IPB

სტუმარს სალამი ( შესვლა | დარეგისტრირება )

საეკლესიო ბიბლიოთეკა

6 გვერდი V  1 2 3 > »   
Reply to this topicStart new topic
> მიმართვა პრეზიდენტს, სამთავრობო და არასამთავრობო, ორგანიზაციებს
უჭერთ თუ არა მხარს მიმართვის ტექსტს?
უჭერთ თუ არა მხარს მიმართვის ტექსტს?
დიახ [ 49 ] ** [84.48%]
არა [ 9 ] ** [15.52%]
სულ ხმები:: 58
სტუმრებისთვის ხმის მიცემა აკრძალულია 
კანონისტი
პოსტი Jul 8 2008, 10:33 AM
პოსტი #1


დავით
***

ჯგუფი: Members
პოსტები: 16,930
რეგისტრ.: 17-October 06
მდებარ.: თბილისი, საქართველო
წევრი № 284



ახალგაზრდულ ორგანიზაციათა კოალიციის `მოძრაობა ზნეობრივი საქართველოსათვის~

მიმართვა

საქართველოს პრეზიდენტს,
საქართველოს პარლამენტს,
საქართველოს კომუნიკაციების მარეგულირებელ ეროვნულ კომისიას,
საქართველოს სახალხო დამცველს,
სამაუწყებლო კომპანიებს,
პოლიტიკურ პარტიებსა და საზოგადოებრივ ორგანიზაციებს


კოალიცია `მოძრაობა ზნეობრივი საქართველოსათვის~ გულისტკივილით აღნიშნავს, რომ საქართველოს მოსახლეობის დიდი უმრავლესობის სწრაფვას ტრადიციული მაღალზნეობრივი და სულიერი ღირებულებების აღდგენისაკენ წინ ეღობება `თავისუფლების~ ნიღბით მოწოდებული უხამსობის, უზნეობის, ძალადობისა და პათოლოგიური გადახრების პროპაგანდა სამაუწყებლო სივრცეში, რომელიც ძირს უთხრის სახელმწიფოსა და საზოგადოების ისეთ საყრდენებს, როგორიცაა ოჯახი და მომავალი თაობა. იქმნება შთაბეჭდილება, რომ საზოგადოებაში მიზანმიმართულად მკვიდრდება გაუკუღმართებული `ზნეობრივი~ ნორმები.
კიდევ ერთხელ ვაცხადებთ, რომ მხარს ვუჭერთ სიტყვის, აზრისა და გამოხატვის თავისუფლებას დემოკრატიული საზოგადოებისათვის მისაღებ ფარგლებში, აგრეთვე ჟურნალისტური საქმიანობის დამოუკიდებლობის პრინციპს.
მაგრამ, ამავე დროს, მიუღებლად მივიჩნევთ სიტყვის თავისუფლების ლოზუნგით უხამსობისა და ბილწსიტყვაობის, ნარკოტიკების მოხმარების, ძალადობისა და ოკულტიზმის პროპაგანდას, აზრის თავისუფლების ლოზუნგით ოჯახისა და ნორმალური ადამიანური ურთიერთობების დამანგრეველი, უზნეო ცხოვრების წესის დამნერგველი დოქტრინების ქადაგებას, გამოხატვის თავისუფლების ლოზუნგით აღვირახსნილი ქცევების, შიშველი სხეულისა და სექსუალური ურთიერთობების ამსახველი პროდუქციის ტირაჟირებას.
სამწუხაროდ, დღეისათვის ფაქტობრივად გაუქმებულია და აღარ მოქმედებს არასრულწლოვანთა დამცავი დებულებები `მაუწყებლობის შესახებ~ კანონში, `რეკლამის შესახებ~ კანონში, ამოღებულია და აღარ მოქმედებს `მავნე ზეგავლენისაგან არასრულწლოვანთა დაცვის შესახებ~ კანონის უმთავრესი მუხლები, რომლებიც ეხება `არასრულწლოვანთა დაცვას მავნე ზეგავლენისაგან, რომელიც დაკავშირებულია კინო-, ვიდეო-, ტელეფილმების ჩვენებასა და ნაბეჭდ პროდუქციასთან~ (`მავნე ზეგავლენისაგან არასრულწლოვანთა დაცვის შესახებ~ კანონის ამოღებული თავის სახელწოდება).
უკვე ორი წელი სრულდება მას შემდეგ, რაც `მაუწყებლობის შესახებ~ კანონით კომუნიკაციების მარეგულირებელი ეროვნული კომისიის მიერ უნდა შემუშავებულიყო და საჯარო განხილვის შედეგად მიღებულიყო (2006 წლის დეკემბრამდე) `მაუწყებელთა ქცევის კოდექსი~, რომელსაც უნდა დაერეგულირებინა აღნიშნული საკითხები, მაგრამ, სამწუხაროდ, `თავისუფლების ინსტიტუტმა~, რომელმაც, მიუხედავად იმისა, რომ სარგებლობდა კომუნიკაციების მარეგულირებელი ეროვნული კომისიის სრული მხარდაჭერით და ექსკლუზიურად ფლობდა უფლებას ამ კოდექსის პროექტის შემუშავებისა, საზოგადოებრივი აზრის სრული იგნორირებით, ორი წლის განმავლობაში, ვერა და ვერ მოახერხა მისი ჩამოყალიბება ვერც იურიდიული, ვერც ზნეობრივი და ვერც ენობრივი გამართულობის თვალსაზრისით.
წარმოგიდგენთ რამდენიმე მაგალითს:

იურიდიული გაუმართაობა:
კოდექსის მე-2 მუხლში წერია:
`3. მაუწყებლობის პრინციპები განსაზღვრავენ მაუწყებლის სტანდარტებს... და სავალდებულოა შესასრულებლად.
4. წესები განსაზღვრავენ კოდექსის მოთხოვნებს, რომელიც უნდა შესრულდეს მაუწყებლის მიერ... (სტილი დაცულია).
5. სახელმძღვანელო რეკომენდაციები არის მეთოდური მითითებები... (და) არ ატარებს სავალდებულო ხასიათს~
ანუ როგორც ვხედავთ, პრინციპებისა და წესების დაცვა სავალდებულოა შესასრულებლად, ხოლო სახელმძღვანელო რეკომენდაციები სავალდებულო არ არის.
ახლა გადავხედოთ კოდექსის პროექტს:
მუხლი 3. `კოდექსის პრინციპები~ _ გამოირჩევა ბუნდოვანებითა და სრული იურიდიული და ენობრივი ქაოსით. თუნდაც ის რად ღირს, რომ ამ, სავალდებულო პრინციპების განმსაზღვრელ მუხლში, რატომღაც, განთავსებულია პუნქტი (მ. 3, 2ვ) მეთოდური რეკომენდაციების შესახებ, რომლებიც არ არის სავალდებულო შესასრულებლად.
ამავე დროს, სახელმძვანელო რეკომენდაციებში, რომლებიც 2 მუხლის 5 პუნქტის თანახმად `არ ატარებენ სავალდებულო ხასიათს~ უხვადაა ასეთი ფრაზები: `მაუწყებელი ვალდებულია უზრუნველყოს...~ (მ. 14, 1), `მაუწყებელი ვალდებულია თავი აარიდოს...~ (მ. 21, 2), `მაუწყებელი ვალდებულია თავიდან აიცილოს...~ (მ. 21, 4), `მაუწყებელი ვალდებულია ყურადღება მიაქციოს... (მ. 21, 6), `ჟურნალისტი... ვალდებულია მაუწყებლის სარედაქციო ხელმძღვანელობას წარუდგინოს...~ (მ. 23, 6) და ა. შ. დათვლაც კი ჭირს, იმდენჯერაა გამოყენებული დავალდებულების კონტექსტით სიტყვები `უნდა...~, `არ უნდა...~, `დაუშვებელია...~ `ვალდებულია...~ სახელმძვანელო რეკომენდაციების მუხლებში (მ. 14, მ. 16, მ. 19, მ. 21, მ. 23, მ. 25, მ. 27, მ. 29, მ. 31, მ. 33, მ. 41, მ. 43, მ. 47)
მუხლი 33. `სახელმძვანელო რეკომენდაციები მაუწყებლის მიერ დანაშაულის ან ანტისოციალური ქმედების გაშუქების შესახებ~ იწყება პირდაპირ ასე:
`დანაშაულის ან ანტისოციალური ქმედების გაშუქებისას მაუწყებელი ვალდებულია...~
სარეკომენდაციო მუხლებში განთავსებულია ისეთი პუნქტები, რომლებიც არანაირად არ შეიძლება იყოს სარეკომენდაციო ხასიათის, არამედ მათი სავალდებულობა ეჭვგარეშეა, მაგალითად:
`მაუწყებელი ვალდებულია თავიდან აიცილოს რელიგიური, ეთნიკური, ან სხვა ნიშნის მიხედვით რომელიმე ჯგუფის შეურაცხყოფა~ (მ. 21, 4);
`ჟურნალისტმა არ უნდა მიიღოს ღია და დაფარული ქრთამი~ (მ.23,3);
`ჟურნალისტს არ აქვს უფლება მაუწყებლის სახელი გამოიყენოს პირადი ინტერესის განხორციელების მიზნით~ (მ. 23, 7);
`დაუშვებელია ძალადობის სენსაციად გადაქცევა~ (მ. 25, 5);
`დაუშვებელია სექსუალური ძალადობის მისაღებად წარმოჩენა~ (მ. 25, 7)
გაუგებარია, რატომ უნდა ჰქონდეს სარეკომენდაციო ხასიათი პუნქტებს, რომლებიც განსაზღვრავენ არასულწლოვანთათვის შეუფერებელ პროგრამებს (მ. 41).
თუმცა ყოველივე ზემოთჩამოთვლილი საერთოდ კარგავს აზრს, როცა არსებობს ასეთი პუნქტი:
`დაუშვებელია თვითრეგულირების მექანიზმის ფარგლებში მიღებული გადაწყვეტილება გასაჩივრდეს სასამართლოში, კომისიაში ან სხვა ადმინისტრაციულ ორგანოში~ (მ. 12, 4).
ეს პუნქტი კონცენტრირებულად გამოხატავს სამაუწყებლო პროდუქციის მომხმარებლის აბსოლუტურად უუფლებო მდგომარეობის დაკანონებას, რომელიც მიზანმიმართულად განხორციელდა `მაუწყებლობის შესახებ~ და `მავნე ზეგავლენისაგან არასრულწლოვანთა დაცვის შესახებ~ კანონებში ცვლილებების შეტანის შემდეგ (2007 წლის აპრილში). ამ უკანონობის დაკანონება დასრულდება `მაუწყებელთა ქცევის კოდექსის~ განსახილველი პროექტის მიღების შედეგად. უნდა აღინიშნოს, რომ ყოველივე ეს ეწინააღმდეგება საქართველოს კონსტიტუციის 42-ე მუხლს, რომლითაც სასამართლოში უფლების დაცვა გარანტირებულია.
თვითრეგულირებით შეიძლება დარეგულირდეს კოდექსით გათვალისწინებული სავალდებულო პრინციპებისა და წესების შესრულება, თუ თვითრეგულირების ორგანოს გადაწყვეტილება დამაკმაყოფილებელი იქნება, თუ არა _ მიგვაჩნია, რომ იგი უნდა გასაჩივრდეს დამოუკიდებელ ორგანოში _ საზოგადოებრივ საბჭოში, რომელიც უნდა დააფინანსოს სახელმწიფომ და იყოს ანგარიშვალდებული პარლამენტის წინაშე. საზოგადოებრივ საბჭოს, ჩვენი აზრით, უნდა ჰქონდეს უფლება სამაუწყებლო პროდუქციის კლასიფიკაციისა და მონიტორინგისა. მესამე საფეხური _ სასამართლო უნდა იყოს. მას უნდა გადაეცეს ის საქმეები, რომელთა დარეგულირებაც ვერ ხერხდება ვერც თვითრეგულირების ორგანოებისა და ვერც საზოგადოებრივი საბჭოს მეშვეობით.

ორმაგი სტანდარტები:

22-ე მუხლის 1 პუნქტში წერია, რომ `მაუწყებელი უნდა შეეცადოს მაქსიმალურად დაიცვას სარედაქციო დამოუკიდებლობა და პროფესიული თავისუფლება პოლიტიკური, ფინანსური, იდეოლოგიური, რელიგიური და სხვა სახის ზეწოლისაგან~. ვერ ვიტყვით, თუ რამდენად დაიცავს რაიმე ზეწოლისაგან ამ პროექტის დებულებები მაუწყებლებს, თუმცა ერთი ნათელია, რომ იდეოლოგიური წნეხისგან იგი დაცული არ იქნება, რადგან `მაუწყებლობის პრინციპები განსაზღვრავენ მაუწყებლის პროფესიულ სტანდარტებს თავისუფალ, ლიბერალურ და დემოკრატიულ სახელმწიფოში და სავალდებულოა შესასრულებლად~ (მ. 2, 3). კონსტიტუციის თანახმად საქართველოს სახელმწიფო არის თავისუფალი და დემოკრატიული სახელმწიფო, რაც შეეხება ლიბერალიზმს _ ეს არის `თავისუფლების ინსტიტუტის~ მიერ აღიარებული იდეოლოგია, რომელსაც იგი თავს ახვევს საზოგადოებას კანონმდებლობაში მსგავსი უაპელაციო განცხადებების გატანით.
სრულიად გაუგებარია, რატომ არის მე-5 მუხლში, რომელსაც ჰქვია `კოდექსის მოქმედება~, ის ორი პუნქტი, რომელიც აკანონებს ორმაგ სტანდარტებს:
`1. მაუწყებელს უფლება აქვს, კოდექსის მოთხოვნათა და კოდექსში გათვალისწინებული წესების დარღვევის შემთხვევაში, დაასაბუთოს, რომ აღნიშნული ქმედება საზოგადოებისთვის უფრო სასიკეთოა და გაამართლოს იგი განსაკუთრებული საზოგადოებრივი ინტერესით (!!! ვის შეუძლია ამის ობიექტური განსაზღვრა?), თუმცა მან უნდა შეძლოს სარედაქციო პროცესის ნათლად და მკაფიოდ დემონსტრირება კოდექსის პრინციპების შესაბამისად.
2. კოდექსის წესებიდან გადახვევა დასაშვებია მხოლოდ კოდექსით განსაზღვრულ შემთხვევებში და გამართლებულ უნდა იყოს საზოგადოებრივი ინტერესით.~ (მ. 5)
მხოლოდ ეს ორი მუხლი განსაზღვრავს კოდექსის მოქმედებას!? კოდექსის პროექტით ასეა!
მე-18 მუხლის 22 პუნქტის თანახმად: `მაუწყებელმა განსაკუთრებული ყურადღება უნდა მიაქციოს 16 წლამდე ასაკის პირების პირადი ცხოვრების ხელშეუხებლობას~
იმავე მუხლის 23 პუნქტში კი წერია: `16 წლამდე ასაკის... მქონე პირის პირად ცხოვრებაში ჩარევა დასაშვებია, მხოლოდ მათი მშობლის ან სხვა კანონიერი წარმომადგენლის თანხმობით,... ან თანხმობის გარეშე~, თუ ასეთი `მოქმედება გამართლებულია საზოგადოებრივი ინტერესიდან გამომდინარე~.
მთლიანად ორმაგ სტანდარტებზეა აგებული IX თავი. `ზიანისა და შეურაცხყოფისაგან დაცვის პრინციპი~ და XIV თავი `არასრულწლოვანთა დაცვა~, მაგალითად, 24-ე მუხლის 1 პუნქტი აცხადებს:
`მაუწყებელმა უნდა დაიცვას საყოველთაოდ აღიარებული სტანდარტები, რათა უზრულველყოს საზოგადოების წარმომადგენელთა დაცვა მავნე და შეურაცხმყოფელი მასალისაგან~,
ხოლო იმავე მუხლის მე-2 პუნქტი აცხადებს, რომ `მაუწყებლის მიერ პოტენციურად შეურაცხმყოფელი მასალის ჩვენება გამართლებული უნდა იყოს სარედაქციო კონტექსტით. ამგვარი მასალა, როგორც წესი უნდა ემსახურებოდეს მნიშვნელოვან საზოგადოებრივ ან სარედაქციო ინტერესს და შეიძლება შეიცავდეს შეურაცხმყოფელ ლექსიკას, ძალადობის ან პორნოგრაფიის სცენებს, პიროვნების ღირსების დამცირებას ან დისკრიმინაციას~.
ან კიდევ: `მაუწყებელმა არ უნდა გადასცეს თვითმკვლელობის ან საკუთარი თავისთვის ზიანის მიყენების მეთოდები, გარდა იმ შემთხვევისა, როცა ეს რედაქციულად დასაბუთებულია ან გამართლებულია კონტექსტით~. (მ. 24, 4)
ასევე `იცავენ~ არასრულწლოვანებს:
ჯერ აცხადებენ, რომ `მაუწყებელმა უნდა უზრუნველყოს 18 წლამდე ახალგაზრდების დაცვა მავნე ზეგავლენისაგან~ (მ. 34, 1) და რომ `აკრძალულია მაუწყებლის მიერ ისეთი მასალის გადაცემა, რომელმაც შეიძლება ზიანი მიაყენოს არასრულწლოვანთა ფიზიკურ, გონებრივ ან სულიერ განვითარებას~ (მ. 34, 2), შემდეგ კი:
`სექსუალური სცენების ან სქესობრივი ურთიერთობის შესახებ განხილვების (!?) ეთერში გაშვება 23 საათიან წყალგამყოფამდე, გამართლებულია მხოლოდ საზოგადოებრივი ინტერესის არსებობისას (!?), ჯეროვნად შემოკლებული და რედაქტირებული ფორმით~ (მ. 35, 2);
`შეურაცხმყოფელი ლექსიკის გამოყენება დაუშვებელია 20 საათიან წყალგამყოფამდე, გარდა იმ შემთხვევებისა, როცა ეს გამართლებულია შესაბამისი კონტექსტით.~ (მ. 36);
`დაუშვებელია არასრულწლოვნის მიერ იოლად იმიტირებადი ძალადობრივი ან სახიფათო ქმედების გადაცემა... 20 საათიან წყალგამყოფამდე, თუ ამის ძლიერი სარედაქციო დასაბუთება არ არსებობს~ (მ. 37, 2-ბ);
`დაუშვებელია ნარკოტიკების უკანონო (!?) გამოყენების, ალკოჰოლის ან თამბაქოს არაჯეროვანი გამოყენების გადაცემა 20 საათიან წყალგამყოფამდე... თუ ამის ძლიერი სარედაქციო დასაბუთება არ არსებობს~ (მ. 38, 1). Eე.ი. ნარკოტიკის კანონიერი გამოყენების ჩვენება არ არის მავნე ზეგავლენის მომხდენი?
უნდა აღინიშნოს, რომ ბავშვების უმრავლესობა სწორედ 20 საათის შემდეგ უყურებს ტელევიზორს და ამიტომ არასრულწლოვანთა მავნე ზეგავლენისაგან დამცავ საათობრივ წყალგამყოფად 20 საათი ვერანაირად ვერ გამოდგება.
`თავისუფლების ინსტიტუტის~ პროექტი გვთავაზობს კლასიფიცირებისა და წყალგამყოფების ბუნდოვან მრავალსაფეხურიან სისტემას, რომელიც მოზარდებს ასაკის ზრდასთან ერთად (7, 12, 15, 18 წელი) თავს ახვევს უზნეობისა და უხამსობის, ძალადობისა და აგრესიის, ამასთანავე ფსიქოლოგიური ზემოქმედების სულ უფრო მზარდ დოზებს (მ. 34, 8, მ. 35, მ. 36, მ. 37, მ. 38, მ. 39, მ. 41, 3-16). იქმნება შთაბეჭდილება, რომ პროექტის ავტორები ცდილობენ საზოგადოებისთვის მიუღებელი `ზნეობრივი~ ნორმების თავს მოხვევას და მათ წარმოჩენას ზრდასრული ადამიანის ნორმალურ მოთხოვნილებად.
`პროგრამების განრიგის შედგენისას, მაუწყებელმა უნდა დაიცვას ბალანსი არასრულწლოვანთა მავნე ზეგავლენისაგან დაცვის უზრუნველყოფასა და ზრდასრული აუდიტორიის უფლებას შორის, დღის განმავლობაში მიიღოს ინფორმაცია~ (მ. 41, 2). პროექტისთვის დამახასიათებელი ბუნდოვანებითაა ჩამოყალიბებული ეს დებულებაც, თუმცა ძნელი გასარკვევი არ არის, რომ ისინი ჩვეულებრივ ინფორმაციაზე არ საუბრობენ ამ შემთხვევაში, არამედ ისეთ ინფორმაციაზე, რომელიც არ უზრუნველყოფს არასრულწლოვანთა დაცვას მავნე ზეგავლენისაგან, და ამართლებენ ამას თითქოსდა ზრდასრული ადამიანების სურვილითა და უფლებით, ისეთი სტანდარტების სამაუწყებლო პროდუქციით ისარგებლონ, რომელსაც ამ `ქცევის კოდექსით~ მისი ავტორები უწესებენ საზოგადოებას.
აი ეს სტანდარტები:
`18 წლამდე არასრულწლოვანთათის შეუფერებლად~, (ხოლო ზრდასრულთათვის შესაფერისად), `ჩაითვლება პროგრამა, თუ ის შეიცავს:
ა) სქესობრივი აქტის ან სექსუალური ძალადობის ამსახველ გრაფიკულ სცენებს;
ბ) არასრულწლოვნებს შორის ან გაუკუღმართებული ფორმით ურთიერთობის ამსახველ სცენებს;
გ) ძალადობის ამსახველ ხანგრძლივ სცენებს;
დ) ნარკოტიკების დამზადებისა და მოხმარების გამართლებას ან მოწონებას.~ (მ. 41, 3)
`15 წლამდე არასრულწლოვანთათის შეუფერებლად~, (ხოლო 15 წლის ზემოთ მოზარდთათვის შესაფერისად), `ჩაითვლება პროგრამა, თუ ის შეიცავს:
ა) სიშიშვლეს სექსუალურ კონტექსტში, სექსუალურ სცენებს ან სექსუალური აქტის გრაფიკულ ახსნას;
ბ) ძალადობის ამსახველ სცენებს ახლო ხედით (გარდა ისტორიული, კომედიური ან გასართობი პროგრამებისა);
გ) თვითმკვლელობის, მკვლელობის ან სიკვდილით დასჯის სცენები გრაფიკული დეტალებით;
დ) იოლად ხელმისაწვდომი საყოფაცხოვრებო იარაღის გამოყენებას (დანა, ნაჯახი და ა.შ.) ზიანის მიყენების მიზნით ან მკვლელობისთვის;
ე) უკიდურესად შეურაცხმყოფელ ლექსიკას, გარდა იმ შემთხვევებისა, როცა ეს გამართლებულია კონტექსტით; (ანუ თუ კონტექსტით გაამართლებენ, ეს აღარ იქნება შეუფერებელი 15 წლამდე მოზარდებისთვის!?). (მ. 41, 4)
`12 წლამდე არასრულწლოვანთათის შეუფერებლად~, (ხოლო 12 წლის ზემოთ მოზარდთათვის შესაფერისად), `ჩაითვლება პროგრამა, თუ ის შეიცავს:
ა) სექსუალურ სცენებს ან ძალადობას (გარდა ისტორიული, კომედიური ან გასართობი პროგრამებისა); (ანუ თუ პროგრამა ისტორიული, კომედიური ან გასართობია და შეიცავს სექსუალურ ან ძალადობის სცენებს, პროექტის ავტორები მიიჩნევენ მას 12 წლამდე მოზარდთათვის შესაფერისად);
ბ) ნარკოტიკული საშუალებების შესახებ მითითებას ან შეურაცხმყოფელ ლექსიკას. (მ. 41, 5)
`7 წლამდე არასრულწლოვანთათის შეუფერებელ პროგრამებს მაუწყებელი ადგენს საკუთარი კრიტერიუმებით~ (მ. 41, 6)
თითქოს-და შეუზღუდავი პროგრამები, რომელთა ყურებაც არცერთი ასაკის ადამიანს არ უნდა აზიანებდეს და უნდა იცავდნენ საყოველთაოდ აღიარებულ ზნეობრივ ნორმებს, მაგრამ აქაც აქვთ პროექტის ავტორებს `სიურპრიზი~ _ `სიშიშვლე არასექსუალური კონტექსტით~ (მ. 41, 7). ვნახოთ, პროექტის ავტორები, რას გულისხმობენ სიშიშვლეში:
მუხლი 6. `ტერმინთა განმარტება~
`ჩ) შიშველი სხეული _ ადამიანის სხეული, რომელზეც გამოსახულია სასქესო ორგანოები.~ დასკვნები თავად გამოიტანეთ.
ჩვენი წინადადებაა სამაუწყებლო პროგრამები დაიყოს ორ ნაწილად ზრდასრულთათვის და არასრულწლოვანთათვის 18 წლამდე და ისინი გაიმიჯნონ 24:00 საათის წყალგამყოფით, ხოლო პროგრამების ზნეობრივი მხარე შეესაბამებოდეს ქართულ საზოგადოებაში საყოველთაოდ აღიარებულ ზნეობრივ პრინციპებს.
აღარ შევეხებით ენობრივი გაუმართაობის უამრავ შემთხვევას, გამოვყოფთ მხოლოდ რამდენიმე `მარგალიტს~:
`კოდექსი ეყრდნობა მაუწყებელთა ქცევის შემდეგ პრინციპებს:
ა) მიუკერძოებელი და ზუსტი ინფორმაციის უზრუნველყოფის ვალდებულებას, სიტყვისა და გამოხატვის თავისუფლებას, ჟურნალისტთა პროფესიული თავისუფლების, სარედაქციო დამოუკიდებლობის და საზოგადოებრივი ანგარიშვალდებულების, საინფორმაციო და სამოქალაქო საზოგადოების ჩამოყალიბების ხელშეწყობას.~ (მ. 3, 1). ვერ მოვყვებით წინადადების გარჩევას, მაგრამ ვინ იცის, რას ნიშნავს `საზოგადოებრივი ანგარიშვალდებულება~?, ან `საინფორმაციო საზოგადოების ჩამოყალიბება~?
და კიდევ:
`წყალგამყოფი გამოიყენება საოჯახო ჩვენების, სხვადასხვა კატეგორიის არასრულწლოვანთათვის მავნე ზეგავლენის მომხდენი შესაფერებელი და ზრდასრული აუდიტორიისათვის განკუთვნილი პროგრამების გასამიჯნად და არის სამი სახის: 20:00 საათი, 22:00 საათი, 24:00 საათი~ (მ. 41, 9).

ზემოთ მოყვანილი მაგალითებიდან ნათლად ჩანს, რომ `მაუწყებელთა ქცევის კოდექსის~ პროექტი გაუმართავია, როგორც იურიდიულად, ასევე ზნეობრივად და ენობრივად და მისი მიღება ამ სახით ყოვლად დაუშვებელია.
კოალიციის წევრები და ჩვენი მხარდამჭერები მოვითხოვთ:
1. გადაიდოს `მაუწყებელთა ქცევის კოდექსის~ მიღება გონივრული ვადით, რათა შემუშავდეს ახალი პროექტი.
2. შეწყდეს `თავისუფლების ინსტიტუტის~ დიქტატი კომუნიკაციების მარეგულირებელ ეროვნულ კომისიაში და მიეცეს საშუალება სხვა დაინტერესებულ ჯგუფებს, მათ შორის ჩვენც, ნორმალურ ვითარებაში საკითხის საჯარო განხილვისა, ფართო საზოგადოების ინფორმირებითა და ჩართულობის უზრუნველყოფით.
3. `მაუწყებელთა ქცევის კოდექსის~ ახალი პროექტის შესამუშავებლად შეიქმნას მუშა ჯგუფი, რომელშიც ექნებათ უფლება აქტიური თანამშრომლობისა, ჩვენი კოალიციის წარმომადგენლებს და ასევე სხვა დაინერესებულ ჯგუფებსა თუ პირებს.
4. მიეცეს კოალიციას `მოძრაობა ზნეობრივი საქართველოსათვის~ შესაძლებლობა საზოგადოებრივი მაუწყებლის პირდაპირი ეთერით გააცნოს საზოგადოებას თავისი შენიშვნები და წინადადებები. ასეთივე უფლება მიეცეს ყველა სხვა დაინტერესებულ ჯგუფს.

კვლავ ვაცხადებთ, რომ თუ არ იქნება გათვალისწინებული ჩვენი სავსებით კანონიერი მოთხოვნები და საზოგადოებრივი აზრის სრული იგნორირებით მოხდება ამ ანტიკონსტიტუციური, ანტისახელმწიფოებრივი და საქართველოს მოქალაქეთა დიდი უმრავლესობის უფლებებისა და ღირსების შემლახავი დებულებების დაკანონება, იძულებული ვიქნებით ვაღიაროთ, რომ ძალადობის, უხამსობისა და უზნეო ცხოვრების წესის პროპაგანდა სახელმწიფოებრივი ზრუნვის საგანი ხდება, რამაც შეიძლება ჩვენი საზოგადოება და სახელმწიფოებრიობა დამანგრეველ შედეგებამდე მიიყვანოს. ამიტომ სხვა გზა არ დაგვჩება, და მოგვიწევს მივმართოთ კანონით დაშვებული წინააღმდეგობის ყველა ფორმას.


--------------------
„ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4)
User is offlineProfile CardPM
Go to the top of the page
+Quote Post
კანუდოსელი
პოსტი Jul 8 2008, 10:41 AM
პოსტი #2


Advanced Member
***

ჯგუფი: Members
პოსტები: 8,829
რეგისტრ.: 2-November 06
მდებარ.: კანუდოსი
წევრი № 374



არ ვუჭერ მხარს...ყველაფერს თავი რომ დაანებო, დაწერილია ისტერიული ენით


--------------------
ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს.
ბყკ :-)
ბ - ბუდისტ
ყ - ყრმათა
კ - კავშირი
User is offlineProfile CardPM
Go to the top of the page
+Quote Post
Giorgi-
პოსტი Jul 8 2008, 10:44 AM
პოსტი #3



***

ჯგუფი: Members
პოსტები: 3,280
რეგისტრ.: 23-May 07
წევრი № 2,001



კანუდოსელი
კანონისტი

პრეზიდენტმა შეიძლება გკითხოს რა გინდათ შვილო, თქვენი სიტყვებით მითხარითო biggrin.gif
User is offlineProfile CardPM
Go to the top of the page
+Quote Post
T I K O
პოსტი Jul 8 2008, 11:03 AM
პოსტი #4


Advanced Member
***

ჯგუფი: Members
პოსტები: 2,328
რეგისტრ.: 14-January 08
წევრი № 3,632



ძლივს ჩავათავე biggrin.gif

მთლიანობაში მხარს ვუჭერ, თუმცა ტექსტის დახვეწა არ იქნებოდა ურიგო smile.gif


--------------------
An eye for eye only ends up making the whole world blind.
User is offlineProfile CardPM
Go to the top of the page
+Quote Post
ნაინა
პოსტი Jul 8 2008, 11:16 AM
პოსტი #5


პროვინციელი ალქაჯი!!!!!
***

ჯგუფი: Senators
პოსტები: 15,155
რეგისტრ.: 11-May 07
მდებარ.: ,,მოუსავლეთი'' მიჩიგანის კოლმეურნეობა.
წევრი № 1,886



უპს, ნამეტანი რთულადაა საქმე.

მთლიანობაში კი ბატონო, გასაგებია და საჭიროც, მაგრამ სადაც აგზავნით, არის ვინმე ამის წამკითხველი ვითომ?
მეინტერესება ნამეტანი tongue.gif biggrin.gif


--------------------
________________________________________________

გიგრძვნიათ ოდესმე სუსხიან ზამთარში,
მზისგან მოგზავნილი სხივების სინაზე?
ხანდახან გულნატკენს ტირილი რომ გინდათ...
და მაინც იცინით სუყველას ჯინაზე...
________________________________________________
User is offlineProfile CardPM
Go to the top of the page
+Quote Post
tamuna m
პოსტი Jul 8 2008, 04:18 PM
პოსტი #6


კატეგორია: მოკვდავი
***

ჯგუფი: Senators
პოსტები: 4,790
რეგისტრ.: 4-February 08
მდებარ.: არც იქით და არც აქეთ
წევრი № 3,842



ხო, ცოტა არეულად არის...
ჩამოყალიბება არ აწყენდა, მაგრამ მაინც კარგია და აუცილებელი!
მხარს ვუჭერ!
ისე, სადაც ჩვენ წავიკითხეთ, წესით "იქაც" უნდა წაიკითხონ და არ დაიოზარონ (მაგრამ, წესით laugh.gif )


--------------------

.....................
ენა მაქვს ძირში ამოსაგლეჯი, მაგრამ ვერავინ რისკავს
.....................
სენატორიც თავიდან რიგითი იუზერი იყო :D
...................
პ. ს. ბავშვობაში ყველა ხატავს
User is offlineProfile CardPM
Go to the top of the page
+Quote Post
ნათია
პოსტი Jul 8 2008, 04:35 PM
პოსტი #7


Miss invisible
***

ჯგუფი: მოდერატორ-ფინანსისტი
პოსტები: 18,669
რეგისტრ.: 28-February 07
წევრი № 1,224



უფრო თუ შეამოკლებენ ტექსტს წასაკითხათ უკეთესი იქნება...


სად აქვს ამდენი დრო
ციტატა
პრეზიდენტს, სამთავრობო და არასამთავრობო, ორგანიზაციებს

რომ ამხელა ტექსტი იკითხოს


მოკლედ და კონკრეტულად დაიწეროს...

არ მაქვს დრო ახლა ამის წაკითხვის, თუ მოვიცალე გადავავლებ თვალს


--------------------
პატიოსნება ჩვენი დროის ჭეშმარიტი არისტოკრატიზმია!
User is offlineProfile CardPM
Go to the top of the page
+Quote Post
tetnuldi
პოსტი Jul 8 2008, 04:45 PM
პოსტი #8


Member
**

ჯგუფი: Members
პოსტები: 309
რეგისტრ.: 7-May 08
მდებარ.: Tbilisi
წევრი № 4,758



მეც მხარს ვუჭერ მიმართვას. გრძლად რომ წერია, საჭიროა, მყარი დასაბუთებისთვის. ვინმეს წაგიკითხავთ თვითონ ის ქცევის კოდექსის პროექტი? იმდენი უაზრობაა, ვერ დაითვლით. რა ექნათ?
ისე , გვეზარება ხოლმე სერიოზულ საკითხებზე მსჯელობა. ხანდახან საკითხში ღრმად უნდა გაერკვე და ცოტა მეტიც წაიკითხო.

კანუდოსელო, სად იხილე ისტერიული ტონი ჩვენც მიგვანიშნე.
თუ ის ე.წ. ზნეობრივი სტანდარტებია შენთვის მისაღები იმ პროექტით რომ მკვიდრდება?
ან კიდევ კანონისტო, პირველი შენ აყვირდებოდი, დაუსაბუთებელი ბრალდებებიაო. დასაბუთებას დასჭირდა გრძლად დაწერა, მე ასე მგონია. მოკლედ, მხოლოდ შეფასებები რომ ყოფილიყო, დაუსაბუთებელი გამოვიდოდა. ახლა კი ყველაფერი ნათლად ჩანს.


--------------------
www.axalgazrdoba.ge
User is offlineProfile CardPM
Go to the top of the page
+Quote Post
orthodox-georgia
პოსტი Jul 8 2008, 05:02 PM
პოსტი #9


----
***

ჯგუფი: Members
პოსტები: 2,373
რეგისტრ.: 13-May 08
მდებარ.: იქ
წევრი № 4,815



ციტატა
2. შეწყდეს `თავისუფლების ინსტიტუტის~ დიქტატი კომუნიკაციების მარეგულირებელ ეროვნულ კომისიაში და მიეცეს საშუალება სხვა დაინტერესებულ ჯგუფებს, მათ შორის ჩვენც, ნორმალურ ვითარებაში საკითხის საჯარო განხილვისა, ფართო საზოგადოების ინფორმირებითა და ჩართულობის უზრუნველყოფით.

+1

ტექსტი ცოტა ბევრი მეჩვენება. ალბათ დაიხვეწება.
მთლიანობაში კარგი იდეაა.

პ.ს მთლიანი ტექსტი ვერ წავიკითხე მისი დიდი მოცულობის გამო


--------------------
ამ ბოლო დროს ისედაც არ ვიკლავდი თავს აქ შემოსვლით და ვატყობ სწორადაც ვიქცეოდი. აქ ჩემი "აგრესიის" გარეშე გაცილებით კარგად გრძნობენ თავს და აღარ შევაწუხებ ამის მეტი არავის. აწი მილოცვების და პატრიარქის ქადაგების მეტი თუ სადმე რამე დავწერო, შეგიძლიათ ბანი დამადოთ :)

ყველას შენდობას ვთხოვ ვისაც რამე გეწყინათ ჩემგან.

ღმერთს ებარებოდეთ!

პატივისცემით თქვენი orthodox-georgia
20.01.2012
User is offlineProfile CardPM
Go to the top of the page
+Quote Post
კანუდოსელი
პოსტი Jul 8 2008, 05:03 PM
პოსტი #10


Advanced Member
***

ჯგუფი: Members
პოსტები: 8,829
რეგისტრ.: 2-November 06
მდებარ.: კანუდოსი
წევრი № 374



ციტატა(tetnuldi @ Jul 8 2008, 04:45 PM) *

კანუდოსელო, სად იხილე ისტერიული ტონი ჩვენც მიგვანიშნე.

გამოცხადება მქონდა biggrin.gif


--------------------
ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს.
ბყკ :-)
ბ - ბუდისტ
ყ - ყრმათა
კ - კავშირი
User is offlineProfile CardPM
Go to the top of the page
+Quote Post
კანონისტი
პოსტი Jul 8 2008, 05:06 PM
პოსტი #11


დავით
***

ჯგუფი: Members
პოსტები: 16,930
რეგისტრ.: 17-October 06
მდებარ.: თბილისი, საქართველო
წევრი № 284



tetnuldi
ციტატა
პირველი შენ აყვირდებოდი, დაუსაბუთებელი ბრალდებებიაო

უკაცრავად, ასე აგრესიულად რატომ?

თუ გგონია, მაგ ტექსტის შემუშავებაში მე არ მაქვს მონაწილეობა მიღებული?


--------------------
„ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4)
User is offlineProfile CardPM
Go to the top of the page
+Quote Post
tetnuldi
პოსტი Jul 8 2008, 05:45 PM
პოსტი #12


Member
**

ჯგუფი: Members
პოსტები: 309
რეგისტრ.: 7-May 08
მდებარ.: Tbilisi
წევრი № 4,758



კანუდოსელო! ისე, სერიოზულად, როგორ ფიქრობ, რაც ამ მიმართვაში წერია, მხარდასაჭერი არაა?
შენ მიგაჩნია, რომ ჩვენს სამაუწყებლო სივრცეში ყველაფერი რიგზეა? არასრულწლოვანთათვის მავნე ზეგავლენას არ ახდენს ის, რასაც მაუწყებლები გადასცემენ. ან შენ თვითონ არ გაყენებს შეურაცხყოფას ის ე.წ. სექსუალური სცენები, ძალადობა, აგრესია, ვამპირებიანი მულტფილმები, ბილწსიტყვაობა და ა.შ. რის დაკანონებასაც ცდილობენ?
სახარებაში ხომ ამბობს უფალი - ვინც, თუნდაც ერთ მცირეთაგანს ჩემს მორწმუნეს დააბრკოლებსო, უკეთესიაო მისთვის წისქვილის ქვა ჩამოიკიდოსო კისერზე და წყალში გადავარდესო. და შენ როგორ ფიქრობ, რამდენ ადამიანს დააბრკოლებს ცოდვის ტირაჟირება სამაუწყებლო სივრცეში? და შენ ამას მხარს დაუჭერ?
კანონისტ, გაიხარე. შენც მიიღე ამ მიმართვის შედგენაში მონაწილეობა? და შენ თვლი, ბოლო აბზაცი საკმარისია სურათის წარმოსაჩენად?


--------------------
www.axalgazrdoba.ge
User is offlineProfile CardPM
Go to the top of the page
+Quote Post
.ნინო
პოსტი Jul 9 2008, 12:17 AM
პოსტი #13


ნინო
***

ჯგუფი: Members
პოსტები: 3,842
რეგისტრ.: 29-December 06
წევრი № 765



ციტატა
და შენ თვლი, ბოლო აბზაცი საკმარისია სურათის წარმოსაჩენად?


წასაკითხად ადვილია smile.gif მაგრამ გეთანხმები რომ დასაბუთება სჭირდებოდა იმ ბოლო ნაწილს თორემ ისევ აყვირდებოდნენ უსაფუძვლო ბრალდებააო...

თუმცა მაგის გამართულობაზე იურისტებმა და ფილოლოგებმა იდავონ... მე არ ვარ კომპეტენტური...

დათანხმებით კი ვეთანხმები, მაგრამ კითხვა მაქვს...
რისი პრესკომფერენცია იყო 2 საათზე, გაშუქდა რომელიმე არხზე საინფორმაციოში? "ortodoxy.ge"- გარდა, მე პირადად არც ტელევიზიაში მინახავს რამე და არც ინტერნეტში წავწყდომივარ სადმე...


--------------------
აცხოვნე, ღმერთო, ერი შენი და აკურთხე სამკვიდრებელი შენი, ძლევა ჯვარითა ბარბაროსთა ზედა ღვთივდაცულსა ერსა შენსა მოანიჭე და ერი შენი საფარველსა ქვეშე მისსა დაიცევ, რათა ვიტყოდეთ, უფალო, დიდება შენდა.

საქართველო იქნება მთლიანი!

ნებით ქართველი არ თმობს საშობლოს, განა ადვილი დასათმობია...
User is offlineProfile CardPM
Go to the top of the page
+Quote Post
კანუდოსელი
პოსტი Jul 10 2008, 12:57 PM
პოსტი #14


Advanced Member
***

ჯგუფი: Members
პოსტები: 8,829
რეგისტრ.: 2-November 06
მდებარ.: კანუდოსი
წევრი № 374



ციტატა(tetnuldi @ Jul 8 2008, 05:45 PM) *

კანუდოსელო! ისე, სერიოზულად, როგორ ფიქრობ, რაც ამ მიმართვაში წერია, მხარდასაჭერი არაა?
შენ მიგაჩნია, რომ ჩვენს სამაუწყებლო სივრცეში ყველაფერი რიგზეა?


არა, არ მიმაჩნია, უბრალოდ მე მგონია, რომ თავდასხმა უნდა იყოს ისეთი, რომ მინიმუმ ყური დაგიგდონ და თავიდანვე არ მოგიყრუონ იმ მოტივით, რომ "აგერ ნახეთ, ისევ ეს მართლმადიდებლები აყაყანდნენო..." - ასეთი სტერეოტიპი არსებობს და არცთუ დაუსაბუთებელი.

ეკლესია დამსჯელი ორგანო არაა ის საერთოდ არანაირი ორგანო არაა და მით უმეტეს ინსტიტუტი, რომ მკაცრ ფორმებში რეკომენდაციებს იძლეოდეს, ეკლესიას უნდა ჰქონდეს გამომუშავებული სათანადო ენა საზოგადოებასთან ურთიერთობისა - ჩემი დაკვირვებით, ჯერჯერობით ეს ურთიერთობა იგივე ხასიათს ატარებს, როგორსაც ბარიკადების მეორე მხარეს მდგომი ტელევიზია - პოსტსაბჭოთა მენტალიტეტი, რომელიც ერთ მხარეს ქრისტიანობას გარდაქმნის იდეოლოგიად, ხოლო მეორე მხარეს - დემოკრატიას


--------------------
ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს.
ბყკ :-)
ბ - ბუდისტ
ყ - ყრმათა
კ - კავშირი
User is offlineProfile CardPM
Go to the top of the page
+Quote Post
მხევალი ნინო
პოსტი Jul 10 2008, 01:59 PM
პოსტი #15


ზღაპრის ბოლო კეთილია..
***

ჯგუფი: Senators
პოსტები: 25,889
რეგისტრ.: 19-December 06
წევრი № 715



კანუდოსელი
ციტატა
გამოცხადება მქონდა



შენც ბრუტუს?


არ წამიკიტხია, თუმცა მხარს ვუჭერ smile.gif


--------------------
ჩვენ ვინც ქრისტიანობა დაგვაბრალა ....

დიდება შენდა, რომელმან მოგვფინე ნათელი

-Поверь мне Карлсон, Не в пирогах счастье. -Да ты что, с ума сошёл?! А в чем же ещё? ©
User is offlineProfile CardPM
Go to the top of the page
+Quote Post
piligrimi
პოსტი Jul 10 2008, 03:57 PM
პოსტი #16


piligrimi
***

ჯგუფი: Members
პოსტები: 1,496
რეგისტრ.: 6-March 07
მდებარ.: saqartvelo
წევრი № 1,278



კიდევ კარგი მაგ მიმართვის სათურში არ წერია საქართველოს მთავრობასაცო smile.gif

ძალიან გადატვირთული ტექსტია მართლა, ჯერ სერიოზულად ვერც გავეცანი


--------------------
"ყოველ ადამიანში არის ის, რის გამოც შეიძლება გიყვარდეს ან გეცოდებოდეს მაინც,
ამიტომ ადვილად ნურავის გაიმეტებ"
User is offlineProfile CardPM
Go to the top of the page
+Quote Post
Iona
პოსტი Jul 10 2008, 06:10 PM
პოსტი #17


Member
**

ჯგუფი: Members
პოსტები: 943
რეგისტრ.: 6-February 07
წევრი № 1,025



რამე რეაქცია მოჰყვა ამ წერილს თუ ყურიც არავინ შეიბერტყა?


--------------------
ვაჲ ჩუენდა შენ მიერ, ჵ სიკუდილო, რამეთუ თანა-მდები ხარ უწყალოჲ, რომელი არავის მიუტევებ, და მოსესხე ხარ სასტიკი, რომელი არა გარდაიჴადები. და მტაცებელი ხარ ძლიერი, რომელი არა დააცადებ; და მპარავი ხარ მღჳძარე, რომელსა არა გრცხუენის; და ჴელმწიფე ხარ მბრძანებელი, რომელსა არა გეშინის...
User is offlineProfile CardPM
Go to the top of the page
+Quote Post
sable
პოსტი Jul 10 2008, 06:42 PM
პოსტი #18


Advanced Member
***

ჯგუფი: Members
პოსტები: 1,694
რეგისტრ.: 29-August 07
წევრი № 2,651



ერთი რა ხეირი ექნება მაგ მიმართვას ძალიან მაინტერესებს, მე მგონი არც

არაფერი, მიტინგიც რომ მოაწყო მაინც.


--------------------
გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ
პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ
კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ
შემდეგ მე მომადგნენ და აღარავინ იყო დარჩენილი ხმა რომ ამოეღო
User is offlineProfile CardPM
Go to the top of the page
+Quote Post
kmunebi
პოსტი Jul 10 2008, 07:40 PM
პოსტი #19


ლაშა–გიორგი
***

ჯგუფი: Members
პოსტები: 1,367
რეგისტრ.: 11-April 08
მდებარ.: ბათუმი (Porto Franco)
წევრი № 4,538



ვიზიარებ. smile.gif


--------------------
"გამარჯვება ერთისა თუ მეორისა, ჰოსი თუ არასი, ყოველთვის არა ჰნიშნავს ჭეშმარიტების გამარჯვებას, მაგრამ მაინც ჰოსა და არას ჭიდილია ერთად-ერთი გზა ჭეშმარიტების აღმოჩენისა და პოვნისა"

ილია ჭავჭავაძე
User is offlineProfile CardPM
Go to the top of the page
+Quote Post
mwereli
პოსტი Jul 11 2008, 09:28 PM
პოსტი #20


tornike
*

ჯგუფი: Members
პოსტები: 43
რეგისტრ.: 6-July 08
მდებარ.: tbilisi.saburtalo
წევრი № 5,276



კაი თუ არაფერი აზრი არ ექნება მაშინ იქნებ ვინმემ უკეთესი თქვას.მართლა!პასუხიც იქნება და ყველაფერი.მესმის რომ წასაკითხად ძნელია,მაგრამ წარმოიდგინეთ მისი დამუშავება რამდენად ძნელია ხო?ჩვენ ორი წლის განმავლობაში ამაზე ვმუშაობდით და მზა სახით გამოვიტანეთ საზოგადოების წინაშე.იმედი გვაქვს მხარდაჭერის იმიტომ რო ეს ყველას ეხება და ყველასთან მიდის სახლში უხამსობა და ძალადობა,არა მგონია ვინმეს მოწონდეს ეს.რაც შეეხება გამოხმაურებას,ინტერნეტითაც იყო და გაზეთებითაც,ასევე გააშუქა "კავკასიამ"."რუსთავზეც" ყოფილა მცირედ.9 ივლისის და 10 ივლისის"რეზონანსში"ძაან ვრცელი სტატიაა და თანაც კარგი.10 ივლისის "ყველა სიახლენშიცაა"სტატია. ინტერნეტში მედია.ჯი სულ წერს ჩვენზე.და სხვებიც(ფაქტი.ჯი...)საპატრირქოს ტელევიზიაზე ორჯერ აჩვენეს ჩვენი გადაცემა,საპატრიარქოს რადიოშივე ასევე ორჯერ იყო ამაზე გადაცემა,"საპატრიარქოს უწყებანმაც" დაბეჭდა და მრევლთან მივიდა ეს ინფორმაცია.შაბათს რადიო იმედის დღის თემა იქნება და იქაც ჩვენ ვიქნებით.თან უნდათ ჩვენი დაბლოკვა მაგრამ არ გამოდით.ორშაბათს საზოგადოებრივ მაუწყებელს ვხვდებით ამ თემაზე....და თუ კაცმა მისი შინაარსი არ წაიკითხე, საფუძვლიანად როგორ გეცოდინება?მერწმუნეთ რომ ღირს ბრძოლა,ოღონდ დაკვირვებით,არგუმენტებით,კომ
პეტენტურობით,ცოდნით და მადლით.უფალი მეფობს და ის აღასრულებს ყოველივეს,უბრალოდ შენც უნდა მოინდომო ცოტა.რა ვიცი იმედია მეტად დაგვიდგებით მხარში სიტყვით მაინც,ძალიან ბევრს ნიშნავს ესეც. პატივისცემით და სიყვარულით თორნიკე კვინიკაძე

ციტატა(sable @ Jul 10 2008, 06:42 PM) *

ერთი რა ხეირი ექნება მაგ მიმართვას ძალიან მაინტერესებს, მე მგონი არც

არაფერი, მიტინგიც რომ მოაწყო მაინც.



--------------------
უფალი მეფობს!

იპოვე საკუთარი გულის კარები,და ნახავ რომ ის ცათა სასუფევლის კარია.
User is offlineProfile CardPM
Go to the top of the page
+Quote Post

6 გვერდი V  1 2 3 > » 
Reply to this topicStart new topic
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:

 



მსუბუქი ვერსია ახლა არის: 28th March 2024 - 07:13 PM

მართლმადიდებლური არხი: ივერიონი

ფორუმის ელექტრონული ფოსტა: იმეილი