წმინდა მამათა გამონათქვამები თავმდაბლობაზე პარამეტრები

[იოანა]

ნებისმიერ შემთხვევაში ვიყოთ მდაბალნი, რადგან მდაბალი მიწაზე წევს და მიწაზე მწოლარე როგორღა დაეცემა. ცხადია, რომ სიმაღლეზე მყოფს ხელეწიფება დაცემა.
წმ. ბასანოფი დიდი და იოანე წინასწარმეტყველი

მრავალნი ვუწოდებთ ჩვენს თავს ცოდვილს და შესაძლოა ასეც ვფიქრობდეთ, მაგრამ გულის სიმდაბლეს სხვებისგან მიყენებული შეურაცხყოფა გამოცდის.
წმ. იოანე სინელი


ცოდვილი ანდა ზარმაცი ადამიანი, თავმდაბალი და გულით შემუსვრილი ღვთისათვის უფრო სათნოა, ვიდრე ის, ვინც მრავალ კეთილ საქმეს იქმს და ამით თავმომწონეობს.
აბბა დოროთე


სიამაყემ და ამპარტავნებამ ეშმაკი ციდან გადმოაგდო, თავმდაბლობასა და მორჩილებას კი ადამიანი მიწიდან ზეცაში აჰყავს.
წმ. ანტონი დიდი


სიმდაბლე იმაში მდგომარეობს, რომ მიუტევო ძმას, რომელმაც შენს წინაშე შესცოდა, მანამდე, ვიდრე იგი შენდობას ითხოვდეს.
წმ. პიმენი დიდი

[marine]

"სიმდაბლეზე ასეა ნათქვამი:

"მას არა აქვს ენა, რომ ილაპარაკოს ბოროტად სხვებზე, და არა აქვს თვალები, რომ დაინახოს სხვისი ბოროტება, არა აქვს ყურები, რომ ისმინოს სხვისი ავსიტყვაობა"

/წმ. ნიკოლოზ სერბი/

[marine]

"ჭეშმარიტი სიმდაბლე სულიერი გონებაა. იგი ღვთის ნიჭია; იგი ადამიანის გონებასა და გულში ღვთის მადლის მოქმედებაა.

შეიძლება იყოს თვითნებური სიმდაბლეც: მას საკუთარი თავისთვის თხზავს ამპარტავანი სული, მოხიბლული და ცრუსწავლებით მოტყუებული სული, სული, რომელიც საკუთარ თავს ეპირფერება, სული, რომელიც სოფლისაგან ფერებას ეძებს, სული, რომელიც სავსებით მიისწრაფვის მიწიერი წარმატებისა და მიწიერი სიამეებისკენ, სული, რომელსაც დაუვწყებია მარადისობა, ღმერთი.

თვითნებური, საკუთარი შეთხზული სიმდაბლე შედება ურიცხვი, სხვადასხვაგვარი ეშმაკობისაგან, რომლებითაც ადამიანური სიამაყე ცდილობს სიმდაბლის დიდება დაიჭიროს დაბრმავებული სოფლისაგან, სოფლისაგან, რომელსაც თავისი უყვარს, სოფლისაგან, რომელიც ადიდებს მანკიერებას, როცა მანკიერება სათნოების იერს იმოსავს, სოფლისაგან, რომელსაც სძულს სათნოება, როცა სათნოება მის თვალებს საკუთარი წმინდა უბრალოებით, სახიერებისადმი წმინდა და მტკიცე მორჩილებით წარმოუდგება.

ქრისტეს თაავმდაბლობას არაფერი ისე არ ემტერება, როგორც თვითნებური სიმდაბლე, რომელიც ქრისტეს მორჩილების უღელს უარყოფს და ღვთისადმი თვალთმაქცური მსახურების საფარველქვეშ მკრეხელურად ემსახურება სატანას"

/წმ. ეგნატე ბრიანჩანინოვი/