 რეალურ შოუს ეკლესია ნეგატიურად აფასებს |
სტუმარს სალამი ( შესვლა | დარეგისტრირება )
| ზებედე |
 Dec 4 2006, 05:32 AM
პოსტი
#1
|
 ზეციკეთი  ჯგუფი: Members პოსტები: 4,332 რეგისტრ.: 27-July 06 წევრი № 19  |
რეალურ შოუს ეკლესია ნეგატიურად აფასებს საქართველოს მოსახლეობას საკმაო ნაწილი დიდი ხანია შეშფოთებას გამოთქვამს ქართულ ტელესივრცეში ისეთი გადაცემის გასვლის გამო, როგორიცაა „ჯეობარი“ (ტელეკომპანია „რუსთავი 2“). ბუნებრივია, შეშფოთებულია ეკლესიაც. ამასთან დაკავშირებით საპატრიარქოს პოზიციას გაგვაცნობს საპატრიარქოს პრესსამსახურის უფროსის მოადგილე ზურაბ ცხოვრებაძე: - ბატონო ზურაბ, როგორია საპატრიარქოს დამოკიდებულება პროექტ „ჯერობარისადმი“? - ჯერ კიდევ პროექტ „ამტანის“ დაწყებისთანავე გამოჩნდა მანკიერი მხარეები, რაც დამახასიათებელია ამგვარი გადაცემებისთვის. „რუსთავი 2“-ზეც გადის პროექტი „ჯეობარი“. რა შთაბეჭდილებები უჩნდება ქრისტიანს, თუკი თვალს შეავლებს ამ გადაცემას? პირველი ის, რომ ადამიანს პრივატული, კერძო ცხოვრება საზოგადოების სამსჯავროზე გამოაქვს. ანუ მისი ცხოვრების ყოველი წუთი, მომენტი კამერის ქვეშ ექცევა და ეს შემდეგ საზოგადოებრივი ინტერესის საგანი ხდება. უმეტეს შემთხვევაში, პროექტში მონაწილე ადამიანების მანერა, მეტყველება, ქცევა მაინცდამაინც დახვეწილ შთაბეჭდილებას ვერ ტოვებს, მეტიც, ზოგჯერ, პირდაპირ შეიძლება ითქვას, რომ მიუღებელია. არადა, ამას ყოველდღიურად ძირითადად მოზარდები უყურებენ. - ეს პროექტი ფინანსურად ძალიან წარმატებულია, ე.ი. ის, რაც ფინანსურად წარმატებულია, შეიძლება ითქვას, სულისთვის საზიანოა? - გადაცემა დიდ აუდიტორიას იკრებს. ახალგაზრდები უყურებენ შეუფერებელ ქცევას, ლაპარაკს, მოქმედებას. დააკვირდით, რა გაღარიბებული ლექსიკითა და ჟარგონით საუბრობენ პროექტის მონაწილენი. ხშირად გოგონებსა და ბიჭებს შორის ურთიერთობები არ შეეფერება ქალსა და მამაკაცს შორის ურთიერთობას. აქ ყოველგვარი ზღვარია დაკარგული, ხშირია კონფლიქტური სიტუაციები. მამაკაცის მიმართ ქალს უფრო მეტი მოწიწება, მამაკაცს კი მეტი თავდაჭერა და სულგრძელება მართებს. თუმცა დღევანდელ ეპოქაში ყველანაირად ცდილობენ, ამგვარი დამოკიდებულებები გაქრეს. პროექტში ისეთი ატმოსფერო იქმნება, თითქოს ეს ადამიანები ჩაკეტილ სივრცეში მოთავსებული საცდელი ობიექტები არიან, რომლებიც გადარჩენისთვის იბრძვიან. აქ მიდის დაუნდობელი ბრძოლა პირველობისთვის. რაც დრო გადის, ამ ბრძოლაში ახალგაზრდები უფრო მიუღებელ ხერხებს იყენებენ. ჩვენი ოპონენტები ამბობენ, რომ ეს პროექტი არის თამაში, მაგრამ ეს ასე არ არის, რადგან აქ დიდ ფულზეა ლაპარაკი. ამ პროექტის ერთ-ერთი მიზანი ისაა, საზოგადოების ცნობიერებაში ჩამოყალიბდეს სტერეოტიპი, რომ ცხოვრებაც მგლური კანონებით იმართება, ადამიანი უნდა იბრძოდეს პირველობისთვის და დაუნდობლად უსწორდებოდეს მოწინააღმდეგეს. ხშირად გაგვიგია პროექტის მონაწილეთაგან, ჩემი ძმაკაციც რომ იყოს, აქ არ დავინდობო, ამ აზრს წამყვანებიც აწვდიან და ხშირად უმეორებენ მათ. მოთამაშეები კი თავს იწონებენ, რომ თვითონაც ამ ცნობიერებისა გახლავან. ამ პროექტში უხამსობის სცენებიც გვახსოვს: მიიყვანეს მეძავი და პირდაპირ ეთერში აჩვენეს თამაშის ერთ-ერთ მონაწილე ბიჭთან მისი ურთიერთობა. ეთერში თქვეს, რომ იგი უცხოეთიდან ჩამოსული სტუმარი იყო, სინამდვილეში კი თბილისელი „შესაბამისი პროფესიის“ მქონე გოგონა აღმოჩნდა. - ახალ პროექტში ცოლ-ქმარი მონაწილეობს... - ეს ყველაფერი იქითკენ მიდის, რომ ადამიანური ცხოვრების რაც შეიძლება მეტი დაფარული მხარე გამომზეურდეს. ალბათ, მალე სექსუალურ ურთიერთობებსაც აჩვენებენ. სხვათა შორის, ეს პროექტი უცხოეთიდან არის გადმოღებული, მაგრამ პროვინციულ წაბაძვას და მდარე იმიტაციას წარმოადგენს. მიმდინარეობს ახალგაზრდების ტვინის გამორეცხვა, ახალი, დროებითი ფასეულობების ჩანაცვლება, ამ გაურკვეველი შოუს მონაწილე მისაბაძი მაგალითი ხდება ბევრი ახალგაზრდისთვის. ის მისთვის ახალი, დროებითი კერპია. აქ ძალიან მზაკვრული გეგმაა ჩადებული: ახალგაზრდობას თვალსაწიერიდან, გონებიდან აცლიან ჭეშმარიტ გმირებს და მის ადგილზე ფსევდო-გმირები ჩნდებიან. მათი მეტყველება, საქციელი, ჩაცმულობა ხდება მისაბაძი ახალგაზრდისთვის და არა ჩვენი გმირები, სამშობლოსა და ეკლესიისთვის თავდადებული ადამიანები. გადაცემა მუდმივად კონფლიქტზეა აგებული. ცდილობენ, ყოველთვის კონფლიქტები აჩვენონ: გოგონა რომ უტლიკინებს ენას ბიჭს, ბიჭი კი შეურაცხყოფას აყენებს მას, მაყურებლისთვის მოწოდებული ქვეტექსტი კი ისაა, რომ ეს ჩვეულებრივი ცხოვრებაა. - საეკლესიო სიწმინდეების გამოჩენას ახალგაზრდების ოთახებში რით ახსნით? - სიწმინდეების ადგილი იქ არ არის, თუ თამაშის მონაწილენი ხატებთან სიგარეტს მოსწევენ, თავისუფლად მოიქცევიან, შთაბეჭდილება რჩება, რომ ამ ორი რამის ერთმანეთთან შეთავსება შეიძლება. მახსოვს, პირველი ეროტიკული ქართული ფილმის პრეზენტაციის შესახებ კინოს სახლში (ბზობა დღეს დაამთხვიეს), ერთმა კინომცოდნემ სიამაყით დაწერა, რომ ადმაიანებს ხელში ბზა ეჭირათ და აი, ეს არის სწორედ კარგი, რომ ამ ორი რამის შეთავსება შეიძლებაო. ე.ი. ადამიანი ეკლესიაში გამოივლის, ბზას იყიდის და მერე ეროტიკულ ფილმს ნახავს. და, თითქოსდა, ეს არის ცხოვრება, მთელი თავისი მრავალფეროვნებით. - აპირებს თუ არა საპატრიარქო ამ პროექტის მიმართ თავისი პოზიციის გამოხატვას? - „ჯეობარის“ წინა პროექტის დროს ეკლესიის ოფიციალური პოზიცია გამოითქვა. ეკლესიის ოფიციალურმა წარმომადგენლებმა მას ნეგატიური შეფასება მისცეს. ჩვენი ეკლესია მუდმივად საუბრობს ამ თემაზე. მღვდლები ქადაგებენ ტაძრებში, ჩვენს გაზეთებში იბეჭდება ამაზე მასალები, რადიოში ამაზე ვსაუბრობთ. ეს სულის გამომფიტავი გადაცემებია და ძალიან გვაწუხებს იმ ახალგაზრდების ბედი, ვინც ამ ღირებულებებზე გაიზრდება. ასეთ „რეალურ შოუებზე“ აღზრდილ ადამიანებს არ შეაწუხებთ, საქართველოს აფხაზეთი დაუბრუნდება თუ არა. გვეყოლება თუ არა ჯანსაღი საზოგადოება და ა.შ. ეკლესიური ცხოვრება, კარგი პოეზია, ლიტერატურა, კინო - აყალიბებს ქვეყნისთვის გამოსადეგ ადამიანს. ხოლო რაც „ჯეობარში“ ხდება, ესაა სოციალური დარვინიზმი. დარვინის გადარჩევის თეორიის თანახმად, გადარჩება ის, ვინც ძლიერია. თუკი ეს ასეა, მაშინ სადღა რჩება ადგილი ქრისტიანული მორალისთვის? რას გვასწავლის სახარება, რას გვასწავლის მამათა ცხოვრებები? როგორ უნდა გავუმართოთ ხელი უძლურს, გაჭირვებულს, მოყვასს? ჯერ კამერის გარეშეც არ შეიძლება ცოდვის ჩადენა და კამერის წინ ხომ მთელ ქვეყანას შენი ცოდვის თანაზიარს ხდი. ის, რაც ცოტა ხნის წინ სამარცხვინო იყო, ახლა ჩვეულებრივი, მისაღები ხდება. და ამგვარად დეგრადირდება საზოგადოებრივი ცნობიერება. P.S. ინტერვიუს ჟურნალ „რეიტინგში“ დაბეჭდვის შემდეგ „ჯეობარში“ მაცხოვრის მიწიერი ცხოვრების შესახებ სპექტაკლის დადგმის გეგმებსაც ადგენდნენ, რომელშიც თავად ჯეობარელებს უნდა ეთამაშათ (საბოლოოდ დაიდგა თუ არა სპექტაკლი, ჩვენთვის უცნობია). როგორც ჟურნალ-გაზეთები გვატყობინებებ, ტელემაყურებლები „ჯეობარის“ ცქერისას ინტიმური სცენების მოწმენიც ხდებიან. იყო შემთხვევა, როდესაც აბაზანიდან გამოსული გოგონა ტელემაყურებლის წინაშე აბსოლუტურად შიშველი წარდგა. ასე რომ, გადაცემის ორგანიზატორების ტაქტიკა გასაგებია - უხამსობის „დოზების“ გაზრდით საზოგადოება, თანდათან, შეაჩვიონ მიუღებელს... გადაწიონ ზღვარი დასაშვებისა. ახალგაზრდობის გარყვნას მშობლების თვალწინ ცდილობენ. გაზეთი „საპატრიარქოს უწყებანი“, № 43, 2006 წ. ვისაუბროთ ამ თემის შესახებ... -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
   |
 
|
  |
გამოხმაურებები(40 - 59)
| ზებედე |
May 4 2007, 12:43 PM
პოსტი
#41
|
|
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19 |
ციტატა(ეგრი @ May 4 2007, 08:42 AM)  გადართეთ! რომელ არხზე?  -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
|
|
|
| მარიტა |
May 4 2007, 06:13 PM
პოსტი
#42
|
 Advanced Member ჯგუფი: Members პოსტები: 1,738 რეგისტრ.: 19-March 07 წევრი № 1,428 |
მე უყურებდი თითქმის ყველა ჯეობარს შევყევი და მერე უყურე ბოლომდე მიუხედავად იმისა რომ არ მომწონდა ის ხალხი.დასსაც შევავლებ ხოლმე თვალს მარა კომპის გამო ყოველდღე არ უყურებ მავიწყდება
-------------------- უფალო იესო ქრისტე,ძეო ღმრთისაო,შემიწყალე მე ცოდვილი
"ღმერთს უყვარვართ უფრო მეტად,ვიდრე მამას,დედას,მეგობრებს ან სხვა ვინმეს ძალუძს.მეტიც,მას ჩვენ მეტად უყვარვართ ვიდრე საკუთარი თავი გვიყვარს.." პროტოპრესვიტერი მიქაელ პომაზანსკი |
|
|
|
| Floyd |
May 4 2007, 07:00 PM
პოსტი
#43
|
 ზურაბი ჯგუფი: Members პოსტები: 3,316 რეგისტრ.: 4-February 07 მდებარ.: პროვინცია-”გლდანი” :D წევრი № 1,001 |
რა არ მითხრათ ლამაზი გოგოს ნახვა არ გვსიამოვნებსო (ბიჭებმა)
 ბევრი იძახდა არ ვუყურებო მარა თითქმის ყველა უყურებდა  -------------------- And the times , they are all changin' ...
|
|
|
|
| MELOMAN |
May 6 2007, 11:27 PM
პოსტი
#44
|
|
Newbie ჯგუფი: Members პოსტები: 10 რეგისტრ.: 1-May 07 წევრი № 1,810 |
ჩემის აზრით,ტელევიზია ასახავს იმას რასაც საზოგადოება უკვეთავს,სამწუხაროდ
 რა ჩვენს ყოველდღიურ ცხოვრებაში უარესები არ ხდება?აი ეს არის ჩვენი ევროპული მენტალიტეტი..აუტანელია ეს ყოველივე |
|
|
|
| kato_Bato |
May 10 2007, 11:43 PM
პოსტი
#45
|
 Я тучка, тучка, тучка. Я вовсе не медведь.. ჯგუფი: Senators პოსტები: 15,479 რეგისტრ.: 4-November 06 მდებარ.: Not shureLand.... წევრი № 389 |
swat
makuna7474 mnate მხევალი ნინო ალესანდრე (იძულებით, აგიხსნათ რაზე იკრიჭებოდით )თავი შეიკავეთ ოფტოპიკებისგან, ძალიან ძნელია? -------------------- მელია დადუმდა და პატარა უფლისწულს მიაჩერდა.
- მომიშინაურე!.. - შეევედრა იგი უფლისწულს.... - როგორ უნდა მოგიშინაურო? - ჰკითხა პატარა უფლისწულმა. - ამისთვის დიდი მოთმინებაა საჭირო, - მიუგო მელიამ. - ჯერ შორიახლოს დაჯდები მოლზე. აი ასე. მე მალულად დაგიწყებ ცქერას. შენ კი ხმა არ უნდა ამოიღო. საუბარი ხშირად გაუგებრობის მიზეზია. მერე ყოველდღე უფრო და უფრო მომიახლოვდები... |
|
|
|
| OPERATOR |
May 10 2007, 11:54 PM
პოსტი
#46
|
 Member ჯგუფი: Members პოსტები: 208 რეგისტრ.: 2-May 07 წევრი № 1,823 |
ulvashi
utkmeladac ar aklia reklama,xalxs mxolod esmis televiziit damaintrigebeli reklamebi xsenebuli shouebis , ekcevian zemokmedebis kvesh. sheizleb shinagani cinaagmdegoba ikos magram zegavlenis kvesh arian, xoda ikneb sacinaagmdegos tkma sasargeblo ikos mattvis vinc ver acnobierebs uarkofit zegavlenas |
|
|
|
| ალექსანდრე |
May 11 2007, 12:17 AM
პოსტი
#47
|
 Advanced Member ჯგუფი: Moderator პოსტები: 6,232 რეგისტრ.: 24-July 06 მდებარ.: თბილისი წევრი № 7 |
ციტატა(kato_Bato @ May 10 2007, 07:43 PM) swat makuna7474 mnate მხევალი ნინო ალესანდრე (იძულებით, აგიხსნათ რაზე იკრიჭებოდით )თავი შეიკავეთ ოფტოპიკებისგან, ძალიან ძნელია?  -------------------- ჩვენისა ცხორებისათვის ჯვარცმული იესუ, ჩვეულებისაებრ ტკბილად გეტყოდა, ნუ მტირ მე, დედაო საყვარელო, გარნა შენ გოდებით ხმობდი, მეცა შენთანა მოვკუდები, ძეო ჩემო საყვარელო. ვითარცა ლეღვსა მას უნაყოფოსა, ნუ მომკვეთ მე მაცხოვარ ცოდვილსა ამას, არამედ მერმეცა მრვალ-ჟამ შენდობაი მომმადლე და მორწყე სული ჩემი, ცრემლითა სინანულისათა, რათა ნაყოფი მოგართვა შენ მოწყალებისა |
|
|
|
| maZiebeli |
May 16 2007, 10:46 PM
პოსტი
#48
|
 დავითი ჯგუფი: Members პოსტები: 1,094 რეგისტრ.: 16-August 06 მდებარ.: თქვენთან წევრი № 67 |
რასაც ახლა რეალურ შოუს ვხედავთ, არა მგონია ვინმემ ამ ფორუმზე დადებითად შევაფასოთ, მაგრამ ძალიან მაინტერესებს ერთ საკითხზე თქვენი აზრი - რეალური შოუს ფორმატი რომ ჰქონდეს გადაცემას და თან რაღაც ღირებული ჩაიდოს მასში, თუ მიგაჩნიათ შესაძლებლად?
-------------------- "...ეძიებდით და ჰპოოთ..." - მათე 7,7.
"...ეძიებდით პირველად სასუფეველსა ღმრთისასა და სიმართლესა მისსა..." - მათე 6,33. "აჰა ეგერა სასუფეველი ღმრთისაჲ შორის თქუენსა არს" - ლუკა 17,21. |
|
|
|
| ქევანა |
May 16 2007, 11:47 PM
პოსტი
#49
|
 მთვლემარე დრაკონი ჯგუფი: Members პოსტები: 7,454 რეგისტრ.: 11-February 07 მდებარ.: Shire, Hobbitland, Middle-earth წევრი № 1,055 |
ციტატა რეალური შოუს ფორმატი რომ ჰქონდეს გადაცემას და თან რაღაც ღირებული ჩაიდოს მასში, თუ მიგაჩნიათ შესაძლებლად? არ გამოვა, არ ჩაჯდება.... -------------------- “I'd built that bridge for you. But I didn’t know that I would be building it for you and him.” ("Dაისყ")
"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini *** ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : ) *** Спасение утопающего – дело рук самого утопающего... *** ამინდის შემქმნელი |
|
|
|
| თათი87 |
May 17 2007, 04:15 PM
პოსტი
#50
|
 თამარი ჯგუფი: Members პოსტები: 4,290 რეგისტრ.: 13-January 07 მდებარ.: sul axlos წევრი № 852 |
ციტატა რეალური შოუს ფორმატი რომ ჰქონდეს გადაცემას ნუ რეალურ შოუს არანაირი ფორმატი არ უნდა ქონდეს თორე ის უკვე აღარ არის რეალური -------------------- - ცოდვილთა შორის უცოდვილესი მე ვარ! დე, ასე იყოს! შენში მიყვარს მე ის არსება, ვისაც განგებამ განუწესა ჩემთან მსგავსება. მაუწყე მე, უფალო, რომელი გზით ვიარო ფსალმ. 142,8 |
|
|
|
| ქავთარაძე |
May 17 2007, 04:34 PM
პოსტი
#51
|
|
დაურეგისტრირებელი |
ლეონტი
 |
|
|
|
| maZiebeli |
Jun 29 2007, 12:44 AM
პოსტი
#52
|
|
დავითი ჯგუფი: Members პოსტები: 1,094 რეგისტრ.: 16-August 06 მდებარ.: თქვენთან წევრი № 67 |
ციტატა რეალური შოუს ფორმატი რომ ჰქონდეს გადაცემას და თან რაღაც ღირებული ჩაიდოს მასში, თუ მიგაჩნიათ შესაძლებლად? ციტატა არ გამოვა, არ ჩაჯდება.... ციტატა ნუ რეალურ შოუს არანაირი ფორმატი არ უნდა ქონდეს თორე ის უკვე აღარ არის რეალური 48 საათზე რა აზრის ხართ? -------------------- "...ეძიებდით და ჰპოოთ..." - მათე 7,7.
"...ეძიებდით პირველად სასუფეველსა ღმრთისასა და სიმართლესა მისსა..." - მათე 6,33. "აჰა ეგერა სასუფეველი ღმრთისაჲ შორის თქუენსა არს" - ლუკა 17,21. |
|
|
|
| perikardi |
Jun 29 2007, 07:33 AM
პოსტი
#53
|
 Newbie ჯგუფი: Members პოსტები: 12 რეგისტრ.: 27-June 07 წევრი № 2,307 |
პირველი ჯეო-ბარის დროს ჩემმა მამაომ მთელ მრევლს(გარდა ბავშვებისა და მოზარდებისა) ასეთი კურთხევა მოგვცა: აუცილებლად უყურეთ რომ მიხვდეთ როგორ არ უნდა მოიქცეთო...
|
|
|
|
| .ნინო |
Jul 11 2007, 05:13 PM
პოსტი
#54
|
 ნინო ჯგუფი: Members პოსტები: 3,842 რეგისტრ.: 29-December 06 წევრი № 765 |
ციტატა 48 საათზე რა აზრის ხართ? მომწონს... ვწუხვარ რომ არ მაქვს მისი რეგულარულად ყურების დრო, მხოლოდ რამოდენიმე ეთერი მაქვს ნანახი... თუმცა ცოტა უფრო საინტერესოც შეიძლებოდა ყოფილიყო... ყველა "სერია" ერთმანეთს გავს... თუმცა შეიძლება სხვა რეალურ შოუებშიც ასეა? -------------------- აცხოვნე, ღმერთო, ერი შენი და აკურთხე სამკვიდრებელი შენი, ძლევა ჯვარითა ბარბაროსთა ზედა ღვთივდაცულსა ერსა შენსა მოანიჭე და ერი შენი საფარველსა ქვეშე მისსა დაიცევ, რათა ვიტყოდეთ, უფალო, დიდება შენდა.
საქართველო იქნება მთლიანი! ნებით ქართველი არ თმობს საშობლოს, განა ადვილი დასათმობია... |
|
|
|
| izi-bartki |
Aug 12 2007, 09:35 PM
პოსტი
#55
|
 შეიყვარეთ სიყვარული ჯგუფი: Members პოსტები: 3,169 რეგისტრ.: 15-June 07 მდებარ.: გაღმა ნაპირი..:) წევრი № 2,203 |
ახლა სექტმბრიდან ჯეო ბარი 4 იწყება და...წინა სამმა ხომ ააყვავა ტელესივრცე და ახლა კიდევ მეოთხეე, რაზე ხარჯავს ეს ხალხი ფულს და ენერგიას??ისევ ირბენენ ნახევრად გახდილი გოგო-ბიჭები და გაართობენ ისედაც გაშტერებულ ხლხს...თან ტურმე რაც უფრო არანორმალური ხარ მით უფრო ყვეელას მოეწონები,მაგათ რომ კითხო..
-------------------- "რომელმან სუას წყლისა მისგან რომელი მე მივცსე მას,არა სწყუროდეს უკუნისამდე"(იოან.4.14)
"ჭეშმარიტება არ იჩაგრება იმით, რომ ვიღაცა მას არ იზიარებს". შილერი. |
|
|
|
| di_onise |
Aug 12 2007, 10:11 PM
პოსტი
#56
|
|
Advanced Member ჯგუფი: Members პოსტები: 3,377 რეგისტრ.: 4-May 07 წევრი № 1,836 |
izi-bartki
ინტრი? .. გააა სკანდა? .. ლიიი ხომ გაგიგია. ეგ ამ ფორუმზე აზროვნებს ხალხი ასე, თორემ აბა სხვებს კითხე..... რა თქმა უნდა, რომ წეწვა-გლეჯვა, ნახევრად (ან მთლიანად) შიშველი გოგოები უფრო კარგი საყურებელია. ასე ხომ უკეთესად შემოუვათ ფული და რაში აინტერესებთ, თუ ერს გახრწნიან, ახალგაზრდობას სულიერად გაანადგურებენ და ზნეობას დაუკარგავენ?  |
|
|
|
| komisia |
Aug 20 2007, 03:21 AM
პოსტი
#57
|
 ბაუნტი - აქ მთავრდება რეალობა ჯგუფი: Members პოსტები: 3,265 რეგისტრ.: 18-October 06 მდებარ.: www.Alazani.ge წევრი № 287 |
ციტატა რეალურ შოუს ეკლესია ნეგატიურად აფასებს რას ლაპარაკობ....  -------------------- პოსტის სპონსორია გიორგი ბერიკელაშვილი. ოქროს სპონსორი - "ბლექ ინტერნეიშენალზი". მთელი კოლექტივი მადლობას ვუხდით მეფუტკრე მაყვალას გოგოს, წუხანდელი ღამისთვის.
თბილისი, საქართველო, დედამიწა, მზის სისტემა, ირმის ნახტომი. 2008 წელი, ქრშ-დან. © "კომისია პოსტინგ გრუპი", ყველა უფლება დაცულია. |
|
|
|
| თათი87 |
Sep 5 2007, 03:07 PM
პოსტი
#58
|
|
თამარი ჯგუფი: Members პოსტები: 4,290 რეგისტრ.: 13-January 07 მდებარ.: sul axlos წევრი № 852 |
ციტატა არანორმალური ანუ უფრო ექსტრავაგანტული და ორიგინალური ერთია ყურება და მეორე კიდე ის რომ მხარდამჭერების არმია ჩნდება უცებ. ეს ხომ მარტო ახლობლები არ არიან ათასობით ადამიანი გზავნის სმს-ებს. მგონი ეს უფრო შემაშფოთებელია. ანუ მაყურებელს აკაყოფილებს ის დონე რასაც სთავაზობენ და არ აქვთ მოთხოვნილება უკეთესს და უფრო ღირებულს დაუთმონ თავიანთი დრო და ენერგია ეს უფრო საგანგაშოა ვიდრე რამდენიმე კაცის ტინგიცი ფულის მოსაგებად პრინციპში მათ შეიძლება გამართლებაც ქონდეთ მიზნიდანგამომდინარე -------------------- - ცოდვილთა შორის უცოდვილესი მე ვარ! დე, ასე იყოს! შენში მიყვარს მე ის არსება, ვისაც განგებამ განუწესა ჩემთან მსგავსება. მაუწყე მე, უფალო, რომელი გზით ვიარო ფსალმ. 142,8 |
|
|
|
| თათარაშვილი |
Sep 5 2007, 04:12 PM
პოსტი
#59
|
 გამვლელი მემბერი ჯგუფი: Members პოსტები: 5,533 რეგისტრ.: 2-June 07 მდებარ.: ზურგიანი სკამი წევრი № 2,083 |
საით მივექანებით
|
|
|
|
| ქევანა |
Sep 5 2007, 05:18 PM
პოსტი
#60
|
|
მთვლემარე დრაკონი ჯგუფი: Members პოსტები: 7,454 რეგისტრ.: 11-February 07 მდებარ.: Shire, Hobbitland, Middle-earth წევრი № 1,055 |
ციტატა(perikardi @ Jun 29 2007, 07:33 AM) პირველი ჯეო-ბარის დროს ჩემმა მამაომ მთელ მრევლს(გარდა ბავშვებისა და მოზარდებისა) ასეთი კურთხევა მოგვცა: აუცილებლად უყურეთ რომ მიხვდეთ როგორ არ უნდა მოიქცეთო... რათქმაუნდა, ბავშვისა და მოზარდის ფსიქიკა ისედაც სუსტია, როგორ გადახარშავს და გაარჩევს რა არის ცუდი და რა კარგი?.... ის კი არა და ზოგჯერ მეც მეშლება კარგისა და ცუდის გარჩევა... ეტყობა ხომ, რომ მეც პატარა ვარ არ შეიძლება ასე მასიურად ყველაფრის ცოდნა იმ ასაკში როცა არ ესმით და ვერც გაიგებენ! არ შეიძლება! ვახ... ნუთუ ასე გაუგებარია?  არადა ისე როგორ გინდა თავი დაიცვა მოძალებული საფრთხისგან? აი ეს არ ვიცი  ... ტელევიზორი გადავაგდოთ? მთაში გავიქცეთ? ეხ... მთავრობა არა ჩვენი პატრონი, თორე ხომ უნდა იყოს გარკვეული ცენზურა ტელევიზიაში? არ ვგულისხმობ ასაკობრივ ნიშნებს ფილმებზე, უბრალოდ არ გაუშვან ყველა მავნე ფილმი თუ გადაცემა.... აი, ევროპაში თურმე სხვანაირად არის... -------------------- “I'd built that bridge for you. But I didn’t know that I would be building it for you and him.” ("Dაისყ")
"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini *** ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : ) *** Спасение утопающего – дело рук самого утопающего... *** ამინდის შემქმნელი |
|
|
|
|
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 26th May 2024 - 02:26 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge