მართლმადიდებლობა და მედიცინა პარამეტრები

[marine]

"ავადმყოფობა ძვირფასი შესაძლებლობაა სინანულისა, ის გვაფხიზლებს - როგორი არარაობა ყოფილა ვნებები, რომელთა "დიდებულებისთვისაც" მხოლოდ ბნელი ლაქებიღა შემორჩენილა. ის ადამიანური ამპარტავნების მთელ სიცრუეს გვიმჟღავნებს და როგორც ტაძრის ზარი, უფალთან გვიხმობს"

/არქიმანდრიტი რაფაელი (კარელინი)/

[marine]

"მკურნალობა - ზოგჯერ, ნუგეშისცემა კი - ყოვლეთვის", - ასეთი იყო ადრე ექიმების დევიზი და ავადმყოფთან პირადი ურთიერთობა ყველა წამალზე უკეთეს შედეგს იძლეოდა"

[marine]

"ისეც ხდება, რომ მომაკვდავის ახლობლებს ეშინიათ, მას აღსარება და ზიარება შეახსენონ, მღვდლის დაძახებას არ ჩქარობენ, რათა ავადმყოფი არ მიხვდეს, რომ სნეულება მძიმეა. ავადმყოფთათვის მისი მდგომარეობის დამალვა და მისი მოტყუება სამედიცინო ეთიკის, უფრო სწორად, ეტიკეტის დაუწერელ კანონად იქცა, ამ დროს კი ადამიანის სულს მოუნანიებელი ცოდვები სტანჯავენ, თუნდაც ის ამას ვერ აცნობიერებდეს, მაგრამ სინანული და წმინდა საიდუმლოსთან ზიარება სიმშვიდეს მიანიჭებს, მისცემს კურნებას, ან ძალ-ღონეს, რათა ღირსეულად, ღვთისადმი მორჩილებით შეეგებოს სიკვდილს.

ავადმყოფებთან მღვდელს ხშირად მაშინ ეძახიან, როცა ის გონებას კარგავს და ზიარების მიღება არ შეუძლია! ამ მხრივ რამდენად უკეთესად იქცევიან ჩინელები, რომლებიც თავიანთ მშობლებს, ნიშნად სიყვარულისა, კუბოს ჩუქნიან, მშობლებიც ამ საჩუქარს, როგორც ზრუნვას მათ სიკვდილის შემდგომ საცხოვრებელზე, მადლიერებითა და სიხარულით იღებენ.

როცა მომაკვდავს არ აფრთხილებენ, რომ იგი მალე ამ ქვეყანას დატოვებს, მას სულიერად კლავენ და უკვე სიკვდილის კლანჭებში მომწყვდეული, დასწყევლის იმათ, ვიც ჩააძინა და მოატყუა"

/არქიმანდრიტი რაფაელი (კარელინი)/

[marine]

"ცოდვა არის ხორცმეტი, ავადმყოფობაც ხორცმეტია, ცოდვიდან იწყება ავადმყოფობა"

/ილია მეორე/

[marine]

"ერთი ათონელი მონაზონი ყვებოდა წმინდა პანტელეიმონის გამოცხადებაზე: 1879 წლის 1 სექტემბერს: მარჯვენა ფეხი ამტკივდა, კელიაში შინაურული საშუალებებით ვწამლოდი, რვა დღის მანძილზე, მაგრამ არაფერმა მიშველა, მასზე დაყრდნობა აღარ შემეძლო. ავიღე ჯოხი და მონასტრის საავადმყოფოში წავედი. ფეხი ამასობაში გამისივდა. ექიმმა გამსინჯა და მითხრა: "თქვენ რევმატიზმი გაქვთ, რამდენიმე თვე გარეთ არ უნდა გახვიდეთ და სიცივეს აარიდოთ თავი".

ძალზე შევწუხდი, რადგან სუფთა ჰაერზე სიარულს ვიყავი მიჩვეული, მთელი ათი დღე ყავარჯნებით დავდიოდი. მალამოს ვისვამდი, წამალს ვსვამდი, მაგრამ არაფერს მშველოდა. ვხედავდი, რომ შველა არსაიდან იყო და წმინდა პანტელეიმონისადმი ლოცვა დავიწყე. სამი დღის მერე, პირველ სექტემბერს, ღამის სამ საათზე, სრულიად ცხადში ვიხილე ახალგაზრდა კაცი, რომელმაც სამჯერ გვერდში ხელი წამკრა და მითხრა: "შენ გძინავს, მე კი მოვედი".

მე ეშმაკის ზმანებად ჩავთვალე და ჯვრის ნიში გამოვისახე. ახალგაზრდა კი, თვრამეტი წლის ბრწყინვალე სამოსით მოსილი მეუბნება: "უკვე სამი დღეა რაც შენ მიხმობ და მეც მოვედი". ამასთან წამლის მინაში ჩასხმული ზეთი მაჩვენა და მითხრა: "მე აქედან გადმოგისხამდი, მაგრამ მჭირდება, შორი გზა მიდევს, სადაც ძალზე მძიმე ავადმყოფები მელოდებიან, შენ კი ზემოთა ტაძარში, ჩემი ხატიდან ზეთი აიღე და სნეული ფეხი დაიზილე დღეში ორჯერ და მხოლოდ თბილი სუფთა წყლით დაიბანე".

მეორე დღეს იღუმენს ამის კურთხევა ვთხოვო, მან ნებართვა მომცა. იმავე დღესვე ჩემი თხოვნით წმინდა პანტელეიმონს ხატის კანდელის ზეთი მომიტანეს და ექიმს კი თბილი წყლით დაბანვის ნებართვა ვთხოვე, რაზეც მან მითხრა: "როგორც ინებებთ, ოღონდ, ნახეთ, რომ უფრო უარესად არ გახდე". დავიბანე ფეხი, ზეთს დღეში ორჯერ ვიცხებდი. 4 სექტემბერს გამითავდა ზეთი და მე კი უკვე ყავარჯნების გარეშე შევძელი სიარული. ფეხი სრულიად განმეკურნა."

[marine]

"ტუზლეში (ქალკედონიაში) მშობლებს ერთი ცოლიანი ვაჟი ჰყავდათ ოცდაორი წლის, სახელად ქრისტოდულე, რომელიც ძლიერი სნეულების მერე დამუნჯდა და ოთხი წელი ასეთ მდგომარეობაში დაჰყო. გაეგონათ რა წმინდა პანტელეიმონის საწაულებისა, მშობლებმა ვაჟი სამჯერ ჩაიყვანეს ნიკომიდიაში, გადაუხადეს პარაკლისი, ასვეს წმინდა პანტელეიმონის წყაროს წყალი, მაგრამ ახალგაზრდა არ განიკურნა.

ბოლო ჯერზე მშობლები ძალზე დამწუხრებულები ბრუნდებოდნენ უკან სოფელში. ისინი ნავით მიცურავდნენ შორიდან ჯერ კიდევ მოჩნადა წმინდა პანტელეიონის მონასტერი. მუნჯი ეკლესიას თვალს არ აშორებდა. უეცრად ვიღაცამ მისი სახელი დაიძახა: "ქრისტოდულე!" მან მოიხედა და დაიყვირა: "`შეხედეთ ზევით, ჩიტი, ჩიტი და წმინდა პანთელეიმონი!" იმავე წუთიდან განეხსნა მას ენა.

ეს სასწაული 1837 წელს მოხდა. ჩიტი და წმინდა პანტელეიმონი მუნჯის გარდა არავის დაუნახია და არც ქრისტოდულოს სახელის დაძახება გაუგია ვინმეს. ვაჟმა სთხოვა მშობლებს, უკანვე დაბრუნდა მონასტერში, ორმოცი დღე იქ დარჩა და წმინდანისადმი სამადლობელო ლოცვაში გაატარა."

[marine]

"ხშირად ცოდვილი ცხოვრება ჯანმრთელობის გაუარესებით და სხვადასხვა პრობლემით გამოიჩენს ხოლმე თავს"

[marine]

"მინდა ვანუგეშო ყველა სნეული, ვუსურვო მათ, მალე გამოჯანმრთელებულიყვნენ, გაეაზრებინოთ თავიანთი სულიერი მდგომარეობა და სწორი დასკვნა გაეკეთებინოთ, თუ რატომ მოუვლინა მათ უფალმა ესა თუ ის დაავადება. ვისაც რწმენა აქვს, დარწმუნებული ვარ, რწმენით გადაატანინებს მას უფალი და დააძლევინებს სნეულებას, ხოლო ნაკლებმორწმუნეებს რწმენაში განამტკიცებს. ვუსურვებ, ეს ავადმყოფობა არ გამხდარიყოს მათთვის სასოწარკვეთის მიზეზი. ღმერთმა დაგლოცოთ!"

/დეკ. კონსტანტინე ლეკიშვილი/

[marine]

"ჰოი, ძმებო, როგორც ოქრო გამოიწრთობა ცეცხლით, ასევე ადამიანიც ცოდვებისგან განიწმინდება სნეულებათა დათმენით"

/წმ. იოანე ოქროპირი/

[marine]

" - როგორია ავადმყოფობაზე ქრისტიანული შეხედულების არსი?

- ღვთის მიერ გამოგზავნილი მწუხარებანი და ავადმყოფობები გვეხმარება სულის განწმენდაში. ჩვენ ვერსად გავექცევით მათ, უნდა შევეგუოთ და მოთმინებით მივიღოთ, მაგრამ თუ უბედურებით გამწვეულ განცდებს ავყვებით, ეს ჩვენს სულზე საზიანოდ იმოქმედებს, დაამძიმებს მას. "ესეც გაივლის", - ხშირად გავუმეოროთ საკუთარ თავს ბიბლიური სიბრძნე".

/ფსიქოლოგი ლელა ტყეშელაშვილი/

[marine]

"წმინდა სახარებიდან ვიცით, რომ მაცხოვარმა განკურნა ის ადამიანები, ვინც მისგან განკურნება ითხოვა"

[marine]

"ზოგჯერ ადამიანი ავლენს ამა თუ იმ დაავადების სიმპტომებს, მაგრამ გამოკვლევების შედეგად აღმოჩნდება, რომ ყველა ორგანო წესრიგშია და ავადმყოფობის არავითარი ფიზიოლოგიური მიზეზი არ არსებობს, ან ჯამრთელი ადამიანი შთააგონებს თავს, რომ ავადაა. მისთვის უბრალო თავის ტკივილი მენინგიტის ან სიმსივნის მომასწავლებელია. ამ სიმპტომს იპოქონდრიას უწოდებენ"

[marine]

"შვილო, შენს სნეულებას ნუ მოუყრუებ, არამედ შეევედრე უფალს და განგკურნავს"

/სიბრძნე ზირაქისა/

[marine]

"ვინც ავადმყოფობას მოთმინებით და მადლიერებით იტანს, იმას სნეულება მოღვაწეობად და უფრო მეტადაც შეერაცხება"

/სქემარქიმანდრიტი ვიტალი (სიდორენკო)/

[marine]

"ყველა დაავადება აგრესიულდება, როცა ადამიანები აგრესიულები ხდებიან!.."

/მამა პეტრე კვარაცხელია/

[marine]

"დიდი მადლი მოაქვს ავადმყოფობის მადლიერებით მოთმენას; დაუძლურებული სხეულიც შვებას გრძნობს და სიმდაბლეც უშრომელად გვეძლევა".

/ბერი იოსებ ვატოპედელი/

[marine]

სიმსუქნის პროფილაქტიკისთვის

"სადილისა და ვახშმის წინ მიირთვით კომბოსტოს ერთი ფოთოლი. იგი შეიცავს ტარტრონის მჟავას, რომელიც ხელს უშლის ცხიმის დაგროვებას ქსოვილებში".

[marine]

"ნუ ილოცებ, რომ უფალმა სხვადასხვა ავადმყოფობისაგან განგკურნოს, არამედ დამშვიდდი გონიერი ლოცვით და დაიმარხე მოთმინება. ასე დიდ სარგებელს მიიღებ".

/ბერი პორფირე/

[marine]

"ავადმყოფობა ყოველთვის ცოდვის გამო სასჯელი როდია. უნდა მიაქციოთ ყურადღება იმასაც, რომ ღმერთი ავადმყოფობას მოგვივლენს ხოლმე, რათა დავინახოთ, რაოდენ დამღუპველია ცოდვა და ვესწრაფოთ გამოსწორებას. გულზე ხელი დავიდოთ და ვთქვათ, ჩვენ რომ არ გვეავადმყოფა ადრე თუ გვიან, რომელი ჩვენგანი იფიქრებდა, რომ ცოდვების გამოა დასჯილი, რომელი ჩვენგანი აღუთქვამდა უფალს წმინდა ცხოვრებას, თუმცა ხშირად განკურნებული კეთროვანივით ვივიწყებთ ხოლმე მადლიერებას უფლის მიმართ. მაშ, ღმერთი ავადმყოფობას მოგვივლენს, რათა დავინახოთ, რაოდენ დამღუპველია ცოდვა და ვესწრაფოთ გამოსწორებას".

/წმ. თეოფანე დაყუდებული/

[marine]

"ის [უფალი] სნეულს ცოდვებს მიუტევებს, ხოლო შემდეგ კურნავს დაავადებებს, რადგან ურთულესი დაავადებანი მეტწილად ცოდვებისგან წარმოიშვება"

/ნეტარი თეოფილაქტე ბულგარელი/