![]() |
სტუმარს სალამი ( შესვლა | დარეგისტრირება )
![]() ![]() |
![]() |
კანონისტი |
![]()
პოსტი
#1
|
![]() დავით ![]() ![]() ![]() ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 ![]() |
მართლმადიდებლურ ფორუმ church.ge-ს განყოფილება "საეკლესიო სამართლის" წესები I. განყოფილება "საეკლესიო სამართალი" 1. განყოფილება წარმოადგენს ფორუმის ნაწილს და განკუთვნილია ფორუმზე დარეგისტრირებული წევრების მიერ საეკლესიო სამართალთან, ეკლესიისა და სახელმწიფოსთან დაკავშირებული მოსაზრებების, იდეებისა და შეხედულებების გამოსახატად. 2. განყოფილებაში მოქმედებს ფორუმის საერთო წესები. 3. განყოფილების თემად ითვლება ყველა ის თემა ან ქვეთემა, რომელიც ეხება: 3.1. უშუალოდ საეკლესიო სამართალს; 3.2. ცხოვრებისეულ იმ საკითხებს რომელსაც საეკლესიო სამართალი პირდაპირ განსაზღვრავს; 3.3. ყველა იმ სფეროს, რომელსაც არსებითი მნიშვნელობა აქვს ეკლესიის სამართლებრივი ცხოვრებისათვის; 3.4. საქართველოს სახელმწიფოს და მის უმაღლეს ხელისუფლებას; 3.5. ეკლესიასა და სახელმწიფოს შორის ურთიერთობებს. 4. განყოფილების ენა არის ახალი ქართული. 4.1. ყოველი მოსაზრება უნდა იქნეს დაწერილი ქართული მხედრული ანბანით. 4.2. არაქართულენოვანი მოსაზრების ან ციტატის დაწერა დასაშვებია მაშინ, თუ ამას არსებითი მნიშვნელობა აქვს. II. მოსაზრების (ე.წ. "პოსტი"-ს) დაწერის წესი 1. მოსაზრება უნდა იქნეს დაწერილი გასაგებად და მკაფიოდ, არ უნდა ეწინააღმდეგებოდეს მართლმადიდებლურ სწავლებას. 2. მოსაზრება უნდა შეესაბამებოდეს თემის შინაარსს. 3. დაუშვებელია თემისგარეთა მოსაზრებები (ე.წ. "ოფტოპიკი"), ლაყბობა (ე.წ. "ჩეთი") ან თემიდან სხვაგვარი გადახვევა. 4. დაუშვებელია შეურაცხყოფა, გადაკიდება და განკითხვა. III. ახალი თემის გახსნა 1. ახალი თემა უნდა შეესაბამებოდეს ამ წესის I ნაწილის მე-3 პუნქტს. 2. დაუშვებელია ახალი თემის გახსნა მაშინ, როდესაც არსებობს მსგავსივე შინაარსის სხვა თემა ამავე ან სხვა განყოფილებაში. 3. ფორუმის 10 წევრს უფლება აქვს მოითხოვოს მნიშვნელოვანი თემის მიჭიკარტება (ე.წ. "მიპინვა"). IV. მოდერატორი 1. ფორუმზე დადგენილი წესების შესაბამისად განყოფილებას აკონტროლებს მოდერატორი. 2. მოდერატორს უფლება აქვს: 2.1. შეაერთოს, გადაიტანოს, მიაჭიკარტოს, ჩამოაჭიკარტოს, წაშალოს, ჩაასწოროს ან დახუროს თემა ან შესაბამისად ცალკეული მოსაზრება; 2.2. გაფრთხილება (ე.წ. "ვორნი") მისცეს ფორუმის წევრს ამ წესების ან ფორუმის საერთო წესების დარღვევისათვის; 2.3. შეასრულოს მისთვის დადგენილი სხვა უფლებამოსილებები. 3. ფორუმის წევრს უფლება აქვს გაასაჩივროს მოდერატორის ნებისმიერი გადაწყვეტილება ადმინისტრატორთან. V. წესებში ცვლილების შეტანა 1. წესებში ცვლილების შეტანა ხდება მოდერატორის მიერ საკუთარი ან არანაკლებ 15 წევრის ინიციატივით. -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
![]() ![]() |
მსუბუქი ვერსია | ახლა არის: 6th June 2024 - 11:33 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი