თემის საბეჭდი ვერსია

პოსტის ავტორი: იოანა თარიღი: May 21 2007, 01:39 PM

ქებაჲ და დიდებაჲ ქართულისა ენისაჲ

დამარხულ არს ენაჲ ქართული დღემდე მეორედ მოსვლისა მისისა[1] საწამებლად, რაჲთა[2] ყოველსა ენასა ღმერთმა ამხილოს ამით ენითა.

და ესე ენაჲ მძინარე არს დღესამომდე, და სახარებასა შინა ამას ენასა ლაზარე ჰრქჳან!

და ახალმან ნინო მოაქცია და ჰელენე დედოფალმან, ესე არიან ორნი დანი, ვითარცა მარიამ და მართაჲ,

და მეგობრობაჲ ამისთჳს თქუა, ვითარმედ ყოველი საიდუმლოჲ ამას ენასა შინა დამარხულ არს.

და ოთხისა დღისა მკუდარი ამისთჳს თქუა დავით წინაჲწარმეტყუელმან, რამეთუ " წელი ათასი - ვითარცა ერთი დღჱ"[3],

და სახარებასა შინა ქართულსა თავსა ხოლო მათჱსსა წილი ზის, რომელ ასოჲ არს და იტყჳს ყოვლად ოთხ - ათასსა მარაგსა,

და ესე არს ოთხი დღჱ [4], და ოთხისა დღისა მკუდარი, ამისთჳს მისთანავე დაფლული სიკვდილითა ნათლის - ღებისა მისისაჲთა [5].

და ესე ენაჲ შემკული და კურთხეული სახელითა უფლისაიჲთა, მდაბალი და დაწუნებული, მოელის დღესა მას მეორედ მოსვლისა უფლისასა,

და სასწაულად ესე აქუს: ოთხმეოც - და -ათოთხმეტი [6] წელი უმეტჱს სხუათა ენათა ქრისტჱს მოსვლითგან დღესამომდე.

და ესე ყოველი, რომელი წერილ არს, მოწამედ წარმოგითხარ [7], ესე წილი ანბანისაჲ.

_________________________________________

1 მესიისა , 2 რათა , 3 დღჲ , 4 დღეჲ , 5 მამისაჲთა , 6 ას ოთხი , 7 ას ოთხი ესე წელი, და ... (ზოგიერთ ხელნაწერში ასეთი ვარიანტებიც გვხვდება)



უწმიდესი და უნეტარესი სრულიად საქართველოს კათოლიკოს-პატრიარქი ილია II

ამას ენასა ლაზარე ჰრქვიან

სახელითა მამისათა, და ძისათა, და წმიდისა სულისათა!

ჩვენთან არს ღმერთი...

უამრავი საიდუმლოებით არის მოცული ადამიანი. ბევრი რამ არ ესმის მის გონს, ბევრს ვერ გრძნობს მისი გული. მაგრამ ადამიანი არის ხატება ღვთისა, არის გვირგვინი ღვთის ქმნილებისა. კურთხეულია ქართველი ერი, საქართველო. ღვთის მადლითაა კურთხეული ქართული ენა.

დიდი საიდუმლოებით მოცულია სიტყვები, რომელიც გადმოგვცა ჩვენმა დიდმა წინაპარმა იოანე-ზოსიმემ. ამ სიტყვებში სწერია:

დამარხულ არს ენაჲ ქართული
დღემდე მეორედ მოსვლისა მისისა საწამებლად,
რაჲთა ყოველსა ენასა
ღმერთმა ამხილოს ამით ენითა.
და ესე ენაჲ
მძინარე არს დღესამომდე,
და სახარებასა შინა ამას ენასა
ლაზარე ჰრქჳან!

ვინ დააკავშირა ერთმანეთთან მართალი ლაზარე და საქართველო? რა არის საერთო ლაზარესა და ქართულ ენასა შორის? ვინ იყო ლაზარე?

ჩვენ ვიცით, რომ ლაზარე იყო ძმა მართასი და მარიამისი. ვიცით ისიც, რომ ლაზარე ცხოვრობდა ბეთანიას, რომ იგი უყვარდა მაცხოვარს. და აი, ამცნეს მაცხოვარს, რომ ლაზარე ავადაა...

„უფალო, აჰა, რომელი იგი გიყუარდა, სნეულ არს“. (იოანე 4, 3)

„ვითარცა ესმა ესე იესოს, თქუა: ესე უძლურებაჲ არა არს სასიკუდინე, არამედ დიდებისათჳს ღმრთისა, რაჲთა იდიდოს ძჱ ღმრთისაჲ მისგან“ (იოანე 11, 4). და არ ჩქარობს მაცხოვარი წასვლას. რატომ? იმიტომ, რომ უნდა მოხდეს უდიდესი სასწაული - ლაზარეს მკვდრეთით აღდგომა. ამან კიდევ ერთხელ უნდა დაადასტუროს, თუ ვინ არის მაცხოვარი. ბოლოს იგი მაინც ემზადება ბეთანიას წასასვლელად. სულ რამდენიმე დღის წინ ებრაელები მას უმუქრებოდნენ სიკვდილით და მოციქულები სთხოვენ, არ წავიდეს იქ. „მოძღუარ, აწღა გეძიებდეს შენ ჰურიანი ქვისა დაკრებად, და კუალად მუნვე მიხუალა?“ (იოანე 11, 8).

და აი, ამ დროს თომა მოციქული (ვისი თავის ქალაც, როგორც დიდი სიწმიდე, ჩვენს სიონის ტაძარში ასვენია) მიმართავს მოციქულებს და ეუბნება: „წავიდეთ და ჩვენც მოვკვდეთ მასთან ერთად“.

შეხედეთ თომას, რომელსაც უწოდებენ ურწმუნოს, რომელიც თითქოს შეორგულდა იესო ქრისტეს აღდგომაში! ეს თომა მიდის იუდეაში, რომ მასთან ერთად მოკვდეს. შემდეგ მოდის ხმა ბეთანიიდან, რომ ლაზარე მოკვდა. მაცხოვარი მიმართავს მოციქულებს და ეუბნება - „ლაზარემ დაიძინა“. მოციქულები ვერ ჩაწვდნენ მაცხოვრის სიტყვების აზრს და პასუხობენ: „ლაზარემ თუ დაიძინა, ის განიკურნება, უფალო, უკუეთუ დაიძინა, ცხოვნდეს“ (იოანე 11, 12). ისინი გულისხმობდნენ, რომ ძილი არის ნიშანი ჯანმრთელობისა; მაგრამ მაცხოვარი ამბობდა სხვა ძილზე - სიკვდილზე.

და წავიდა ბეთანიას უფალი. მაშინ მიეგება მას ტირილით ლაზარეს დაჲ მართა და უთხრა: - „უფალო, უკუეთუმცა აქა იყავ, არამცა მომკუდარ იყო ძმაჲ იგი ჩემი“ (იოანე 11, 21) შენ რომ აქ ყოფილიყავ, ჩემი ძმა არ მოკვდებოდაო. მაცხოვარს სურს, ჩაუნერგოს მართას რწმენა და ეუბნება მას: - გრწამს, რომ მე შემიძლია აღვადგინო ლაზარე? გრწამს, რომ მე ვარ ქრისტე? - „ჰე, უფალო, მრწამას, რამეთუ შენ ხარ ქრისტე, ძე ღმრთისა, მომავალი სოფლად“. - პასუხობს მას მართა. - „ჰრქუა მას იესუ: აღსდგეს ძმაჲ შენი.

ჰრქუა მას მართა: უწყი, რამეთუ აღდგეს აღდგომასა მას უკუანაჲსკნელსა დღესა.

რქუა მას იესუ: მე ვარ აღდგომა და ცხოვრებაჲ. რომელსა ჰრწმენეს ჩემი, მო-ღა-თუ-კუდეს, ცხოვნდესვე.

და ყოველი, რომელი ცოცხალ არს და ჰრწმენეს ჩემი, არა მოკუდეს იგი უკუნისამდე - გრწამს ესე?

ჰრქუა მას მართა: ჰე, უფალო, მრწამს, რამეთუ შენ ხარ ქრისტე, ძე ღმრთისაჲ, მომავალი სოფლად.“ (იოანე 11, 23-27).

მაცხოვარი შედის ბეთანიას. მას ხვდება მეორე დაჲ ლაზარესი - მარიამი; ისიც ტირილით, ისიც ამავე სიტყვებით, შენ რომ აქ ყოფილიყავ, ლაზარე არ მოკვდებოდაო. მაცხოვარი მიდის ლაზარეს საფლავთან. ის უკვე შესვენებულია გამოქვაბულში, საფლავზე მიდგმულია ქვა. არავითარი ნიშანი არ ჩანს ლაზარეს სიცოცხლისა, მაცხოვარს ეუბნებიან, რომ ლაზარე არის ოთხი დღის მკვდარი და უკვე ყარს. ამ დროს უფალი იესო ქრისტე მიმართავს მამაზეციერს. - მამაო, გმადლობ შენ, რამეთუ ისმინე ჩემი, და შემდეგ დიდი ხმით დაუძახებს: - „ლაზარე, გამოვედ გარე“. მართლაც წამოდგა ლაზარე და გამოვიდა, გამოვიდა შეკრული, მიცვალებულის სამოსელით შემოსილი. მაცხოვარმა უბრძანა, რომ მოეხსნა ეს სამოსელი. ლაზარე აღდგა, ლაზარე გაცოცხლდა. „და გამოვიდა მკუდარი იგი შეკრული ჴელითა და ფერხითა სახუეველითა, და პირი მისი დაბურვილ იყო სუდარითა. ჰრქუა მათ იესუ: განჰჴსენით ეგე და უტევეთ, ვიდოდეს“ (იოანე 11, 43-44). და ცნობილია ისტორიიდან, რომ ლაზარე შემდეგ ყოფილა კრიტეს ეპისკოპოსი და იქვე გარდაიცვალა.

მე მქონდა ბედნიერება, როცა გახლდით იერუსალიმში, მივსულიყავი იმ ადგილზე, სადაც იყო დასვენებული ლაზარე. თაყვანი ვეცი იმ წმიდა ადგილს, სადაც უფალმა წარმოთქვა კურთხეული სიტყვები: - „ლაზარე, გამოვედ გარე“. ამას გვაუწყებს დღევანდელი სახარება. მაგრამ ამასთან ერთად, დღეს არის ჩვენი დიდი დღესასწაული - ქებაჲ და დიდებაჲ ქართულისა ენისაჲ.

„სახარებასა შინა ამას ენასა ლაზარე ჰრქვიან“.

ვინ იყო ის ჩვენი დიდი წინაპარი, ის კურთხეული ადამიანი, რომელსაც გამოუცხადა უფალმა, რომ „სახარებასა შინა ქართულსა ენასა ლაზარე ჰრქვიან“? ეს ჩვენთვის არ არის ცნობილი. იოანე-ზოსიმე, რომლის ხელნაწერითაც ამ ლექსმა, ამ საოცარმა სიტყვებმა ჩვენამდე მოაღწია, იყო მხოლოდ გადამწერი. ხოლო ავტორი, ვისაც გამოეცხადა ეს უდიდესი საიდუმლო, არ ვიცით. ვინ წარმოშვა ქართული ენა? ქართველმა ერმა წარმოშვა ქართული ენა, თუ ქართულმა ენამ წარმოშვა ქართველი ერი? ღვთის კურთხევით მათი შობა ერთად მოხდა. წარმოიშვა ქართული ენა და წარმოიშვა ქართველი ერი.

„და ესე ენაჲ
შემკული და კურთხეული
სახელითა უფლისაიჲთა,
მდაბალი და დაწუნებული,
მოელის დღესა მას მეორედ მოსვლისა უფლისასა“.

რატომ მოელის? ეს ხომ არის ენა „შემკული და კურთხეული სახელითა უფლისაჲთა“... მაშ რატომღა სწერია, „მდაბალი და დაწუნებული“? ღვთის კურთხევით, ეს არის შემკული და კურთხეული, მაგრამ ვის მიერ არის დამდაბლებული და დაწუნებული? - მტრების მიერ, რომელნიც უძლურნი არიან საქართველოს წინაშე, უფრო სწორად, ღვთის კურთხევის წინაშე, რადგან მარჯვენა ღვთისა ჩვენს ქვეყანაზეა გადაფარებული, ჩვენს ერზეა და ეს მარჯვენა ლოცავს ქართულ ენას. რატომ მოელის ის „დღესა მას მეორედ მოსლვასა უფლისასა“? იმიტომ, რომ მეორედ მოსვლის დროს უფალი ამით ენითა განსჯის ქვეყანას.

ჩვენ ვიცით, რომ მეორედ მოსვლის წინ დაეცემა სარწმუნოება; დაეცემა ზნეობა, აღარ იქნება სიყვარული. იქნება მტრობა, ღალატი. იშვიათად ნახავს ადამიანი ჭეშმარიტ მორწმუნეს. და აი, იმ დროისათვის, იმ სულიერი დაცემის დროისათვის, როცა თითქოს არავითარი სიკეთე აღარ ჩანს ქვეყანაზეო, რომ იფიქრებ, ივერიის ყოვლადწმიდა ღვთისმშობელის წინასწარმეტყველებით, ვისი საოცარი, სასწაულმოქმედი ხატიც ივერონის მონასტერში, ათონზე ქართველმა ბერებმა ზღვიდან ამოასვენეს, საქართველო გაბრწყინდება უკანასკნელ ჟამს. საეკლესიო გადმოცემის თანახმად ცნობილია და ჩვენ ვიცით, რომ X საუკუნეში ყოველივე ეს ხილვით ეუწყათ წმიდა მამებს ივერონის ქართველთა სავანეში; როცა მთელი ქვეყანა დაკარგავს რწმენას, სიყვარულს, სათნოებას, საქართველო გაბრწყინდება სარწმუნოებით, სიყვარულით, სიწმინდით, და როგორც ჯილდო, მიეცემა უფლება, რომ ქართული ენითა ამხილოს უფალმა მთელი ქვეყანა. აი, მხოლოდ ასე შეიძლება აიხსნას ეს სიტყვები. მეორედ მოსვლის ჟამს, უფალი ამხელს ქვეყანას ქართული ენით.

იმის შემდეგ, როცა ცნობილი გახდა ეს დიდი საიდუმლო, იმის შემდეგ, როცა უფალმა გამოუცხადა ჩვენს წინაპარს, რომ „სახარებასა შინა ამას ენასა ლაზარე ჰრქვიან“, იგი ზეიმობდა ქართული ენის დღესასწაულს - ლაზარეს შაბათს. მაგრამ ქვეყნის ავბედობამ, მისმა მძიმე წარსულმა წაშალა ეს კურთხეული და წმიდა ტრადიცია. დღეს კვლავ დადგა ჟამი და აღვადინეთ ეს დღესასწაული.

ღმერთმა დალოცოს ღვთივკურთხეული ქართველი ერი და ქართული ენა, ღმერთმა დალოცოს ჩვენი წინაპრები, - შოთა, სულხან-საბა, გურამიშვილი, ბარათაშვილი, ილია, აკაკი, ვაჟა, გოგებაშვილი და სხვანი, რომელნიც მძიმე ჟამს იცავნდნენ და ინახავდნენ ქართულსა ენას. ღმერთმა დალოცოს სრულიად საქართველო, ღმერთმა დაგლოცოთ თქვენ, ღმერთმა გააძლიეროს და აკურთხოს ქართული ენა, ამინ.

ლაზარეს შაბათი
13(26) აპრილი

პოსტის ავტორი: ლეონტი თარიღი: May 21 2007, 02:22 PM

კარგია რო დადე.
გადაავლონ თვალი , შეიძლება ზოგი არ ეთანხმება ამას, რადგან "ქებაი და დიდებაი" ძალზე შინაგანი, მისტიური სწავლებაა და არაა დოგმატური საკითხი. და რაც მთავარია იგი ერთ "მცირე"ენას ეხება.
მაგრამ აქ იმდენი დამთხვევაა, რომ მხოლოდ ცივი გონებითაც რომ განსაჯო კაცმა , რაღაცას დაინახავ.

პოსტის ავტორი: ეკუმენისტი თარიღი: May 21 2007, 05:11 PM

არ ვეთანხმებიო ვერ ვიტყვი...მაგრამ ცოტა გაუგებარია...განკითხვის დროს უფალი ისაუბრებს კი? მეორედ მოსვლა და საყოველთაო სამსჯავრო არის უდიდესი საიდუმლო, რომლის შესახებ ზუსტად არავინ იცის...მე ვფიქრობ რომ ამას ან სხვა განმარტება აქვს, ან ეს არის უბრალოდ კეთილი სურვილები საკუთარი ქვეყნისთვის....თუმცა გამორიცხული არაფერია, რადგან ღვთისმშობლის წილხვედრი ქვეყანაა საქართველო

პოსტის ავტორი: მხევალი ნინო თარიღი: May 21 2007, 05:46 PM

ეკუმენისტი

გუჯა, ქებაი და დიდებაის გამსახურდიას განმარტება წაიკითხე საინეტერესოა

პოსტის ავტორი: ლეონტი თარიღი: May 21 2007, 06:46 PM

ეს ვარიანტი რომ გამოვრიცხოთ ჯობია , მითუმეტეს თუკი ის ცრუ მესიანისტურ ამბიციებს გვიღვიძებს.
ზოგადად ეს საკითხი სრულიად საკაცობრიოა, რადგან ეს ენა ყველასია, რომელზეც იესო იმეტყველებს მეორედ მოსვლისას.
ანუ ლაზარე არის ქრისტეს მეგობარი.
რომელიც ეხლა მკვდარია , მაგრამ მეორედ მოსვლისას აღდგება.
და ის იქნება საყოველთაო ენა, ისე როგორც მის სიკვდილამდე იყო.

პოსტის ავტორი: KAIROS თარიღი: May 22 2007, 03:18 PM

გთავაზობთ მეორედ მოსვლის მოახლოებასთან დაკავშირებით გავხსნათ ქართული ენის შემსწავლელი კურსები მსოფლიოს სხვადასხვა კუთხეში!

შეეშვით კერძო აზრებს და ისწავლეთ თეოლოგია! ის რომ მეორედ მოსვლა და კაცობრიობის განკითხვა როგორ მოხდება დოგმატი არ არის უმეცრებაა, მოკლედ აქ დაწერას არ ვაპირებ, რადგან დაწერილია უკვე აქ: http://church.ge/index.php?showtopic=1019&st=220 და ვისაც რაიმე სერიოზული არგუმენტები აქვს იქ დაწეროს... და დაანებეთ პატრიარქის სახელით სპეკულირებას, არა ვართ კათოლიციზმში!

პოსტის ავტორი: ლეონტი თარიღი: May 22 2007, 03:27 PM

მოდი რა ხარ თეოლოგი? მიხედე სენს საქმეს, აქ კი ნუ წერ ისეთ რამეებს რაც ამ თემას აბუჩად იგდებს.
ამ ფორუმის უმეტესობისთვის პატრიარქზე მეტი ავტორიტეტი არა, ხარ.
აქ არავინ სპეკულირებს, რაც ბრძანა უწმინდესმა იმაზე ვმსჯელობთ და საერთოდ ვისაც გვჯერა გაგვატარეთ.

პოსტის ავტორი: leluka თარიღი: May 22 2007, 03:30 PM

მე რავიცი არც თეოლოგი ვარ და არც რამე ჯანდაბა მაგრამ ერთი ეგ ვიცი მე რომ გავიგებ ისე იქნება ან ქართულად ანდა ღმერთს არ გაუჭირდება იმ ენაზე გადაგვრთოს რაზეც სურს ანუ როდესღაც ყველა ხომ ერთ ენაზე ვსაუბრობდით მასე იქნება და მართლა რა საჭიროა ამაზე საუბარი ლეონტი მაგ ადამიანმაც ეგ გითხრა შენი აზრი დააფიქსირო უნდა და მორჩა მე რავიცი აბა რა ენაზე იქნება არ იჩხუბოთ

პოსტის ავტორი: ლეონტი თარიღი: May 22 2007, 03:35 PM

ლელუკა სწორი ხარ, ადრე ერთი ენა იყო და ბოლოსაც ესე იქნება.

პოსტის ავტორი: KAIROS თარიღი: May 22 2007, 03:37 PM

და აქ რა მოზამბიკის ეკონომიკაზე მსჯელობთ? თეოლოგიურად აბსურდებს წერთ და ამიტომ გეკამათებით, ან რა შუაშია პატრიარქის ავტორიტეტი და ჩემი? მე რასაც გწერთ მამებზე დაყრდნობით, ჩემს პირად აზრს რომ ვწერ, ვამბობ კიდეც, ასე რომ თუ მეკამათები, კი ნუ უხეშობ, არამედ დამიმტკიცე რაზე დაყრდნობით ავრცელებთ ამ აბსურდს? თორემ ისე სჯერა ეგერ იმ კაცს ხარაგაულშია ნოეს კიდობანიო და გჯეროდეთ თქვენც და გიმეორებთ ჩემი აზრი არაფერ შუაშია, ქრისტიანული დოგმატიკიდან რაც არ გამომდინარეობს ის არ უნდა გაავრცელოთ! ადრე რომ ერთი ენა იყო ეგ რა შუაშია??? ჯერ უნდა გაარკვიოთ რაა საერთოდ ცხონება და რა შუაშია ენები და გრამატიკები??? რა ახლა სამოთხეში ქართულად ლაპარაკობენ თუ როგორაა თქვენი საქმე? თუ მერე ტკლაც და გადაირთვებიან ქართულად? რა ზღაპრებს წერთ, რას ჭორაობთ !!! ელემენტალურად არ გესმით მართლაც ქრისტიანული დოგმატიკა!

დამითმია ბურთი და მოედანი, წერეთ და დატკბით "ქართული დოგმატიკით" ქრისტე ქართველი იყო ხომ? რატომაც არა, აბა თუ არ იყო ქართველი, მაშინ ქართულად განკითხვა რატომ უნდა მოაწყოს?

ეეეეეჰ, მწყდება გული ხალხო, სერიოზულად მიკვირს, რისი გჯერათ და რატომ ახტებით თავზე ქრისტიანულ დოგმატიკას? პატრიარქმა თქვა და მორჩა, ესაა სულ? ესქატოლოგიაზე წაიკითხეთ მამები და ისწავლეთ ჯერ და მერე წერეთ ეს აბსურდები!

კაი, გავბრაზდი ახლა მე

აქ აღარ დავწერ, თუ რამე იპოვეთ მამებში რომ განკითხვა ქართულ ენაზე იქნებაო არ გამომაპაროთ და დამიწერეთ იქ თეოლოგიაში, მანამ კი არკვიეთ რომელი საუკუნის ქართული იქნება, რა კილოთი განიკითხავენ, ქართული ენის კურსებს რამდენ ხანში გაივლიან ძველი და ახალი აღთქმის მამები და წმიდანები და აბა ჰე, ბევრია სამუშაო!

მაპატიეთ, მაგრამ სარკაზმია ეს ყველაფერი...

ბოდიში კიდევ ერთხელ... აქ აღარ დავწერ!

იხარეთ,

კაიროსი!

პოსტის ავტორი: ლეონტი თარიღი: May 22 2007, 03:53 PM

პროტოენა, რომელიც ბაბილონის გოდოლის დაშლამდე არსებობდა, ახლოს დგას ქართულთან.
სვანური ენა უფრო მეტ სიტყვას შეიცავს , რადგან ჩაკეტილი იყო.
მეცნიერებმა დაადგინეს იმ პირველი ენის მრავალი სავარაუდო სიტყვა, რომელიც სხვათაშორის, ნათესაურად ძალზე დაშორებულ და მკვდარ ენებშიც კი ემთხვევა.
მაგალითად მიაჩნიათ რომ წყალს ერქვა ლი.
სვანურში წყალს სწორედ ლიც ქვია.
ქართულში შემოგვრჩა ფუძის სახით სიტყვაში წყა-ლი.
აგრეთვე სიტყვაში ლიც-ლიცი, რაც წყალზე ითქმება.
რუსულში ნა-ლიწ ანუ დასხმა.
ლათინურში ლი-ქვიდ, სითხე.
ამის გაგრძელებაა სხვა ენებში მაგრამ მე აღარ მახსოვს, თუ ვიპოვე დავდებ, ასევე სხვა მრავალ სიტყვაზე.

პოსტის ავტორი: leluka თარიღი: May 22 2007, 04:09 PM

პოსტის ავტორი: მარიამი თარიღი: May 22 2007, 06:19 PM

არ ვაპირებდი აქ დაწერას, მაგრამ ამ წინადადებაზე ბევრი ვიცინე და...

ზუტად იმდენ ხანში, რამდენიც დღეს სჭირდებათ, რომ შეისმინონ ჩვენი ქართულ ენაზე აღველნილი ლოცვები

ზოგადად კი ამ საკითხზე დავამატებდი, რომ არავინ ამტკიცებს, თითქოს "ქებაი და დიდებაის" დაჯერება-არდაჯერება დოგამტური საკითხი იყოს და ვინმე მაგის გამო ცხონდება ან წარწყმდება. ეს არის ერთ-ერთი ძველი წინასწარმეტყველება, რომელიც უწმინდესმა სარწმუნოდ მიიჩნია იმდენად, რომ კალენდარშიც შეიტანა და ზემოთ მოყვანილი ქადაგებაც მიუძღვნა. იმედია, არავინ ფიქრობს, რომ უწმინდესს სასულიერო განათლება აკლია ან "დედაბრების ზღაპრების" სჯერა.
თუმცა, მიუხედავად ამისა, ვინაიდან არა ვართ კათოლიციზმში () და ეს დოგმატური საკითხი არ არის, ვისაც უნდა დაუჯერებს და ვისაც არ უნდა - არა.
მაგრამ ზოგმა ისეთი გადავარდნა იცის ხოლმე ასეთებში ("ჯერ სამშობლო, მერე ღმერთი" - ლოზუნგის მოყვარულებს ვგულისხმობ), რომ მაგას ჯობია არ გჯეროდეს.
ზომიერებაა საჭირო ყველაფერში!

პ.ს. მე მჯერა უწმინდესის და ამაში დასაგმობს ვერაფერს ვხედავ

პოსტის ავტორი: ლილიანა თარიღი: May 22 2007, 07:18 PM

მე მიკვირს ამ ხალხს საიდუმლოების შიში და მისტიურობის შეგრძნებაა და აღქმა საერთოდ უჩნდებათ კი ? ძრწოლა იმის მიმართ რაც შესაძლოა შენ მიერ შეუცნობადია არ უნდა გაგაჩნდეს
ყველაფერი როგორი არგუმენტირებული დააა გასაგები უნდა იყოს ....
კათოლიციმში არ ვართო რა ვიცი აბა

პოსტის ავტორი: ეკუმენისტი თარიღი: May 22 2007, 09:53 PM

ვახ მალე იმასაც იტყვით ადამი და ევა ქართველები იყვნენო...

ისე, მეც შეგახსენებთ რომ პატრიარქის ქადაგებასაც სწორად გაგება სჭირდება, და ის არაფერს ამტკიცებს, ანუ პატრიარქიც ვარაუდის დონეზე ქადაგებს, და არ ამბობს რომ ეს დოგმატიკაა.

პოსტის ავტორი: ლეონტი თარიღი: May 22 2007, 10:10 PM

სწორი დაკვირვება აქვს ეკუმენისტს,
ყველა ადამის და ევას შვილები ვართ.

პოსტის ავტორი: solomony თარიღი: May 22 2007, 10:24 PM

ზოგი მართლა არასწორედ იგებს და ზედმეტებში გადადის (მარტო ქართველები ვცხონდებითო და აშ)თორემ როგორც პატრიარქმა თქვა ისე თუ გაიგებს და ზედმეტ ფანტაზიებში არ გადავა ეს ზომიერებაში ყოფნა იქნება.

პოსტის ავტორი: abo თარიღი: May 22 2007, 11:44 PM

ენის სიძველე ერის სიძველეში უნდა ეძებოთ , არ იქნება ურიგო წაიკითხოთ ფესტოსის დისკოს შესახებ( ასავალი N21 21-27მაისი) და ვეცადოთ "შაყირი" და ნიჰილიზმი უფრო მეგობრულ ბაასში.

პოსტის ავტორი: ketino თარიღი: May 23 2007, 12:22 AM

ადამი და ევა არ ვიცი, მაგრამ აი, მზია და ზეზვა კი იყვნენ ნაღდი ქართველები

პოსტის ავტორი: მნათე თარიღი: May 23 2007, 12:27 AM

არა ვიცოდი რომ ქართველები ცხოველები იყვნენ რა

პოსტის ავტორი: ეკუმენისტი თარიღი: May 23 2007, 12:30 AM

მე არ მითქვამს რომ ისინი ქართველები იყვნენ

პოსტის ავტორი: abo თარიღი: May 23 2007, 12:31 AM

ketino
ქეთი მერე აუხსენი აქ ზოგ ზოგიერთებს რომ მასზე ძველი ადამიანი ჯერ არ აღმოჩენილა დედამიწის ზურგზე.

პოსტის ავტორი: ლეონტი თარიღი: May 23 2007, 12:44 AM

აბო იქნებ გაასკანერო ეგ ტექსტი ასავალიდან და მოგვაწოდო.
რადგან მეცნიერებაში ცნობილია გაუშიფრავი წარწერები, რომელთა გაშიფვრა მხოლოდ ქარულის მცოდნე მეცნიერებს შეუძლიათ.და ეს წარწერები , შესწავლილი ცივილიზაციების და კულტურების პარალელურად ფიგურირებენ გამოუცნობ შავ ლაქებად.

ვიცი რომ არ გითქვამს , მაგრამ ამ დროს თქვი, შენი პირით სიმართლე.

პოსტის ავტორი: abo თარიღი: May 23 2007, 01:08 AM

ლეონტი
http://www.asavali.ge/asdas1_2006/2007-21/1-17.PDF
აქაა და ნახე.
და ამ ენას აბიაბურებენ

პოსტის ავტორი: ketino თარიღი: May 23 2007, 10:09 AM

ნუ მნათე, რა ხარ რა...
შეიძლება "წინაპრები" ცხოველებად მოიხსენიო?

ლეონტი ბიძიას, მგონი იმისთქმა უნდოდა რომ ქართული ენა ბევრად ახლოსაა იმ პირველ ენასთან რომელზეც ადამიანები თავიდან ლაპარაკობდნენ...რავი, რამე მეშლება ბიძაჩემო?

პოსტის ავტორი: მხევალი ნინო თარიღი: May 23 2007, 10:37 AM

ეკუმენისტი

ზვიად გამსახურდიას განმარტებაში წერია, რომ ძველ ქართულად ენა ერის აღმნიშვნელი იყო. არ ვიცი რა დევს ქებაი და დიდებაიში, მაგრამ შეიძლება ,,ენით,, საუბარი აქ პირდაპირ მნიშველობით არც იქნას გაგებული, ანუ თუ ძველქართულად ენა ერს აღნიშნავდა, ხოლო პატრიარქს იმედი აქვს, რომ ბოლო ჟამს ქართველი ერი იბრწყინებს თავისი სიწმინდით, ანუ ერი სიწმინდით ამხელს სხვა ცოდვაში ჩაძირულ ერებს , შეიძლება ასეა, შეიძლება სხვანაირად, არ ვიცი. უბრალოდ წმინდა ადამიანი ცოდვილს თავისი სიწმინდით ამხელს. მე ესე გავიგე, რა ვიცი, რა ვიცი. ვნახოთ რა იქნება.

პოსტის ავტორი: ლეონტი თარიღი: May 23 2007, 10:52 AM

ჩემ გულში ზიხარ ჩემო ქეთინიკა.
ზუსტად მაგის თქმა მინდა.
სასულიერო პირებიდან მასმედიის საშუალებით მხოლოდ 2 პიროვნებისგან გამიგია მსგავსი რამ და ორთავეს დიდ პატივს ვცემ.
ერთია ჩვენი პატრიარქი.
მეორე დეკანოზი არჩილ მინდიაშვილი.
მან გარკვეულ წყაროზე დაყრდნობით ისაუბრა შემდეგ ძველ გადმოცემაზე.
ბაბილონის გოდოლის შენებაზე სანამ შეთანხმდებოდნენ ადამიანები,( შეგახსენებთ რომ მაშინ მხოლოდ ერთი, ზოგადსაკაცობრიო ენა არსებობდა, რომელზეც ადამი და ევა ამეტყველდნენ სამოთხეში და იქიდან გამოსვლის მერე) მათ ქონდათ ურთიერთმოლაპარაკება და გეგმა ამ პროექტისა.
ამ პროექტში მონაწილეობაზე უარი განაცხადა ერთ-ერთი ხალხის მამათმთავარმა , რომელსაც ერქვა ებერი.
ის იძულებული გახდა უარის გამო მოსწყვეტოდა ერთად მყოფ კაცობრიობას და სხვა საცხოვრებელი ტერიტორიაზე გადასულიყო.
როდესაც ბაბილონის გოდოლი დაიქცა და კაცობრიობამ სხვადასხვა ენები მიიღო, ებერს ანუ იბერს და მის ხალხს იგივე , ძველი ენა შერჩა. დანარჩენებმა კი ახალი ენები მიიღეს, აი ესე მომენტალურად, რაც ბევრისთვის დღეს ძნელი წარმოსადგენია.
ანუ ენის აღრევა არის ცოდვის და დაცემის შედეგი.რაც სასჯელად მიიღო კაცობრიობამ.
ის პროტოენა, რაც ღმერთმა თავიდან მისცა კაცობრიობას იყო სრულყოფილი და მარტივი.
ბაბილონის დაქცევა არის ამ ენის სიკვდილი, კაცობრიობისთვის და ეს სახარებაში ლაზარეს სახით არის.
ხოლო ლაზარეს ანუ პირველი ენის აღდგინება მოხდება უფლის მეორედ მოსვლისას, ისე როგორც იერუსალიმში დიდებით შესვლის წინ აღადგინა ლაზარე უფალმა, რაც მის დიდებით მოსვლას განასახიერებს სიმბოლურად.
იესუ არის სიტყვა მამისა , ლაზარე მისი მეგობარი , არის სიტყვა კაცობრიობისა.
და ეს უღრმესი საიდუმლოა.
რაც დაფარული დატოვა ღმერთმა კაცობრიობისთვის.
ჩვენ მხოლოდ მრავალი მინიშნების საფუძველზე ვმსჯელობთ.
და რადგან პატრიარქმა ხმამაღლა თქვა ამის შესახებ ,მეც თავს უფლებას ვაძლევ 2იოდ სიტყვა ვთქვა, რადგან ცოდვილი კაცისგან ღვთის საიდუმლოებების ჩხრეკა არაა კარგი. მაგრამ ფაქტების მოგროვება ალბათ დაშვებულია.

პოსტის ავტორი: მხევალი ნინო თარიღი: May 23 2007, 11:05 AM

ლეონტი
[quote]სასულიერო პირებიდან მასმედიის საშუალებით მხოლოდ 2 პიროვნებისგან გამიგია მსგავსი რამ და ორთავეს დიდ პატივს ვცემ.
ერთია ჩვენი პატრიარქი.
მეორე დეკანოზი არჩილ მინდიაშვილი.
მან გარკვეულ წყაროზე დაყრდნობით ისაუბრა შემდეგ ძველ გადმოცემაზე.
ბაბილონის გოდოლის შენებაზე სანამ შეთანხმდებოდნენ ადამიანები,( შეგახსენებთ რომ მაშინ მხოლოდ ერთი, ზოგადსაკაცობრიო ენა არსებობდა, რომელზეც ადამი და ევა ამეტყველდნენ სამოთხეში და იქიდან გამოსვლის მერე) მათ ქონდათ ურთიერთმოლაპარაკება და გეგმა ამ პროექტისა.
ამ პროექტში მონაწილეობაზე უარი განაცხადა ერთ-ერთი ხალხის მამათმთავარმა , რომელსაც ერქვა ებერი.
ის იძულებული გახდა უარის გამო მოსწყვეტოდა ერთად მყოფ კაცობრიობას და სხვა საცხოვრებელი ტერიტორიაზე გადასულიყო.
როდესაც ბაბილონის გოდოლი დაიქცა და კაცობრიობამ სხვადასხვა ენები მიიღო, ებერს ანუ იბერს და მის ხალხს იგივე , ძველი ენა შერჩა. დანარჩენებმა კი ახალი ენები მიიღეს, აი ესე მომენტალურად, რაც ბევრისთვის დღეს ძნელი წარმოსადგენია.
ანუ ენის აღრევა არის ცოდვის და დაცემის შედეგი.რაც სასჯელად მიიღო კაცობრიობამ.
ის პროტოენა, რაც ღმერთმა თავიდან მისცა კაცობრიობას იყო სრულყოფილი და მარტივი.
ბაბილონის დაქცევა არის ამ ენის სიკვდილი, კაცობრიობისთვის და ეს სახარებაში ლაზარეს სახით არის.
ხოლო ლაზარეს ანუ პირველი ენის აღდგინება მოხდება უფლის მეორედ მოსვლისას, ისე როგორც იერუსალიმში დიდებით შესვლის წინ აღადგინა ლაზარე უფალმა, რაც მის დიდებით მოსვლას განასახიერებს სიმბოლურად.
იესუ არის სიტყვა მამისა , ლაზარე მისი მეგობარი , არის სიტყვა კაცობრიობისა.
და ეს უღრმესი საიდუმლოა.
რაც დაფარული დატოვა ღმერთმა კაცობრიობისთვის.
ჩვენ მხოლოდ მრავალი მინიშნების საფუძველზე ვმსჯელობთ.
და რადგან პატრიარქმა ხმამაღლა თქვა ამის შესახებ ,მეც თავს უფლებას ვაძლევ 2იოდ სიტყვა ვთქვა, რადგან ცოდვილი კაცისგან ღვთის საიდუმლოებების ჩხრეკა არაა კარგი. მაგრამ ფაქტების მოგროვება ალბათ დაშვებულია.






შეიძლება ტავს ვერაფერზე ვერ დავდებ, მაგრამ მერე მე რა? ქართველად წახვალ ამქვეყნიდან თუ სხვა ერის ადამიანად ამით სამსჯავროზე რაიმე მოგემატება?

პოსტის ავტორი: ლეონტი თარიღი: May 23 2007, 11:24 AM

მხევალო ,საუბარი სხვაგან რატო მიგყავს?
ქართული ენის საიდუმლო არ ეხება ცხონება არცხონების თემას,
არც ჩვენი სხვაზე უკეთესობის დოქტრინას წარმოადგენს.
ეს ზოგადსაკაცობრიო საიდუმლოა.

პოსტის ავტორი: ketino თარიღი: May 23 2007, 11:30 AM

ლეონტი ბიძია

დაბადება, 10,5
"ამათგან განიფანტნენ ზღვისპირა ხალხები თავ-თავის ქვეყნებში, თითოეული თავისი ენის მიხედვით, თავისი ტომის მიხედვით, თავ-თავის ხალხში".
და ეს ბაბილონის გოდლის აშენებამდეა,
მეთერთმეტე თავში კი მოთხრობილია ენათა აღრევის შესახებ...
"ერთპირი იყო ეს ქვეყანა და ერთ ენაზე მეტყველი"
აქ თავიდან ვერ გავიგე, ალბათ კილოკავები იგულისხმება (?)
"ამიტომაც ეწოდა სახელად ბაბილონი, რადგან სწორედ აქ აღრია უფალმა მთელი დედამიწის ენა და აქედან გაფანტა ისინი უფალმა დედამიწის ზურგზე".
აქ ვერ ვნახე "ებერი" , მაგრამ "ყებერი" კი წერია. (რა ვქნა დავასკანერო, რომ დამიჯეროთ?). მოკლედ, უარი თქვა-ო გოდოლის აშენების საქმეში მონაწილეობაზე, აქ ვერ ვნახე. მაგრამ...იქნებ რამე არასწორად გავიგე, ჰე, ახლა ანდრეი კურაევს არაფერი დაუწერია ამის შესახებ?
საერთოდ მამაჩემი მეუბნება, რელიგიაში გადავარდნა ფანატიზმია, მეცნიერებაში - ათეიზმი. ჭეშმარიტება კი სადღაც მათ შუაშიაო, [/quote]რადგან ცოდვილი კაცისგან ღვთის საიდუმლოებების ჩხრეკა არაა კარგი. მაგრამ ფაქტების მოგროვება ალბათ დაშვებულია.
[quote]
გეთანხმებით, პაწა მსჯელობა არ იქნება ურიგო თუ ზედმეტი არ მოგვივა, რათქმაუნდა. ბოლობოლო ზოგიერთი ისეთ რამეზე მსჯელობს ამ თემამ რა დააშავა...

პოსტის ავტორი: KAIROS თარიღი: May 23 2007, 12:10 PM

არა, შეგპირდით რომ არ შემოვალმეთქი,მაგრამ აქ ახალ-ახალ და ცხელ-ცხელ ვაიგანმარტებებს ვხედავ, იმ პირებისაგან, ვინც არ იცის თეოლოგია და მაინც ავრცელებს იმას რაც არის წმ.მამათა განმარტების საწინააღმდეგო, იმისათვის რომ ვინმემ მართლაც არ დაიჯეროს ეს აბსრუდები ხანდახან გაგაბედნიერებთ ხოლმე

1) სრული სისულელეა, რომ ქართული უფრო ახლოს დგას პროტოენასთან, ბიბლიის მკვლევართა 90% ასეთ ენად ძველ ებრაულს და არამეულს ასახელებდნენ, ქართულში როგორც ერთერთ უძველეს ენაში რაღათქმაუნდა შეიძლება ასახულიყო პროტოენის ნაკვალევი, მაგრამ განცხადება, რომ ქართული ენა ყველა ენაზე მეტად ახლოა პროტოსთან, არის რბილად რომ ვთქვა არამეცნიერული და არასერიოზული! დავუშვათ და რომც იყოს, მაშინ რატომ მიანცდამაინც შვილი ( თუ შვილთაშვილი; ეგ ვინ იცის) ქართული და არა პირდაპირ დედა- პროტოენა?თუკი პროტოენა გგონიათ რომ აღდგება განკითხვისას,მაშინ პროტოენა იქნება და არა ქართული, რადგან ლოგიკურად ქართული ახლოსაა თუ შორსაა, როგორც ბევრი ძველი ენა ( შუმერული, ასურული და ა.შ.) ამას აღარ აქვს მნიშვნელობა! ეს ლოგიკურად, თეოლოგიურად კი საერთოდ არაფერ შუაშია პროტოენა და მეორედმოსვლა ერთმანეთთან (ქართული როგორც ნახეთ გამოირიცხა) , განკითხვის საიდუმლო ენა იქნება ის ენა რა ენაზეც უგალობენ უფალს დღესაც და მარადიულად წმიდანები და ანგელოზები, ეს არაა ადამიანური, მიწიერი და დაცემული ენა,შესაბამისად არც პროტოენა და რაღათქმაუნდა არცერთი ენა, რომელიც ამ პროტოსაგან წარმოიშვნენ ადრე თუ გვიან! ასე რომ ქრისტიანულ ჭრილში ზოგადსაკაცობრიო საიდუმლოდ შერაცხვა ქართული ენისა, არის ქრისტიანობას საერთოდ არ ცოდნა ან ძალიან დამახინჯებულად ცოდნა.

2) მოსარიდებელია და უკვე სექტანტობაა, ვინმე თუკი ქართველი ერის განსაკუთრებულ წარმოშობაზე ისაუბრებს, ეს საპატრიარქომ რამოდენიმეჯერ დააფიქსირა, როდესაც ერთერთო ქართულსექტანტური მიმდინარეობა ამხილა, მათი მეთაური ( შემახსენეთ სახელი) ამტკიცებდა, რომ ყველა ძველი აღთქმის პატრიარქი ქართველი იყო, და ნოეს კიდობანი საერთოდაც ხარაგაულშიაო მისი სექტანტური "შემოქმედებაა" სახელ "ლაზარეს" ლაზ-არე.დ ანუ ლაზთა არედ გაგება, ხოლო ებრაელთა წინაპარ ყებერის, "იბერთან" დაკავშირება, ამ ყველაფრის გასაგებად საკმარისია გადაშალოთ ძველი აღთქმის განმარტება ( ქეთინოს საყურადღებოდ!) და იქ ნახავთ რას ფიქრობს ეკლესია და როგორ განმარტავენ მამები!

იხარეთ,

კაიროსი!

ახლა ვიცი, დამესხმებით თავზე, მაგრამ სანამ გამართულ თეოლოგიურ არგუმენტს არ მოვისმენ ( რადგან მეორედ მოსვლა და ყველაფერი რაც მას ეხება არის თეოლოგია) მანამ უნდა მომიტევოთ სიჩუმე

პოსტის ავტორი: კანუდოსელი თარიღი: May 23 2007, 12:15 PM

გრაალის მცველთა მამამთავარი, ექიმბაში, ბერი იოანე (ასე უწოდებს საკუთარ თავს )

ისე კი გივი ქვია( ალაზნისპირელი ) იშვიათი კრეტინია

პოსტის ავტორი: ლეონტი თარიღი: May 23 2007, 12:20 PM

თავს არ დაგესხმებით, შენი აზრი გასაგებია, მაგრამ არა აუცილებელი.
ერთი და იგივეს გამეორება კიდე არაა კარგი.
მაშა?

პოსტის ავტორი: კანუდოსელი თარიღი: May 23 2007, 12:21 PM

ეს ვის პოსტინგზეა პასუხი?

პოსტის ავტორი: ლეონტი თარიღი: May 23 2007, 12:22 PM

შენზე რომ ესე თქვან მეზობელ ფორუმზე გული არ დაგწყდება განათლებულო?

პოსტის ავტორი: კანუდოსელი თარიღი: May 23 2007, 12:25 PM

ჩემზე სხვა რამეებს ამბობენ და იმაზე არ მწყდება გული კიდევ უფრო განათლებულო

არ თქვა რომ შენც გჯერა, რომ ნოეს კიდობანი საქართველოშია
პ.ს.
შენ ალბათ მერწყულის პერიოდის აკადემიის აკადემიკოსების იდეებისაც გჯერა

პოსტის ავტორი: კანონისტი თარიღი: May 23 2007, 12:27 PM

კანუდოსელი

როგორ არ არის, მე მაქვს სახლში....

პოსტის ავტორი: ketino თარიღი: May 23 2007, 12:27 PM

კაიროს, "ძვირფასო"
მე მგონი მე არ მითქვამს აუცილებლად ქართულ ენაზე წავა განკითხვა მეთქი.
საკუთარი აზრის დაფიქსირებაც არ შეიძლება? აუცილებლად თეოლოგი უნდა ვიყო? ბოდიში ბატონო "სხვის" სფეროში შევიჭერი და თუ რამე კითხვები მაქვს, ან აზრი გამაჩნია ჩემთვის უნდა დავიტოვო!...ნუ, მართალი ხარ დუმილი ოქროა. გავჩუმდები...

განმარტებისთვის შენ არ მყევხარ? ისე კურაევზე ხომ არ "აგეწვა კუდი"?
და ერთიც, შენ ნამდვილად არ მოგმართავდი...მე ვისი აზრიც მაინტერესებს იმას მივმართავ....

პოსტის ავტორი: კანუდოსელი თარიღი: May 23 2007, 12:41 PM

შენი ასლია, ორიგინალი ჩემს მეზობელ სურენას უდგას

პოსტის ავტორი: ketino თარიღი: May 23 2007, 12:50 PM

კაიროს
კიდევ ერთიც, თუ ბიბლიის განმარტებების წაკითხვა და ისე გაგება შეიძლება მაშინ შენი პროფესია რაში მდგომარეობს? ნურც შენ ნუ დაწერ შენს აზრებს, პირდაპირ მიუთითე რომ შეგვიძლია გავეცნოთ ამა და ამ წმინდა მამის განმარტებებს და მორჩა კამათი! თეოლოგიც (ანუ ამ კონკრეტულ შემთხვევაში შენ!) ადამიანია, მესმის...მაგრამ მეც ადამიანი ვარ და ჩემი სუბიექტური აზრები გამაჩნია! ეტყობა უფლება არ მაქვს..."წარვედ წყალის პირს სევდიანი ფიქრთ გასართველად, ..." ( ) სხვა რაღა დამრჩენია
პ.ს. კაიროს, მარჯვენაში რომ გამარტყამ, მერე მარცხენაც უნდა მოგიშვირო? რადგან შენ მეტყვი ასე წერიაო ბიბლიაში...

პოსტის ავტორი: მხევალი ნინო თარიღი: May 23 2007, 12:53 PM

კანუდოსელი

ეგ ალაზნისპირელი ვიცი, იოანე თუ დაირქვა ის არ ვიცოდი)) ის მახსოვს ამბობდა საქართველოში ,,რაღაცნაირი,, სიგანლი ისმისო, ქრისტე უკვე რამოდენიმეჯერ მოვიდაო(თუ არ ვცდები ეგ ამბობდა) რაღაცაცს კიდევ მგონი აბანზეც უბერავდა.

რაც შეეხება ქებაის, იმიტომ მიყვარს, რომ იმედს მაძლევს მეორედ მოსვლის დროსაც კი იქნება ქართველი ერითქო. ანუ არ გავწყდებით, არ გავქრებით.

პოსტის ავტორი: მხევალი ნინო თარიღი: May 23 2007, 12:59 PM

ლეონტი

არ, არა ლეონტი, ერის ხსნას ვერ ვხედავ იმაში, რომ მეორედ მოსული უფლი ქართულად ილაპარაკებს, ამასთან იმ ქართულს უფალი, რომ ,,ილაპარაკებს,, ჩვენ ვერ გავიგებთ, ერთი ქართველი ისტორიკოსის აზრს სეგახსენებ ძველი ქართVელი , რომ გააცოცხლო სვანურად დაიწყეს საუბარსო, ვფიქრობ მტალდ სვანურადაც არა, დღებვანდელი სვანურიც კარგად დაბინძურებულია, ამიტომ მე პირადად არც სვანური მესმის არც მისი წინამორბედ ენას გავიგებ, არც ამ ენეზე ამტეყველებული ჩვენი მაცხოვრით (დაილოცოს მისი სახელი) შეემატება რამე ჩვენს ერს და თითოეულ ჩვენგანს. არა მგონია მთელი მისტიკა ქებაისი, მხოლოდ ამაში იყოს დამალული. სულ ეგ არის? რა ვიცი თუ მართლა ასეა მაპატიოს უფალმა, იყოს თუ ასე სურს უფალს, მაგრამ აქ საქართველოს სიყვარული, ჩვენი რელიგიის სიყვარული რაში ჩანს?

პოსტის ავტორი: ketino თარიღი: May 23 2007, 01:09 PM

ძველ ბერძნულსა და ძველ ებრაულს დღევანდელი ბერძნები და ებრაელები ვერ გაიგებენ. აი ძველი ქართული ჩვენ მშვენივრად გვესმის, ყოველშემთხვევაში აზრის გამოტანა არც ისე ძნელია (თუ ქართულს ნორმალურად ისწავლი სკოლაში)... აბა დაჯდეს ბერძენი და მიეცით ძველბერძნული თუ გაიგებს რამეს. თანაც, არ ვიძახით, რომ აუცილებლად მეორე მოსვლისას ღმერთი ქართულად განიკითხავს! არა-მეთქი! რამდენჯერ უნდა ვთქვა?
ნინუც, ისე ნიკო მარმა თურმე ერთ ღამეში ისწავლა მეგრული, ისე არ გაჭირვებია...აბაა

პოსტის ავტორი: მხევალი ნინო თარიღი: May 23 2007, 01:32 PM

ketino

ქეთი შე იმ ქართულს ამბობ ჩვენ, რომ ლოცვებს ვკიტხულობთ მე უფრო ძველს გეუბნები საწყისს, პირველ ქართველურ ტომებს, რომ ჰქონდათ და თურმე დღეს ყველაზე მეტად სვანებს, რომ ჰქონიათ შენარჩუნებული.

თუ უფალი რომელიმე ენაზე ისაუბრებს მატერიალურ ენას ვგულისხმობ, მისი მადლით ყველა გავიგებთ ამ ენას იმ წუთსივე)) ამიტო ნიკო მარივით ღამის თევა არ მჭირდება სვანურის შესასწავლად))))


მეც ვიზიარებ შენს აზრს და დარწმუნებული ვარ, რომ ენა, სასაუბრო არ არის ნაგულისხმევი. ისე მართლა კარგი განმარტება აქვს გამსახურდიას ქებაისი, უბრალოდ სიტყვებს გნმარტავს ძველი მნიშვნელობით წაიკითხეთ. შეიძლება ამან საიდუმლო ვერ ამოგახსნევინოთ, მაგრამ არც ეგ არის პრობლემა არაფერია დამალული, რაც არ განცხადდებაო.ასე, რომ ქებაის საიდუმლოსაც ოდესმე გავიგებთ))

პოსტის ავტორი: მხევალი ნინო თარიღი: May 23 2007, 01:42 PM

კანუდოსელი

მე ზვიადის განმარტებას არ ვეყრდნობი, წმინდა მამაბს თუ აქვთ ამ თემაზე რაიმე განმარტება არ ვიცი. რომ გითხრა იმდენად მაინტერესებს ქებაის საიდუმლო, რომ სულ იმაზე ვფიქრობ ამომახსნევინა ტქო არა. მოვა დრო და გავიგებ. სხვადასხვა მოსაზრებებს ვუსმენ ხოლმე, სიმართლე არ ვიცი)


რაც შეეხება ზვიადს, მის განმარტების კი არ მჯერა, უბრალოდ ზველი ქართული სიტყვები აქვს კარგად გაშიფრული, ანუ იმას რასაც ჩვენს დღეს ერს ვუწოდებთ ადრე ენად იწოდებოდა, ამას ვამბობ მეტს არაფერს. ანუ თანამედროვე ქართულით, რომ ვთქვათ პირველი წინადადება, (ზვიადის განმარტებით და სხვა განმარტებითაც გამიგია, რომ მარხვა დამარხვა ეს არის შენახვა) შენახულია ქართველი ერი და აშ. შეიძლება დამარხულს უკეთესი სინონიმი მოეძებნოს ეს ჩემი სინონიმი იყო))

პოსტის ავტორი: KAIROS თარიღი: May 23 2007, 01:51 PM

ქეთინო!

მე საერთოდ არ მიგულისხმიხარ იმ პოსტში, როცა დავწერე ქეთინოს საყურადღებოდ მეთქი, ვიგულისხმე გამოადგება ინფორმაცია მეთქი, თორემ მთელი კრიტიკა იყო მიმართული ამ თოფიქის წამყვანების მიმართ, ასე ძვირფასო გინდა ბრჭყალებში ჩასვი და გინდ არა, ან იმაზე გამაცინე კურაევზე მე რად უნდა ამეწვეს კუდი? შეიხედე ჩემო კარგო ღვთისმეტყველების ბიბლიოთეკაში და ნახავ რომ კურაევის ყველა წიგნი ჩემი დადებულია...

ასე რომ გაუგებრობას აქვს ადგილი და ტყუილად აღელდი!

იხარე,

კაიროსი!

პოსტის ავტორი: კანუდოსელი თარიღი: May 23 2007, 01:51 PM

საეკლესიო სამართალში ყველაფერი ცალსახაა:
1. შტაინერიზმი დაგმობილია ერთ ერთ რუსულ ადგილობრივ კრებაზე, როგორც ერეტიკული
2. ზ. გამსახურდია ამბობდა და არ მალავდა,რომ ის იყო შტაინერისტი
3. მისი ნაწერები შეიცავს ასეთ სტრიქონებსაც: "ბუდასა და იესოს რეინკარნაციული ინიციაცია ჭეშმარიტი სულის გამობრწყინებაა" - რაც ბუდას და იესოს ერთად მოიხსენიებს - ეს კი ერესიც არაა
4. იგი იზიარებს სული წმინდის, როგორც ქალური საწყისის სწავლებას,რაც ასევე დაგმობილია მსოფლიო საეკლესიო კრებაზე და რაც თანმიმდევრული სწავლებაა შტაინერისტების

ასე, რომ ან ამოგიწევს ამ ფაქტების უარყოფა ან უბრალოდ ბრმად ძახილი, რომ მე ასე მწამსო.

პოსტის ავტორი: კანუდოსელი თარიღი: May 23 2007, 01:56 PM

საბუთები არ არსებობს მაგისი, ამიტომ მოგიწევს ამისი რწმენა
თანმიმდევრული ადამიანი კი შენანების შემდეგ ერთ ბროშურას მაინც გამოსცემდა, რომ მკითხველისთვის ეჩვენებინა თავისი შეცდომის არსი და არ ეცდუნებინა ადამიანები.
და ეგრეც რომ იყოს, ის ნაწერები დაწერილია მისი შტაინერის გატაცების დროს...ამიტომ,ის აზრები ცალსახად ერეტიკულია

პოსტის ავტორი: solomony თარიღი: May 23 2007, 02:55 PM

თემის დასაწყისში სანამ ამდენი კამათი იქნებოდა ვთქვი რომ არაა ეს საკითხი ასეთი საკამათო რადგანაც არც ისაა ცოდვა ვისაც არ ჰგონია და არც ის ვისაც გონია.

პოსტის ავტორი: ეკუმენისტი თარიღი: May 23 2007, 03:11 PM

ჩვენში მე გამომრიცხე, რადგან ძველი ქართული ცუდად მესმის.

პოსტის ავტორი: marita26 თარიღი: May 23 2007, 03:40 PM

მე საერთოდ არ ვიცი ძველი ქართული.ისე ეგ ალაზნისპირელის წიგნი მეც წავიკითხე და სრული ბოდვაა

პოსტის ავტორი: ლეონტი თარიღი: May 23 2007, 03:55 PM

რა სუაშია აქ ალაზნისპირელი და მისი ბოდვა ვერ გამიგია.
ისე ძველი ქართული არც ისე ზველია და თუ არ გინდა ვერც გაიგებ.

პოსტის ავტორი: marita26 თარიღი: May 23 2007, 04:08 PM

ლეონტი
საუბარი იყო ალაზნისპირელზე და იმიტომ დავწერე.რაც შეეხება ძველ ქართულს კი ბევრჯერ არ წამიკითხავს მაგრამ ვერ გავიგე უმეტესი ნაწილი.და ისე ჩემს გონებრივ შესაძლებლობებში დარწმუნებული ვარ

პოსტის ავტორი: abo თარიღი: Jul 22 2007, 02:30 PM

ასე რომ ღვთისკურთხეული ენა გავაქვს და გაფრთხილება ჭირდება. ქართული პოეზიის ენაა. რაც ამ ენაზე შეიძლება გამოხატო, სხვა ენაზე ის აზრი არ გამოითქმის

პოსტის ავტორი: ზებედე თარიღი: Jul 22 2007, 03:29 PM

რას ნიშნავს ღვთისკურთხეული ენა? მხოლოდ ქართულია ღვთისკურთხეული?

პოსტის ავტორი: abo თარიღი: Jul 22 2007, 03:35 PM

ზებედეშე რა მოგენატრა ჩემთან კამათი?
რას ნიშნავს და ამ ენას ლაზარე ქვია და ლაზარე ვინც იყო მოგეხსენება.და ისიც მოგეხსენება , რომ მარტო ენა კი არა თვით საქართველოა ღვთივ კურთხეული.

ისე შენთვის დავპოსტე ეს. ვიცოდე შემებმებოდი აბა ჰე დავიწყოთ?

პოსტის ავტორი: ზებედე თარიღი: Jul 23 2007, 01:56 AM

კამათი არ მომენატრა

იოანე ზოსიმემ რა იგულისხმა ლაზარე-ენაში მე არ ვიცი....




არა მარტო საქართველო...

პოსტის ავტორი: ზებედე თარიღი: Jul 23 2007, 06:07 AM

ამაში ნამდვილად ვერ დავეთანხმები პატრიარქს!

პოსტის ავტორი: კანუდოსელი თარიღი: Jul 23 2007, 01:45 PM

საწყალი პატრიარქი, ღამეები არ დაეძინება

პოსტის ავტორი: ალექსანდრე თარიღი: Jul 23 2007, 02:02 PM

კანუდოსელი

პოსტის ავტორი: ზებედე თარიღი: Jul 24 2007, 04:19 AM

როგორც მახსოვს ამ საკითხში არც შენ ეთანხმები პატრიარქს

პოსტის ავტორი: კანუდოსელი თარიღი: Jul 24 2007, 04:00 PM

პატრიარქს რომ ვკითხავ პირადად, რას გულისხმობს ივერიის გაბრწყინებაში - თუ არ დავეთანხმე - პირველი შენ მოგახსენებ

მე არ ვეთანხმები ეთნოფილეტიზმის პოზიციას რელიგიურ სფეროში, რისი ნიშნები ნამდვილად არის ჩვენს ეკლესიაშიც, მაგრამ ამას მრავალი მიზეზი აქვს და არ ვიცი რამდენად მიიღო მან ეთნოფილეტიზმის ის სახე, რომელიც დაგმობილია კრების მიერ...ასე, რომ სანამ ერესად არ გაფორმებულა უნდა ვთქვათ,რაც არის სწორი და ახლა ვინ როგორ ფიქრობს - ეს რთული საკითხია...აგერ კაიროსის ვარიანტი ჩემთვის მისაღები შეიძლება აღმოჩნდეს და რა? მასაც ვეწინააღმდეგები? არა, ჰოდა თუ პატრიარქი ამბობს, რომ ივერია გაბრწყინდებაო - საკითხავია რა იგულისხმება ამაში...

პოსტის ავტორი: მართა თარიღი: Jul 24 2007, 11:48 PM

მე ცოტა ძველ ფოსტებს გამოვეხმაურები,შტაინერი პირველად ვინც წაიკითხა უმრავლესობა ვინც ვიცი (არც თუ ცოტა)შტაინერისტად თვლიდა თავს,განსაკუთრებით ისინი ვინც ღვთისმეტყველებაში არც თუ ისე ღრმად იყვნენ ჩახედულები,მაგრამ გადის დრო ადამიანი იზრდება სულიერად ეცნობა მართლმადიდებლობას და ხვდება რომ შტაინერისტობა ცოტა სირცხვილიც კი შეიძლება იყოს!ამას ხანგრძლივი კომუნისტური უღმერთობაც უწყობდა ხელს ამიტომ ვაპატიოდ ძველი ეპოქის ხალხს ეს გატაცება მით უმეტეს თუ სასულიერო პირებმა ეს შეძლეს!ეს ერთი ეხლა მეორე ნუ დავეყრდნობით ბატონო ზვიად გამსახურდიას მოსაზრებას და წმინდა მამების ვიწამოთ!მეტი ღვთივკურთხევა რა გინდა როცა თვით უფლის დედას შეხვდა საქართველო გასანათლებლად!ზებ იმაში გეთანხმები რომ მარტო საქართველო არაა ღვთივკურთხეული ათონის მთაც დედა ღვთისმშობლის მფარველობაშია და კიევ-პეჩორის ლავრაც ეჰ არადა მთელი ქვეყნიერება განა მის მფარველობაში არ ვართ?!

ივერიის გაბრწყინებას უფრო და უფრო ვიგრძნობთ ცოდვილი სამყაროს ფონზე! (იმედია არ დავეცემით)

პოსტის ავტორი: თამარი_ცქნაფო თარიღი: Oct 28 2007, 10:16 PM

იოანა! ვერ გადამირჩები!

აქ მარტო ქადაგება არ არის, ეს არის იოანე ზოსიმესეული ტექსტის ახსნა პატრიარქის ქადაგების მეშვეობით, შემდეგ კი ზოგადად მეორედ მოსვლაზე საუბარი. ასე რომ, საყვარელო, გადმოაცუნცულე ეს თემა იმ თემაში ამ სათაურის ქვეშ და სხვა სტატიებსაც მოგიძებნი და დაგიდებ ამ ნაწარმოების ირგვლივ...
არა რა, დაუჯერეთ ხანდახან ფილოლოგებს, თორემ...

პოსტის ავტორი: იოანა თარიღი: Oct 28 2007, 10:36 PM

არა, მაინც ვერ ვხვდები რა უნდა ამ თემას ენისა და ლიტერატურის განყოფილებაში?

სინტაქსურად გაარჩიეთ მაგ განყოფილებაში წინადადებები.
ზმნას მე გაგირჩევა თუ გამახსენდა, ხომ იცი როგორ მიყვარდა

პოსტის ავტორი: თამარი_ცქნაფო თარიღი: Oct 28 2007, 10:52 PM

ნუ ხარ შენ გაუმაძღარი, მომეცი თემა, გელაპარაკები

პოსტის ავტორი: Misha_kartveli თარიღი: Dec 13 2007, 12:13 AM

იოანე ზოსიმეს "ქებაი და დიდებაი ქართულისა ენისაის" მრავალნაირი გააზრება არსებობს, ჩემი აზრით მასში უთუოდ დიდი რაოდენობითაა ასახული იმ დროინდელი იდეოლოგია, რომლის მიხედვითაც საქართველო ყალიბდებოდა "ახალ რომად" საჭირო იყო ენობრივი საკრალიზაციაც, რითაც ქართული ენა წარმატებით შეუპირისპირდებოდა ლათინურსა და ბერძნულს.
ისე, ქართული ენა მართლაც საოცრებაა და ქართულ ანბანშიც ძალიან დიდი საიდუმლოებაა ჩადებული.

პოსტის ავტორი: shengela თარიღი: Dec 18 2007, 01:26 PM

უფალმან ძალი ერსა თვისა მოსცეს, უფალმან აკურთხოს ერი თვის მშვიდობით!

პოსტის ავტორი: xornabujeli თარიღი: Dec 24 2007, 03:13 AM

კანუდოსა თავის ჩვეულ იუმორს არ ღალატობს...

პოსტის ავტორი: RKO თარიღი: Dec 24 2007, 02:09 PM

Misha_kartveli
ყველა ენა საოცრებაა, და იქნებ მოგვახსენო რა საიდუმლოებაა ენაში, თუნდაც ქართულში ჩადებული?