თემის საბეჭდი ვერსია

პოსტის ავტორი: marine თარიღი: May 6 2008, 01:57 PM

ვფიქრობ, ეს თემა საინტერესო იქნება. მე ხელთ რა მასალებიც მაქვს ნელ-ნელა დავდებ და გაგაცნობთ ეტიკეტის დაცვის ნორმებს, თქვენც შემომიერთდით შეიძლება თემა სახალისოც გამოვიდეს



1. ნუ წარუდგენთ მანდილოსანს გასაცნობად მამაკაცს, კაცს წარუდგენენ ქალს მიუხედავად რანგისა. ასაკით უმცროსებს წარუდგენენ უფროსი ასაკის ადამიანებს.

2. ნუ შეეცდებით ხელის შეხებით მიიპყროთ მოსაუბრის ყურადღება.


ქუჩაში

ზრდილობიანი ადამიანი ქუჩას არ ანაგვიანებს, არ იფურთხება, ბავშვებს არ უყვირის, თითით არ უჩვენებს, ქუჩაში თვალს არ აყოლებს გამვლელ ქალს, მით უმეტეს, თუ მისი თანამგზავრი ქალია.

თუ ქუჩაში ნაცნობი შეგხვდა, ნუ ჰკითხავ, თუ სად მიდის. ქალი წყვილში მარჯვენა მხარეს იკავებს.

გასასვლელში მამაკაცი წინ ქალს ატარებს, მაგრამ თუ გასვლა გაძნელებულია (ხალხი, ვიწრო გასასვლელი) მაშინ მამაკაცი ქალს გზას უკაფავს და ხელსაც აშველებს.

რათქმაუნდა, ქალს ყოველთვის უნდა მიეშველოს მამაკაცი მძიმე ტვირთის ტარებაში, მაგრამ ნამდვილად სასაცილოდ გამოიყურება იგი, თანამგზავრი ქლის ჩანთით, ჟაკეტით თუ ქოლგით ხელში.

შემთხვევით გამვლელს არ შენიშნოთ: "თქვენი კოლგოტი გახეული" ან "თქვენს პალტოზე ტალახის შხეფია" - ეს მხოლოდ უტაქტობაა და არა კეთილი სამსახური, მაგრამ სრულიად მიზანშეწონილია უთხრათ უცნობ ქალბატონს, რომ მისი ჩანთა გახსნილია. ხოლო თუ უცნობი მამაკაცის ჯიბიდან ბოლი ამოდის, დაუყოვნებლივ ამცნეთ!

/გაგრძელება იქნება/

პოსტის ავტორი: marine თარიღი: May 6 2008, 02:08 PM

წვეულებაზე:

1. ნუ დაიგვიანებთ წვეულებაზე.

2. ნუ შეხვალთ სასტუმრო ოთახში ლაბადით.

3. არ არის აუცილებელი წვეულების ყველა დამსწრესთვის ხელის ჩამორთმევა. ხელს ართმევენ მასპინძელს, დანარჩენებს კი თავს უხრიან.

4. მაგიდას არ მიუჯდეთ, სანამ ქალები არ დასხდებიან ან ვიდრე დიასახლისი არ მიგწვევთ.

5. სუფრაზე თქვენს მარჯვნივ მჯდომ ქალს განსაკუთრებული ყურადღებით მოეპყარით.

პოსტის ავტორი: Amuza თარიღი: May 6 2008, 02:42 PM

ერთს დავამატებდი.

თუ ქუჩაში ნაცნობი შეგხვდა, მოკითხვის შემდეგ ნუ შეეკითხები; "რამდენი გაქვს ხელფასი, კმაყოფილი ხარ? " არაეთიკურია და უხერხულ სიტუაციაში ჩააგდებ მას

პოსტის ავტორი: - თეკლა - თარიღი: May 6 2008, 02:45 PM

მარინე ძალიან კარგი თემაა - ყოჩაღ

1. დაუთმეთ ადგილი ქალბატონებს და მოხუცებს ტრანსპორტში

2. დახმარების ხელი გაუწოდეთ ყველას - რაც, სამწუხაროდ, დავიწყებას მიეცა

3. ნუ დააგვიანებთ ქუჩას (დავეთანხმები მარინეს), მაგრამ გამოვყოფდი შემდეგს - ნუ დაყრით მზესუმზირას ისევ თქვენივე ცხვირწინ და ფანჯრებიდან ნუ გადმოყრით ნაგავს, ისევ თქვენ შეგაწუხებთ

4. ყოველთვის "დახარეთ თვალები", როცა თქვენზე უფროსი და თქვენზე განსწავლული გესაუბრებათ

5. ხშირად გაიღიმეთ



6. (ცოტაოდენი ხუმრობით) ფეხზე ნუ გაიხდით, თუ მოგიწევთ ჩემს სახლში შემოსვლა - გაჭუჭყიანდება, გავწმინდავ - არაა პრობლემა


ბევრი რამის სწავლა შეიძლება ნამდვილად ამ თემიდან - მარინე


თიკო

პოსტის ავტორი: Amuza თარიღი: May 6 2008, 02:48 PM

თუ ჩოყლაყობას(ქართული სიტყვაა და კავალერობას ნიშნავს) უწევ მანდილოსანს, არაეთიკურია სხვა მანდილოსანის ღირსებებზე ისაუბრო, ან სუფრასთან ყურადღება მოაკლო და თამადას ეხუტო და ეცეკვო იმის ნაცვლად.

პოსტის ავტორი: Amuza თარიღი: May 6 2008, 02:52 PM

ჩემმა ახლობელმა თქვა:
- საზოგადო ტრანსპორტში არასოდეს ვმჯდარვარო.
- ეგ როგორ?- გავიკვირვე მე.
- აი ასე, სულ ფეხზე ვდგევარო, მაშასადამე, არასოდეს დავმჯდარვარო.

პოსტის ავტორი: marine თარიღი: May 6 2008, 03:30 PM

რაკი მოგეწონათ თემა, ვაგრძელებ

1. სტუმრად ან საზოგადოებაში ყოფნის დროს არ გაიწმინდოთ, არ მოიჭრათ ფრჩხილები, არ დაივარცხნოთ თმა, არ დაიწყოთ ტანსაცმლის წესრიგში მოყვანა.

2. ნუ დაიწყებთ საკუთარ თავსა და საქმეებზე, ან თქვენს ავადმყოფობაზე, წარუმატებლობაზე ლაპარაკს.

3. ნუ გაიხუმრებთ ვინმეს მისამართით, ნუ დასცინებთ სხვას.

4. ნუ დაიწყებთ ძველი ხუმრობის, ანეკდოტისა და ამბის მოყოლას.

5. ნუ იქნებით მოწყენილი იმის გამო, რომ ყურადღების ცენტრში არ იმყოფებით.

პოსტის ავტორი: nino_ni თარიღი: May 6 2008, 04:19 PM

არაეთიკურია კიდევ კითხვა:აუ რა კაი რაღაც გაცვია, რა მიეცი? სად იყიდე?
ვერ ვიტან...
მოერიდეთ ამდაგვარ კითხვებს

პოსტის ავტორი: ართი ვარდი თარიღი: May 6 2008, 06:01 PM

არ მიყვარდა როცა მეკითხებოდნენ არ თხოვდებიო არც ახლა მიყვარს, მაგრამ ახლა პასუხი მაინც მაქვს

პოსტის ავტორი: Amuza თარიღი: May 6 2008, 07:08 PM

ასევე ამაზრზენია, ხმამაგლა დაცემინება, შეუკავებელი ხარხარი და ჩაის კოვზის წკარუნით მორევა.

არაკულტურული ქცევაა.

მე როცა ვეწეოდი, სუფრაზე არასოდეს მომიწევია. გავსულვარ გარეთ მომიწევია და შემოვსულვარ. ახლა პირდაპირ თვალებში აბოლებენ.

პოსტის ავტორი: T I K O თარიღი: May 6 2008, 08:36 PM

კიბეზე ჩამოსვლის დროს მამაკაცი ერთი-ორი საფეხურით წინ მიდის ქალზე, ხოლო კიბეზე ასვლისას - პირიქით (ფეხის დაცურების შემთხვევაში მამაკაცი დაიჭერს, თუ რამე პირადი ბოღმა არ ამოძრავებს, რასაკვირველია )

მისალმებისას, ყოველთვის, პირველი მამაკაცი ესალმება ქალს და უმცროსი - უფროსს.

როცა ქუჩაში სამი ადამიანი მიდის, ყველაზე საპატიო ადგილი უკავია შუაში მდგომს, შედარებით ნაკლებად საპატიო - მარჯვენას, კიდევ უფრო ნაკლებად საპატიო - მარცხენას. როდესაც ამ სამიდან ორი მამაკაცია შუა ადგილი ქალს უნდა დაუთმონ

კინოში, თეატრში და ა.შ დარბაზში რიგებს შორის გამვლელმა, ყოველთვის, მაყურებელთა მიმართ პირით უნდა გაიაროს. ამ დროს პირველი მამაკაცი მიდის, შემდეგ - ქალი.

პოსტის ავტორი: ketino თარიღი: May 7 2008, 12:17 AM

მომწონს ეს თემა

მე თვითონ როგორც შემიძლია ვიცავ ეტიკეტს (თუმცა ზოგ ზოგიერთებს უზრდელი ვგონივარ ეს იმიტომ რომ ზრდილობის განმარტება არ იციან )

***
ხმამაღლა დაცემინება კი არის არაეთიკური, მაგრამ დაუშვათ დაგაცემინა (რაც ბუნებრივია, როცა გაციებული ხარ), მაშინ ბოდიში უნდა მოიხადო ასთეა ასთე ეს წესი..

ცხვირის მოხოცვაც არ ითვლება უზრდელობად, თუ ეს პროცესი უხმაუროდ ხდება

პოსტის ავტორი: nana_007 თარიღი: May 7 2008, 02:26 AM

ქეთ,

გერმანიაში ყველა სოციალურ ფენაში ეს პროცესი ხმაურით ხდება და იმენა გულისამრევია, განსაკუთრებით სუფრასთან როცა ხარ და ვინმე მოახრიალებს... გრრრ


"ახალი" წესია გერმანიაში, დაცემინებისას "ჯანმრთელობის" თქმა არ ითვლება ესთეთიკურ ნორმად, არამედ არც უნდა შეიმჩნიო ეს დაცემინება, რომ ამით უხერხულში არ ჩავარდეს ის, ვინც დააქსიტინებს

ბევრი წესიც ხალხთა ტრადიციებზეცაა დამოკიდებული და შესაბამისად სხვადასხვა ქვეყნებისთვის სხვადასხვაა. მაგალითად, გერმანიში პირველად კაცი შედის რესტორანში და შემდეგ ქალი, იტალიაში პირიქით ყოფილა, მიზეზად კი მოჰყავთ შემდეგი: გერმანელი კაცი ჯერ ათვალიერებს სიტუაციას და შემდეგ თუ მოსაწონია, მიჰყვება ქალი. იტალიაში კი მაინც ქალის კულტია და ჯერ შედის ქალი, რომ მოოიხვეჭოს ყურადღება და პატივი და შემდეგ მიჰყვება კაცი.

სერბიაში მაგალითად დიასახლისი არანაირ წამყვან როლს არ ასრულებს კამპანიის დროს, გარდა სუფრის მომზადება-გაწყობისა. მამასახლისი ჯდება პირველი სუფრასთან და აცხადებს: რომ "ისადილეთ", ამის შEმდეგ აქვს უფლება ოჯახის წევრებს თუ სტუმრებს შეუდგნენ ტრაპეზს. გარდა ამისა, ოჯახის უფროსს აქვს მაგიდასთან მუდამ ერთი ადგილი, რომელიც თაობებზე გადადის () , მის ადგილს სხვა ვერ დაიკავებს მაგიდასთან... ნუ , ახლა თუ აყალმაყალი არ უნდა... მე არ მომწონს ეს გადამეტებული პატრიარქატი... გამაღიზიანებელია წვრილმანური ეტიკეტები.

პოსტის ავტორი: marine თარიღი: May 8 2008, 01:55 PM

მოკლედ, ვაგრძელებ


კაფე, რესტორანში


თუ კაფეში ან რესტორანში შეხვედრაზე შეთანხმდნენ ქალი და მამაკაცი, ეს უკანასკნელი ვალდებულია რამდენიმე წუთით ადრე მივიდეს და დაიჭიროს თავისუფალი მაგიდა.

მაგრამ თუკი ადგილზე პირველი ქალი მივიდა, ეს არ იქნება ტრაგედია; მამაკაცმა ბოდიში უნდა მოიხადოს და გარკვევით აუხსნას დაგვიანების მიზეზები. ქალმაც დიდსულოვნად უნდა აპატიოს პარტნიორს და არ ჩაამწაროს საღამო თავისი მოღუშული სახით.

რესტორანში შესვლისას ზედა ტანსაცმელს გარდერობში ტოვებენ. გამოსვლისას მამაკაცი ეხმარება ქალს პალტოს ჩაცმაში.

გარდერობის სარკესთან შეიძლება მხოლოდ ვარცხნილობის შესწორება და არა სხვა კოსმეტიკური ოპერაციები.

/გაგრძელება იქნება/

პოსტის ავტორი: KAIROS თარიღი: May 11 2008, 03:36 AM

სწორი დაწერა ნანამ, ევროპის ბევრ ქვეყანაში, კარგა დემონსტრაციულადაც აკეთებენ ამ საქმეს ერთერთმა ჩემმა ყოფილმა ლექტორმა შუა ლექცია გააჩერა და ასობით სტუდენტის წინ 5 წუთიანი გასუფთავება ჩაიტარა, მერე ცხვირსახოცი გახსნა, "შეამოწმა", დაკეცა და შეინახა
ასევე ძალიან მიღებულია, ჭამის შემდეგ პირზე ცალი ხელის აფარება და საჩიჩქნით კბილების გასუფთავება ეგ ჩემთვის ისე მიუღებელია, რომ...
მდაა კულტურული ევროპა

პოსტის ავტორი: marine თარიღი: May 13 2008, 02:03 PM

ვაგრძელებ

კაფეში, რესტორანში


ფინჯანი ისე დაიჭირეთ სახელურით, რომ მასში საჩვენებელი თითი არ გაუყაროთ. კოვზით მხოლოდ შაქარი მოურიეთ, შემდეგ კი ლამბაქზე დადეთ. ჩაის და ყავას სვამენ ფინჯნით და არა კოვზით, ხოლო თუ სასმელი ცხელია, მოთმინებით დაელოდეთ გაგრილებას, სულის შებერვა მიუტევებელია. ლამბაქის ხელში აღება და ფინჯნიდან ისე დალევაც უზრდელობაა.

რაც შეეხება ლიმონის ნაჭერს ფინჯანში, გავიხსენოთ ნატაშა როსტოვა - თავადის ასული, რომელსაც ბავშვობიდან ასწავლიდნენ ეტიკეტს: ის ამბობს მავანზე "Он из плебеев" - ложкой жмет лимон в стакане. ასე რომ, არ გამოწუროთ ლიმონი, დატოვეთ ის ჭიქაში.

პოსტის ავტორი: marine თარიღი: May 14 2008, 10:50 AM

კაფეში, რესტორანში

/გაგრძელება/

თუ ყავას ან ჩაის ღვეზელთან ან ტორტთან ერთად მიირთმევთ, ჭიქაზე არ დატოვოთ ცხიმიანი ლაქები, იხმარეთ ქაღალდის ხელსახოცი და დატოვეთ იგი თეფშზე და არა საფერფლეზე.

სიგარეტი ჩააქრეთ მხოლოდ საფერფლეზე და არა თეფშზე, ან ლამბაქზე. მენიუს მამაკაცი აწოდებს ქალს, დიდ კომპანიაში კი ერთი წევრი ხმამაღლა კითხულობს მას.

სრულიადაც არ ჩაგეთვლებათ უტაქტობად, თუ ოფიციანტს ჰკითხავთ ამა თუ იმ კერძის შესახებ, რადგან დღესდღეობით უამრავი სახის კერძი არსებობს და ჩვენ სრულიადაც არ ვართ ვალდებულნი, ყველა მათგანის შესახებ ვიცოდეთ.

პოსტის ავტორი: marine თარიღი: May 14 2008, 01:56 PM

ვაგრძელებ:

სამსახურში

ახალი თანამშრომელი კოლექტივს უნდა წარუდგინოს ხელმძღვანელმა.

სამსახურის ტელეფონით რაც შეიძლება ნაკლებად ილაპარაკეთ პირად საკითხებზე, ილაპარაკეთ ხმადაბლა, შეკვეცილი ფორმით.

თუკი კოლექტივში ტრადიცადაა დამკვიდრებული დაბადების დღის აღნიშვნა, აღნიშნეთ, ოღონდ ღრეობად ნუ გადააქცევთ. მილოცვების მიღებისას იუბილარი ფეხზე დგას. არ გაუმასპინძლდეთ სტუმრებს ძალზე ხელგაშლილად, ამით უხერხულ მდგომარეობაში ჩააყენებთ მომავალ იუბილარებს, საკმარისია ყავა, ხაჭაპური და ნამცხვარი.

ოფისში შესვლისთანავე შეფი პირველი ესალმება თანამშრომლებს.

თუ ვინმე ბევრს ეწევა, მან არ უნდა იწუწუნოს იმაზე, რომ ოთახს ხშირად ანიავებენ. უმჯობესი იქნება, თუ ამას თვითონ გააკეთებს.

პოსტის ავტორი: nana_007 თარიღი: May 14 2008, 03:01 PM

ეს ეტყობა ძალიან ძველი წესია რაც არ უნდა დიდი იყოს კამპანია, ყველა სათითაოდ ღებულობს მენიუს.



არის ფირმები, სადაც პირადი საუბრები ტელეფონზე საერთოდ აკრძალულია, ზოგან მაილის ნახვაც კი ... მოწევა ოფისებში ახლა თითქმის ყველგან დაუშვებელია.

პ.ს. ისე, როგორ ცვლის დრო შეხედულელებსაც კი

პოსტის ავტორი: - თეკლა - თარიღი: May 15 2008, 03:29 PM

ოფისში ყოფნისას, შეეცადეთ, რაც შეიძლება ხმადაბლა "აკაკუნოთ" კლავიატურაზე, უზრდელობა ყოფილა, განსაკუთრებით თუ უცხოელებთან მუშაობთ, ქართველები ხმაურიანი ხალხი ვართ და თურმე ნაკლებად აღიზიანებთ - სახლში კი რამდენიც გინდათ

პოსტის ავტორი: ketino თარიღი: May 15 2008, 05:15 PM

რატო უცხოპლანეტელივით? იმდენ სუნამოს დაისხამენ ვითომდა ჰიგიენურობის გამო, ცხვირს გატკენენ

არა ეს ხუმრობით...

მე რა მაინტერესებს ახლა.. როცა საზოგად. ტრანსპორტში მე და ჩემი ლექტორი ვმგზავრობთ, თუ ლექტორი ქალია მე ვიხდი, თუ კაცია და ის, რატომ?

წესით უმცროს-უფროსობა მავალდებულებს ასაკით უფროს და თანაც ჩემთვის პატივსაცემ ლექტორს პატივი ვცე და მე დავუფარო მგზავრობის გადასახადი, ამ დროს კი აქ სქესი "ერევა" თანაც კაცის შემთხვევაში... რატოომ?

პოსტის ავტორი: შოთაძე თარიღი: May 15 2008, 05:21 PM

მე ყველას ვუხდი ვისაც გამარჯობას ვეუბნები დიდისთვისაც გადამიხდია, ჩემზე პატარასთვისაც და კაცისთვისაც და ქალისთვისაც

პოსტის ავტორი: marine თარიღი: May 16 2008, 01:29 PM

შვებულებაში


დასასვენებლად მიმავალს გახსოვდეთ "ოქროს წესი": "თვითონ დაისვენე, მაგრამ სხვებიც დაასვენე".

მოგზაურობა საზღვარგარეთ მოითხოვს, საკუთარი ჩვევებით არ გაზომოთ ამა თუ იმ ქვეყნის ადათ-წესები. ასეთი მოგზაურობის ძირითადი აზრია კეთილმოსურნეობა, ინტერესი და მისწრაფება, რაც შეიძლება მეტი ნახოთ და გაიცნოთ.

არ გირჩევთ, ძალიან სერიოზულად მოეპყრათ "საკურორტო ნაცნობობას", როგორც წესი, ასეთი ნაცნობობა წყდება ყოველდღიურობასთან დაბრუნებისთანავე.

პოსტის ავტორი: marine თარიღი: May 16 2008, 01:53 PM

სუფრასთან

- პური ხელით უნდა აიღოთ და არა ჩანგლით.

- პურის ნაჭერს ნუ მოკბეჩთ, ის ხელით უნდა მოტეხოთ.

- ნუ მიირთმევთ დანით. საჭმელს დანით ნუ გადაიტანთ ჩანგალზე.

- იდაყვით ნუ დაეყრდნობით მაგიდას. ხელები ტანთან ახლოს უნდა გეჭიროთ.

პოსტის ავტორი: Amuza თარიღი: May 17 2008, 10:34 PM

ნუ დააბოყინებთ ახალ გაცნობილ გოგოსთან რესტორანში.

პოსტის ავტორი: KAIROS თარიღი: May 17 2008, 11:01 PM

ძველთან მოსულა ხო?

პოსტის ავტორი: marine თარიღი: May 19 2008, 04:43 PM

მოკლედ ვაგრძელებ

- ნუ ათამაშებთ ხელში ჩანგალს, დანას ან კოვზს.

- ნუ ისაუბრებთ ჭამის დროს.

- დანა-ჩანგალი თუ გადაგივარდათ, ნუ შეგრცხვებათ, სხვა მოითხოვეთ.

- ჭამის შემდეგ ნუ დაკეცავთ ხელსახოცს, მაგიდაზე დადეთ.

- წამდაუწუმ ნუ დაიწყებთ საათზე ყურებას. თუ სხვებზე ადრე გსურთ წვეულებიდან წასვლა, გააკეთეთ ეს შეუმჩნევლად; ამის შესახებ წინასწარ შეუთანხმდით მასპინძელს.

პოსტის ავტორი: marine თარიღი: May 27 2008, 04:42 PM

ვაგრძელებ

თეატრში, კინოში


მართალია, დღეს ჩვენს თეატრებს შედარებით ნაკლები მაყურებელი ჰყავს, მაგრამ თეატრი თეატრია და თავისი კანონები აქვს.

რიგებს შორის მაყურებლისკენ სახემიმართულმა გაიარეთ.

თუ დარბაზში ჯდება ორი წყვილი, ქალები შუაში უნდა დასხდნენ, მამაკაცები - ორივე მხარეს.

სპექტაკლის (ან ფილმის მსვლელობის დროს) შეყვარებულებმა არ უნდა აიძულონ მათ უკან მსხდომი მაყურებლები, ერთდროულად ორ სანახაობას უცქირონ.

დარბაზში კამფეტის, ნაყინის ან სხვა სასუსნავის ჭამა არ შეიძლება.

თეატრში მიმავალმა ქალმა ბოროტად არ უნდა გამოიყენოს სუნამო.

ბინოკლით მხოლოდ სცენას უყურებენ და არა მაყურებელს.

დარბაზის დატოვება სპექტაკლის დამთავრებამდე უზრდელობაა, მაშინაც კი, თუ თქვენ არ მოგწონთ პიესა - ჩვენ ხომ სტუმრობის შემდეგ ყოველთვის ვემშვიდობებით დიასახლისს?

ზემოთ ჩამოთვლილ "უსიამოვნებათა" გარდა კინოში კიდევ ერთი რამ გელით: სულსწრაფი მაყურებელი წინასწარ უამბობს თანამგზავრს "ახლა რა იქნება", თანაც, საკმაოდ ხმამაღლა. თქვენ შეგიძლიათ თავაზიანად გააჩუმოთ არამკითხე კომენტატორი.

კინოში შეიძლება კანფეტის ან ბატიბუტის ჭამა, მაგრამ დანაგვიანების გარეშე.

პოსტის ავტორი: Ligia თარიღი: Oct 26 2009, 06:02 PM

აუ ეგ უდნა მეკითხა ზუსტად ახლა

ჩემტანაც (ლონდონში) ძალიან უყვართ დემონსტრაციულად ცხვირის მოხოცვა, დაცემინებას რა უჭირს
არ აქვთ რპობლემა ორი ადამიანი საუბრობს და შუაში გაუარონ და რაც მთავარია ვესაუბრები და ვეკითხები ლექტორს და მოდის სხვა სტუდენტი და მეჭრება საუბარში და თავისას ეკითხება ამხელა ფილარმონია ქალს ვერ მხედავს ხომ?
მაგალითად მალაიზიელი მეზობელი მყავს და პირღია მიირთმევს საჭმელს თან ტყლაპა-ტყლუპით, ღეჭვას რომ გაიგონებ



აი ეს ცოტა საკამათოა, მე არ ვგულისხმობ ღეჭვის დროს საუბარს, რატომ ითვლება უკლუტურობად, სანამ ულუფას აიღებ მანამდე გაისაუბრო?

საქმიან ვახშამზე რომ დამპატიჟონ რა ვქნა მთელი საღამო ჩუმად ვიყო
ან მამაკაცმა დამპატიჟა ე.წ. პაემანზე




საერთოდ ახალ გაცნობილ გოგოსთან იყავით იდეალურად კულტურული და მოწესრიგებული მამაკაცი

პოსტის ავტორი: Ligia თარიღი: Oct 26 2009, 06:54 PM

-როცა რაიმე ოფიციალურ თუ არაოფიციალურ წვეულებაზე ხართ დაპატიჟებული და მოსაწვევში გიწერიათ რომ შეგიძლიათ თანმხლები პირი წამოიყვანოთ, სასურველია ეს მეორე ადამიანი იყოს საწინააღმდეგო სქესის,
თუ დაოჯახებული ხართ და მეუღლეს არ სცალია მაშინ საპირისპირო სქესის მეგობრის წაყვანას მარტო წასვლა აჯობებს
- როცა წვეულებაზე ითხოვენ რაიმე ჩაცმის კოდს, ეცადეთ ისე ჩაიცვათ როგორც ითხოვენ, მერე რა რომ კოსტუმირებული წვეულებაა
- როდესაც არის რაიმე კომპანიის პრეზენტაცია, და თქვენც ხართ დაპატიჟებული, ჩაიცვით ოფიციალურად
- როდესაც აღნიშნული პრეზენტაციის შემდეგ იქნება რაიმე ალა-ფურშეტის მსგავსი, თეფშზე ბევრ რამეს ნუ დაიდებთ და ასე ნუ დადგებით მოსაუბრესთან, თუ მაინცადამიანც გშიათ, ჯერ დანაყრდით და შემდეგ აიღეთ რამე სასმელი და ისე ესაუბრეთ სხვას,
- ღვინის ჭიქით საქმიანი საუბარი პრობლემას არ წარმოადგენს აი თეფშით და თან სავსეთი უხერხულობას ქმნის

პოსტის ავტორი: sable თარიღი: Oct 26 2009, 07:10 PM

ბოტასები არ შეიძლება



ეგ საფრანგეთშიც ეგრეა ან ცოტა შეტრიალდნენ მაინც ან საპირფარეშორი გავიდნენ მაგრამ არ კადრულობენ

პოსტის ავტორი: lingvo თარიღი: Oct 26 2009, 07:20 PM

სუფრასთან, როდესაც კერძს მიირთმევთ ტუჩები მოკუმული გქონდეთ. აი ასე -->

პოსტის ავტორი: Ligia თარიღი: Oct 26 2009, 09:07 PM

ბოტასები არაააა, არც კეტები და არც ბოტასისნაირი შავი ფეხსაცმელები რომ არის

დემონსტრაციულად ცხვირის მოხოცვა მთელს ევროპაში მასეა





ეგ ჩემს მალაიზიელ მეზობელს უთხარი

პოსტის ავტორი: lingvo თარიღი: Oct 26 2009, 09:12 PM

მამაკაცის წინდის ფერი შარვალის ფერს უნდა ემთხვეოდეს და არა ფეხსაცმლის.

პოსტის ავტორი: Amuza თარიღი: Oct 26 2009, 09:35 PM

საიდან მოიტანთ ხოლმე, ასეტ რამეებს ვახტანგი ბატონო ახლა მე მწვანე შარვალი მაცვია და მწვანე წინდა უნდა მეცვას, ან შავი ლაკის ფეხსაცმელზე ცუდად მიდის თეთრი წინდები, ძველი განგსტერული ზმანიაა

პოსტის ავტორი: lingvo თარიღი: Oct 26 2009, 10:55 PM

Amuza
ეს კლასიკურ ჩაცმულობას შეეხება თქვენო გასხივოსნებულესობავ. (ერთ ჟურნალში წავიკითხე და დამამახსოვრდა, თუმცა თეორიად რჩება). გარდა ლაკის ტუფლებისა, განგსტერს კარგი შლიაპაც უნდა ეხუროს, თეთრი ცხვირსახოცი უნდა ქონდეს აუცილებლად სმოკინგის გულის ჯიბეში, კოპლებიანი ბაბთა და რათქმაუნდა შავი ტომპსონი

პოსტის ავტორი: Ligia თარიღი: Oct 30 2009, 10:25 PM

სტაფილოსფერი მაისური და მაგ ფერის ბოტასები ჩაიცვი, სტაფილოსფერი წინდებიც მოგიხდება

პოსტის ავტორი: lingvo თარიღი: Oct 30 2009, 10:44 PM

თუ ადამიანმა შემთხვევით დაგაბიჯათ და ბოდიში მოგიხადათ, სამაგიეროს ნუ გადაუხდით

პოსტის ავტორი: Ligia თარიღი: Oct 30 2009, 10:51 PM

მე პირადად ბოდიშის მოხდის გარეშეც ვთვლი რომ სამაგიეროს გადახდა არ ღირს

პოსტის ავტორი: lingvo თარიღი: Oct 30 2009, 11:01 PM

თუ თავსხმა წვიმაში მოხვდი მანდილოსანთან ერთად და მას ქოლგა აქვს, გამოართვი და შენ გეჭიროს მის თავს ზემოთ... ოდნავ შეიძლება საკუთარ თავზეც ფიქრი...

პოსტის ავტორი: ქევანა თარიღი: Jan 16 2010, 01:40 PM

ლოლ

ორმაგად ლოლ

***
პატივცემულო, ინტერნეტის დაუწერელ კანონებში შედის აგრეთვე ადამიანის უფლება დარჩეს ანონიმური

უზრდელობა სხვა რაღაცაა

პოსტის ავტორი: MARTLMADIDEBELI_QRISTIANI თარიღი: Jan 17 2010, 12:07 AM

მე მაგას არ ვეწინააღმდგები ანონიმურობა ისეთივე რამეა როგორც ქუჩაში მოსიარულე ადამიაინი რომელსაც კეპკა მთლიანად სახეს უფარავს

და წარმოიდგინე ეგეთ კეპკიანი ადამიანი გესაუბრებოდეს ან საერთოდ გაგეცნოს

პოსტის ავტორი: Ligia თარიღი: Jan 17 2010, 12:50 AM

და კლასიკურად ჩაცმული რომ არ "გაეჩითო" და შორტებში წარუდგე არ შეიძლება
დიდი ამბავი

პოსტის ავტორი: S a l l y თარიღი: Jan 17 2010, 01:24 AM

ეს ნამეტანია

იქნებ და რატომ აგვიანდება პასუხის დაწერა?
გულგრილობა შეიძლება დაარქვა,მაგრამ უზრდელობა- არა..


დანარჩენი რაც თქვი ვიზიარებ, ორონდ ასეთი კატგორიულობით არა ..

პოსტის ავტორი: Ligia თარიღი: Jan 17 2010, 01:30 AM

ინტერნეტით (ჩატით) გაცნობა და თან სურათი გამომიგზავნე თუ კიდევ აქტუალური იყო არ მეგონა

პოსტის ავტორი: ketev@ni თარიღი: Jan 23 2010, 04:10 PM

საინტერესოა ამ ეტიკეტებს მამაკაცები ზედმიწევნით იცავენ????.... მე არ ვამბობო , რომ ჩვენ ვართ იდეალურები... თემა ნამდვილად აქტუალურია.

შინაგანი კულტურა რაც ნებისმიერ ადამიანს ოჯახიდან გადაეცემა და არსაც არ წერია შავით თეთრზე ვფიქრობ რომ უმნიშვნელოვანესია. არ დაგვავიწყდეს შეგნება ... შეგნებულ ადამიანთან ურთიერთობა სასიამოვნო და საინტერესოა.
ბაბუაჩემმა იცოდა ხშირად თქმა.. " სეგნებულ კაცთან მოგცა საქმეო"- ვეთანხმები ...

პოსტის ავტორი: ქევანა თარიღი: Jan 29 2010, 06:01 PM

ცხადია, მაგრამ ეტიკეტის სწავლაც არ გვაწყენდა

პოსტის ავტორი: tamuna m თარიღი: Jan 29 2010, 07:06 PM

მე ვიცი, თეფშით საჭმელს რომ მოგაწოდბენე ის ნაჭერი უნდა გადმოიღო, რომელიც შენ მხარეს არის, მაგრამ იქნება ქათმის ფრთა არის და მე მკერდის ნაწილი მინდა?
ვიცი, რომ სუფრასთან თმის გასწორება არ შეიძლება, მაგრამ თუ თმის ჩხირი მვარდება და თმა მეპუწება ჩემი გაჯეჯილი თმის ყურაებას არ ჯობია ავიკაპიწო?
ჩაიში ჩაგდებული ლიმნის მირთმევაც მიყვარს!
სპექტაკლზე კანფეტის ქაღალდის ჭრაჭუნიც აკრძალულია, მაგრამ იქნება დიაბეტიკი ვარ და აუცილებელია ტკბილის მიღება?
სკამზე ჯდომისას ფეხებს იატაკამდე ვერ ვაწვდენ და მირჩევნია მოკეცილი მქონდეს.
ვარ :უეთიკო: ადამიანი!
პ. ს. სულ მინდოდა ეთიკის მასწავლებელს შევწინააღმდეგებოდი, მაგრამ მერე ნიშანს დამაკლებდა და... :შიშიოხერია:

პოსტის ავტორი: ქევანა თარიღი: Jan 29 2010, 07:11 PM

მასთე სტუმრად რომ ვარ, ბროწეულს ვერ ვჭამ, არადა ზოგჯერ იციან ხოლმე ვაშლთან ერთად ბროწეულის დადებაც, რათ მინდა, მაინც ვერ შევჭამ და უნდა ვუყურო?
ვერ ვჭამ, წუწიანია, არადა მიყვარს
მთელი რიგი პროცედურები უნდა ჩავატარო რომ მივირთვა (გაფრცქვნა, გაწურვა)


ამბობენ ფეხის ფეხზე გადადებაც უზრდელობააო და... მე ყველაზე უზრდელი გამოვდივარ

პოსტის ავტორი: tamuna m თარიღი: Jan 29 2010, 07:22 PM

ფეხს ერთხელ კი არა, ორჯერ ვიხვევ მეოერე ფეხზე.
ნუ, მე ისედაც ცნობილი ვარ, როგორც ყოვლად უზნეო პიროვნება.
მასეთი იმდენი რამის ჩამოთვლა შემიძლია.
თურმე ტელეფონზე 3-4 ზარის გასვლის მერე უნდა გათიშო.
რახანც აქამდე არ გიპასუხეს ე. ი. არ სცალიათ და საქმეს არ მოწყვიტოო.
იქნება ვკვდები და დიდი საქმე მოწყდეს საქმეს!
ჩემთვის ხინკლის ჭამა დანა-ჩანგლით უეთიკობაა!!!
ისე, რასაც 100%-ით ვეთანმხები-სუფრაზე რომ მიდიხარ დამშეული არ უნდა მიხვიდე, ისე, რომ გვერდით მჯდომს ვერ ხედავდე საჭმელზე გამწარებული
აბა ტკბილეულს რომ მომართმევენ მეკეტება
მარტო მე და ის (ნუგბარი) ვრჩებით
გარშემო ყველაფერი ბუნდოვანი ხდება და მხოლოდ მასთან შეერთების სურვილი მრჩება
ყავაში 7-9 კოვზ შაქარს ვიყრი და ვიცი სტუმრად მისი დალევა სირცხვილია, მაგრამ ზოგი ისე დაჟინებით მთავაზობს უარს ვერ ვეუბნები
პ. ს. მერე კი ნანობენ

პოსტის ავტორი: ა ნ უ კ ა თარიღი: Jan 29 2010, 07:29 PM

მეც : უზრდელი :

სუფრაზე ვერ ვჭამ ნაპოლეონს და ეკლერს, რადგან გულზე მაცხია ყველაფერი არადა როგორ მიყვარს

პოსტის ავტორი: terra თარიღი: Jan 29 2010, 10:25 PM

ქევანა
tamuna m
ა ნ უ კ ა

რა გულახდილები ხართ გოგონებო
გამახალისეთ მაგრად
თქვენ გაიხარეთ. კარგები ხართ ))

პოსტის ავტორი: newbie თარიღი: Jan 29 2010, 11:31 PM

tamuna_m

გუშინ რამდენი ალპენი შევჭამე არ მახსოვს დაბუნდოვნდა და სათვალავი ამერია http://ge.smiles.26l.com/smile.130000.html


ჩემი "სისუსტეები" , რაც მე ხინკლის გამო ომი მაქვს გადატანილი, ჩემთან ერთად არავინ აღარ დადის ხინკლის საჭმელად
ისე დიდად მგონი არავინაც არ იცავს, უფრო თავისუფალი დამოკიდებულებებია, ვისაც რა მოსწონს იმას აკეთებს. საზოგადოებას გააჩნია,
ნუ მე დიდად არ მანაღვლებს , მთავარია ადამიანმა თავისი თავისუფლებით ვინმე არ შეაწუხოს , არ გააღიზიანოს, "არაეთიკური ქცევა" უწყინარია ერთადერთი გამოიწვევს რეაქციას "რა არაეთიკური ვინმეა" ნუ ამას გადავიტან როგორმე , თავისუფლება ამაზე მნიშვნელოვანია, ასე რომ

პოსტის ავტორი: newbie თარიღი: Jan 30 2010, 01:21 PM

სად წავიდა აქ პოსტები გუშინ იუზერმა რისხვა რომ დაგვატეხა. : ) მეც დავწერე რაღაც ნახევრად კი მეძინა..
აა ხო ვთქვი რომ პირიქით, ჩანგლით ჭამაა უეთიკობა, წვენის ამბავი და რამე, რავი, მე რომ ვჭამ ჩანგლით სულ მეჩხუბებიან და ნებისმიერ სუფრაზე ორ საათიან გაკვეთილს ვისმენ .
გუშინაც ერთმა იუზერმა იეღოველი იქნებიო. : ) ხო და რავი "სიყვარულს მიხსნიდა," და ზნეჩვეულებებსაც აგიხსნიო..
გასცა პასუხები გუშინ, ამ კონკრეტულ ქმედებებში რას ხედავს ასეთ დამაქცეველს?

პოსტის ავტორი: marine თარიღი: Jul 19 2013, 03:15 PM

იუბილარისთვის განკუთვნილი თაიგული, როგორც წესი, უნდა იყოს შედარებით დიდი ზომის: სტუმრად მისვლისას თაიგულს აძლევთ დიასახლისს, თუნდაც იუბილარი ქმარი იყოს.

ავადმყოფის ნახვის დროს მიუტანეთ მომცრო თაიგული, რომელიც ღია ფერის ყვავილებისგანაა აკონილი და აქვს ნაზი სუნი. არ ღირს თეთრი ყვავილების მიტანა, საავადმყოფოს პირობებში ისედაც ბევრი რამაა თეთრი ფერის.

პოსტის ავტორი: მარიამი თარიღი: Jul 19 2013, 10:43 PM

არა რა.... გინდა თეთრი უძახე ახლა ჩემს შურს და გინდა შავი ამ ყველაფრის მერე ადამიანს რომ ლანდი გასდის და მე უშაქრო ყავაზე რომ ვზივარ და... ჰმ...

პოსტის ავტორი: A.V.M თარიღი: Jul 19 2013, 11:22 PM

თვით მეც დღეს გავიგე ამ თემის არსებობის შესახებ...

პოსტის ავტორი: G_saxva თარიღი: Jul 22 2013, 09:13 AM

რამოდენიმე ძალიან მომეწრონა და აი ისინიც

პოსტის ავტორი: G_saxva თარიღი: Jul 22 2013, 09:29 AM

თქვენ ჩემს სამსახურში უნდა ნახოთ რა უზრდელები ვართ იმდენს და იმხელას ვაკაკუნებთ

პოსტის ავტორი: marine თარიღი: Jul 22 2013, 04:05 PM

უF, ეგ არ გეპატიება!!!!!!!!!!!!

პოსტის ავტორი: A.V.M თარიღი: Jul 22 2013, 07:56 PM

marine

რატო?
სამეოცდაათმევრე გზის იყო?

პოსტის ავტორი: ქევანა თარიღი: Jul 31 2013, 12:23 AM

უზრდელს მარტო ჩემ თავს ვიტან

ნუ პოსტავთ უაზროდ! ვიცი რომ ცხელა, მაგრამ მეც და ამ თემას და ამ განყოფილებას გაუგეთ

ბოლოს ვინც პოსტავდა იმათ ეხებათ, ორი ადამიანია ასეთი და წავშალე იმათი პოსტები, მეორეჯერ არ დავინახო აქ "გავუზიაროთი"-ს ამბები

პოსტის ავტორი: marine თარიღი: Jul 25 2015, 11:27 AM

http://www.gemrielia.ge/ge/index.php?option=com_content&view=article&id=583%3Arogor-moviqceth-sufrasthan-etiketi-da-kargi-manerebi&catid=34%3Archevebi&Itemid=228

კარგი მანერები და სუფრასთან მოქცევის წესები ეს ისაა, რაც ყველა ადამიანმა უნდა იცოდეს! შესაძლოა, ბევრისთვის ეს მომაბეზრებელი და უსარგებლო შეზღუდვებია, თუმცა მისი დაცვა გარკვეულ წრეებში აუცილებლად მოგიწევთ, რა თქმა უნდა, თუ არ გსურთ, რომ ხმამაღლა მოხვრეპილმა ჩაიმ ან კბილების გამოჩიჩქვნამ სამუდამოდ დაგიხუროთ მათი კარი.
ტერმინი ეტიკეტი ფრანგული ენიდან მომდინარეობს. ის აღნიშნავს ქცევის კოდექსს, რომელიც გამოხატავს თქვენს დამოკიდებულებას სოციალური კლასის ან ჯგუფის მიმართ.

სუფრასთან მოქცევის მთავარი წესია, რაც შეიძლება ჩუმად, ან სულაც უხმაუროდ მიირთვათ და დალიოთ.

მაგიდასთან დაჯდომისას თვალს ხშირად ხვდება ტექსტილის ხელსახოცი, რომელსაც დანიშნულებისამებრ იშვიათად იყენებენ. ხელის მსუბუქი მოძრაობით გახსენით და მუხლებზე დაიდეთ. ამ ხელსახოცით ხელის ან პირის გაწმენდა რეკომენდირებული არაა, მაქსისმუმ - ტუჩებზე ნაზად მიიდოთ სასმელის დალევის შემდეგ სისველის შესაშრობად. იმის თქმა ალბათ საჭიროც არაა, რომ გამართული უნდა იჯდეთ და სუფრას იდაყვები არ უნდა დააყრდნოთ.

სუფრასთან დაჯდომისთანავე მაშინვე ჭამას ნუ დაიწყებთ. დაელოდეთ, სანამ სუფრის ყველა წევრი დაჯდება და შეეცადეთ, ერთობლივად თუ არა, ოდნავი დაგვიანებით დააგემოვნოთ. საკვების დაწუნება ცუდი ტონია. მითუმეტეს თუ სტუმრად ოჯახში ხართ. აღფრთოვანების გამოხატვა კი ყოველთვის მისასალმებელია.

ახლა რაც შეეხება თავად ჭურჭელთან და დანა-ჩანგალთან ურთიერთობას. უმეტესად, ყველგან მარტივად გაწყობილი სუფრა გვხვდება, ყოველგვარი ზედმეტი ჩანგლისა თუ თეფში-ჭიქის გარეშე. გაითვალისწინეთ, რომ ბოკალი, რომელიც ზომით შედარებით მომცროა, ყოველთვის ალკოჰოლური სასმელის, უფრო ზუსტად, ღვინისთვის გამოიყენება, ხოლო დიდი ბოკალი გამაგრილებელი სასმელის ან წყლისთვისაა განკუთვნილი.

თუ თეფშის გარშემო ბევრი სახეობის დანა-ჩანგალია დალაგებული, არ დაიბნეთ. სუფრაზე საკვები დაწყობილი დანა-ჩანგლის თანმიმდევრობით შემოვა, გამოიყენეთ ისინი "გარედან–შიგნით" პრინციპით და ყველაფერი თავის ადგილას დადგება. თუკი სუფრასთან წვნიანია, ბოლო წვეთებს ადვილად ამოიღებთ კოვზით თუკი თეფშს თქვენი საწინააღმდეგო მიმართულებით ოდნავ აწევთ. ისე კი, მაინცდამაინც აუცილებელი არაა ბოლო კოვზიც მიირთვათ. მთავარი თეფშის თავთან პატარა თეფში პურისთვისაა განკუთვნილი. ძალიან მოსახერხებელია, როდესაც პურის სუფრაზე დადება არ გიწევთ.
GEMRIELIA

კიდევ ერთი, როდესაც რამე გინდათ და ის თქვენგან შორსაა მთელს სუფრაზე ნუ გადაიქაჩებით, გაცილებით მარტივია, ნაზი ღიმილით თქვენს გვერდით მჯდომს სთხოვოთ, მოგაწოდოთ.

ჩანგლით მხოლოდ იმდენი საკვები აიღეთ, რამდენის აღებაც დისკომფორტს არ შექმნის და თეფშზეც არ ჩამოიყრება. ამასთანავე პირს მთლიანად ნუ გაივსებთ საჭმლით. ღეჭეთ მოკუმული პირით და ლუკმებს შორის მცირე ინტერვალები გააკეთეთ.

თუ ერთ გვერდით მჯომთან გსურთ საუბარი, ამის გამო მეორეს ზურგს ნუ შეაქცევთ. ხოლო თუ თქვენსა და მოსაუბრეს შორის კიდევ ერთი ადამიანი ზის, შეეცადეთ მის ზურგსუკან ისაუბროთ და არა მის წინ გადმოწეულებმა.

არასოდეს შეიმჩნიოთ, თუ სუფრის რომელიმე წევრი ეტიკეტის დარღვევით მიირთმევს, მაგრამ თავად შეეცადეთ შეცდომა არ დაუშვათ. თუ მაინც ვერ ახერხებთ ეტიკეტის დაცვას რომელიმე ეგზოტიკური კერძის მირთმევისას, სჯობს დაარღვიოთ იგი, ვიდრე მისი დაცვის უხერხული მცდელობით მიიქციოთ მთელი სუფრის ყურადღება.

ხორცი ან სხვა ნებისმიერი კერძი არასოდეს დაანაწევროთ ლუკმებად ერთბაშად. მოაჭერით მხოლოდ იმდენი რასაც ერთ ლუკმად შეჭამთ. შემდეგ კვლავ მოაჭერით პატარა ნაწილი და ა.შ.

თუ მასპინძელი ხართ, სტუმრებზე ადრე ნუ დაამთავრებთ ჭამას, მით უმეტეს, თუ ეს კერძი ბოლოა სუფრაზე. დაელოდეთ სანამ ჯერ სტუმრები დაასრულებენ. მთავარი კერძის შეთავაზება სტუმრებისთვის დაშვებულია ორჯერ, მაგრამ თუ სტუმარი ხართ, თავად ნუ მოითხოვთ დამატებას. ასევე ნუ მოითხოვთ მეორე ფინჯან ჩაის ან ყავას თუ კი სტუმართა ნაწილს ჯერ პირველიც არ მიუღია.

სუფრასთან ნებისმიერი ტიპის მომსახურებისას გადაიხადეთ მადლობა.

სუფრასთან დაჯდომის წინ ტელეფონი უხმო რეჟიმზე გადაიყვანეთ, რათა გარშემო მყოფნი გაუთავებელი წკრიალით არ შეაწუხოთ. ეს ცუდი ტონია. თუ მნიშვნელოვან ზარს უნდა უპასუხოთ, ბოდიში მოიხადეთ და მოშორებით გადით - აუცილებელი არაა თქვენი საუბარის მომსწრე მთელი სუფრა გახდეს.

სადილის ან ვახშმის დასრულების შემდეგ დანა ჩანგალი თეფშზე დიაგონალზე, ერთმანეთის პარალელურად დადეთ - ეს ნიშნავს რომ თქვენ დაამთავრეთ.

დესერტის მირთმევისას: ჩაიში/ყავაში შაქარი მოურიეთ უხმაუროდ, წკარუნის გარეშე და შემდეგ კოვზი დადეთ ლანგარზე. და არასოდეს, არასოდეს მოხვრიპოთ!

პოსტის ავტორი: marine თარიღი: Sep 29 2015, 11:10 PM

“კრიტიკულ შენიშვნებს გამოთქვამს მოკრძალებით, ტაქტიანად, მუდამ ინარჩუნებს აკადემიურობას“.

პოსტის ავტორი: marine თარიღი: Oct 27 2015, 02:51 PM

"უკულტურობის ტალღა"

პოსტის ავტორი: marine თარიღი: Nov 21 2015, 10:03 PM

"ზედმიწევნით თავაზიანი"

პოსტის ავტორი: marine თარიღი: Feb 12 2016, 12:28 PM

"მე მგონია, რომ უმჯობესი და ყოვლად საქები ზრდილობა ის არის, როდესაც კაცი გულწრფელად იქცევა".

/წმ. ეპისკოპოსი გაბრიელი (ქიქოძე)/

პოსტის ავტორი: marine თარიღი: Jun 10 2016, 11:07 AM

"თავაზიანობა - ესაა მორალური ღირსება ადამიანისა, რომლისათვის სხვა ადამიანების პატივისცემა ურთიერთობის ფორმაა. იგი თავის თავში მოიცავს ისეთ თვისებებს, როგორიცაა - ყურადღება, კეთილგანწყობა, დელიკატურობა და ტაქტი. ყოველივე ამას სახარება გვასწავლის".

პოსტის ავტორი: marine თარიღი: Jun 21 2017, 11:45 AM

"არასდროს დაივიწყოთ, რა დაისახეთ მიზნად და რამდენჯერაც გადაუხვევთ, იმდენჯერ დაუბრუნდით მას. მცირე წარმატების შემთხვევაში შეაქეთ და წაახალისეთ თქვენი თავი. ნუ წამოიწყებთ ბრძოლას ერთბაშად რამდენიმე ჩვევასთან. ერთით დაიწყეთ და ეს სხვების დაძლევაშიც ავტომატურად დაგეხმარებათ. შეიცვალეთ გარემო, ის რაც აპროვოცირებს თქვენს ქცევას, მოიშორეთ, მათ შორის თქვენი მავნე ჩვევის წამქეზებელი ადამიანები. შეირჩიეთ ის სტიმულები, რაც შეგძენთ ხალისს და ენერგიას, ყველაფერზე ერთბაშად ნუ იტყვით უარს. იმ მოთხოვნილების დასაკმაყოფილებლად, რასაც მავნე ჩვევა გიკმაყოფილებთ, ჩამანაცვლებელი შეარჩიეთ. რა უნდა ქნათ თუკი კონტროლი დაკარგეთ საკუთარ თავზე? - აპატიეთ საკუთარ თავს და განაგძეთ ბრძოლა. რამდენიმე მძიმე დღე მოგელით, მაგრამ ამას საკუთარი მიღწევით კმაყოფილების და საკუთარი თავისადმი პატივისცემის განცდა მოსდევს და ეს გაგიადვილებთ წინსვლას".

/ფსიქოლოგი ლელა ტყეშელაშვილი/

პოსტის ავტორი: marine თარიღი: Jul 9 2018, 07:45 PM

"კლიმენტი ალექსანდრიელი განსაკუთრებული ყურადღებით მოძღვრავს ქრისტიანებს საკვების მიღებასთან დაკავშირებით. მისი რჩევით, ქრისტიანებმა თავდაჭერილად უნდა გადაიღონ კერძი, არ დაისვარონ ხელები, წვერი და სუფრის ის ნაწილი, სადაც სადილობენ. უნდა შეინარჩუნონ სიმშვიდე და გარკვეული პერიოდულობით გადმოიღონ სხვა ულუფა."

პოსტის ავტორი: marine თარიღი: Jul 16 2018, 10:37 PM

"თუნდაც უგემური გამოგივიდეს სადილი, მაინც არ უნდა გალანძღო და დაამცირო საკვები, რომელსაც პირში იდებ; უნდა მადლობდე ღმერთს დიდი წყალობისთვის"

პოსტის ავტორი: marine თარიღი: Jul 27 2018, 08:49 PM

"მშვენიერი სული და ქცევა ჰქონდა"

პოსტის ავტორი: marine თარიღი: Feb 26 2019, 05:01 PM

"კულტურული მამაკაცები მანდილოსანთან საუბრისას პერანგის ღილს საყელოსთანაც კი იკრავენ".

პოსტის ავტორი: marine თარიღი: Aug 17 2019, 09:41 PM

"კულტურა - ეს კარგია, მაგრამ მან რომ სიკეთე მოიტანოს, საჭიროა, თვით ადამიანის სული გახდეს კულტურული"

/ღირსი პაისი ათონელი/

პოსტის ავტორი: marine თარიღი: Jan 29 2020, 08:06 PM

"მის ყოველ მოძრაობაში, სიტყვასა თუ მდუმარებაში უცხო, განსაკუთრებული სულიერი კულტურა იხილვებოდა"

პოსტის ავტორი: marine თარიღი: Feb 29 2020, 01:36 PM

"ადამიანი ქცევაში ჩანს და ქცევაა განმსაზღვრელი შინაგანი კულტურისა"

/დეკ. შიო პაიჭაძე/

პოსტის ავტორი: marine თარიღი: Mar 2 2020, 03:42 PM

"ბებიაჩემი დიდად მწიგნობარი ქალი არ იყო, მაგრამ საოცარი კულტურა და ზრდილობა ჰქონდა. სახლში შემოსულ ყველა ადამიანს, თუდნაც ბავშვი ყოფილიყო, ფეხზე ადგომით ეგებებოდაო", - წერდა ერთგან ნოდარ დუმბაძე".

პოსტის ავტორი: marine თარიღი: May 15 2020, 03:41 PM

"შეხედეთ ქუჩას და უცებ დარწმუნდებით, რომ ჩვენ არა მარტო კულტურასა და ზრდილობას, არამედ ადამიანურ იერ-სახესაც ვკარგავთ!"

პოსტის ავტორი: marine თარიღი: May 16 2020, 03:12 PM

"არავითარი ცოდნის შეძენას სარგებლობა არ მოაქვს, თუ კაცს პატიოსნება და ზრდილობა არ ამშვენებს"

პოსტის ავტორი: marine თარიღი: May 24 2020, 10:22 PM

"მარტო ტექნიკა კიდევ არ ნიშნავს განათლებას, ისევე როგორც მარტო ახალმოდურობა არ ნიშნავს კულტურას!"

/ლევან გოთუა/

პოსტის ავტორი: marine თარიღი: Jun 27 2020, 07:56 PM

"გარეგნობა ვერაფრით გაუტოლდებოდა განათლებულ გონებასა და დახვეწილ მანერებს"

/ენ ბრონტე/

პოსტის ავტორი: marine თარიღი: Jan 13 2023, 02:19 PM

"პურობის წინ მიღებული იყო ხელის დაბანა. ანტიკურ ქართლში კი ზეთსაც იცხებდნენ. წმ. ნინოს მცხეთაში დამკვიდრების ამბის გადმოცემისას ლეონტი მროველი წერს: "დაჰბანნა ხელნი და სცხო ზეთი, მოართუა პური და ღვინო". ჰიგიენის ამ დეტალს ახსენებს XVII საუკუნის მოღვაწე ლამბერტი, რომელიც მეგრელთა პურობაზე საუბრისას დასძენს: "პურის საჭმელად როცა დასხდებიან, ხელს იბანენ, ამისათვის მოსამსახურე ტაშტით და ხელადით ცქვიტად ჩამოუვლის ყველას (უფროსიდან დაიწყებს, რასაკვირველია) და მიართმევს ხელის დასაბან წყალს. ამ მოსამსახურეს მოსდევს მეორე და მოაქვს ერთი ხელსახოცი მხოლოდ პირველი სამი თუ ოთხი კაცისათვის, რომელნიც თავში სხედან; დანარჩენებმა კი თავიანთი ცხვირსახოცით უნდა შეიმშრალონ ხელები. ამავე ცხვირსახოცით ხელებს იწმენდნენ პურის ჭამის დროს".

ტრაპეზის დაწყებამდე აუცილებლად უნდა ელოცათ. ეს არა მხოლოდ შუა საუკუნეებში იყო მიღებული, არამედ XVIII-XIX საუკუნეებშიც ჩვეულებრივ წესად ითვლებოდა. პლატონ იოსელიანი გიორგი XII-ზე წერს, რომ "უკურთხებელი სუფრისა, არა მიმრთმევი არც სადილსა, არცა ვახშმისა". სხვა ადგილას მეფის ბიოგრაფი საგანგებოდ წერს, რომ "სადილი მისი არ იქნებოდა თვინიერ მღვდლისა, რომელიც მარადის მამაო ჩვენისა თქმითა, აკურთხევდა დაგებულსა სუფრასა"

/საქართველოს ისტორიის პალიტრა, "ქართული გასტრონომიის ისტორია", გვ.204/

პოსტის ავტორი: marine თარიღი: Mar 23 2023, 08:15 PM

"კულტურა - ეს კარგია, მაგრამ მან რომ სიკეთე მოიტანოს, საჭიროა, თვით ადამიანის სული გახდეს კულტურული"

/ღირსი პაისი ათონელი/