კლდის უბნის წმინდა გიორგის სახელობის ტაძარი., თბილისის ტაძრები. პარამეტრები

[kent5]

თბილისში შეიძლება ბევრმა არც იცის ამ ულამაზესი და დიდი მადლიანი ტაძრის არსებობა ე.წ. სოლოლაკში. ეს არის კლდის უბნის წმინდა გიორგის სახელობის ტაძარი, ამ ტაძარმა ბევრ შეურაწყობას გაუძლო კომუნისტების დროს, ჯერ სამკერვალოდ გადააკეთეს მერე კრივის დარბაზად მერე ქათმების ფერმას და კიდევ ვინ იცის... ტაძარში მივიდა მსახურებისთვის მღვდელი {ამჟამად დეკანოზი}, მიქაელ კაპანაძე და ფაქტიურად ნულიდან დაიწყო ყველაფერი, ჩატარდა არქეოლოგიური გათხრები აღმოჩენილი იქნა უძველესი სამარხები. ამჟამად მიმდინარეობს ტაძრის მოხატვა, ეს ყველაფერი მრევლის დახმარებით. თუ ვინმეს გაგაჩნიათ რამე ინფორმაცია ამ ტაძრის შესახებ შეგვეხმიანეთ. ღმერთმა ადღეგრძელოს მამა მიქაელი და მისი მრევლი.

[ალექსანდრე]

ეს ტაძარი მაინტერესებს და ვერ მივაგენი ვერცერთხელ, ზემო ბეთლემიდან საითკენ უნდა წავიდე

[terra]

ეს ტაძარი მაინტერესებს და ვერ მივაგენი ვერცერთხელ, ზემო ბეთლემიდან საითკენ უნდა წავიდე

ზემო ბეთლემიდან, მარცხნივ გადადის გზა. გაყვები და მიადგები ამ ტაძარს.
შეგიძლია ადგილობრივებს ჰკითხო და ყველა მიგასწავლის.
ასევე, მანდ ასვლა შეიძლება პურის მოედნიდან (ენგელსის ქუჩის დასაწყისში (ახლანდელი ასათიანი))

[მხევალი ნინო]

ალექსანდრე

ზემო ბეთლემიდან საითკენ უნდა წავიდე

გვერდითაა და ახლოსაა. ერთად წავიდეთ

[სოფი]

თუ ვინმეს გაგაჩნიათ რამე ინფორმაცია ამ ტაძრის შესახებ შეგვეხმიანეთ.

აი ეს ინფო მოვიძიე ინტერნეტში:

კლდისუბნის წმ. გიორგის ეკლესია

ისტორია: ძველ წყაროთა ცნობით, კლდისუბნის წმ. გიორგის ეკლესია მეფე ვახტანგ გორგასლის მიერაა დაარსებული და იწოდებოდა დედაციხის ეკლესიად, რომელშიც შედიოდა „ორმოცმოწამეთა“, წმ. დიდმოწამე ეკატერინეს მონასტერი, ციხის დიდი წმ. გიორგის ეკლესია, კლდისუბნის „წმ. გიორგი“, „ჯვარის მამა“, ქვემო ბეთლემის მონასტრამდე. ჩვენამდე კი ამ ტაძარმა XI ს-ნის გეგმით მოაღწია.

1735 წ. უფლისწული ვახუშტის გეგმის მიხედვით, ტაძრის დასავლეთით, შესასვლელის წინ იდგა სამრეკლო. უფრო თანამედროვე პერიოდში ტაძრის ჩრდილოეთის ფასადზე არაკანონიერად მიშენდა საცხოვრისები. მეტიც, კომუნიზმის ეპოქაში კლდისუბნის „წმ. გიორგის“ ეკლესიაში მოწყობილი იყო თოჯინების და ლაქის საამქროები, კრივის სექცია, არაქართველი მოსახლეობა მას საბანკეტო დარბაზად იყენებდა, იყენებდნენ სამტრედედაც.

ტაძარი ხელახლა 1991 წლის 23 ნოემბერს იკურთხა. 2002 წლიდან ჩაუტარდა მნიშვნელოვანი კეთილმოწყობითი და მცირე გამაგრებითი სამუშაოები, დასუფთავდა, მოპირკეთდა ეზო, მოეწყო გამწვანება.

ტაძარი და მისი ტერიტორია კომპლექსურ შესწავლასა და აღდგენას საჭიროებს. ადგილობრივი მოსახლეობის გადმოცემით საკურთხევლიდან იყო ჩასასვლელი ქვევით. აღმოსავლეთ ფასადთან ნაპოვნია სამარხი, რომელიც დღემდე შეუსწავლელია.

დღეს-დღეობით ეკლესიის ტერიტორია ყოველმხრივ შეზღუდულია და განიცდილს დიდ სივიწროვეს. არ გააჩნია სამრეკლო, სატრაპეზო, სასულიერო და სამრევლო სკოლა, რომელიც ძველთაგანვე არსებობდა. შეუძლებელია ლიტანიობის ჩატარება, რადგან ეკლესიის ჩრდილოეთის კარზე მიშენებულია ბარაკული ტიპის საცხოვრებელი სახლების სახურავები.

ყოველივე ზემოთ თქმულის გათვალისწინებით, კლდისუბნის წმ. გიორგის ეს უძველესი ტაძარი სერიოზულ მიხედვასა და შველას საჭიროებს, როგორც საქართველოს საპატრიარქოს ხუროთმოძღვრების, ხელოვნების და რესტავრაციის ცენტრისაგან, ასევე, განსაკუთრებით, თბილისის მერიისგან, რათა მოიხსნას უკანონო მიშენებები და ტაძარს დაუბრუნდეს კუთვნილი: სამრეკლო, ჩრდილოეთის ფასადის ქვედა სართული და დასავლეთ ფასადთან არსებული ნაწილები, რომლებიც კლდისუბნის ეკლესიის სრულ საკუთრებას წარმოადგენს.

უფლის შეწევნით, იმედია სახელმწიფო დაწესებულებები გაითვალისწინებენ არსებულ მდგომარეობას და გორგასალისეული კლდისუბნის წმ. გიორგის ეკლესია მალე სრულად აღდგება, გაიმართება ლიტანიობა და ძველი თბილისის ტაძრებს თავისი ზარის ხმას შეუერთებს საკუთარი სამრეკლოდან.

მისამართი: ბეთლემის (ყოფილი აზიზბეკოვის) ქუჩა № 7

http://www.patriarchate.ge/?action=text/tadzari_kldisubnis

http://www.orthodoxy.ge/tsnobarebi/tadzrebi/kldisubnis.htm


ჩვენს ფორუმზეც მოიძებნება ამ ეკლესიაზე გახსნილი თემა: http://church.ge/index.php?showtopic=6540

[სოფი]

განსხვავებულ ინფორმაციას იძლევა თბილისის მერია ამ ტაძრის დაარსებასთან დაკავშირებით:

თბილისის ისტორიულ უბან ქვემო კალაში, კლდისუბნის წმ. გიორგის სახელობის ეკლესია კლდოვან ფერდობზეა შეყუჟული. იგი 1753 წელს პეტროს ზოჰრაბიანისა და მისი მეუღლის ლალითას სახსრებით აიგო. ეკლესია პატარაა და სახლებს შორის მკვეთრად არ გამოიყოფა. ამიტომ მისი მცირე ზომის ცრუ გუმბათის მწვანე ჭიქური ერთგვარ ,,შუქურად” აღიქმება.
კლდისუბნის წმ. გიორგის ეკლესია ერთის მხრივ ბეთლემის ტაძრებს გასცქერის, მეორეს მხრივ კი ნარიყალას ციხესა და წმ. ნიკოლოზს ეპასუხება. გომის ქუჩიდან მისკენ ქვის კიბე-ქუჩა მიემართება. კიბის ბოლოში კი პატარა ეზო, მყუდრო სავანეა შემოსაზღვრული, რომლის სიღრმეშიც კლდისუბნის წმ. გიორგის ეკლესია კლდეს მერცხლის ბუდესავით ეკვრის.


თბილისის ერთ-ერთ ძველ უბან ქვემო კალაში, კლდოვან ფერდობზე 1753 წელს აგებული კლდისუბნის წმ. გიორგის ეკლესიაა აღმართული. ამ ნაგებობას წინ უსწრებდა 1600 წელს აშენებული ტაძარი. დღევანდელი ეკლესია პეტროს ზოჰრაბიანისა და მისი მეუღლის-ლალითას სახსრებით აიგო. იგი XIX საუკუნეში საფუძვლიანად შეაკეთეს, ცილინდრული კამარით გადახურულ დარბაზული ტიპის ნაგებობას ამავე პერიოდში დაადგეს ცრუ გუმბათი და სამრეკლო დააშენეს. რესტავრაციის კვალის მიმანიშნებელია ქვის წყობაში შერეული აგურის ფენები. ამავე პერიოდს მიეკუთვნება სამხრეთ და დასავლეთ ფასადებზე აგურითვე გამოყვანილი ჯვრები და რომბების მწკრივი. ჩრდილო-აღმოსავლეთი კუთხით კლდეს მიბჯენილი ეკლესიისკენ გომის ქუჩიდან ქვის კიბე მიემართება.
კლდისუბნის წმ. გიორგის ტაძარი 1991 წლიდან მოყოლებული საქართველოს მართლმადიდებლურ ეკლესიას ეკუთვნის.

[lingvo]

კარგი ფოტოებია.