აფხაზეთი და ოსეთი ომის შემდეგ პარამეტრები

[Freethought]

ამ ტოპიკში დაწერეთ როგორ წარმოგიდგენიათ თვითგამოცხადებული რესპუბლიკების პრობლემის გადაჭრა ამ ომის შემდეგ. ჩემი აზრით მოვიდა იმის დრო რომ რეალობას თვალებში შევხედოთ და აფხაზეთის და ოსეთის დამოუკიდებლობა ვაღიაროთ. სხვა გამოსავალი ისედაც არა გვაქვს, შემდეგი მიზეზების გამო:

1) მშვიდობიან მოლაპარაკებებზე არც მოსკოვი და არც სეპარატისტები არ მოდიან, სამხედრო ძალით კი რუსეთს ვერასდროს ვერ დავამარცხებთ. კიდევ რა საშუალება დარჩა ე.წ. ტერიტორიული მთლიანობის აღსადგენად?

2) ომი დამთავრდა საქართველოს დამარცხებით და კოდორის და ლიახვის ხეობების დათმობით, რის შედეგადაც აფხაზებს და ოსებს მომავლისთვის საქართველოს მხრიდან ყოველგვარი სამხედრო საფრთხე მოეხსნათ.

3)რუსეთის ჯარი რჩება აფხაზეთის და ცხინვალის ტერიტორიებზე.

4) იქაური მოსახლეობის უმრავლესობას რუსული პასპორტები აქვს, რაც რუსეთს აფხაზეთის და ოსეთის ანექსიის იურიდიულ საფუძველს აძლევს.

5) საქართველოს ნატოში შესვლა გამორიცხულია მოუგვარებელი კონფლიქტების და რუსეთთან ომის მუდმივი საშიშროების ფონზე. თუ სეპარატისტული რესპუბლიკების დამოუკიდებლობას ვაღიარებთ, ნატოში შესასვლელად მწვანე შუქი გვექნება.

6) დასავლეთის ქვეყნების მიერ კოსოვოს ცალმხრივი აღიარების შემდეგ, რუსეთს და მის სატელიტებს (ბელარუსი, სომხეთი, ჩრდილო კორეა, ვენესუელა და ა.შ.) შეუძლიათ აღიარონ აფხაზეთის და ოსეთის დამოუკიდებლობა. ამას არ აკეთებენ ჯერჯერობით იმიტომ, რომ საქართველოზე ზეწოლის ბერკეტის შენარჩუნება უნდათ. დაკარგულ ტერიტორიებზე "ჩამოკიდებით" ისევ რუსეთის მძევლობაში ვიგდებთ თავს.