წმინდა მამათა გამონათქვამები თავმდაბლობაზე პარამეტრები

[marine]

"იყვნენ ადამიანები, რომლებიც მხოლოდ სიმდაბლით ცხონდებოდნენ, ღვაწლის გარეშე; და სიმდაბლის გარეშე კი არავინ ცხონებულა და ვერც ცხონდება"

/სქემიღუმენი ხარიტონი (დუნაევი)/

[marine]

"სიმდაბლეს უდიდესი ძალა აქვს. სიმდაბლეს ეშმაკის ფერფლად ქცევა შეუძლია. სადაც სიმდაბლეა, ეშმაკი იქ ადგილს ვერ პოულობს"

/ღირსი პაისი ათონელი/

[marine]

"თუ სიმდაბლე გვექნება, შევძლებთ, რომ ეშმაკის ბადეები ამოვიცნოთ, იმიტომ, რომ თავმდაბალი ადამიანი განათლებულია და ღვთის მეგობარი. სიმდაბლე ეს ის თვისებაა, რომელიც ეშმაკს აუძულურებს"

/ღირსი პაისი ათონელი/

[marine]

"თუკი ადამიანს გულწრფელობა გააჩნია, იგი უბრალო და თავმდაბალია"

/ღირსი პაისი ათონელი/

[marine]

"ამგვარად, ცხადია, რომ სიმდაბლეც კი ღმერთმა უნდა მიმადლოს ადამიანს. მიუხედავად საკუთარი არარაობის შემეცნებისათვის გაწეული შრომისა, ისევ უფალმა უნდა მოგვცეს არარაობის განცდა"

/არქიმანდრიტი ეფრემ არიზონელი/

[marine]

"ამისთვის დიდად დაგეხმარება გამუდმებით თავის დამდაბლება. ყოველთვის გაკიცხე საკუთარი თავი და ნურასოდეს გაამართლებ. ნებისმიერ საკითხში და ყოველი განსაცდელის დროს შენი ძმა გაამართლე და თქვი, რომ მუდამ შენ ცდები. ამას ეწოდება სიმდაბლე"

/არქიმანდრიტი ეფრემ არიზონელი/

[marine]

"ლოცვით ადამიანს სულიერი თვალი ეხილება, აჩვენებს გულში დამალულ საკუთარ შეცდომებებსა და უძლურებას, რათა დამდაბლდეს"

[marine]

"სულ იმას ცდილობდა [არქიმანდრიტი იოსებ ბურჯანაძე], აუგი ეთქვათ მასზე, ერთხელ მითხრა - რომ მლანძღავენ, უკეთესი ჩემთვისო..."

[marine]

"ვისაც სურს შეისწავლოს სიმდაბლე, ეს საღვთო მეცნიერება, მან, ჯერ ერთი, უნდა დააწესოს საკუთარი თავი ყველაზე დაბლა, ანუ შერაცხოს იგი ყველა კაცზე უარესად და უცოდვილესად, ყველა ქმნილებაზე უსაძაგლესად, როგორც საკუთარი ბუნების საწინააღმდეგო მდგომარეობაში მყოფმა, თვით ეშმაკთათვისაც რომ გამოუსადეგარი გამხდარა, როგორც მათი ძალადობის მსხვერპლი და მათგან დამარცხებული; მეორეც, აირჩიოს ყოველთვის უკანასკნელი ადგილი პურისსაჭმელ ტრაპეზზეც და ძმათა შორის კრებულშიც, ატაროს უბრალო სამოსი, უყვარდეს შავი და მდაბალი სამუშაოები, ძმებთან შეხვედრის დროს ყველას დაასწროს დაბალი და გულწრფელი თავის დაკვრით, უყვარდეს დუმილი, არ მედიდურობდეს საუბრისას, მოერიდოს ახირებულობასა და წინააღმდგომ სიტყვას, იშრომოს, არ წარმოაჩენდეს საკუთარ თავს და არც საკუთარი სიტყვის გატანას ცდილობდეს, თუნდაც ის ეჩვენებოდეს სამართლიანად; რადგან "დამწყებთა შორის შინაგანი კაცი შეესაბამება გარეგანს", - თქვეს მამებმა. "ვინც გარეგნულად თავდაჭერილი არ არის, არ ირწმუნოთ მისი შინაგანი კეთილკრძალულებისა" - თქვა წმინდა ბასილი დიდმა"

[marine]

"იმიტომ ვიტანჯებით, რომ სიმდაბლე არ გაგვაჩნია. მდაბალ სულში სულიწმიდა მკვიდრობს და ის ანიჭებს სულს თავისუფლებას, სიმშვიდეს, სიყვარულს, ნეტარებას"

/წმ. ბერი სილუანი (ათონელი)/

[marine]

"მხოლოდ თავმდაბალი ადამიანი შეიძლება იყოს განმსჯელი, რადგან თავისი თავმდაბლობით იზიდავს სულიწმიდის მადლს და ის გულისხმაჰყოფს მას ქმედებებისას"

/ღირსი პაისი ათონელი/

[marine]

"სიმდაბლე - ესაა, როცა გრძნობ, რომ ყველაზე უვარგისი ხარ. ამაზე კი არ უნდა იფიქრო, გონებით კი არ უნდა მიხვდე, არამედ მთელი გულით უნდა გრძნობდე. სწორედ ამას ნიშნავს, თავს სიმდაბლით ჭვრეტდე"

/ახალმოწამე ვასილი ოპტინელი/

[marine]

"თავმდაბალი ადამიანი ყოველთვის შეუმჩნეველია"

[marine]

"თუკი სიმდაბლე შენს გულში გაბრწყინდება, ამქვეყნიური ცხოვრება შენთვის სამოთხედ იქცევა. როგორ აღვწეროთ ეს? შეუძლებელია. ეს გრძნობაა გულისა, თუკი ის არსებობს, იცი, რომ ეს სწორედ ისაა"

/ახალმოწამე ვასილი ოპტინელი/

[marine]

"ხედავ, რომ შენს გარშემო ყველა შენზე ღირსეულია, პატიოსანია, თავმდაბალია, სუფთაა. და გიხარია, რომ მათ არ ეზიზღები, შენ ოხერი, უბადრუკი, არ თაკილობენ შენთან ურთიერთობას, არამედ ტოლივით გელაპარაკებიან, შენთან ერთად უსხედან სუფრას, შენთან ერთად დადიან ტაძარში და არასოდეს, არც საქმით, არც სიტყვით, არც მზერით თავს უფლებას არ აძლევენ მიგანიშნონ შენს უღირსებასა და ბიწიერებაზე. მაგრამ გითმენენ თავის გვერდით, ფარავენ შენს ნაკლს, შეცდომებს, ცოდვებს, გწყალობენ და ზოგჯერ კიდეც გთხოვენ რაიმე მორჩილების შესრულებას. ამით ისინი განსაკუთრებულ პატივს გცემენ, ყურადღებას იჩენენ, მსახურის და ზოგჯერ მეგობრის ღირსებასაც კი განიჭებენ.

უფალო, ისინი მპატიობენ ჩემს პირუტყვობას და თხოვნით მომმართავენ! განა ეს არ არის სიხარული, განა ეს არ არის სამოთხე?.. მაგრამ ეს მხოლოდ ფიქრია სიმდაბლის შესახებ, თავად სიმდაბლეს კი ჩემს გულში არც გაუვლია.

ვხედავ, როგორც უნდა იყოს, მაგრამ ამის მოხვეჭა არ შემიძლია.

უფალო, მომანიჭე მორჩილება და სიმდაბლე შენი და აღავსე მათით გული ჩემი, განასრულე, რათა აღარ დარჩეს ადგილი სხვა არაფრისათვის, არამედ მხოლოდ შენი უტკბესი მორჩილებისათვის".

/ახალმოწამე ვასილი ოპტინელი/

[marine]

"შამორდინოელი მონაზვნის, სუსანას მოგონებიდან:

"...მაშინ განსაკუთრებული მოშურნეობა მქონდა ღვთის მიმართ. ყველა ახალდამწყების მსგავსად მსურდა სასწრაფოდ გამოვსწორებულიყავი და რაღაც უმაღლესისთვის მიმეღწია. და უეცრად ქადაგებისას, საერთო აღსარების წინ, მამა ვასილიმ [ოპტინელი] ბრძანა, რომ არ უნდა მოვიტყუოთ თავი და არ ვიმედოვნებდეთ, თითქოს ერთხელაც გამოვსწორდებით და მართალნი გავხდებით: "მუდმივად უნდა გვახსოვდეს, რომ გამოუსწორებელნი ვართ და თავმდაბლობით ვიფიქროთ, რომ ყველაზე უარესები ჩვენ ვართ". ერთიანად ანთებული ვიყავი გამოსწორების სურვილით, და უცებ, თურმე, "გამოუსწორებელნი" ვყოფილვართ. არ ვეთანხმებოდი მამა ვასილის ამ აზრს, ვიდრე არ მოვხვდი, რომ ის საუბრობდა თავმდაბლობაზე, როგორც ყველაფრის საფუძველზე. და ღმერთმა არ ქნას, იმის შეგრძნება გაგვიჩნდეს, რომ მართალნი ვართ - ეს ფარისევლობაა..."

[marine]

"უვნებო მდგომარეობას ადამიანი მხოლოდ სრული თავმდაბლობის მოპოვების შემდეგ აღწევს"

[marine]

"წმ. იოანე კიბისაღმწერელიც გვიმოწმებს, რომ თავმდაბლობას ცოდვათა უფსკრულიდან ზეცაში შეუძლია აიყვანოს სული.
ხოლო ამბა დოროთე ამბობს, რომ თავმდაბლობას სხვა ღვაწლთა გარეშეც შეუძლია უფლის სასუფეველში აყვანა"

/აკაკი მინდიაშვილი/

[marine]

"თავმდაბლობის გარეშე შუძლებელია ჩვენი განწმენდა ცოდვათა ჭუჭყისგან, ცოდვათა კეთრისგან, რისი დასტურიცაა წმინდანთა ცხოვრება"

/აკაკი მინდიაშვილი/

[marine]

"ჩვენ უნდა დავმიდაბლოთ თავი ღვთის ძლიერი ხელის წინაშე, რათა თავის დროზე აღგვამაღლოს მან და აღგვამაღლოს თავისი ღვთიური ჭეშმარიტებების შეცნობამდეც"

/აკაკი მინდიაშვილი/