ფილოსოფიის შესახებ, ქრისტიანულისა თუ არაქრისტიანულის პარამეტრები

[A.V.M]

ახლახანს ვათვალიერებდი ფორუმის განყოფილებებს და ვერ მივაკვლიე ფილოსოფიის შესახებ თემას , რაც ჩემი აზრიც ძალიან ცუდია . თქვენის ნებართვით დავიწყებ ამ თემის შესახებ საუბარს და იმედი მაქვს რომ იაქტიურებთ . შესაძლებელია კაცი არ იყოს მართლმადიდებელი , ქრისტიანი , საერთოდ ათეისტი იყოს , მაგრამ ეს ისეთი საკითხია , რომელზეც ჩემი აზრით , ყველას გვაქვს შეხების წერტილები , განურჩევლად რწმენისა , ეთნიკური კუთვნილებისა თუ სქესისა . მაშ ასე :

,, ღმერთი არს ჩვენთან ! ვიწყებ ! ''

პირველი პოსტში დავიხმარ ვიკიპედიას და დანარჩენი განვაგრძოთ .

ფილოსოფია — მეცნიერება, მსოფლმხედველობა, იდეების და შეხედულებების სისტემა სამყაროზე და მასში ადამიანის ადგილზე. მისი კვლევის საგანია სამყაროსთან ადამიანის შემეცნებითი, სოციალურ-პოლიტიკური, ღირებულებითი, ეთიკური და ესთეტიკური ურთიერთობები. ფილოსოფიის სხვადასხვა პრობლემების გადასაჭრელად იყენებდნენ ისეთ ურთიერთსაწინააღმდეგო მიმართულებებს, როგორებიცაა: დიალექტიკა და მეტაფიზიკა, რაციონალიზმი და ემპირიზმი, მატერიალიზმი და იდეალიზმი, ნატურალიზმი და სპირიტუალიზმი, დეტერმინიზმი და ინდეტერმინიზმი და ა. შ.
თანამედროვე ფოლოსოფიის ძირითადი ტენდენციები დაკავშირებულია ისეთი ფუნდამენტური პრობლემების გააზრებასთან, როგორებიცაა თანამედროვე ცივილიზაციის ბედი, კულტურების მრავალფეროვნება და ერთიანობა, ადამიანის შემეცნების ბუნება, ყოფიერება და ენა.

ეტიმოლოგია

სიტყვა ფილოსოფია მომდინარეობს ბერძნულიდან (Φιλοσοφία, philosophia) და ნიშნავს „სიბრძნის მოყვარეს“. ამ ტერმინს ხშირად იყენებენ „კონცეფციის“ მნიშვნელობით: ურბანიზაციის ფილოსოფია, სასკოლო განათლების ფილოსოფია და ა. შ.

ფილოსოფიური სკოლები
აგნოსტიციზმი – არისტოტელიზმი – აპრიორიზმი – ეგზისტენციალიზმი – ემპირიზმი – ეპიკურეიზმი– ვოლუნტარიზმი – თომიზმი – იდეალიზმი – ირაციონალიზმი – მარქსიზმი – მატერიალიზმი – მოდერნიზმი – ნეოპლატონიზმი – ნიჰილიზმი – რაციონალიზმი – პლატონიზმი – პოსტმოდერნიზმი – პრაგმატიზმი – სტოიციზმი – სქოლასტიციზმი – ფატალიზმი

ფილოსოფიის ისტორიული ფორმები
აღმოსავლური ფილოსოფია – ებრაული ფილოსოფია – ინდური ფილოსოფია – ისლამური ფილოსოფია – ჩინური ფილოსოფია – დასავლური ფილოსოფია: ანტიკური ფილოსოფია – გვიან ანტიკური ფილოსოფია – შუა საუკუნეების დასავლური ფილოსოფია – აღორძინების ხანის დასავლური ფილოსოფია – ახალი დროის დასავლური ფილოსოფია – თანამედროვე დასავლური ფილოსოფია

გამოჩენილი ფილოსოფოსები :
ავგუსტინე ნეტარი – ავეროესი – ავიცენა – არისტოტელე – ბეკონი, ფრენსის – ბერკლი, ჯორჯ – ბრენტანო, ფრანც – ბრუნო, ჯორდანო – ბოლცანო, ბერნჰარდ – დეკარტი, რენე – დერიდა, ჟაკ – დიოგენე – ეპიკურე – ვიტგენშტაინ ლუდვიგ - ზენონ ელეელი – თალეს მილეტელი – თომა აქვინელი – იაკობი, ფრიდრიხ ჰაინრიხ – იოანე პეტრიწი – კამიუ, ალბერ – კანტი, იმანუელ – კენტერბერიელი, ანსელმ – კონტი, ოგიუსტ – კონფუცი – ლაიბნიცი, გოტფრიდ ვილჰელმ – ლაო-ძი – ლოკი, ჯონ – ლუკრეციუსი – მაკიაველი, ნიკოლო – მალებრანში, ნიკოლა – მამარდაშვილი, მერაბ – მარკუს ავრელიუსი – მარქსი, კარლ – ნიცშე, ფრიდრიხ –ნუცუბიძე, შალვა – პასკალი, ბლეზ – პითაგორა – პლატონი – პლოტინი – რასელი, ბერტრან – რუსო, ჟან-ჟაკ – სარტრი, ჟან-პოლ – სპინოზა, ბარუხ – სოკრატე – უნამუნო, მიგელ დე – ფუკო, მიშელ პოლ – შოპენჰაუერი, არტურ – ჭავჭავაძე, ნიკოლოზ – ჯუან ძი – ჰაიდეგერი, მარტინ – ჰეგელი, გეორგ ვილჰელმ ფრიდრიხ – ჰერაკლიტე – ჰიუმი, დეივიდ – ჰობსი, თომას – ჰუსერლი, ედმუნდ

http://ka.wikipedia.org/wiki/%E1%83%A4%E1%...%83%98%E1%83%90

[marine]

"წმინდა პავლე ქსიროპოტამელს, ქსიროპოტამის და წმინდა პავლეს მონასტრის (უფრო სწორად, მან აღადგინა დანგრეული მონასტერი) დამაარსებელს, ბიზანტიაში უწოდებდნენ "უდიდესს ფილოსოფოსთა შორის" (ამგვარად იხსენიებს მას მეფე რომანოზი სამეფო სიგელში). დიდად აღმაფრთოვანებელია ღვთისმშობლის ტაძრად მიყვანებისას წარმოთქმული მისი სიტყვა, ასევე წმინდა ორმოცი მოწამის მოსახსენებლად კანონები ხმათა მიხედვით და პატიოსანი ჯვრის იამბიკური კანონი".

[marine]

"გულქვა და უგრძნობელი ადამიანი უგუნური ფილოსოფოსია - როგორც არ შეიძლება, რომ ფილოსოფოსი უგუნური იყოს, ასევე ალოგიკურია, გულქვა ადამიანი სწორედ აზროვნებდეს"

[marine]

"ცნობილია, რომ ფილოსოფია და მედიცინა წინათ გამოყოფილი არ ყოფილა ერთმანეთისაგან. ფილოსოფოსები საექიმო დახმარების ორგანიზაციასაც ეწეოდნენ და სამედიცინო ლიტერატურასაც ქმნიდნენ"

[marine]

"წმიდა იაკობი, მასზე სულიწმიდის გადმოსვლის შემდეგ მოღვაწეობდა ესპანეთსა და სხვა ქვეყნებში, შემდეგ კი დაბრუნდა იერუსალიმში, სადაც ისე დაუფარავად და დარწმუნებით ქადაგებდა ქრისტეანობას, ისე დაბეჯითებით არწმუნებდა ყველას იესო ქრისტეს მესიანობაში, რომ ფარისევლებმა დაიქირავეს ყველაზე განთქმული ფილოსოფოსი გერმოგენი, რომ მოეყვანა იაკობის ქადაგების საწინააღმდეგო ფაქტები. ფილოსოფოსმა ჯერ თავისი საუკეთესო მოწაფე, ფილიპე გაგზავნა იაკობთან საპაექროდ, მაგრამ იგი მყისიერად გახდა ქრისტიანი იაკობის ქადაგებით; შემდეგ თვითონ შეხვდა პირისპირ, მაგრამ თვითონაც რომ დამარცხდა, დაწვა ყველა თავისი ნაშრომი, მოინათლა და გახდა ჭეშმარიტი ქრისტიანი".

[marine]

"ერთმა ფილოსოფოსმა ჰკითხა წერა-კითხვის უცოდინარ წმინდა ანტონს: "რომელ წიგნში ამოიკიხე, რასაც ქადაგებ?" წმინდა ანტონმა პასუხად ერთი ხელი ზეცას აღაპყრო, მეორეთი კი - მიწაზე მიუთითა. ურიცხვი სასწაული ზეცასა და დედამიწაზე არის ის წიგნი, რომლის წაკითხვაც ყველას ძალუძს და რომელიც დღედაღამ თვალსაჩინოდ მეტყველებს ღვთის დიდებაზე"

[marine]

"მძიმე შრომა და ეკლესიური ცხოვრება გაუნათლებელ ადამიანს ფილოსოფოსად აქცევს. მისი მეტყველება ხდება წონიანი, მშვენიერი და მაცოცხლებელი. ამ ადამიანების წყალობით სამყარო კვლავ წონასწორობას ინარჩუენბს და თავზე არ ატყდება ღვთის მართალი რისხვა. მათი ცხოვრება - ჩვენი ნუგეშია: ისინი, მსგავსად ზეციურ ცისარტყელისა, გვიჩვენებენ, რომ კეთილი ღმერთი კიდევ მოგვითმენს, თუმცა ცოდვა დღს ყველა ზღვარს გადავიდა"

[marine]

"ერთმა ბრძენმა ადამიანმა ასეთი აზრი გამოთქვა: "ქვეყანას აღარ ჰყავს ფილოსოფოსები, დარჩნენ მხოლოდ კრიტიკოსები".

/კათოლიკოს-პატრიარქი ილი II/

[marine]

"თუ ფილოსოფოსობა გინდა, ყველაფერში დამნაშავე შენი ძველი "მე" მიიჩნიე და ყოველთვის დაიმდაბლე თავი"

/წმ. პორფირი კავსოკალიველი/

[marine]

"ეს იდეა, როგორც ყოველთვის, უწმინდესმა შემოიტანა, - ბავშვებს უნდა ვასწავლოთ ფილოსოფია, რათა გაუღრმავდეთ ცოდნა სიბრძნისა, სიყვარული. დარწმუნებული ვარ, პატრიარქის ამ იდეას ფრთებს შეასხამს ჩვენი ეკლესია და მთელი საზოგადოება. უამისოდ შეუძლებელიცაა, შესწავლილ იქნას ქრისტიანობის ენა, როგორც თეოლოგიისა და უმაღლესი სიბრძნის სიყვარული. მადლობა ამისთვის უწმინდეს, ჩვენს მოძღვრებს და მღვდელმთავრებს. მისი იდეისა და კურთხევის შემსრულებლად გვაქციოს უფალმა. ეს დიდებული საქმე იქნება"

/დეკ. შიო პაიჭაძე/

[marine]

"ჯერ კიდევ ძველი დროის მოაზროვნეები ამბობდნენ: "ფილოსოფია - ეს უნარია სიკვდილისა"

/არქიმანდრიტი რაფაელი (კარელინი)/

[marine]

"თუ ღმერთმა არ ინება, ადამიანს არაფრის გაკეთება არ ძალუძს, ან პირიქით, თუ ღმერთმა ადამიანს მცირეოდენი შთააგონა, ფილოსოფოსი გახდება"

/ღირსი პაისი ათონელი/