მოსახლეობისთვის აუცილებელი მინიმუმის ცოდნა, ომის და სხვადასხვა სტიქიური საშიშორების დროს პარამეტრები

[guest]

მოკლედ, თემა "სამხედროში" დავიწყეთ ამაზე საუბარი,მაგრამ რამდენადაც ვამჩნევ, ეს საკითხი თემას იმსახურებს, მისი ინტეგრაცია სხვა თემაში გამოიწვევს ამ საჭირო ინფორმაციის უნებლიემიმალვას და შესაძლებელია მავანმა არც შეიხედოს იმ თემაში,არადა ეს საკითხი აინტერესებდეს. ამიტომაც ჩემს ბოლო პოსტს თემა "სამხედროდან " გადმოვიტან აქ და შემდეგ განვავრცობ. სიამოვნებით ველოდები თქვენს ინფორმაციებსაც, ნებისმიერი რაც ამ დროს გამოსადეგია,დაწერეთ აქ და ვგონებ, მეტად საინტერესო და შემეცნებითი თემა გამოგვივა, ბოლო დროინდელმა მოვლენებმა გვიჩვენა ამის აუცილებლობაც... სამწუხაროდ...

.ნინომ წმოჭრა ეს საკითხი და მეც ვუპასუხე. აგერ ბოლო პოსტი "სამხედროდან",ამ თემაზე აქ გავაგრძელოთ:

ჯერ დავიწყებ საჰაერო თავდასხმის საშიშროების დროს მოქცევის წესებით. მერე გავაგრძელოთ ხანძრის და სხვადასხვა საშიში სიტუაციების დროს, ასევე სრული მობილიზაცია განვიხილოთ და სხვებზე დახმარების აღმოჩენაც:

საჰაერო თავდასხმის საშიშროება

ცხადდება გასაგონი 60 წამიანი სიგნალებით და შეიძლება გაგრძელდეს 5 წუთი. ამ სირენის გაგონებისას უნდა მოვიქცეთ შემდეგნაირად>

სანამ დავტოვებთ სახლს ან ბინას:

* ჩავაქროთ სინათლეები,შუქი,
*გადავკეტოთ წყალგამყვანი და გაზგამყვანი მილები,
*გამოვრთოთ თერმული და ელექტრონული ხელსაწყო-დანადგარები,
*ჩავაქროთ ნებისმიერი სახის ცეცხლი,
*გავაღოთ ფანჯრები,
*გადავწიოთ ფარდები,
*ჩამოვწიოთ შტორები და სხვა მსგავსი დამცავი მოწყობილობები


გასვლისას თან უნდა წავიღოთ წინასწარ მომზადებული:

* საკვები,
*წყალი ან რაიმე უალკოჰოლო სასმელი,რომელიც თავდაცულ ჭურჭელშია,
*ქრონიკული ავადმყოფობის დროს წამლები,
*პირადი ჰიგიენის ნივთები, განსაკუთრებით კი რამდენიმე პირსახოცი ან ხელსახოცი,
*ფული
*პირადი საბუთები,
*პირადი დაცვისთვის გამოსადეგი საშუალებები,კომპლეკტი ან იმპროვიზირებული საშუალებები (მინიმუმ - სუფთა ნაჭერი, ტილო, სასუნთქი ორგანოების დასაცავად),იოდი ან სადეზინფექციო რაიმე საშუალება,
*ტრანზისტორი, რადიო ხელის,
*ბატარეიანი ხელის ლამპა,ფანარი,
*"ადეალი" დასაჯდომად და ასევე გასათბობად.

ბინის ან სახლის დატოვებისას , დაიცავით სიმშვიდე, პანიკის გარეშე მიდით თავშესაფარში, ბუნკერში. იქ ყოფნის დროს კი მკაცრად უნდა დავიცვათ არსებული წესები, რომელსაც ან გაგვაცნობენ ან უნდა ეწეროს, თავშესაფარში ძირითადად აკრძალულია: არასაჭირო სიარული იქეთ-აქეთ, შინაური ცხოველების ჩაყვანა, სიგარეტის წევა, ალკოჰოლის გამოყენება და ხმაური.


სამუშაო ადგილზე ყოფნისას:

*სამუშაოს მყისიერი შეწყვეტა და ამ ფირმის,დაწესებულების მიერ წინასწარ დადგენილი წესის მიხედვით მოქცევა,
*პირადი დაცვის ნივთების კომპლექტის წამოღება და თავშესაფარში უპანიკოდ მისვლა,
*შესაბამისი ორგანოების მიერ დადგენილი წესის დაცვა.

საზოგადოებრივ ადგილებში, ქუჩაში :

*პანიკის გარეშე გავეშუროთ უახლოესი თავშესაფარის ან შენობების მიწისქვეშა ადგილებისკენ,
*თუ მანქანაში იმყოფებით, გადააყენეთ მანქანა ისე, რომ ხელი არ შეუშალოს მოძრაობას , ასევე სახანჱროებს და სასწრაფოდ გაეშურეთ უახლოესი თავშესაფრისაკენ,
*მიჰყევით თავშესაფრის საერთო წესებს და ნუ დაარღვევთ ამ წესებს,
*სკოლებში კი მასწავლებლები პრიორიტეტულად ზრუნავენ ჯერ მოსწავლეების უსაფრთხოებაზე და შემდეგ მიდიან ისინი თავშესაფარში,ანუ ბოლოს.


მთავარია საჰაერო საშიშროების სირენის გამოცხადების შემდეგ შეინარჩუნოთ აზროვნება, არ იფორიაქოთ, არ იპანიკოთ, თქვენი ასეთი საქციელით ხელი არ შეუშალოთ და საფრთხეში არ ჩააგდოთ სხვები და ასევე შესაბამისი ორგანოები, რომლებსაც ევალებათ ორგანიზება გაუწიონ მოსახლეობის უსაფრთხოებას.

თავშესაფარი დატოვეთ მხოლოდ საშიშროების შეწყვეტის შემდეგ. იმ შემთხვევაში, თუ საჰაერო თავდასხმამ გამოიწვია ნგრევები, მონაწილეობა მიიღეთ ჩახეგილების გასათავისუფლებელ საქმიანობაში, ომის დროს ნებისმიერის მობილიზაცია მეტად მნიშვნელოვანია.

მოკლედ, პირადად რაც გვევალება ყველაზე მეტად არის ეს:

*შეინარჩუნეთ სიმშვიდე და ნუ დაკარგავთ ორიენტაციის შესაჱლებლობას,
*დაიფარეთ სასუნთქი გზები ხელსახოცით ან ტილოთი,ასევე თვალები საჭიროების შემთხვევაში,
*თუ აუცილებელია საკუთარ თავს თქვენ თვითონ აღმოუჩინეთ პირველადი დახმარება,ნუ დაელოდებით სხვას, თუ ფიზიკურად ამმის შესაძლებლობა ჯერ კიდევ გაქვთ,
*გამოსასვლელის ჩახერგვის შემთხვევაში რაიმე მყარი სხეულით წყვეტილი დარტყმებით კანალიზაციის ან სხვა საინსტალაციო მილებზე შეეცადეთ მიიპყროთ მშველელთა ყურადღება, გაიმეორეთ ეს კაკუნი ხშირად და დაელოდეთ შველას,
*თუ ჩახერგვა უშუალოდ თქვენს სიახლოვეში მოხდა, მოიკრიბეთ ძალები და შეეცადეთ მათ (ნამხსვრევები,ქვები,ფიცრები) მოცილებას, გაითვალისწინეთ, რომ ერთდროულად ნუ გამოილევთ ძალას, არამედ მოთმინებით და ნელნელა. ამ დროს აუცილებელია დაკვირვება, რომ ამათი მოცილებით სხვა საგნების ჩამოვარდნა არ მოხდეს და არ დაზიანდეთ ან უარესად არ ჩაიხერგოთ.

[მარიამი]

საჭირო ინფორმაციაა, დიდი მადლობა

[guest]

მარიამი



თუ ვინმეს რაიმეს დამატება უნდა საჰაერო საშიშროების დროს წესებზე, დაწერეთ და მერე გავაგრძელოთ სხვა.

[კანუდოსელი]

მაგარია ნანა... მადლობა

[k@the]

staywhite
გაიხარე ნან, მე ამ თემის მიდმივი მკითხველი ვარ.
მადლობა, აუცილებელია მაგის ცოდნა.

*გავაღოთ ფანჯრები,

სიმართლე გითხრა, ფანჯრების გაღებაზე არ მიფიქრია.
როტო? შენობაში ჰაერის წნევის გამო, ბომბის აფეთქებისას ვითომ? ნგრევა ნაკლებია?

[guest]

k@the

სიმართლე გითხრა, ფანჯრების გაღებაზე არ მიფიქრია.
როტო? შენობაში ჰაერის წნევის გამო, ბომბის აფეთქებისას ვითომ? ნგრევა ნაკლებია?

მასეა, კატ გარდა ამისა, დარტყმის ძალაც ნაკლებია და ასევე ნამსხვრევებს ავცდებით (ხშირ შემთხვევაში). მოკლედ, შენი ვარაუდი მართებულია.

[kato_Bato]

არ შეიძლია არ აღვნიშნო, რომ არცეთ ამდაგვარ საკითხში მობილიზებული არ იყო ჩვენი ქვეყანა.
თავი დაიცავით რითიც შეგიძლიათო და გაიქეცით სადაც შეგიძლიათო.



ძალიან სასარგებლო და აუცილებელი ჩევებია, უფალმა არ დაგვაჭირვოს...

საინტერესო იქნება ასევე პირველადი დახმარების შესახებაც თუ დაწერთ, და სურათებითაც თუ გაათვალსაჩინოებთ.
დიდი მადლობა ამ თემისთვის

*გავაღოთ ფანჯრები,
*გადავწიოთ ფარდები,
*ჩამოვწიოთ შტორები და სხვა მსგავსი დამცავი მოწყობილობები

ეს მეც მაინტერესებდა.

[მარიამი]

საინტერესო იქნება ასევე პირველადი დახმარების შესახებაც თუ დაწერთ, და სურათებითაც თუ გაათვალსაჩინოებთ.

+1

[ქავთარაძე]

წყალი ან რაიმე უალკოჰოლო სასმელი,რომელიც თავდაცულ ჭურჭელშია,

უალკოჰოლო რატომ? შეიძლება კონფლიქტი ზამთარში ხდება და რომ არ გაიყნოს ადამიანი ზოგჯერ არის აუცილებელი ალკოჰოლიც, მაგალითად არაყი ან რამე მზგავსი რო გაახუროს სხეული

[guest]

ქავთარაძე

უალკოჰოლო რატომ? შეიძლება კონფლიქტი ზამთარში ხდება და რომ არ გაიყნოს ადამიანი ზოგჯერ არის აუცილებელი ალკოჰოლიც, მაგალითად არაყი ან რამე მზგავსი რო გაახუროს სხეული smile.gif

გათბობა სხვანაირადაც შეიძლება და ძალიან გთხოვთ ,სამასხარაოს ნუ გავხდით ამ თემას. წესია ასეთი,რომ არ შეიძლება,თუ რატომ ამას ბევრი ფიქრი და მიხვედრა არ სჭირდება.

[guest]

1. პირველადი სამედიცინო დახმარების აღმოჩენა არასაველე პირობებში:

*პირველ რიგში დაზარალებული უნდა გავიყვანოთ ჩახერგვის, ხანძრის ან სახვა საშიშროებების ადგილიდან,შედარებით უსაფრთხო ადგილზე.
*შემამოწმოთ დაზიანებული, ჭრილობები, შევაფასოთ დაზიანების ხარისხი და მისი სიდიდე.
*შევეცადოთ დაზიანებულმა არ დაკარგოს გონება (თუ მანამდე გონზეა),საჭიროების შემთხვევაში ჩავუტაროთ ხელოვნური სუნთქვა ან გულის გარეგნული მასაჟი,
*გავუთავისუფლოთ სასუნთქი გზები და დაზიანებული დავაწვინოთ გვერდულად,
*სისხლდენის დროს სისხლდენა შევაჩეროთ თითების დაჭერით ან კომპრესის მჭიდრო შეხვევით, ასევე სუფთა ხელსახოცის ან მსგავსის დადება ხდება ჭრილობაზე და მას გარკვეული ხანი ასე ვაკავებთ,

*ჭრილობები და მათი შემოგარენი დავიცვათ ბანდის შეხვევით (თუ ბინტი არ გვაქვს, ნებისმიერი ნაჭერი, რაზეც ხელი მოგვიწვდება), თუ ჭრილობაში ჯერ კიდევ იმზოფება უცხო დიდი სხეულები: ტყვია,ნამსხვრევი, შუშა არავიტარ შემთხვევასი არ შევეცადოთ მათგან ჭრილობის გათავისუფლებას,
*მძიმე ჭრილობების დროს სხეულის დაზიანებული ნაწილი განვუთავსოთ ე.წ. იმობილიზაციურ პოზაში ანუ მოსვენებით პოზაში,თუ ხელთ გვაქვს, მივცეთ რომელიმე ანალგეტიკი და დაველოდოთ პროფესიონალ სამედიცინო პერსონალს,
*ასევე მოტეხილობის დროს სხეულის ეს ნაწილები უნდა განვუთავსოთ ისეთ პოზაში, რომ დატვირთული არ იყოს ძვლები , გავითვალისწინოთ აგრეთვე დაძარალებულის სურვილი,თუ რომელ პოზაში ნაკლებად გრძნობს ტკივილს,
*წელის მოტეხილობის ან დაზიანების დროს დაზიანებული უნდა დავაწვინოთ
მყარ, სწორ ადგილზე,

*თუ დაზიანებული იმყოფება უკვე შოკში და სასიცოცხლო ფუნქცია ნაკლებად შეიმჩნევა,სასწრაფოდ დავაწვინოთ მარჯვენა გვერდყე, ჩავათბოთ საფარველით და შევეცადოთ პრიორიტეტულად აღმოუჩინონ სასწრაფო სამედიცინო დახმარება შესაბამისმა პროფესიონალმა პერსონალმა,
*თუ საჰაერო თავდასხმის დროს დამრტყმელი ტალღით დაზიანებულთან გვაქვს საქმე, ან თავის, მკერდის და მუცლის არის ნებისმიერი სახის მძიმე დაზიანებაა, შევეცადოთ პრიორიტეტულად მიხედოს სამედიცინო პროფესიუნალურმა პერსონალმა, მანამდე კი მის მოძრაობას მოვერიდოთ.

2. ჩვენი მობილიზაცია საჭიროა აგრეთვე ყოველივე ამის,მომხდარის შემდეგაც.

სანამ შესაბამისი პროფესიული "ძალები" გამოცხადდებიან შემთხვევის ადგილზე:

*გადარჩენილები გამოვიყვანოთ ნანგრევებიდან ან მომხდარის ადგილებიდან უსაფრთხო ადგილებზე,
*დაღუპულების სხეულებს ნუ გადაადგილებთ,თუ ამის მოთხოვნილება არ არის სიტუაციიდან გამომდინარე ანუ თუ ისინი ხელს არ უშლიან ცოცხლების ამოყვანას, დაფარეთ ისინი რაიმე საფარველით,თუ ეს ხელთ გაქვთ,
*დაღუპულების სამყოფელი დაიმახსოვრეთ და შემდეგ შესაბამის პერსონალს აცნობეთ,
*შეამოწმეთ ადგილზე გაზგაყვანილობის და წყალგაყვანილობის მილები,ისინი აუცილებლად უნდა დაიკეტოს,
*სასმელი წყლის რეზერვუარები ან ჭები დაფარეთ რაიმე სახურავით,
*თუ სოფლის პირობებში ვართ,საქონელი უნდა გავიყვანოთ უსაფრთხო ადგილზე ანუ ამ ადგილს მოვაცილოთ,
*თუ სადმე შენიშნავთ საეჭვო საგნებს,რომლებიც პოტენციურად შესაძლოა საფეთქებელი ნივთიერებები იყოს, ნუ შეეხებით მათ და ნუ შეეცდებით მათ გადაადგილებას,დაიმახსოვრეთ ადგილსამყოფელი და აცნობეთ შესაბამის პერსონალს,
*პროვიზორულად დამარხეთ მკვდარი ცხოველები და ღია საფლავები დახურეთ,
*თუ შეამჩნევთ გზების ჩახერგვას, ჩანგრეულ ხიდებს და მსგავსი, აღნიშეთ ადგილები და აცნობეთ შესაბამის პერსონალს,
*თუ სპეციალური ორგანოებიდან პერსონალი მომხდარის ადგილზე ვერ გამოცხადდება 2 დღის განმავლობაში, შეეცადეთ დაღუპულთა იდენტიფიცირება და აუცილებლად დამარხეთ ისინი ეპიდემიის თავიდან აცილების მიზნით,
*საქმიანობებში ჩართეთ ნებისმიერი მობილიზებადი პიროვნება და შეეცადეთ მაქსიმალურად გონიერად იმოქმედოთ.


ეს რაც დავწერე, არის არასაველე შემთხვევები.

ასევე დავწერ საველე შემთხვევებსაც, რომელის ცოდნაც არ გვაწყენს არასაველე პირობებშიც.

[kato_Bato]

staywhite

ტყვია,ნამსხვრევი, შუშა არავიტარ შემთხვევასი არ შევეცადოთ მათგან ჭრილობის გათავისუფლებას,

ვაიმე, ეს რატომ?

[guest]

kato_Bato

ვაიმე, ეს რატომ?

იმიტომ კატუშ, რომ გამოიწვევს მეტ სისხლდენას და ასევე შეიძლება უფრო დააზიანოს შიგნეულობა, მითუფრო თუ ეს უცხო სხეული არის არასწორზედაპირიანი.

საველე პირობებში პირველადი სამედიცინო დახმარების აღმოჩენა.

გარეგანი სისხლდენის შეჩერება შეიძლება მოხერხდეს რამდენიმე მეთოდის გამოყენებით (შინაგან სისხლდენას თუ რომელიმე ”კუსტარული” მეთოდი შველის, არ ვარ დარწმუნებული, ვგონებ არა). ინტენსიური სისხლდენა უნდა შეჩერდეს სწრაფად, მოსალოდნელი სისხლისგან დაცლის საშიშროების გამო. ყველაზე პირველადი მეთოდია ჭრილობის ირგვლივ თითებით მოჭერა: ჭრილობის ახლოს ვუჭერთ ხელებს და ჭრილობის ორივე მხარეს ერთმანეთს ვადებთ ანუ ”ვხურავთ” ჭრილობას, დაზაიანებული სისხლძარღვები ასე ”დაჭერილია” და საკმაო წარმატებით შეიძლება სისხლდენის შეჩერება. გარკვეული დროის შემდეგ ვუშვებთ ხელს და ვამოწმებთ, სისხლი კიდევ თუ სდის,საჭიროების შემთხვევაში პროცედურას ვიმეორებთ (1 სურათზე ბ ).

სხეულზე იძებნება სპეციალური ლოკალური ადგილები, რომელთა მძაფრი დაჭერა იწვევს სისხლდენის შეჩერებას, გააჩნია ასევე რა ადგილზეა ჭრილობა. ეს წერტილები ნაჩვენებია სურათ 1-ზე.




სურ.1

ყველაზე ხშირი და გავრცელებული მეთოდია ჭრილობაზე სახვევის, ნაჭრის, მარლის დაჭერა. ნაჩვენებია მე-2 სურათზე.




სურ. 2

მე-3 სურათზე კი ნაჩვენებია ე.წ. არტახის დადება.ძალიან წარმატებული მეთოდია, მაგრამ ამავე დროს მეტად სახიფათო, საჭიროებს მოხერხებულობას და აგრეთვე ვარჯიშს. ეს პროცედურა გამოიყენება მაშინ, როცა ექსტრემიტეტებია (ხელი, ფეხი) ძლიერ დაზიანებული და ისიც იმ შემთხვევაში, როცა ქირურგიული ჩარევითაც კი გამორიცხულია მათი შენარჩუნება (თითქმის მოწყვეტილი ხელი ან ფეხი). არტახად გამოიყენება ნებისმიერი ”ბანდი” საკმაო სიფართის (2 სმ-ზე მეტი), სიგრძის და გამძლეობის, მაგ. თავსაფარი, ქამარი, ნებისმიერი მაგარი არაფლეთადი ნაჭერი. არავითარ შემთხვევაში არ შეიძლება არტახად ძაფების, თოკის, ფეხსაცმლის შნურის გამოყენება, რომლებიც უკიდურესობამდე დააზიანებენ არსებულ ჯანმრთელ ქსოვილებს (სურათზე ა ).




სურ. 3
საერთოდ, ამ შემთხვევაში მოსალოდნელია კომური მდგომარეობა, ამიტომაც შესაძლებლობის შესაბამისად დაჭრილი სასწრაფოდ უნდა იქნას გადაყვანილი სამედიცინო პუნქტში.

არტახის გამოყენება-დადებას აჩვენებს სურათი 3.

სისხლმდენი ჭრილობების შემთხვევაში არაა გამორიცხული ბევრი სისხლის დაკარგვა, ამის შედეგად გამოწვეული მდგომარეობაა სიფერმკრთალე, ოფლის მოჭარბება, გადაცივება, თავბრუსხვევა, გულისრევა,სისუსტე,წყურვილის მომძაფრება, ზედაპირული სუნთქვა, პულსის მომატება. მას ვაწვენთ ზურგზე და შემაღლებულ საგანზე ფეხებს ვაწყობინებთ (სურ. 4).

[ქავთარაძე]

staywhite
სამასხარაოდ ვინ გახადა ნანა? და რა შემატყვე მასხარის? შენ თუ ხარ გამოცდილი მაგ ამბავში უნდა იცოდე , რომ ადამიანი შეიძლება ისეთ ამბავში მოყვეს, მაგალითად ტყეში სადაც ომის დროს ცეცხლის დანთება კიარა სიგარეტის მოწევაც შეიძლება სიცოცხლის ფასად დაგიჯდეს სასურველია იქონიო ალკოჰოლო, მე პირადად ეგ ვიცი ალპინიზმიდან როცა შეიძლება თოვლის ნაპრალში ჩავარდე და ბევრი გადარჩენილა მაგალითად კონიაკის წრუპვით.
ასე რომ შენი სიბრაზე უსაფუძვლო იყო მერწმუნე.

სისხლმდენი ჭრილობების შემთხვევაში არაა გამორიცხული ბევრი სისხლის დაკარგვა, ამის შედეგად გამოწვეული მდგომარეობაა სიფერმკრთალე, ოფლის მოჭარბება, გადაცივება, თავბრუსხვევა, გულისრევა,სისუსტე,წყურვილის მომძაფრება, ზედაპირული სუნთქვა, პულსის მომატება. მას ვაწვენთ ზურგზე და შემაღლებულ საგანზე ფეხებს ვაწყობინებთ (სურ. 4).

თუ თავის არეშია დაჭრილი და შემავალი ჭრილობაა ეგ მოქმედება შეიძლება დამღუპველიც აღმოჩნდეს, რადგან მაგ დროს სისხლი ტვინს აწვება და შეიძლება უფრო დაიცალოს სისხლისგან ადამიანი ხოლო როცა თავს ქვევითაა ეგ მოქმედება იმისთვისაა უფრო განკუთვნილი , რომ ტვინი არ მოკვდეს სისხლის ნაკლებობისგან

[guest]

ქავთარაძე

სამასხარაოდ ვინ გახადა ნანა? და რა შემატყვე მასხარის? შენ თუ ხარ გამოცდილი მაგ ამბავში უნდა იცოდე , რომ ადამიანი შეიძლება ისეთ ამბავში მოყვეს, მაგალითად ტყეში სადაც ომის დროს ცეცხლის დანთება კიარა სიგარეტის მოწევაც შეიძლება სიცოცხლის ფასად დაგიჯდეს სასურველია იქონიო ალკოჰოლო, მე პირადად ეგ ვიცი ალპინიზმიდან როცა შეიძლება თოვლის ნაპრალში ჩავარდე და ბევრი გადარჩენილა მაგალითად კონიაკის წრუპვით.
ასე რომ შენი სიბრაზე უსაფუძვლო იყო მერწმუნე.

აქ ტყეზე არ იყო საუბარი,არამედ ტავშესაფარზე ურბანულ პირობებში.ტყეებზე მერე გადავიდეთ .

მაპატიე, თუ მოგეჩვენა რომ გავბრაზდი და თუ სერიოზულად იგულისხმე,ბოდიშს ვიხდი.

პ.ს. ველურ ვეგეტაციურ პირობებზე რომ გადავალთ,იქ დაწერე შენც რაც იცი

[ქავთარაძე]

კიდე იმ შემთხვევაში თუ დაზიანებულია რომელიმე ცენტრალური არტერეა კიდურების(ფეხის, ხელის) არეში სასურველია დავაწყვოთ ზედ ყინული ან რაიმე ცივი საგანი რათა თავიდან ავიცილოთ განგრენა რომელსაც აგრეთვე სისხლის ნაკლებობა იწვევს და იმ დაზიანებული არტერიის არეში სისხლი დედდება მაგ მომენტში ასევე სახიფათოა სისხლის კოლტის-ტრომბის გულის არეში მოხვედრა რაც გამოიწვევს გულის გაჩერებას ხოლო ცივი საგანი სისხლს ათხიერებს.

[guest]

ქავთარაძე

თუ თავის არეშია დაჭრილი და შემავალი ჭრილობაა ეგ მოქმედება შეიძლება დამღუპველიც აღმოჩნდეს, რადგან მაგ დროს სისხლი ტვინს აწვება და შეიძლება უფრო დაიცალოს სისხლისგან ადამიანი ხოლო როცა თავს ქვევითაა ეგ მოქმედება იმისთვისაა უფრო განკუთვნილი , რომ ტვინი არ მოკვდეს სისხლის ნაკლებობისგან smile.gif

რა თქმა უნდა, აქ არ იგულისხმება თავის ჭრილობები,მაგაზე მერე დავწერ,ეგ ცალკე სპეციფიკური საკითხია და მეტად მოსაფრთხილებელი. თავზე დაჭრილი თუ გონზეა არც დაგანებებს თავის დაბლა დადებას, ეს ტკივილსაც იწვევს.

[ქავთარაძე]

staywhite
რავი ნანა, ამ ომის პერიოდში გორელები , ახალგორელები , კარალეთის მოსახლეობა და კონფლიქტური ზონის ზოგადად მკვიდრი ხალხი ტყეში იყო გახიზნული და დღემდე იქ რჩებიან და მაინ მაგიტო დავწერე, უფრო საჭიროდ მიმაჩნია.

staywhite
ok's მაშინ აღარ შეგიშლი ხელს :)

[guest]

ქავთარაძე

ხოლო ცივი საგანი სისხლს ათხიერებს.

ფიზიკის მიხედვით ცივი საგანი ანელებს სისხლის მოძრაობის სიჩქარეს და შესაბამისად იწვევს სისხლდენის შეჩერებას. თუმცა, შოკურ მდგომარეობებში ცივი მოსარიდებელია,მაგ დროს უფრო თბილად უნდა შენარჩუნდეს სხეული, რომ ბუნებრივი ტემპერატურის მოსალოდნელ დაკლებას ხელი შევუშალოთ.მოკლედ, გააჩნია, რომელია უფრო უპირველესად დასათრგუნი.

ქავთარაძე

ok's მაშინ აღარ შეგიშლი ხელს

კი არ მიშლი,ძალიან კაი რარაცებს წერ ტყეებზე კი დაწერე მერე, შენ გექნება მაგის გამოცდილება "პახოდებიდანაც".

[ქავთარაძე]

staywhite

ტყეებზე კი დაწერე მერე, შენ გექნება მაგის გამოცდილება "პახოდებიდანაც".

პახოდების გამოცდილება იმდენად საჭირო არაა რამდენადაც მონათხრობი მეომრებისგან, მაგალითად იმაზე, რომ ჩემი მეგობრის თანამეომარი, კომანდოს სპეცრაზმის წევრი ბიჭი ტყეში სნაიპერმა სიგარეტის ცეცხლზე მოკლა და მათ ნაწილს ცეცხლი გაუხსნეს მაგ დროს და 2 მძიმედ დაუჭრეს, ეს ისე რო საერთოდ არც ჩვენმა მხარემ არ იცოდა მათი ადგილსამყოფელი და მითუმეტეს რუსებმა...