IPB

სტუმარს სალამი ( შესვლა | დარეგისტრირება )

საეკლესიო ბიბლიოთეკა

2 გვერდი V  1 2 >  
Reply to this topicStart new topic
> "ქართველი" და "საქართველო", ტერმინის გარკვევის თაობაზე
ქევანა
პოსტი Sep 3 2007, 03:04 PM
პოსტი #1


მთვლემარე დრაკონი
***

ჯგუფი: Members
პოსტები: 7,454
რეგისტრ.: 11-February 07
მდებარ.: Shire, Hobbitland, Middle-earth
წევრი № 1,055



ამ თემის გახსნის მიზეზი გახდა აქ: http://church.ge/index.php?showtopic=2201&st=20
თავწამოყოფილი საკითხი ტერმინ "ქართველი"-ს გაჩენის თაობაზე...
იქიდან აქ გადმოვიტან პოსტებს და ვისაც აინტერესებს აქ ვისაუბროთ და ვიდაოთ smile.gif

მაშ ასე:
Freethought-მა დაწერა
ციტატა
შუა საუკუნეებში "ქართველი" როგორც ეროვნება არ არსებობდა. "ქართველი" შეიძლება ყოფილიყო ბეძნული სარწმუნოების აღმსარებელი კავკასიის რეგიონში. ქართველობის თანამედროვე კონცეფცია მე-19 საუკუნეში შეიქმნა თერგდალეულების მიერ. მანამდე სიტყვა "ქართველი" აღნიშნავდა აღმოსავლეთ საქართველოს მკვიდრს. ვახუშტი ბატონიშვილი კი "საქართველოს" ქართლის სამეფოს უწოდებდა


მერე კითხეს: "აბა ჩამოგვიყალიბე ბარემ ეგ კონცეფცია..."
მან უპასუხა:" გაეცანი იმდროინდელ პუბლიცისტიკას, თუნდაც ილია ჭავჭავაძეს."-ო

მერე საუბარი ასე წარიმართა:

k@the
ციტატა

ციტატა - "შუა საუკუნეებში "ქართველი" როგორც ეროვნება არ არსებობდა. "
პასუხი - აბა რა არსებობდა?
ციტატა - "ქართველი" შეიძლება ყოფილიყო ბეძნული სარწმუნოების აღმსარებელი კავკასიის რეგიონში. "
პასუხი - ესეც ვერ გავიგე? 'ბერძნული სარწმუნოების აღმსარებლად' მოიხსენიებოდნენ შუა საუკუნეებში მართლმადიდებლები? და მთელი კავკასიის რეგიონი ცოტა გადაჭარბებული არაა? ესე იგი ბაქოში მცხოვრები ბერძენი შეიძლება "ქართველი" ყოფილიყო?
ციტატა - ქართველობის თანამედროვე კონცეფცია მე-19 საუკუნეში შეიქმნა თერგდალეულების მიერ.
პასუხი - რა კონცეფცია იყო ეგ? პუნქტებად იყო ჩამოწერილი რას ნიშნავს იყო ეროვნებით ქართველი?
ციტატა - მანამდე სიტყვა "ქართველი" აღნიშნავდა აღმოსავლეთ საქართველოს მკვიდრს.
პასუხი - ესე იგი იმერელისთვის მე-19-ე საუკუნემდე რო გეკითხა ქართველი ხარო, გეტყოდა არა იმერელიო?
ციტატა - ვახუშტი ბატონიშვილი კი "საქართველოს" ქართლის სამეფოს უწოდებდა
პასუხი - ვითომ?





მერე ლენუსმა:
ციტატა
სხვათშორის, კი - ასე იყო.
საქართველოში შედიოდა ქართლი და კახეთი, მაგრამ იმხელა სამცხე ჯავახეთითაც და აზერბაიჯანის ზოგი ტერიტორიებით, რომ ახლანდელ საქართველოზე დიდი იყო როგორც ვატყობ...


მერე Freethought
ციტატა
წაიკითხე მიხეილ ჯავახიშვილის "არსენა მარაბდელი" და ნახე როგორ უყურებდნენ აღმოსავლეთ საქართველოში იმერელ გიორგი კუჭატნელს.


მერ ნინის კითხვაზე ასეთი პასუხი გასცა:
ციტატა
"წესით"ქართველობა არ არსებობს. ქართველობა არის წმინდა სიმბოლური ხასიათის ერთობა, რომლის საფუძველიცაა საერთო ცნობიერება. ქართველი ხარ მხოლოდ იმიტომ რომ თავს ქართველებს მიაკუთვნებ, ისევე როგორც ყველა იმერელი თავს ქართველებს მიაკუთვნებს. მე-19 საუკუნეში ეს ასე არ იყო. გასაგებია ახლა?


მერე nini_1 პასუხი:
ციტატა
ესე იგი მე-19 საუკუნემდე მცნება "ქართველი" არ არსებობსა?
აბა რატომ გვხვდება წინა საუკუნეებში სახელად"საქართველო"?
თუნდაც მე-10 საუკუნეში.
დაბვეჭდავ პატარა მონაკვეთს ქართული დიპლომატიის ისტორიის ნარკვევებიდან.

"მე-10 ს-ის 70-იანი წლებიდან ცალკეული ქართული ქვეყნების ერთიან სახელმწიფოში გაერთიანებისათვის ბრძოლის ხანგრძლივი პროცესი დასკვნით ფაზაში შევიდა. ბაგრატ უფლისწულის ჯერ ქართლში მმართველად დასმით (975 წ) და შემდგომ კი მისი დასავლეთ საქართველოში გამეფებით (978 წ) გადაიდგა გადამწყვეტი ნაბიჯი ერთიანი ქართული სახელმწიფოს შექმნის გზაზე."
მე მგონი აქ საქართველოა ნახსენები, და საქართველოში მცხოვრებ ქართველს რა სახელით მოიხსენიებდნენ ეგებ ეგეც განმიმარტო?

ღმერთი გფარავდეთ.



მერე აბო ძიამ სავსებით სამართლიანად:
ციტატა
nini_1რატომ ნერვიულობ და ყვები პროვოკატორებს? ეს სპეციალურად ინსპირირებული მეთოდია საქართველოს ავტორიტეტის შესალახად, რათა ქართველს არაფრად მიაჩდეს მისი ქვეყანა და შეუერთდეს გლობალისტთა კოსმოპოლიტურ უქვეყნო ურჯულო უეროვნებო ნახირს.


მერე კატო ბატომ (ასევე სამართლიანად): "ქართლად ფრიადი ქუეყანაი აღირაცხების, რომელსაცა შინა ქართულითა ენითა ჟამი შეიწირვის და ლოცვაი ყოველი აღესრულების" გიორგი მერჩულე.

ხოდა, ალბათ, მაგ ქვეყანაში მცხოვრებს ქვია რა, "ქართველობა არ არსებობს და არ ვიცი ვინ ვარ?"


წაიკითხე , ჩემი ნენა, ცოტა, ისტორიულ წყაროებს გადახედე, ლიტერატურას და მერე გვიმღერე ეგ საოცარი ზღაპრები."

მერე Freethought-მა:
ციტატა
მცნება" ქართველი ნამდვილად არ არსებობდა, რაც შეეხება ცნებას (მ-ს გარეშე): "ქართველი" და "ქართველთა სამეფო" მოიხსენიება მე-9 საუკუნიდან ქართულ ისტორიულ წყაროებში. ქართველთა სამეფი იყო ტაო-კლარჯეთი, სადაც ბაგრატიონთა დინასტია მეფობდა. მას შემდეგ რაც ბაგრატიონებმა დინასტიური ქორწინების გზით აფხაზთა სამეფოც ხელთ იგდეს და კახეთ-ჰერეთის შემოერთებაც მოახერხეს, ქართველთა სამეფოს ცნება მთელ მათ სამფლობელოზე გავრცელდა, აქედან მოდის სიტყვა საქართველო, რომელსაც ვახტანგ გორგასალი და გუბაზ მეფე არ იცნობდნენ.


ციტატა
აბა რატომ გვხვდება წინა საუკუნეებში სახელად"საქართველო"?
თუნდაც მე-10 საუკუნეში



სწორედ მე-10 საუკუნეში მოიხსენიება ეს სიტყვა პირველად, კერძოდ კი ბაგრატ III-ის მეფობის პერიოდში. მაგრამ არა მარტო ბაგრატი, არამედ მისი შთამომავლებიც, დავით აღმაშენებელი, გიორგი III და თამარი, თავიანთ ტიტულატურაში მოიხსენიებოდნენ, როგორც "მეფე აფხაზთა, ქართველთა, რანთა, კახთა და სომეხთა, შირვანშა" და ა.შ.
თუ გიფიქრია იმაზე რატომ არ უწოდებდა დავით აღმაშენებელი თავის თავს უბრალოდ ქართველთა მეფეს ან საქართველოს მეფეს? და რატომ უდრიდა სომეხთა მეფობა "რანთა და კახთა" მეფობას? რატომ ვერ ხედავდა მეფე განსხვავებას კახეთსა და შირვანს შორის?


ციტატა
დაბვეჭდავ პატარა მონაკვეთს ქართული დიპლომატიის ისტორიის ნარკვევებიდან.

"მე-10 ს-ის 70-იანი წლებიდან ცალკეული ქართული ქვეყნების ერთიან სახელმწიფოში გაერთიანებისათვის ბრძოლის ხანგრძლივი პროცესი დასკვნით ფაზაში შევიდა. ბაგრატ უფლისწულის ჯერ ქართლში მმართველად დასმით (975 წ) და შემდგომ კი მისი დასავლეთ საქართველოში გამეფებით (978 წ) გადაიდგა გადამწყვეტი ნაბიჯი ერთიანი ქართული სახელმწიფოს შექმნის გზაზე."
მე მგონი აქ საქართველოა ნახსენები, და საქართველოში მცხოვრებ ქართველს რა სახელით მოიხსენიებდნენ ეგებ ეგეც განმიმარტო?

ღმერთი გფარავდეთ.


ეგ ისტორიული წყარო არ არის, ციტატა ამოღებულია თანამედროვე სახელმძღვანელოდან და ამჟამად აფხაზთა სამეფოს დასავლეთ საქართველოს ჰქვია.


ციტატა(kato_Bato @ Sep 1 2007, 06:17 PM)

ნათია

შენ ეგა თქვი რა

Freethought

"ქართლად ფრიადი ქუეყანაი აღირაცხების, რომელსაცა შინა ქართულითა ენითა ჟამი შეიწირვის და ლოცვაი ყოველი აღესრულების" გიორგი მერჩულე.

ხოდა, ალბათ, მაგ ქვეყანაში მცხოვრებს ქვია რა, "ქართველობა არ არსებობს და არ ვიცი ვინ ვარ?"
წაიკითხე , ჩემი ნენა, ცოტა, ისტორიულ წყაროებს გადახედე, ლიტერატურას და მერე გვიმღერე ეგ საოცარი ზღაპრები.



ერთი კითხვა მაქვს, ქართლი საქართველოა? ის თუ იცი ქართული წირვა-ლოცვა როდის შემოიღეს დასავლეთ საქართველოში? ყვარყვარე ათაბაგმა მე-15 საუკუნეში სამცხე-საათაბაგოში ქართული წირვა-ლოცვა გააუქმა და სამცხის ეკლესია ანტიოქიის საპატრიარქოს დაუქვემდებარა. სამღვდელოებაც კი ბერძნული მოიწვიეს. ნიშნავდა თუ არა ეს, რომ სამცხე (საქართველოს ერთი მესამედი) საქართველო აღარ იყო?


მერე უკვე თქვენი მონა-მორჩილიც ჩაება (ვახ რა ყულფში გავყავი თავი )
ციტატა
მდაჰ... ბატონო როგორც იქნა მიგიხვდით რაც იგულისხმეთ ზედა პოსტებში, მანამ არ გამოჰყავით "მცნება" და "ცნება".. იცით, ეგ ცოტა რთული საკითხია და გაუგებრობაც შეიძლება წარმოიშვას თუ არასწორად გადმოსცემ... ერთობ ორაზროვანია..... ხოლო, ის თუ რატომ იწოდებოდა დავითი IV მეფე აფხაზთა, ქართველთა, რანთა და კახთა და ა.შ. მეფედ, მაგას აქვს თავისი პასუხი... ჯანდაბა ქართული არ გვინდა, ჯობს გავიხსენოთ რუსი იმპერატორების ტიტულატურა ან ინგლისის (დღესაც რომ აქვთ )
და უკაცრავად ადარნასე ქართველთა მეფე რატომღა მახსოვს მე? ნეტა ვინ იყო?

პ.ს. სერიოზულად ვამბობ, ჯობს თუ საქართველოს ისტორიას გულდასმით გადავიკითხავთ და მეორედ ნერვებს ნუ მომიშლით...


რაზედაც თანაფორუმელისგან (სახელი არ ვიცი აბა და...) ასეთი პასუხი მივიღე:

ციტატა
ციტატა
ხოლო, ის თუ რატომ იწოდებოდა დავითი IV მეფე აფხაზთა, ქართველთა, რანთა და კახთა და ა.შ. მეფედ, მაგას აქვს თავისი პასუხი...


?


ციტატა
ჯანდაბა ქართული არ გვინდა, ჯობს გავიხსენოთ რუსი იმპერატორების ტიტულატურა ან ინგლისის (დღესაც რომ აქვთ )


რაც საქართველოზე დავწერე ეხება სხვა ქვეყნებსაც. მე19 საუკუნემდე ეროვნებებს შორის მკაფიო საზღვრები არ არსებობდა


ციტატა
და უკაცრავად ადარნასე ქართველთა მეფე რატომღა მახსოვს მე? ნეტა ვინ იყო?


ადარნასე ქართველთა მეფე გაერთიანებული საქართველოს მეფე არ ყოფილა, მე მგონი ერთხელ უკვე დავწერე რომ ქართველთა სამეფო ტაო-კლარჯეთს მოიცავდა და შეგიძლია ნებისმიერ სკოლის სახელმძღვანელოში გადაამოწმო. ასეთი იაღლიში რატომ უნდა მოგივიდეს ქართველ მამულიშვილს, ჰა? პატრიოტობას საკუთარი ქვეყნის ისტორიის ცოდნაც ხომ ჭირდება?



ციტატა
პ.ს. სერიოზულად ვამბობ, ჯობს თუ საქართველოს ისტორიას გულდასმით გადავიკითხავთ და მეორედ ნერვებს ნუ მომიშლით...
იხ. ზემოთ



მაშ ასე ახლა მეჩქარება, ისედაც ბევრი დრო დავკარგე... ხოდა ასე საღამოსთვის მინდა პასუხი გაგცეთ smile.gif აბა ჰე....


--------------------
“I'd built that bridge for you. But I didn’t know that I would be building it for you and him.” ("Dაისყ")

"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini

***
ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : )

***
Спасение утопающего – дело рук самого утопающего...

***
ამინდის შემქმნელი
User is offlineProfile CardPM
Go to the top of the page
+Quote Post
k@the
პოსტი Sep 3 2007, 04:37 PM
პოსტი #2


იყო და არა იყო რა...
***

ჯგუფი: Members
პოსტები: 16,796
რეგისტრ.: 21-May 07
მდებარ.: მყარად მიწაზე
წევრი № 1,967



ketino
რამდენი გიშრომია 2kiss.gif

შენ პოსტში, ჩაასწორე და ეს გაწითლებული სიტყვა ამოშალე, უფრო ლამაზად გამოჩნდება smile.gif

მერე nini_1 პასუხი:
[quote]ესე იგი მე-19 საუკუნემდე მცნება "ქართველი" არ არსებობსა?
აბა რატომ გვხვდება წინა საუკუნეებში სახელად"საქართველო"?[/quote]
თუნდაც მე-10 საუკუნეში.
დაბვეჭდავ პატარა მონაკვეთს ქართული დიპლომატიის ისტორიის ნარკვევებიდან.

"მე-10 ს-ის 70-იანი წლებიდან ცალკეული ქართული ქვეყნების ერთიან სახელმწიფოში გაერთიანებისათვის ბრძოლის ხანგრძლივი პროცესი დასკვნით ფაზაში შევიდა. ბაგრატ უფლისწულის ჯერ ქართლში მმართველად დასმით (975 წ) და შემდგომ კი მისი დასავლეთ საქართველოში გამეფებით (978 წ) გადაიდგა გადამწყვეტი ნაბიჯი ერთიანი ქართული სახელმწიფოს შექმნის გზაზე."
მე მგონი აქ საქართველოა ნახსენები, და საქართველოში მცხოვრებ ქართველს რა სახელით მოიხსენიებდნენ ეგებ ეგეც განმიმარტო?

ღმერთი გფარავდეთ.
[/quote]


--------------------
--
There are only 10 types of people in the world -- those who understand binary, and those who don't.
User is offlineProfile CardPM
Go to the top of the page
+Quote Post
ქევანა
პოსტი Sep 3 2007, 05:43 PM
პოსტი #3


მთვლემარე დრაკონი
***

ჯგუფი: Members
პოსტები: 7,454
რეგისტრ.: 11-February 07
მდებარ.: Shire, Hobbitland, Middle-earth
წევრი № 1,055



მადლობა ქეთ.. ჩავასწორე და რავი ასეთი გამოვიდა sad.gif wub.gif
მოკლედ რა მინდოდა დამეწერა:

მე არ ვიცი ილიასთან ან სხვა თერგდალეულებთან სად ამოიკითხა "ქართველობის" კონცეფცია და კარგი იქნება თუ უფრო ზუსტად მიუთითებს... sad.gif ასევე კარგი იქნება თუ პუბლიცისტის აზრი კი არა, მკვლევარ-ისტორიკოსის არგუმენტები რომ მოიყვანოს....

ციტატა
ქართველობის თანამედროვე კონცეფცია მე-19 საუკუნეში შეიქმნა თერგდალეულების მიერ. მანამდე სიტყვა "ქართველი" აღნიშნავდა აღმოსავლეთ საქართველოს მკვიდრს. ვახუშტი ბატონიშვილი კი "საქართველოს" ქართლის სამეფოს უწოდებდა


ციტატა მომიყვანე, რადგან მე სხვა ფრაზას წავაწყდი ვახუშტისთან smile.gif

ციტატა
ადარნასე ქართველთა მეფე გაერთიანებული საქართველოს მეფე არ ყოფილა, მე მგონი ერთხელ უკვე დავწერე რომ ქართველთა სამეფო ტაო-კლარჯეთს მოიცავდა და შეგიძლია ნებისმიერ სკოლის სახელმძღვანელოში გადაამოწმო.

კი ადარნასე არ იყო გაერთიანებული საქართველოს მეფე, მაგრამ იწოდებოდა ოფიციალურად "ქართველთა მეფედ", რადგან მის სამეფოში საქართველოს ტერიტორიის მეტი წილი შედიოდა, მათ შორის ქართლის... ასე რომ ქართველთა სამეფო მარტო ტაო-კლარჯეთს არ მოიცავდა. უფრო ვრცელი იყო....ცნება "ქართველი" არსებობდა ადრე შუა საუკუნეებში, ასე რომ არ იყოს, იოანე მარუშისძის ღვაწლი ქარს გაგიტანებია.... ხომ არ გავიწყდება რომ სამეფო-სამთავროებს ბაგრატიონთა სხვადასხვა შტო მართავდა?

რასაც შენ გულისხმობ, იმას ევროპაში ქვია დინასტიური უნიონი....

სხვათაშორის საქართველოს ისტორია ბრწყინვალედ არ ვიცი და არ მეზარება წიგნებში ქექვა და მოძიება dry.gif


--------------------
“I'd built that bridge for you. But I didn’t know that I would be building it for you and him.” ("Dაისყ")

"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini

***
ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : )

***
Спасение утопающего – дело рук самого утопающего...

***
ამინდის შემქმნელი
User is offlineProfile CardPM
Go to the top of the page
+Quote Post
ქევანა
პოსტი Sep 3 2007, 10:40 PM
პოსტი #4


მთვლემარე დრაკონი
***

ჯგუფი: Members
პოსტები: 7,454
რეგისტრ.: 11-February 07
მდებარ.: Shire, Hobbitland, Middle-earth
წევრი № 1,055



ძლივას... რაცხა გამოჩნდა ნათელი გვირაბის ბოლოს... biggrin.gif

მინდა დავამატო ერთი რამ...რაც სრულად გამოხატავს ჩემს აზრს.
ნაწყვეტი:
"ივანე ჯავახიშვილი წერს, ქვეყნის შემკრებლობითი ცნების გამოსახატავად ძველი ტერმინების "ყოველი ქართლისა" ან "ერთობლივი ქართლის" ნაცვლად XI საუკუნიდან მოყოლებული საზოგადო ტერმინად "საქართველო" ან კიდევ "ყოველი საქართველოი" დაკანონდაო. და მეცნიერს იქვე მოჰყავს გიორგი მთაწმინდელის სიტყვები, როცა იგი ათონის ივერთა მონასტრის წინამძღვარზე ლაპარაკობს: ამ წინამძღვრის "სათნოებათა სახელი და ღირსებაი ყოველსა საქართუელოს განეფინა და არა ხოლო საქართულოესა არამედ საბერძნეთსაცა". ჩვენთვის უკვე კარგად ნაცნობ "მატიანე ქართლისაშიც" პირველად ახლა გამოჩნდება ეს სიტყვა, ბაგრატ მესამის შვილის საომარ ამბებთან დაკავშირებით - "სპანი საქართველოისანიო".

მოკლედ რისი თქმა მინდოდა, როცა ჩნდება ეროვნული თვითშეგნების ასეთი ტერმინი, წინ რათქმაუნდა უნდა უძღოდეს მიზეზი. გეუბნებით, რომ ადრე შუა საუკუნეებში არსებობდა "ქართველის" ცნება ხალხის ფსიქოლოგიაში და ეს წყაროების განალიზებით დასტურდება.... ვახ, რაც თეთრია უნდა ითქვას რომ თეთრია და არა შავი.

ახლა კიდევ ამას
ციტატა
თუ გიფიქრია იმაზე რატომ არ უწოდებდა დავით აღმაშენებელი თავის თავს უბრალოდ ქართველთა მეფეს ან საქართველოს მეფეს? და რატომ უდრიდა სომეხთა მეფობა "რანთა და კახთა" მეფობას? რატომ ვერ ხედავდა მეფე განსხვავებას კახეთსა და შირვანს შორის?


ჩემო კარგო, როცა იერთებ სამეფოებს, იმატებ იმ მიერთებული სამეფოს ტიტულატურას... აბა რუსეთის იმპერატორი არ მოიხსენებოდა "სრულიად რუსეთის"იმპერატორად... ეგ გავარკვიე და ეგრეა....

საქართველო რომ დაყოფილი იყო სამეფო სამთავროებად და ბაგრატიონთა სხვადასხვა შტო მართავდა, ეგ დაგავიწყდა?


ციტატა
რაც საქართველოზე დავწერე ეხება სხვა ქვეყნებსაც. მე19 საუკუნემდე ეროვნებებს შორის მკაფიო საზღვრები არ არსებობდა

აი აქ დიდი ბოდიში.... ასწლიანი ომი საფრანგეთსა და ინგლის შორის... ისტორიის ეგ მომენტი გაიხსენე აბა?! ორივე ქვეყნის დიდებულები ერთმანეთის ნათესავები იყვნენ, მაგრამ მკაფიოდ იყო გამიჯნული "ინგლისელი" და "ფრანგი"... და სხვათაშორის სიამით ჟუჟავდნენ ერთმანეთს.... sad.gif



პ.ს. და რავი, თუ რამე სხვა ფაქტს წავაწყდი ამ თემასთან დაკავშირებით დავდებ


--------------------
“I'd built that bridge for you. But I didn’t know that I would be building it for you and him.” ("Dაისყ")

"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini

***
ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : )

***
Спасение утопающего – дело рук самого утопающего...

***
ამინდის შემქმნელი
User is offlineProfile CardPM
Go to the top of the page
+Quote Post
Freethought
პოსტი Sep 5 2007, 07:57 PM
პოსტი #5


Member
**

ჯგუფი: Members
პოსტები: 216
რეგისტრ.: 14-August 07
წევრი № 2,603



@ketino
ციტატა
მადლობა ქეთ.. ჩავასწორე და რავი ასეთი გამოვიდა sad.gif wub.gif
მოკლედ რა მინდოდა დამეწერა:

მე არ ვიცი ილიასთან ან სხვა თერგდალეულებთან სად ამოიკითხა "ქართველობის" კონცეფცია და კარგი იქნება თუ უფრო ზუსტად მიუთითებს... sad.gif ასევე კარგი იქნება თუ პუბლიცისტის აზრი კი არა, მკვლევარ-ისტორიკოსის არგუმენტები რომ მოიყვანოს....
ციტატა მომიყვანე, რადგან მე სხვა ფრაზას წავაწყდი ვახუშტისთან smile.gif
კი ადარნასე არ იყო გაერთიანებული საქართველოს მეფე, მაგრამ იწოდებოდა ოფიციალურად "ქართველთა მეფედ", რადგან მის სამეფოში საქართველოს ტერიტორიის მეტი წილი შედიოდა, მათ შორის ქართლის... ასე რომ ქართველთა სამეფო მარტო ტაო-კლარჯეთს არ მოიცავდა. უფრო ვრცელი იყო....ცნება "ქართველი" არსებობდა ადრე შუა საუკუნეებში, ასე რომ არ იყოს, იოანე მარუშისძის ღვაწლი ქარს გაგიტანებია.... ხომ არ გავიწყდება რომ სამეფო-სამთავროებს ბაგრატიონთა სხვადასხვა შტო მართავდა?


ადარნასე იმიტომ არ იწოდებოდა ქართველთა მეფედ რომ მის სამეფოში საქართველოს დიდი ნაწილი შედიოდა. ტერიტორიულად ყველაზე დიდი იყო აფხაზთა სამეფო (ახლანდელი დასავლეთ საქართველო) რომელიც პერიოდულად შიდა ქართლსაც აკონტროლებდა. ქვემო ქართლი კი მაშინ სომხური გახლდათ და ტაშირ-ძორაგეტის სომხურ სამეფოდ აღინისნება იმდროინდელ რუკებზე. წყარო: მერვე კლასის საქართველოს ისტორიის სახელმძღვანელო, გამოცემული 1996 წელს თბილისში მარიამ ლორთქიფანიძის რედაქტორობით. იქვე ნახავ რუკებსაც...


სამეფო-სამთავროებს 800-1000 წლებში ბაგრატიონთა სხვადასხვა შტო არ მართვადა. ყველა ერთეულს საკუთარი დინასტია ჰყავდა, ბაგრატიონები მართავდნენ მარტო ქართველთა სამეფოს. რასაც შენ ამბობ ეგ გვიანშუასაუკუნეებში იყო, მე-15 საუკუნეში საქართველოს სამეფო-სამთავროებად დაშლის შემდეგ

ციტატა
რასაც შენ გულისხმობ, იმას ევროპაში ქვია დინასტიური უნიონი....


სწორედ მაგის მეშვეობით გახდა ბაგრატ III კურაპალატი "აფხაზთა მეფე"


ციტატა
სხვათაშორის საქართველოს ისტორია ბრწყინვალედ არ ვიცი და არ მეზარება წიგნებში ქექვა და მოძიება


ჰოდა რას გადამეკიდე აბა? ან დამიჯერე ან არგუმენტები მოიძიე

@ketino
ციტატა
ძლივას... რაცხა გამოჩნდა ნათელი გვირაბის ბოლოს... biggrin.gif

მინდა დავამატო ერთი რამ...რაც სრულად გამოხატავს ჩემს აზრს.
ნაწყვეტი:
"ივანე ჯავახიშვილი წერს, ქვეყნის შემკრებლობითი ცნების გამოსახატავად ძველი ტერმინების "ყოველი ქართლისა" ან "ერთობლივი ქართლის" ნაცვლად XI საუკუნიდან მოყოლებული საზოგადო ტერმინად "საქართველო" ან კიდევ "ყოველი საქართველოი" დაკანონდაო. და მეცნიერს იქვე მოჰყავს გიორგი მთაწმინდელის სიტყვები, როცა იგი ათონის ივერთა მონასტრის წინამძღვარზე ლაპარაკობს: ამ წინამძღვრის "სათნოებათა სახელი და ღირსებაი ყოველსა საქართუელოს განეფინა და არა ხოლო საქართულოესა არამედ საბერძნეთსაცა". ჩვენთვის უკვე კარგად ნაცნობ "მატიანე ქართლისაშიც" პირველად ახლა გამოჩნდება ეს სიტყვა, ბაგრატ მესამის შვილის საომარ ამბებთან დაკავშირებით - "სპანი საქართველოისანიო".


ეგ მეც დავწერე, მაგრამ მაგით არ მტკიცდება ის რომ ქართველებს ერთიანი ეროვნული თვითშეგნება ჰქონდათ. გეოგრაფიული ტერმინი "საქართველო" არ ნიშნავს, რომ "საქართველოს" ტერიტორიაზე მცხოვრებ ხალხს ქართველობის ისეთივე ცნობიერება ჰქონდა როგორც ახლა.


ციტატა
მოკლედ რისი თქმა მინდოდა, როცა ჩნდება ეროვნული თვითშეგნების ასეთი ტერმინი, წინ რათქმაუნდა უნდა უძღოდეს მიზეზი. გეუბნებით, რომ ადრე შუა საუკუნეებში არსებობდა "ქართველის" ცნება ხალხის ფსიქოლოგიაში და ეს წყაროების განალიზებით დასტურდება.... ვახ, რაც თეთრია უნდა ითქვას რომ თეთრია და არა შავი.

ახლა კიდევ ამას
ჩემო კარგო, როცა იერთებ სამეფოებს, იმატებ იმ მიერთებული სამეფოს ტიტულატურას... აბა რუსეთის იმპერატორი არ მოიხსენებოდა "სრულიად რუსეთის"იმპერატორად... ეგ გავარკვიე და ეგრეა....

საქართველო რომ დაყოფილი იყო სამეფო სამთავროებად და ბაგრატიონთა სხვადასხვა შტო მართავდა, ეგ დაგავიწყდა?


ზუსტად მაგაშია საქმე. რატომ დაუშვეს ქართველებმა საქართველოს დაშლა თუკი საერთო ეროვნული ცნობიერება ჰქონდათ? წარმოგიდგენია რომ ახლა გურჯაანის რაიონმა საქართველოსაგან გამოყოფა მოინდომოს?

ციტატა
აი აქ დიდი ბოდიში.... ასწლიანი ომი საფრანგეთსა და ინგლის შორის... ისტორიის ეგ მომენტი გაიხსენე აბა?! ორივე ქვეყნის დიდებულები ერთმანეთის ნათესავები იყვნენ, მაგრამ მკაფიოდ იყო გამიჯნული "ინგლისელი" და "ფრანგი"... და სხვათაშორის სიამით ჟუჟავდნენ ერთმანეთს.... sad.gif


ნურას უკაცრავად, მაგ ომში ვინ ინგლისელი იყო და ვინ ფრანგი ესე ადვილად ვერ იტყვი. "ფრანგი" დიდებულების მნიშვნელოვანი ნაწილი ინგლისის მეფეებს ემხრობოდა, რომელიც დინასტიურ პრეტენზიებს აცხადებდნენ საფრანგეთის ტახტზე. მკაფიოდ გამიჯნული იყო მხოლოდ გეოგრაფიული მოცემულობები: ინგლისი კუნძულზე მდებარეოდა, ხოლო საფრანგეთი კონტინენტზე. "ფრანგების" საერთო ეროვნულ ცნობიერებაზე 1789 წლამდე ლაპარაკიც კი ზედმეტია. 1789 წლის შემდეგ კი ნაციის ფრანგული მოდელი მთელ ევროპაში გავრცელდა და 1860-იანი წლებიდან საქართველოშიც შემოაღწია
User is offlineProfile CardPM
Go to the top of the page
+Quote Post
abo
პოსტი Sep 5 2007, 08:26 PM
პოსტი #6


Advanced Member
***

ჯგუფი: Members
პოსტები: 3,533
რეგისტრ.: 20-March 07
წევრი № 1,441



Freethought

http://church.ge/index.php?showtopic=2478&st=0
შენ მეგობარო ალბათ ძაიან გსურს საქართველოს და ქართველი ერის დისკრედიტაცია, რასაც შენი დიდი წინაპრები ჯერ კიდევ ძვ წ მე-8 საუკუნიდან ეწეოდნენ, მაგრამ საქართველოს ამით არაფერი დაკლებია და დღესაც აგრძელებს არსებობას(და გააგრძელოს ამინ). ასე რომ შენი ამაო ცდა ასევე ამაოდ გაგრძელდება . ისე ანტიკური ხანიდან ხომ არ გადახედავდი ისტორიას? არ იქნებოდა ურიგო ალბათ შენთვის .ბევრი უცნობი რამ წერია მაქ, რაც შენ არ გცოდნია. და თუ იცი და მაინც მასე მსჯელობ, მაშინ მიზანმიმართული პროვოკატორი ყოფილხარ რაშიც თანდათან გვარწმუნებს შენი მსჯელობა.


--------------------
არ გაიწვრთნების სამი რამ: მგელი, არწივი, კაი ყმა.
User is offlineProfile CardPM
Go to the top of the page
+Quote Post
ქევანა
პოსტი Sep 8 2007, 12:25 AM
პოსტი #7


მთვლემარე დრაკონი
***

ჯგუფი: Members
პოსტები: 7,454
რეგისტრ.: 11-February 07
მდებარ.: Shire, Hobbitland, Middle-earth
წევრი № 1,055



ხოდა.... Freethought
მართალია ნათქვამია: კაცს თუ არ უნდა რიყის ქვას ვერ დაანახებო... მაგრამ გულსატკენია ბატონი გიორგი ასე რომ ფიქრობს.. sad.gif


ციტატა
ადარნასე იმიტომ არ იწოდებოდა ქართველთა მეფედ რომ მის სამეფოში საქართველოს დიდი ნაწილი შედიოდა. ტერიტორიულად ყველაზე დიდი იყო აფხაზთა სამეფო (ახლანდელი დასავლეთ საქართველო) რომელიც პერიოდულად შიდა ქართლსაც აკონტროლებდა. ქვემო ქართლი კი მაშინ სომხური გახლდათ და ტაშირ-ძორაგეტის სომხურ სამეფოდ აღინისნება იმდროინდელ რუკებზე. წყარო: მერვე კლასის საქართველოს ისტორიის სახელმძღვანელო, გამოცემული 1996 წელს თბილისში მარიამ ლორთქიფანიძის რედაქტორობით. იქვე ნახავ რუკებსაც...


საქართველოს ტერიტორია დასახლებული იყო ქართველური ტომებით, ხომ? ეგრის-აფხაზეთის სამეფო, ტაო-კლარჯეთის სამეფო (იგივე ოფიციალური "ქართველთა") და კახეთის სამთავრო რომ ისწრაფოდენ ქართლის დაპყრობით და მთელს ტერიტორიაზე ჰეგემონობას და გაერთიანებას, ეგ რა არად ჩასაგდებია? თუ შენ ფიქრობ რომ ჩვენ სკოლაში დამახინჯებულ ისტორიას ვსწავლობდით, ან ივანე ჯავახიშვილი იტყუება? huh.gif dry.gif

მერე რადგან ადარნასემ ოფიციალურად დაირქვა "ქართველთა" მეფედ თავი, ეგ რას ნიშნავს შენი აზრით? რომ ქართველები მარტო ტაოში ცხოვრობდნენ? huh.gif აბა ადრე სად ცხოვრობდნენ?

მე გეტყვი რატომაც უწოდა თავის თავს ქართველთა მეფე. იმიტომ რომ ამაში თავისი ქვეტექსტი ჩადო, მალე "სრულიად საქართველოს" მეფეები იქნებიან ჩემი შთამომავლებიო, ამას შენზე უფრო დაკვირვებული და კომპეტენტური ისტორიკოსები ამბობენ.


ციტატა
სწორედ მაგის მეშვეობით გახდა ბაგრატ III კურაპალატი "აფხაზთა მეფე"


ვატყობ კარგად ვერ გაიგე.... ბაგრატ დედის მხრივ ეკუთნოდა აფხაზეთის სამეფო, ხოდა ჯერ იქ გამეფდა პირველად, რადგან ამ დროს მამამისი ცოცხალი იყო, შესაბამისად ჯერ გახდა აფხაზთა მეფედ, მერე მამამისი გარდაიცვალა და ახლა ქართველთა მეფე გახდა, მერე ტაო და კლარჯეთიც მიიღო დავითი კურაპალტის მემკვიდრეობა... smile.gif ასე გამოვიდა ქართული მიწები ერთი კაცის მართველობის ქვეშ გაერთიანებული.

ციტატა
ეგ მეც დავწერე, მაგრამ მაგით არ მტკიცდება ის რომ ქართველებს ერთიანი ეროვნული თვითშეგნება ჰქონდათ. გეოგრაფიული ტერმინი "საქართველო" არ ნიშნავს, რომ "საქართველოს" ტერიტორიაზე მცხოვრებ ხალხს ქართველობის ისეთივე ცნობიერება ჰქონდა როგორც ახლა.


შენ ეგ არ დაგიწერია... wink.gif

ციტატა
ზუსტად მაგაშია საქმე. რატომ დაუშვეს ქართველებმა საქართველოს დაშლა თუკი საერთო ეროვნული ცნობიერება ჰქონდათ? წარმოგიდგენია რომ ახლა გურჯაანის რაიონმა საქართველოსაგან გამოყოფა მოინდომოს?

ძალიან გთხოვ მამულიშვილობა და მოღალატეობა კარგად გაარჩიე რას ნიშნავს smile.gif


ახლა კარგად დაიმახსოვრე რასაც გეტყვი!!
გიორგი I მეფობის დროს ტაო-კლარჯეთის რამოდენიმე ციხე-სიმაგრე მოღალატე დიდებულებმა გადასცეს ბიზანტიელებს. მაგრამ სამშობლოს პატრიოტებმა და პროგრესულად მოაზროვნე პირებმა დიდგვაროვანთა ასეთ მოქმედებას სამშობლოსთვის თავგანწირვა დაუპირისპირეს. მათ შორის აღსანიშნავია ეპისკოპოსი საბა მტბევარი, რომელმაც ტბეთში (შავშეთი) ციხე ააგო, იქაური მაცხოვრებლებლებისაგან ჯარი შექმნა და მტერს მედგრად დაუხვდა....

რას ნიშნავს ეს თუ არა ეროვნული ცნობიერების ნათელ მაგალითს.... შენ ან არ გინდა დაინახო, ან მართლა ვერ ხედავ ამას!


--------------------
“I'd built that bridge for you. But I didn’t know that I would be building it for you and him.” ("Dაისყ")

"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini

***
ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : )

***
Спасение утопающего – дело рук самого утопающего...

***
ამინდის შემქმნელი
User is offlineProfile CardPM
Go to the top of the page
+Quote Post
sable
პოსტი Oct 8 2007, 02:36 PM
პოსტი #8


Advanced Member
***

ჯგუფი: Members
პოსტები: 1,694
რეგისტრ.: 29-August 07
წევრი № 2,651



Freethought
''შუა საუკუნეებში "ქართველი" როგორც ეროვნება არ არსებობდა. "ქართველი" შეიძლება ყოფილიყო ბეძნული სარწმუნოების აღმსარებელი კავკასიის რეგიონში. ქართველობის თანამედროვე კონცეფცია მე-19 საუკუნეში შეიქმნა თერგდალეულების მიერ. მანამდე სიტყვა "ქართველი" აღნიშნავდა აღმოსავლეთ საქართველოს მკვიდრს. ვახუშტი ბატონიშვილი კი "საქართველოს" ქართლის სამეფოს უწოდებდა''


ამ სიტყვებს მოჰყვა თქვენი პოლემიკა : საინტერესოა ძალიან მაგრამ აქ რაც წერია ბოლომდე ტყუილი არ არის მართლაც ქართველების საერთო ეროვნული თვითშეგნება შუა საუკუნეებში ემყარებოდა რელიგიას ოღონდ არა კავკასიის მაშტაბით არამედ იმ მაშტაბით სადაც მოქმედებდა ქართული ეკლესიები და სამოციქულო ეკლესია საერთოდ ერად ჩამოყალიბების პროცესი რთული პროცესია და ის იქიდან იწყება როდესაც ჩნდება სახელმწიფო

როდის გაჩნდა ქართული სახელმწიფო? ის გაჩნდა ძვ.წაღ. IV საუკუნეში ასე რომ
ერად ჩამოყალიბების პროცესი იქიდან იწყება, როცა ქვეყანა ყალიბდება

და არა XI ს ან კიდევ XIX ს. ან ადარსარსეს დროს!


--------------------
გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ
პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ
კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ
შემდეგ მე მომადგნენ და აღარავინ იყო დარჩენილი ხმა რომ ამოეღო
User is offlineProfile CardPM
Go to the top of the page
+Quote Post
ქევანა
პოსტი Oct 8 2007, 02:46 PM
პოსტი #9


მთვლემარე დრაკონი
***

ჯგუფი: Members
პოსტები: 7,454
რეგისტრ.: 11-February 07
მდებარ.: Shire, Hobbitland, Middle-earth
წევრი № 1,055



ციტატა
როდის გაჩნდა ქართული სახელმწიფო? ის გაჩნდა ძვ.წაღ. IV საუკუნეში ასე რომ
ერად ჩამოყალიბების პროცესი იქიდან იწყება, როცა ქვეყანა ყალიბდება

და არა XI ს ან კიდევ XIX ს. ან ადარსარსეს დროს!

მაგ პრინციპით ჩვენ ეხლა ერად ვითვლებით? აბა ჩამოთვალეთ ერის თვისებები და ნიშნები....


--------------------
“I'd built that bridge for you. But I didn’t know that I would be building it for you and him.” ("Dაისყ")

"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini

***
ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : )

***
Спасение утопающего – дело рук самого утопающего...

***
ამინდის შემქმნელი
User is offlineProfile CardPM
Go to the top of the page
+Quote Post
sable
პოსტი Oct 8 2007, 02:52 PM
პოსტი #10


Advanced Member
***

ჯგუფი: Members
პოსტები: 1,694
რეგისტრ.: 29-August 07
წევრი № 2,651



შენ თუ ჩვენს ერად ჩამოყალიბებას არ თვლი დასრულებულად ჩვენს

კამათს აზრი არა ააქვს !!!!!!! გთხოვ არ მკითხო რატოო?


--------------------
გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ
პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ
კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ
შემდეგ მე მომადგნენ და აღარავინ იყო დარჩენილი ხმა რომ ამოეღო
User is offlineProfile CardPM
Go to the top of the page
+Quote Post
ქევანა
პოსტი Nov 2 2007, 04:00 PM
პოსტი #11


მთვლემარე დრაკონი
***

ჯგუფი: Members
პოსტები: 7,454
რეგისტრ.: 11-February 07
მდებარ.: Shire, Hobbitland, Middle-earth
წევრი № 1,055



sable
მე მაინტერესებს დღეს თუ ვაკმაყოფილებთ ერის თვისებებს... მეტი არაფერი... smile.gif


აი, რა საინტერესო მასალას მივაგენი...
ვახტანგ ერქომაიშვილს თავის წიგნში უწერია:

"ქართველი ხალხიჩამოყალიბდა იბერიული და კოლხური ტომების აღრევის შედეგად. ეს მოხდა დაახლოებით VIII-IX საუკუნეებში, როდესაც გაჩნდა ტერმინი "ქართველი" და "საქართველო". ეს უკანასკნელი აღნიშნავს ქართველი ხალხით დასახლებულ ტერიტორიას. რა თქმაუნდა , აქ აღწერილი პროცესი რამდენადმე გამარტივაბულია, მაგრამ იგი არსებითად სწორად გამოხატავს იმ ძირითად კანონზომიერებას, რომლის მიხედვითაც ხდებოდა ხალხების ფორმირება..."


"რა ნიშნები ახასიათებს ხალხს, როგორც ისტორიულად ჩამოყალიბებულ ერთობას.
1) ერთიანი კულტურა . დაახლოებით ერთნაირი ადათ-წესები, ჩვევენი და ტრადიციები, ყოფა-ცხოვრების წესი და სამეურნეო საქმიანობა.
2) ენა . მისი წევრები მეტყველებენ ერთ ენაზე ან სხვადასხვა, მაგრამ მონათესავე ენებზე.
3) ტერიტორია . მოსახლეობს და საქმიანობს ერთ ტერიტორიაზე.
ხალხის აუცილებელი პირობა არ არის სახელმწიფოებრივი გაერთიანება. ძველ ბერძენ ხალხს არ ქონდა ერთი სახელმწიფო. არსებობდა მრავალი ერთმანეთისაგან დამოუკიდებელი პატარ-პატარა ბერძნული სახელმწიფოები, რომლებიც ერთმანეთის შორის ხშირად სამკვდრო-სასიცოცხლო ომებსაც კი აწარმოებდნენ. მიუხედავად ამისა, ბერძენი ხალხი, როგორც ისტორიულად ჩამოყალიბებული ერთობა, მაინც არსებობდა. მას აერთიანებდა კულტურა, ენა და ტერიტორია. როგორც ავღნიშნეთ ქართველი ხალხი, როგორც ისტორიული ერთობა ჩამოყალიბდა VIII-IX საუკუნეებში, სახელმწიფოებრივ გაერთიანებას მან მიაღწია XI-XII საუკუნეებში. ..." (გვ. 174-175)

ეთნოგრაფიის კონსპექტებში კი ასე ეწერა ლექტორს:"ეთნოსი" ბერძნული სიტყვაა და ნიშნავს "ხალხს". ეს არის ადამიანთა ჯგუფი, რომლებიც ერთმანეთთან დაკავშირებულია სხვადასხვა ნიშნით. აუცილებელი ნიშნებია: ტერიტორია, ენა, კულტურა, თვითსახელი და თვითშეგნება."

***
რაც შეეხება ერს...

ერისთვის დამახასიათებელი თვისებები: (ერქომაიშვილის წიგნიდან smile.gif)
1) ხალხის კონსოლიდაცია და შეკავშირება - - გულისხმობს ტერიტორიულ, ეკონომიურ, კულტურულ და სახელმწიფოებრივ გაერთიანებას.
2) სამშობლო - ტერიტორია, რომელზეც ხალხი ცხოვრობს, არის მისი სამშობლო..
3) ერთიანი ლიტერატურული ენა და დამწერლობა - ერს აქვს არა სამეტყველო, არამედ ლიტერატურული ენა, რომლის მეშვეობითაც წარმართავ თავის საქმიანობას საზოგადოების ყველა სფეროში.
4) ერთიანი ცნობიერების და ხასიათის ჩამოყალიბება. ხალხის ყველა წარმომადგენელი აცნობიერებს თავის ეროვნულ კულტურას, სამშოლისა და კულტურის ერთიანობას. ყალიბდება ერთიანი ეროვნული სული და ხასიათი, რაც გამოხატულებას პოულობს საქმიანობასა და აზროვნების სტილში.


შენიშვნა: ეს ინფორმაცია მოვიტანე უბრალოდ წასაკითხათ და თუ რამეს არ ეთანხმებით, ან რამე უფრო ზუსტი წყარო და მაგალითები არსებობს, მოიყვანეთ... მე მაინტერესებს ეს საკითხი... ანუ ეროვნული თვითშეგნების ჩამოყალიბება...


--------------------
“I'd built that bridge for you. But I didn’t know that I would be building it for you and him.” ("Dაისყ")

"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini

***
ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : )

***
Спасение утопающего – дело рук самого утопающего...

***
ამინდის შემქმნელი
User is offlineProfile CardPM
Go to the top of the page
+Quote Post
marine
პოსტი Feb 27 2008, 12:10 PM
პოსტი #12


მ_ა_კ_ა
***

ჯგუფი: co-Moderators
პოსტები: 57,567
რეგისტრ.: 3-November 06
მდებარ.: გულის საკურთხეველი:)
წევრი № 381



ტერმინ „ნათესავით ქართველის“ შესახებ

მიტროპოლიტი ანანია (ჯაფარიძე)


ცნებების „ნათესავით ქართველისა“ (ე. ი. ეროვნებით ქართველის, გვარტომობით ქართველის) და „ქართველის“ გაგებისათვის მოვიშველიოთ ძველი ქართველი მოღვაწეები, მწერლებისა და ისტორიკოსების განსაზღვრებანი.

განსაკუთრებით საინტერესოა, რომ „ქართლის ცხოვრების“ მიხედვით ქართველი და „ნათესავით ქართველი“ ეწოდება საქართველოს ნებისმიერი კუთხის შვილს.

„ქართლის ცხოვრების“ მიხედვით ეგრისელი, ისევე როგორც ჰერეთისა და კახეთის მკვიდრი, ნათესავით ქართველია. ქართველთა საერთო ეროვნული ერთობა, საერთო ქართველობა ყოველთვის ნათლად არის გადმოცემული ნებისმიერ ძველ ქართულ თხზულებაში. მაგ. ილარიონ ქართველის ცხოვრებაში ნათქვამია: „ილარიონ იყო ნათესავით ქართველი, ქუეყანით კახეთით“, „აღმოსცენდა უკუე ნეტარი ესე ქუეყანით ქართლით, საზღვართაგან და კერძოთა კახეთისათა.“ წმიდა ილარიონ ქართველი მოღვაწეობდა 822-875 წლებში; აქედან ჩანს, რომ ილარიონი კახეთის მცხოვრებია ანუ, დღევანდელი ტერმინოლოგიით, კახელია, მიუხედავად ამისა, ის „ნათესავით“ კახელი კი არ არის (იმ დროს არ იყო ასეთი განსაზღვრება), არამედ ეროვნებით ანუ „ნათესავით“ ქართველია.

ასევე VIII საუკუნის დასაწყისში ეგრისის ქვეყნის ერთ-ერთ „სანახებში“, არგვეთში, მთავრები არიან დავითი და კონსტანტინე (ეს მთავრები 730 წელს წმიდა მოწამის გვირგვინით შეიმკნენ). თუმცა ისინი ეგრისელები არიან, მათ მემატიანე არ უწოდებს „ნათესავით მეგრელს“, არამედ უწოდებს ქართველს.

„იყვნეს წმიდანი ესე მოწამენი დავით და კონსტანტინე ქართველნი სანახებისაგან არგვეთისა დიდნი და დიდებულნი ტომებითა და მთავარნი ქვეყნისანნი.“

ეს რომ კერძო გამონაკლისი არ არის, ჩანს შემდეგიდან: „...IV საუკუნის ცნობილი მოაზროვნისა და მწერლის ევაგრი პონტოელის ბიოგრაფიაში აღნიშნულია, რომ ევაგრე წარმოშობით იყო პონტოელი, იბერთა ქალაქის მცხოვრები. პალადის შემდგომ V საუკუნის ისტორიკოსები აღნიშნავენ, რომ ევაგრი ტომით იბერია“.

ტომით იბერი იგივე „ნათესავით ქართველია“ ძველი ქართული ტერმინოლოგიის მიხედვით. პონტოში მცხოვრები ლაზები და მეგრელები ეროვნებით ანუ გვარტომობით „ნათესავით“ ქართველებად - „იბერებად“ ითვლებოდნენ.

იოანე მთაწმინდელი მესხი იყო, მაგრამ გიორგი მთაწმინდელს მისი კუთხური წარმომავლობა საერთოდ არ აღუნიშნავს, ის წერს: „იოანე იყო ნათესავით ქართველი.“ რატომ არ აღნიშნავენ მის მესხობას? ანდა ილარიონ ქართველის კახელობას? მიზეზი ისაა, რომ „მესხი“, როგორც ტომობრივი ერთეული ანდა ეროვნება იმ დროს არ არსებობდა. არსებობდა „მესხეთი“, „კახეთი“, მაგრამ ამ კუთხეების მკვიდნი ისევე, როგორც სხვა კუთხეებისა, „ნათესავით ქართველნი“ იყვნენ.

მაგალითად, ექვთიმე ათონელის შესახებ ნათქვამია, რომ ივერთა მონასტერში „განითქვა სახელი მისი და პატივსა უყოფდეს ბერძენნი და ქართველნი.“ აქ „ქართველში“ იგულისხმება ყველ კუთხის შვილი საქართველოსი. ექვთიმე „გამოჩნდა სამკაულად „ნათესავისა ჩვენისა“.

„ნათესავით ქართველი“ - ეს ტერმინი ძველად ქართველი ერის ტომებად დაყოფამდე (XV საუკუნემდე) აღნიშნავდა ქართველ ერს.

„ნათესავით ქართველი“ ქართული ეკლესიის სამწყსოა. ქართლის კათალიკოსი „ნათესავთა ქართველთა“ კათალიკოსია, ე. ი. ქართლის კათალიკოსი კათალიკოსია არა მარტო აღმოსავლეთ, არამედ დასავლეთ საქართველოს მოსახლეობისაც, რადგანაც დასავლეთ საქართველოს მოსახლეობაც „ნათესავით ქართველია“.

ქართლის კათალიკოსს იურიდულად ძველთაგანვე აღიარებული კანონიერი უფლება აქვს მთელ ქართველ ერზე, ამიტომაც აფხაზეთის კათალიკოსი მასზე დაბლა მდგომი მამამთავარია, რადგანაც დასავლეთ საქართველოს სამწყსო ნათესავით ქართველთას შემადგენელი ნაწილია და მასზე თავის იურისდიქციას ქართლის კათალიკოსი აფხაზეთის საკათალიკოსოს წარმოქმნამდე ახორციელებდა, ხოლო მისი წარმოქმნის შემდგომ იურიდიულად ის „უმრწემეს“ კათალიკოსად გაფრომდა.

„ნათესავით ქართველი“ - საქართველოს ნებისმიერი კუთხის შვილს ერქვა თვით ვიდრე მონგოლობამდე ანუ საქართველოს ერთიანი სახელმწიფოებრიობის მოშლამდე (აღსანიშნავია, რომ სახელმწმიფო მთლიანობის დარღვევის შედეგად თემობრიობა-ტომობრიობის აღმოცენების შემდგომ წმ. ილარიონს უკვე „კახელს“, „კახს“ უწოდებდნენ).


--------------------
"კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
-------------------
"არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/
--------------------
"ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან".
User is online!Profile CardPM
Go to the top of the page
+Quote Post
sable
პოსტი Mar 4 2008, 06:14 PM
პოსტი #13


Advanced Member
***

ჯგუფი: Members
პოსტები: 1,694
რეგისტრ.: 29-August 07
წევრი № 2,651



ციტატა(ketino @ Nov 2 2007, 04:00 PM) *

sable
მე მაინტერესებს დღეს თუ ვაკმაყოფილებთ ერის თვისებებს... მეტი არაფერი... smile.gif


ერის განსაზღვრების თანამედროვე გფაგება და ძველი გაგება განსხვავდება ერთმანეთისგან,

დღეს ეს არის
1) საერთო სახელმწიფო
2) საერთო ისტორიული წარსულის ქონა
3) თვითშეგნება
4) და ეწ ,,ეთნიე'' ანუ ეთნიკური კუთვნილება

შემდეგ მოდის უკვე ენა კულტურა და აშ რომელიც გადამწყვეტ როლს პრინციპში აღარ თამაშობს თუმცა ერის განსაზღვრებისთვის რჩება ამოსავალ წერტილად.
ეს თანამედროვე ნაციონალიზმის მკვლევარის ანტონი სმიტის განმარტებაა ერისა და ეროვნულობის შესახებ,

რასაც პრინციპში ვეთანხმები. მე განსაკუთრებით თვითშეგნებას გამოვყოფდი, თუმცა ეს თვითშეგნება ძირითადად უკვე სმიტის მიერ დასახელებული კომპონენტებიდან მომდინარეობს(საერთო სახელმწიფო, საერთო ისტორიული წარსულის ქონა, ეწ ,,ეთნიე'' ანუ ეთნიკური კუთვნილება).


ციტატა(ketino @ Nov 2 2007, 04:00 PM) *

აი, რა საინტერესო მასალას მივაგენი...
ვახტანგ ერქომაიშვილს თავის წიგნში უწერია:

"ქართველი ხალხიჩამოყალიბდა იბერიული და კოლხური ტომების აღრევის შედეგად. ეს მოხდა დაახლოებით VIII-IX საუკუნეებში, როდესაც გაჩნდა ტერმინი "ქართველი" და "საქართველო". ეს უკანასკნელი აღნიშნავს ქართველი ხალხით დასახლებულ ტერიტორიას. რა თქმაუნდა , აქ აღწერილი პროცესი რამდენადმე გამარტივაბულია, მაგრამ იგი არსებითად სწორად გამოხატავს იმ ძირითად კანონზომიერებას, რომლის მიხედვითაც ხდებოდა ხალხების ფორმირება..."


ეგ თეორია იბერია კოლხეთის ერთობისა და ქართველების ერად ჩამოყალიბების შესახებ ცნობილია მაგრამ ძნელი გასაზიარებელია, რადგან ერის ფორმირება ქართლში ადრევე დაიწყო კოლხეთი ამ პროცესს გვიან უერთდება.

ციტატა(ketino @ Nov 2 2007, 04:00 PM) *

"რა ნიშნები ახასიათებს ხალხს, როგორც ისტორიულად ჩამოყალიბებულ ერთობას.
1) ერთიანი კულტურა . დაახლოებით ერთნაირი ადათ-წესები, ჩვევენი და ტრადიციები, ყოფა-ცხოვრების წესი და სამეურნეო საქმიანობა.
2) ენა . მისი წევრები მეტყველებენ ერთ ენაზე ან სხვადასხვა, მაგრამ მონათესავე ენებზე.
3) ტერიტორია . მოსახლეობს და საქმიანობს ერთ ტერიტორიაზე.
ხალხის აუცილებელი პირობა არ არის სახელმწიფოებრივი გაერთიანება. ძველ ბერძენ ხალხს არ ქონდა ერთი სახელმწიფო. არსებობდა მრავალი ერთმანეთისაგან დამოუკიდებელი პატარ-პატარა ბერძნული სახელმწიფოები, რომლებიც ერთმანეთის შორის ხშირად სამკვდრო-სასიცოცხლო ომებსაც კი აწარმოებდნენ. მიუხედავად ამისა, ბერძენი ხალხი, როგორც ისტორიულად ჩამოყალიბებული ერთობა, მაინც არსებობდა. მას აერთიანებდა კულტურა, ენა და ტერიტორია. როგორც ავღნიშნეთ ქართველი ხალხი, როგორც ისტორიული ერთობა ჩამოყალიბდა VIII-IX საუკუნეებში, სახელმწიფოებრივ გაერთიანებას მან მიაღწია XI-XII საუკუნეებში. ..." (გვ. 174-175)......ეთნოგრაფიის კონსპექტებში კი ასე ეწერა ლექტორს:"ეთნოსი" ბერძნული სიტყვაა და ნიშნავს "ხალხს". ეს არის ადამიანთა ჯგუფი, რომლებიც ერთმანეთთან დაკავშირებულია სხვადასხვა ნიშნით. აუცილებელი ნიშნებია: ტერიტორია, ენა, კულტურა, თვითსახელი და თვითშეგნება."


მაგაზე ზემოთ უკვე დავწერე.



ციტატა(ketino @ Nov 2 2007, 04:00 PM) *


ერისთვის დამახასიათებელი თვისებები: (ერქომაიშვილის წიგნიდან smile.gif)
1) ხალხის კონსოლიდაცია და შეკავშირება - - გულისხმობს ტერიტორიულ, ეკონომიურ, კულტურულ და სახელმწიფოებრივ გაერთიანებას.
2) სამშობლო - ტერიტორია, რომელზეც ხალხი ცხოვრობს, არის მისი სამშობლო..
3) ერთიანი ლიტერატურული ენა და დამწერლობა - ერს აქვს არა სამეტყველო, არამედ ლიტერატურული ენა, რომლის მეშვეობითაც წარმართავ თავის საქმიანობას საზოგადოების ყველა სფეროში.
4) ერთიანი ცნობიერების და ხასიათის ჩამოყალიბება. ხალხის ყველა წარმომადგენელი აცნობიერებს თავის ეროვნულ კულტურას, სამშოლისა და კულტურის ერთიანობას. ყალიბდება ერთიანი ეროვნული სული და ხასიათი, რაც გამოხატულებას პოულობს საქმიანობასა და აზროვნების სტილში.
შენიშვნა: ეს ინფორმაცია მოვიტანე უბრალოდ წასაკითხათ და თუ რამეს არ ეთანხმებით, ან რამე უფრო ზუსტი წყარო და მაგალითები არსებობს, მოიყვანეთ... მე მაინტერესებს ეს საკითხი... ანუ ეროვნული თვითშეგნების ჩამოყალიბება...



ეს უკვე ერქომაიშვილის განმარტებაა თანამედროვე ერის შესახებ

ასე რომ ჩემო კარგო ერის თვისებების მატარებლები ჩვენ დიდი ხანია ვართ, არამარტო ჩვენ არამედ გუშინ გამოჩეკილი პანამელებიც კი ერია რადგან გააჩნიათ საერთო სახელმწიფო, თვითშეგნება, რაღაც დღემოკლე ისტორიული წარსული (1903 წლიდან) და
ეთნიკურად თავს თვლიან პანამელებად, ასე კიდევ ბევრი სხვა ერი შეიძლება ბევრი მათგანი ბოლომდე ერად არ იყოს ჩამოყალიბებული (ანუ იქ მცხოვრები ხალხი ყველა იმ ერის წარმომადგენლად არ ასაღებდეს თავს მაგრამ ამას მნიშვნელობა არა ააქვს)


--------------------
გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ
პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ
კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ
შემდეგ მე მომადგნენ და აღარავინ იყო დარჩენილი ხმა რომ ამოეღო
User is offlineProfile CardPM
Go to the top of the page
+Quote Post
ქევანა
პოსტი Mar 4 2008, 06:20 PM
პოსტი #14


მთვლემარე დრაკონი
***

ჯგუფი: Members
პოსტები: 7,454
რეგისტრ.: 11-February 07
მდებარ.: Shire, Hobbitland, Middle-earth
წევრი № 1,055



sable
ციტატა
ერის განსაზღვრების თანამედროვე გფაგება და ძველი გაგება განსხვავდება ერთმანეთისგან,

არ ვიცოდი, მადლობა დიდი.. და გთხოვთ, იქნებ ლიტერატურაც მიმითითოთ, მკვლევარები, .. სად უნდა ვეძიო კიდევ ინფორმაცია... სმიტი დავიმახსოვრე.. აუცილებლად მოვნახავ ბიბლიოთეკაში smile.gif მაგრად მაინტერესებს...


--------------------
“I'd built that bridge for you. But I didn’t know that I would be building it for you and him.” ("Dაისყ")

"He was born with a gift of laughter and a sense that the world was mad. And that was all his patrimony." - Scaramouche, Rafael Sabatini

***
ფორუმზე გლანძღავ და მიწასთან გასწორებ, ძვირფასო, მაგრამ გახსოვდეს, ფორუმს გარეთ მე შენ მიყვარხარ : )

***
Спасение утопающего – дело рук самого утопающего...

***
ამინდის შემქმნელი
User is offlineProfile CardPM
Go to the top of the page
+Quote Post
sable
პოსტი Mar 4 2008, 06:26 PM
პოსტი #15


Advanced Member
***

ჯგუფი: Members
პოსტები: 1,694
რეგისტრ.: 29-August 07
წევრი № 2,651



ციტატა(ketino @ Mar 4 2008, 06:20 PM) *

sable

არ ვიცოდი, მადლობა დიდი.. და გთხოვთ, იქნებ ლიტერატურაც მიმითითოთ, მკვლევარები, .. სად უნდა ვეძიო კიდევ ინფორმაცია... სმიტი დავიმახსოვრე.. აუცილებლად მოვნახავ ბიბლიოთეკაში smile.gif მაგრად მაინტერესებს...


ეგ ა. სმიტი თარგმნილია მ. ჩხარტიშვილის მიერ ქართულად და პარნასში ნახე, თუმცა ცოტა რთული ენით არის დაწერილი და შეეცადე რომ ყურადღებით წაიკითხო. ხოლო რაც შეეხება ძველ პერიოდს იქ სტატიები არის გაფანტული და მერე რომ გავიხსენებ მოგწერ.


--------------------
გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ
პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ
კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ
შემდეგ მე მომადგნენ და აღარავინ იყო დარჩენილი ხმა რომ ამოეღო
User is offlineProfile CardPM
Go to the top of the page
+Quote Post
bekas
პოსტი Mar 18 2008, 01:33 AM
პოსტი #16


Member
**

ჯგუფი: Members
პოსტები: 352
რეგისტრ.: 31-October 07
წევრი № 3,078



ციტატა
ერის განსაზღვრების თანამედროვე გფაგება და ძველი გაგება განსხვავდება ერთმანეთისგან,

აქ რაღაც ვერ გავიგე რა ხდება. გიორგი მთაწმინდელმა ეტყობა არ იცოდა ა.სმიტის შესახებ თორემ სხვანაირად იტყოდა ალბათ. XI საუკუნეში სანამ ძველი გაგება იყო ძალაში ერი ვიყავით. მერე ვიღაც სმიტმა ახალი გაგება შემოიღო და 10 საუკუნე ეგრევე ჩამოგვეჭრა ისტორიიდან. ასე რომ გაგებას გაუმარჯოს, მთავარია გაგება, მააშ.
User is offlineProfile CardPM
Go to the top of the page
+Quote Post
bekas
პოსტი Mar 18 2008, 02:11 AM
პოსტი #17


Member
**

ჯგუფი: Members
პოსტები: 352
რეგისტრ.: 31-October 07
წევრი № 3,078



ციტატა
ნურას უკაცრავად, მაგ ომში ვინ ინგლისელი იყო და ვინ ფრანგი ესე ადვილად ვერ იტყვი. "ფრანგი" დიდებულების მნიშვნელოვანი ნაწილი ინგლისის მეფეებს ემხრობოდა, რომელიც დინასტიურ პრეტენზიებს აცხადებდნენ საფრანგეთის ტახტზე. მკაფიოდ გამიჯნული იყო მხოლოდ გეოგრაფიული მოცემულობები: ინგლისი კუნძულზე მდებარეოდა, ხოლო საფრანგეთი კონტინენტზე. "ფრანგების" საერთო ეროვნულ ცნობიერებაზე 1789 წლამდე ლაპარაკიც კი ზედმეტია. 1789 წლის შემდეგ კი ნაციის ფრანგული მოდელი მთელ ევროპაში გავრცელდა და 1860-იანი წლებიდან საქართველოშიც შემოაღწია

შენ შეიძლება ეგრე ადვილად ვერ თქვა, მაგრამ აი ჰენრი V ინგლისელი კი ადვილად იტყოდა თუ ვინ ინგლისელი იყო და ვინ ფრანგი. უფრო სწორად კი თუ ვინ იყო მისი ინგლისელი ვასალი და ვინ კი ფრანგი. თუ მანამდე არა, ჰენრი V-ს დროს კი უკვე დანამდვილებით იყო ცნობილი განსხვავება ინგლისელსა და ფრანგს შორის, თუნდაც ლინგვისტური თვალსაზრისით. გიიომ დამპყრობელის დროს ფრანგული ენა ინგლისელი არისტოკრატიისათვის მშობლიური ენა იყო. ჰენრი V-ს დროს კი უკვე დანამდვილებითაა ცნობილი რომ ფრანგული ენა ინგლისელი ნობილებისთვის უცხო ენაა, რომელსაც ცალკე სწავლობდნენ.
User is offlineProfile CardPM
Go to the top of the page
+Quote Post
marine
პოსტი Mar 18 2008, 10:19 AM
პოსტი #18


მ_ა_კ_ა
***

ჯგუფი: co-Moderators
პოსტები: 57,567
რეგისტრ.: 3-November 06
მდებარ.: გულის საკურთხეველი:)
წევრი № 381



ციტატა(bekas @ Mar 18 2008, 01:33 AM) *

აქ რაღაც ვერ გავიგე რა ხდება. გიორგი მთაწმინდელმა ეტყობა არ იცოდა ა.სმიტის შესახებ თორემ სხვანაირად იტყოდა ალბათ. XI საუკუნეში სანამ ძველი გაგება იყო ძალაში ერი ვიყავით. მერე ვიღაც სმიტმა ახალი გაგება შემოიღო და 10 საუკუნე ეგრევე ჩამოგვეჭრა ისტორიიდან. ასე რომ გაგებას გაუმარჯოს, მთავარია გაგება, მააშ.


ბეკას (სამწუხაროდ სახელი არ ვიცი, რომ მოგმართოთ), მოხარული ვარ, რომ პოსტავთ ჩემ განყოფილებაში.

ამავდროულად მინდა მოწიწებით გთხოვოთ, რომ თქვენს პოსტებში არ გამოიყენოთ ისეთი ფრაზები, რაც არ შეესაბამება მართლმადიდებლურ ფორუმს.

პატივისცემით

მარინე

პ.ს. იმედი მაქვს ჩემს განყოფილებას გაამდიდრებთ საინტერესო და ღირებული პოსტებით smile.gif


--------------------
"კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
-------------------
"არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/
--------------------
"ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან".
User is online!Profile CardPM
Go to the top of the page
+Quote Post
marine
პოსტი May 12 2015, 04:01 PM
პოსტი #19


მ_ა_კ_ა
***

ჯგუფი: co-Moderators
პოსტები: 57,567
რეგისტრ.: 3-November 06
მდებარ.: გულის საკურთხეველი:)
წევრი № 381



"კვართწილხვდომილი საქართველო"

/"კარიბჭე" N10, 2015, გვ. 54/


--------------------
"კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
-------------------
"არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/
--------------------
"ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან".
User is online!Profile CardPM
Go to the top of the page
+Quote Post
marine
პოსტი Jan 30 2022, 08:15 PM
პოსტი #20


მ_ა_კ_ა
***

ჯგუფი: co-Moderators
პოსტები: 57,567
რეგისტრ.: 3-November 06
მდებარ.: გულის საკურთხეველი:)
წევრი № 381



"იერუსალიმში აღმოჩენილი V საუკუნის საფლავის ქვის მოკლე უნიკალური ქართული წარწერა - "ესე სამარხოი იოჰანე ფურტაველი ეპისკოპოსი ქართველისაი", ბევრ ინფორმაციას გვაწვდის, მაგრამ უნიკალური ორი მიზეზითაა - ეს არის საქართველოს ფარგლებს გარეთ ნაპოვნი ყველაზე ძველი ქართული წარწერა და შესაბამისად, წარწერაში ნახსენები ეროვნების აღმნიშვნელი ტერმინი "ქართველი" - ყველაზე ძველია წარწერებს შორის".

/"კარიბჭე" N2, 2022, გვ.38/


--------------------
"კ უ ს_ ნ ა ბ ი ჯ ე ბ ი თ_ ფ უ ძ ი ა მ ა ს_ მ თ ი ს კ ე ნ".
-------------------
"არც შექებით ვხდებით უკეთესნი და არც გაკიცხვით უარესნი." /არქიმანდრიტი რაფაელი (კარელინი)/
--------------------
"ფრაზა, რომელსაც ხშირად იყენებდნენ ძველი გადამწერები: "ჴელი მწერლისა მიწასა შინა ლპების და ნაწერნი ჰგიან".
User is online!Profile CardPM
Go to the top of the page
+Quote Post

2 გვერდი V  1 2 >
Reply to this topicStart new topic
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:

 



მსუბუქი ვერსია ახლა არის: 28th March 2024 - 11:06 PM

მართლმადიდებლური არხი: ივერიონი

ფორუმის ელექტრონული ფოსტა: იმეილი