ხ ე ლ ო ვ ნ ე ბ ა პარამეტრები

[marine]

"ხელოვნება მართლაა ღვთის სუნთქვა. წლები და ჟამები გაივლიან და მხოლოდ ხელოვანის საქმე გაგრძნობინებს მარადისობას. ჩემ შემოქმედებაზე არ ვამბობ ამას, მაგრამ ზოგადად, ხელოვნების ნებისმიერი ნიმუში ისე ცოცხლად ზემოქმედებს ადამიანებზე, ყველა საზღვარს ისე იოლად გადალახავს, არ სჭირდება არანაირი ახსნა განმარტება, უყურებ და გატყვევებს.

ჩემი მეუღლე ინტერესით და სიამოვნებით აგროვებს ძველი ხელოვნების ნიმუშებს. ეს მისი გატაცებაა. ამიტომ ოჯახში ორიათას წელზე მეტი ხნის წინ ჩაძირული ჩინური ხომალდიდან ამოტანილი რამდენიმე თეფში გვაქვს, ასევე გვაქვს სხვადასხვა დინასტიის და სკოლის ძველი ჩინური კერამიკის ნიმუშებიც.

ვუყურებ მათ და ვრწმუნდები, რომ ერთადერთი ნამდვილი - ხელოვნებაა, რომლისთვისაც არაფერს ნიშნავს დრო... რომელიც მუდმივად კეთილად მოქმედებს ადამიანის სულზე და მას ბედნიერებით ავსებს. ნეტა მას, ვისი ფუნჯის ერთი მონასმიც, ვისი ლექსის ერთი სტროფიც, ვისი მელოდიის ერთი ფრაზაც ასე შერჩება დროს და ადამიანები უკვდავების რწმუნებად მიიჩნევენ"

/დალი ანთიძე-ციმერმანი/

[marine]

"ხელოვანი თავის კაბას ტანჯვით იქსოვს"

/კათოლიკოს-პატრიარქი ილია II/

[marine]

"თანამედროვე სამყაროში მეცნიერებას, კულტურას თუ ხელოვნებას განსაკუთრებული სიფრთხილითა და ყურადღებით უნდა მოვეკიდოთ. დღეს ეს ცნებები დიდი სპეკულაციის საგანი გახდა. მავანი ცდილობს გააზავოს სიყალბე ჭეშმარიტებასთან და ამის შედეგად მთლიანად გაანადგუროს უმაღლესი ფასეულობა - ჭეშმარიტება.

ამიტომ, მოდით ცალ-ცალკე განვიხილოთ ამ დარგების თანამედროვე ხასიათი.

ხელოვნების სხვადასხვა სახის გამოვლინებანი მუსიკაში, ლიტერატურაში, არქიტექტურასა თუ მხატვრობაში სიღრმისეულად უნდა იქნეს განხილული. საქმე ისაა, რომ ხელოვნება და ლიტერატურა ყოველ ეპოქაში გამოიყენებოდა, როგორც იდეოლოგიური იარაღი. "მას შეუძლია ხელი შეუწყოს მის მიღმა შექმნილ ფასეულობათა გადაცემას, კონსტრუირებას და იერარქიზაციას".

ამ დარგებზე დიდადაა დამოკიდიებული საზოგადოების ცნობიერების სახეცვლილება. ჭეშმარიტი ხელოვნების გამოყენების შემთხვევაში ჭეშმარიტებისადმი ლტოლვაში გვეხმარება. ანტიხელოვნების გათავისებით კი ადამიანი ანტიქრისტიანული მსოფლხედვის მატარებელი ხდება.

ჭეშმარიტი ხელოვნება შერწყმულია ადამიანის არსებასთან. წმ. გრიგოლ ნოსელი ამბობს, რომ მუსიკა "თანხმობაშია ჩვენს ბუნებასთან". იგივე შეიძლება ითქვას ხელოვნების სხვა დარგებზეც.

ხელოვნების უმაღლესი მიზანი, ამბობს ხელოვნებათმცოდნე მორალისტი დ. რესკინი, "ადამიანის ზნეობრივი მდგომარეობის ამაღლებაში მდგომარეობს".

[marine]

"ჭეშმარიტებასთან, გონიერებასთან მჭიდრო კავშირში მყოფი ხელოვნება და კულტურა უძველესი დროიდან იწოდება "ხალხის მასწავლებლად" (მარტენსენი). ის პირდაპირ არ გვასწავლის, მაგრამ მხატვრული ფორმების მეშვეობით გვიჩვენებს ჭეშმარიტებას. ის, როგორც ხილული აღქმის საგანი, გაცილებით უფრო იოლად აღწევს სულში, ვიდრე მეცნიერება.

მთავარეპისკოპოს ამბროსი ხარკოველის თქმით, "ხელოვნება - მშვინვიერი მოღვაწეობის საგანია. ის სილამაზისა და მშვენიერების ესთეტიკური აღქმით იზიდავს ადამიანს ჭეშმარიტებისაკენ. მაცხოვრის სიტყვისამებრ, მხოლოდ ჭეშმარიტებას ძალუძს გაათავისუფლოს კაცობრიობა ცდომილებისა და ნაკლოვანებებისაგან"