ავადმყოფობა - სულიერი ზრდის სტიმული პარამეტრები

[marine]

"ავადმყოფობის დროს ბოროტი ამგვარად ებრძვის ადამიანებს: ერისკაცებს - მრისხანებით, მონასტერში მყოფთ - ნაყროვანებისა და სიძვის ვნებებით, ხოლო დაყუდებულებს მოწყენილობა და უმადურობა ეუფლებათ"

/არქიმანდრიტი მაკარი (აბესაძე)/

[marine]

"ავადმყოფის სარეცელი კალოა. რაც მეტია დარტყმა, მით მეტი მარცვალი გადმოიბნევა და ხვავიც უფრო დიდია. ამის შემდეგ ხორბალი დოლაბის ქვეშ უნდა გატარდეს, შემდეგ ფქვილისაგან ცომი მოიზილება, შემდეგ, როგორც პური, ღუმელში შეიდება და ბოლოს ღვთის ტრაპეზზე დაიდება"

/წმ. თეოფანე დაყუდებული/

[marine]

"ვნახე სხვა სნეულებიც, რომლებიც სარეცელზე ღვთის ძალითა და ლმობიერებით იყვნენ ნუგეშცემულნი (ღირსი იოანე სინელი)
- ამ მონაკვეთში საუბარია ადამიანებზე, რომლებიც ავადმყოფობის დროს მადლობენ უფალს. მათ უფლისადმი მადლიერება ტკივილსაც ავიწყებდა და ამ მდგომარეობიდან გამოსვლაც კი არ უნდოდათ, რადგან იცოდნენ, რომ ავადმყოფობა მათზე უფლისგან მოწევნული წყალობა იყო"

/არქიმანდრიტი მაკარი (აბესაძე)/

[marine]

"ვინც ავადმყოფობის დროს მადლობს უფალს, ცოდვებისგან განიწმინდება"

/არქიმანდრიტი მაკარი (აბესაძე)/

[marine]

"ხშირად ბავშვის გამოჯანმრთელება მშობელთა სინანულს მოსდევს"

[marine]

"ჯანმრთელობა ღვთის ჯილდოა", - ამბობდა სერაფიმე საროველი. თუმცა ის ყოველთვის არ არის სასარგებლო. როგორც ყოველგვარ სატანჯველს, ავადმყოფობას სულიერი ბიწისგან განწმენდის ძალა აქვს. ის განაქარვებს ჩვენს ცოდვებს, არბილებს და ამდაბლებს სულს, გვაიძულებს დავფიქრდეთ, ვიგრძნოთ საკუთარი უძლურება და უფალი გავიხსენოთ. ამიტომ ავადმყოფობა ჩვენც გვჭირდება და ჩვენს შვილებსაც"

[marine]

"ავადმყოფი ბავშვისათვის ლოცვა ყოველთვის გეთსიმანიის ბაღში უფლის მიერ წარმოთქმული სიტყვებით დაასრულონ: "ხოლო ნუ ნება ჩემი, არამედ ნება შენი იყავნ".

ბავშვის სასიკვდილო ავადმყოფობისას სასოწარკვეთილებას ნუ მიეცემით. მაგალითი მეფე დავითისაგან ავიღოთ. მთელი კვირა ლოცულობდა და არაფერს ჭამდა მეფე. "ვინ იცის, იქნებ შემიწყალოს უფალმა და გადარჩეს ბავშვი" - ამბობდა იგი, მაგრამ როცა შვილი გარდაეცვალა, დამშვიდდა და ჭამა დაიწყო. თავისი საქციელი კი გარშემომყოფებს ასე აუხსნა: "ახლა, როცა მკვდარია, რისთვის ვიმარხულო? როგორც შევძლებ მის დაბრუნეგბას? მე წავალ მასთან, ის კი აღარ დამიბრუნდება".

[marine]

"ხორციელი თუ სულიერი სნეულებების განსაკურნებლად ლოცვა ყველაზე ძლიერმოქმედი საშუალებაა"

[marine]

"ხორციელი სნეულება ვნებებს ამოძირკვავს... ჭეშმარიტად, სული ავადმყოფობის მეშვეობით უახლოვდება უფალს"

/გრიგოლ ღვთისმეტყველი/

[marine]

"ნუ იდარდებ იმის გამო, რომ უფალმა შენზე ავადმყოფობა დაუშვა. გაიხსენე, რომ გაცილებით უფრო მეტი ავადმყოფობები დაუშვა იმათზე, ვინც შენზე უკეთესია.

წარმოიდგინე მჭედლისგან დავიწყებული რკინის ნაჭერი, რომელიც წლების განმავლობაში სადღაც სამჭედლოს კუთხეში გდია. ბოლოს და ბოლოს რკინა დაუწყებს მჭედელს თხოვნას, აიღოს ის და მუშაობაში გამოიყენოს. მაშინ მჭედელი სწრაფად აიღებს მას, შეაგდებს ცეცხლში და როდესაც გახურდება, გრდემლზე შემოდებს. იდარდებს ამის გამო რკინა?

ასევე, შენი ავადმყოფობა სასიხარულოა და არა სამწუხარო. რამეთუ შენ ლოცულობდი, რომ უფალს უკეთესი გაეხადე. მან, როგორც რკინის მჭედელმა, სამუშაოდ აგიყვანა და დაიწყო შენი გაკაჟება და გამოწრთობა. ძმაო, უფალმა მუშაკად სამუშაოზე აგიყვანა! მაშ, გიხაროდეს მჭედლისგან დავიწყებულო ჟანგიანო რკინავ!"

/წმ. ნიკოლოზ სერბი/

[marine]

"ჭეშმარიტი სიჯანსაღე მხოლოდ ღმერთშია"

[marine]

"მეტად იზრუნე სულიერ სიჯანსაღეზე და ხორციელი სნეულება თავს ნაკლებად შეგახსენებს"

[marine]

"მკურნალობას კი ნუ გადაჰყვები, ისწავლე ის, თუ როგორ გახდე ჯანმრთელი"

[marine]

"როდესაც ადამიანები სნეული ახლობლებისთვის ლოცვას გთხოვენ, უთხარით მათ,რომ თავადაც ილოცონ, ანდა, ეცადონ, რომ საკუთარი ნაკლოვანებებისაგან გათავისუფლდნენ"

/ღირსი პაისი ათონელი/

[marine]

"როდესაც ქრისტე სახლდება შენს გულში, მას თავად შეუძლია განკურნოს ყოველგვარი სნეულება, შენი სულისა და ხორცის ყველა სახის უძლურება"

[marine]

"დალიეთ ნაკურთხი წყალი რაც შეიძლება ხშირად. ეს არის საუკეთესო და ყველაზე ეფექტური წამალი. ამას ვამბობ არა მარტო როგორც მღვდელი, არამედ როგორც ექიმიც. ჩემი პირადი სამედიცინო გამოცდილებიდან გამომდინარე"

/წმ. ლუკა ყირიმელი/

[marine]

"უძლურებაში გამოჩნდება ჩემი ძალა, - ამბობს უფალი. ესე იგი, კაცს რომ სნეულება, უძლურება შეეყრება, ნიშნავს რომ ღმერთი ახლოსაა მასთან"

/ღირსი გაბრიელი, აღმსარებელი და სალოსი/

[marine]

"როგორც ბუნებაში დგება ხოლმე ხან ღამე, ხანაც - დღე, ხან ზაფხული და ხანაც ზამთარი, ასევე გვაქვს ჩვენც: ხან მწუხარება, ხან სიხარული, ხან ავადმყოფობა და ხანაც ჯანმრთელობა. ამიტომ ნუ გიკვირს, როცა ავად ხდები, რადგან თუ ეს საკვირველია, მაშინ ისიც უნდა გიკვირდეს, როცა ჯანმრთელი ხარ"

/წმ. იოანე ოქროპირი/

[marine]

"...როცა ბერი წავიდა, გაბრიელ ბერი [აღმსარებელი და სალოსი] მოტრიალდა, მოულოდნელად კიბეზე ფეხი დაუცდა და ბარძაყის ყელის მოტეხილობა მიიღო. საშინელი ტკვივილებით შეწუხებული ავიყვანეთ კელიაში. ამ ფაქტის შესახებ ასე ამბობდა:

- გულმა მითხრა,არ ჩახვიდე, მე მაინც ჩავედი და აი, რა დამემარეთა.

რამდენიმე თვე იწვა. ეს ფეხი მომიღებს ბოლოსო - იწინასწარმეტყველა საშინელი ტკივილებით შეწუხებულმა და მართლაც ყველა გართულება აქედან დაეწყო. წამლის დალევაზე დაგვთანხმდა. აიღებდა წამალს, მაცხოვრის ან ღვთისმშობლის ხატს მიადებდა, შესთხოვდა - შენ შემეწიეო და დალევდა. მოტეხილ ფეხზე ცნობილი მკურნალი ასკურავა მკურნალობდა. ერთხელ, როდესაც მისი ჯანმრთელობის ამბავი ვკითხე, მიპასუხა: - ძალიან მომიხდა წამლები, მაგრამ ასკურავა იცი როდის დამარცხდა? როცა თქვა, ერთ კვირაში ფეხზე დაგაეყენებო. თუ ის მომარჩენდა და ფეხზე დამაყენებდა, მაშინ ღმერთი სადღაა?!"

[marine]

"რომელნი არა ჰმადლობენ ექიმსა, არა ჰმადლობენ უფალსა"