის ეპარქიასთან დაკავშირებით ფული არაა საკმარისი შესაბამისი ნებართვა ჭირდება ყველაფერს რაც საკმაოდ ძნელია მისი მიღება.

ეკლესიის პოზიციის გამომხატველში კი ვერ შევთანხმდებით თუ არ გვეცოდინება რას ვგულისხმობთ ამაში.

პოსტის ავტორი: ირგე თარიღი: May 28 2007, 07:45 PM

afxazi

საინტერესო ინფოა. იმედია პრივილეგიების ჩამონათვალიც იქნება.

ნამდვილად არ მომეხსენება და ერთი-ორი ფაქტი არ გვაწყენდა.

ცოტა ვრცლად ვერა? მაინც რა ნებართვას ვერ იღებენ?

რაში? ეკლესიაში თუ პოზიციაში?

პოსტის ავტორი: ulvashi თარიღი: May 29 2007, 09:30 AM

როგორც ადამიანს ვერ აუკრძალავ სახლის მშენებლობას საკუთარ ეზოში, ისე ვერ აუკრძალავ სხვა რელიგიის წარმომადგენელს ეკლესიის მშენებლობას. თუ საკუთარი ფულით, Yთავის მიერ ნაყიდ მიწაზე, სამშენებლო სტანდარტების დაცვით აშენებს, სახელმწიფოს რა უფლება აქვს, ეგ ბაპტისტია და ნუ ააშენებსო

პოსტის ავტორი: ირგე თარიღი: May 29 2007, 10:05 AM

ulvashi

შენ უცხოეთიდან პოსტავ?
უფლებები მათთვისაა ვისაც გასდის.
დანარჩენებისთვის მხოლოდ მოვალეობები.

პოსტის ავტორი: ulvashi თარიღი: May 29 2007, 10:43 AM

ირგე

რატომ მეკითხები?
მე ოზურგეთიდან ვწერ.

პოსტის ავტორი: ირგე თარიღი: May 29 2007, 12:21 PM

ulvashi

ოზურგეთში არ ირღვევა ადამიანის უფლებები?

პოსტის ავტორი: ulvashi თარიღი: May 29 2007, 12:32 PM

ირგე
კი ირღვევა, რამდენიც გინდა. მე არ ვარღვევ, მგონი

პოსტის ავტორი: ირგე თარიღი: May 29 2007, 12:50 PM

ulvashi

არცერთი არ მინდა.

აღმსარებლობის ნიშნით ადამიანის დევნა, მისი უფლებების უხეში დარღვევაა.

შენ შეიძლება არ იცოდე, მაგრამ თბილისში ვერ მოხერხდა ასურიული კულტურის ცენტრის და კათოლიკური ეკლესიის აშენება.

პოსტის ავტორი: ulvashi თარიღი: May 29 2007, 01:04 PM

ვერ მოხერხდებოდა, იმიტომ რომ საქართველოში ეკლესია მაშინ შენდება, როცა პრეზიდენტს უნდა და მაშინ ინგრევა, როცა ასევე პრეზიდენტს უნდა. რიყეზე და ფერიას მთაზე ვამბობ.

საერთოდ სახელმწიფო ძალიან უხეშად ერევა ადამიანების რელიგიურ თავისუფლებაში

პოსტის ავტორი: ირგე თარიღი: May 29 2007, 01:06 PM

ulvashi

თლა ეგრე არაა, მარა ახლოს ხარ.

პოსტის ავტორი: afxazi თარიღი: May 29 2007, 01:08 PM

ulvashi

ფერიის მთის ტაძრის დანგრევას პრეზიდენტს ნუ დააბრალებ, მან ყველაზე კარგად იცოდა რა მოყვებოდა ამას და უბრალოდ არ გარისკავდა, ვფიქრობ ეს ადგილობრივი მთავრობის ნახელავი იყო.

ადამიანის რელიგიურ თავისუფლებაში ჩარევაში რას გულისხმობ?

პოსტის ავტორი: ulvashi თარიღი: May 29 2007, 01:16 PM

afxazi

რომელიმე ადგილობრივ ხელისუფლებასთან თუ გქონია ოდესმე შეხება? ელემენტარულ საკითხებს ვერ წყვეტენ პრეზიდენტის გარეშე, ისე ეშინიათ.
ვერ წყვეტენ, ადგილობრივი ბიუჯეტისთ სკოლა დააფინანსონ თუ ამბულატორია, იმიტომ რომ თუ სკოლა, მაშინ შეიძლება პრეზიდენტი გამოვარდეს და თქვას, რატომაა ამბულატორია საშინელ დღეშიო და მოხსნას ყველა ან პირიქით.
ამიტომ მგონია, რომ პრეზიდენტმა მინიმუმ იცოდა ეგ ამბავი



მაგის მაგალითი თქვეს ზემოთ, კათოლიკური ეკლესია და ასურული კულტურის ცენტრი არ აშენდაო. მე ეგ მაგალითები არ ვიცი, მაგრამ დარწმუნებული ვსრ, მასე იქნებოდა.

პოსტის ავტორი: კანუდოსელი თარიღი: May 29 2007, 01:16 PM

იტალიაში კათოლიკურ ეკლესიას აქვს სტატუსი უპირატესი და ასევე სხვა კონფესიებიც არიან რეგისტრირებულნი...
გაითვალისწინე: მართლმადიდებელი ეკლესია არაა დარეგისტრირებული იტალიაში, იგივე ბაპტისტური არის...

პოსტის ავტორი: ირგე თარიღი: May 29 2007, 01:25 PM

კანუდოსელი
სალამი.

რატომ?

პოსტის ავტორი: afxazi თარიღი: May 29 2007, 01:36 PM

ulvashi

ყოველშემთხვევაში ეს შენი ვარაუდია და არა ზუსტი ინფორმაცია, ჩემი აზრით პრეზიდენტი ამას არ გააკეთებდა, განა იმიტომ რომ დიდი ქრისტიანია, უბრალოდ არ გარისკავდა.

პოსტის ავტორი: ulvashi თარიღი: May 29 2007, 02:03 PM

ზუსტი ინფორმაცია ამის შესახებ მიშას მეტმა არავინ იცის. დანარჩენი ყველაფერი ვარაუდია. მე ასე ვხედავ ამ მოვლენებს, იმიტომ რომ შევარდნაძის მომხრეებიც მაგას იძახდნენ, გარემოცვა ყავს ცუდი, მან არ იცის, რა ხდებაო.

დავუშვათ არ იცოდა, ვარშალომიძემ ხომ იცოდა? არ უნდა გადაეყენებინა? ესაა რწმენის თავისუფლების შეზღუდვა, როცა ხალხს ეკლესიას უნგრევ და დამნაშავეს არ სჯი. თან ვინმე მცირე დამნაშავეს კი არა, პოლიტიკურ ხელმძღვანელს, მინიმუმ რეგიონის დონეზე

გარდა ამისა, სომხებს რომ ნორაშენის ეკლესიაში არ უშვებენ, არაა თავისუფლების შეზღუდვა?

პოსტის ავტორი: afxazi თარიღი: May 29 2007, 02:18 PM

ulvashi

ეს კი ნამდვილად არ უნდა გეთქვა, ვინ არ უშვებს ერთი მითხარი? ჯერ ეს ერთი ეს მიტაცებულ ტერიტორიაზე აშენებული ტაძარია და მეორეც პროვოკატორობენ ვითომ დევნიან, არავინ არავის არ დევნის, თვითონ არ აქვთ ამის საჭიროება და ვერც უვლიან. შენ რა გული შეგტკივა ვერ გავიგე ერთი?

პოსტის ავტორი: ulvashi თარიღი: May 29 2007, 02:21 PM

როგორ მოუვლიან, შიგნით არ უშვებენ, მე რამდენადაც ვიცი და
სომეხი რახანაა, გული არ უნდა შეგვტკიოდეს, თუ უსამართლოდ ჩაგრავენ?
სომხების აშენებული ხომ არის?
სომხუი წესით ნაკურთხი ხამაა?
რატომ არ ტარდება იქ სომხური ლოცვა, ვის ეკუთვნის ის ეკლესია და ვინ შედის შიგნით?

ესაა სწორედ რწმენის თავისუფლების შეზღუდვა

პოსტის ავტორი: afxazi თარიღი: May 29 2007, 02:28 PM

ulvashi

ზუსტად ეხლა მიჭირავს ხელში ამ ტაძრის წარმომავლობის შესახებ ცნობები. ეს ეკლესია მართლმადიდებლური ეკლესიის ნანგრევებზე ააშენეს და ასე დაეპატრონენ მათთვის არ განკუთვნილ ტერიტორიას.

ეს კარგი მარა ვინ არ უშვებს შიგნით ერთი ეს მითხარი?

პოსტის ავტორი: ulvashi თარიღი: May 29 2007, 02:30 PM

ახლა რა ვქნათ, რახან მართლმადიდებლურის ნანგრევებზეა, დავანგრიოთ და მერე მართლმადიდებლური ავაშენოთ?

პოსტის ავტორი: afxazi თარიღი: May 29 2007, 02:33 PM

ulvashi
ვინ არ უშვებს? მიპასუხე.

პოსტის ავტორი: ulvashi თარიღი: May 29 2007, 02:35 PM

სახელმწიფო არ უშვებს
შეშვებაში ვგულისხმობ საკუთრებაში გადაცემას და არა კარის გაღებას
სახელმწიფო არ აძლევს სომხებს სომხურ ეკლესიას, მართლმადიდებლებს არ აძლევს მართლმადიდებლურ ეკლესიას და ა.შ.
კაცმა არ იცის, რატომ

პოსტის ავტორი: afxazi თარიღი: May 29 2007, 02:39 PM

ulvashi

მართლა არ მესმის რას ლაპარაკობ, რას ქვია სახელმწიფო არ აძლევს უფლებას, ამის დამადასტურებელი ფაქტები გაქვს, ან იცი საერთოდ როგორ ხდება საკუთრებაში გადაცემა, ან ის თუ იცი ვისი ნებართვა ჭირდება ტაძრის აშენებას.

პოსტის ავტორი: ulvashi თარიღი: May 29 2007, 02:40 PM

სახალხო დამცველის შარშანდელ მოხსენებაში იყო მაგაზე საუბარი

შენ თუ იცი, მითხარი და დაგეთანხმები

პოსტის ავტორი: afxazi თარიღი: May 29 2007, 02:45 PM

ulvashi

აბა იქნებ ფაქტებიც გაიხსენო.

პოსტის ავტორი: ulvashi თარიღი: May 29 2007, 02:47 PM

1 წლის წინანდელი ფაქტები არ მახსოვს
ამავე თემაში მე-2 თუ მე-3 გვერდზე ნახე იეღოვას მოწმეების დევნის ფაქტები ქუთაისში

თუ გინდა, იმას მოგიყვები, სოფელ შემოქმედში რა მოხდა 2003 წელს

პოსტის ავტორი: afxazi თარიღი: May 29 2007, 02:49 PM

ulvashi

კარგი მომიყევი და მერე ჩემს პასუხსაც გეტყვი.

პოსტის ავტორი: ulvashi თარიღი: May 29 2007, 02:53 PM

ადამიანს საკუთარ ეზოში არ ააშენებინეს ეკლესია.
რა ქვია მაგ ეკლესიას, არ მახსოვს, რუსული ეკლესიაა, რუსეთის საპატრიარქოსაგან განდგომილი, ა.შ.შ-ში აქვთ რეზიდენცია
სოფლის ერთ-ერთ მცხოვრებს უნდოდა საკუთარ ეზოში აეშენებინა საკუთარი სარწმუნოების მიხედვით ეკლესია და დაიწყო საკუთარი სახლის რემონტი და გაფართოება.
შეუცვივდა სოფლის მოსახლეობა, შენ რა უფლება გაქვს, ეკლესია ააშენოო(!!!!!) და მთლიანად დაუნგრიეს სახლი და გააძევეს სოფლიდან
ეს არის რელიგიური დევნა
მე ჩემს სახლში რასაც მინდა, იმას ვიზამ.

პოსტის ავტორი: afxazi თარიღი: May 29 2007, 03:09 PM

ulvashi
კარგი დიდი მადლობა.

ეს ყველაფერი რაც შენ მოყევი არის რელიგიური ფანატიზმის უდიდესი გამოვლინება (თუ ყველაფერი ისე იყო როგორც შენ მოყევი) და ასეტი ფაქტები დასაგმობია და უფრო მეტიც სასჯელის ღირსია ყველა ის ადამიანი ვინც რელიგიური ნიშნით შეურაცხყოფას მიაყენებს სხვას, თუნდაც სიტყვით. იაღოველები მე მგონი ისე კარგად როგორც საქართველოში არიან არსად არ გრძნობენ თავს, თავისუფლად მიმოდიან ქუჩაში, სახლში აკითხავენ ხალხს (სხვათა შორის ეს არაა იმ ადამიანის უფლებების დარღვევა, რატომ მოდიხარ და მახვევ შენს აზრებს, იქნებ არ მინდა, შეიძლება ერტხელ არ მიიღო, მაგრამ მეორდ მაინც მოგაკითხავენ იქამდე სანამ აგრესიას არ გამოიწვევენ ხალხში, რატომ? იმიტომ რომ ასე მოგვიწოდებს უფალიო) არიგებენ ბროშურებს უფასოთ, ამიტომ მათი უფლებების დარღვევაზე ნუ ლაპარაკობთ. თუკი არის ასეთი ფაქტი ეს კერძოა, კონკრეტული ადამიანის მიერ ჩადენილი (რაც დასაგმობია) და არ აქვს საერთო ეკლესიასთან და სახელმწიფოსთან.

მოდი უფლებებზე ვლაპარაკობთ და მიპასუხე არაა ადამიანის უფლების დარღვევა როცა სახლში აკითხავ და უკითხავ საკუთარ მოძღვრებას (ამაზე არავინ არ ამახვილებს ყურადღებას), არაა რელიგიურ გრძნობათა შეურაცხყოფა როცა გამოფენილია სურათი სადაც სახარება ისეტ ადგილზეა გადაღებული რომ უხერხულია ამის თქმა (არც ამაზე გაამახვილა ბატონმა სუბარმა ყურადღება, სამაგიეროდ იმაზე ისაუბრა რომ ხალხმა უკმაყოფილება გამოთქვა ამის გამო და მარტალია ცუდი ფაქტი მოხდა და ეს არ იყო სწორი, მაგრამ სხვა რამეც უნდა აღენიშნა მას).

როცა უფლებების დარღვევაზე ლაპარაკობ გაიხსენე რომ 2002 წლის შეთანხმება (კონკორდატი სახელმწიფოსა და ეკლესიას შორის სხვა რელიგიის წარმომადგენლებტან ერთად შემუშავდა და მოიწონეს კიდეც მათ, გაიხსენე ისიც რომ საპატრიარქოში პერიოდულად იკრიბებიან ხოლმე სხვადასხვა რელიგიის წარმომადგენლები პატრიარქთან და სხვადასხვა საკითებზე მსჯელობენ ხოლმე, აგრეთვე პატრიარქი იწვევს ხოლმე მათ ზოგიერთი მოვლენის აღსანიშნავ ცერემონიაზე.

ცალკეული შემთხვევების გამო, რასაც თვითეული ქრისტიანი უნდა ებრძოლოს რომ ასეთი რა არ დაუშვას (ვგულისხმობ რელიგიურ შეუმწყნარებლობას), ნუ ვიტყვით რომ საქართველოში უმცირესობები იდევნებიან. ეს არასწორი იქნება.

პოსტის ავტორი: ირგე თარიღი: May 29 2007, 03:21 PM

afxazi

ეგეც დარღვევაა, მაგრამ კი არ უნდა ეჩხუბო - დარეკე 022-ზე და მიხედავენ.

ეგეთი ფაქტებიც არსებობს. უბრალოდ მე და შენ ვერ მოვილაპარაკეთ რა ჩაითვალოს ეკლესიის ქმედებად. გამგებლის მიერ სანქცირებული ქმედება კი ცალსახად სახელმწიფოს ქმედებაა.

ეს რა აღწერე?

პოსტის ავტორი: afxazi თარიღი: May 29 2007, 03:37 PM

ირგე

იყო ასეთი შემთხვევა. სიონთან რომ ქარვასლაა იქ იყო გამოფენა სურათების, და ერთ-ერთი სურათი იყო სახარება იდო უნიტაზთან, სათაური არ მახსოვს რა ერქვა ამ სურათს, ამა ზე უკმაყოფილება გამოითქვა, მერე ჩხუბში გადაიზარდა (ეს არ უნდა მომხდარიყო), სუბარის მოხსენებაში კი მარტო ეს ჩხუბი დაფიქსირდა.

ეკლესიის პოზიცია კი შეიძლება იყოს ფართო აზრის მომცველი რომელიც ფიქსირდება სინოდის სხდომაზე რაიმე შემთხვევასთან დაკავშირებით. ხოლო ის რომ პატრიარქი, ეოისკოპოსი ან თუნდაც უბრალო მღვდელი მწყემსმთავრულ დარიგებას, კურთხევას გამოსცემს, ეს სამწყსოზე მზრუნველობითაა გამოწვეული.

მაგრამ თუნდაც ეპისკოპოსი ისეთ რამეს მოუწოდებს ხალხს რაც ეწინააღმდეგება მართლმადიდებლურ მრწამსს ეს არც ეკლესიის პოზიციაა და არ ცსამწყსოზე მზრუნველობით გამოხატული მოქმედება.

პოსტის ავტორი: ირგე თარიღი: May 29 2007, 03:47 PM

afxazi

რა გითხრა აბა.
ასე მგონია შენი აზრი განსხვავდება ოფიციალურისგან და თვით სინოდის გადაწყვეტილება და ამ გადაწყვეტილების საფუძველზე განხორციელებული ქმედებაც არ ითვლება ეკლესიის ქმედებად. შეიძლება მე ვცდები, მაგრამ ასეთი ვერსიაც მაქვს გაგონილი.
თუმცა ორივე შემთხვევაში აშკარაა ორგანიზაციის პასუხისმგებლობის პიროვნებაზე გადაბრალების მცდელობა.

პოსტის ავტორი: afxazi თარიღი: May 29 2007, 03:55 PM

ირგე
აბა გამარკვიე მაშინ რა ითვლება ეკლესიის ქმედებად. მე ადგილობრივ ეკლესიას ვგულისხმობ. (ამ შემთხვევაში საქართველოს)

პოსტის ავტორი: ირგე თარიღი: May 29 2007, 04:04 PM

afxazi

ნაღდად ვერ გეტყვი. თავად არ ვარ მართლმადიდებელი და სხვის მაგივრად როგორ გიპასუხო.
რაც მე მაგაზე აზრები მაქვს მოსმენილი ისეთი დასკვნა გავაკეთე, რომ თუ იესოს არა კაკ მინიმუმ მოციქულის ქმედება.

პოსტის ავტორი: afxazi თარიღი: May 29 2007, 04:21 PM

ირგე

აი ეხლა ორგზის გამაკვირვე, თანაც ძალიან. ერტი ის რომ მართლმადიდებელი არ ვარო და მეორე მე ადგილობრივ (მაგ. საქარტველოს)ეკლესიის ქმედებებზე ვლაპარაკობდი და არა ზოგადად ეკლესიის.

პოსტის ავტორი: ulvashi თარიღი: May 29 2007, 04:31 PM

afxazi
მე არ მითქვამს, მართლმადიდებლები დევნიან უმცირესობებს მეთქი
არის უფლებების დარღვევის უხეში მაგალითები და სახელმწიფო არის დამნაშავე იმიტომ რომ არ იცავს დარღვეულ უფლებებს, არ სჯის დამნაშავეებს და ა.შ.
თავის დროზე სახელმწიფომ უხეშად დაარღვია ბასილ მკალავიშვილის დაჯგუფების უფლებები, მერე რა, რომ ისინი განდგომილნი არიან მართლმადიდებლური ეკლესიიდან, მათ თავიანთი რწმენა აქვთ
ბოლო მაგალითი იყო ფერიის მთაზე ეკლესიიდ დანგრევა, რაც იყო კერძო საკუთრების უხეში დარღვევა და სახელმწიფო იყო ვალდებული, მინიმუმ დაესაჯა უშუალო დამნაშავეები და პოლიტიკურად პასუხისმგებელი პირები

პოსტის ავტორი: ირგე თარიღი: May 29 2007, 04:33 PM

ulvashi

ვისი საკუთრების?

afxazi

რაა გასაკვირი? ნუ გეშინია არც სხვა რელიგიის მიმდევარი ვარ.

მეც საქართველოს მართლმადიდებელ ეკლესიაზე გითხარი.

პოსტის ავტორი: afxazi თარიღი: May 29 2007, 04:38 PM

ulvashi

ამაშეი ძნელია არ დაგეტანხმო, დამნაშავე უნდა დაისაჯოს, თუმცა მე ვიცი რომ ცალკეული სემთხვევების გარდა სჯიან ამ მხრივ დამნაშავეებს, ამას წინათ გავიგე რომ იეღოველის ცემისთვის ერთს სამი წელი მიუსაჯეს.

ბასილ მკლავიშვილი კი ცალკე ფენომენია. მარტალია ძალიან საშინლად მოხდა მისი დაკავება, ეს არ უნდა მომხდარიყო, ამ მხრივ ხელისუფლება ხშირად ცდება.

პოსტის ავტორი: ulvashi თარიღი: May 29 2007, 04:42 PM

ამ შემთხვევაში საქართველოს სამოციქულო მართლმადიდებელი ავტოკეფალური ეკლესიის

შორს ვარ იმ აზრისგან, რომ საქართველოს მართლმადიდებელი ეკლესიის მიერ ვინმე შეგნებულად და მიზანმიმართულად იდევნება

არის ბევრი ფაქტი, როცა ხდება კონკრეტული ინდივიდების რელიგიური უფლებების შელახვა სახელმწიფოს მხრიდან

ზოგჯერ სახელმწიფო ამას ჩადის პირდაპირ:
ერთ ეკლესიას ათავისუფლებს გადასახადებისაგან, სხვას არა
არ აძლევს საშუალებას ყველა რელიგიის წარმომადგენლებს ეკლესიების მშენებლობისა
არ აძლევს საშუალებას უმცირესობების წარმომადგენლებს რეგისტრაციის გავლისა (ეს ბოლო წელიწადნახევარია გარკვეულწილად გამოსწორდა)
არ ასრულებს კონსტიტუციური შეთანხმებით მასზე დაკისრებულ მოვალეობებს მართლმადიდებელი ეკლესიის წინაშე


ზოგჯერ არაპირდაპირ, ანუ არ აღადგენს სხვა პირის მიერ დარღვეულ უფლებას, ანუ არ სჯის დამნაშავეებს და არ იცავს ადამიანებს ძალადობისაგან
იგულისხმება როგორც ზოგიერთი ფანატიკოსი მართლმადიდებელის ძალადობა სექტებზე, ასევე ფანატიკოსი იეღოველების ძალადობა (სახლში მიკითხვა და ა.შ.) სხვა რელიგიების წარმომადგენლებზე



მეც მაგას ვამბობ

პოსტის ავტორი: afxazi თარიღი: May 29 2007, 04:46 PM

ირგე

შენ რა გითხარი რისა უნდა მეშინოდეს, უბრალოდ გამაკვირვა შენმა პასუხმა მეთქი.

ხოდა თუკი ადგილობრივ ეკლესიაზე ვსაუბრობთ, თვითოეული ადგილობრივ ეკლესიას აქვს მარტვა-გამგეობის დებულება რომლის საფუძველზეც ახორციელებს მოქმედებას, მაგ. ჩვენი ეკლესიის მართვ-გამგეობის დებულებაში წერია რომ ის ეყრდნობა წმიდა წერილს, საღმრთო გარდამოცემას, მსოფლიოს შვიდ და ადგილობრივ კრებატა დადგენილებას და ასე შემდეგ.

როცა საქმე ეხება დოგმატურ დებულებას მართლმადიდებელი ეკლესიის პოზიცია იმთავითვე გარკვეულია ზემოთ ნახსენებ კრებებზე, ამიტომ ადგილობრივი ეკლესია იზიარებს მას და ეთანხმება, ტუ არ დაეთანხმა ეს უკვე დარღვევაა. მაგრამ როცა საკითხი ეხება ადგილობრივ ეკლესიის ტერიტორიაზე მომხდარ რაიმე ფაქტს, იქ უკვე ოფიციალურ პოზიციად ითვლება მხოლოდ წმ. სინოდის მიერ მიღებული დადგენილება, ცალკეულ ეპისკოპოსთა აზრი მანამდე სანამ სინოდი არ მიიღებს, იქნება მხოლოდ ინდივიდუალური პოზიცია.

პოსტის ავტორი: ირგე თარიღი: May 29 2007, 04:52 PM

ulvashi

დარწმუნებული ხარ?

მშენებარე ეკლესიას გულისხმობ თუ მიწას სადაც შენდებოდა?

პოსტის ავტორი: ulvashi თარიღი: May 29 2007, 04:52 PM

მიწა და მასზე მიმდინარე მშენებლობა თუ დგარი შენობა ერთი საკუთრებაა სამოქალაქო კოდექსის მიხედვით
ორივე იყო ეკლესიის
კოონსტიტუციური შეთანხმებით სახელმწიფო ვალდებულია, გადასცეს ეკლესიას საკუთრებაში ყველა ის შენობა და მიწა, სადაც ის დგას, რომლებზეც ეკლესიები და სასულიერო დანიშნულების ნაგებობები დგას, თუ მიწა ჯერ კიდევ სახელმწიფო საკუთრებაშია

პოსტის ავტორი: ulvashi თარიღი: May 29 2007, 05:14 PM

პასუხისმგებლობა ფასტფუდების სელს,
ასევე სახელმწიფოში რაც ხდება ყველაფერზე პასუხისმგებლობა ეკისრება სახელმწიფოს
გაოცებული ვარ, ამას ამდენს იმიტომ ვიმეორებ, რომ 83% იძახის მართლმადიდებელი ვარო და ეკლესიის დანგრევას, ფაქტობრივად, რეაქცია ხალხისგან არ მოყოლია
აქამდე მეგონა, სხვა რელიგიის უფლებები რომ ილახაება, არ ანარვლებს ეს ამ ხალხს, ჰგონიათ რომ მათ ვერ ან არ შეეხებიან და იმიტომ, მაგრამ შეეხნენ და ძალიან მტკივნეულად და ხალხს მაინც ძინავს

პოსტის ავტორი: ირგე თარიღი: May 29 2007, 05:26 PM

ulvashi

დარწმუნებული ხარ? საკუთრების დამადასტურებელი დოკუმენტი გაქვს ნანახი?

დგას და არა დგამს.
afxazi

ყველა ეკლესიის მსახურის - ილია II-დან დაწყებული და სტიქაროსნებით დამთავრებული - ქმედებაზე ეკლესიაა პასუხისმგებელი. მისი ვალია დროულად მოიშოროს "ცუდი" ხალხი და ბოდიში მოიხადოს მათი არასწორი ქმედების გამო.

პოსტის ავტორი: afxazi თარიღი: May 29 2007, 05:53 PM

ირგე

ეს სხვა რამეა, რა თქმა უნდა ეკლესია მისი თვითეული წევრის მიმარტ პასუხისმგებელია, მაგრამ ჩვენ ვსაუბრობთ, იმაზე თუ ვინ ან რა შეიძლება იყოს ეკლესიის პოზიციის გამომხატველი. თუმცა ამაზე საეკლესიო სამართლის განყოფილებაში რომ ვისაუბროთ უკეთესია, რადგან აქ ამის ადგილი არაა.

პოსტის ავტორი: ulvashi თარიღი: May 30 2007, 09:28 AM

ირგე
საკუთრების დამდასტურებელი დოკუმენტი არ მინახავს, მაგრამ დარწმუნებული ვარ
იმიტომ რომ ხელისუფლება უკან არ დაიხევდა. როცა მტყუანია, მაშინ არ იხევს ხოლმე უკან, მით უმეტეს, თუ მართალი იქნებოდა. ამ სემთხვევაში აშკარად მტყუანი იყო და დათმო კიდეც.
თუ ეგ მიწა სახელმწიფოს ეკუთვნოდა და არ სურდა ეკლესიისათვის გადაცემა, მაშინ მშენებლობის დაწყვებამდე უნდა მოეხდინა რეაგირება
მიუხედავად იმისა, კანონიერია თუ არა მშენებლობა, მისი დემონტაჟი იყო არაკანონიერი, იმიტომ რომ მოხდა მოსახლეობის რელიგიური გრძნობების აშკარა შეურაცხყოფით

პოსტის ავტორი: ირგე თარიღი: May 30 2007, 09:56 AM

ulvashi

სულ ტყუილად. ზოგჯერ საბუთის ნახვის მერეც არ უნდა იყო დარწმუნებული. სად არის სკეპტიციზმი?
მორწმუნე ხარ?

ნამეტანი გლადკად ხომ არ გამოგივიდა საერო და სასულიერო ხელისუფლების ურთიერთობა?

ეგ სხვა საკითხია და მაგაში გეთანხმები.

პოსტის ავტორი: ulvashi თარიღი: May 30 2007, 10:17 AM

რატომაა სხვა საკითხი? პირდაპირ კავშირშია თემასთან. სახელმწიფო უგულვებელყოფს ჩვეულებრივი ადამიანების გრძნობებს. საერთოდ ამ ხელისუფლების პრობლემაა, რომ ადამიანი არ მიაჩნია სათვალავში ჩასაგდებად. ესაა პრობლემა
სახელმწიფო რომ პატივს ცემდეს რმენის თავისუფლებას, ასე არ მოიქცეოდა. ეს უნდა გაიგოს ყველა რელიგიის წარმომადგენელმაც და ათეისტებმაც. სახელმწიფოს უფლებები უნდა შეიზღუდოს, თოპრემ რაღაც ფორმით ის ყველას ჩაგრავს

პოსტის ავტორი: ირგე თარიღი: May 30 2007, 10:24 AM

ulvashi

თემასთან კი. საკუთრებასთან არა.

კი არ უნდა შეიზღუდოს, არამედ რა შეზღუდვებიც არსებობს უნდა აღსრულდეს. კანონის უზენაესობა და რამე.
რაღაც ფორმით მაინც დაჩაგრავს ვიღაცას. სხალმწიფოს სხვანაირად არ შეუძლია.

პოსტის ავტორი: ulvashi თარიღი: May 30 2007, 11:20 AM

ბოლო პოსტი კარგად ვერ გავიგე
რა არ შეუძლია სახელმწიფოს სხვანაირად? შეზღუდვები უნდა იყოს თანაბარი და სამართლიანი ყველას მიმართ
მაგ> გადასახადებისაგან ან ყველა რელიგია უნდა გაათავისუფლო, ან არცერთი. მე მგონი, ჯობს ყველა
რეგისტრაციის საშუალება ყველას უნდა მისცე და თან რეგისტრაციის პროცედურა მარტივი უნდა იყოს
რელიგიურ გაერთიანებათა შესახებ კანონი უნდა მიიღო
სკოლაში არ ისწავლება უკვე და აქ მიღწეულია რაღაც შედეგი
და ასე შემდეგ

პოსტის ავტორი: ირგე თარიღი: May 30 2007, 11:27 AM

ulvashi

შეზღუდვების გარეშე არ შეუძლია.
უაზრო შეზღუდვებს ვგულისხმობ, თორემ საერთოდ შეზღუდვების გარეშე ჩემმა მტერმა იცხოვრა.

პოსტის ავტორი: Lenus თარიღი: May 30 2007, 11:46 AM

ანუ, პრიორიტეტული რელიგია არ უნდა არსებობდეს (კულტურულ-ისტორიულ ასპექტიდან აღებული) ?

საქართველოში მართლმადიდებლობა, ისრაელში იუდაიზმი, იაპონიაში ბუდიზმი...

არა?

პოსტის ავტორი: ulvashi თარიღი: May 30 2007, 11:47 AM

ეგ ბუნებრივია, მაგრამ ყველა შეზღუდა უნდა იყოს პროპორციული შეზღუდულ უფლებასთან მიმართებაში

პოსტის ავტორი: ირგე თარიღი: May 30 2007, 12:17 PM

Lenus

სახელმწიფოსთვის არა. პიროვნებისთვის კი.

ეგ უმრავლესობის რელიგია უნდა იყოს და არა სახელმწიფო რელიგია.
ვაფშეტა იაპონლების კულტურულ-ისტორიული ასპექტის რელიგია სინტოიზმია.

პოსტის ავტორი: Lenus თარიღი: May 30 2007, 12:53 PM

სახელმწიფოსთვის უნდა იყოს პრიორიტეტული, თორემ პიროვნებისთვის რელიგიის პრიორიტეტობა აბსურდია.
რელიგიურობა აბსოლუტურია - ან ხარ მართლმადიდებელი, ან სხვა. ან ხარ კონფუხციონისტი ან არა. ან ხარ მუსულმანი, ან არა.
პიროვნება ხომ ვერ გახდება უფრო მართლმადიდებელი ვიდრე მუსულმანი?



სინტიოზმი იყოს, ვერ ვერკვევი აზიურ რელიგიებში მაინცდამაინც.
უმრავლესობის რელიგია რა შუაშია? სახელმწიფოს არ უნდა გააჩნდეს კულტურულ-ისტორიული სახე?

პოსტის ავტორი: ირგე თარიღი: May 30 2007, 01:29 PM

Lenus

არ უნდა იყოს სახელმწიფოსთვის პრიორიტეტული. კითხე სწორ მართლმადიდებლებს.
პიროვნებისთვის როგორაა აბსურდი. მე მაგალითად არცერთს არ ვანიჭებ უპირატესობას, შენ ალბათ მართლმადიდებლობას.

ეგეთებიც არიან.

"კულტურულ-ისტორიული სახე" ჩემთვის ახალი ტერმინია და სანამ არ განმარტავ პასუხს ვერ გაგცემ.

პოსტის ავტორი: Lenus თარიღი: May 30 2007, 05:15 PM

მართლა? აუჰ, არასწორი მართლამდიდებელიც ვყოფილვარ და არ ვიცოდი. (მართლა ვამბობ). რატომ არ უნდა იყოს? ამიხსენით ვინმემ რა.
თუ არცერთს არ ანიჭებ, ე.ი. ათეისტი ხარ. ჩემთვის, და ამ შემთხვევაში ჩემი მსჯელობისთვის ათეიზმიც რელიგიაა.



შეიძლება, მაგრამ სტანდარტულ სიტუაციებზე გათვლით ხდება წეს-კანონების ჩამოყალიბება. ესეთებიც,და უარესებიც სტანდარტულ სიტუაციებში ვერ ჯდებიან. ზოგადად, მართლმადიდებელი თუ ხარ, სხვა რელიგია მიუღებელია. მგონი ასევეა სხვა რელიგიებშიც.


სიმართლე გითხრა, ზუსტ განმარტებას ვერ მოგცემ. ამ ტერმინით მოიაზრება ეროვნული და რელიგიური, ტრადიციული ხასიათი, რომლიც ისტორიულად ჩამოუყალიბდა ამა თუ იმ ერს.

მაგალითად, რადგან არსებობს სახელმწიფო ენა, ეს იმას არ ნიშნავს, რომ სხვა ენები დაიჩაგრებიან. უბრალოდ სხვა სტატუსით ისარგებლებენ. სარწმუნოების საკითხებიც ასეა. "ნედარომ" აკრძალა საფრანგეთმა თავშლებით სკოლაში სიარული.


და თუ არ ვცდები პროზელიტიზმის არდამშვები მექანიზმებიც ასეთი "ქაოსისაგან" დასაცავად არის შემოღებული.

პოსტის ავტორი: ulvashi თარიღი: May 30 2007, 05:20 PM

ჩემი აზრით ცუდი გადაწყვეტილება იყო
დადიან თავშლებით აჭარის სკოლებში, გურიის ზოგ სკოლაშიც
რა შავდება მაგით?
არაფერი
შიშს დიდი თვალები აქვს
ზოგს თავისი მცირედმორწმუნეობის გამო ეშინია, სხვა რელიგია ან ათეიზმი წაგვლეკავსო და ეგაა
აი ათეისტებს არაფრის ეშინიათ

პოსტის ავტორი: Lenus თარიღი: May 30 2007, 05:29 PM

მკვეთრად გამოხატული მუსულმანური ჰიჯაბებით (თუ რაც ჰქვია)?

ასეთი თავშლები შეიძლება აჭარაში მისაღები იყოს რადგან ჩამოყალიბდა ისტორიულად, გახდა კულტურისა და ტრადიციის ნაწილი, მაგრამ პარიზს ხომ ვერ შევადარებთ.

პოსტის ავტორი: ulvashi თარიღი: May 30 2007, 05:42 PM

თბილისშიც იარონ, მერე რა

პოსტის ავტორი: ირგე თარიღი: May 30 2007, 08:08 PM

Lenus

ეხლა ხომ იცი?

იმიტომ რომ "კეისარს კეისრისა . . ." სეკულარიზაცია გაგიგია?

რელიგიებში როგორაა არ მაინტერესებს. მთავარია პიროვნებები რას ფიქრობენ.

რელიგიური რატომ გაურიე ვერ გავიგე. IV საუკუნემდე სხვა ქართველები ვიყავით? კომუნისტურ პერიოდში სხვა ქართველები ვიყავით?

არაა მასე. მაგალითებით საუბარი საერთოდ სოფისტური მეთოდია და კამათის დროს გამოყენება არ შეიძლება. მით უმეტეს ძალიან არასწორია ენის და რელიგიის შედარება. თანაც საქართველოში 2 სახელმწიფო ენაა და სულ მალე კიდევ 3 დაემატება.

სწორედ იმიტომ აკრძალა, რომ საერო სასწავლებელში რელიგიურობის გამოვლინება აღეკვეთა.

ანუ ქართველები არ გამოდიან შენი ლოგიკით.

პოსტის ავტორი: ulvashi თარიღი: May 31 2007, 09:14 AM

მე ვფიქრობ, რომ რელიგიურობის გამოვლენა არაფერი პრობლემა არაა. სახელმწიფოს მხოლოდ მაშინ უნდა შეზღუიდოს ადამიანის ნებისმიერი (მათ შორის რელიგიური) უფლებბი, როცა ამის საზოგადოებრივი აუცილებლობა არსბობს და შეზღუდვა უნდა იყოს პროპორციული. ამ შემთხვევაში არ არსებობდა ამის აუცილებელი საზოგადოებრივი საჭიროება, ანუ ამით სხვას არაფერი უშავდებოდა

პოსტის ავტორი: ირგე თარიღი: May 31 2007, 10:11 AM

ulvashi

მეც მასე ვფიქრობ, მაგრამ ასე არ ფიქრობს საფრანგეთის ხელისუფლება. თანაც გამოვლენაცაა და გამოვლენაც. თუ ისეთ მაისურს ჩაიცვამ სადაც მეგან დავითი ამარცხებს ნახევარმთვარეს და პახოდუ კიდევ დასცინს, 15 დღე ყურყუტი არ უნდა გაგიკვირდეს.

პოსტის ავტორი: ulvashi თარიღი: May 31 2007, 10:27 AM

საფრანგეთის ხელისუფლებამ რაც უნდა, ის ქნას
მე ჩემი ხელისუფლების ქმედებები უფრო მაინტერესებს
სხვათაშორის 1921 წლის კონსტიტუციით პირდაპირ იყო აკრძალული ეკლესიის დაფინანსება სახელმწიფოს ან ადგილობრივი თვითმმართველობის მიერ

პოსტის ავტორი: Lenus თარიღი: Jun 1 2007, 09:33 AM

რატომაც არა. ერი არ არსებობს დედამიწაზე რელიგიის გარეშე. ეს იმას ჰგავს, პასპორტებში ეროვნებას არ ჩაგიწერთო მთავრობამ რომ "გაგვახარა".

IV საუკუნემდე სხვა ქართველები ვიყავით.
კომუნიზმი დროებითი მოვლენა იყო. მაინც, მაშინაც პატრიარქი გვყავდა და არა "დალაი-ლამა" ან კათოლიკე მისიონერი.



ჰმ, კარგი რამ ვისწავლე. არ ვიცოდი თუ არ შეიძლება. აზროვნებისას ხომ შეიძლება. ვიცი, რომ ფილოსოფიაში მაგალითები დიდად გამოიყენება.

ორი ენაა მაგრამ ტერიტორიულად განსაზღვრული. ამიტომ, აფხაზეთი სხვა ისტორიულ-კულტურულ სახედ იქცა, და დანარჩენი საქართველო - სხვად.



ვითომ? ვინმემ რომ პირჯვარი გადაიწეროს, დაუშლიან? (ბოდიში მაგალითისთვის, მაგრამ სხვანაირად ვერ შევძელი), ან ვინმე იუდეველმა რომ კულულები მოუშვას?

პოსტის ავტორი: ulvashi თარიღი: Jun 1 2007, 09:50 AM

აბსურდი. რელიგია პიროვნულია და არა ერვონული. მართლმადიდებელი ქართველისთვის მართლმადიდებელი რუსი უფრო ახლობელი უნდა იყოს, ვიდრე მუსლიმი ქართველის (ასე ფიქრობს ეკლესია)

ჩემთვის აქ ბრჭყალი ზედმეტია.

ან ეს დასკვნა საიდან გააკეთე? რახან ქრისტიანები არ ვიყავით? ქრისტიანობა სულ არაა ქართველობის განმსაზღვრელი ფაქტორი, მაშინ აჭარლები, ჰერები, მესხების ნაწილი და ასე შემდეგ ქართველები არ ყოფილან. არაა მასე

პოსტის ავტორი: егри თარიღი: Sep 8 2007, 06:22 PM

Lenus

იმიტომ რომ არა.
შენ ამბობ, რომ 330 წელს სხვა ხალხი ცხოვრობდა საქართველოში და 340 წელს სხვა ხალხი. არ გეჩვენება რომ აბსურდია?

ვის ყავდა? რას ქვია გვყავდა? ვიღაცას პატრიარქი ყავდა და ვიღაცას რომის პაპი, ვიღაც სტალინზე ლოცულობდა და ვიღAცას ყველა ფეხზე ეკიდა.

ქართული და აფხაზური სახელმწიფო ენებია და არანაირი ტერიტორიული განსაზღვრულობა კონსტიტუციაში არ ფიქსიდება.

პოსტის ავტორი: მართა თარიღი: Sep 8 2007, 09:19 PM

დღეს არაა არავისთვის პრობლემა ვისაც რა რომელი სარწმუნოება სწამს იმას მისდევს,აღარაა ბატონო დევნა სხვა რელიგიების! იქეთ ჩვენ თუ შემოგვიტევენ!

პოსტის ავტორი: marine თარიღი: Apr 27 2015, 08:29 PM

"ბჭენი ჯოჯოხეთისანი" ვერ ერევიან ეკლესიას, პირიქით, დევნის დროს ეკლესია განიწმინდება, ვითარცა ოქრო, მინარევებისაგან, მშვიდობიანობის დროს მიტმასნილი პირებისაგან, რომლებსაც მხოლოდ ზედაპირული აინტერესებთ, ასე მოხდა ის ძნელბედობის ჟამსაც, რაც საქართველოს ეკლესიამ XIX-XX საუკუნეებში გადაიტანა, ფაქტობრივად სახეზე გვაქვს პირველი ქრისტიანობის, პირველი მოღვაწეების სადარი თავდადება"

/ისტორიკოსი და მკვლევარი ლუარსაბ ტოგონიძე
"კარიბჭე" N9, 2015, გვ.39/

პოსტის ავტორი: marine თარიღი: Jun 22 2015, 01:55 PM

http://www.radikal.ru

ასე ებრძოდნენ ეკლესიას...

/FB/

პოსტის ავტორი: marine თარიღი: Aug 6 2015, 11:09 PM

"ვმადლობთ უფალ ღმერთს, რომელმაც თავისი წმიდა მოციქულების ხელით სალ კლდეზე დააფუძნა საქართველოს წმიდა ეკლესია, როგორც აღვნიშნეთ ათეისტური სიბნელის ჟამს ღვთის მტრები ებრძოდნენ მას, უზარმაზარი საბჭოთა იმპერია, გადაჭიმული ოკეანიდან ოკეანემდე, აღჭურვილი ატომური ბომბებით და რაკეტებით, ებრძოდა ქართულ იდენტობასა და წმიდა ეკლესიას, დააზიანა, მაგრამ ვერ შეარყია ".

/მიტროპოლიტი ანანია (ჯაფარიძე)
"კრიალოსანი" N1, 2015/

პოსტის ავტორი: marine თარიღი: Aug 8 2015, 10:08 PM

http://www.radikal.ru

/FB/

პოსტის ავტორი: marine თარიღი: Sep 25 2015, 08:39 PM

" ათეისტურაზროვნებაშეპარული მრევლი"

პოსტის ავტორი: marine თარიღი: Oct 17 2015, 12:04 PM

"ანტიღმერთული ეპოქა"

"მაშინ დახვრეტილ იქნა 500 ეპისკოპოსი და 50 000 მღვდელი და ბერ-მონაზონი.

საერთო ჯამში სარწმუნოების გამო 2 მილიონამდე ადამიანი იქნა მოკლული".

/დეკ. დავით ქვლივიძე
"ქვაკუთხედი" N10, 2015, გვ.30/

პოსტის ავტორი: marine თარიღი: Oct 23 2015, 10:55 PM

"სასტიკი იყო ბოლშევიკების ეპოქა. სასულიერო პირები ხედავდნენ, რომ კაცობრიობას ერთ-ერთი უმძლავრესი სატანური ძალა მოევლინა და მისადმი აშკარა დაპირისპირება ეკლესიის შესაძლებლობებს აღემატებოდა. უფალი უშვებდა ამ განსაცდელს, ერის ცოდვათა, თუ სხვა მიზეზთა გამო, და შეეძლო კი ეკლესიას შეეცვალა განგება ღვთისა?"

/"კარიბჭე" N22, 2015, გვ.59/

პოსტის ავტორი: marine თარიღი: Oct 25 2015, 07:03 PM

"მაშინდელი ტოტალიტარული რეჟიმის დროს დაპატიმრებული ერთ-ერთი სასულიერო პირი, ამბროსი ამბოკაძე იგონებდა. როდესაც იგი გადასახლებიდან დაბრუნდა, საოცრად ნატანჯი და ჯანმრთელობაშერყეული... მივიდა კათოლიკოს-პატრიარქ კალისტრატესთან და უსაყვედურა: "კი მაგრამ, თქვენ სად იყავით მაშინ, როცა მე გადასახლებაში ვიტანჯებოდი?" პატრიარქ კალისტრატეს სიტყვა არ უთქვამს, უჩუმრად დაიჩოქა და შენდობა სთხოვა მას. "ამ საქციელმა მიმახვედრა, რომ უწმინდესი კალისტრატე უფრო მეტად პატიმარი იყო, ვიდრე მე და უფრო მეტად იტანჯებოდაო", - იგონებდა შემდგომში მღვდელი ამბროსი..."

/"კარიბჭე" N22, 2015, გვ.60/

პოსტის ავტორი: marine თარიღი: Nov 9 2015, 07:25 PM

"როგორც მცენარე იზრდება უფრო სრწაფად, როცა მას რწყავენ, ასევე ჩვენი რწმენაც უფრო ძალუმად ყვავის, და უფრო სწრაფად ღრმავდება, როცა მას დევნიან"

/წმ. იოანე ოქროპირი
"კარიბჭე" N23, 2015, გვ.47/

პოსტის ავტორი: marine თარიღი: Nov 16 2015, 08:26 PM

"უფლისადმი ერთგულება ადამიანს ღვთის საქმეს აკეთებინებს და თუკი ამ დროს ის იდევნება, ეს უტყუარი ნიშანია იმისა, რომ იგი უფლის საქმის თანაზიარია".

/"საპატრიარქოს უწყებანი" N36, 2015, გვ.13/

პოსტის ავტორი: marine თარიღი: Feb 1 2016, 02:09 PM

"იგი [მამა ალექსი შუშანია] თავისი მოძღვრებითა და სულიერი სიბრძნით რწყავდა უსჯულოებით დაკოდილ ჭაბუკთა გულებს და განწმენდდა მათ უმწიფარ გონებას ათეისტური ღვარძლისგან".

/"კარიბჭე" N2, 2016, გვ.54/

პოსტის ავტორი: marine თარიღი: Feb 12 2016, 09:47 PM

"კომუნისტური მმართველობის სულის შემხუთველი იდეოლოგიის ხანაში რწმენის, სიყვარულის მაძიებელმა ადამიანებმა ახალგაზრდა პატრიარქში [ილია II] დაინახეს ქრისტიანული რწმენა, საქართველოს სამოციქულო ეკლესიის დიდი წარსული და იმედიანი მომავალი. უწმინდესთან ერთმა შეხვედრამაც კი ბევრი ადამიანი მოაბრუნა ეკლესიისაკენ".

/"კარიბჭე" N3, 2016, გვ.45/

პოსტის ავტორი: marine თარიღი: Feb 18 2016, 10:35 PM

"წვიმა მოიყვანა ქუთათელ-გაენათელმა მიტროპოლიტმა, გაბრიელ ჩაჩანიძემაც (+1956). იმერეთში დიდი გვალვის დროს მასაც მდინარე უკურთხებია და ისეთი თქეში მოსულა, ხიდები წაუღია, ნათესები გაუფუჭებია. ამისთვის დაუპატიმრებიათ და თბილისში უფროსებისთვის შეუტყობინებიათ: დავიჭირეთ, რადგან მისი ლოცვით მოსულმა წვიმამ დიდად დაგვაზარალაო. იქიდან დაუტუქსავთ: - ჩვენ ხალხს ვუმტკიცებთ, ღმერთი არ არსებობს, თქვენ კი მაგისთვის კაცს იჭერთ. ამის მერე ხომ მღვდელებს ადვილად დაუჯერებენო. და მღვდელმთავარი გაუთავისუფლებიათ".

/კალენდარი კარიბჭე, მართლმადიდებლური კალენდარი 2015, 29 ივნისი/

პოსტის ავტორი: marine თარიღი: Mar 2 2016, 10:57 AM

"უუფლებობის წყვდიადი ღამე"

/მერაბ კოსტავა
"კარიბჭე" N4, 2016, გვ. 12/

პოსტის ავტორი: marine თარიღი: Aug 7 2016, 08:14 PM

"ასე დევნილი და საარსებო წყაროს მოკლებული მოძღვარი [მამა ნიკოლოზ ქუხილავა] ერთ დღესაც უფროს ვაჟთან ერთად ზუგდიდს წასულა ურმით ღვინის გასაყიდად და იმ თანხით საზრდოს შესაძენად, მაგრამ გზაში შეუძლოდ გამხდარა. სასწრაფო ქირურგიული ჩარევა გამხდარა საჭირო, მაგრამ საავადმყოფოში ექიმებს რომ გაუგიათ, ავადმყოფი მღვდელიაო, ოპერაციაზე უარი უთქვამთ...

მართალია ახლობელთა ჩარევით ოპერაცია მაინც გაუკეთეს, მაგრამ ნაგვიანევი აღმოჩნდა - მამა ნიკოლოზი სულ მალე, 1932 წლის 26 აგვისტოს, საავადმყოფოში მიიცვალა".

/"კარიბჭე" N5, 2009, გვ.26/

პოსტის ავტორი: marine თარიღი: Aug 24 2016, 06:36 PM

"დაანგრევთ კედლებს, მაგრამ დარჩება და ამ ნანგრევით უფრო გამაგრდება ტაძარი ჩვენს გულში, რადგან სიცრუეა მნგრეველი და ჭეშმარიტება - მშენებელი. საფლავს აღმოფხვრით მიწაზე, მაგრამ ჩვენ მის ძეგლად გადავაქცევთ ცას, რომელსაც თქვენ ვერ მიწვდებით!"

/პოლიკარპე კაკაბაძე
"კარიბჭე" N1, 2008, გვ.42/

პოსტის ავტორი: marine თარიღი: Aug 25 2016, 11:04 AM

"სოფელში ხმა დაირხა, მამა აკაკის [გოშუა] "გაკრეჭვა" უნდათო. ეს იყო მღვდლის მიმართ ყველაზე დიდი მკრეხელობის გამოვლენა, რითაც თავს იწონებდნენ კომუნისტები. "ჯილდოდ" კი იღებდნენ თანამდებობებს, ამსოფლიურ პრივილეგიებს".

/"კარიბჭე" N1, 2008, გვ. 41/

პოსტის ავტორი: marine თარიღი: Sep 12 2016, 05:26 PM

"რა ჯურის მტერი აღარ უნახავს საქართველოს, მაგრამ რა ვანდალობანიც ბოლშევიკებმა ჩაიდინეს, მსგავსი ისტორიას არ ახსოვს...

1925 წელს ალავერდის ეპარქიაში შექმნილი ვითარების შესახებ გვიამბობს მთავარხუცეს ვასილ მაისურაძის მოხსენება ალავერდელი ეპისკოპოსისასდმი.

მთავარხუცესს კახეთის სოფლები შემოუვლა. ზოგან ტაძარი მოუწყობელი და გაძარცვული დახვედრია, ზოგან კი საშინელ სურათს შესწრებია: სოფელ ახალ გავაზში ერთი ეკლესია სახალხო სახლად გადაუკეთებიათ, მეორე განუძარცვავთ, ხის კანკელი დაუმტვრევითა, ხატებით კი სასკოლო სკამები გაუკეთებიათ..."

/"კარიბჭე" N14, 2008, გვ.32-33/

პოსტის ავტორი: marine თარიღი: Sep 29 2016, 10:41 PM

"გამიშინჯეს ჯიბეები, გულის ჯიბეში მიპოვეს ჯვარი მკერდის ჯილდოსი, პატარა სპილენძის სანაწილე ხატი, გურიაში მღვდელ ჭყონიას ნაჩუქარი... ხატი გახსნეს, ნაწილებს დააფურთხეს და მომცეს. ჯვარი არ დავანებე, ხელში მეჭირა და ჯაჭვი - იმათ, რომ გავწიეთ, გაწყდა და ჯაჭვი თავში მომარტყეს, არ წაუღიათ..."

/არქიმანდრიტი მელქისედეკ ცელაძე (1870-1957)
"კარიბჭე" N9, 2008, გვ.24/

პოსტის ავტორი: marine თარიღი: Oct 12 2016, 10:03 PM

"უწმინდესი ეფრემი [სიდამონიძე] ხშირად იხსენებდა უწმინდეს ამბროსი ხელაიას, რომელიც ეკლესიამ წმინდანად შერაცხა. დასწრებია მის სასამართლო პროცესსაც: "ჩემი თვალით ვხედავდი, როგორ ესროდნენ სასამართლო პროცესზე პატრიარქ ამბროსის ლაყე კვერცებს. ის დიდსულოვნად იტანდა ყოველივე ამას. მთელი სახე და წვერ-ულვაში ლაყე კვერცით ჰქონდა მოსვრილი, მაგრამ მაინც ვერ გატეხეს, ვერ დაიმორჩილესო", - იგონებდა პატრიარქი ეფრემი".

/"კარიბჭე" N13, 2009, გვ.43/

პოსტის ავტორი: marine თარიღი: Oct 12 2016, 10:15 PM

"იმავე პერიოდში რუსეთში ეკლესიებისა და სასულიერო სასწავლებლების დახურვა დაიწყო. შეიქმნა საშიშროება, ეს მოძრაობა საქართველოშიც გავრცელებულიყო. საქართველოს მაშნდელმა მთავრობამ სთხოვა საქართველოს კათოლიკოს-პატრიარქს, [ეფრემ მეორე სიდამონიძე] სოლიდარობა გამოეცხადებინა საკავშირო მთავრობის მიერ მიღებული გადაწყვეტილებისთვის - დაეხურათ ორი ან თუნდაც ერთი ეკლესია მაინც. მაშინ უწმინდეს ეფრემს უთქვამს: "ისეთ საქმეს ნუ ჩამადენინებთ, მთელ მსოფლიოში შეგარცხვინოთ. როგორც კი ერთ ეკლესიასაც კი შეეხებით, იმ წუთას თავს მოვიკლავ, მანამდე კი ყველას გავაგებინებ, რამ მაიძულა, ასეთი რამ გამეკეთებინაო". ყველაფერი ეკლესიის გამარჯვებით დამთავრდა".

/"კარიბჭე" N13, 2009, გვ.43/

პოსტის ავტორი: marine თარიღი: Nov 10 2016, 01:26 PM

"როცა 40-იანი წლების დასაწყისში კათოლიკოს-პატრიარქ კალისტრატეს მოსთხოვეს, ზუსტად აღენუსხა იმ დრო მოქმედი ტაძრები და სასულიერო პირები, აღმოჩნდა, რომ თითზე ჩამოსათვლელი ეკლესია და სულ რაღაც 40-ოდე სასულიერო პირი შემორჩენილიყო, რომელთაგან ბევრი, სამწუხაროდ, უშიშროების მიერ გარკვეული დავალებით იყო შემოგზავნილი".

/"კარიბჭე" N25, 2009, გვ.45/

პოსტის ავტორი: marine თარიღი: Dec 8 2016, 01:53 PM

"ჩვენ გვსმენია, რომ კომუნისტების დროს ეკლესიაში უშიშროების წარმომადგენლები დადიოდნენ სასულიერო თუ საერო პირთა სათვალთვალოდ. ამას დიდი როლი უთამაშია შემდგომ მათ რელიგიურ გრძნობებზე, ბევრი მოქცეულა კიდეც და გულწრფელადაც შეუნანებია წარსული".

/"კარიბჭე" N24, 2007, გვ. 19/

პოსტის ავტორი: marine თარიღი: Feb 2 2017, 09:52 PM

"აფხაზეთის "ქართული პარტიის" აქტიური წევრი იყო მღვდელი ბესარიონ [წმ. ამბროსი] ხელაიაც. იგი ერთ-ერთი პირველი დაუპირისპირდა სოხუმის ახალ ეპისკოპოსს. ურთიერთობა მათ შორის განსაკუთრებით მაშინ გამწვავდა, როცა 1895 წლის სააღდგომო ლიტურგიაზე ეპისკოპოსმა არსენმა საკათედრო ტაძრის კანდელაკს ბესარიონ ხელაიას სახარების ქართულ ენაზე წაკითხვა აუკრძალა, თუმცა ის სლავურ, ბერძნულ და მკვდარ ლათინურ ენაზე წაიკითხეს.

"საგაზეთო წყაროებით ყველასათვის ცნობილია, - წერდა 1906 წელს იმჟამად არქიმანდრიტი ამბორსი, - ეპ. არსენის განკარგულება, აღდგომას არ წაკითხულიყო ქართული სახარება მაშინ, როდესაც წაიკითხეს სხვა ენებზე, მკვდარ ლათინურზეც კი, რომელიც მლოცველთაგან არავის ესმოდა. მლოცვეთა ორ მესამედს ქართველები შეადგენდნენ; მოუთმენლად ელოდნენ ისინი წელიწადში ერთხელ მაინც მათთვის გასაგებ ენაზე მოესმინათ ბიბლიის წაკითხვა, მაგრამ შეცდნენ თავიანთ მოლოდინში. მათდამი ასეთი უყურადღებობით, მათი რელიგიური და ეროვნული გრძნობების ასეთი შეურაცხყოფით გაბრაზებულები ბიბლიის კითხვის დასრულებისთანავე დემონსტრაციულად გავიდნენ ტაძრიდან".

ბესარიონ ხელაიას იქვე უპასუხია ეპისკოპოს არსენისთვის: "აქ საქართველოა და არა რუსეთი და ამიტომ წირვაც ქართულად უნდა იყოსო!"

/"თვენი" წიგნი 8, 11 მარტი - 20 მარტი, გვ. 150/

პოსტის ავტორი: marine თარიღი: Mar 27 2017, 12:38 PM

"ბევრი ხატი გვქონდა ოჯახში. დედაჩემი, ოლღა, ყაჭეიშვილის ქალი გახლდათ. ყაჭეიშვილები თურმე თავაღებული ბოლშევიკები იყვნენ. ახალმოყვანილ პატარძალს მაყრიონი მოჰყვა. დედაჩემის ერთ-ერთ ნათესავს მამაჩემის ოჯახში ხატი რომ უნახავს, რევოლვერი ამოუღია თურმე და ტყვიით ჩამოუღია ხატი. აყვედრიდნენ დედაჩემს: "ეს რა ჩამორჩენილ ოჯახში გაგვითხოვებიხარო".

/"კარიბჭე" N6, 2009, გვ. 43/

პოსტის ავტორი: marine თარიღი: Apr 2 2017, 09:39 PM

"თელეთში პირველად რომ ჩაბრძანდა უწმინდესი, თელეთობის დღესასწაულს რაღაც წარმართულ-მონოფიზიტური რიტუალის სახე ჰქონდა. ასეთივე გახლდათ ალავერდობაც. ალავერდის ტაძარში კანკელი არ ჰქონდათ, საკურთხეველი გამოყოფილი არ იყო და იქაური ქალები ჯოხზე ჩამოცმული დროშებით ცდილობდნენ იქ შესვლას - ასე გვაქვს შეთქმულიო. ასე იყო თითქმის ყველგან."

/პროფესორი სერგო ვარდოსანიძე
"კარიბჭე" N6, 2007, გვ. 44/

პოსტის ავტორი: marine თარიღი: Apr 26 2017, 12:20 PM

"...ამ დროს მასთან ერთად დააპატიმრეს პროტოდიაკვანი ამბროსი (ახობაძე), რომელიც თბილისში, ვერის აბანოსთან ცხოვრობდა. ამბობენ, როცა შინიდან გამოჰყავდათ, მას ტირილით დასდევნებია ფეხმძიმე მეუღლე. ერთ-ერთ ჩეკისტს ქალისთვის წიხლი ისე ჩაურტყამს, რომ მუცელი მოშლია. თავზარდაცემულ მამა ამბროსის მაშინ ვერაფერი უღონია უმწეო მეუღლის დასახმარებლად..."

/"კარიბჭე" N8, 2017, გვ.29/

პოსტის ავტორი: marine თარიღი: May 7 2017, 02:13 PM

"1923 წლიდან ჩვენს ქვეყანაში მართლმადიდებლური ტაძრების ნგრევა დაიწყო. "

/"კარიბჭე" N18, 2008, გვ.49/

პოსტის ავტორი: marine თარიღი: May 15 2017, 12:03 PM

"როცა კომუნისტებმა ლიხაურის ღვთისმშობლის ეკლესია დაარბიეს, მისი წინამძღვარი, მოხუცებული მამა ნესტორ კონტრიძე გათოკეს და მის თვალწინ ცეცხლს მისცეს ეკლესიაში დაცული მრავალი ძვირფასი ნივთი და სიწმინდე. მამა ნესტორი თვალცრემლიანი ღმერთს ევედრებოდა: "შეუნდე, უფალო, რამეთუ არა იციან, რასა იქმან". ტაძრიდან გამოიტანეს ყდაში ჩასმული სახარება, ყდა მოაძრეს და ცეცხლში ჩააგდეს. ამ დროს ერთმა კომკავშირელმა მამა ნესტორს ხელები შეუხსნა. მოძღვარმა ცეცხლიდან აიტაცა სახარება და გულში ჩაიკრა. მას ხელი ვერავინ ახლო. ტაძრის დარბევა ამით არ დასრულებულა. ყოვლადწმინდა ღვთისმშობლის სასწაულთმოქმედი ხატი გამოიტანეს ეკლესიიდან, ძვირფასი ჩარჩო შემოხსნეს, გამოაბეს თოკი და სოფლის ცენტრამდე ათრიეს. ხატს უკან მიჰყვებოდა გულში სახარებაჩაკრული მოძღვარი. რევკომელები და კომკავშირელები თოკზე გამობმულ ხატს მუხის გარშემო ათრევდნენ და მოძღვარს დასცინოდნენ, - აბა, ახლა მოახდინოს სასწაული ღვთისმშობელმაო. მამა ნესტორს უთქვამს: - მეტი სასწაული რაღა გინდათ, გაგაგიჟათ ხატმა და მუხის გარშემო გარბენინებთო."

/"კარიბჭე" N20, 2008, გვ.9/

პოსტის ავტორი: marine თარიღი: May 26 2017, 11:55 AM

"ნებისმიერი სისხლის სამართლის დანაშაულს უფრო მალე პატიობდნენ, ვიდრე ღვთის რწმენას".

/არქიმანდრიტი რაფაელი (კარელინი)
"კარიბჭე" N20, 2008, გვ.37/

პოსტის ავტორი: marine თარიღი: Jun 28 2017, 01:51 PM

"მრავალი ტანჯვა გადახდა დიდად ნაღვაწ, უსათნოეს ალავერდელ მიტროპოლიტ გრიგოლს (ცერცვაძე), მაგრამ არც ღრმად მოხუცს დააკლო ბოროტმა ვნება: თელაველმა კომუნისტმა ძალოვნებმა თეთრი გიორგის უწმინდესი ტაძარი შებღალეს, ხატები რევოლვერებით დაცხრილეს, ღვინით გალეშილებმა რუსი ტურისტი ქალებით შებილწეს იქაურობა და ოთხმოცი წლის მხცოვან მიტროპოლიტს წვერიც კი შეკრიჭეს, თუმცა თავად მეუფემ ჩვეული დიდსულოვნებით შეუნდო შეურაცხმყოფელთ."

/"კარიბჭე" N15, 2008, გვ.33/

პოსტის ავტორი: marine თარიღი: Jul 20 2017, 11:42 AM

"სოხუმში გამოგზავნეს ეპისკოპოსი ეფრემი (სიდამონიძე), მომავალი პატრიარქი საქართველოსი. შფოთიანი დრო იყო, მონასტრებისა და ეკლესიების უმეტესობა დაკეტილი გახლდათ. მღვდლებსა და ეპისკოპოსებს აპატიმრებდნენ. ყოველთვის, როცა ტაძარში წირვისთვის მიდიოდა, არ იცოდა, შინ დაბრუნდებოდა თუ დააპატიმრებდნენ. დაპატიმრებულსა და გადასახლებულ მღვდლებსა და მონაზვნებს განზრახ ყველაზე სასტიკ დამნაშავეებთან ათავსებდნენ, ისინი კი მათ აბუჩად იგდებდნენ და ერთობოდნენ, უფროსობამ ეს იცოდა და აქეზებდა კიდეც მათ. ასე რომ, ციხეში მღვდლების ყოფა ნამდვილ ჯოჯოხეთს ემსგავსებოდა: უნდა დაეთმინათ არა მარტო დაკითხვისას წამება, არამედ ცემა-ტყეპა კამერაში ქურდებისა და ბანდიტებისგან. მაგრამ ზოგჯერ დამნაშავეები უფრო გულთბილნი აღმოჩნდებოდნენ, ვიდრე გამომძიებლები და ციხის მცველები."

/არქიმანდრიტი რაფაელი (კარელინი)
"კარიბჭე" N16, 2008, გვ.50/

პოსტის ავტორი: marine თარიღი: Jul 20 2017, 12:23 PM

"ომის შემდგომ წლებში ათეიზმის იდეოლოგებმა მეთოდები შეცვალეს: მორწმუნეთა სისხლისმღვრელი დევნა და გენოციდი გაგრძელდა შედარებით ფრთხილი (თუმცა არანაკლებ მზაკვრული) ბრძოლის ხერხებით. დევნა-შევიწროების გარეგნულმა შერბილებამ ხელი შეუწყო მონასტრების მომლოცველთა მიერ მონახულებას.

ადგილობრივი მოსახლეობა დედა ანგელინას პატივისცემით ექცეოდა. იგი გასაგებ ენაზე საუბრის განსაკუთრებულ ნიჭს ფლობდა, გნებავთ, მსმენელი მეცნიერი ყოფილიყო ან უბრალო გლეხი, ანდა მუშა. ომის დროს მონასტრის კორპუსში ქურთების რამდენიმე ოჯახი დასახლდა. დედა ანგელინამ შეძლო ამ ადამიანების, მზის თაყვანისმცემელი წარმართების, პატივისცემა მოეპოვებინა და ისინიც, ხელისუფლების სურვილების საწინააღმდეგოდ, რომელმაც ეს ხალხი საგანგებოდ ჩაასახლა მონასტერში, არათუ არ აწუხებდნენ მონაზვნებს, არამედ დედა იღუმენიას მიმართ ყველანაირ პატივისცემას გამოხატავდნენ, ხელზეც კი ეამბორებოდნენ. მაგრამ ეს მეზობლობა მონაზვნებისთვის მაინც მძიმე გამოცდა იყო, რადგან ხმაურს, არ შეიძლებოდა, ხელი არ შეეშალა მათი მყუდროებისა და ლოცვისთვის.

ომის შემდეგ დედა იღუმენიამ საიდუმლო შემოწირულობა მიიღო იმისთვის, რომ ქურთებისთვის სხვა ადგილას შეეთავაზებინა საცხოვრებელი ფართი. ეტყობა, ისინიც თავს უხერხულად გრძნობდნენ დედათა მონასტერში ცხოვრების გამო, ამიტომაც მონასტრის დატოვებას დასთანხმდნენ. აიღეს სახლის საყიდელი თანხა და სავანიდან გაემგზავრნენ. ზოგიერთი მათგანი, დედაკაცები, საიდუმლოდ რომ იყვნენ მონათლულნი, იღუმენიასთან დამშვიდობებისას ტიროდა, თითქოს მშობელ დედას ეთხოვებოდა."

/არქიმანდრიტი რაფაელი (კარელინი)
"კარიბჭე" N21, 2008, გვ.55/

პოსტის ავტორი: marine თარიღი: Aug 1 2017, 11:11 AM

თავრალი

ერთადერთი მოქმედი ეკლესია იყო დაახლოებით შუა საუკუნეებში ნაგები თავრალის მაცხოვრის ტაძარი. 1880 წელს აქ წირავდა მღვდელი წერეთელი, შემდეგ მათე საბანიძე, ბოლოს კი გრიგოლ კორძაია.

1924 წელს კავკასიონის ქედით შემოსულ წითელი არმიის ჯარისკაცებს ეკლესია აბანოდ უქცევიათ. ხალხი აღარ შედიოდა წაბილწულ ეკლესიაში. მალე დანგრეულა კიდეც. ამჟამად შემორჩენილია მხოლოდ საძირკველი. ტრაპეზის ჯვარი, რომლითაც წყალი იკურთხებოდა, გადაარჩინა ჯანდრე ცინდელიანმა. ის დაზიანებულია და რესტავრაციას საჭიროებს.

/"კარიბჭე" N22, 2009, გვ.30/

პოსტის ავტორი: marine თარიღი: Aug 2 2017, 12:54 PM

"საბჭოთა ხელისუფლებამ მოიცვა მრავალი ქვეყანა და მათ შორის საქართველოც. რადიკალურად შეიცვალა ადამიანთა ყოფა. ქუჩა-ქუჩა, ეზო-ეზო იწყო ხეტიალი რევოლუციის მახინჯმა პირმშომ, თვალთვალის, ბეზღების, ღალატისა და ცილისწამების წითელმა მონსტრმა."

/"კარიბჭე" N22, 2009, გვ.57/

პოსტის ავტორი: marine თარიღი: Aug 9 2017, 08:55 PM

"ძმობა-ერთობის სახელით დაიწყო ტოტალური ნგრევა ტაძართა და ადამიანთა სულებისა. კაცთა მკრეხელობა ზღვარს გასცდა."

"გაძარცვეს მეფე არჩილის წმინდა საფლავიც. მისი ხმლის გულისთვის მერე ერთმანეთი დახოცეს".

"ისეთი დრო იდგა, რომ ნერონსაც კი შეშურდებოდა".

"მეუფე პიროსი [ოქროპირიძე] გახლდათ კომუნისტთაგან რწმენის ერთგულებისთვის მოკლული პირველი ქართველი მღვდელმთავარი".

/"თვენი" წიგნი 23, 11 აგვისტო - 20 აგვისტო, გვ.91, 92, 94/

პოსტის ავტორი: marine თარიღი: Aug 9 2017, 11:10 PM

"[მღვდელ ერმილე ჩიმაკაძეს] ბოლო დროს სულ უფრო და უფრო ხშირად იბარედნენ საბჭოში და მოკვლით ემუქრებოდნენ. ერთხელ შინ დაბრუნებულს მეზობელმა ჰკითხა: "მამა ერმილე, როგორაა საქმეო. მან კი უპასუხა, - სანამ არ წამასვენებენ, მანამ არ მომასვენებენო". ერთ საღამოს კომკავშირელებმა შინ მიმავალი დაიჭირეს და აღმასკომში მიიყვანეს. გაოგნებული მამა ერმილე სკამზე დააბეს და როდესაც მაკრატელი წვერთან მიუტანეს, იგი იმ წუთშივე აღესრულა - გული გაუსკდა ყოველივე ამის შემხედვარეს".

/"თვენი" წიგნი 23, 11 აგვისტო - 20 აგვისტო, გვ.116/

პოსტის ავტორი: marine თარიღი: Aug 10 2017, 10:44 PM

"...ბოლშევიკებმა შური მასზე მაშინ იძიეს, როცა მამა მოსეს [კაკუშაძე] ოჯახს სახადმა კვლავ დარია ხელი - "უებარი წამალი" შეუგზავნეს მარქსისტულად განწყობილი აფთიაქარის ხელით. თანაც აფთიაქარი გააფრთხილეს, რომ "წამალი" მხოლოდ დეკანოზისთვის მიეცა. საწამლავის მიღებიდან ერთი საათის შემდეგ დეკანოზი მოსე გარდაიცვალა..."

"...ბევრი პარტიული მუშაკი მალულად აკითხავდა [მღვდელ-მონაზონ იოანე (გოგუას)] და რჩევას იღებდა მისგან. თქვენ დაანგრევთ, თქვენი შვილები და შვილიშვილები აღადგენენო, ეუბნებოდა..."

"...მალე ყაჩაღებად გადაცმულ ჩეკისტებს დაურბევიათ, სამღვდელო სამოსი წაურთმევიათ [არქიმანდრიტი გერმანე იაშვილისთვის] და მოხუცი ბერისთვის წვერის ცალი მხარე ჩამოუპარსავთ. ბერს ერთი სამდურავიც არ დასცდენია, რაც მის სიწმინდესა და ურისხველობაზე მეტყველებს..."


"თმასა და წვერს უმახინჯდებდნენ [მამა ნიკოლოზ ქუხილავას]".

/"თვენი" წიგნი 23, 11 აგვისტო - 20 აგვისტო, გვ.117, 129, 134, 136/

პოსტის ავტორი: marine თარიღი: Aug 11 2017, 08:46 PM

"...მაშინ რომ ქართული ტაძრებიდან ხატები ჩამოხსნეს და წაიღეს, მათ ნაცვლად ციმბირიდან იაფფასიანი, უბრალო ციმბირული ქვებით შემკული ხატები ჩამოიტანეს..."

/"თვენი" წიგნი 23, 11 აგვისტო - 20 აგვისტო, გვ. 143/

პოსტის ავტორი: marine თარიღი: Aug 14 2017, 09:31 PM

"ბოლშევიკებმა ოთხივ კუთხივ გააწითლეს საქართველო".

"[წითელარმიელები] ელექტრონის ბოძს ეკითხებოდნენ (ვითომ ლენინიაო), - "დავხვრიტოთ თუ არაო". ვითომ ისიც პასუხობდა, - "დახვრიტეთო", - და ხვრეტდნენ".


"მრავალი ღირსი მამა ამოაფარეს შავ მიწას უწყალო ბოლშევიკებმა, მათ რიცხვს დღეს ზუსტად ვერავინ გეტყვით. სამწუხაროდ!!!"

/"თვენი", წიგნი 23, 11 აგვისტო - 20 აგვისტო, გვ. 169, 176, 178/

პოსტის ავტორი: marine თარიღი: Aug 16 2017, 11:50 AM

"30-იან წლებში კომუნისტებმა მამა ბესარიონს [ვაშაძე] თავისი ყოფილი მოსწავლეები მიუგზავნეს. ერთმა მათგანმა, ჭიათურის "გეპეუს" უფროსმა მამა ბესარიონს კარგი სამსახური შესთავაზა ანაფორის გახდის სანაცვლოდ. მამა ბესარიონმა უპასუხა:

"კომუნისტები ამაში მაინც ხართ პატივსაცემი, რომ სამღვდელო წრეების ჭეშმარიტი წმენდა მოახდინეთ. ის, ვინც უღირსი იყო და ანგარებით იყო დაკავშირებული რელიგიასთან, ჩამოგვშორდა, ხოლო ვისთვისაც ქრისტიანობა იდეაა, მათ ანაფორას მაშინ გახდით, როცა ტყავსაც გააყოლებთ".


"ხალხს მთავრობის [კომუნისტების] უფრო ეშინოდა, ვიდრე ღმერთის"

"თვენი", წიგნი 23, 11 აგვისტო - 20 აგვისტო, გვ. 147, 154/

პოსტის ავტორი: marine თარიღი: Aug 17 2017, 01:22 PM

"დაუპატიმრებიათ [მამა გიორგი ჭელიძე] და მაშინვე წვერი გაუკრეჭიათ - თურმე რამდენიმე დალაქი მიუყვანეს, მაგრამ ხელი ვერც ერთმა ვერ ახლო... იდგნენ და რა ექნათ, აღარ იცოდნენ, სანამ ისევ მამ გიორგიმ არ უშველა - აღასრულეთ, რაც გავალიათ, სანამ მღვდლად მაკურთხებდნენ, წვერი საერთოდ არ მქონდაო...
პაპას ამ ამბის მისასამძიმრებლად მცხეთიდან ეპისკოპოსიც კი სწვევია ეტლით, თუმცა წვერი მთლად კი არ გაუპარსავთ, - ალბათ დალაქებმა მაინც ვერ შეჰკადრეს პირწმინდად მოპარსვა, - ცოტა დაუტოვებიათ. ბებია იგონებდა, წვერშემოკლებული გიორგი უხერხულობას გრძნობდა და ყელზე შავ ხილაბანდს იხვევდაო".

/"თვენი", წიგნი 23, 11 აგვისტო - 20 აგვისტო, გვ. 158/

პოსტის ავტორი: marine თარიღი: Sep 12 2017, 10:53 PM

"არ მქონდა საშუალება, რომ დამშვიდებულად შემესრულებინა წირვა და ლოცვა და, ეს როგორი ღვთსმსახურებაა, როცა მღვდელმთავარი იმის ფიქრშია, თუ როდის ესვრიან მას ანდა ცივი იარაღით გამოასალმებენ წუთისოფელს?"

/მეუფე ნაუმი (შავიანიძე)/


"მიტროპოლიტი ნაუმ შავიანიძის შესახებ გამოცემულ წიგნში მეუფე კალისტრატე მოგვითხრობს: "პეტრე-პავლეს სახელობის საკათედრო ტაძრის საკურთხეველში სარკით გაწყობილი ჯვარია და ის თურმე ირეკლავდა ტაძარში მდგომთ. ეს კი იმისთვის იყო საჭირო, რომ იმ ავბედით ჟამს მღვდელს სცოდნოდა, რა ელოდა მას წირვა-ლოცვის დამთავრების შემდეგ. ამ ჯვარს თურმე არაერთხელ გადაურჩენია ღვთისმსახურნი".

"კარიბჭე" N18, 2017, გვ.36, 37/

პოსტის ავტორი: marine თარიღი: Sep 25 2017, 09:23 PM

"როგორც საქართველოს ეკლესიის ისტორიის მკვლევარები სამართლიანად აღნიშნავენ, სრულიად საქართველოს კათოლიკოს-პატრიარქის, უწმინდესისა და უნეტარესის, ამბროსის (ხელაია) მიწიერი ცხოვრების გზა მაგალითია იმისა, თუ როგორ უნდა მოიქცეს ერის სულიერი წინამძღვარი და ჭეშმარიტი მამულიშვილი მაშინ, როცა უგინებენ და ფეხქვეშ უთელავენ ყველაზე ძვირფასს - სარწმუნოებას, ქვეყანას კი იძულებით ადგამენ თავზე მონობის სამარცხვინო უღელს."

“ბოლშევიკებმა ჯერხანობით შიგნიდან დაიწყეს ეკლესიის ღრღნა. მათ მიიმხრეს სამღვდელოების ნაძირალები - აღკვეთილნი, ლოთები, მეძავნი... სოფლად დაიწყო დევნა და აწიოკება კანონიერად დადგენილ მღვდლების, რომელთა მაგივრად ზემოაღნიშნულ "მღვდლებს" იხმობდნენ. სამთავარხუცესო ოლქები გაივსო ე.წ. შეჭრილი მღვდლებით, რომლებიც არ სცნობდნენ სასულიერო მთავრობას და კომისარიატების ყურმოჭრილ მონობას ეწეოდნენ", - წერს გაზეთ "დამოუკიდებელი საქართველოს" ჟურნალისტი რ. ინგილო, რომელსაც, უწმინდესი ამბროსის დავალებით, საგანგებოდ შეუსწავლია ალავერდის ეკლესია "შეჭრილი მღვდლების" გამოსავლენად და მათი ეპარქიიდან განდევნის მიზნით.”


"ხატებს ფანჯრებიდან ისვრიან და ტაძარში საცეკვაო ზალას ხსნიან"

/"კარიბჭე" N21, 2009, გვ.53/

პოსტის ავტორი: marine თარიღი: Oct 6 2017, 09:27 PM

"სოხუმის მახლობლად უფრო ძველი მონასტერიც იყო, დრანდა, ციხედ ჰქონდათ გადაქცეული და დასაცინად ტაძრის საკურთხეველში ტუალეტი მოეწყოთ. ამგვარად ნერგავდნენ "კულტურასა" და პროგრესს ათეისტები.

მაგრამ სიწმინდე ადამიანური ცოდვების გამო არ ნადგურდება. ტაძარი შეიძლება დაანგრიო, მაგრამ მადლი ადგილზე რჩება.“"

/"კარიბჭე" N15, 2009, გვ.26/

პოსტის ავტორი: marine თარიღი: Jan 22 2018, 08:55 PM

"ისეთ დღეშიც ვყოფილვარ, აღსარებას არც არავისგან ვიღებდი და არც არავის ვაბარებდი, რადგან ჩეკისტები ნიადაგ აღსარების გათქმას ითხოვდნენ და არა მარტო ჩეკისტები, არამედ სასულიერო პირებიც, რომლებსაც სული უკვე გაეყიდათ."

/მამა გიორგი (ბასილაძე)
"კარიბჭე" N26, 2010, გვ.38/

პოსტის ავტორი: marine თარიღი: Jan 29 2018, 11:56 AM

"დარბევას და აწიოკებას ვერც შიომღვიმე გადაურჩა - ბერები გამოიყვანეს და ციხედ ქცეულ მეტეხის ტაძარში გამოამწყვდიეს, ნაწილი დახვრიტეს, ნაწილი კი, მათ შორის - ივანეც (მამა პართენის საერო სახელი), - ხანგრძლივი ტანჯვის, დაკითხვისა და შეურაცხყოფის შემდეგ ციხიდან ძლივს გამოიმეტეს (ათწლიანი პატიმრობის ნაცვლად იქ ხუთი წელი დაყო)".

ნინო იორაშვილი, არქიმანდრიტ პართენ აფციაურის სულიერი შვილი: "ვიღაც მოისყიდეს და გამოგონილი ბრალდებით დააპატიმრეს - ძალზე სახიფათო იყო მისთანების არსებობა ხელისუფლებისთვის... ცილისმწამებელს ერთადერთი, სრულიად ჯანსაღი ვაჟი იმავე საღამოს უეცრად გარდაეცვალა.

- შვილი თავადვე მოვკალი, ამ ანგელოზის დარ კაცს ცილი რომ დავწამე. რა მინდოდა, რას ვერჩოდი, მორწმუნე რომ იყო, იმასო?! - ღრიალით მოვარდა სვეტიცხოველში."

/"კარიბჭე" N26, 2010, გვ.22/

პოსტის ავტორი: marine თარიღი: Jan 29 2018, 08:19 PM

"უღმერთო ბოლშევიკურ ხელისუფლებას მოთმინების ძაფი გაუწყდა და ხანგრძლივი ტანჯვა-წამებისა და დევნის შემდეგ ერთი ქართული სოფლის, მოხისის ახალგაზრდა და "მოურჯულებელი" მღვდელი, სამსონ მძინარაშვილი უკანასკნელად დააპატიმრა.

მამა სამსონს იქამდეც ხშირად აპატიმრებდნენ - ჩასვამდნენ ხოლმე ყოველი აღდგომის წინ საკანში, რომ არ ეწირა და სოფლის ეკლესიის ზარები არ ეგუგუნებინა და აღდგომაჩავლილს ისევ უშვებდნენ. თან ხალხში მისი დიდი ავტორიტეტის ეშინოდათ და, როგორც ჩანს, ამ მიზეზითაც უთმინეს ამდენ ხანს.

ხშირ-ხშირი დაპატიმრებებით კი დაშინების ნაცვლად მხოლოდ იმას მიაღწიეს, რომ მამა სამსონმა მოღვაწეობა უფრო გაააქტიურა.

1938 წელს ბრწყინვალე აღდგომა 24 აპრილს უწევდა. როგორც ყოველთვის, აღდგომის წინ, 23 მარტს, დიდმარხვის პირველი კვირის ჩათავებისთანავე დაატყვევეს. სხვა გზა აღარ ჰქონდათ: თავიანთი დრამბრიგადებით, კონცერტებითა და პროპაგანდით მამა სამსონს ვერ მოერივნენ და მენელსაცხებლე დედათა კვირას, 3 მაისს, ე. წ. სამეულის განჩინებით დახვრიტეს..."

/"კარიბჭე" N26, 2010, გვ.22/

პოსტის ავტორი: marine თარიღი: Feb 5 2018, 06:59 PM

“ვახტანგ გურული, ისტორიულ მეცნიერებათა დოქტორი, პროფესორი: "საბჭოთა ბოლშევიკური მორალი შეუთავსებელი გახლდათ ქრისტიანულ-მართლმადიდებლურ მორალთან. ქვეყნის პოლიტიკურმა ლიდერებმა კარგად იცოდნენ, რომ ეკლესიური ადამიანი არასდროს მიიღებდა საბჭოთა (კომუნისტური) წყობის დოგმებს და ყოველთვის მის იდეურ მოწინააღმდეგედ დარჩებოდა. აქედან გამომდინარეობდა ამოცანა: უნდა დაერბიათ ეკლესია, მოესპოთ ეკლესიური აზროვნება და ადამიანები კომუნისტური იდეებით აღეზარდათ.

მოძღვარს უნდა დაეკარგა თავისი ტრადიციული ფუნქცია - იგი აღარ უნდა ყოფილიყო მრევლის სულიერი მამა, მწყემსი, მის ადგილს კი დაიკავებდა საბჭოთა მოხელე, რომელიც ადამიანებს კომუნისტური იდეოლოგიით აღზრდიდა. ყოველივე ამის მიღწევა შეუძლებელი იქნებოდა, თუ ეკლესიაში ღვთისმსახურება არ შეწყდებოდა".

/"კარიბჭე" N1, 2010, გვ.44/

პოსტის ავტორი: marine თარიღი: Feb 16 2018, 11:36 AM

"ბერმა ამბროსიმ (გვაზავა) თქვა: "ჩვენი იღუმენი ამბობდა, მტრები კი არა, ჩვენი ცოდვები ხურავენ ტაძრებსა და მონასტრებს. განა ღმერთს არ შეუძლია დაიცვას თავისი კუთვნილება? მაგრამ ჩვენი გულგრილობის გამო განგვიკუთვნა, რომ განსაცდელებით გადავრჩეთ".

/"კარიბჭე" N4, 2009, გვ.33/

პოსტის ავტორი: marine თარიღი: Jun 11 2018, 08:19 PM

"უწმინდესისა და უნეტარესის, ილია მეორის ქადაგების დროს მომისმენია, რომ ათეისტები აწყობდნენ დისკუსიებს ხალხში რწმენის აღმოსაფხვრელად, ხშირად იწვევდნენ მორწმუნეებს დ აქა-იქ შემორჩენილ მღვდლებს, რათა ხალხის წინაშე ვითომ გამოეაშკარავებინათ სარწმუნოების სიცრუე.

ერთ-ერთი ასეთი შეკრების დროს, როცა ლექტორმა დაამთავრა თავისი სიტყვა, დამცინავად მიმართა მორწმუნეებს, გამოსულიყვნენ და ეთქვათ, თუ რითი შეეძლოთ დაემტკიცებინათ თავიანთი რწმენის ჭეშმარიტება, წამოდგა ერთი ხნიერი კაცი და დარბაზს მხოლოდ ორი სიტყვით მიმართა: "ქრისტე აღსდგა!", ხალხმა ერთხმად უპასუხა: "ჭეშმარიტად აღსდგა!". ლექტორი მიხვდა, რომ ლექციამ ფუჭად ჩაიარა და შერცხვენილმა დატოვა დარბაზი".

/"კარიბჭე" N8, 2012, გვ.29/

პოსტის ავტორი: marine თარიღი: Jul 13 2018, 09:36 PM

"ათასწლოვანი ძეგლი [ბერის საყდარი] XXს-ის 20-იან წლებში კომუნისტთა ბრძანებით დაუნგრევიათ და ჩუქურთმიანი ქვებით კოლმეურნეობის ბოსელი აუგიათ."

/"კარიბჭე" N3, 2010, გვ.28/

პოსტის ავტორი: marine თარიღი: Aug 3 2018, 07:12 PM

"მამა ნიკოლოზს [გაგუნაშვილი] დიდხანს ამყოფებდნენ წყალში წელს ქვემოთ, რასაც სერიოზული ზიანი მიუყენებია მისი ჯანმრთელობისთვის და ვინაიდან ასაკოვანი იყო, დიდი სურვილის მიუხედავად, ვეღარ შეძლო სასულიერო მოღვაწეობის გაგრძელება, რადგან სიარული ძალიან უჭირდა".

/"კარიბჭე" N7, 2011, გვ.55/

პოსტის ავტორი: marine თარიღი: Sep 30 2018, 01:56 PM

"ილორის წმინდა გიორგის ტაძარში ჩემი მსახურების პირველ წლებში და მერე სოხუმის საკათედრო ტაძარში მივასწარი სისხლიან დევნას სასწაულით გადარჩენილ ბერ-მონაზვნებს. ეს დევნა 30 წელი გაგრძელდა. ალბათ თითოეულ ჩვენგანს უნახავს, როგორ აგებენ გზას. ჯერ მაზუთს ასხამენ, შემდეგ თუჯის სატკეპნით ასწორებენ ჯერ კიდევ თბილ ასფალტს. დევნის უზარმაზარმა სატკეპნმა დაანგრია და პირისაგან მიწისა აღგავა მონასტრები და ტაძრები, გასრისა მღვდელნი, მონაზონნი და ეკლესიის ყველაზე ერთგული ხალხი. მათი სისხლით მიწა იყო გაჟღენთილი. მაგრამ ქარიშხლით ფესვიანად ამოგლეჯილ და დალეწილ ხეებს შემთხვევით შემორჩება ხოლმე მცირე ნაყოფი, ასევე სოხუმსა და მის მიდამოებში ჯერ კიდევ ცხოვრობდნენ სასწაულებრივად შემორჩენილი ბერ-მონაზონნი.

შუა საუკუნეებში წამების განსაკუთრებული სახე არსებობდა. ადამიანებს ფიზიკურად არაფერს ვნებდნენ, წამების საყურებლად მიჰყავდათ. მოწამეთა ტკივილისაგან დამახინჯებული სახეებით და ყვირილით შეძრწუნებულნი ფიქრობდნენ, რომ მალე მათი ჯერი დადგებოდა. ეს ფსიქოლოგიური წამება იყო.

ცოცხლად გადარჩენილმა მონაზვნება ასეთი ტანჯვა გამოიარეს. ყოველ ღამე შეიძლებოდა შეეპყროთ, როგორც დამნაშავენი, და სასამართლოს გარეშე გადაესახლებინათ ანდა დაეხვრიტათ, ყოველ ღამე შეიძლებოდა შეიარაღებულ რაზმს მათი სახლისთვის ალყა შემოერტყა, თითქოს იქ მტრის დესანტი ყოფილიყო დამალული. ისიც ახსოვდათ, რომ შეიძლებოდა ეწამებინათ, რათა ხელი მოეწერათ თანამოძმეების "მამხილებელ" ცრუ ჩვენებებზე. ამგვარი თავისუფლება უფრო მტანჯველია, ვიდრე ციხე და ამგვარი ცხოვრება უფრო საშიშია, ვიდრე ბანაკებში სიკვდილი.

მე ზოგიერთი ასეთი მონაზვნის ნახვა მომიხდა, რომლებიც ტაძარში დადიოდნენ. სისხლიანი ტერორი სხვა სახის დევნამ შეცვალა, მაგრამ ვგრძნობდი, რომ 30-იანი წლების საშინელებათა ხსოვნა მათ გულებში ჩარჩენილიყო და ეს ზოგჯერ სახეზე აესახებოდათ ხოლმე.

ფიქრობდნენ, რომ ომის შემდგომი დათბობები - ეს მხოლოდ ახალი ქარიშხლისწინა სიჩუმე იყო და რეპრესიების მაუწყებელი. ერთი მოხუცებული მონაზონი, ევგენია ამბობდა, რომ მისთვის ყველაზე საშინელი განსაცდელი ზოგიერთი მღვდლისა და მონაზვნის ღალატი იყო, რომელთაც ძალით დააწერინეს თხოვნა ხელისუფლებისადმი, მონასტრების, "როგორც კონტრრევოლუციის ბუდის", დახურვაზე.

იგი ჰყვებოდა: "მოქვის მონასტრის დარბევამდე იქ ჩეკისტებთან ერთად რამდენიმე მღვდელი მოვიდა - იღუმენიასა და მონაზვნებს ბრალი დასდეს ხელისუფლებისადმი ურჩობაში. კადნიერად და მოურიდებლად იქცეოდნენ, ცდილობდნენ, პირი მიებრუნებინათ ჩვენგან და თვალებში არ ეცქირათ". რამხელა ჯოჯოხეთი ტრიალებდა ამ ადამიანთა სულებში, რომლებიც იუდობაზე დათანხმდნენ."

/არქიმანდრიტი რაფაელი (კარელინი)
"კარიბჭე" N5, 2010, გვ.29/

პოსტის ავტორი: marine თარიღი: Mar 6 2019, 07:39 PM

"მონასტრის დაკეტვა რამდენიმე წლის წინ ასე გაიხსენა მამა კონსტანტინემ: "იმ დღეს მე, როგორც მორჩილმა და ყველაზე ახალგაზრდამ, ტომრით სიმინდი წავიღე წისქვილში დასაფქვავადო. როცა დავბრუნდი, მონასტერი დარბეული დამხვდა - კომკავშირელებს ტაძარი წაუბილწავთ, ხატ-ჯვრები დაუმტვრევიათ, სენაკებიდან ყველაფერი წაუღიათ, ხოლო ბერები ძალად დაუკრეჭიათო. ღმერთმა ალბათ ჩემი მორჩილების გამო მიპატივა და მე დავრჩიო წვეროსანი", - მითხრა სულიერი სიხარულით, ხოლო იმ ბარბაროსობისა კი წყენით გამხსენებელმა მამა კონსტანტინემ."

/"კარიბჭე" N1, 2011, გვ.44/

პოსტის ავტორი: marine თარიღი: Jul 4 2019, 05:01 PM

"მონაყოლი მახსოვს, როცა გაუციათ დავალება (კომუნისტებს) [ხუნჯულაურის ხის] ეკლესიის დასანგრევად, ორსული ქალები შეკრებილან და კიბეზე ასვლის უფლება არ მიუციათ დამანგრეველებისთვის, უთქვამთ, ვიდრე ამას დაანგრევთ, მანამდე ჩვენი და ჩვენი დაუბადებელი შვილების გათელვა მოგიწევთო"

/"კარიბჭე" N7,2019, გვ. 30/

პოსტის ავტორი: marine თარიღი: May 21 2020, 09:31 PM

"კოჯორში რამდენიმე ნატაძრალია. საბჭოთა პერიოდში მათ ნანგრევებზე საცხოვრებელი სახლები აშენდა. გადმოცემით, იმ ადგილებში არავის გაუხარია და რამდენიმე გვარი მთლიანად გადაჯიშებულა."

/"კარიბჭე" N4, 2007, გვ.43/

პოსტის ავტორი: marine თარიღი: May 30 2020, 07:15 PM

"საქართველოს ეკლესიის ისტორიაში და კიდევ სხვა ეკლესიის ისტორიაში ეს დევნა [კორონავირუსის დროს] შევა როგორც პირახვეულთა, პირაკრულთა დევნა"

/დეკ. გიორგი თევდორაშვილი
"კარიბჭე" N6, 2020, გვ.9/

პოსტის ავტორი: marine თარიღი: Feb 13 2022, 12:17 PM

"უწმიდესმა და უნეტარესმა ეფრემ II არაერთხელ აღნიშნა, რომ სასულიერო პირების საშემოსავლო გადასახადის XIX მუხლით დაბეგვრა ისე გამოიყურებოდა, როგორც გასანთლული თოკის ყულფი მძიმე დამნაშავის ყელის მიმართ!! იმდენად დიდი იყო გადასახადები, რომ ზოგიერთი სასულიერო პირი საერთოდ გადასახადების შიშით ანებებდა თავს ღვთისმსახურებას, მის ადგილზე კი ახალი არავინ მოდიოდა".

/მიტროპლიტი ანანია ჯაფარიძე, ლია ბარბაქაძე, "საქართველოს საეკლესიო ისტორია IX-X კლასის სახელმძღვანელო" გვ.99/

პოსტის ავტორი: marine თარიღი: May 8 2022, 05:05 PM

"როდესაც ნიკიტა ხრუშჩოვის მმართველობის პერიოდში ეკლესიის დევნა უკიდურესად გაძლიერდა, მისმა დევნილობამ თვით სატანა-ლენინის დევნილობასაც კი გადააჭარბა! ხრუშჩოვის მმართველობის რამდენიმე წელიწადში უფრო მეტი ეკლესია-მონასტერი დაინგრა, უფრო მეტი ხატი და სხვა სიწმინდე განადგურდა, ვიდრე მთელი მანამდელი საბჭოთა პერიოდის განამვლობაში! 1959 წელს მან საქვეყნოდ განაცხადა: 20 წლის შემდეგ მე ტელევიზორში გამოვალ და გაჩვენებთ უკანასკნელ მღვდელს საბჭოთა კავშირშიო".

/"კარიბჭე" N5, 2022, გვ. 25/

პოსტის ავტორი: marine თარიღი: Jul 31 2022, 08:24 PM

"1983 წელს მოხდა უპრეცენდენტო შემთხვევა კაცობრიობის ისტორიაში - დაიხვრიტა ადამიანი, რომელსაც კავშირი არ ჰქონდა კანონსაწინააღმეგო მოქმედებასთან, ეს იყო მღვდელმსახური [თეოდორე ჩიხლაძე] - ათეისტური ხელისუფლების მიერ თავიანთი ღმერთის - სატანისათვის ზვარაკად შეწირული კრავი!

ამ მოვლენას წინ უძღოდა გახმაურებული შემთხვევა: ედუარდ შევარდნაძის, ალექსი ინაურის და ვახტანგ რაზმაძის სანქციით სასტიკად გაუსწორდნენ ე.წ. "თვითმფრინავის ბიჭებს", რომლებმაც 1983 წლის 18 ნოემბერს გაიტაცეს თვითმფრინავი საბჭოთა კავშირიდან თავის დაღწევის მიზნით.

გეგა კობახიძის მამამ აღმოაჩინა, რომ მოსკოვში შევარდნაძის მიერ სამჯერ გაიგზავნა დეპეშა თვითმფრინავის ბიჭების, მღვდელი თეოდორეს დახვრეტის მოთხოვნის ნებართვის მისაღებად.

მღვდელმონაზონი თეოდორე ჩიხლაძე უზიარებლად ისე დახვრიტეს ციხეში, რომ არ შეუსრულეს ბოლო თხოვნა - შვილი უკანასკნელად მაჩვენეთო... განაჩენი 1984 წლის 3 ოქტომბერს აღასრულეს. "თვითმფრინავის ბიჭების" შემდეგ, გამთენიისას დასახვრეტად ამ "ბანდის მეთაურად" მონათლული ბერი თეოდორე გაიყვანეს. სანამ მოასწრო, ლოცვითა და პირჯვრისწერით მიდიოდა, მაგრამ როდესაც განაჩენის აღსრულების ადგილას, სასაკლაოზე, ერთმანეთზე მიყრილ-მიხრეტილი ბიჭები დაინახა, ამოიყვირა და მათთვის წესის აგება სცადა, თუმცა პირჯვრის გადასაწერად მხოლოდ ხელის აწვევაღა მოასწრო..."

/"კარიბჭე" N8, 2022, გვ.45-46/

პოსტის ავტორი: marine თარიღი: Aug 16 2023, 06:42 PM

"ერთხელ შინ დაბრუნებულს [მღვდელი ერმილე ჩიმაკაძე] მეზობელმა ჰკითხა: "მამა ერმილე, როგორაა საქმეო. მან კი უპასუხა, - სანამ არ ჩამასვენებენ, მანამ არ მომასვენებენო". ერთ საღამოს კომკავშირებელმა შინ მიმავალი დაიჭირეს და აღმასკომში მიიყვანეს. გაოგნებული მამა ერმილე სკამზე დააბეს და როდესაც მაკრატელი წვერთან მიუტანეს, იგი იმ წუთშივე აღესრულა - გული გაუსკდა ყოველივე ამის შემხედვარეს"

/"თვენი", წიგნი 23, გვ.116/

პოსტის ავტორი: marine თარიღი: Aug 17 2023, 08:32 PM

"გურიაში, სოფელ ციხიდან ჩოხატაურში წაუსვენებიათ წმინდა გიორგის სასწაულმოქმედი ხატი "ლომისკარელი" და იქ ვინმე ჟღენტს რევოლვერით დაუცრილავს (სულ მალე მას იმავე რევოლვერით მოუკლავს თავი). უძველესი, ეტრატზე ნაწერი გულანი კი კოოპერატივებში შესახვევ ქაღალდად გამოუყენებიათ"

/"თვენი", წიგნი 23, გვ.91/

პოსტის ავტორი: marine თარიღი: Aug 18 2023, 01:59 PM

"მიუხედავად იმისა, რომ სტალინის საყვარელი მასწავლებელი იყო [დეკანოზი ეპიფანე ჯაოშვილი], ბოლშევიკები აწამებდნენ და რამდენჯერმე დააპატიმრეს კიდეც. ჯერ მეტეხის ციხეში იყო, მერე - ნარიყალაში. მარტში ხის საპირფარეშოში ჩაკეტეს. მთელი თვე ფეხზე მდგომმა გაატარა. ბოლშევიკებს ეგონათ, თავისი ნებით გაიხდიდა ანაფორას, მაგრამ მაინც ვერ გატეხეს. მისი ძმაც მღვდელი იყო, მაგრამ მან კომუნისტების შემოსვლისთავანე გაიხადა ანაფორა, ეპიფანე კი სარწმუნოებას შეეწირა"

/"თვენი", წიგნი 23, გვ.166/

პოსტის ავტორი: marine თარიღი: Aug 18 2023, 02:21 PM

"ბოლშევიკებმა შური მასზე [დეკანოზი მოსე კაკუშაძე] მაშინ იძიეს,როცა მამა მოსეს ოჯახს სახადმა კვლავ დარია ხელი - "უებარი წამალი" შეუგზავნეს მარქსისტულად განწყობილი აფთიაქარის ხელით. თანაც აფთიაქარი გააფრთხილეს, რომ "წამალი" მხოლოდ დეკანოზისთვის მიეცა. საწამლავის მიღებიდან ერთი საათის შემდეგ დეკანოზი მოსე გარდაიცვალა. დაკრძალულია სოფელ პატრიკეთში, წმინდა გიორგის ეკლესიის კარიბჭესთან"

/"თვენი", წიგნი 23, გვ.117/