„შრომითა შენითა მოიპოვე პური შენი“ პარამეტრები

[marine]

***
/იგავი/

"სამჭედლოდან გლეხმა ორი თოხი წამოიღო. ერთი სათავსოში კედელზე მიაყუდა, მეორეთი ყანას თოხნიდა. პირველს იოლი ცხოვრება ერგო: იდგა თავისთვის სათავსოს კუთხეში მოსვენებული. მეორე თოხი მუდამ მუშაობაში იყო. კარგი ხნის შემდეგ შეხვდნენ ისინი ერთმანეთს. პირველი თოხი უსაქმურობსიგან დაჟანგებულიყო და ახლა შურით შესცქეროად მუშაობით გაპრიალებულ მეორე თოხს.

- მითხარი, როგორ გახდი ასეთი ლამაზი? მე აქ კარგად ვიყავი ჩემთვის სიმყუდროვეში, არავინ მაწუხებდა, მაგრამ რატომღაც დავმახინჯდი.

- ეს შენ უსაქმურობამ გიყო, მე კი შრომამ გამალამაზა"

[marine]

"ყოველივე უფალი იესოს სახელით აკეთე და ამრიგად ყოველი შენი საქმე ღვთივსათნო იქნება"

/ეპისკოპოსი პლატონ კოსტრომელი/

[marine]

"მცირე დროითაც კი ნუ განლაღდები, არამედ იყავი ყოველთვის შრომასა და მეცადინეობაში. რამეთუ უსაქმური არ არის ადამიანად წოდების ღირსი და უეჭველად დაიღუპება"

/ეპისკოპოსი პლატონ კოსტრომელი/

[marine]

"სამუშაოს ისე უნდა უყურო, როგორც ღვთისგან მოცემულ მორჩილებას, უნდა შეასრულო ის, როგორც ღვთის სახის წინაშე - მთელი გულმოდგინებით და კეთილსინდისიერებით, ამასთან ყოველთვის აზრად გქონეს, რომ ჩვენ არა ხალხს, არამეთ თვით უფალს ვემსახურებით. თუკი ჩვენ იმისათვის არ ვიმუშავებთ, რომ სამუშაოსგან სასწრაფოდ თავდაღწეულებმა, სულიერად ვიცხოვროთ, არამედ ისე, რომ მისი მეშვეობით ღმერთს სათნო ვეყოთ, მაშინ თვით სამუშაო გახდება სტიმული ლოცვისათვის, თუნდაც იმაზე მეტი დრო, ძალისხმევა და შრომა მოითხოვს, ვიდრე უწინ. მაშინ ლოცვასთან შეერთებული ცხოვრება, მთლიანად მისი შუქით იქნება განმსჭვალული, მაშინ მოიპოვებს სიმშვიდეს ჩვენი სინდისი"

/არქიმანდრიტი რაფაელი (კარელინი)/

[marine]

"ღმერთი იყოს ყველა შენი საქმის დასაწყისი და დასასრული"

/წმ. გრიგოლ ღვთისმეტყველი/

[marine]

"წმ. მამათა სწავლებით, თუ ნებისმიერ სამუშაოს მშვიდად, გულდასმით შევასრულებთ, იკურთხება არა მარტო ჩვენი შრომა, არამედ მთელი დღეც, ნაჩქარევი მუშაობისას კი ადამიანი ნევროზული ხდება და მისი ნაშრომი კურთხეული ვერ იქნება. მიზნად არ უნდა დავისახოთ ბევრის მოსწრება, თორემ განცდებისაგან გამოვიფიტებით და ეშმაკეულ მდგომარეობაში აღმოვჩნდებით. მშვიდი გარჯით ნაშრომიც იკურთხება და ისინიც, ვინც ამ შრომის ნაყოფით ისარგებლებენ, ხოლო, როცა საქმეს ნაჩქარევად და ნერვიულობით აკეთებენ, ამ ეშმაკეულ მდგომარეობას სხვებსაც გადასდებენ.

შრომის შედეგი მთლიანად დამოკიდებულია იმაზე, თუ როგორი განწყობილებით ასრულებენ სამუშაოს - თუ საქმის კეთებისას ადამიანი ნერვიულობს, მრისხანებს და ბილწსიტყვაობს, მისი ნაშრომი ვერ იკურთხება; ხოლო, როდესაც საქმიანობის დროს გალობს, გულში ლოცულობს ან სიკეთეზე ფიქრობს, მის ნაშრომს ღმერთი აკურთხებს.

გონებრივი მუშაობის დროს მართალია, ლოცვის საშუალება არ არის, მაგრამ ჩვენი შრომა მაინც იკურთხება, თუ გონებას ღმერთში ვამყოფებთ და ღვთიურ გარემოცვაში ვიქნებით"

[marine]

"ლოცვის კანონის გარეშე არ დაიწყო დღის საქმეები"

/ოპტინელი ბერ-მოძღვრები/

[marine]

"ყოველი საქმე ღმერთის სახელის მოხმობით უნდა იწყებოდეს"

/ღირსი ილარიონი/

[marine]

"რაც შრომით მოიპოვება, სწორედ ის არის სასარგებლო"

/ღირსი იოსები/

[marine]

"ყოველი საქმე, როგორი უნიშვნელოც არ უნდა გეჩვენებოდეს ის, მთელი გულმოდგინებით აღასრულეთ, როგორც ღვთის წინაშე. გახსოვდეთ, უფალი ყველაფერს ხედავს"

/ღირსი ნიკონი/

[marine]

"რადგან წუთიც არ არის, რომ რამე საქმით არ ვიყოთ დაკავებული, თუ ჩვენს საქმეებს უფალს მივუძღვნით, ჩვენ მას ყოველ წუთს მივეახლებით"

/წმ. თეოფანე დაყუდებული/

[marine]

"ღმერთმა შრომა გვიკურთხა ჩვენ, ადამიანებს. ამიტომ, როდესაც გონივრულად ვშრომობთ, ღმერთი ყოველთვის გვეხმარება და წარმატებით ასრულებს ჩვენს ყოველივე კეთილ წამოწყებას."

/მეუფე შიო მუჯირი/

[marine]

"არასოდეს იყო უსაქმოდ"

/სქემიღუმენი საბა (ოსტაპენკო)/

[marine]

"ყოველი საქმე ლოცვით აკურთხე , ღვთის სახელის მოხმობით, თუკი წარმატებას ეძიებ. გახსოვდეს თქმული: "თვინიერ ჩემსა არარაი ძალგიც ყოფად არცა ერთი"

/სქემიღუმენი საბა (ოსტაპენკო)/

[marine]

"თუ რაიმე საქმის კეთებას ვიწყებთ ან ვმუშაობთ - შინაგანად ვილოცოთ, უფალს კურთხევა და დახმარება ვთხოვოთ, შეგვაგონოს, საქმე სწრაფად და უკეთ როგორ გავაკეთოთ. ვიმუშაოთ ლოცვით, უბრალოდ, ჩვენთვის ვთქვათ მოკლე ლოცვა: "უფალო შემიწყალე!", იესოს ლოცვა, მამაო ჩვენო, ღვთისმშობლის ლოცვა, ნებისმიერი სხვა მოკლე ლოცვა - შეიძლება ფსალმუნებიდან ან სახარებიდან მათი ამოღება; სამუშაო სწრაფად და სწორად კეთდება და არ ვიღლებით! აი, რას აძლევს ადამიანს ლოცვა მუშაობის დროს! როცა მუშაობას ან საქმის კეთებას დაამთავრებ, მადლობა შესწირე ღმერთს, რომ ყველაფრის გაკეთება კარგად და ხარისხიანად, უშეცდომოდ და უდანაკარგოდ მოასწარი!"

[marine]

"განურჩევლად ყველა მდიდარი ბედნიერი ნუ გეგონება, ღარიბებს კი ნუ დავამცირებთ, ნუ გვეთაკილება ნურავითარი ხელობა, უპატიოსნობად ვაღიაროთ არა მუშობა, არამედ უქმობა და უსაქმურობა. რამეთუ, რაც აღვირია ცხენისათვის, იგივეა შრომა ჩვენი ბუნებისათვის. უქმობა რომ სიკეთე იყოს, ყველაფერს დავთესავდი და დაუმუშავებელი მიწა აღმოაცენებდა, მაგრამ ასე ხომ არ ხდება. ოდესღაც ღმერთმა უბრძანა მიწას, რომ ყველაფერი დაუმუშავებლად გაეჩინა, მაგრამ ახლა სხვაგვარად განაგო: მან უბრძანა ადამიანებს, ხარები უღელში შეებათ, გუთანს ჩასდგომოდნენ წინ, კვალი გაევლოთ, თესლი ჩაეყარათ და მრავალი სხვა ხერხით მოევლოთ ვენახისთვისაც, ხეებისთისაც, თესლისთვისაც, რათა შრომა მუშაკის სულისაგან ყოველგვარ ბოროტებაზე ფიაქრი აერიდებინა. რამეთუ, როდესაც საქმით ვართ დაკავებულნი, ბოროტ აზრებსაც ადვილად განვაგდებთ, გაჭირვებულებსაც დავეხმარებით, არც ვინმეს მივადგებით კარზე ხელგაწვდილნი და ქრისტეს სჯულსაც აღვასრულებთ, რომელიც ღაღადებს: "ნეტარ არს მიცემაი უფლისაი ვიდრე მოღებისა".

/წმინდა მღვდელმთავარი ეგნატე ბრიანჩანინოვი/

[marine]

"არც ერთი სამუშაო არ არის სათაკილო, სათაკილოა მხოლოდ საქმეში უპატიოსნება და ორგულება"

/წმინდა მღვდელმთავარი ეგნატე ბრიანჩანინოვი/