ეშმაკის სახე პარამეტრები

[marine]

"თვითონ ეშმაკი ღვთის და ყოველგვარი სიკეთის მოწინააღმდეგეს ნიშნავს"

/მიტროპოლიტი ილარიონი (ქიტიაშვილი)/

[marine]

"ასე რომ, ნაღველსა და სულმოკელობას ნუ მიეცემით, ყოველდღიურად ვებრძოლოთ ჩვენს მოწინააღმდეგე დემონებს, რადგან უფალს მხნე მებრძოლები უყვარს"

/მღვდელმონაზონი კონსტანტინე (კოვალჩუკი)/

[marine]

"მისმა [ღირსი მელეტი ახალი] ამგვარმა ღვაწლმა დიდად გააშლეგა ეშმაკი და ხან უგვანი ფიქრით შეეცადა მის შებილწვას, ხან - ათასგვარი განსაცდელით, თუმცა, ღვთის ძალით იძლია, მელეტიმ კი ზეგარდამო სასწაულმოქმედების მადლი მიიღო"

[marine]

"და ეშმაკის მსხვერპლი ხდებიან სულები, რომლებიც ადრე კარგები, სპეტაკები და სიხარულით აღსავსენი იყვნენ.

ისინი უსაძაგლესი ვნებებისა და ცოდვების ტალახში ვარდებიან, ისვრებიან სუფთა ცნობიერების მქონე სულები და უფლის ხატად შექმნილი სული ზიანდება.

ყველა ასაკის, რასისა და სქესის ადამიანი შესაძლოა, სულიერად დაზიანდეს და დადამბლავდეს და ამის გამო დაიტანჯოს"

[marine]

"შეუძლებელია თვალი დავხუჭოთ ეშმაკის არსებობაზე, რომლის საქმეთა განსაქარვებლად მოვიდა ქრისტე.

თუმცა მე გირჩევთ, ნაცვლად იმისა, რომ ეშმაკსა და მის მზაკვრობებზე იფიქროთ, ნაცვლად იმისა, რომ ვნებებით დაკავდეთ, ქრისტეს სიყვარულისკენ მიმართოთ გულისყური."

/წმ. პორფირი კავსოკალიველი/

[marine]

"ვერავინ უარყოფს, რომ სისავსე - ეს ქრისტეა. ვინც ამ ჭეშმარიტებას უარყოფს, სულიერად სნეულია, ბოროტი სულის მიერ არის შეპყრობილი. უარყოფს იმას, რაც მას აკლია. ასე პოულობს მის სულს ცარიელს და მასში ეშმაკი შედის. და როგორც შვილი განიცდის ღრმა მწუხარებას, როდესაც მშობლებს კარგავს, ასევე და უფრო მეტად დამწუხრებულია ადამიანი, თუ მას აკლია ქრისტე და ღვთისმშობელი"

/წმ. პორფირი კავსოკალიველი/

[marine]

"უმთავრესი იარაღი ეშმაკის წინააღმდეგ არის პატიოსანი ჯვარი, რომლისგანაც ის ძრწის. მაგრამ ჯვარი სწორად უნდა გამოვისახოთ, ანუ მარჯვენა ხელის სამი თითი იყოს შეერთებული და ეხებოდეს შუბლს, მუცელს, მარჯვენა მხარს და ბოლოს მარცხენას, ჯვრის სახედ. პირჯვრის გამოსახვას შეიძლება მეტანიებიც შევუთავსოთ.

როდესაც ჩვენი ღმერთთან ურთიერთობა არის უბრალო, ფაქიზი, დაძაბულობის გარეშე, ეშმაკი გარბის. ბოროტს იძულებით და დაძაბულობით ვერ განდევნი; ის სიმშვიდითა და ლოცვით გვშორდება"

/წმ. პორფირი კავსოკალიველი/

[marine]

"მხოლოდ შენი ძალებით ეშმაკს ვერ უგულებელყოფ, ამას მხოლოდ ღვთის მადლით თუ შეძლებ. ეს აუხსნელი რამეა"

/წმ. პორფირი კავსოკალიველი/

[marine]

"როდესაც ხედავთ თქვენს შესაპყრობად მომავალ ბოროტ სულს, ნუ შეძრწყუნდებით, ნურც ყურადღებას მიაქცევთ, ნურც მის განდევნას შეეცდებით. რა უნდა ქნათ? ყველაზე საუკეთესო ხერხი უგულებელყოფაა. ე.ი. ქრისტესკენ გაიწვდინეთ ხელები, როგორც პატარა ბავშვმა, რომელიც ხედავს მხეცს და არ ეშინია, რადგან მამა მის გვერდითაა და ეხუტება მას. ეს ხერხი, ე.ი. უგულებელყოფა, გამოიყენეთ ბოროტის ყველა თავდასხმის დროს, თითოეული გულისზრახვის შემოტევისას"

/წმ. პორფირი კავსოკალიველი/

[marine]

"ექიმები, ფსიქოლოგები, როცა ადამიანი ცუდადაა და იტანჯება, ჩვეულებრივ ეუბნებიან: "ა, ნევროზი გაქვს! ა, სტრესი გაქვს!" და ამის მსგავსი. ისინი არ აღიარებენ, რომ ეს ეშმაკის ხრიკებია და ის აქეზებს და აღვივებს ეგოიზმს ადამიანში. მაგრამ, მიუხედავად ამისა, ეშმაკი არსებობს; ეს არის ბოროტი სული. თუ ვიტყვით, რომ ის არ არსებობს, გამოდის, რომ სახარებას უარვყოფთ, რომელშიც მის შესახებაც არის საუბარი. ეშმაკი არის ჩვენი მტერი, ცხოვრებაში ჩვენი მეტოქე, ქრისტეს წინააღმდგომი და მას ანტიქრისტე ეწოდება. ქრისტე მოვიდა ქვეყანაზე, რათა გვიხსნას ეშმაკისაგან და ცხონება მოგვანიჭოს"

/წმ. პორფირი კავსოკალიველი/

[marine]

"ეშმაკს ეშმაკით ნუ განდევნით. რამეთუ სახლში მაინც ეშმაკი გეყოლებათ. ეშმაკი ღმერთით უნდა განდევნოთ. მაშინ ეშმაკი გაიქცევა, ღმერთი კი დარჩება"

/წმ. ნიკოლოზ სერბი/

[marine]

"ლოცვა ცეცხლია, რომელიც წვავს და დევნის ეშმაკებს"

[marine]

"გინახავთ, როგორ მიჰყავს ჩვენებურ გლეხს ღორი დასაკლავად? სიმინდის მარცვლებს უყრის და ისე საღორიდან გამოჰყავს. ღორი ნებდება ხრიკს და წინ მიდის. ის მას კიდევ ერთ ტაროს დაუგდებს და ღორი კიდევ რამდენიმე ნაბიჯს დგამს. ასე რომ, მოტყება-მოტყუებით ღორი მიდის დასაკლავ ადგილას. ეშმაკი ასევე დასცინის ბევრ ჩვენგანს, ასე გვიტყუებს, რომ სწორ გზას ავცდეთ. გვაცდუნებს ამქვეყნიური სიამოვნების მარცვლებით, უმნიშვნელო წვრილმანებით, სისულელით და ჩვენც ნებაყოფლობით მივყვებით მას"

/არქიმანდრიტი იუსტინე (პირვუ)/

[marine]

"ეშმაკები ადამიანების ორგანიზმში ჩაბუდებულ პარაზიტებს გვანან"

/მიტროპოლიტი ტიხონი/

[marine]

"ღმერთმა რომ მიუშვას, ეშმაკს შეუძლია მთელი მსოფლიო ერთ წამში მოსპოს, იმდენად დიდია მასში დაბუდებული სიძულვილი"

/ღირსი სერაფიმე საროველი/

[marine]

"თუ მტერი უსარგებლო, შეუფერებელ საგნებზე მოფიქრალს, მეოცნებეს წაგასწრებს, მაშინ ეშმაკი ჩაჯდება თქვენს გონებაში და წაგიყვანს, სადაც უნდა"

/არქიმანდრიტი იუსტინე (პირვუ)/

[marine]

"წმინდა მამათა გამოცდილებიდან ვიცით, რომ ეშმაკი ადამიანში სამი კარით შედის. ესენია - ურწმუნობა, სასოწარკვეთილება და ბილწი ცხოვრება.

კვეთებულის ლოცვებში ისიც კი წერია, რომ ეშმაკი შეიძლება იყოს თვალებში, გონებაში, ყურში, "უპესა ქვეშე" კანში, ფრჩხილებში, კოჭში - ესე იგი მისთვის ზღვარი არ არსებობს, გიი ყველგან შეიძლება განთავსდეს. იგი იმდენად ძლიერია და დახვეწილად მოქმედებს, რომ მთელი ხილული სამყარო ერთ დღეში შეიძლება დაანგრიოს და მიწასთან გაასწოროს"

/მეუფე იობი/

[marine]

"როგორც წმიდა იოანე კიბისაღმწერელი აღნიშნავს: "ზოგჯერ ბოროტი განეშორება კაცს, რათა შეუწყდეს მას ამა თუ იმ მიმართულებით ბრძოლა, რათა გამარჯვების შემთხვევაში ვერ მოახერხოს საკუთარ თავზე ღვაწლის აღება". დემონური ძალა სხვადასხვაგვარად ამჟღავნებს თავის მზაკვრობას. მისი ერთ-ერთი გამოვლენა კი არის ის, რომ კაცს არ მისცეს საშუალება, სულიერ გზაზე სირთულეების დაძლევით მოახერხოს დიდი უფლისმიერი მადლის მოხვეჭა. როცა ეს ხდება ადამიანის მხრიდან ძალისხმევის გამოჩენის შედეგად, რა თქმა უნდა, იგი ნიშნავს ბოროტი ძალის დამარცხებას. არადა, თან ამ დროს ძნელად რომ ვინმემ, თუ დიდი სულიერი გამოცდილება, სიბრძნე არ გააჩნია, წარმოიდგინოს, რომ ეშმაკი კაცთან საბრძოლველად თურმე ასეთ ხერხებსაც მიმართავს"

/დეკ. დავით ციცქიშვილი/

[marine]

"ავსტრალიიდან დაბრუნების შემდეგ, მამა პაისმა [ათონელი] ერთი შემთხვევა გვიამბო: "ღამით მესმის კაკუნის ხმა. ვიკითხე: "ვინ არის?" "მე ვარ" - მიპასუხა ნაცნობმა ხმამ. საათს დავხედე, სამი იყო. გავაღე კარი და რას ვხედავ? ჩემ წინ ეშმაკი იდგა, მელოტი და ძალიან მახინჯი. წითელი და უშნო სახე ჰქონდა. განრისხებულმა მითხრა: "იმ ცუდისთვის, რასაც მე მიკეთებ, გაგადებ აქედან". შემდეგ გაუჩინარდა და აუტანელი სუნი დატოვა.

ამ ფაქტის შემდეგ, დამწუხრდა მამა პაისი და მოგვიანებით გვითხრა: "როგორ ხდება რომ ვინმე შორდება ღმერთს! ღვთის საუკეთესო ქმნილება როგორ დაეცა! ხალხმა რომ იცდოეს რა ბინძურია ეშმაკი, ზურგს აქცევდნენ მას და აღარც სცოდავდნენ". "ისეთი საზიზღარი სახის იყო ეშმაკი - ამბობდა მამა პაისი, - ნეტავ შესაძლებელი იყოს, რომ ჯოჯოხეთში მოხვედრილმა ადამიანებმა მისი გამომეტყველება არ იხილონ".

[marine]

"მორჩილ არსენს [ღირსი პაისი ათონელი] არ აშფოთებდა და არ აშინებდა ეშმაკისეული გამოცხადებები. ის ეუბნებოდა მას: "მოდი, მოდი, შენ ხომ მე მეხმარები! როდესაც მე ღმერთს ვივიწყებ, შენ მეხმარები, გავიხსენო იგი და ვილოცო".

მოგვიანებით ბერმა გაიხსენა: "ნუთუ ასეთი სიტყვების შემდეგ განსაცდელი შენთან დარჩება? ის წამისყოფაში უჩინარდებოდა. მაცდური სულელი ხომ არ არის, რომ მონოზონს გვრიგვინი მოუტანოს".