ლოცვა - სულიერი ხედვის დასაბამი პარამეტრები

[marine]

"ლოცვა მართლაც გადაღლილი გულის ნუგეში და სულის გამაცოცხლებელია"

[marine]

"სიზარმაცის ან რაიმე გარემოების გამო ვერ ასწრებ დილის ლოცვას, ხატების წინ დაიჩოქე - "მაპატიე, უფალო, მე, ცოდვილს, მიხსენი სიზარმაცისა და ლოცვის დროს დაუდევრობისაგან"!

[marine]

"როდესაც დასაძინებლად წვები, უნდა გახსოვდეს, შეიძლება ვეღარ გაიღვიძო და ძილის წინ ისე უნდა ილოცო, რომ სული უფალთან შესახვედრად მოემზადოს. დილას, ლოცვისას უნდა ფიქრობდე, შეიძლება ეს დღე უკანასკნელი იყოს, ამიტომაც სიფხიზლე გმართებს, რათა უფალთან შესახვედრად მზად იყო"

/პროტოპრევიტერი ოლეგ სტენიაევი/

[marine]

"იცოდეთ, რომ სამყარო დღემდე ღვთისმშობლის ლოცვებზე დგას"

[marine]

"ღირსი ისააკ ასური წერს: "როცა გონება სევდის გარეშე მყოფობს ლოცვაში და ადამიანი მგზნებარედ, მხურვალედ ლოცულობს, სწორედ ასეთი ლოცვის ნაყოფია სიყვარული. მოთმინებით მყოფობა ლოცვაში ნიშნავს, - ადამიანმა საკუთარი თავი უარყოს. თვითუარყოფით კი ღვთისადმი სიყვარული მიიღწევა"

[marine]

"ცოდვილმა რომ შეძლოს თავისი დანაშაულის გამო სინდისის ქენჯნითა და მოყვასისადმი სიყვარულით ლოცვა, ის აუცილებლად იქნება შესმენილი. ბერის დღიურიდან შენთვის პატარა ამბავს მოგითხრობ: "ერთი მეძავი გზაში გადაეყარა ქალს, რომელსაც ის-ის იყო შვილი ჩაკვდომოდა ხელში. დედის სიმწარემ ისე შეძრა მეძავი, რომ მუხლებზე დაემხო და ღმერთს შეევედრა: "ღმერთო, მე - წყეული, შებღალული და წაბილწული, რომელიც არაფრის ღირსი არ ვარ შენგან, - გთხოვ, არა ჩემზე, არამედ ამ უბედურ დედაზე მოიღე მოწყალება და უშველე"! და ჩვილი აღდგა... აი, ასეთი მოწყალეა უფალი! აი, რა ძალუძს გულხმურვალე ლოცვას!"

/სქემიღუმენი საბა (ოსტაპენკო)/

[marine]

"თუ სადმე წახვალ ან გაემგზავრები, მითუმეტეს - თუ საჭეს მიუჯდები, უნდა ილოცო, ამ გზაზე ღმერთის კურთხევა და ყოველგვარი უბედურებისაგან დაცვა უნდა ითხოვო. გზა გზაა და გზებზე მრავალი უბედურება ხდება - მანქანები იმტვრება, შავდებიან და იღუპებიან ადამიანები, არცთუ იშვიათია მატარებლებისა და თვითმფრინავების კატასტროფა, გემები იძირება. ამიტომ ადამიანი გზაში ყოველთვის ღმერთთან უნდა იყოს და მოკლე ლოცვით საკუთარი თაავისთვისა და სხვა ადამიანებისათვის ლოცულობდეს. მაშინ უფალი ნებისმიერი უბედურებისაგან დაიცავს"

[marine]

"არსებობს საყოველთაო სამღვდელოება იმ გაგებით, რომ ყველა მართლმადიდებელი ქრისტიანი ღვთის მღვდელია. რას ნიშნავს "ღვთის მღვდელი"? - თქვენ შეგიძლიათ, ღმერთს ყველგან ევედროთ; შეგიძლიათ, ილოცოთ სახლში, შეგიძლიათ, ილოცოთ გზაში"

/პროტოპრესვიტერი ოლეგ სტენიაევი/

[marine]

"ყურადღებიანი ლოცვით შევეცადოთ გონების თვალების საკუთარი თავისკენ მიპყრობას, რათა საკუთარ თავში ჩვენი ცოდვილობა დავინახოთ. როცა მას დავინახავთ, გონებით დავდგეთ ჩვენი უფლის, იესო ქრისტეს წინაშე კეთროვნებს, ბრმებს, ყრუებს, კოჭლებს, დამბლადაცემულებს, ეშმაკეულებს შორის და მის წინაშე ჩვენი სულის სიღატაკიდან, ჩვენი ცოდვილობის სნეულებით შემუსვრილი გულიდან მგლოვიარე, ლოცვითი ღაღადება დავიწყოთ. დაე, ეს ღაღადება უსაზღვროდ უხვი იყოს! დაე, ყოველგვარი მრავალსიტყვაობა და ყოველგვარი მრავალფეროვნება სიტყვისა უძლური იყოს მის გამოსახატავად. მისი სიუხვისა და გამოუთქმელობის თანახმად, დაე, შეიმოსოს იგი განუწყვეტელი, დაე, შეიმოსოს სიტყვამცირე, მაგრამ მნიშვნელობით ვრცელი ლოცვით: "უფალო, იესო ქრისტე, ძეო ღვთისაო, შემიწყალე მე, ცოდვილი". ამინ"

/წმინდა მღვდელმთავარი ეგნატე ბრიანჩანინოვი/

[marine]

"ლოცვა ყოველთვის საჭირო და სასარგებლოა კაცისთვის - ამით იგი ღმერთთან მუდმივ ერთობას და მის საფარველს ინარჩუნებს. სწორედ ეს საფარველი იცავს მას თავდაჯერების, დიდებისმოყვარეობისა და ამპარტავნების გულისსიტყვებისგან, სულერთია, ეს გულისსიტყვები მისი დაცემული ბუნებიდან მომდინარეობენ თუ დაცემული სულები ჩააგონებენ. ხილული თუ უხილავი მწუხარებებისა და განსაცდელების დროს ლოცვა განსაკუთრებით აუცილებელია: ლოცვა ადასტურებს, რომ საკუთარი თავის იმედად კი არა ვართ, არამედ მთელ სასოებას ღმერთზე ვამყარებთ, ეს კი უფალს ჩვენს შესაწევნად აღძრავს. ყოვლისშემძლე ღმერთი ხდება იმ ადამიანის ხელისამპყრობელი, ვინც გასაჭირში მას მოუხმობს, და თავისი მიუწვდომელი განგებით იხსნის ერთგულ მონას განსაცდელისგან"

/წმინდა მღვდელმთავარი ეგნატე ბრიანჩანინოვი/

[marine]

"არაფერია უფრო მშვენიერი, ვიდრე სახლი, სადაც შუაღამის ლოცვები აღესრულება"

/წმინდა მღვდელმთავარი ეგნატე ბრიანჩანინოვი/

[marine]

"საერთო წესი ყველასათვის, ვინც ლოცვის ღვაწლს შესდგომია, ერთია: "გონების ჩაკეტვა ლოცვის სიტყვებში", ანუ ყურადღებით ლოცვა. რაც სულია სხეულისათვის, იგივეა ყურადღება ლოცვისათვის: ყურადღების გარეშე ლოცვა მკვდარია და არავითარი აზრი არა აქვს. ლოცვის სიტყვებში გონების ჩაკეტვაზე ბრუნვა იესოს ლოცვის დროსაც საჭიროა და დაუჯდომლებისა თუ სხვა ლოცვების კითხვის დროსაც. მათ, ვისაც ლოცვაში წარმატების მიღწევა სურს, წმ. მამები ურჩევენ რიგრიგობით იკითხონ ხან იესოს ლოცვა და სხვა სხვა ლოცვები. ასეთი მრავალფეროვნება ლოცვის ღვაწლს აადვილებს და ხელს უწყობს წარმატებას. ახალბედებმა ცოტა-ცოტა, მაგრამ ხშირად უნდა ილოცონ, რათა ლოცვა არ მობეზრდეთ და გონება არ დაეღალოთ, რაც ლოცვის მიტოვებას იწვევს"

/წმინდა მღვდელმთავარი ეგნატე ბრიანჩანინოვი/

[marine]

"ყურადღებიანი ლოცვა, განსაკუთრებით, ლოცვა ჩვენი უფლის, იესო ქრისტეს სახელით, ძალისხმევისას აერთიანებს გულს გონებასთან, ამხელს გულის სიღრმეში დაბუდებულ გველს და, მისი გაღიზიანებით აიძულებს იმოძრაოს"

/წმინდა მღვდელმთავარი ეგნატე ბრიანჩანინოვი/

[marine]

"უძველესი მამები კანონების შესრულებისას, ლოცვებს ამბობდნენ მთლიანად, სრულყოფილად, ანუ ასე:

"უფალო იესო ქრისტე, ძეო და სიტყვაო ღვთისაო, მეოხებითა ღვთისმშობელისათა, შეიწყალე მე".

შემდგომმა თაობებმა შემოკლების მიზნით, ამოაგდეს სიტყვა "ღმრთისაო" და ამ ლოცვას ასე კითხულობდნენ: "უფალო იესო ქრისტე, შემიწყალე მე". ახლანდელმა თანამედროვე მამებმა კი დატოვეს მხოლოდ ქრისტე, და ამბობენ მხოლოდ "შემიწყალე მე". და ვერც იმას გაიაზრებენ, რისი მიღება სურთ ამით, და ვერც იმას შეიცნობენ, ვინ უნდა შეიწყალოს ისინი"

/ღირსი ნილოს ათონელი, მირონმდინარე/