ბედნიერება, რეცეპტები დაიდოს პარამეტრები

[marine]

"რა დაგვემართებოდა, მიწიერი ბედნიერება მუდმივი რომ ყოფილიყო, მაშინ, როცა არამდგრადსაც კი ესოდენ ვეჯაჭვებით?"

[marine]

"დედამიწაზე შესაძლებელი ბედნიერება იმ აზრით ფერმკრთალდება, რომ ან ჩვენ მივატოვებთ მას, ან ის დაგვტოვებს!"

[marine]

"არცერთ მიწიერ წყაროს არ ძალუძს წყურვილი მოუკლას ჩვენს გულს. შეკრიბეთ ყველა მიწიერი ბედნიერება და სიხარული და მიეცით იგი ერთ ადამიანს. ის მაშინაც იტყვის: "ეს ყოველივე ჩემთვის არაფერია, ვიდრე გულის სიღრმეში განვიცდი სურვილს, რომელიც ჯერ არ ამსრულებია, სიცარიელეს, რომელიც ჯერ არ ამოვსებულა!"

[marine]

"ნოეს კიდობნიდან გამოუშვებელ მტრედს, არ შეეძლო, წყლის ტალღებზე ისეთი ადგილი ეპოვა, სადაც მისი ფეხი მოისვენებდა. ასევე, სული ყველა მიწიერ საგანში ვერ ჰპოვებს ისეთს, სურვილი რომ სრულებით დაიკმაყოფილოს და აისრულოს - ამ საგნების მერყეობისა და სისუსტის გამო!"

[marine]

"უკვდავ სულს ვერ დაარწყულებ მიწიერი სიამოვნებების წყლით: ეს წყალი მხოლოდ აძლიერებს საცოდავი სულის წყურვილს!"

[marine]

"ჭეშმარიტი ბედნიერისათვის საჭიროა ის, რასაც ყველგან და ყოველთვის ჩვენთან ყოფნა შეუძლია, და რასაც ვერავინ მოკვდავთაგანი ვერც მოგვტაცებს და ვერც წაგვართმევს!"

[marine]

"მონა ოხრავს იმიტომ, რომ არა აქვს თავისუფლება, თავისუფალი დარდობს, რომ არ ჰყავს მონები; ოქროს მთებიც კი ცოტაა ხარბისა და მომხვეჭელისათვის; კვარცხლბეკი დაბალია პატივმოყვარისათვის. სასახლეებიც ვერ იტევენ ადამიანურ სურვილებს, ისევე, როგორც - ქოხები, თუმცაღა, ის შეიძლება უფრო პატარაც კი ყოფილიყო ადამიანის სხეულისათვის"

[marine]

"შინაგანი გაცნობიერება იმისა, რომ ჩვენ სინდისიერად მაინც ვასრულებთ ჩვენს მოვალეობას, უძვირფასესი ბედნიერებაა, მხოლოდ ამას უნდა ეძიებდეს ჭკვიანი ადამიანი, იგი ანიჭებს სულს მშვიდობასა და სიმშვიდეს, რასაც ვერანაირი სარგებელი და სხვა ადამიანების მიერ მოწონება ვერ შეედრება!"

[marine]

"გვახსოვდეს, რომ ჭეშმარიტი ბედნიერება სათნო ცხოვრებით ღმერთთან ერთობაა, ხოლო ნამდვილი უბედურება - მისგან განშორება"

[marine]

"ბედნიერებასა და სიცოცხლის აზრს ვხედავ ადამიანის მიმართ სიყვარულში"

/წმ. ლუკა ვოინო-იასენეცკი/

[marine]

"სადაც უფალია, იქ არის ყოველგვარი სიკეთე და ბედნიერება"

[marine]

"ამქვეყნად არავინაა ბედნიერი, მათ გარდა, ვინც ფართოდ გააღო თავისი სულიერი იერუსალიმის კარი და თავისთან მიიღო ღმერთი"

/წმ. ნიკოლოზ სერბი/

[marine]

ნუ დაუჯერებ ბედნიერებას

"როდესაც მდიდარი ხარ, იფიქრე, შეძლებ თუ არა ღირსეულად დაითმინო სიღარიბე.

როდესაც ბედნიერი ხარ, წარმოიდგინე, როგორ შეხვდები ღირსეულად უბედურებას.

როდესაც ადამიანები გაქებენ, იფიქრე, შეძლებ თუ არა ღირსეულად დაითმინო დამცირება.

და მთელი ცხოვრება იმაზე იფიქრე, ღირსეულად როგორ შეხვდე სიკვდილს"

/წმ. ნიკოლოზ სერბი/

[marine]

"როგორ ცდებიან ის ადამიანები, ვინც ბედნიერებას ეძებს გარეთ, მიწებში, მოგზაურობაში, სიმდიდრეში და დიდებაში, დიდ მონაგარში და სიმეებში, გასართობებში და პატივმოყვარულ საგნებში, რასაც მწარე დასასრული აქვს. ვინც ამგვარი ბედნიერების კოშკს აშენებს - საკუთარი გულის მიღმა - ის აშენებს მას ადგილზე, რომელსაც გამუდმებით არყევს მიწისძვრები.

ბედნიერება ჩვენს შიგნითაა და კურთხეულია ადამიანი, ვინც გააცნობიერა ეს. ბედნიერება - ეს სუფთა გულია, რამეთუ ასეთი გული ხდება უფლის საყდარი"

/წმ. მღვდელმთავარი ნექტარიოს ეგინელი/

[marine]

"აი, ასეც ხდება: ბედნიერების პოვნაში უბედურება გვეხმარება! დიდება უფალს ყველაფრისათვის!"

[marine]

"ამქვეყნიური ბედნიერების ძიება მუდამ წარუმატებელია, რამეთუ თავად ბედნიერება არაა მიწიერი"

[marine]

გამოაცხადეს, რომ ერთ ადგილას ბედნიერებას უფასოდ დაარიგებენ; რამდენსაც ზიდავთ, წაიღეთ! მავანმა დაიჯერა და ბედნიერების მისაღებად წავიდა, - კიდევ როდის მიეცემოდათ ამის საშუალება? ზოგსაც ეჭვი შეეპარა; იქნებ ეს ბედნიერება არც იყოს. სად გაგონილა, რომ ბედნიერებას არიგებდნენ და თანაც უფასოდ! ასე რომ, წასვლა დაეზარათ... ხედავენ ქუჩაში ხალხი მოდის გახარებული და თან ხელში ყველას ბედნიერება უჭირავს. "ეს როგორ? - იკითხეს შინ დარჩენილებმა, - ასეთი ბედნიერება ჩვენც გვინდა, მაგრამ საწოლიდან ადგომა გვეზარება!" - "თქვენი ბედნიერება საწოლში წევს, - მიუგეს მათ. - ჩვენს ბედნიერებას კი საკუთარი ფეხით უნდა მივაკითხოთ".

/ბერი სვიმეონ ათონელი/

[marine]

"კეთილი სულისათვის - უბედურებაც ბედნიერებაა, ხოლო უკეთური სულისათვის ბედნიერებაც - უბედურებად იქცევა"

/ბერი სვიმეონ ათონელი/

[marine]

"საყვარელო ქართველო ძმებო და დებო, არასოდეს დაივიწყოთ, რომ ჭეშმარიტი ბედნიერებისა და თავისუფლების "გასაღები" მართლმადიდებელ ეკლესიაში, ქრისტეს ჯვარზე ჰკიდია"

/მონაზონი ვერონიკა/

[marine]

"გინდათ იყოთ ბედნიერები? გსურთ, უფლის კურთხევა არ მოგაკლდეთ? თუ გსურთ, მაშინ პატივი ეცით და დაემორჩილეთ მშობლებს. ასეთი საქციელი უფლის მადლს მოგაპოვებინებთ და ამასთან, ბედნიერებას და ხსნას"