უცხოპლანეტელები პარამეტრები

[George Leluashvili]

მოგესალმებით ახალ, ძალზე საინტერესო, მრავალფეროვან და აქტუალურ თემაში.

უკვე ძალიან ბევრი მითქმა-მოთქმა დადის ე.წ. "უცხოპლანეტელთა" შესახებ, განსაკუთრებით ამ ბოლო პერიოდში. ძალიან გახშირდა "მფრინავი თეფშებისა" და სხვა მსგავსი მფრინავი ობიექტების აღმოჩენები. ხალხი ძალაუნებურად დიდ ყურადღებას აქცევს ამ ფაქტებს. ზოგი დაშინებულია, ზოგი-გახარებული (ვინაიდან ხსნასა და გადაჩენას კოსმოსიდან მოელიან), ზოგიც მეცნიერული ჟინით ავსებული, უფრო გულმოდგინედ განაგრძობს კვლევას მათ შესახებ.

მე მაინც ისეთი შთაბეჭდილება მრჩება, რომ ხალხს არ აინტერესებს რას ამბობს ამის შესახებ მართლმადიდებელი ეკლესია, როცა პირველ რიგში მისი აზრი უნდა იყოს მისაღები და გასათვალისწინებელი;მაგრამ ადამიანის ბუნება ისეთია, რომ იგი სულ რაღაც უცხოსა და მისტიკურს ეძიებს, საამისოდ კი უცხოპლანეტელთა შესახებ მოსმენა და ახალ-ახალი ამბების გაგება დიდად გამოსადეგია

დამაინც, საზოგადოებაში არ არესბობს ერთი, კონკრეტული და მტკიცე პასუხი, თუ ვინ არიან უცხოპლანეტელები და საერთოდ, თუ არიან ისინი.

ამ თემაში მე მინდა ჯერ მართლმადიდებელი ეკლესიის აზრი დავაფიქსირო და შემდეგ, ალბათ ძალიან ბევრი გამოთქვამს პირად აზრს ამ თემის ირგვლივ.
მეგრამ ისეც არ მინდა გამომივიდეს, რომ რახან მართლმადიდებელი ეკლესია ამბობს-ვსო, უნდა ვირწმუნოთ ( ეს სინამდვილეში ასეც უნდა იყოს, მაგრამ არამართლმადიდებლებს რით დავუმტკიცოთ მათი არარსებობს?), არამედ მეცნიერულადაც შევხედოთ ამ ამბავს.

მაშ ასე, ჯერ ეკლესიას მოვუსმინოთ და შემდეგ თქვენია ბურთი და მოედანი




მიუხედავად იმისა, რომ მრავალი ინფორმაცია არსებობს უცხოპლანეტელების ხილვის, მათი სტუმრობის, მათ მიერ ადამიანების მოტაცების და ა.შ., ეკლესია მათ არსებობას არ აღიარებს. უცხოპლანეტელების მიერ ადამიანის სხეულზე დატოვებულ ლაქებს კი თავად უფოლოგებიც ეშმაკის ნიშანს ეძახიან. ვნახოთ, რას ფიქრობს ეკლესია ამ საკითხზე. გვესაუბრება იოანე ღვთისმეტყველის სახელობის ტაძრის დეკანოზი, მამა გიორგი (სხირტლაძე).



– მამაო, უცხოპლანეტელების მიერ ადამიანის მოტაცების ფაქტებიც არსებობს. ამას როგორ ხსნით, ამასაც ბოროტი ძალა აკეთებს?

– არსებობს ფაქტები, რომლებიც ბევრ ეჭვს ბადებს. პირადი ემოციები და განცდები იმ პიროვნებებისა, რომლებიც ეკლესიური თვალსაზრისით დემონური არსებების მსხვერპლნი ხდებიან, ცხადყოფს, რომ ისინი სუსტი ფსიქიკის მქონენი არიან, მიდრეკილი ჰალუცინაციებისადმი, მათი გონება და ცნობიერება გამრუდებულია და ხდება მათი ფსიქოპათოლოგიური განცდების არეკვლა მათ ფიზიკურ სხეულზე. ხანდახან ეს გამომჟღავნდება მუქი წერტილების სახით, რომლებიც დამწვრობის სახით წარმოიშვება. პარადოქსია და ამას თვითონ უფოლოგები ეშმაკის ნიშანს ეძახიან. რეალურად ამ დამწვრობის მიზეზს ვერ ხსნიან, მაგრამ ეს უფრო ანომალიური ხასიათის არის, ვიდრე უცხო ცივილიზაციის მიერ მიყენებული ზიანი ან კურნება.

იმ პირობების, რომელიც ჩვენ გვაქვს დედამიწაზე, სხვაგან არსებობის ალბათობა თითქმის ნულის ტოლია. არ შეიძლება ამხელა კოსმოსში ხელაღებით იქნეს უარყოფილი რაიმე ცივილიზაციის არსებობა, მაგრამ აქ არ იგულისხმება მაღალგანვითარებული ცივილიზაცია, კოსმიური გონის არსებობა. არ შეიძლება იქნეს უარყოფილი, რაიმე თუნდაც ბაქტერიული ცივილიზაციის არსებობა. თანამედროვე მეცნიერების ხარჯები, ფინანსები მიდის იმაში, რომ კოსმოსიდან მიიღონ რაიმე შეტყობინება. აქედან გაშვებულია ქართული სიმღერის კოდიც, რომელიც წავიდა უსასრულობაში. იმედს გამოთქვამენ, რომ სადღაც რაღაცას მიაღწევს, მაგრამ ჯერჯერობით არანაირი პასუხი არ არის.

ამავე დროს მიდის რადიოტელესკოპური დაკვირვებები იმ ფიზიკურ–ქაოტურ რხევებზე, რომლებიც მეტნაკლებად მისაწვდომია დედამიწაზე არსებული ყველა დიაპაზონისათვის. არსებობს ე.წ. თეთრი ხმაური, ანუ ინფორმაციაც შემოდის კოსმოსიდან, ჩვენთვის ხმაურის სახით არის მოცემული, მაგრამ ის არ არის გაშლადი. თეთრი ხმაური ვერ იქნა გამორჩეული, როგორც გარკვეული მოწესრიგებული შეტყობინება. დაახლოებით ისეთია, როგორიც ჩანჩქერის ან მთის მდინარის ხმა. თუ ადამიანი ძალიან დააკვირდა, შეიძლება მისთვის მიუწვდომელი მოვლენების სახით რაღაც ჰარმონია აღიქვას, გაიგოს ვიღაცის ხმა, ვინმეს სიმღერა, შეიძლება არიაც კი მოისმინოს ოპერიდან და ა.შ. მაგრამ ეს იმას არ ნიშნავს, რომ საქმე გვაქვს ვინმე ადამიანთან ან გუნდთან, რომელიც მღერის ამ "ჩანჩქერიდან". ბევრი რამ ილუზიად შეიძლება იქნეს მიჩნეული.

– გარკვეული მეცნიერები ვარაუდობენ, რომ დედამიწაზე სიცოცხლეს საფრთხე ემუქრება, იმდენად კატასტროფულია ეკოლოგიური მდგომარეობა და ხსნის გზებს კოსმოსში, მაღალგანვითარებცლი ცივილიაზიციების ძიებაში ხედავენ.

– ვარაუდი იმისა, რომ რაიმე ცივილიზაცია არსებობს კოსმოსში, შეიძლება, მაგრამ უფოლოგები და სპეციალისტები რაიმე დასკვნას და შედეგს ვერ დებენ. დედამიწა, რომელზეც ცხოვრობს ამდენი ხანია კაცობრიობა, უკვე თავის განვითარების უსაფრთხო ზღვარს გადავიდა. კაცობრიობის მიერ დაგროვილმა ტექნიკურმა ცოდნამ საფრთხის მომტანი ხასიათი მიიღო. ფაქტობრივად გადაშენება გვემუქრება, თუ არ შევწყვეტთ ეკოლოგიურ დაბინძურებას. კაცობრიობის განვითარებაში ბოლო ასი წელი ფეთქებადი იყო. თუნდაც მეოცე საუკუნე. ამ საუკუნეში კაცობრიობამ გადაადგილების სიჩქარე ასჯერ გაზარდა, ენერგიათა სიმძლავრე – ათასჯერ, გამანადგურებელი იარაღის სიმძლავრე – ნულიდან ასიათასჯერ, ინფორმაციის გადამუშავება და ანალიზი კომპიუტერული ტექნოლოგიის სახით – მილიონჯერ. ეს არის სტატისტიკური მონაცემები. ჩვენთვის მიუწვდომელი რაღაც სიჩქარით მივისწრაფით ჩვენი გონების გაუგებარი, უსაზღვრო განვითარებისკენ. დედამიწას არ აქვს უსასრულო რესურსი. კაცობრიობა იმხელა ენერგიას მოიხმარს, რომელიც ყოველ ოც წელიწადში ორმაგდება და ამ ტემპებით ორასი წლის შემდეგ ათასჯერ გაიზრდება ენერგიის მოხმარების რაოდენობა. ამ გაგებით, ფაქტობრივად მივდივართ დედამიწის რესურსების საბოლოო ამოწურვამდე, დედამიწის გადახურებამდე, რაც შემდეგ უკვე მასზე ცოცხალი არათუ ადამიანების, არამედ ორგანიზმების არსებობასაც კი ეჭვის ქვეშ აყენებს.

თუ გავიხსენებთ იოანე ღვთისმეტყველის აპოკალიფსს, არ გვინდა უცხო პლანეტებზე გადასვლა, დედამიწაზეც საშინელი განსაცდელები გველოდება, რომლებიც მხოლოდ ღვთის წყალობით თუ იქნება შეჩერებული. ვერავითარი დიდი ნახტომი და სხვა პლანეტებზე გადასვლა ვერ გვიშველის, თუ ჩვენ აქ, დედამიწაზე, არ მოვინანიეთ, არ ვიზრუნეთ ეკოლოგიურ სიწმინდეზე, მენტალურ, სუფთა ურთიერთობებზე. საქართველოს არ სჭირდება ამის შეხსენება, არც ეკოლოგიური კატასტროფები გვაკლია და არც ტერიტორიების დაკარგვა. თუ არ გვინდა დედამიწა გახდეს სასაფლაო, იმაზე კი არ უნდა ვიფიქროთ, არსებობს თუ არა სადმე სხვაგან ცივილიზაცია, არამედ იმაზე, საშიშია თუ არა ჩვენი ფსევდოცივილიზაცია ჩვენთვისვე.

არსებობს ჰიპოთეზები და უფოლოგიური სექტებიც, რომლებიც ამბობენ, რომ გენური ინჟინერიით იქნა დანერგილი დედამიწაზე სიცოცხლე, რაც არასაღი თეორიაა. თქვენ ახსენეთ მოტაცების ფაქტორი. რომ არ ავიღოთ რელიგიური წყაროები, თვითონ ოკულისტებს და ეზოთერიკოსებს აქვთ ჰიპოთეზები, რომ ესენი არიან გარკვეული ტიპის დემონური არსებები, რომლებიც ადამიანის სხეულზე ჯდებიან და წოვენ მათ. ეს უფრო დემონური არსებების ფსიქიკურ თავდასხმებს ჰგავს ადამიანებზე.

1928 წელს იყო დედამიწის მცხოვრებლებისადმი მიმართვა, რომელიც ე.წ. ნიკომომ რადიოში, 75 მეტრი სიგრძის ტალღაზე წაიკითხა. უცხოპლანეტელთა კოალიციური ტალღის რაზმი მიმართავდა დედამიწის ბინადრებს, რომ ჩვენი გალაქტიკის მეზობელ ადგილებში არსებობს ციკლონი, რომელსაც შეუძლია გაანადგუროს სიცოცხლე სხვადასხვა პლანეტაზე და კაცობრიობას მოუწოდა, შეუერთდეს რაიმე კოალიციას, რომ დედამიწა გამოყვანილ იქნეს ამ საშიში მდგომარეობიდან. ეს ტრანსლაცია მიმდინარეობდა ერთი დღის განმავლობაში, თუმცა ვერ იქნა დაფიქსირებული, საიდან და როგორ. შეიძლება ამ შემთხვევაში დიდ მისტიფიკაციასთან გვქონდეს საქმე.

არსებობს საიდუმლო საზოგადოებები, დაწყებული მასონებიდან დამთავრებული დაფარული საზოგადოებებით, რომლებიც საკმაოდ ძლიერად მუშაობენ. მასონურ ორგანიზაციებს აწყობთ ინფორმაციის დათესვა, რომ ჩვენ გარდა სხვა ცივილიზაციაც არსებობს, რომ დედამიწა არ არის უნიკალური. ამბობენ, რომ ქრისტე მარსზეა და მარსზე ასრულებს იმავეს, რასაც აღასრულებდა აქ, რომ ქრისტე და ბუდა ერთი და იგივეა. დემონური, მასონურ–ოკულტური მიმდინარეობები დღეს ძლიერია და იფუთება მეცნიერულ, ასტრონომიულ, ასტროფიზიკურ ბაფთაში.

– ყოფილა შემთხვევები, როცა უცხოპლანეტელებს ადამიანებთან სახლშიც უცხოვრიათ რაღაც პერიოდი. თუ არ არსებობენ, მაშინ ვინ იყვნენ ის არსებები?

– ვიმეორებ – ეკლესია ურყოფს, რომ ეს არის ცივილიზაცია, რომელიც ჩამოსულია რომელიმე გალაქტიკიდან და ჩვენთვის რაიმე სასიკეთო ან პირიქით, ცუდი უნდა. ეკლესია ამბობს, რომ იქ ცხოვრობდნენ არა უცხოპლანეტელები, არამედ დაცემულ სულთა რომელიმე ტიპი, დემონთა რომელიმე ტიპოლოგია. არსებობენ ისეთი დემონები, რომელთაც მიიღეს უცხოპლანეტელთა ფორმა. ჩვენ გვგონია, რომ ეს არის რომელიმე ცივილიზაციის წარმომადგენელი, სინამდვილეში კი ის არის ადამიანის დამღუპველი არსება, რომელიც ამა თუ იმ სახით ადამიანთან კონტაქტში შესვლას ლამობს.

– წმინდა მამების წინასწარმეტყველებაში თუ არის ამის შესახებ რაიმე ინფორმაცია, ისინი ხომ სამოთხესაც ხედავნენ და ჯოჯოხეთსაც?

– ამაზე წმინდა მამათა აზრი ცალსახაა. ამბობენ, რომ არ არსებობს უცხო ცივილიზაციები. არსებობს ცივილიზაციის ერთი სახე, რომელსაც ვხედავთ დედამიწაზე. წმინდა წერილში სწორი და მართალი წარმოდგენაა სამყაროზე. ნურავინ ეძებს წმინდა მამებში და წმინდა წერილში გეომეტრიისა და ბირთვული ელემენტების ან ქიმიის კანონებს. როცა წავაწყდებით ასტრონომიის, ასტროფიზიკის ან ბიოლოგიის კანონების შეუსაბამობას, გვგონია, რომ ეკლესია ეწინააღმდეგება მეცნიერებას. ეკლესია კი არ ებრძვის მეცნიერებას, ათეიზმი ებრძვის მას. ნახევარ ცოდნას კი არ მიჰყავს ადამიანი ღმერთთან, სრულ ცოდნას მიჰყავს.

ახლა კი უფრო ობიექტურად შევხედოთ; დავეყრდნოთ ფაქტებს და მოვუსმინოთ მეცნიერებს



უკვე გასული საუკუნის შუაწლებიდან მთელს სამყაროს თავს დაატყდა ე. წ. "მფრინავი თეფშების" ბუმი. მრავალი ადამიანი ამტკიცებს, რომ მათ იხილეს რაღაც, რომელსაც დღეს "ამო"-ს ("ამოუცნობ მფრინავ ობიექტს") უწოდებენ (ინგლისური აბრევიატურით: UFO – unidentified flying objects). "უცხოპლანეტელებთან" კონტაქტებზე ბევრია დაწერილი, მაგრამ უმეტეს შემთხვევაში ეს თხზულებები სერიოზულ, მეცნიერულ დონეზე არავის გამოუკვლევია.

თვით ფსევდომეცნიერული და ოკულტურ-კვაზირელიგიური ლიტერატურა აჩვენებს, რამდენად არის დაქვემდებარებული თანამედროვე ადამიანი მითოლოგიურ შემოქმედებას, - რომელსაც ზოგჯერ გამონაგონი ფაქტი ჰგონია, ლამაზი რიტორიკა კი - ჭეშმარიტება, რასაც შეუძლებელია თავისი დამღუპველი შედეგები არ მოჰყვეს, სიცრუეს ხომ ჯერ არავისთვის მოუტანია სარგებლობა. ეს სტატიაც განხილულ უნდა იქნეს როგორც მცდელობა დასვას გამაფრთხილებელი ნიშანი იმ სულიერ "ორმოებთან", რომლებში ჩავარდნაც შესაძლოა ვერც ასცდეს ზოგიერთ ჩვენს თანამედროვეს.

რა ვიცით ე. წ. "უცხოპლანეტელების" შესახებ? მთელი ის მასალა რომ შევისწავლოთ, რაც დღეს არსებობს ამ თემაზე, არც თუ ცოტა რამ. უპირველეს ყოვლისა კი ის, რომ "უცხოპლანეტელებთან" კონტაქტი საშიშია სიცოცხლისთვის. მაგალითად, ამერიკელმა ჟურნალისტმა ფრენკ ედვარდსმა თავისი სახელგანთქმული წიგნი "მფრინავი თეფშები - სერიოზული საქმეა", დაიწყო სიტყვებით: "ამო-ს მოახლოვება შესაძლოა საშიში იყოს ადამიანისთვის! ნუ დადგებით ამო-ს წინაშე, რომელიც ჩამოკიდულა ცის კაბადონზე! ნუ მიეკარებით დედამიწაზე დაშვებულ ამო-ს! საკუთარი უსაფრთხოების მიზნით, დაუყოვნებლივ დატოვეთ ეს ადგილი!... ნუ გარისკავთ და ნუ უყურებთ ამო-ს!" (Колчин Г.К. НЛО. Факты и документы. Ленинград. Географическое общество СССР. 1991.С.89).

ფრენკ ედვარდსს ეთანხმება მისი კოლეგა ჯონ კილი, რომელიც ამო-ს სწავლობს 1945 წლიდან: "ჩემს ფოსტაში უამრავი წერილია, რომელშიც ადამიანები ითხოვენ შველას, მე კი იძულებული ვარ დავაკვირდე, როგორც უარესდება ამო-ს თვითმხილველთა მდგომარეობა, მრავალი მათგანი უკვე ლამის სიგიჟემდეა მისული, ვიღაცამ თავიც კი მოიკლა" (Джон Киль А. НЛО: операция «Троянский конь». Нью-Йорк. 1970).

"... კლასიკური შემთხვევა: ადამიანს თავგზა აუბნია ულტრაარსებამ, რომლებმაც ის შეაყენეს წარწყმედის გზაზე. არავითარი კლინიკური ახსნა არ გააჩნია მომხდარის ფსიქოლოგიურ მიზეზს. მსგავსი შემთხვევების ყველა მსხვერპლი (მათ შორის იყვენენ ქალებიც), დარწმუნებულნი იმაში, რომ ულტრაარსებანი მათდამი კეთილგანწყობილი იყო, ყალბი დაპირებებით დაბრიყვებულნი და ფსევდოიდეებით გაჟღენთილნი, პირდაპირ მიექანებოდნენ საკუთარი დაღუპვისკენ" (там же. Гл.14. Прорыв).

ცნობილი უფოლოგი ჯონ კილი პირად გამოცდილებაზე დარწმუნდა ამ ფენომენის საშიშროებაში. "წელიწადიც არ გასულა იმის შემდეგ, რაც მე სრულიად მივუძღვენი ჩემი თავი ამო-ს კვლევას..., და ფენომენმაც ისევე დაიწყო ჩემი დევნა, როგორც ეს უკვე იყო ინგლისელ გამომცემელ არტურ შატლვუდისა და სხვა მრავალთა შემთხვევაში. თავიდან გაგიჟდა ჩემი ტელეფონი, საიდუმლო პიროვნება მირეკავდა დღე და ღამე, გადმომცემდა განსაცვიფრებელ შეტყობინებებს "კოსმოსიდან მოსულთა" შესახებ. შემდეგ მოხდა ჩემი კატაპულტირება დემონოლოგიის ზღაპრულ-ფანტასტიკურ სამყაროში. ლონგ-აილენდში შევხვდი უცნობებს შავი "კადილაკებით" და როდესაც დავიწყე მათი დევნა, საოცრად გაქრნენ გზიდან, რომელიც ჩიხში შედიოდა... მანათობელი მფრინავი ობიექტები უკან ერთგული ძაღლებივით დამდევდნენ. მეჩვენებოდა, რომ მათ ყოველთვის იცოდნენ სად ვიმყოფები და საით გავემართები. შემეძლო ალალბედზე ამერჩია რომელიმე სასტუმრო ჩემი "თანამგზავრების" თავიდან მოსაშორებლად, მაგრამ ყოველთვის აღმოჩნდებოდა, რომ ვიღაცამ უკვე შეუკვეთა იქ ოთახი ჩემს სახელზე და დატოვა მთელი რიგი სრულიად უაზრო ტელეფონოგრამები ჩემთვის. მე გავხდი უაზრო თანხვედრათა მსხვერპლი, ხოლო ზოგიერთი ჩემი უახლოესი მეგობარი ნიუ-იორკში, რომელიც არასოდეს დაინტერესებულა ამ ფენომენით, მატყობინებდა უცნაურ და ამოუხსნელ მოვლენებზე, რომლებიც მათ შეემთხვათ: მათ სახლებში დაიწყო პოლტერგეისტული მოვლენები, მძაფრი, მყრალი სუნი თან სდევდა მათ ყველგან... რამდენჯერმე გამეღვიძა ღამით და შეძრწუნებულმა აღმოვაჩინე, რომ განძრევაც კი არ შემეძლო, ჩემს წინ კი იდგა უზარმაზარი ბნელი სილუეტი" (იქვე. Гл.14 Прорыв).


ჩვენი აზრით, ჯეროვანია მივაყურადოთ ამ ადამიანის გაფრთხილებას, რომელმაც მრავალი წელი მიუძღვნა ამო-ს ფენომენის ამოხსნას: "ჩემი დოსიე სავსეა უამრავ შემთხვევათა აღწერით (ზოგიერთი მათგანი ამ დროისთვის გამოკვლეულია მაღალკვალიფიციური ფსიქიატრების მიერ), როდესაც მრავალ მამაკაცს და დედაკაცს, რომლებიც აქტიურ ინტერესს ავლენდნენ ამო-ს ფენომენისადმი, თავიანთი ვიზიტებით აშინებდნენ ვიღაც უცნაური პიროვნებები, დევნიდნენ შავი "კადილაკები", რომლებიც ისე უეცრად უჩინარდებოდნენ, როგორც ჩნდებოდნენ. შედეგად, დატერორებულები, ისინი თავს ანებებდნენ ამ საკითხის შესწავლას. მათ შორის იყო მრავალი კონტაქტორიც" (იქვე.Гл. 12 Космические шутники).

"... ამო-ს პრობლემით გატაცება ისევე საშიშია, როგორც შავი მაგიით გატაცება (ხაზგასმა ჩვენია - ვ. პ.). ფენომენის მსხვერპლი, როგორც წესი, ხდებიან ნერვული, მიმნდობი და გამოუცდელი ადამიანები. მრავალ შემთხვევაში ამო-ს პრობლემით გატაცებას ადამიანები მიჰყავს შიზოფრენიამდე, დემონომანიამდე და თვითმკვლელობამდეც კი. ამგვარად, ამო-ს ფენომენის საიდუმლო ხიბლმა შეიძლება საშინელ ტრაგედიამდე მიგვიყვანოს. ამიტომაც დაბეჯითებით გირჩევთ მშობლებო: აუკრძალეთ თქვენს შვილებს მსგავსი საკითხებით დაინტერესებაც კი. ბავშვების დაცვა ამო-სადმი ინტერესისგან არის ნებისმიერი მასწავლებლის და საერთოდ, ნებმისმიერი ზრდასრული ადამიანის მოვალეობა" (იქვე. Гл. 12 Космические шутники).
"უცხოპლანეტელის" ტიპიური გარეგნობა, როგორც წარმოადგენენ მას თვითმხილველები
მაინც, ვინ ან რა იმალება "უცხოპლანეტელთა" ნიღბის მიღმა, რომელთაც თავისი გამოჩენის მოწმეები მიჰყავს სიგიჟემდე, აიძულებს მათ თვითმკვლელობას ან თვითონ ხდებიან მათი სიკვდილსა და უმძიმესი სნეულებების მიზეზი? საიდან მოვიდნენ ეს საიდუმლო არსებები, რომლებიც ასე გააფთრებით ეწინააღმდეგებიან მათი ვიზიტებით უმცირეს დაინტერესებასაც კი? ცნობილია, რომ პირუტყვები გრძნობენ ამ არსებათა მოახლოვებას და ყოველთვის მათ საქციელში ჩანს შიში: ძროხები და ცხვრები პანიკურად გარბიან, ძაღლები იწყებენ ყმუილსა და ყეფას, ცნობილია შემთხვევები, როდესაც ამო-მ ცხოველებში გამოიწვია დამწვრობები, დამბლა და სიკდილიც კი (Колчин Г.К. НЛО. Факты и документы. Л., Географическое общество СССР. 1991.С.84-85).

ამო-სთან კონტაქტის დროს ადამიანებშიც დაფიქსირდა თვითმხილველთა დროებითი "გაშეშება", როდესაც ადამიანები ინარჩუნებდნენ ყველა გრძნობას, მაგრამ არ შეეძლოთ განძრევა. ამო-ს ზოგიერთი მოწმე აღწერს თავის შეგრძნებებს როგორც ელექტროშოკს, რომელმაც ისინი გააშეშა. დაფიქსირებული იყო ისეთი შემთხვევებიც, როდესაც ამო-ს გამოჩენას თვითმხილველი მიჰყავდა გონების დაკარგვამდე, ზოგჯერ გონებას კარგავდნენ კონტაქტიდან რამდენიმე საათის შემდეგ. იყო ტანისამოსის თვითაალებისა და სერიოზული დამწვრობის, ასევე მხედველობის დაკარგვის მრავალი შემთხვევებიც (იქვე. გვ. 86-87). არსებობს ამო-ს კონტაქტორთა სიკვდილის ფაქტებიც. მაგალითად, 1946 წელს ბრაზილიაში დაიღუპა ორმოცი წლის ფერმერი. ამო-სთან კონტაქტის შემდეგ მის სხეულზე დაფიქსირდა დამწვრობები, "... საათის განმავლობაში თვითმხილველთა თვალწინ მისი ტყავი ჩამოსცილდა ძვლებს, გამოჩნდა კბილები და ჩონჩხი, 6 საათის შემდეგ კი მოკვდა" (იქვე. გვ. 89). თანაც ეს "უცხოპლანეტელებთან" შეხვედრის შემდეგ ადამიანის სიკვდილის ერთადერთი შემთხვევა როდია (Колчин Г.К. НЛО. Факты и документы. Л., Географическое общество СССР. 1991). საერთოდ, ამო ხშირად ჩნდება იქ, სადაც იღვრება სისხლი. ისტორიულ ქრონიკებში მრავალი მოწმობა არსებობს ბრძოლის ველზე მათი მყოფობის შესახებ (Колчин Г.К. НЛО. Факты и документы. Л., Географическое общество СССР. 1991.С.133-136). ისინი უნახავთ კურსკის რკალზე, სადაც თან ახლდნენ ალექსანდრე მაკედონელის ჯარებს და იმყოფებოდნენ სისხლისღვრის მრავალ ადგილებზე (От чего нас хотят «спасти» НЛО, Экстрасенсы, оккультисты, маги? М., Даниловский благовестник. 2001).

რა გავლენას ახდენს ამო ადამიანის ფსიქიკაზე? დიაპაზონი აქაც საკმაოდ დიდია: ზოგჯერ, ამო-ს გამოჩენის წინ ადამიანებს ეწყებათ ძლიერი აღგზნება, მშფოთვარება, თვითმხილველებს უჩნდება შიშის გრძნობა, რომელიც საშინელ ძრწოლაში გადადის. მაგალითად, 1979 წელს პოლონური თევზმჭერი კატარღა "ჰელ-127" შეეჯახა ამო-ს, ამ დროს "კატარღის შკიპერმა შომბორგმა იგრძნო უნცაური გაშეშება, ტკივილი გულის არეში და დაკარგა მხედველობა. ერთდროულად მან განიცადა ისეთი შიში, რომელიც ყველაზე უძლიერესი შტორმის დროსაც კი არ განუცდია. მესაჭე ელვარტიც ასევე გაშეშდა და საჭევარიც კი ("შტურვალი") მიატოვა, ასევე გუნდის სხვა ორმა წევრმა, ფიგურსკიმ და ბონამ, როდესაც ბაქანზე გამოვიდნენ, უძლიერესი ტკივილი იგრძნეს საფეთქლებში" (Колчин Г.К. НЛО. Факты и документы. Л., Географическое общество СССР. 1991.С.91). შომბერგი ამტკიცებდა, რომ შიშის გრძნობა არ ტოვებდა მას.

ზოგჯერ ამო-სთან კონტაქტის შემდეგ ადამიანებს თან სდევთ კოშმარული სიზმრები. დაფიქსირებულია ისეთი შემთხვევებიც, როდესაც ამო-სთან შეხვედრის შემდეგ ადამიანებს ეძინათ კვირეებით და თვეობით, დღე-ღამეში 16 საათი. თვითმხილველთა მტკიცებით, როდესაც ამო გამოდის კონტაქტზე, ისინი ადამიანებთან ამყარებდნენ ტელეპატიურ კავშირს. "უცხოპლანეტელები" მათ უწერდნენ გზავნილებს "კოსმოსიდან", "ვარსკვლავებიდან" და "აჯილდოვებდნენ", მაგალითად, ექსტრასენსორული თვისებებით. რა ემართებათ ასეთ ადამიანებს კონტაქტის შემდეგ? ამო-ს მკვლევარებმა აღმოაჩინეს მთელი რიგი კანონზომიერებები ამ სახის კონტაქტორებთან. ისინი სწრაფად კვდებიან, თანაც მათი სიკვდილს ხშირად წინ უძღვის მძიმე სნეულება. ძალიან ბევრი კონტაქტორი ხვდება ფსიქიატრიულ კლინიკაში. მათ უქვეითდებათ ინტელექტუალური შესაძლებლობები და კრიტიკული ანალიზის უნარი. ისინი უფრო მიმდობნი არიან და ადვილად ვარდებიან ჰიპნოტურ ტრანსში, ვიდრე სხვა ადამიანები (См.: От чего нас хотят «спасти» НЛО, Экстрасенсы, оккультисты, маги? М., Даниловский благовестник. 2001).


ამოუცნობი მფრინავი ობიექტი (ამო) მოსკოვის თავზე

"უცხოპლანეტელების" ზეგავლენაზე ადამიანის ჯანმრთელობაზე მედიცინის მეცნიერებათა კანდიდატმა, ნ. დ. ტუიკინმა, რომელიც დიდი ხნის განმავლობაში ეწეოდა კონტაქტორთა რეაბილიტაციას, გაზეთ "Неделя"-სთვის მიცემულ ინტერვიუში განაცხადა: "უმეტეს შემთხვევაში "უცხოპლანეტელებთან" ადამიანთა კონტაქტის შემდეგ იხატება ასეთი სურათი: კონტაქტის შემდეგ ხდება ფსიქიკის გადახრა. პირველი სიმპტომია - შიში და ნევროზი" (იქვე).

"სოიუზუფოცენტრმა" ჩაატარა კონტაქტორთა ფსიქიური გამოკვლევა და რის შედეგადაც გამოკვლეული 106 კაციდან ჯანმრთელი აღმოჩნდა მხოლოდ ოთხი: "დანარჩენი 102 ადამიანი შეიძლება განვაკუთვნოთ "პრობლემურ" ადამიანთა რიცხვს: შიზოფრენია - 47 ადამიანი, მათგან შიზოფრენიის პარაფრენული ეტაპი - 16, პერიოდული ფორმები - 9, დეფექტური მდგომარეობა დეფიციტარული გაღიზიანების გამოხატულებით - 10, ქრონიკული სულიერი მდგომარეობის ფორმის დიფერენციალოდიაგნოსტიკური ეჭვით - 24, ისტერიული - 12, ჰიპერტიმური - 6 ადამიანი; ინტელექტუალური უკმარისობა - 5 ("ინდუცირებული ბოდვა"); ცნს-ის ორგანული დაზიანება - 80 ადამიანი; ციკლოტიმია (მანიაკალური ფაზა) – 2 ადამიანი" (Мазуркевич С.А., Таицкая А.И. Оккультизм и мистика. М., ЭКСМО; Донецк. СКИФ. 2004. С.177-178).

კონტაქტორებად "უცხოპლანეტელები" ირჩევენ სულიერად დაუცველ ადამიანებს, ანუ ან ათეისტებს, ან კიდევ არაეკლესიურ ადამიანებს (См.: От чего нас хотят «спасти» НЛО, Экстрасенсы, оккультисты, маги? М., Даниловский благовестник. 2001). ეკლესიური, მართლმადიდებელი ქრისტეანები ფაქტიურად არ ამყარებენ კონტაქტს ამო-სთან (Варламов М. Почему православные не видят НЛО? / См.: От чего нас хотят «спасти» НЛО, Экстрасенсы, оккультисты, маги? М., Даниловский благовестник. 2001. С.436), ხოლო ოკულტიზმის ნებისმიერი ფორმით გატაცება საკმაოდ უწყობს ხელს ამგვარ კონტაქტს. ხშირად კონტაქტორები არ ფლობენ ინტელექტის მაღალ დონეს, რაც ცხადყოფილია იმ წიგნებიდანაც, რომელთაც ისინი ავრცელებენ: ამ გვარი ნაშრომების შინაარსი ხშირად ბადებს კითხვას მათი ავტორების სრულ გონიერებაზე, არაფერი რომ არ ვთქვათ თვით ამ ნაშრომთა სამეცნიერო უსუსურობაზე.

მრავალრიცხოვანმა გამოკვლევებმა ცხადყვეს, რომ პრაქტიკულად, კონტაქტორების მიერ მიღებული ინფორმაცია არავითარ ღირებულებას არ წარმოადგენს. უმეტეს შემთხვევაში კონტაქტორები არიან ე. წ. მედიუმები, ანუ ადამიანები, რომლებიც თავიანთი ფსიქოფიზიკური ან მემკვიდრეობითი წინაგანწყობის გამო ადვილად მოქცევადნი არიან დემონურ ძალთა ზეგავლენის ქვეშ (Питанов В.Ю. Суд совести: агни-йога против христианства. http://apologet.narod.ru). უმეტესწილად მათ მიერ დაწერილი ლიტერატურა, უკეთეს შემთხვევაში, მათ გულუბრყვილობაზე მოწმობს, უარეს შემთხვევაში კი - ასახავს მათ ფსიქოლოგიურ, ზოგჯერ კი ფსიქიატრიულ პრობლემებს (Мазуркевич С.А., Таицкая А.И. Оккультизм и мистика. М., ЭКСМО; Донецк. СКИФ. 2004. С.177).

მაგალითისთვის მკითხველს ვთავაზობთ იფიქროს იმაზე, თუ რა შეიძლება იდგეს, ვთქვათ, ერთ-ერთი ავტორ-კონტაქტორის ამგვარი მტკიცებულების უკან: "(როდესაც - ვ. პ.) კაცობრიობა ყოფიერების ენერგეტიკულ დონეზე გადავა, ბიოსფეროში ადამიანების ადგილს დაიკავებენ დელფინები. ისინი გამოვლენ ხმელეთზე და მიიღებენ ადამიანთა სახეს. მაგრამ შემდეგ დელფინები გადავლენ ენერგეტიკულ დონეზე და წავლენ კოსმოსში, მზე ჩაქრება და გახდება პლანეტა. დელფინები ამ დროისთვის უკვე წინამძღოლთა მისიას იკისრებენ ვენერას მოსახლეობაში. ვენერასთვის კი აბსოლუტი აანთებს მწვანე მზეს, რომლითაც იუპიტერი გახდება..." და ა. შ. (Колчин Г.К. НЛО. Факты и документы. Л., Географическое общество СССР. 1991.С. 308).



"უცხოპლანეტელებზე" თავიანთ მსხვერპლთან ურთიერთობის ხასიათით თუ ვიმსჯელებთ, ისინი ესწრაფვიან ადამიანებზე ბატონობას, რაც ყოველთვის ამოფარებულია დედამიწის ცივილიზაციის "გადარჩენის" მომხიბლავ იდეას. კაცობრიობის "გადამრჩენელთა" როლი კონტაქტორებს მათდამი ნდობას შთააგონებს, მაგრამ, "უცხოპლანეტელებთან" კონტაქტში მყოფი ადამიანები მოწმობენ, რომ "თაფლობის თვის" გავლის შემდეგ, "უცხოპლანეტელები" უკვე აშკარად მბრძანებლობენ და ითხოვენ მათდამი მორჩილებას, თანაც უარის თქმის შემთხვევაში იმუქრებიან უამრავი უბედურებებით (იქვე).

მანიპულიაციის მეთოდებად "უცხოპლანეტელები" იყენებენ ადამიანურ ვნებებსა და მიდრეკილებებს. მაგალითად, მათ შეუძლიათ შეაქონ კონტაქტორის უჩვეულო - ინტელექტუალური, ფიზიკური თუ ენერგეტიკული შესაძლებლობები, რომლებიც უმეტეს შემთხვევაში არ არსებობს. შემდეგი სატყუარა არის კურნების ნიჭი, რომლითაც "უცხოპლანეტელები" თითქოსდა აჯილდოვებენ თავიანთ გულუბრყვილო თაყვანისმცემელთ. გამოიყენება ადამიანის სექსუალური მოთხოვნილებების ხელოვნური "დაქოქვა", დაშინება (Игумен N . Пришельцы: новая культура, новая религия, новый человек / См.: От чего нас хотят «спасти» НЛО, Экстрасенсы, оккультисты, маги? М., Даниловский благовестник. 2001.С.19). როგორც ვხედავთ, ხერხები არ ახალია, ძველია (სხვათა შორის, ეს ხერხები ძალზედ პოპულარულია სექტანტებს შორის. იხ. Питанов В.Ю. Введение в сектоведение. http://apologet.narod.ru), მაგრამ საკმაოდ ქმედითია და ხშირად მიზანსაც აღწევს.

"უცხოპლანეტელები" აქტიურად ნერგავენ საკუთარ რელიგიურ იდეებს. ამასთან ეს იდეები ძალზედ წააგავს იმ იდეებს ყველა ჯურის ოკულტისტები რომ ავრცელებენ (Питанов В.Ю. Суд совести: Агни-йога против христианства. http://apologet.narod.ru): "კაცობრიობა უნდა დაბრუნდეს იმ გზაზე, რომელიც მას მიუთითა ქრისტემ, კრიშნამ და ბუდამ..." (Колчин Г.К. НЛО. Факты и документы. Л., Географическое общество СССР. 1991.С.304). ამასთანავე, "ქრისტეს, კრიშნას და ბუდას" გზაზე შედგომა მთავრდება ოკულტიზმის ბანალური ქადაგებით და კონტაქტორის "უნიკალურობის" მტკიცებულებით, რომელიც მზად არის თვითვე შეცვალოს ყველა ტრადიციული მსოფლიო რელიგია იმ "უახლესი" ინფორმაციით, რომელიც "ზეცივილიზაციებისგან" მიუღია (См.: Питанов В.Ю. Миф о «братстве религий», как метод борьбы с традиционными религиями. http://apologet.narod.ru).

[ikanosi]

Kanishtha-Adhikar

რა მოხდა, დაშავდა რამე?

კი

მართლმადიდებლური ფორუმი

ამასთანავე

მეცნიერება და განათლება

განყოფილებაა და არა აპოლეგეტიკის

[Kanishtha-Adhikar]

ikanosi

კი

რა კი, დამიკონკრეტე

განყოფილებაა და არა აპოლეგეტიკის

მერე რა ნახე აპოლოგეტიკის.
სხვათაშორის თემას ვერ ნახავ რომ არ კამათობდეს ხალხი. მასე ყველა თემა აპოლოგეტიკაშია გადასატანი, რადგან ყველა თემაში განსხვავებულ აზრებს ვხვდებთ.

აქ კი არ ვკამათობთ, მე სიმართლეს ვლაპარაკობ, რომელიც გიორგის დააინტერესა და ნუ ატეხავთ ხოლმე ყველგან ერთ ამბავს. ბოლოს და ბოლოს მართლმადიდებლები ხართ, ყველაფერს რომ თავი დავანებოთ.

თუ არასწორს ვამბობ რამეს, დამიმტკიცე რომ არასწორია და შევწყვეტ საუბარს, თუ არადა მაცადე.


აღარ გვინდა ეხლა უაზრო კამათის წარმართვა, პატივი ვცეთ თემასაც და თემის ავტორსაც.
მგონი გიორგის ეს თემა კვლავ საკამათოდ არ გაუხსნია.

[ikanosi]

Kanishtha-Adhikar
კარგი ბატონო ნუ ჩხუბობთ, მე არ გეჩხუბებით

მერე რა ნახე აპოლოგეტიკის.

რომელი მეცნიერული ნაშრომი ეგაა

[Kanishtha-Adhikar]

ikanosi

კარგი ბატონო ნუ ჩხუბობთ, მე არ გეჩხუბებით

კიდე მე ვჩხუბობ?

რომელი მეცნიერული ნაშრომი ეგაა

მეცნიერული კი არა, მეცნიერულზე ბევრად სარწმუნოა, რადგან მეცნიერებმა ეხლა რომ აღმოაჩინეს ბუნებაში "ახალ-ახალი" რაღაცეები, ეგ ყოველივე ვედებში მილიონი წლების წინ ეწერა.

რა მოსატანია მეცნიერება ვედებთნ.

მეცნიერებს ვედური წმინდა წერილები რომ წაეკითხათ, აღარ დახარჯავდნენ მილიარდებს რაღაც უაზრო კვლევებში, რადგან რაც მათ ახლა აღმოაჩინეს, შემიძლია თვითონ წაგაკითხო ეგ ვედებში.

[George Leluashvili]

ოჰ, მოგისწრიათ უკვე
რომელი მოერიეთ?

Kanishtha-Adhikar
ეგ ყველაფერი ზეპირად იცი? მაგარია ძაან.

მაგრამ მე მაინც მგონია რომ ეგ ყველაფერი ფანტაზიის ნაყოფია. (არ გეწყინოს)

ვინაიდან ჩემთვის ავტორიტეტულ წიგნს მხოლოდ და მხოლოდ ბიბლია წარმოადგენს, მე ამას ყოველივეს ვერ ვერწმუნები, თუ ასევე ჩემთვის ავტორიტეტმა პიროვნებამ არ დაადასტურა.

სამყარო-მისი შემადგენლობა, ციური სხეულები, პლანეტები- ეს ყველაფერი ძალიან, ძალიან საინტერესოა და ვგონებ, დაუსრულებლად შეიძლება მისი კვლევა.
სამყარო ყოველთვის იყო და არის ყველას დაინტერესების სფერო. თუ გადავხედავთ ისტორიულ წყაროებს ვნახავთ, რომ მის შესახებ ხალხს ყოველთვის ჰქონდა თავისებური წარმოდგენები. ეს რომ წაიკითხო, უსაზღვრო ფანტაზიის ნაყოფია.

მაგამ მე მაინც მაფიქრებს ვედები.
ეს უდიდესი სიბრძნე, ფილოსოფია, არამგონია ამხელა საკითხში აბსოლუტურად ცდებოდეს. შენი თქმის არ იყოს, რის კვლევებსაც მეცნიერებმა მილიარდები დაახარჯეს, ეგ ყოველივე მთელი სიზუსტით ვედებში იყო აღწერილი.

მეც ამიტომ გეკითხები ხოლმე, რომ იქნებ რაიმე მისაღებს წავაწყდე.
თუ არ დაგეზარება, რამდენიმე კითხვა კიდევ მაქვს და მერე მიპასუხე.

[George Leluashvili]

georgios

მაგრამ ვერც უარვყოფდი გადაჭრით.

პიროვნულად შენ შეიძლება არ უარყო, რადგან ყველა ადამიანი ინდივიდუალურია და ყველას აქვს პიროვნული აჩევნისა თუ აზროვნების უფლება. მაგრამ აქ უკვე სინამდვილეზეა ლაპარაკი.
შეუძლებელზე შუძლებელია არსებობდნენ რაღაც არსებები, რომლებიც უფალმა შექმნა და ამაზე ბიბლიაცა და წმინდა მამებიც ერთბაშად დუმდნენ.

ვერ ვხვდები, რა პრობლემას ქმნის უცხოპლანეტელების არსებობა-არარსებობა

ადამიანი მიწიერ ქმენილებათა კიბის უმაღლეს საფეხურზე დგას და თავისი მდგომარეობით ყოველ მიწიერ არსებაზე მეუფებს. თავად მიწიერი, ნიჭით ზეციურ არსებებს უახლოვდება.საღვთო ბჭობა, რასაც სხვა მიწიერ არსებათა შესაქმის დროს ადგილი არ ჰქონია, ნათლად მიანიშნებს, რომ ადამიანი დედამიწაზე განსაკუთრებული, გამორჩეული, აღმატებული და უსრულყოფილესი, სამყაროში უმაღლესი დანიშნულების მქონე ქმნილება უნდა ყოფილიყო.
საღვთო ბჭობით დადგინდა, ადამიანი ღვთის ხატად და მსგავსად შექმნილიყო და ამით კიდევ უფრო იკვეთება აზრი ადამიანის მაღალი მოწოდებისა და განსაკუთრებული მნიშვნელობის შესახებ - იგი, მართლაც, ღვთის ხატად არის შექმნილი ყოველ ხატში აუცილებლად პირველსახესთან მსგავსება იგულისხმება. მაშასადამე, ღვთის ხატის არსებობა ადამიანში ადასტურებს, რომ მის სულიერ ბუნებაში თავად საღვთო თვისებები აისახება.

ანუ აქედან გამომდინარე ბიბლია ბევრს საუბრობს იმის შესახებ, თუ ვინ არის ადამიანი, რა მდგომარეობა უკავია სამყაროში. ბიბლია ადამიანს წამოგვიჩენს ყველაზე უმაღლეს ქმნილებად და ყველაფრის ბატონ-პატრონად. ყველაფერი მისთვისაა შექმნილი, ბუნება ცხოველები, მიწა, ჰაერი და ა.შ.

შემოქმედმა ადამიანი მთელს მიწიერ სამყაროზე აამაღლა, მიანიჭა გონება და თავისუფლება, განაშვენა თავისი ხატებით და ამით მისი განსაკუთრებული, მაღალი დანიშნულება გამოკვეთა. ადამიანის სულიერი თვალთახედვა ღმერთისა და სულიერი სამყაროსკენ არის მიმართული, სხეულებრივი კი ნივთიერ სამყაროს აღიქვამს.

ადამიანის პირველი დანიშნულება ღვთის განდიდებაა.

ეხლა დაუკვირდი:თუკი დავუშვებთ, რომ არსებობენ ადამიანის მსგავსი გონიერი არსებები, რომლებიც სხვა პლანეტებზე ბინადრობენ, მაშინ ჩვენ აუცილებლად უნდა გვქონდეს ცნობა მათ შესახებ. იქნებ ისინი ადამიანზე მაღლა დგანან? იქნებ ისინიც ღვთის ხატად და მსგავსად შექმნილი არსებები არიან? ეს რომ ასე იყოს, მაშინ ადამიანის პიროვნება და მისი პოყენციები საგრძნობლად უნდა ჩამოვაქვეითოთ. შესაძლოა ადამიანს მათი არსებობის შემთხვევაში უფრო ნაკლები პასუხისმგებლობები დავაკისროთ. შესაძლოა აღარ იყოს ადამიანის მიზანი ღვთაებრივ არსამდე მისვლა, რადგან უკვე არსებობენ ადამიანისაგან განსხვავებული, მაღალი პოტენციების მქონე არსებები, რომლებიც შეასძლოა ჩვენზე ბატონობენ კიდეც.

ეხლა მეორე საკითხი:ვთქვათ დავუშვით უცხო პლანეტელთა არსებობა. მაშინ უნდა გავიგოთ, თუ რა მდგომარეობა უჭირავთ მათ სამყაროში. ვინ არიან და რას წარმოადგენენ. რა არის მათი არსების მიზანი:ღმერთთან მისვლა (ისევე როგორც ადამიანისა), თუ ისინიც ადამიანისათვის არიან შექმნილნი-ამას დიდი მნიშვნელობა აქვს.

თუკი მათი მიზანიც ღმეთთან მისვლაა, მაშინ ამის შესახებ აუცილებლად უნდა იყოს ადამიანი ინფორმირებული, რადგან ყველაფერს რომ თვი დავანებოთ-კვდება ადამიანი და ხედავს არსებებს, რომლებიც არც დემონებს გვანან და არც ანგელოზებს. შესაძლოა მათთან ერთად მოუწიოს სამოთხეში ყოფნა. წარმოიდგინე ახლა ადამიანი მდგომარეობა-ყველაზე ცოტა, იგი ღმერთს კითხავს თუ ვინ არიან ისინი, რატომ არაფერი უთხრა უფალმა ადამიანებს მათი არსებობის შესახებ. ადამიანი მათთან გაუცხოვებასა და სიცივეს განიცდის, რადგან არაფერი სმენია მათ შესახებ. არ იცის ვინ არიან და რა უნდათ მათ უნ უფლისაგან, ან ადამიანისაგან. მე ვფიქრობ, რომ ამ დროს ადამიანი ძალიან გაურკვევლ, დაბნეულ და გაოგნებულ მდგომარეობაში აღმოჩნდება.


და ბოლოს:ვთქვათ უცხოპლანეტელებს არ გააჩნიათ ცნობიერება და ისინიც ცხოველების მსგავსად ადამიანისათვის არიან შექმნილნი, მაშინ ჩნდება კითხვა-რა სარგებლობა მოაქვთ მათ ადამიანისათვის? რისთვის არსებობენ ბუნებაში? რა დანიშნულება აქვთ?
ჩვენ თუ ვერ ვიპოვით ამ კითხვებზე პასუხს, გამოდის ტყუილად არიან ისინი შექმნილნი.



რავიცი, მგონი გამიგებ რისი თქმაც მინდა.

მაგალითად, წმინდა წერილი თუნდაც შესაქმეს დასაწყისში არ ეხება ცხოველების დაწვრილებით კლასიფიკაციას, არ ასახელებს რომელი სახეობა რომლისგან წარმოიშვა. ეს რა, წმინდა წერილის ნაკლია?

ესეც ძალიან უხეში "არგუმენტია".
მთავარია ბიბლია შესაქმის დასაწყისში ზოგადად ცხოველების შექმნას ეხება.
მითხარი რაღა საჭიროა ბიბლიაში ეწეროს, რომ უფალმა ძაღლიც შექმნა, როცა ეს სავსებით ნათელია? ძაღლს ხომ მე თითქმის ყოველდღე ვხედავ, რატომ უნდა დაიკავოს ბიბლიაში ასეთმა უაზრო მომენტმა დგილი?

ბიბლია ამბობს, რომ შექმნა უფალმა ცხოველები-სავსებით გასაგები და საკმარისია!

წერებულიყო ბიბლიაში, რომ უფალმა ადამიანის მსგავსი გონიერი არსებები შექმნა, რომელთაც თავიანთი გარკვეული მისიები აკისრიათ და მე არ მოვითხოვ მათ დაწვრილებით ჩამონათვალს, უბრალოდ მე ინფორმირებული ვიქნები ამის შესახებ.

ანგელოზები ხომ ვიცით რომ არსებობენ? ვახერხებთ მათ შესწავლას?

ანგელოზები კარგა ხანია შესწავლილნი არიან და ყველაფერი ვიცით მათ შესახებ
თუ არ გჯერა, მკითხე რა გაინტერესებს მათ შესახებ და პასუხს ბიბლიით ან წმინდა მამებით გაგცემ.
ჩვენ ვიცით მათი ბუნების, ქმედების, დანიშნულების, ადგილმდებარეობის, იერარქიის, გარეგნულობის შესახებაც კი. ამდენი რამ უცხოპლანეტელებზე ვიცოდეთ, რაღა გვიჭირს

მაგრამ ჩვენ ყველაზე ცოტა, ისიც არ ვიცით საერთოდ თუ არსებობენ ისინი.

ასეა თუ ისე, საკვლევია. ამას ვერ წაუვალთ ვერსად. მცდარი წარმოდგენები ადამიანებმა მარტო ახალ დროში კი არ ჩამოაყალიბეს, მეცნიერება რომ არ იყო დღევანდელი გაგებით საერთოდ, მაშინაც აყალიბებდნენ.

საკვლევია, მაგრამ საქმეც იმაშია, რომ ადამიანმა უნდა იკვლიოს წმინდა წერილის ხელმძღვანელობითაც. მცდარი წარმოდგენები იმიტომ ჩამოაყალიბეს, რომ არ უსმენდნენ ბიბლიას.

მაგალითად, ისინი რომ ამბობდნენ, რომ დედამიწა სიბრტყე იყო, რომელიც რაღაც მყარ საგანზე იდგა, ბიბლიაში, კერძოდ ესასიას წიგნში გარკვევით წერია, რომ ღმერთმა დედამიწა ჰაერში დაკიდა, და რომ მას სფეროსებური ფორმა აქვს.
როდის დარწმუნდა მეცნიერება ამაში? სულ ორი საუკუნის წინ!
დაეჯერებინათ ახლა ბიბლიისთვის, ხომ ექნებოდათ სწორი წარმოდგენა.
შენ კი ამბობ, რომ ბიბლიაში ბუნების შესახებ არაფერი წერია!

ეკლესია კი გვასწავლის, რომ ზოგჯერ ცდებოდნენ კიდეც.

ეკლესია არასდროს შემცდარა!
კი, პიროვნებები ცდებოდნენ, მაგრამ რაც მთავარია ეს სიმცდარე მაშინვე მჟღავნდებოდა, სანამ ხალხში დამკვიდრდებოდა.

ქრისტეს ეკლესია, როგორც ქრისტეს იდუმალი სხეული უცდომელია, მაგრამ მისი მიწიერი გამოხატულება, საეკლესიო იერარქები შემცდარან კიდეც და არა მარტო ცალკეული პირები, კრებაც კი შემცდარა...

ზუსტად მისი მიწიერი გამოხატულება არასდროს არაფერში შემცდარა!
დამიდასტურე ერთი.
ეკლესიას ქისტე უდგას თავში და თუ ის ცდება, გამოდის, რომ ქრისტეც ცდება, რაც ყოვლად დაუჯერებელი და მიუღებელია.

[Kanishtha-Adhikar]

GIORGI LELUASHVILI

ეგ ყველაფერი ზეპირად იცი?

კი, თითქმის ზეპირად დავწერე
მერე რა, მაგარი ვარ?

მაგრამ მე მაინც მგონია რომ ეგ ყველაფერი ფანტაზიის ნაყოფია. (არ გეწყინოს)

ეეჰ, რა გიყო აბა თუ არ გჯერა შენი ნებაა, მაგრამ მე მაქვს საფუძველი დავიჯერო.

მაგამ მე მაინც მაფიქრებს ვედები.ეს უდიდესი სიბრძნე, ფილოსოფია, არამგონია ამხელა საკითხში აბსოლუტურად ცდებოდეს.

მერე თუ მაგდენს ხვდები, სულ რატომ უარყოფ?
დაფიქდი, დაფიქრდი.

თუ არ დაგეზარება, რამდენიმე კითხვა კიდევ მაქვს და მერე მიპასუხე.

აბა გისმენ



ეხლა შენი 26-ე პოსტი რომ წავიკითხე, მივხვდი, რატომ არ აღიარებთ უცხოპლანეტელთა არსებობას, გასაგებია.
შენი მხრიდან ჭკვიანური აზრია.

ამ შემთხვევაში მართლმადიდებელი რომ ვყოფილიყავი, არც მე ვაღიარებდი

[George Leluashvili]

Kanishtha-Adhikar

მერე თუ მაგდენს ხვდები, სულ რატომ უარყოფ? დაფიქდი, დაფიქრდი.

ვინ გითხრა, რომ სრულიად უარვყოფ?
მე მეუბნები?

მე უფრო იმიტომ ვარ ორ აზრზე, რომ არ ვიცი რას ამბობენ ეკლესიის მამები, არა უცხოპლანეტელებზე, არამედ კოსმოსზე, ამხელა ურიცხვ სამყაროზე.
ესეც ერთ-ერთი საკითხი, რომელიც საფუძვლიანად უნდა გამოვიკვლიო.
იქამდე კი, ვედებს გავეცნობი

კითხვა მდგომარეობს შემდეგში:ვინ აღწევს და ვის შეუძლია მიაღწიოს (გადაინაცვლოს, დაათვალიეროს) მატერიალურ სამყაროთა სხვა დაბალი თუ მაღალი პლანეტები.
რის შედეგად მიიღწევა ეს?

[georgios]

GIORGI LELUASHVILI

პიროვნულად შენ შეიძლება არ უარყო, რადგან ყველა ადამიანი ინდივიდუალურია და ყველას აქვს პიროვნული აჩევნისა თუ აზროვნების უფლება. მაგრამ აქ უკვე სინამდვილეზეა ლაპარაკი.
შეუძლებელზე შუძლებელია არსებობდნენ რაღაც არსებები, რომლებიც უფალმა შექმნა და ამაზე ბიბლიაცა და წმინდა მამებიც ერთბაშად დუმდნენ.

შეუძლებელი არ არის. უბრალოდ მათი ხსენება ჩემს სულიერ წინსვლას არაფერს არც მატებს და არც აკლებს.

თუკი დავუშვებთ, რომ არსებობენ ადამიანის მსგავსი გონიერი არსებები

და იქნებ არ არიან ადამიანის მსგავსი არსებები?

თუკი მათი მიზანიც ღმეთთან მისვლაა, მაშინ ამის შესახებ აუცილებლად უნდა იყოს ადამიანი ინფორმირებული, რადგან ყველაფერს რომ თვი დავანებოთ-კვდება ადამიანი და ხედავს არსებებს, რომლებიც არც დემონებს გვანან და არც ანგელოზებს. შესაძლოა მათთან ერთად მოუწიოს სამოთხეში ყოფნა.

და რა არსებებიც შენთვის ცნობილია, ზუსტად იცი ისინი, ვისთან ერთად და როგორ იქნები მომავალ ცხოვრებაში?

თუკი მათი მიზანიც ღმეთთან მისვლაა, მაშინ ამის შესახებ აუცილებლად უნდა იყოს ადამიანი ინფორმირებული, რადგან ყველაფერს რომ თვი დავანებოთ-კვდება ადამიანი და ხედავს არსებებს, რომლებიც არც დემონებს გვანან და არც ანგელოზებს. შესაძლოა მათთან ერთად მოუწიოს სამოთხეში ყოფნა. წარმოიდგინე ახლა ადამიანი მდგომარეობა-ყველაზე ცოტა, იგი ღმერთს კითხავს თუ ვინ არიან ისინი, რატომ არაფერი უთხრა უფალმა ადამიანებს მათი არსებობის შესახებ. ადამიანი მათთან გაუცხოვებასა და სიცივეს განიცდის, რადგან არაფერი სმენია მათ შესახებ. არ იცის ვინ არიან და რა უნდათ მათ უნ უფლისაგან, ან ადამიანისაგან. მე ვფიქრობ, რომ ამ დროს ადამიანი ძალიან გაურკვევლ, დაბნეულ და გაოგნებულ მდგომარეობაში აღმოჩნდება.

ვერ ვხვდები, რატომ აღმოჩნდება ადამიანი გაურკვეველ მდგომარეობაში რაიმე მისთვის მანამდე უცნობი არსება(გინდა ადამიანის მსგავსი და გინდა ისე) რომ შენიშნოს.

ესეც ძალიან უხეში "არგუმენტია".
მთავარია ბიბლია შესაქმის დასაწყისში ზოგადად ცხოველების შექმნას ეხება.
მითხარი რაღა საჭიროა ბიბლიაში ეწეროს, რომ უფალმა ძაღლიც შექმნა, როცა ეს სავსებით ნათელია? ძაღლს ხომ მე თითქმის ყოველდღე ვხედავ, რატომ უნდა დაიკავოს ბიბლიაში ასეთმა უაზრო მომენტმა დგილი?

მეც მაგას გეუბნები რომ სავსებით საკმარისია და ძაღლის და ძაღლის მონათესავე არსებების შემჩნევა და კვლევა უკვე საბუნებისმეტყველო მეცნიერებით ხდება. შენ კი ზემოთ რომ გითხარი ბიბლია არ არის საბუნებისმეტყველო სახელმძღვანელოთქო გაიკვირვე.

ანგელოზები კარგა ხანია შესწავლილნი არიან და ყველაფერი ვიცით მათ შესახებsmile.gif
თუ არ გჯერა, მკითხე რა გაინტერესებს მათ შესახებ და პასუხს ბიბლიით ან წმინდა მამებით გაგცემ.
ჩვენ ვიცით მათი ბუნების, ქმედების, დანიშნულების, ადგილმდებარეობის, იერარქიის, გარეგნულობის შესახებაც კი. ამდენი რამ უცხოპლანეტელებზე ვიცოდეთ, რაღა გვიჭირსsmile.gif

ოსიპოვი ამბობს ლექციებში, სრული წარმოდგენა მიღმა სამყაროზე ჩვენ არ გვაგვაჩნია და რაც ვიცით, ეს არ არის სრული ცოდნაო. და ვეთანხმები.

მაგალითად, ისინი რომ ამბობდნენ, რომ დედამიწა სიბრტყე იყო, რომელიც რაღაც მყარ საგანზე იდგა, ბიბლიაში, კერძოდ ესასიას წიგნში გარკვევით წერია, რომ ღმერთმა დედამიწა ჰაერში დაკიდა, და რომ მას სფეროსებური ფორმა აქვს.
როდის დარწმუნდა მეცნიერება ამაში? სულ ორი საუკუნის წინ!
დაეჯერებინათ ახლა ბიბლიისთვის, ხომ ექნებოდათ სწორი წარმოდგენა.
შენ კი ამბობ, რომ ბიბლიაში ბუნების შესახებ არაფერი წერია!

არ მისმენ რასაც ვამბობ. მე არ მითქვამს არაფერი წერიამეთქი. არაფერს, ნაწილობრივსა და ყველაფერს შორის განსხვავება არის ნამდვილად და მე ვთქვი, რომ ნაწილობრივ წერია და არა სრულად. ხოლო რაც შეეხება ბრტყელ დედამიწას, ეს საეკლესიო იერარქებსაც ასე ეგონათ და არა მარტო მაგ, სხვა საკითხებშიც ზოგი წმინდა მამა მთლად ზუსტ ცოდნას არ ფლობდა. მაგალითისთვის გრიგოლ ნოსელის "ადამიანის მოწყობის შესახებ".

ზუსტად მისი მიწიერი გამოხატულება არასდროს არაფერში შემცდარა!
დამიდასტურე ერთი.
ეკლესიას ქისტე უდგას თავში და თუ ის ცდება, გამოდის, რომ ქრისტეც ცდება, რაც ყოვლად დაუჯერებელი და მიუღებელია.

ადრე მიხვდნენ თუ გვიან, ფაქტია და ეკლესია არ უარყოფს, რომ კრებებიც კი ცდებოდნენ. თვალსაჩინოებისთვის გავიხსენოთ თუნდაც ხატმებრძოლობის პერიოდი, როდესაც თავად პატრიარქები იყვნენ ჩართულები ხატების წინააღმდეგ მოძრაობაში და ეკლესიაში დიდი განხეთქილება შევიდა.

[George Leluashvili]

georgios

შეუძლებელი არ არის. უბრალოდ მათი ხსენება ჩემს სულიერ წინსვლას არაფერს არც მატებს და არც აკლებს.

ეე, მაინც ვერ გაიგე რა!

და იქნებ არ არიან ადამიანის მსგავსი არსებები?

არაა აუცილებელი ადამიანის მსგავსნი იყვნენ.
მე ქვემოთ აღვწერე რამდენიმე შემთხვევა, თუ როგორები შეიძლება იყვნენ ისინი.
"ადამიანის მსგავსში" ადამიანის პოტენციების მსგავსს ვგულისხმობ.

და რა არსებებიც შენთვის ცნობილია, ზუსტად იცი ისინი, ვისთან ერთად და როგორ იქნები მომავალ ცხოვრებაში?

ნამდვილად ვიცი ვისთან ერთად იქნება და მეტ-ნაკლებად თუ როგორ იქნება

მეც მაგას გეუბნები რომ სავსებით საკმარისია და ძაღლის და ძაღლის მონათესავე არსებების შემჩნევა და კვლევა უკვე საბუნებისმეტყველო მეცნიერებით ხდება. შენ კი ზემოთ რომ გითხარი ბიბლია არ არის საბუნებისმეტყველო სახელმძღვანელოთქო გაიკვირვე.

მე გითხარი, რომ საფუძველი უნდა იყო ბიბლია, ხოლო შემდგომი კვლევაც ისე უნდა გაგრძელდეს, რომ ბიბლიასთან არ მოვიდეს წინააღმდეგობაში.

ასევე უნდა იყოს ბიბლიაში მცირედი მინიშნება მაინც უცხო პლანეტელებზე, სანამ მათ არსებობას დააჯრებდნენ ადამიანებს.

ოსიპოვი ამბობს ლექციებში, სრული წარმოდგენა მიღმა სამყაროზე ჩვენ არ გვაგვაჩნია და რაც ვიცით, ეს არ არის სრული ცოდნაო. და ვეთანხმები.

აბსოლუტურად სწორია მერე
სრული წარმოდგენა რომ გვქონდეს, რაღა გვიჭირდა

ხოლო რაც შეეხება ბრტყელ დედამიწას, ეს საეკლესიო იერარქებსაც ასე ეგონათ

ვის ეგონა კაცო, ეს აზრი უკვე იოანე ოქროპირმა დაამკიცა როცა ესაიას წინასწარმეტყველებას განმარტავდა.

მაგალითისთვის გრიგოლ ნოსელის "ადამიანის მოწყობის შესახებ".

და ამ ნაწარმოებში წერია რომ დედამიწა სიბრტყეაო?

ადრე მიხვდნენ თუ გვიან, ფაქტია და ეკლესია არ უარყოფს, რომ კრებებიც კი ცდებოდნენ.

ანუ ადრე მიხვდნენ თუ გვიან მნიშვნელობა არ აქვს?
ასე გამოგდის.
მაშინ გამოდის, რომ რახან ადამიანი არაა უცდომელი, სრულად არც ერთ წმინდა მამას არ უნდა ვენდოთ და საშველიც არ ყოფილა

თვალსაჩინოებისთვის გავიხსენოთ თუნდაც ხატმებრძოლობის პერიოდი, როდესაც თავად პატრიარქები იყვნენ ჩართულები ხატების წინააღმდეგ მოძრაობაში და ეკლესიაში დიდი განხეთქილება შევიდა.

კაი რა! რეებს ურევ ერთმანეთში.
დღეს რომ გაიძახიან ზოგიერთი სექტის წარმომადგენლები-ქრისტიანები ვართო და ხატებს ზედაც არ უყურებენ, ასეთი "ქრისტიანი" პატრიარქები იყვნენ ისინიც.

[georgios]

GIORGI LELUASHVILI

ეე, მაინც ვერ გაიგე რა!

მე კი ვფიქრობ შენ ვერ გაიგე.

ნამდვილად ვიცი ვისთან ერთად იქნება და მეტ-ნაკლებად თუ როგორ იქნებაsmile.gif

ლექციებში კი სხვას ამბობენ. გარდა ამისა, ისიც არ ვიცით ვინ რას დავიმკვიდრებთ მომავალ ცხოვრებაში. ამიტომ მომავალში იქ რა დაგვხვდება, ამაზე საუბარი უბრალოდ უნაყოფოა.

მე გითხარი, რომ საფუძველი უნდა იყო ბიბლია, ხოლო შემდგომი კვლევაც ისე უნდა გაგრძელდეს, რომ ბიბლიასთან არ მოვიდეს წინააღმდეგობაში.

ბიბლია საფუძველი ოღონდ რა სახით? ადამიანის შექმნისას საუბარი სიტყვა-სიტყვით არის მის გამოძერწვაზე. მაგრამ ღვთისმეყველები და პედაგოგები მას დღეს ასე არ ასწავლიან. ანუ მანდ არის მოკლე სიმბოლური გადმოცემა და არა ის, რომ ღმერთმა მიწას წყალი დაუმატა და გამოძერწა ადამიანი.

აბსოლუტურად სწორია მერეsmile.gif
სრული წარმოდგენა რომ გვქონდეს, რაღა გვიჭირდაsmile.gif

შენ კი მითხარი ზემოთ, შანსი არ არის, ბიბლიაში რაიმე საკითხზე ბოლომდე არ ვიცოდეთ პასუხიო.

ვის ეგონა კაცო, ეს აზრი უკვე იოანე ოქროპირმა დაამკიცა როცა ესაიას წინასწარმეტყველებას განმარტავდა.

კოლუმბამდე და მაგელანამდე ყველა დარწმუნებული იყო, რომ დედამიწა მრგვალია?

და ამ ნაწარმოებში წერია რომ დედამიწა სიბრტყეაო?

არა. ეს ერთ-ერთი მაგალითია იმისა, რომ წმინდა მამებიც ცდებოდნენ ხოლმე. ამ წიგნში აღწერილია ადამიანის სხეულის აგებულება და ფიზიოლოგიური პროცესები, რაც დღეს უკვე მოძველებული და არაზუსტია.

P.S.
შენ ეს ბმული არ გადაიკითხე ალბათ.
http://www.mgarsky-monastery.org/kolokol.php?id=44

ანუ ადრე მიხვდნენ თუ გვიან მნიშვნელობა არ აქვს? biggrin.gif
ასე გამოგდის.
მაშინ გამოდის, რომ რახან ადამიანი არაა უცდომელი, სრულად არც ერთ წმინდა მამას არ უნდა ვენდოთ.

ადრე თუ გვიან რას ნიშნავს? ცდომილებები წლების განმავლობაში გრძელდებოდა. ზოგისთვის ერთი წელია ძალზე ბევრი, ზოგისთვის კი ათი წელიც არაფერია...
რადგან ადამიანი უცდომელი არ არის, ეს იმას არ ნიშნავს, რომ სრულად არც ერთს ვენდოთ. ისევ კატეგორიულად მსჯელობ. რაც შეეხება წმინდა მამების რა დავიჯეროთ და რა არა, ეს ზემოთ მითითებულ ბმულზეც წერია და ლექციებშიც კარგად ხსნიან. აგერ მშვენიერი ვებ-გვერდებია:
www.aosipov.ru
www.predanie.ru

პრედანიე.რუ-ზე უზარმაზარი მასალა არის ატვირთული.

კაი რა! რეებს ურევ ერთმანეთში.
დღეს რომ გაიძახიან ზოგიერთი სექტის წარმომადგენლები-ქრისტიანები ვართო და ხატებს ზედაც არ უყურებენ, ასეთი "ქრისტიანი" პატრიარქები იყვნენ ისინიც.

არაფერსაც არ ვურევ. ეს ერთმა და ორმა სასულიერო იერარქმა არ გააკეთა, ამას აკეთებდნენ კრებები. და ერთხელ კი არა ორჯერ დაგმეს კრებებმა ხატები.

[A.V.M]

...

[Kanishtha-Adhikar]

GIORGI LELUASHVILI

ვინ გითხრა, რომ სრულიად უარვყოფ?მე მეუბნები?

მაშინ ღირს შენთან მაინც ამაზე საუბარი

მე უფრო იმიტომ ვარ ორ აზრზე, რომ არ ვიცი რას ამბობენ ეკლესიის მამები, არა უცხოპლანეტელებზე, არამედ კოსმოსზე, ამხელა ურიცხვ სამყაროზე.ესეც ერთ-ერთი საკითხი, რომელიც საფუძვლიანად უნდა გამოვიკვლიო.

თუ რამე მოიძიე, მეც შემატყობინე, მაინტერესებს.

კითხვა მდგომარეობს შემდეგში:ვინ აღწევს და ვის შეუძლია მიაღწიოს (გადაინაცვლოს, დაათვალიეროს) მატერიალურ სამყაროთა სხვა დაბალი თუ მაღალი პლანეტები.რის შედეგად მიიღწევა ეს?

გასაგებია

ბჰაგავად გიტაში ნათქვამია, რომ ადამიანის მიერ სხვა პლანეტაზე მიღწევის მცდელობა ახალი არ არის. ეს ძალიან ძველი პრაქტიკაა.

"ჩემო ძვირფასო არჯუნა, უმაღლეს პლანეტარულ სისტემაზეც რომ წახვიდე, რომელსაც ბრაჰმალოკა ეწოდება, მაინც მოგიწევს უკან დაბრუნება"(8,16)

ამ ციტატის განმარტება ძალიან ვრცელია და შორს წაგვიყვანს, მთავარია ის, რომ ბჰაგავად გიტა ამტკიცებს, რომ შესაძლებელია იოგის მიერ სხვა პლანეტარულ სისტემაზე წასვლა.

ჯერ დავიწყებ მთვარეზე წასვლით

საერთოდ, როგორ შეიძლება მთვარეზე წასვლა, დაბრუნება და ა.შ. გრძელი ისტორიაა და ეს ვედურ ლიტერატურაშია აღწერილი.

ვედური ინფორმაციის საფუძველზე, მთვარეზე სიცოცხლის ხანგრძლივობა 10 000 წელიწადია და ერთი დღე აქაურ ექვს თვეს უდრის. ამრიგად, 10 000 X 180 წელზე მთვარეზე სიცოცხლის ხანგრძლივობას წარმოადგენს. მაგრამ დედამიწის მობინადრეს არ შეუძლია მთვარეზე წასვლა და დიდხანს ცხოვრება. წინააღმდეგ შემთხვევაში მთელი ვედური ლიტერატურა მცდარი იქნებოდა. ჩვენ შეგვიძლია ვცადოთ მასზე გამგზავრება, მაგრამ არ შეგვიძლია იქ ცხოვრება.


უმაღლესი პლანეტარული სისტემის-ბრაჰმალოკის მიღწევაც შესაძლებელია, მაგრამ მეცნიერები ამბობენ ამას კოსმოსური ხომალდის სიჩქარით მოგზაურობით 40 000 წელი დასჭირდებაო. ეს კი შეუძლებელია.

ვედური ლიტერატურიდან ვგებულობთ, რომ თუკი მოვემზადებით, ნებისმიერ პლანეტაზე შეღწევა შეიძლება. თუკი ადამიანი მოემზადება მაღალ პლანეტარულ სისტემებში შესაღწევად, რომელზეც ნახევარღმერთები ბინადრობენ, შეძლებს იქ გამგზავრებას. სწორედ ასევე შესაძლებელია დაბალ პლანეტარულ სისტემებზე წასვლაც, ან თუკი სურს ამ პლანეტაზე დარჩენაც კი. ( ისე კი, თუ კაცს სურს შეუძლია კრიშნას პლანეტასაც მიაღწიოს )

ყველაფერი მომზადებაზეა დამოკიდებული.
ეხლა კი უფრო დაწვრილებით მოგითხრობ

კრიშნა ამბობს:"ვედებში განსწავლული პიროვნებები, რომლებიც წამოთქვამენ ომკარას და განდეგილის წესში მყოფი დიადი ბრძენები არიან, შედიან ბრაჰმანში. ასეთი სრულყოფილების სურვილით ადამიანი უბიწოებას იცავს. იოგური მდგომარეობა ნიშნავს ყოველი გრძნობითი საქმიანობისგან ჩამოცილებას. გრძნობათა ყოველი კარების დაკეტვით და ჭკუის გულზე და სასიცოცხლო ჰაერის თავზე დაფიქსირებით, ადამიანი იოგაში მკვიდრდება"(ბ.გ. 8,11-12)

იოგას სისტემაში ამ პროცესს ეწოდება პრატიაჰარა, რაც საწინააღმდეგოს ნიშნავს. ანუ ყველაფერ გარეგნულს ახლა შინაგანზე ფიქრი უპირისპირდება.

"იოგას ამ პრაქტიკაში ყოფნისა და წმინდა მარცვალ ომ-ის, ასოთა უზენაესი შენაერთის ვიბრირების შემდეგ, თუკი ადამიანი ფიქრობს ღმრთეების უზენაეს პიროვნებაზე და ტოვებს სხეულს, აუცილებლად მიაღწევს სულიერ პლანეტებს."(ბ.გ.13)

ამგვარად, საჭიროა ყოველი გრძნობის გარეგანი მოქმედების შეჩერება და ჭკუის კონცენტრაცია ვიშნუ-მურტიზე (უფალ ვიშნუს ფორმაზე). ეს არის იოგას სრულქმნა

შემდეგ სრულყოფილი იოგი ირჩევს სად წავიდეს. როგორც ვთქვით, არსებობს ურიცხვი მატერიალური პლანეტა და ამ პლანეტებს მიღმა სულიერი სამყაროა.
იოგმა ყველაფერი იცის, შეუძლია ნებისმიერ პლანეტაზე გადაინაცვლოს.

მათ, ვინც მაღალ მატერიალურ პლანეტებს, ნახევარღმერთების პლანეტებს მიაღწიეს, კვლავ უწერიათ განმეორებადი დაბადება და სიკვდილი. როგორც დედამიწაზე მაცხოვრებელი ხალხი ადის მაღალ პლანეტებამდე (როგორც ვთქვით ეს ხალხი იოგები არიან), მაღალი პლანეტების მაცხოვრებლებიც ეცემიან დედამიწაზე.

ეხლა გამახსენდა, ჩჰანდოგია უპანიშადში მოცემულია მსხვერპლშეწირვა, რომელსაც პანჩაგნი-ვიდია ეწოდება, ბრაჰმალოკას მიღწევის საშუალებას იძლევა.
მაგრამ თუკი სული ბრაჰმალოკაზე არ განივითარებს კრიშნას ცნობიერებას, იძულებული გახდება დედამიწას დაუბრუნდეს. ისინი, ვინც მაღალ პლანეტებზე ინვითარებენ კრიშნას ცნობიერებას, თანდათანობით ადიან სულ უფრო და უფრო მაღალ პლანეტებამდე და სამყაროს გაჩანაგების დროს, მარადიულ სულიერ სასუფეველში გადაინაცვლებენ.

[George Leluashvili]

georgios

მე კი ვფიქრობ შენ ვერ გაიგე.

არა ძალიან კარგად მესმის რასაც ამბობ და მე კი გიმტკიცებ, რომ არასწორად მსჯელობ

ლექციებში კი სხვას ამბობენ. გარდა ამისა, ისიც არ ვიცით ვინ რას დავიმკვიდრებთ მომავალ ცხოვრებაში.

რათქმაუნდა არ ვიცი რას დავიმკვიდრებ, მაგრამ მხოლოდდამხოლოდ ორი ვარიანტია-სამოთხე ან ჯოჯოხეთი. მე ის ვიცი რა მდგომარეობაა როგორც ეთ, ისე მეორე ადგილას, მაგრამ სრულიად ამის განცდა და დატევნა შეუძლებელია.

შენ უნდა დაინახო განსხვავება საერთოდ არ ცოდნასა და ნაწილობრივ ცოდნაში.

ამიტომ მომავალში იქ რა დაგვხვდება, ამაზე საუბარი უბრალოდ უნაყოფოა.

რატოა კაცო უნაყოფო, თვითონ ბიბლიაში მიწერია რა ცხოვრებით რას მოვიგებ მერმის სამყოფელში.

ადამიანის შექმნისას საუბარი სიტყვა-სიტყვით არის მის გამოძერწვაზე. მაგრამ ღვთისმეყველები და პედაგოგები მას დღეს ასე არ ასწავლიან. ანუ მანდ არის მოკლე სიმბოლური გადმოცემა და არა ის, რომ ღმერთმა მიწას წყალი დაუმატა და გამოძერწა ადამიანი.

აი ამით რისი თქმა გინდა ვიცი და მეც ვამბობ: წერებულიყო ბიბლიაში, რომ უფალმა გონიერი არსებები შექმნა ( ამ შემთხვევაში უცხოპლანეტელები), რომელთაც თავიანთი გარკვეული მისიები აკისრიათ და მე არ მოვითხოვ მათ დაწვრილებით ჩამონათვალს, უბრალოდ მე ინფორმირებული ვიქნები ამის შესახებ.
ელემენტარულად ის ხომ უნდა ვიცოდე თუ არსებობენ ისინი. თუ ეს არ მეცოდინება, როგორ გამოვიკვლევ?

შენ კი მითხარი ზემოთ, შანსი არ არის, ბიბლიაში რაიმე საკითხზე ბოლომდე არ ვიცოდეთ პასუხიო.

"ბოლომდეო" არსად მითქვამს.
და საერთოდ, გააჩნია რა საკითხე ვმსჯელობთ.
მაგალითად, ჩვენ შეიძლება გარკვეული წარმოდგენა გვქონდეს სამოთხესა და ჯოჯოხეთზე, მაგრამ შესაძლოა ის ნანახი და განცდილი არ გვქონდეს. ამიტომ შეგვიძლიათ ვთქვათ, რომ ბოლომდე არ ვიცით მის შესახებ.

კოლუმბამდე და მაგელანამდე ყველა დარწმუნებული იყო, რომ დედამიწა მრგვალია?

ვისაც ბიბლიის სჯეროდა, ბუნებრივია დარწმუნებულნი იქნებოდნენ.

ადრე თუ გვიან რას ნიშნავს? ცდომილებები წლების განმავლობაში გრძელდებოდა. ზოგისთვის ერთი წელია ძალზე ბევრი, ზოგისთვის კი ათი წელიც არაფერია...

მათი ცდომილებები მათივე ცხოვრებაში გამომჟღავნებულა და დაუგმიათ. როგორც ასეთი მათი ნააზრევი ეკლესიას არ მიუღია და საეკლესიო კრებებზევე უარყოფილ იქნა.

ყოველ შემთხვევაში ხალხი დაბნეული და გაორებული არასოდეს ყოფილა ერთ გაკვეულ საკითხზე. ყველაფერზე იყო და არის ჭეშმარიტი სწავლება.

არაფერსაც არ ვურევ. ეს ერთმა და ორმა სასულიერო იერარქმა არ გააკეთა, ამას აკეთებდნენ კრებები. და ერთხელ კი არა ორჯერ დაგმეს კრებებმა ხატები.

თუ შეგიძლია დამიკონკრეტე რომელ კრებას რომელ საუკუნეში, ვისი მონაწილეობით დაგმეს "კრებებმა" ხატები.
ასე ზერელედ მსჯელობა არასწორია.


A.V.M

ჩემნაირო...

Kanishtha-Adhikar
ვაა, მოკლედ რა ხარ რა
დიდი მადლობა ასეთი საინტერესო ინფორმაციისთვის

ეს ყველაფერი დღესაც აღესრულება და დღესაც ხდება? ანუ ვგულისხმობ იმას, რომ თუ არსებობენ პიროვნებები, რომლებიც სხვადასხვა პლანეტებზე მოგზაურობენ სულით.
ან იქნება ვაიშნავებიც აკეთებთ ამას?

[georgios]

GIORGI LELUASHVILI

არა ძალიან კარგად მესმის რასაც ამბობ და მე კი გიმტკიცებ, რომ არასწორად მსჯელობsmile.gif

არც მე ვიზიარებ შენს მსჯელობას ამ შემთხვევაში.

შენ უნდა დაინახო განსხვავება საერთოდ არ ცოდნასა და ნაწილობრივ ცოდნაში.

მე კი ვხედავ, მაგრამ შენ მეუბნები ზუსტად ვიცით რა და როგორ იქნებაო შემდეგ ცხოვრებაში.

რატოა კაცო უნაყოფო, თვითონ ბიბლიაში მიწერია რა ცხოვრებით რას მოვიგებ მერმის სამყოფელში.

ჰო, მაგრამ ესეც ნაწილობრივ იცი.

ვისაც ბიბლიის სჯეროდა, ბუნებრივია დარწმუნებულნი იქნებოდნენ.

და მერე ვინ იყვნენ ისინი, ვინც დაწმუნებული იყო, ერთი მუჭა ხალხის გარდა? მასიურად ასეთი წარმოდგენა იყო მაშინ სამყაროზე და გეოგრაფიულმა აღმოჩენებმა შეცვალა მაშინდელი სამყარო. ალბათ ეს ამბავი ბევრის რელიგიურ ცხოვრებაზეც აისახებოდა, რომლებიც დედამიწის სიმრგვალესა თუ სიბრტყეს აქცევდნენ უფრო მეტ ყურადღებას და ამით გაუნელდათ რწმენა. ესეც კიდევ ერთი ზედაპირულობა და მიწიერება ასეთი ხალხის სარწმუნეების საკითხებში.

მათი ცდომილებები მათივე ცხოვრებაში გამომჟღავნებულა და დაუგმიათ. როგორც ასეთი მათი ნააზრევი ეკლესიას არ მიუღია და საეკლესიო კრებებზევე უარყოფილ იქნა.

მართლმადიდებლური ეკლესია დღეს აწარმოებს საკმაოდ აქტიურ დიალოგს ე.წ. ქალკედონის კრებამდელ ეკლესიებთან და საკმაო წარმატებებს აღწევენ, როგორც ამბობენ. მარტო ეს კი არა სასულიერო პირები აცხადებენ და იმედს გამოთქვამენ, რომ საკმაოდ მალე ალბათ ევქარისტული კავშირის აღდგენაც იქნება შესაძლებელი მათთანო. ამ შემთხვევაში კი, თუ ქრისტოლოგიურ და სხვა საკითხებში ისევ ერთ აზრზე დადგებიან ისინიც, გამოდის რომ მოექცევიან მართლმადიდებლური ეკლესიისკენ და შესაბამსიად მათი მწვალებლობა საკმაოდ ხანგრძლივი ყოფილა. ყველაფერი ხდება...

თუ შეგიძლია დამიკონკრეტე რომელ კრებას რომელ საუკუნეში, ვისი მონაწილეობით დაგმეს "კრებებმა" ხატები.
ასე ზერელედ მსჯელობა არასწორია.

კარგი. თუ ზერელე ინფორმაცია არის, უფრო დაწვრილებით მიმოვიხილოთ:

იმპერატორები ლეონ III და კონსტანტინე V შეეცადნენ განეხორციელებინათ კიდევ ერთი მნიშვნელოვანი რეფორმა. მათ აკრძალეს წმიდა ხატები და დევნა დაუწყეს მათ დამცველ ბერ-მონაზვნებს. ასე რომ, მათ მიერ წამოწყებული ხატსაწინააღმდეგო ბრძოლის შედეგად "ხატთმებრძოლების" სახელით შევიდნენ ისტორიაში. 726 წლისთვის ლეონ მესამემ გადაწყვიტა, რომ აქტიურად და საჯაროდ დაეგმო ხატები და ნებისმიერი ადამიანის გამოსახულება ტაძრებში. დაიწყო რეპრესიები და სისხლისღვრა. იმპერატორს წინააღმდეგობას უწევდნენ ძირითადად ბერ-მონაზვნობა, რომელსაც გავლენა და საყრდენი ჰქონდა ხალხში. თუმცა აჯანყება ჩაახშეს. კონსტანტინოპოლის პატრიარქი გერმანე ამხელდა იმპერატორს მწვალებლობაში. ლეონმა მოსთხოვა თავისი ახირების შესრულება, თუმცა გერმანემ უარი უთხრა რწმენის საკითხებში კრების გარეშე ცვლილების შეტანაზე. როდესაც გერმანემ თავისი ვერ გაიტანა, იძულებული გახდა გადამდგარიყო პატრიარქობიდან. მის მერე პატრიარქი გახდა ანასტასი, რომელმაც გამოსცა ედიქტი ხატის თაყვანისცემის აკრძალვის შესახებ. ანასტასის და მისი გუნდის ქმედებები იმდენად შორს წავიდა, რომ რომის პაპი ჩაერია საქმეში და გაწყვიტა მასთან კავშირი. მიუხედავად ამისა, ბიზანტიის წიაღში მძვინვარებდა ხატების განადგურება.

ლეონის მემკვიდრემ, კონსტანტინე მეხუთემ იგივე გზა გააგრძელა და ჰიერიაში 748 წელს მოწვეული იქნა საეკლესიო კრება 348 ეპისკოპოსისგან, რომლებმაც ზარ-ზეიმით დაგმეს ხატები. კონსტანტინე მეხუთის შემდეგ ირინამ აღადგენინა ხატების თაყვანისცემა და მოწვეული იქნა 787 წელს მეშვიდე კრება, რომელმაც დაგმო ხატმებრძოლობა.

თუმცა ამით არ დამთავრებულა ყველაფერი. კონსტანტინე მეექვსისა და ირინას შემდეგ გარკვეული ხანი ხატებს თაყვანს სცემდნენ. მოდის ახალი იმპერატორი ლეონ მეხუთე სომეხი და 815 წელს შედგა ახალი კრბა, რომელმაც გააუქმა მეშვიდე კრების კანონები და აღადგინა წინა, პირველი ხატმებრძოლური კრების პრინციპები. ოღონდ ამ შემთხვევაში ხატებს სრულად არ ანადგურებდნენ, არამედ მათ ათავსებდნენ ძალზე მაღლა და მათ წინ ლოცვა და ღვთისმსახურება არ შეიძლებოდა. მოგვიანებით იმპერატორმა თეოფილემ ყველაზე მეტად გაამკაცრა დევნა ხატების თაყვანისმცემლების მიმართ, რაშიც მას ეხმარებოდა თავად პატრიარქი იოანე გრამატიკოსი.

მხოლოდ თეოფილეს სიკვდილის შემდეგ, მისმა ცოლმა-რეგენტმა თეოდორამ ხელი შეუწყო ხატების დაბრუნებას და 842 წელს კონსტანტინოპოლის კრებამ კვლავ აღადგინა ხატების თაყვანისცემა.

საუკუნეზე მეტი ხნის განმავლობაში მიდიოდა სასტიკი ომი ხატების გარშემო და ამაში ჩართულები იყვნენ ხატმებრძოლი პატრიარქები და კრებები. მთელი ეკლესიის მასშტაბით უარყვეს ორჯერ ხატები და საერთოდ ამ მოვლენამ დიდი დარტყმა მიაყენა ეკლესიას...

ზოგჯერ პატრიარქებიც და კრებებიც ცდებიან...

[George Leluashvili]

georgios

მე კი ვხედავ, მაგრამ შენ მეუბნები ზუსტად ვიცით რა და როგორ იქნებაო შემდეგ ცხოვრებაში.

სად გითხარი მასეთი რამ, დამიკოპირე ერთი
ჩვენ გვაქვს ზოგადი წარმოდგენა იმის შესახებ, თუ როგორი მდგომარეობა იქნება როგორც სამოთხეში, ისე ჯოჯოხეთში.
ამას ზოგადს იმიტომ ვუწოდებ, რომ ჩვენ წერილობით შესაძლოა სრული ინფორმაცია გვაქვს, მაგრამ პირადად არ განგვიცდია. ან განგვიცდია მისი უმნიშვნელო ნაწილი.
ადამიანი ვერ დაიტევს ხორცში მყოფი იმ ნეტარებასა და სიხარულს, რომელიც მას მართალი ცხოვრების შემდეგ ელოდება.

სამოთხე ასევე იხილა პავლე მოციქულმა და მან ვერ გამოთქვა მისი მშვენიერება. მხოლოდ ძალიან ზოგადად აღგვიწერა ის. (II კორ. 12, 1-2)

ჰო, მაგრამ ესეც ნაწილობრივ იცი.

ნაწილობრივ ვიცი არა ზოგადად ორი ადგილი (სამოთხე და ჯოჯოხეთი), არამედ ის, თუ რა მდგომარეობაა მათზე.

და მერე ვინ იყვნენ ისინი, ვინც დაწმუნებული იყო, ერთი მუჭა ხალხის გარდა?

ხო ასე იყო რათქმაუნდა.
ჭეშმარიტი მორწმუნეები ყოველთვის თითზე ჩამოსათვლელნი იყვნენ.

მართლმადიდებლური ეკლესია დღეს აწარმოებს საკმაოდ აქტიურ დიალოგს ე.წ. ქალკედონის კრებამდელ ეკლესიებთან და საკმაო წარმატებებს აღწევენ, როგორც ამბობენ. მარტო ეს კი არა სასულიერო პირები აცხადებენ და იმედს გამოთქვამენ, რომ საკმაოდ მალე ალბათ ევქარისტული კავშირის აღდგენაც იქნება შესაძლებელი მათთანო. ამ შემთხვევაში კი, თუ ქრისტოლოგიურ და სხვა საკითხებში ისევ ერთ აზრზე დადგებიან ისინიც, გამოდის რომ მოექცევიან მართლმადიდებლური ეკლესიისკენ და შესაბამსიად მათი მწვალებლობა საკმაოდ ხანგრძლივი ყოფილა. ყველაფერი ხდება...

ვერ გავიგე ამით რისი თქმა გინდა

მის მერე პატრიარქი გახდა ანასტასი, რომელმაც გამოსცა ედიქტი ხატის თაყვანისცემის აკრძალვის შესახებ. ანასტასის და მისი გუნდის ქმედებები იმდენად შორს წავიდა, რომ რომის პაპი ჩაერია საქმეში და გაწყვიტა მასთან კავშირი. მიუხედავად ამისა, ბიზანტიის წიაღში მძვინვარებდა ხატების განადგურება.

მერე სად ჩანს აქ ან წმინდა მამათა, ან ქრისტეს ეკლესიის შეცდომა?
მითხარი ან რომელმა წმინდა მამამ, ან რომელმა მსოფლიო საეკლესიო კრებამ დაგმო ხატთაყვანისცემა.
აი ეს მითხარი და ხელები ამიწევია.

ლეონის მემკვიდრემ, კონსტანტინე მეხუთემ იგივე გზა გააგრძელა და ჰიერიაში 748 წელს მოწვეული იქნა საეკლესიო კრება 348 ეპისკოპოსისგან, რომლებმაც ზარ-ზეიმით დაგმეს ხატები.

ისევ იგივე
ვერ გავიგე რა შუაში არიან ეს ეპისკოპოსები ან წმინდანთა, ან ეკლესიის შცდმომებთან.

ჩვენ თუ ასე ვიმსჯელეთ, გამოდის ეკლესიის ბრალი ყოფილა, როცა ეკლესიაში მწვალებლური იდეები ჩნდებოდა ზუსტად ასეთი "ეპისკოპოსების" მიერ. მაგრამ საქმე იმაშია, რომ შესაძლოა ჩნდებოდა, მაგრამ მას ერთი წმინდა, კათოლიკე და სამოციქულო ეკლესია მაშინვე გმობდა.

ღვთისმგმობელი იდეები ყოველთვის მრავლად იყო ეკლესიებში, მაგრამ ეს იდეები იკვეთებოდა წმ.მამათა ძალისხმევით.

საუკუნეზე მეტი ხნის განმავლობაში მიდიოდა სასტიკი ომი ხატების გარშემო და ამაში ჩართულები იყვნენ ხატმებრძოლი პატრიარქები და კრებები. მთელი ეკლესიის მასშტაბით უარყვეს ორჯერ ხატები და საერთოდ ამ მოვლენამ დიდი დარტყმა მიაყენა ეკლესიას...

ეს არ გაუკეთებია საყოველთაო (კათოლიკე) ეკლეისას.
ამას აკეთებდნენ ადგილობრივი კრებები და უღირსი სამღვდელოება.

თუ ამას მართლმადიდებელი ეკლესია აკეთებდა, მაშინ ისიმის კითხვა, ვიღამდ დაგმო ხატმებრძოლობა?
ისევ იმან ვინც წამოიწყო? არამც და არამც!
ეს დაგმო მსოფლიო ეკლესიამ მსოფლიოს წმ.მამათა ხელმძღვანელობით.

ზოგჯერ პატრიარქებიც და კრებებიც ცდებიან...

რათქმაუნდა შეცდომისაგან არავინაა დაზღვეული.
მოდი დავაკონკრეტებ:ზოგჯერ პატრიარქი და ადგილობრივი კრებები ცდებიან, ხოლო მსოფლიო ერთი, წმინდა, კათოლიკე და სამოციქულო ეკლესია არასდროს შემცდარა.
ძალიან დიდი განსხვავებაა ამ ორს შორის.

მგონი გასაგები უნდა იყოს

[georgios]

GIORGI LELUASHVILI

მე კი ვხედავ, მაგრამ შენ მეუბნები ზუსტად ვიცით რა და როგორ იქნებაო შემდეგ ცხოვრებაში.

სად გითხარი მასეთი რამ, დამიკოპირე ერთიbiggrin.gif

ნამდვილად ვიცი ვისთან ერთად იქნება და მეტ-ნაკლებად თუ როგორ იქნებაsmile.gif

ჩვენ გვაქვს ზოგადი წარმოდგენა იმის შესახებ, თუ როგორი მდგომარეობა იქნება როგორც სამოთხეში, ისე ჯოჯოხეთში.

ნაწილობრივ ვიცი არა ზოგადად ორი ადგილი (სამოთხე და ჯოჯოხეთი), არამედ ის, თუ რა მდგომარეობაა მათზე.

ზოგადი ცოდნა არ არის "ნამდვილი" და "უეჭველი" ცოდნა. ამიტომ უნდა მიაყოლოს კაცმა მსჯელობისას არა ნამდვილად ანუ ზუსტად არამედ ნაწილობრივ.

ხო ასე იყო რათქმაუნდა.
ჭეშმარიტი მორწმუნეები ყოველთვის თითზე ჩამოსათვლელნი იყვნენ.

თითზე ჩამოსათვლელებმა რომ იცოდნენ დედამიწის სიმრგვალე, იმიტომაც მორწმუნეების უდიდესმა ნაწილმა ეს არ იცოდა, თუმცა ეს სულაც არ ნიშნავს მათ რწმენაში რაიმე ნაკლს.

ვერ გავიგე ამით რისი თქმა გინდაfiqri.gif

სიტყვა ჩამოვარდა იმაზე, აქვს თუ არა მნიშვნელობა ადრე შეწყდება მწვალებლობა თუ გვიან. და მაგალითად მოვიყვანე მონოფიზიტებთან დიალოგის პერსპექტივები. თუკი ისინი უარყოფენ თავიანთ სწავლებას და დაბრუნდებიან ერთიან ეკლესიაში, მაშინ ეს მწვალებლობა კარგა ხანს გაგრძელებულა. ეს ისე, იმის გასააზრებლად დავწერე, რომ შეიძლება რომელიმე ეკლესიაში მწვალებლობა შეიძლება დიდხანს გაგრძელდეს და ეგრევე არ დაგმობენ.

მერე სად ჩანს აქ ან წმინდა მამათა, ან ქრისტეს ეკლესიის შეცდომა?
მითხარი ან რომელმა წმინდა მამამ, ან რომელმა მსოფლიო საეკლესიო კრებამ დაგმო ხატთაყვანისცემა.
აი ეს მითხარი და ხელები ამიწევია.

მე დავწერე უკვე ორ კრებაზე, და ისინი მოწვეული იყო არა რიგითი გამვლელის მიერ, არამედ თავად პატრიარქის მიერ. მონაწილეობდნენ ოფიციალურად ეპისკოპოსები და არა ვინმე სხვა. ეს არ იყო მსოფლიო საეკლესიო კრება, მაგრამ ეს იგივე იყო ანალოგიურად, რაც მაგალითად რაიმე საკითხზე საქართველოს სამოციქულო ეკლესიამ რომ გამართოს კრება.

ღვთისმგმობელი იდეები ყოველთვის მრავლად იყო ეკლესიებში, მაგრამ ეს იდეები იკვეთებოდა წმ.მამათა ძალისხმევით.

მე არ ვამბობ რომ არ იკვეთებოდა, მაგრამ სასულიერო იერარქებიც რომ ცდებოდნენ და საკმაოდ ცდებოდნენ, მაგაზე მაქვს საუბარი.

თუ პატრიარქის მიერ მოწვეული კრება კრება არ არის?

თუ ამას მართლმადიდებელი ეკლესია აკეთებდა, მაშინ ისიმის კითხვა, ვიღამდ დაგმო ხატმებრძოლობა?
ისევ იმან ვინც წამოიწყო? არამც და არამც!
ეს დაგმო მსოფლიო ეკლესიამ მსოფლიოს წმ.მამათა ხელმძღვანელობით.

ვინ დაგმო და პატრიარქმა თავისი ეპისკოპოსებით.

როდის დაგმეს და როდის მოვიდნენ აზრზე, მაგას რა მნიშვნელობა აქვს. ფაქტია, რომ კრებები შედგა საპატრიარქოს მასშტაბით.

და თუკი საპატრიარქოს დადგენილება არაფერს ნიშნავს, მაშინ ჩვენი საპატრაირქოს გადაწყვეტილებაც ზოგირთის მოსაზრებით არასწორი ყოფილა და ქართულის მაგივრად ბერძნულად ვიგალობოთ ან გრიგოლ ფერაძე წმინდანად აღარ მოვიხსენიოთ.

ადგილობრივ კრებასაც ძალიან დიდი მნიშვნელობა აქვს.

მოდი დავაკონკრეტებ:ზოგჯერ პატრიარქი და ადგილობრივი კრებები ცდებიან, ხოლო მსოფლიო ერთი, წმინდა, კათოლიკე და სამოციქულო ეკლესია არასდროს შემცდარა.

მაგრამ აქ სწორედ ისევ მთავარ თემას ვუბრუნდებით პირდაპირ: არც მსოფლიო საეკლესიო კრებებს არ უმსჯელიათ საერთოდ უცხოპლანეტელებზე. იმიტომ რომ ამის არანაირი საჭიროება არ არსებობდა და მათ არსებობა-არარსებობაზე აზრი ისევ პირადი აზრი იქნება ჯერჯერობით, რომელსაც თავისთავად არც ზიანის მოტანა შეუძლია და არც სარგებლის.

[George Leluashvili]

georgios

ზოგადი ცოდნა არ არის "ნამდვილი" და "უეჭველი" ცოდნა. ამიტომ უნდა მიაყოლოს კაცმა მსჯელობისას არა ნამდვილად ანუ ზუსტად არამედ ნაწილობრივ.

გიორგი შენ არ კითხულობ დაკვირვებით ჩემ პოსტებს და მასე იმიტომ ამბობ.

მე დავაკონკრეტე თუ რა ვიცი ნამდვილად და რა ნაწილობრივ.
ნამდვილად ვიცი რომ არსებობს სამოთხე და არსებობს ჯოჯოხეთი, მაგრამ ნაწილობრივ, ან უფრო ნაკლებად ვიცი რა მდგომარეობაა თითოეულ მათგანში.
მგონი არის განსხვავება ამ ორს შორის.

თითზე ჩამოსათვლელებმა რომ იცოდნენ დედამიწის სიმრგვალე, იმიტომაც მორწმუნეების უდიდესმა ნაწილმა ეს არ იცოდა, თუმცა ეს სულაც არ ნიშნავს მათ რწმენაში რაიმე ნაკლს.

ცოტა არ იყო პარადოქსია...
ეხლა დაუკვირდი:თუ ადამიანს გააჩნია იმ ღვთის რწმენა, რომელიც ბიბლიაშია, მაშინ ბუნებრივია მას უნდა სჯეროდეს ბიბლიისაც. თუკი ბიბლიის სჯერა, უნდა სჯეროდეს ყველაფერ იმის რაც ბიბლიაშია ნათქვამი. ბიბლიაში კი ნათქვამია, რომ დედამიწა ღმერთმა ჰაერში დაკიდა და რომ მას სფეროსებრი ფორმა აქვს.

სხვა საკითხია თუკი ადამიანმა სიზარმაცის გამო არ იცის ეს და უბრალოდ არ წაუკითხავს.

სიტყვა ჩამოვარდა იმაზე, აქვს თუ არა მნიშვნელობა ადრე შეწყდება მწვალებლობა თუ გვიან. და მაგალითად მოვიყვანე მონოფიზიტებთან დიალოგის პერსპექტივები. თუკი ისინი უარყოფენ თავიანთ სწავლებას და დაბრუნდებიან ერთიან ეკლესიაში, მაშინ ეს მწვალებლობა კარგა ხანს გაგრძელებულა. ეს ისე, იმის გასააზრებლად დავწერე, რომ შეიძლება რომელიმე ეკლესიაში მწვალებლობა შეიძლება დიდხანს გაგრძელდეს და ეგრევე არ დაგმობენ.

გიორგი რა გჭირს რეებს ურევ
ეკლესია არის მხოლოდ ერთი-ჭეშმარიტი მართლმადიდებელი ეკლესია.
ამ ეკლესიამ, აღმოცენდა თუ არა მონიფიზიტობის იდეა, მაშინვე დაგმო იგი, მაგრამ ისინი გამოეყვნენ ჭეშმარიტ ეკლესიას და თავიანთი მსოფლმხედველობა ჩამოაყალიბეს.
აქედან მომდინარე მონიფიზიტურ ეკლესიას შეიძლება ეწოდოს ეკლესია, მაგრამ ის არ არის მაცხოვნებელი და ჭეშმარიტი ეკლესია.
არსებობს მრავალი ეკლესია:კათოლიკური, მონოფიზიტური, პროტესტანტული, მართლმადიდებლური და სხვა, მაგრამ აქედან სწორი და ჭეშმარიტი არის მხოლოდ ერთი.
სწორედ ეს ერთი ეკლესია ინახავს მოციქულთა დროიდან მოყოლებული სწორ სარწმუნოებას და მემკვიდრეა მოციქულებისა. ამიტომ მას ეწოდება სამოციქულო ეკლესია.

მე დავწერე უკვე ორ კრებაზე, და ისინი მოწვეული იყო არა რიგითი გამვლელის მიერ, არამედ თავად პატრიარქის მიერ. მონაწილეობდნენ ოფიციალურად ეპისკოპოსები და არა ვინმე სხვა. ეს არ იყო მსოფლიო საეკლესიო კრება, მაგრამ ეს იგივე იყო ანალოგიურად, რაც მაგალითად რაიმე საკითხზე საქართველოს სამოციქულო ეკლესიამ რომ გამართოს კრება.

ჰოდა ეს თუ იცი, რაღა უნდა იყოს მაშინ გაუგებარი?
საქართველოს ეკლესიამ რომ იგივე გააკეთოს(სიტყვეზე), მაშინ ეს უნდა დაგმოს მსოფლიოს სხვა მართლმადიდებელმა ეკლესიებმა.
ეს ხომ არ ნიშნავს იმას, რომ ქრისტეს მთელი ეკლესია შეცდა?
თუკი რომელიმე ეპისკოპოსი, ან პატრიარქი გაიზიარებს მწვალებლურ იდეებს, რათქმაუნდა არ შერაცხავს მას ეკლესია წმინდანად.
ამიტომ სისულელეა იმის თქმა, რომ რომელიმე წმინდანი არასწორად მსჯელობდა სერიოზულ საღვთისმეტყველო საკითხებში. თუკი მათ რაიმე უმნიშვნელო შეცდომა დაუშვეს, ეგ შეცდომა მაშინვე გამომჟღავნებულა და გაუქმებულ იქნა. შემცოდესაც მოუნანიებია და გამოუსწორებია საქციელი. განსხვავებით იმ სასულიერო პირებისა, რომელთაც არასწორი მსჯელობა დაიწყეს, შემდეგ ეს მათი იდეები ეკლესიამ დაგმო და მათ კი, მონანიების ნაცვლად თავიანთი ეკლესია ჩამოაყალიბეს.

მე არ ვამბობ რომ არ იკვეთებოდა, მაგრამ სასულიერო იერარქებიც რომ ცდებოდნენ და საკმაოდ ცდებოდნენ, მაგაზე მაქვს საუბარი.

კი ცდებოდნენ, მაგრამ ამ შეცდომას ხომ ასწორებდნენ?აი ესაა მთავარი.

ვინ დაგმო და პატრიარქმა თავისი ეპისკოპოსებით.

არა, ეს დაგმო არა ერთმა რომელიმე პატრიარქმა, არამედ მსოფლიო საეკლესიო კრებამ.

როდის დაგმეს და როდის მოვიდნენ აზრზე, მაგას რა მნიშვნელობა აქვს. ფაქტია, რომ კრებები შედგა საპატრიარქოს მასშტაბით.

ჯერ ერთი ძალიან, ძალიან დიდი მნიშვნელობა აქვს და მეორე-თუკი რომელიმე პატრიარქს მწვალებლური იდეები გაუჩნდება, ეს არ აკნინებს ეკლესიის ავტორიტეტს, ვინაიდან ეკლესია მას არ იზიარებს.

და თუკი საპატრიარქოს დადგენილება არაფერს ნიშნავს, მაშინ ჩვენი საპატრაირქოს გადაწყვეტილებაც ზოგირთის მოსაზრებით არასწორი ყოფილა და ქართულის მაგივრად ბერძნულად ვიგალობოთ ან გრიგოლ ფერაძე წმინდანად აღარ მოვიხსენიოთ.

მაშინ, ვინც არ ეთანხმება საქართველოს ეკლესიის დაგაწყვეტილებას რაიმე გარკვეულ საკითხში, მან უნდა დააკონკრეტოს რაში არ ეთანხმება და რატომ არ ეთანხმება.
შემდეგ ეს საკითხი გაირკვევა ბიბლიის, ან წმინდა მამათა სწავლების მიხედვით და გამჟღავნდება მტყუან-მართალი.

ადგილობრივ კრებასაც ძალიან დიდი მნიშვნელობა აქვს.

რათქმაუნდა.

მაგრამ აქ სწორედ ისევ მთავარ თემას ვუბრუნდებით პირდაპირ: არც მსოფლიო საეკლესიო კრებებს არ უმსჯელიათ საერთოდ უცხოპლანეტელებზე. იმიტომ რომ ამის არანაირი საჭიროება არ არსებობდა და მათ არსებობა-არარსებობაზე აზრი ისევ პირადი აზრი იქნება ჯერჯერობით, რომელსაც თავისთავად არც ზიანის მოტანა შეუძლია და არც სარგებლის.

იმიტომ არ უმსჯელიათ, რომ მაშინ არც არსებობდა მათი არსებობის დამადასტურებელი თეორიები.
მაშინ არც მფრინავი თეფშები აღმოუჩენიათ და არც მახინჯი არსებები.
ხალხს მაგავსი რამ აზრადაც არ მოუვიდოდა.
მაგრამ თანამედროვე წმინდა მამები რომ ერთხმად უარყოფენ მათ არსებობას, ეს არაა საკმარისი?

[georgios]

GIORGI LELUASHVILI

გიორგი შენ არ კითხულობ დაკვირვებით ჩემ პოსტებს და მასე იმიტომ ამბობ.

მე დავაკონკრეტე თუ რა ვიცი ნამდვილად და რა ნაწილობრივ.
ნამდვილად ვიცი რომ არსებობს სამოთხე და არსებობს ჯოჯოხეთი, მაგრამ ნაწილობრივ, ან უფრო ნაკლებად ვიცი რა მდგომარეობაა თითოეულ მათგანში.
მგონი არის განსხვავება ამ ორს შორის.

მერე მაგას დაზუსტება უნდა.

ცოტა არ იყო პარადოქსია...
ეხლა დაუკვირდი:თუ ადამიანს გააჩნია იმ ღვთის რწმენა, რომელიც ბიბლიაშია, მაშინ ბუნებრივია მას უნდა სჯეროდეს ბიბლიისაც. თუკი ბიბლიის სჯერა, უნდა სჯეროდეს ყველაფერ იმის რაც ბიბლიაშია ნათქვამი. ბიბლიაში კი ნათქვამია, რომ დედამიწა ღმერთმა ჰაერში დაკიდა და რომ მას სფეროსებრი ფორმა აქვს.

სხვა საკითხია თუკი ადამიანმა სიზარმაცის გამო არ იცის ეს და უბრალოდ არ წაუკითხავს.
ციტატა

ნეტარი ავგუსტინე ეწინააღმდეგებოდა დედამიწის სიმრგვალეზე მოსაზრებას, მაგრამ არც ზარმაცი ყოფილა და არც "ცუდი" ქრისტიანი.

გიორგი რა გჭირს რეებს ურევbiggrin.gif
ეკლესია არის მხოლოდ ერთი-ჭეშმარიტი მართლმადიდებელი ეკლესია.
ამ ეკლესიამ, აღმოცენდა თუ არა მონიფიზიტობის იდეა, მაშინვე დაგმო იგი, მაგრამ ისინი გამოეყვნენ ჭეშმარიტ ეკლესიას და თავიანთი მსოფლმხედველობა ჩამოაყალიბეს.
აქედან მომდინარე მონიფიზიტურ ეკლესიას შეიძლება ეწოდოს ეკლესია, მაგრამ ის არ არის მაცხოვნებელი და ჭეშმარიტი ეკლესია.
არსებობს მრავალი ეკლესია:კათოლიკური, მონოფიზიტური, პროტესტანტული, მართლმადიდებლური და სხვა, მაგრამ აქედან სწორი და ჭეშმარიტი არის მხოლოდ ერთი.
სწორედ ეს ერთი ეკლესია ინახავს მოციქულთა დროიდან მოყოლებული სწორ სარწმუნოებას და მემკვიდრეა მოციქულებისა. ამიტომ მას ეწოდება სამოციქულო ეკლესია.

ეს გასაგებია, მაგრამ ეკლესიის წიაღშიც შეიძლება შეცდნენ, თუნდაც დედამიწის გარეთ მყოფ არსებებზე(ხაზს ვუსვამ, არ ვგულისხმობ თეფშებსა და დიდთავიან მაჯლაჯუნებს, ფილმებში რომ არის)

ჰოდა ეს თუ იცი, რაღა უნდა იყოს მაშინ გაუგებარი?
საქართველოს ეკლესიამ რომ იგივე გააკეთოს(სიტყვეზე), მაშინ ეს უნდა დაგმოს მსოფლიოს სხვა მართლმადიდებელმა ეკლესიებმა.
ეს ხომ არ ნიშნავს იმას, რომ ქრისტეს მთელი ეკლესია შეცდა?

მთელი ეკლესია არ ცდება სარწმუნებრივ სწავლებებში, მაგრამ გეოგრაფიულ აღმოჩენებზე, ბიოლოგიის საკითხებზე და ა.შ. თუ ეს აშკარად არ ეწინააღმდეგება წმინდა წერილს, უბრალოდ არც განიხილავს და მიზეზები შემდეგია:
1. ეს არ არის მრწამსის საკითხი.
2. ეს არ ახდენს გავლენას ადამიანის რწმენაზე.

კი ცდებოდნენ, მაგრამ ამ შეცდომას ხომ ასწორებდნენ?აი ესაა მთავარი.

და მე ვკითხულობ: რატომ არის ასეთი მძაფრი რეაქცია უცხოპლანეტელების არსებობაზე? როდესაც ეს არ წყვეტს ქრისტიანობისთვის არსებითად არაფერს.

თუკი რომელიმე ეპისკოპოსი, ან პატრიარქი გაიზიარებს მწვალებლურ იდეებს, რათქმაუნდა არ შერაცხავს მას ეკლესია წმინდანად.
ამიტომ სისულელეა იმის თქმა, რომ რომელიმე წმინდანი არასწორად მსჯელობდა სერიოზულ საღვთისმეტყველო საკითხებში. თუკი მათ რაიმე უმნიშვნელო შეცდომა დაუშვეს, ეგ შეცდომა მაშინვე გამომჟღავნებულა და გაუქმებულ იქნა. შემცოდესაც მოუნანიებია და გამოუსწორებია საქციელი. განსხვავებით იმ სასულიერო პირებისა, რომელთაც არასწორი მსჯელობა დაიწყეს, შემდეგ ეს მათი იდეები ეკლესიამ დაგმო და მათ კი, მონანიების ნაცვლად თავიანთი ეკლესია ჩამოაყალიბეს.

იუსტინიანე პირველის მეუღლე, დედოფალი თეოდორა დღესაც ითვლება წმინდანად. მაშინ, როდესაც ის თუნდაც მონოფიზიტების მიმართ სიმპათიებით იყო განწყობილი და შეძლებისდაგვარად მფარველობდა მათ, თუმცაღა თავად ოფიციალურად არ იყო მონოფიზიტი. ისმის კითხვა, რატომ რჩება ის წმინდანად აღიარებულად, როდესაც მასეთ უმნიშვნელოვანეს საკითხში ის იჩენდა საკმაოდ არასწორ პოზიციას?

მაშინ, ვინც არ ეთანხმება საქართველოს ეკლესიის დაგაწყვეტილებას რაიმე გარკვეულ საკითხში, მან უნდა დააკონკრეტოს რაში არ ეთანხმება და რატომ არ ეთანხმება.
შემდეგ ეს საკითხი გაირკვევა ბიბლიის, ან წმინდა მამათა სწავლების მიხედვით და გამჟღავნდება მტყუან-მართალი.

ესეც ერთ-ერთი მოსაზრება გრიგოლ ფერაძის წმინდანად შერაცხვის შესახებ, სადაც სინოდის გადაწყვეტილების გაუქმებას მოითხოვენ.
http://religia.ge/ceo11_Feradze.html

იმიტომ არ უმსჯელიათ, რომ მაშინ არც არსებობდა მათი არსებობის დამადასტურებელი თეორიები.
მაშინ არც მფრინავი თეფშები აღმოუჩენიათ და არც მახინჯი არსებები.
ხალხს მაგავსი რამ აზრადაც არ მოუვიდოდა.
მაგრამ თანამედროვე წმინდა მამები რომ ერთხმად უარყოფენ მათ არსებობას, ეს არაა საკმარისი?

აზრადაც სწორედ რომ მოუვიდოდათ და დედამიწის იქით ბევრ რამეს ვარაუდობდნენ ძველი ხალხები.
წმინდა მამები უარყოფენ და უნდობლობით ეკიდებიან, მაგრამ თუნდაც თეოფანე დაყუდებული საუბრის ბოლოს ამბობს, რომ რაც მე თქვენ ახლა გესაუბრეთ, მაინც ვარაუდია და მომავალში ვნახავთო.

ნაკლები შესაძლებლობა მაინც ასი პროცენტით არ გამორიცხავს უცხოპლანეტელების არსებობას და სავსებით შესაძლებელია ისინი იყვნენ ან დაცემული სულები, გარკვეულწილად გარდაქმნილები, რომლებიც სრულიად სამყაროს წესრიგში არიან ჩართულები.

[George Leluashvili]

georgios

მერე მაგას დაზუსტება უნდა.

დაზუსტებული მქონდა და მეც მაგას გეუბნები. აბა გადახედე ზემოთ.

ნეტარი ავგუსტინე ეწინააღმდეგებოდა დედამიწის სიმრგვალეზე მოსაზრებას, მაგრამ არც ზარმაცი ყოფილა და არც "ცუდი" ქრისტიანი.

კაი რა, რას ეწინაამდეგებოდა, საიდან დაასკვენი ეგ, ან სად იპოვე ეგ ინფორმაცია.
შესაძლოა სხვა რაღაცას გულისხმობს. მთლიანი კონტექსტით უნდა ვიმსჯელოთ.

ეს გასაგებია, მაგრამ ეკლესიის წიაღშიც შეიძლება შეცდნენ, თუნდაც დედამიწის გარეთ მყოფ არსებებზე(ხაზს ვუსვამ, არ ვგულისხმობ თეფშებსა და დიდთავიან მაჯლაჯუნებს, ფილმებში რომ არის)

ეხლა შენ ისე ნუ გგონია, რომ რახან ერთი პიროვნება შეიძლება შეცდეს, ვსო აღარ უნდა ვენდოთ არავის!
კაი, ვთქვათ ერთი პიროვნება შეცდა, მაგრამ ყველა ერთხმად შეცდა და შენ ხარ მართალი?
მასე გამოდის, რადგან შენ ამბობ-შეიძლება ეკლესიის წიაღშიც შეცდნენ.
ჯერ ერთი ეს დასაზუსტებელია შეცდნენ თუ არა. თუ ამბობ, რომ შეცდნენ, მაშინ უნდა დაუმტკიცო რაში და რატომ შეცდნენ.

დღეს მთელი მართლმადიდებელი ეკლესია ამბობს, რომ არანაირი უცხოპლანეტელები, ჰუმანოიდები და მფრინავი თეფშები არ არსებობენ.

შენ თუ მართლმადიდებელ ეკლეიას არ ენდობი და არ გჯერა მისი დასკვნებისა, ეგ შენი საქმეა.

მაგრამ შენ ვერ მაჩვენებ მცირე დასაყრდენსაც კი როგორც ბიბლიაში, ისე წმ. მამათა ნაშრომებში და საერთოდ, მართლმადიდებელ ეკლესიაში იმის თაობაზე, რომ ჩამოთვლილთაგან რომელიმე მხარს უჭერდეს უცხოპლანეტელთა არსებობას.

მთელი ეკლესია არ ცდება სარწმუნებრივ სწავლებებში, მაგრამ გეოგრაფიულ აღმოჩენებზე, ბიოლოგიის საკითხებზე და ა.შ. თუ ეს აშკარად არ ეწინააღმდეგება წმინდა წერილს, უბრალოდ არც განიხილავს და მიზეზები შემდეგია:1. ეს არ არის მრწამსის საკითხი. 2. ეს არ ახდენს გავლენას ადამიანის რწმენაზე.

მაგრამ რატომ განიხილავენ წმ. მამები უცხოპლანეტელების არსებობა-არ არსებობის საკითხს?
ანუ გამოდის, რომ ეს არ არის მხოლოდ გეოგრაფიული, ან ანატომიური საკითხი, არამედ სერიოზულია და მნიშვნელოვანი ღვთისმეტყველებაში.

და მე ვკითხულობ: რატომ არის ასეთი მძაფრი რეაქცია უცხოპლანეტელების არსებობაზე? როდესაც ეს არ წყვეტს ქრისტიანობისთვის არსებითად არაფერს.

ეს შენ გგონია რომ არ წყვეტს, თორემ მე ზემოთ აგიხსენი კიდეც რატომ წყვეტს. თუ ჩემი ახსნა არ იყო საკმარისი, შეგიძლია წმ. მამებს გაეცნო ამის შესახებ.
თუ არაქვს მნიშვნელობა, კიდევ ერთხელ გეკითხები- რატომ განიხილავენ მათ არსებობა-არ არსებობას ეკლესიის მამები?
ესეიგი მნიშვნელოვანია!

იუსტინიანე პირველის მეუღლე, დედოფალი თეოდორა დღესაც ითვლება წმინდანად. მაშინ, როდესაც ის თუნდაც მონოფიზიტების მიმართ სიმპათიებით იყო განწყობილი და შეძლებისდაგვარად მფარველობდა მათ, თუმცაღა თავად ოფიციალურად არ იყო მონოფიზიტი. ისმის კითხვა, რატომ რჩება ის წმინდანად აღიარებულად, როდესაც მასეთ უმნიშვნელოვანეს საკითხში ის იჩენდა საკმაოდ არასწორ პოზიციას?

გიორგი მაოცებ.

განა არ იცი რომ ყველას მიმართ პატივისცემა, დახმარება და მფარველობა ვალია ქრისტიანისა?
ვინც არ უნდა იყოს იგი:განურჩევლად ერისა, რასისა, სქესისა, რელიგიისა-ვინც დახმარებას გთხოვს ზურგი არ უნდა აქციო.
გაიხსენე იგავი მოწყალე სამარიტელზე.
რატომ აუარეს გვერდი ლევიტელმა და მღვდელმა დაჭრილს? იმიტომ, რომ დაჭრილი არ იყო მათი ეროვნებისა. ასეთი მიდგომა სასტიკად დაგმო ქრისტემ.

იოანე ოქროპირი ბრძანებს, რომ უნდა გვძულდეს არა ადამიანი, არამედ მისი ცოდვილი ქმედება.

შენ რა იცი, იქნება წმ დედოფალი მათ როგორც ადამიანებს ისე იფარავდა და სრულიადაც არ აქცევდა ყურადღებას მათ რელიგიურ აღმსარებლობას.

ესეც ერთ-ერთი მოსაზრება გრიგოლ ფერაძის წმინდანად შერაცხვის შესახებ, სადაც სინოდის გადაწყვეტილების გაუქმებას მოითხოვენ.http://religia.ge/ceo11_Feradze.html

აუ რანაირად წერია, მაგრად მეზარება ეხლა ამის წაკითხვა, მერე გავეცნობი ნაწილ-ნაწილ.

წმინდა მამები უარყოფენ და უნდობლობით ეკიდებიან, მაგრამ თუნდაც თეოფანე დაყუდებული საუბრის ბოლოს ამბობს, რომ რაც მე თქვენ ახლა გესაუბრეთ, მაინც ვარაუდია და მომავალში ვნახავთო.

მერე წმ. თეოფანეს ამ სიტყვების გამოყენება უცხო პლანეტელთა არსებობის შესახებ შეიძლება? იქნებ რას გულისხმობდა იგი ამ სიტყვებში. რატომ უნდა მივიღო ისე, როგორც მე მაწყობს?

ნაკლები შესაძლებლობა მაინც ასი პროცენტით არ გამორიცხავს უცხოპლანეტელების არსებობას და სავსებით შესაძლებელია ისინი იყვნენ ან დაცემული სულები, გარკვეულწილად გარდაქმნილები, რომლებიც სრულიად სამყაროს წესრიგში არიან ჩართულები.

ზუსტადაც წმ. მამები ამბობენ, რომ ესენი დაცემული სულები, ანუ დემონები არიან.
თანაც პავლე მოციქული დემონებს "ჰაერის მპყობელებს" უწოდებს.

თუკი ვამბობთ, რომ არსებობენ უცხო პლანეტელები, მაშინ მათში მხოლოდ და მხოლოდ დემონები უნდა ვიგულისხმოთ. ამ აზრზეა მართლმადიდებელი ეკლესია და შესაბამისად მეც.