"ჭეშმარიტი დიდება ისაა, რომ შეიძულო ადამიანური დიდება, არარაობად მიიჩნიო და ყველაფერი მხოლოდ უფლის საამებლად აკეთო და ილაპარაკო!"
/წმ. იოანე ოქროპირი/
"ვინც დიდებას ელის, მას მწუხარება ელოდება"
"იზრუნე ყოველთვის მარადიული დიდებისათვის, ვინაიდან ახლანდელი დიდება ყოველდღე გატყუებს!"
/წმ. გრიგოლ ღვთისმეტყველი/
"აკეთე ის, რაც ჯილდოს ღირსია, მაგრამ მას ნუ ეძებ!"
"ადამიანთაგან განდიდება ისეთივე არამყარია, როგორც თავად ისინი, ვინც გადიდებენ!"
/წმ. იოანე ოქროპირი/
"ვინც არად აგდებს ადამიანურ დიდებას, იგი ღვთის დიდების ღირსი ხდება"
/წმ. ისააკ ასური/
"ღვთისნიერ ადამიანებსს არ უყვართ ადამიანთა შორის განდიდება"
"ვისაც მარადიული და ჭეშმარიტი დიდება სურს, დროებითი დიდებისათვის ნუ იზრუნებს".
"არ შეიძლება, დროებითი დიდებაც გიყვარდეს და - საუკუნოსაც ეღირსო"
"არარაობად მიიჩნიე თავი უფლის გულისათვის და ნახავ რომ მთელი ცხოვრების განმავლობაში განდიდდები!"
/წმ. ისააკ ასური/
"დიდება - ჩრდილივითაა, ვინც მას დასდევს, მისგან გარბის; ხოლო, ვინც მისგან გარბის, ის მას ეწევა!"
"თუკი გსურს განდიდდე, შეიძულე დიდება და ყველაზე დიდებული იქნები!"
"შენ გინდა იცოდე, რამდენად უკეთესი გახდი? გამოსცადე თავი, რამდენად ცუდ ადამიანად გრძნობ თავს. რაც უფრო ნათელია გამოხედვა, მით უფრო ნათლად ხედავ ღვთის დიდებას და საკუთარ ცოდვილობას!"
/წმ. გრიგოლ ღვთისმეტყველი/
"დიდების მისაღებად უკეთესი საშუალება არ არსებობს, ვიდრე დიდებისაგან გაქცევაა"
/წმ. იოანე ოქროპირი/
"როგორც მდიდარი არაა ის, ვისაც ბევრი რამ აკლია, არამედ ის, - ვისაც აღარაფერი სჭირდება: ასევე დიდებული ის კი არაა, ვინც დიდებას ეძიებს, არამედ ის - ვისაც ის სძულს!"
"დაუმსახურებლად მიღებული პატივი და დიდება მხოლოდ ბოროტებას და საკუთარი კომპლექსების დაკმაყოფილებას ემსახურება, თორემ ღირსეულ ადამიანებში უპირატესობას ვერ მოიპოვებ!.."
/მამა პეტრე კვარაცხელია/
"ხარისხი, ანდა, პატივი ქრისტიანისათვის უღელია, რომელიც ღვთის სახელის სადიდებლად და მოყვასის სასარგებლოდ უნდა დაიდგას"
/წმ. ტიხონ ზადონელი/
"ღმერთმა ჩვენ თავისი სახელის სადიდებლად შეგვქმნა. განა მთელი ჩვენი სულიერი ძალებით არ უნდა ვესწრაფოდეთ მას და დაუნანებლად არ უნდა ვტოვებდეთ ყოველივე მიწიერს, რომ მასთან მარადიულ შეერთებას მივაღწიოთ?"
"ამჟამინდელ და სამომავლო დიდებას შორის სწორედ ისეთივე განსხვავებაა, რაც - სიზმარსა და ცხადს შორის"
/წმ. იოანე ოქროპირი/
"ნუ გაგიტაცებს დიდება, რათა არ მოტყუვდე კეთილდღეობით, როგორც ტყუვდებიან ისინი, ვინც გაზაფხულის ყინულზე მიაბიჯებენ!"
"უფალმა ღმერთმა, ინება რა ადამიანის შექმნა, გასაოცრად შექმან ის - უბოძა ენით გამოუთქმელი დიდება; შექმნა იგი თავისი ხატისამებრ და მსგავსებისამებრ, ასახა მასზე თავისი ღმრთაებრივი დიდება".
/არქიმანდრიტი ლაზარე/
"ადამიანის პირველი დანიშნულება ღმრთის განდიდებაა"
/არქიმანდრიტი ლაზარე/
"დიდება და მადლობა შენდა, უფალო, შენდამი მოლტოლვილთა ყოველთა მფარველო და შემწეო!"
/კათოლიკოს-პატრიარქი ილია მეორე/
"დიდება შენდა, ქრისტე მეუფეო ყოვლისამპყრობელო, რამეთუ ისევ ერთად შეგვკრიბე შენი სახიერებით, რათა გაგვამყარო ჩვენს ღვაწლში იმ მიზნისთვის, რომლისთვისაც შენმა სიყვარულმა და შენმა მადლმა მოგვიზიდა ამ ადგილას"
/ბერი იოსებ ვატოპედელი, ვატოპედის მონასტერი, 2002 წლის 9 დეკემბერი/
"ხშირად, ხან თავისთვის, ხან საუბარში, [ბერი იოსებ ვატოპედელი] იტყოდა ხოლმე:"დიდება შენდა, ქრისტე მეუფეო!" ან "დიდება შენდა, მეუფეო ყოვლისამპყრობელო!"
"მბრძანებელო! გსურს, მოიპოვო დიდება? მაშ, ჯერ შენი ხელისუფლების კანონებს დაემორჩილე!"
"თავმდაბლობა ქმნილებათა უცილობელი სათნოებაა; მხოლოდ უფალს შვენის დიდება!"
"ნუ გაგიკვირდება, თუ დაინახავ, რომ ადამიანმა მიწაზე დიდ წარმატებებს მიაღწია; არამედ გიკვირდეს იმისი, ვინც მიწიერი დიდება მოიძულა"
/წმ. ეფრემ ასური/
"თუ გსურს, დიდებას მიაღწიო, შეიძულე იგი, და თუკი დიდებას დაუწყებ დევნას, მოაკლდები მას!"
/წმ. იოანე ოქროპირი/
"ღმერთი თავისი დიდების გამოსავლენად თვით მტრებსაც კი იარაღად იყენებს"
"ღვთის დიდებულებასთან შედარებით დიდებული არაფერია, მისი სიკეთის წინაშე კი მცირედიც კი დიადია"
"მიწიერი დიდება განა უფრო მეტია, ვიდრე - ზედაპირული ბრწყინვალება? მათთვის, ვინც მის ბრწყინვალებას ხედავს, მეტწილად მიუწვდომელია, იმათთვის კი, ვისგანაც ეს ბრწყინვალება იფრქვევა, იციან, რომ მიწიერი დიდება არ არის სიხარულის ნამდვილი ნიშანი!"
"ქრისტიანის ჭეშმარიტი პატივი არის ღვთის დიდება, ჭეშმარიტი მოშურნეობა პატივისა არის ღვთისა და მოყვასისადმი მხურვალე სიყვარული"
"სათნოება იდევნება, მაგრამ ეს დევნა დიდებით მთავრდება"
"დიდება უბრალო კვამლია, რომელსაც შეუძლია, დროებით დააბრმავოს ადამიანი, მაგრამ სულაც არა ღირს იმად, რომ მთელი ცხოვრება მას მისდევდე!"
"გსურს დიდების მიღება? გაექეცი დიდებას და გექნება დიდება, თუმცა კი არ გსურს იგი!"
/წმ. ტიხონ ზადონელი/
"თუ ადამიანებს შორის ხარ განდიდებული, გახსოვდეს, რომ შენს ზემოთ ღმერთია!"
"ისეც ხდება, რომ ზოგიერთი დიდებისათვის იმდაბლებს თავს"
/ამბა დოროთე/
"დიდება და პატივი იმისათვის არის გამზადებული, ვინც ბოროტებაზე უარს ამბობს და სიკეთისკენ არის მიდრეკილი".
/წმ. მაკარი დიდი/
"ეკლესიაში ვსწავლობთ, ვთქვათ: "დიდება ღმერთს"; დავლიოთ ერთი ჭიქა წყალი და ვთქვათ: "დიდება ღმერთს". ჩვენ ხშირად გვავიწყდება, დავაფასოთ ღვთის ეს უბრალო ძღვენი. შეიძლება, ეგოისტურად დავლიოთ წყალი ისე, რომ არ გაგვახსენდეს ღმერთი და არც კი ვთქვათ: "დიდება ღმერთს". ამით ვკარგავთ შესაძლებლობას, რომ წყლის ევქარისტიული მოხმარებით შევუერთდეთ ღმერთს, ხოლო, როცა ვსვამთ წყალს მადლიერებით, ღვთის მოხსენიებითა და მასთან კავშირით, ვუძღვნით ამას ღმერთს. ვამბობთ რა: "დიდება ღმერთს", ვერთიანდებით მასთან".
/არქიმ. გიორგი (კაფსანისი)/
"მხოლოდ სამპიროვან ღმერთს ეკუთვნის დიდება"
/არქიმ. გიორგი (კაფსანისი)/
"ის კი არ არის დიდებული, ვისაც ეს სოფელი ადიდებს, არამედ ის - ვისაც ღმერთი განადიდებს!"
/წმ. ტიხონ ზადონელი/
"ეძიე დიდება არა ადამიანებისაგან შენს მიმართ, არამედ ერთი უფლის მიმართ, შენი თავისთვის კი მხოლოდ ერთI ღმერთისგან და არა - ადამიანებისგან!"
"ღვთის ყოველგვარი საჩუქარი ჩვენთვის საზიანო ხდება, როდესაც მისგან არა - ღვთის, არამედ ჩვენს საკუთარ დიდებას ვეძიებთ!"
/წმ. ტიხონ ზადონელი/
"როდესაც ადამიანებისაგან რაიმე უპატიობას შეხვდები, იფიქრე, რომ ღმერთმა იგი შენი დიდებისათვის გამოგიგზავნა"
"არცერთი მდგომარეობა არ არის ადამიანთა შორის ისეთი, რომლითაც შეუძლებელი იქნებოდა უსასრულოდ განდიდება, ან იმით, რასაც ვაკეთებთ, ან იმით, რასაც ვითმენთ"
"ერთმანეთისგან განსხვავდება ღვთისა და ბოროტისგან მოცემული დიდება. ღვთისგან მოცემული დიდებაა, როდესაც ადამიანი გაურბის მას, ხოლო ეშმაკისგან მოცემული დიდების დროს არათუ გაურბის, არამედ პირიქით, ესწრაფვის მას.
ღვთისგან დიდება ეძლევათ თავმდაბალ ადამიანებს, რომლებიც ამ დიდების გამო პატივმოყვარეობასა და ამპარატავნებაში არ ვარდებიან, პირიქით, კიდევ უფრო მეტად აღიძვრებიან ღვთის სიყვარულით"
"არსობრივად ღმერთი იმდენად აღმატებულია ადამიანზე, რომ მისეულ საქმეებს ადამიანური გონება ვერ ჩასწვდება. ამიტომ, რასაც ადამიანური გონება ვერ სწვდება, იგი არა ღვთისადმი ურწმუნოების, არამედ მისი დიდების მიზეზად უნდა იქცეს"
"ადამიანებმა კარგად ვიცით თიხისა და ოქროს ფასი. ერთი და იმავე წონის თიხას და ოქროს არავინ გაუცვლის ერთმანეთს. ზრუნვა ხორციელი დიდების მოსახვეჭად ჰგავს თიხის ოქროში გაცვლის სიბრიყვეს. სულიერი და ხორციელი დიდება გაცილებით მეტად განსხვავდება ერთმანეთისგან, ვიდრე თიხა და ოქრო"
/არქიმანდრიტი მაკარი (აბესაძე)/
"ვისაც კაცობრივი პატივი და დიდება აინტერესებს, იგი ვერანაირ სულიერ სარგებელს ვერ მოიპოვებს"
/არქიმანდრიტი მაკარი (აბესაძე)/
"34. როგორც თოვლისგან არ დაინთება ცეცხლი, ისე ზეციურ დიდებას ვერ მიემთხვევა ის, ვინც ამქვეყნიურ დიდებას ეძიებს"
/ღირსი იოანე სინელი/
"რწმენასა და სიქველეს, მადლის მოხვეჭის მუდამ მოუკლებლად უნდა ვესწრაფოთ, რომ დიდება და გვირგვინი მოვიგოთ.
ნეშტთა წიგნი გვაუწყებს: "უფალი თქვენთან არის, როცა თქვენ მასთან ხართ. თუ ძებნას დაუწყებთ, იპოვით. თუ თქვენ მიატოვებთ, ისიც მიგატოვებთ"
/კვიპრიანე კართაგენელი/
"ადამიანის გონება ვერასდროს მისწვდება ღვთის დიდებას"
/ილია მეორე/
"დაე, უკუნითი-უკუნისამდე უცვლელად იდიდებოდეს ღმერთი, ჩვენი მაცხოვარი!"
/ღირსი სოფრონი (სახაროვი)/
"დიდება შენდა, უფალო, და მადლობა შენდა!"
/ილია მეორე/
"ღმერთი თავის კურთხევას ანიჭებს ადამიანებს, მათი უმრავლესობა კი იმასაც არ იტყვის: "დიდება შენდა, ღმერთო".
/ღირსი პაისი ათონელი/
"მამები უპატიობას ეძებდნენ და ღმერთი პატივს მიაგებდა მათ. ხოლო ისინი, ვინც თვით ეძებენ დიდებას, ჯერ ერის ზღურბლზე იმყოფებიან - ანუ სტადიონზე. მისდევენ ფეხბურთს: "დიდება სპარტაკს!" მაგრამ იმ დიდებაში, რომელზედაც სახარებაშია ლაპარაკი, სიყვარული და სიმდაბლეა. ქრისტე ამბობს: "- ადიდე ძე შენი, რათა ძემანცა შენმან გადიდოს შენ... ესე არს ცხოვრება საუკუნო, რათა გიცოდიან შენ მხოლოდ ჭეშმარიტი ღმერთი". ანუ ქრისტე ღმერთს ევედრებოდა, რომ ხალხს მხსნელი შეეცნო და ამგვარად ცხონებულიყო. ხოლო დღეს უმრავლესობა იმას მიელტვის, დიდება მოიპოვოს ყველგან, სადაც ეს შესაძლებელია. დიდება - მარცხნიდან, დიდება - მარჯვნიდან, მერე კი ორივე ფეხით კოჭლობენ. ეს ისაა, რაზედაც ქრისტემ თქვა: "დიდებასა ურთიერთას მიიღებთ", "აცთუნებენ და სცთებიან". ამ დიდებისგან გულს მაზიდებს, ამ ატმოსფეროში გაძლებას ერთი დღე-ღამეც კი ვერ შევძლებ"
/ღირსი პაისი ათონელი/
"წმინდა სვიმეონი ნათლად ამბობს, რომ არავის შეუძლია თვითონ ადიდოს ღმერთი, არამედ მასში დამკვიდრებული ქრისტეს მადლი ლოცულობს, ადიდებს და უგალობს ღმერთის"
/არქიმანდრიტი ეფრემ არიზონელი/
"ვისაც უყვარს ადამიანური დიდება, იგი არ შეიძლება იყო უვნებო, არამედ შური და სიძულვილია მასში"
/ამბა ესაია/
"ვისაც ჭეშმარიტი დიდება გვწყურია, მივიდეთ უფალთან, რადგან მხოლოდ მას ერთადერთს აქვს მარადიული, უხრწნელი დიდება"
/აკაკი მინდიაშვილი/
"ის, ვინც წარმავალ დიდებას გაურბის, მას ღმერთი განადიდებს"
/აკაკი მინდიაშვილი/
"ნეტარი [თავადი ანდრია] ადრეულ ასაკშივე აღიტრფო წარუვალი დიდებით"
"დიდება შენდა, ღმერთო ჩვენო, დიდება შენდა.
ამ სიტყვებით ვადიდებთ ღმერთს. ღმერთს ჩვენი დიდება არ სჭირდება, უფალი ყველაზე და ყველაფერზე აღმატებული, თავისთავად დიდებულია. ამ სიტყვების წარმოთქმით, მხოლოდ ვაღიარებთ, რაც ისედაც ფაქტია და თავადვე განვდიდდებით ღვთის წინაშე, ეს ჩვენივე სულის ცხონებისთვისაა აუცილებელი. უფლისა და მის საქმეთა განდიდებით ღვთის მორჩილნი ვხდებით"
"დიდი ხარ [უფალო] მაშინაც, როდესაც ადამიანები გადიდებენ და მაშინაც, როდესაც ისინი გაძაგებენ. მაგრამ როდესაც სამყარო გაგინებს, უფრო აღმატებულია შენი დიდება წმიდათა შორის შენთა"
/წმ. ნიკოლოზ სერბი/
"უფალი თავისას კი არა, თქვენს დიდებას ეძიებს. მის დიდებას მთელი სამყაროც კი ვერაფერს შემატებს და თქვენ - მითუმეტეს"
/წმ. ნიკოლოზ სერბი/
"განეშორეთ დიდებას, რომელიც ვეშაპის ზურგზე აგებულ კოშკს ჰგავს, რათა არ დაგცინონ ნაპირიდან მტრებმაც და მეგობრებმაც"
/წმ. ნიკოლოზ სერბი/
"[უფალო] მე მოვისურვებ, რომ შენ განდიდდე, მე კი დავიმცრობი და ბავშვივით ჩავეჭიდები შენი სამოსის კალთას"
/წმ. ნიკოლოზ სერბი/
"ღმერთის მიერ შექმნილმა სამყარომ არაფერი დაუმატა მის დიდებას, რადგან ღმერთი თავად არის მარადიული სიცოცხლე, ნეტარება, უსაზღვრო სიხარული და მარადიული სიტკბოება, ანუ ღმერთი თვითგანდიდებულია"
/იორდანელი მეუდაბნოე ფოტინია/
"ღირსმა ზოსიმემ [ეგვიპტელი] სიყრმიდანვე შეიყვარა უფალი და წარუვალი დიდებით აღიტრფო"
"ვისაც დიდება სწყურია, მივიდეს უფალთან, რადგან ჩვენს უფალს აქვს მარადიული, უხრწნელი დიდება"
/აკაკი მინდიაშვილი/
"დიდება ღვთისა უდიდესი საქმეა"
/ღირსი პაისი ათონელი/
" - წმიდაო მამაო, როდესაც ყველაფერი კარგად მიგვდის, მაშინ უნდა ვამბობდეთ: "დიდება შენდა, ღმერთო?"
- რა თქმა უნდა, თუკი სიხარულისას არ ვიტყვით: "დიდება შენდა, ღმერთო!" მაშ მწუხარებაში როგორღა ვიტყვით?! შენ რა, ტანჯვისათვის მადლობას სწირავ ღმერთს და სიხარულისთვის კი მადლობის თქმა არ გსურს?"
/ღირსი პაისი ათონელი/
"ოღონდ ისეთ ცხოვრებას ვესრაფდეთ, რომ დიდება მოვიმკოთ არა კაცთგან, არამედ ღვთისაგან, რათა ღვთის განსაკუთრებული მფარველობის ქვეშ ვიყვნეთ და ყოველთვის ვგრძნობდეთ მისი განგებულების მიერ საკვირველ დაცვას. მაშინ ადამიანები ვერაფრით გვავნებენ. "უკუეთუ ღმერთი ჩუენ კერძო არს, ვინ არს ძვირის-მყოფელ ჩუენდა?"
/მთავარეპისკოპოსი სერაფიმე სობოლევი/
"თუ თითოეული ადამიანი დაფიქრდება ღვთის აურაცხელ წყალობაზე, დღედაღამ განადიდებს მას"
"თუ თითოეული ადამიანი დაფიქრდება ღვთის აურაცხელ წყალობაზე, დღედაღამ განადიდებს მას"
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)