ქრისტიანული ცხოვრების არსი პარამეტრები

[marine]

"გემი მესაჭის გარეშე იღუპება; ასევე იღუპება გონიერებით უმართავი ჩვენი ცხოვრებაც!"

[marine]

"სულიერი ცხოვრება ისეთია, რომ თუ წინ არ მივიწევთ, აუცილებლად უკან ვბრუნდებით; თუ სიკეთისათვის სიფხიზლეს შევწყვეტთ, კეთილის ქმნისათვის ძალა აღარ გვექნება; რამდენადაც უფლისათვის არ ვცხოვრობთ, იმდენად ვცხოვრობთ ცოდვისათვის; და რაც მეტად ვცხოვრობთ ცოდვისათვის, მით ნაკლებად ვცხოვრობთ უფლისათვის!"

[marine]

"იმას კი ნუ უყურებ, რამდენი გაიარე, არამედ იმას შეხედე, რამდენი დაგრჩა კიდევ გასავლელი!"

[marine]

"იმ საფეხურებს კი ნუ შეხედავ, რომლებიც უკვე გაიარე, არამედ მათ, რომლებიც კიდევ გასავლელი დაგრჩა!"

[marine]

"ის კი არ არის ნეტარი, ვინც კარგად იწყებს, არამედ ის, ვინც კარგად ამთავრებს თავის მოღვაწეობას"

/წმ. ტიხონ ზადონელი/

[marine]

"კეთილად მოწყვე შენი ცხოვრება, ისე, რომ მან შეძლოს, უსიტყვოთ ასწავლოს, მით უმეტეს - სიტყვა!"

[marine]

"საკუთარი თავის შესაცნობად საჭიროა, ყოველდღიურად გამოვიძახოთ ჩვენი სული სამსჯავროზე და ანგარიში ჩავაბაროთ საკუთარ თავს ჩვენი საქციელებისა და საქმიანობების შესახებ; ამას აკეთებდნენ საუკეთესო წარმართი ბრძენთაგანნიც, მაგალითად კატონი, დღის დასრულების შემდეგ, როდესაც დაწვებოდა, იგი საკუთარ სულს ეკითხებოდა: "რომელი ნაკლულევანებისგან გათავისუფლდი ამჯერად?" "ყოველდღე, - ამბობდა ციცერონი, - საკუთარი თავის მოსამართლე და ბრალმდებელი ვარ. როდესაც სანთელი ჩაქრება, მთელ დღეს მიმოვიხილავ: მე გადავხედავ ყოველ ჩემს სიტყვას და ქმედებას; არ ვმალავ საკუთარი თავისგან და არ ვპატიობ თავს არაფერს"

[marine]

"როგორც უდაბნოში მხოლოდ გარეგნული მყოფობა ვერავის გადაარჩენს, ასევე, ვერავის დაღუპავს ამსოფელში მხოლოდ გარეგნული ცხოვრება"

[marine]

"წუთისოფელი მოლხენას თითქმის ისეთივე ცხოვრებისეულ მოთხოვნილებად წარმოგვისახავს, როგორც შრომა, საზრდელის მიღება და დასვენებაა. იგი შთაგვაგონებს, რომ ცხოვრება თამაშია. - არა! ცხოვრება თამაში არაა, არამედ სერიოზული საქმეა! მიწიერი ცხოვრება ადამიანს იმიტომ მიეცა, რომ მისგან - თავისუფალი ნებისა და ღვთის მადლის ძალით, მარადიული ნეტარება გამოიმუშაოს. ვინ ჩაწვდა ამ საქმის არსს და მას ისე შეუდგა, როგორც საჭიროა, იგი დიდ დროს ვერ გამონახავს თამაშისა და გართობისათვის"

[marine]

"სახელი ცხოვრებას უნდა შეესაბამებოდეს, ცხოვრება კი სახელს ამშვენებდეს!"

[marine]

"ხან მწუხარებები და ტანჯვა მოვა, ხანაც მადლი და ნუგეში, მონაცვლეობით. ესაა ადამიანის ცხოვრება. ჩვენ მხოლოდ ვევედროთ ღმერთს, რომ ღირს-გვყოს ჩვენს ცხოვრებაში ყოველთვის მისი წმინდა ნება აღსრულდეს"

/ღირსი ეფრემ კატუნაკელი/

[marine]

"უფალი მრავალმოწყალეა, მას შეუძლია ყველაფერი გვაპატიოს, მაგრამ თუ ადამიანს ამაზე ფიქრი უდებებასა და სიზარმაცეში ჩააგდებს, ისიც უნდა გაიხსენოს, რომ უფალი სამართლიანი მსაჯულიცაა. ასე შეზავებულად უნდა იცხოვროს და იღვაწოს ჭეშმარიტმა ქრისტიანმა, რათა სამეუფო გზიდან არც მარჯვნივ გადაუხვიოს და არც მარცხნივ"

[marine]

"სანამ ამ ცხოვრებიდან არ გადავსახლდებით და უფლის განაჩენს არ მოვისმენთ, არ შეიძლება მშვიდად ვიყოთ. თუ სულიერად მოვდუნდებით, ღვთის იმედს დავკარგავთ და ღვთის გარეშე დავიწყებთ ცხოვრებას, ბოროტმა ნებისმიერ დროს შეიძლება დაგვამარცხოს"

[marine]

"ადვილი არ არის საღვთო მცნებების მიხედვით ცხოვრება - ეს დიდ ძალისხმევას მოითხოვს. მაგრამ არ უნდა დაგვავიწყდეს, რაოდენ მოწყალეა კაცთმოყვარე ღმერთი, რომელიც ხედავს ჩვენს მონდომებასა და სწრაფვას სრულყოფილებისკენ და სულიწმინდის მადლს მოგვფენს, რომ შეგვიმსუბუქოს ეკლიანი, ვიწრო და ძნელად სავალი გზა, რომელსაც მარადიულ ნეტარებამდე, მამის წიაღამდე, უფალთან მივყავართ"

/არქიმანდრიტი მაკარი (აბესაძე)/

[marine]

"ღმერთთან დაახლოება და შერიგება შეუძლებელია ჩვენთვის, თუ პირველად ჩვენს თავში არ შევედით. მხოლოდ შინაგანი ცხოვრება არის ნამდვილი ქრისტიანული ცხოვრება, ამას ამტკიცებს ყველა მამა"

/ნიკიფორე მონაზონი/

[marine]

"ყველაზე მეტად სამი რამის დაცვა გმართებს: პირველი - არაფერზე იზრუნო და იფიქრო, რადგან ყოველივე ამაო და წარმავალია. მეორე - კეთილსინდისიერად მოიქეცი, რათა სინდისი არ გქენჯნიდეს გამუდმებით, და მესამე - ებრძოლე ვნებებს, რომ ამქვეყნიურ სიამეთაკენ სწრაფვას არ დაუმონო გულისთქმანი"

/წმინდა სვიმეონ ახალი ღვთისმეტყველი/

[marine]

"იმისათვის, როცა ლოცვა და ცხოვრება ერთმანეთს დაუახლოო, ეცადე, ადამიანებს იგივე გაუკეთო, რასაც საკუთარი თავისთვის ითხოვ ღვთისგან. შენ ამბობ: "მომიტევე", - მაშ, თვითონაც შეუნდე სხვას; ამბობ "შემიწყალე", - იყავი მოწყალე"

[marine]

"თავი მოზღუდეთ გარეგანი შეგრძნებებისაგან, გონების თვალი მიაპყარით თქვენს შინაგან ადამიანს და იხილეთ, რა არის მასში.

მრავალნი ვამბობთ: "ცოდვილი ვარ". უფლისთვის საამოა ეს სიტყვები, მაგრამ ვიზრუნოთ, რომ მარტო ენა კი არ წარმოთქვამდეს მას, არამედ გულიც გრძნობდეს"

[marine]

ჭეშმარიტი ცხოვრება

"შეიძლება უცნაურად ჟღერდეს, მაგრამ ეს სიმართლეა: ჩვენ ამქვეყნად იმიტომ მოვდივართ, რომ მისგან თავი დავიხსნათ. ისევე, როგორც ადამიანები ომში სიამოვნების მისაღებად კი არ მიდიან, არამედ მისგან სახსნელად!

დიდი სიკეთის გამო მიდიან ადამიანები საომრად; უფრო დიდი სიკეთისთვის, ვიდრე მიწიერი ცხოვრებაა, ჩვენ ვიბადებით ამქვეყნად. მარადიული და უკეთესი ცხოვრებისთვის ვიბადებით ამ ცხოვრებაში.

ჭეშმარიტი ქრისტიანენი ყოველთვის მიიჩნევდნენ თავიანთ ცხოვრებას სამხედრო სამსახურად. და როგორც ჯარისკაცები ითვლიან თავიანთი მსახურების დღეებს და სიხარულით ფიქრობენ შინ დაბრუნებაზე, ასევე ქრისტიანებიც მუდმივად ფიქრობენ თავიანთი ცხოვრების დასასრულზე და ზეციურ სამშობლოში დაბრუნებაზე"

/წმ. ნიკოლოზ სერბი/

[marine]

"ყველა შენი საქმე, რომლის შესრულებასაც დაიწყებ არა ზეცის სახელით და არა ზეცისგან კურთხევით, - მწარე ნაყოფს მოგიტანს, რადგან არ მოემსახურება მას ზეცისგან მადლმოსილი წვიმა და ცხოველმყოფელი ნათელი.

რასაც არ უნდა შეუდგე, ყოველთვის ზეცას მიაყურადე.

შენი ცხოვრების ყოველი ჩუქურთმა (საქმიანობა) ზეციური ძაფით მოქსოვე"

/წმ. ნიკოლოზ სერბი/