ქორწინება საეკლესიო სამართალში, ტრადიცია, კანონიკა და ნორმა. პარამეტრები

[marine]

"კითხვა: ეკლესიურად გაუმართლებელი ხომ არ არის ისეთი წყვილის დაქორწინება, რომელთა შორის ასაკობრივი სხვაობაც მნიშვნელოვნად დიდია?

პასუხი: ეკლესია ამგვარ შეზღუდვას არ აწესებს, მთავარია, წყვილს ჰქონდეს გააზრებული, რას ნიშნავს ქრისტიანული ოჯახი და როგორ უნდა გაზარდონ მათ ღვთისმოსავი და კარგი შვილები. თუმცა სასურველია, ქალი მამაკაცზე 4 წელზე მეტით უფროსი არ იყოს."


"კითხვა: რამდენად მძიმე ცოდვაა წყვილს შორის ინტიმური კავშირი ჯვრისწერამდე?

პასუხი: ქორწინებამდე, ანუ ჯვრისწერამდე ინტიმური კავშირი მძიმე ცოდვაა, რადგან ეს კავშირი იკურთხება ჯვრისწერის საიდუმლოს მესამე ნაწილის ჩატარებისას – გვირგვინის გახსნის შემდეგ ცოლ-ქმარს ეძლევა სარეცლის გაზიარების უფლება. ჯვრისწერის გარეშე ინტიმური კავშირის დამყარება ადამიანებს მრუშობის ცოდვაში აგდებს."

[marine]

"ქორწილი სიხარულის ჟამია"

[marine]

"ქალ-ვაჟი, რომლებიც შეუღლებას აპირებენ, უნდა იცოდნენ, რომ ერთმანეთზე ძვირფასი არავინ ჰყავთ"

/მამა ადამი (ახალაძე)/

[marine]

"ზოგჯერ გესმის, როგორ ამბობენ, მეორე ნახევრმა უკეთეს ადამიანად მაქციაო, მაგრამ არ გჯერა, სანამ თავად არ გამოცდი"

/ელიფ შაფაქი/

[marine]

"ცოლის მომყვანი საუკეთესო ქონებას იძენს - შესაფერის დამხმარეს და შვების საყრდენს"

/სიბრძნე ზირაქისა/

[marine]

"ქორწინება, რომელშიც ბავშვები არასასურველია, ეგოიზმზე, ვნებებზე და მაშასადამე, სიყვარულის მდაბალ სახეზეა დამყარებული"

/ილია მეორე/

[marine]

"არც მამაკაცს და, მით უმეტეს, არც ქალს არა აქვს ქორწინებაში ერთმანეთზე აბსოლუტური ძალაუფლება. ერთის ნების მეორეზე ზეწოლას, თუნდაც სიყვარულის სახელით, მივყავართ სიყვარულის სიკვდილამდე. და აი, ჩნდება კითხვა: უნდა დავემორჩილო ასეთი ძალადობის ზეწოლას, როცა არის საშიშროება ყველაფერ ძვირფასის განადგურებისა? უბედურ ქორწინებათა უსასრულო რაოდენობა სწორედ იმითაა გამოწვეული, რომ თითოეული მხარე თვლის თავს იმის მესაკუთრედ, ვინც უყვარს. თითქმის ყველა სირთულე ქორწინებისა აქედან მოდის. ქორწინების უდიდესი სიბრძნეა, მისცე თავისუფლება მას, ვინც გიყვარს. ჩვენი მიწიერი ქორწინება ზეციურის მსგავსია, იქ კი სრული თავისუფლებაა."

/მღვდელი ალექსანდრე ელჩანინოვი/

[marine]

"ერთმანეთის მეზობლად იდგა ორი სახლი. ერთიდან მუდამ ცოლ-ქმრის ხმაური, ყვირილი და ჩხუბის ხმა გამოდის, მეორეში კი მუდამ სიწყნარე და სიმშვიდეა.
ერთ დღესაც ისევ ჩხუბობენ ცოლ-ქმარი, ლანძღავენ ერთმანეთს, ყვირიან. ცოლი ბოლოს ეუბნება ქმარს: "შენ ოდესმე გაგიგია მეზობელი სახლიდან ყვირილის და ჩხუბის ხმა? მუდამ სიჩუმეა. წადი მათთან და გაიგე როგორ ახერხებენ ასე ცხოვრებას".
ქმარი მიდის მეზობელ სახლთან, მიიპარება ფანჯარასთან და ჩუმად უთვალთვალებს რა ხდება შიგნით. სახლში სიჩუმეა, ყველა აკეთებს თავის საქმეს, ცოლი სამზარეულოშია, ჭურჭელს რეცხავს და ღიღინებს. ქმარი მაგიდასთან ზის და რაღაცას წერს. უცებ ტელეფონზე ზარის ხმაა. ქმარი წამოხტება და ტელეფონისკენ მიდის, სიჩქარეში დერეფანში მაგიდაზე მდგარ ლარნაკს გაკრავს ხელს, ლარნაკი ვარდება და იმსხვრევა. სამზარეულოდან გამორბის ცოლი. ქმარი იწყებს ნამსხვრევების აკრეფას და თან ეუბნება ცოლს:
- მაპატიე, ჩემი ბრალია, ვჩქარობდი და ამიტომ დავეჯახე.
- არა, ჩემი ბრალია, მე დავდე მაგიდის კიდეზე და ამიტომ დაეჯახე. - პასუხობს ცოლი. აკოცებენ ერთმანეთს, ეხუტებიან და ორივე იწყებს ნამსხვრევების შეგროვებას. ცოტახანში ორივე უბრუნდება საკუთარ საქმეს და სახლში კვლავ სიმშვიდეა.
მეზობელი სახლიდან ჩუმად მოთვალთვალე ქმარი ბრუნდება სახლში და ცოლი ეკითხება:
- აბა, რა ქენი, გაიგე მათ სახლში სიმშვიდის მიზეზი?
- კი, გავიგე. მათთან როცა რამე ხდება, ორივე დამნაშავეა, ჩვენთან კი ორივე მართალი.
.................
P.S. ბოდიშს ყოველთვის დამნაშავე კი არ იხდის, არამედ ის ვინც ურთიერთობას უფრთხილდება ."

[marine]

"ჩემი ქალიშვილის სიცოცხლე იხსნა მეხანძრემ - ალმოდებული შენობიდან გამოიყვანა. ამ დროს მან დაიზიანა ფეხი. ექიმებმა თქვეს, ვეღარასოდეს გაივლის გამართულადო. გუშინ კი მან გვერდზე გადასდო ხელჯოხი და კოჭლობით წაიყვანა ჩემი ქალიშვილი საკურთხევლისაკენ. უკეთეს სასიძოს ვერც წარმოვიდგენდი!"

[marine]

"- როდის არის ცოდვა საეკლესიო ქორწინება?

- საეკლესიო ქორწინება კურთხეულია, მაგრამ ჯვარდაწერილებიც დაიტანჯებიან, თუკი თავშეუკავებლად იცხოვრებენ"

/წმ. მეთოდი პეშნოშელი/

[marine]

"ქორწინებას ჩვენ ვცნობთ მხოლოდ ეკლესიურს. სამოქალაქო ჩანაწერი აუცილებელია, მაგრამ ეკლესიურად საკმარისი არ არის"

/მამა ვალენტინი (მორდასოვი)/

[marine]

"ჩვენი ქორწილის 50 წლის იუბილეზე მეუღლემ მიჩვენა ძველი კონვერტი, რომელშიც მე-7 კლასში დაწერილი სიყვარულის ბარათი იყო"

[marine]

„ქმარი და ცოლი ხელსა და თვალს უნდა ჰგავდეს. როცა ხელს სტკივა, თვალი უნდა ტიროდეს და როცა თვალი ტირის, ხელი ცრემლს უნდა წმენდდეს.“

წმინდა იოანე ოქროპირი

[marine]

"მე-19 საუკუნის 90-იან წლებში დეტროიტის ელექტრო კომპანიაში, ახალგაზრდა მექანიკოსი დღეში 10 საათს მუშაობდა, კვირაში სულ რაღაც 11 დოლარს უხდიდნენ. სახლში მისვლისას კი თითქმის მთელ ღამეს ახალი ძრავის გამოგონებაზე ათევდა.
მამამისი ამბობდა რომ ის ტყუილად კარგავდა დროს. მეზობლები
გიჟს ეძახდნენ. არავის არ სჯეროდა რომ მას რამე გამოუვიდოდა, გარდა მისი ცოლისა...
ცოლი მეუღლეს ღამღამობით ბეღელში მუშაობაში ეხმარებოდა,
საათობით ედგა თავზე ლამფით ხელში და დაღლილობისგან და სიცივისგან ხელები ულურჯდებოდა. მაგრამ მას ძალიან სჯეროდა ქმრის!!!
გავიდა წლები და ბეღელიდან ხმაური გაისმა, მეზობლებმა დაინახეს, რომ გზაზე ურიკაში იჯდა გიჟი ცოლთან ერთად და ურიკა
გზაზე თავისით, ცხენის გარეშე მიდიოდა. ეს უცნაური ადამიანი ჰენრი ფორდი იყო.
ერთერთმა ჟურნალისტმა ინტერვიუს დროს ფორდს ჰკითხა
"ვინ იქნებოდით შემდეგ ცხოვრებაში?"
ჰენრი ფორდმა უპასუხა :
"სულერთია, მთავარია ჩემს გვერდით ჩემი ცოლი იყოს"

[marine]

"მე ჯვარი დამიწერია 45 წლის ქალსა და 22 წლის ვაჟისთვის, როცა მათ ხუცესმა ნიკოლოზმა მისცა კურთხევა. შედგა შესანიშნავი წყვილი - ვაჟი ხატმწერია, ქალი კი - თითქოს განორჩდა.

უფლის ხელდასხმით სულ სხვადასხვა წყვილები დგება.

უფრო მეტი გულწრფელობა და ღმერთზე მინდობა გმართებთ - მოთმინებით დაელოდეთ"

/მღვდელი ალექსი/

[marine]

"არცერთი ადამიანური ურთიერთობა არ არის ისეთი მნიშვნელოვანი, როგორიც ქორწინება, ცოლქმრული კავშირი. ეს კავშირი უძველესია, რომელსაც დასაბამი ადამიანთა მოდგმის შექმნისთანავე აქვს და დაფუძნებულია რჯულზე, რომელიც ღმერთმა დაადგინა. ცალ-ცალკე ქალი და კაცი არ არიან ისინი, რაც უნდა იყვნენ თავიანთი არსის თანახმად, და მხოლოდ მაშინ იწყებენ სისხლსავსე ცხოვრებას, როდესაც ქორწინებით ერთხორც და ერთსულ ხდებიან".

/წმ. იოანე ოქროპირი/

[marine]

" - და იყვნენ ორნივე იგი ერთ ხორც, ვითარმედ არღარა არიან ორ, არამედ ერთ ხორც.

ნეტარი თეოფილაქტე ბულგარელი:

"დასაბამიდან ასე არ ყოფილა: "კაცად და ქალად შექმნა ისინი ღმერთმა". ღმერთი ორ პირს აერთიანებს ცოლქმრული კავშირით, ისე რომ, ისინი ერთნი არიან, ტოვებენ რა თავიანთ მშობლებსაც კი. დააკვირდი, რას ამბობს უფალი: იგი არ იძლევა მრავალჯერ ქორწინების უფლებას ისე, რომ ერთი ცოლის გაშვება შეიძლებოდეს და მეორის შერთვა, ხოლო შემდეგ ისევ დატოვოს ერთი და სხვა შეირთოს. ეს რომ ღმერთს ნდომოდა, იგი ქმარს ერთს შექმნიდა, ხოლო ცოლს - მრავალს; მაგრამ ასე არ მოხდა, არამედ "შექმნა ღმერთმა მამაკაცი და დედაკაცი", რათა ქმარი ერთ ცოლს შეერთოს".

[marine]

"ქორწინება და შვილიერება ღვთით დადგენილი მისტერიაა"

[marine]

"ცოლი მხოლოდ იმიტომ უნდა მოიყვანო, რომ ცოდვას გაექცე, რომ თავიდან აირიდო ყოველგვარი მრუშობა. იმისთვის უნდა დაქორწინდე, რომ პატიოსნად და შეუბღალავად იცხოვრო, ეს კი იმ შემთხვევაში მოხდება, თუ საცოლე კდემამოსილი და თავმდაბალი გამოდგება"

/წმ. იოანე ოქროპირი/

[marine]

"ყველაფერს თავი დაანებე და საცოლეში მხოლოდ კეთილი სული ეძებე, რათა მასში სიყვარული პოვო. საცოლეში ეძებე: სიმდაბლე, კეთილმსახურება და ღვთისმოსაობა; ეს ყველა საგანძურზე უკეთესი იქნება"

/წმ. იოანე ოქროპირი/