მოძღვარი პარამეტრები

[marine]

"უღირსი მოძღვრის ძრახვა და ავად ხსენება მავნებელია და საშიში"

/წმ. იოანე ოქროპირი/

[marine]

"მღვდელი უნდა იყოს მღვიძარე, წინდახედული, ჰქონდეს მრავალი თვალი ყველა მხარეს და ცხოვრობდეს არა მხოლოდ თავისთავისთვის, არამედ ხალხისთვის"

[marine]

"ფეხდაფეხ მისდიე შენს მოძღვარს, უსმინე მას, როგორც შენს საკუთარ სინდისს და მთელი არსებით, ყოველგვარი მერყეობის გარეშე დაემორჩილე"

[marine]

"მოძღვარმა გადამაფარა ოლარი და დიდხანს კურნავდა ჩემს სნეულ სულს"

[marine]

"თქვენ სულიერი მოძღვარი ბრძანდებით. იყიდეთ ძალიან, ძალიან ბასრი დანა, თვალწინ დაიდეთ და ხშირ-ხშირად უყურეთ მას, თან ყოველთვის გაიხსენეთ კანონი, რომლის თანახმადაც სულიერმა მოძღვარმა ენა უნდა მოიკვეთოს, თუკი ვინმეს გაუმხელს აღსარებაში აღიარებულ ცოდვებს ან რაიმე მინიშნებით ვინმეს მათი გამოცნობის საშუალებას მისცემს. საკმარისი საფუძველი მაქვს, ვიფიქრო, რომ სულიერი მოძღვრები ამას აკეთებენ... ასეთებს არ ახსოვთ, თუ რა ბოროტება წარმოიშობა აქედან, ანუ იმისგან, თუკი გავრცელდება აზრი, რომ სულიერი მოძღვრები მოკრძალებულნი არ არიან: აღარ იტყვიან სრულ აღსარებას ან, საერთოდაც, აღსარების თქმას შეწყვეტენ"

/წმ. თეოფანე დაყუდებული/

[marine]

"ადამიანს თუ ჰყავს ხორციელი მშობელი, უნდა ჰყავდეს სულიერი მშობელიც. სულიერი მშობელი ადამიანს აძლევს უკვდავებას, მარადიულობას, სიმართლეს და სიყვარულს"

/მიტროპოლიტი ილარიონი (ქიტიაშვილი)/

[marine]

"როგორც წმინდა მამები ამბობდნენ, სასულიერო პირი არის ხიდი, რომელიც აკავშირებს ადამიანებს ღმერთთან. ამ ხიდზე ყველას აქვს უფლება გაიაროს და ამის ნება სასულიერო პირმა უნდა მისცეს მათ"

/მიტროპოლიტი ილარიონი (ქიტიაშვილი)/

[marine]

"როგორც დავით მეფსალმუნე ამბობს: "მიგდევდა სული ჩემი შემდგომად შენსა და მე შემეწია მარჯუენე შენი", ასე მიეჯაჭვა ჩემი სული ჩემს მოძღვარს"

/წმ. პორფირი კავსოკალიველი/

[marine]

"მართლმადიდებლობაში არ არსებობს გამოუვალი მდგომარეობა. არ არსებობს, რადგან არსებობს მღვდელი, რომელსაც აქვს მიტევების მადლი. დიდი რამეა მოძღვარი!"

/წმ. პორფირი კავსოკალიველი/

[marine]

"მაშინ ოცი წლის ვიყავი. არ მინდოდა მღვდლობა, მაგრამ სხვანაირად არ გამოდიოდა. მეუფე დაჟინებით ითხოვდა, ის კი ქრისტეს სახეა. არ შეიძლება მღვდელმთავართან გაჯიუტება და უარის თქმა. არ შეიძლება ეპისკოპოსთან ურთიერთობის გაფუჭება, რადგან მაშინ შენი ლოცვა ვეღარ ავა მაღლა და დარჩება უნაყოფო. ასე, წმ. პარასკევს ხსენების დღეს მაკურთხეს დიაკვნად, ხოლო წმ. პანტელეიმონის ხსენებაზე - მღვდლად"

/წმ. პორფირი კავსოკალიველი/

[marine]

"ვინც შეიყვარა და თავი მიუძღვნა მოძღვარს, მიიღო ნიჭი, რომელიც მოძღვარს ჰქონდა. წმ. პროხორემ წმ. იოანე ღვთისმეტყველისგან, წმ. პროკლემ - წმ. იოანე ოქროპირისგან, წმ. სვიმეონ ახალმა ღვთისმეტყველმაც - თავისი მოძღვრისგან. ძველ აღთქმაშიც ვხედავთ, რომ წინასწარმეტყველმა ილიამ მის მოწაფეს, წინასწარმეტყველ ელისეს წინასწრამეტყველების ნიჭი გადასცა"

/წმ. პორფირი კავსოკალიველი/

[marine]

"როდესაც გყავს მოძღვარი, აღარ გემუქრება ცდომილების საფრთხე"

/წმ. პორფირი კავსოკალიველი/

[marine]

"ნდობა და მორჩილება მართლმადიდებელ ქრისტიანსა და მის სულიერ მოძღვარს შორის ურთიერთობის მთავარი კანონია. ისე, რა თქმა უნდა, მოძღვარსაც გააჩნია, და ყველა მოძღვარი არ იმსახურებს სრულ მორჩილებას. ჭეშმარიტი მოძღვარნიც ხომ თითზე ჩამოსათვლელნი არიან. ეს უთუოდ მარტივად გადასაწყვეტი საკითხი არაა: ტრაგედიაა, რცოა ზოგიერთი უგუნური მღვდელი თავს მართლაც სტარეცად წარმოიდგენს, კადნიერად იწყებს მბრძანებლობას და თავს უფლებას აძლევს მოიქცეს ისე, რაც სრულიად დაუშვებელია სულიერ ცხოვრებაში - ესაა სულიერი შვილების თავისუფლების დათგრუნვა"

/მიტროპოლიტი ტიხონი/

[marine]

"საერთოდ, ჭეშმარიტი მოძღვარი ცრუმოძღვრისგან იმით განსხვავდება, რომ მხოლოდ რჩევას აძლევს, არწმუნებს - ხანდახან დაბეჯითებითაც, მაგრამ ქრისტიანის თავისუფალ ნებას არასდროს თრგუნავს. ხოლო იმ მღვდელს, რომელიც ყველაფერში უპირობო და უსიტყვო მორჩილებას მოითხოვს, ისე უნდა გავურბოდეთ, როგორც ეშმაკს"

/მიტროპოლიტი ტიხონი/

[marine]

"ერთხელ, ერთი ბიზნესმენი მეუბნება: "მამაო, ფეხით რომ დადიხართ, ერთ პატარა მანქანას გისაჩუქრებთ!"

გამაოგნა მისმა საქციელმა! ქვეყანაში 3 წლის ლევანი მთლიან პურზე ოცნებებს, 9 წლის ნინო მაღაზიაში თავს ხრის, რომ არაფერი მოუნდეს, და ჩემი ფეხით სიარული შეამჩნია. შეაწუხა ვითომ?!

ჩემი პასუხის მერე საერთოდ გაწყვიტა კონტაქტი ჩემთან - სანამ ჩემს უბედურ ქვეყანაში ანგელოზები შიმშილობენ, საზოგადოებრივი ტრანსპორტითაც კომფორტულია მგზავრობა, იქ უფრო ვხედავ რა მდგომარეობაა, ასე, რომ ჩემზე საჩუქრების მოცემით ვერავინ ცხონდებით. ქრისტეს წინაშე სიკეთე თუ გინდათ, ბავშვებს შეეწიეთ, მათ დაეხმარეთ, რომ მშივრები არ იყვნენ, აღარ ადიოდეს ზეცათ ანგელოზების ცრემლი და სურვილი - ღმერთო, პური მინდა..."

/მამა ნექტარიოსი (მჭელიძე)/

[marine]

"მოძღვარი არ უნდა იყოს არც ძალიან მკაცრი და არც ზომაზე მეტად ლმობიერი. ჩვენი მიზანი არის, ღმერთთან მივიყვანოთ ადამიანი. როგორც იოანე ოქროპირი ბრძანებს, მოძღვარი ყველანაირად შემკული უნდა იყოს - სიყვარულიც უნდა შეეძლოს და სიმკაცრეც უნდა ჰქონდეს. ვერც მხოლოდ დაყვავებითა და ტკბილი სიტყვით გაზრდი შვილს და ვერც მხოლოდ გაბრაზებითა და ჩხუბით. მოძღვარიც მკაცრი უნდა იყოს და თბილიც. მრევლს, უპირველეს ყოვლისა, მართებს მოძღვრის მორჩილება, რადგან, სადაც მორჩილებაა, იქ ღვთის მადლი სუფევს, სადაც ღვთის მადლია, იქ ურთიერთობები ისე ყალიბდება, როგორც უფლისთვისაა სათნო. მრევლისთვის მოძღვარზე მთელი გულით მინდობაა აუცილებელი. შენს სულიერ მოძღვარს ბოლომდე უნდა ენდობოდე, სხვანაირად, მთლიანობა დაიმსხვრევა..."

/არქიმანდრიტი შიო (ხარძეიშვილი)/

[marine]

"უმჯობესია, მოძღვარი შორს გყავდეს და მისი კურთხევით ცხოვრობდე, ვიდრე ახლოს გყავდეს და მის კურთხევას არ ასრულებდე"

/არქიმანდრიტი შიო (ხარძეიშვილი)/

[marine]

"მართალია, მღვდლები დედამიწაზე დადიან და წუთისოფელში ცხოვრობენ, მაგრამ მათ ღვთისაგან მინიჭებული აქვთ ძალაუფლება და მიცემული აქვთ ნება, რომ ზეცა განაგონ"

/აკაკი მინდიაშვილი/

[marine]

"წმ. თეოფანე დაყუდებული თავისდროინდელ სამღვდელოებას დაუღალავად მოუწოდებდა იმისაკენ, რომ ყველგან, და განსაკუთრებით კი ეკლესიაში, ღვთის სიტყვის ქადაგება და სწავლება განუწყვეტლივ უნდა მიმდინარეობდესო.

ყველა დროის საეკლესიო მოღვაწენი რიტორიკულად სვამენ კითხვას:

მდუმარე სამღვდელოება - რა სამღვდელოებააო?!"

[marine]

"როგორც წმ. სილუან ათონელი ამბობს, ჩვენ რომ შინაგანი ხედვა გაგვეხსნას და ვიხილოთ, თუ რა დიდებაში მსახურობს მღვდელი, ხივლისაგან დავეცემოდით"

/აკაკი მინდიაშვილი/