მართლმადიდებლობა და მედიცინა პარამეტრები

[marine]

"მადლობას მოვახსენებ უფალს, რომ ავად გახდომის შესაძლებლობას მაძლევს. მაშინ ვიგონებ წამებულებს და მავიწყდება ჩემი ავადმყოფობა. ავადმყოფობა ღვთის საჩუქრად მიმაჩნია. ბევრმა ღმერთი შეიცნო გადატანილი ავადმყოფობის წყალობით"

/ბერი იერონიმე/

[marine]

"სენი უფლის მოსვლის ნიშანია!" ვაი მას, ვინც არ ავადმყოფობს! ასეთი ადამიანი უკვე აქ, დედამიწაზევე იღუპება, რადგან ჯანმრთელნი და მდიდარნი შორს არიან ცათა სასუფევლისგან, სამოთხის სავანეებისგან"

/ბერი პორფირი/

[marine]

"წმ. თეოფილე ანტიოქიელის აზრით, ცოდვიდან, როგორც წყაროდან, ადამიანზე სნეულებები, მწუხარებები და ტანჯვა გადმოდინდა"

[marine]

"ცუდია, როდესაც ტაძარს ვერიდებით ეპიდემიის შიშით; ნუთუ ლოცვა სნეულებაზე უარესია? მე ქოლერის სამ შემოტევას მოვესწარი და შემიძლია დარწმუნებით ვთქვა, სადაც ძლიერდებოდა ლოცვა, იქ სნეულება სუსტდებოდა და საერთოდ ქრებოდა!"

/წმ. ფილარეტ მოსკოველი/

[marine]

"ღმერთს არ დაშორდეთ ისე შეასრულეთ ექიმების რეკომენდაციები"

/ილია მეორე/

[marine]

"თუ შეინანებენ მთელ მსოფლიოში, დასრულდება ეს მკურნალობა [კორონავირუსის], თუ არადა, გაგრძელდება"

[marine]

"არ არსებობს სულის იმგვარი დაავადება, რომლის განკურნება ქრისტეს არ სურდეს, ან არ შეეძლოს. ოღონდ თვითონ ავადმყოფს უნდა უნდოდეს ეს. სულის გამოჯანმრთელების ნიშანი კი ის არის, რომ სულისათვის მავნე ვნებები დამშვიდებას და დაცხრობას იწყებს. ეკლესიაში უფალი შეგვაძლებინებს აღვადგინოთ ჩვენი დაცემული ბუნება, შევიმოსოთ სათნოებებით. ეკლესიაში, ისევე როგორც ღვთის ზეციურ სასუფეველში, არის უფალთან ერთობა, ოღონდ დაბალ ხარისხში"

[marine]

"შეიძლება უფალს შევევედროთ ჩვენი განკურნება მტკიცე გადაწყვეტილებით, რომ აღდგენილ ჯანმრთელობას და ძალებს უფლის საქმეს, და არა ამაოებასა და ცოდვებს მოვახმართ"

/წმ. ეპისკოპოსი ეგნატე (ბრიანჩანინოვი)/

[marine]

"თუ ავადმყოფობა შემეყარა, ის ჩემი დათესილია, მიზეზი მე ვარ, ავადმყოფობის გამოვლინება არის წმენდის პროცესი. თუკი მივიღებ ამას სიხარულით, მადლიერებით, ლოცვით, მარხვით - შევეწევი ღმერთს ჩემს განწმენდაში. ავადმყოფობა არის სასჯელი"

/არქიმანდრიტი იოანე (ჯიშკარიანი)/

[marine]

"მე რომ ავად გავხდი, ეს არის კეთილი, ნათელი, ბუნებრივი, განმაკურნებელი მოვლენა. სამადლობელი მმართებს ღმერთის მიმართ: ღმერთო, რა საყვარელი ხარ, კიდევ უფრო მეტად დამტანჯე, რომ მალე განვიკურნო"

/არქიმანდრიტი იოანე (ჯიშკარიანი)/

[marine]

"ავადმყოფობა გამოცდაა როგორც თავად ავადმყოფისთვის, ისე მის ირგვლივ მყოფთათვისაც"

/არქიმანდრიტი იოანე (ჯიშკარიანი)/

[marine]

"ყველა ავადმყოფობას თავისი დემონი ჰყავს. ის შედის ორგანიზმში ჩვენი ცოდვების გამო, დემონი უნდა გამოიყვანო ორგანიზმიდან, ამისთვის კი ცოდვები უნდა შეწყვიტო, ღმერთს პატიება სთხოვო.

ცოდვა ის კი არ არის, რომ ერთხელ რაღაც ჩაიდინე, ჩვენ ცოდვილიანი ჩვევები და ხასიათი გვაქვს, ამ ცოდვილი ბუნების შეცვლაა მთავარი, ისე ვერ განიკურნებით. ადამიანმა შეიძლება ილოცოს, თავის თავზე აიღოს და განდევნოს ორგანიზმიდან ავადმყოფის დემონი, მაგრამ თუ ავადმყოფმა ის ხასიათი და ბუნება არ შეიცვალა, დემონები ისევ მოვლენ მასთან.

თუ უფალს ვეტყვით, - ოღონდ განმკურნე და ყველანაირად ვეცდები, რომ ამიერიდან შევიცვალო, შენვე დამეხმარე უფალო, შენვე გამომზარდე, მიხსენ, გამწმინდე და გამასპეტაკე, მაშინ უსწრაფესად დაიწყება განკურნება, ახალ ადამიანად უნდა გადავიქცეთ, ახალი ცხოვრება უნდა დავიწყოთ, მიწიერი ადამიანი უნდა მოვკლათ ჩვენში და დავმარხოთ - ამას ნიშნავს მარხვა - შენი ხასიათი უნდა მოკლა, შენი ბუნება, შენი ამპარტავნება, ქედმაღლობა, უკეთურება, თავნებობა, პატივმოყვარეობა და ასე შემდეგ - აი, ეს არის განკურნების გზა"

/არქიმანდრიტი იოანე (ჯიშკარიანი)/

[marine]

"დაიჯერეთ: ვინც გონივრულად ემსახურება ავადმყოფს, თავისუფლდება ვნებებისა და შფოთისაგან"

/მამა ვალენტინი (მორდასოვი)/

[marine]

ფანჯარა საავადმყოფოს პალატაში

"ორი მძიმედ დაავადებული კაცი იწვა ერთ საავადმყოფოში. ერთ კაცს დართეს დაჯდომის უფლება მისი ჯანმრთელობიდან გამომდინარე, რომ ასეთი პოზა დახმარებოდა ფილტვებიდან სითხის გამოდენას. მისი საწოლი იდგა ერთადერთ ფანჯარასთან პალატაში. მაგრამ მეორე კაცი იძულებული იყო მთელი დღეები გაეტარებინა მწოლიარე მდგომარეობაში საწოლში. ორნი სულ მუდამ საუბრობდნენ. ლაპარაკობდნენ თავიანთ ოჯახებზე, სახლებზე, სამსახურზე, ჯარზე, ბოლოს სად გაატარეს შვებულება და ა.შ.

ყოველ შუადღეს, როცა ფანჯარასთან მწოლიარე კაცს შეეძლო წამოჯდომა, ის უყვებოდა თავის მეზობელს ყველაფერს, რასაც კი ხედავდა გარეთ. ეს მეზობელი, რომელიც ფანჯრისგან შორს იყო მხოლოდ იმ ერთი საათისათვის ცოცხლობდა, როცა მის სამყაროს ფანჯარასთან მყოფი ამდიდრებდა და აფერადებდა თავისი მონაყოლით.
ფანჯარა გადაჰყურებდა პარკს და ლამაზ ტბას. გედები და ბატები წყალში ჭყუმპალაობდნენ, ბავშვები კი პატარა გემებს წყალზე ათამაშებდნენ. ცოტახანში შეყვარებულმა წყვილმა ჩაისერნა; გოგოს სხვადასხვა ყვავილისგან შემდგარი თაიგული ეჭირა. შორს კი ულამაზესი ჰორიზონტი მოჩანდა.

როდესაც კაცი ფანჯარასთან ყვებოდა ამ ყველაფერს დეტალებში, მეორეს ისღა დარჩენოდა, რომ დაეხუჭა თვალები და წარმოედგინა ეს ყველაფერი.
ერთხელ შუადღისას, კაცმა ფანჯარასთან აღწერა აღლუმი, რომელიც თითქმის ფანჯრისქვეშ გადიოდა. მიუხედავად იმისა, რომ მეორეს აღლუმის ხმა არ ესმოდა, ის ხედავდა ამ ყველაფერს თავის წარმოსახვაში, როცა ფანჯარასთან მყოფი უყვებოდა ამ ყველაფერს.

გავიდა დღეები, თვეები. ერთ დილას, ექთანი მოვიდა და მოუტანა წყალი დასაბანად; მან აღმოაჩინა უსიცოცხლო სხეული ფანჯარასთან. ის ძილში წყნარად გარდაიცვალა. დაღონებულმა ექთანმა დაუძახა საავადმყოფოს პერსონალს, რომ წაეღოთ სხეული.
როგორც კი ხელსაყრელი დრო დადგა , მეორე კაცმა იკითხა, თუ შეეძლო მას შეეცვალა ადგილი და გადასულიყო ფანჯარასთან. ექთანმა დიდი სიამოვნებით შეუცვალა ადგილი და როგორც კი დარწმუნდა, რომ კაცი კომფორტულად იყო, გავიდა.

ნელ-ნელა კაცმა ტკივილებით მოახერხა წამოჯდომა, რომ საკუთარი თვალებით ენახა როგორია სამყარო გარეთ. მან თავი მიატრიალა და დაინახა ცარიელი კედელი. კაცმა იკითხა, როგორ მოხდა, რომ მისი გარდაცვლილი მეზობელი აღწერდა სილამაზეს, ხოლო რეალურად გარეთ დგას კედელი.

ექთანმა უპასუხა, რომ პირველი კაცი იყო ბრმა და ამ კედელსაც კი ვერ ხედავდა. მან დაამატა, “შესაძლოა, მას თქვენი გამხნევება უნდოდა.”

[marine]

"ეკლესია არის საავადმყოფო - ზოგი პალატაშია, ზოგი საოპერაციოში, ზოგი რეანიმაციაში. ერთადერთი რამ, რითაც განსხვავდება ეკლესია ჩვეულებრივი საავადმყოფოსგან, არის შემდეგი - მორგშიც კი შეიძლება აღდგეს მკვდარი. ეს არის დიდი და არსებითი განსხვავება."

.არქიმანდრიტი ეფრემ ვატოპედელი.

[marine]

გადაუდებელი ოპერაცია

"ექიმს შეატყობინეს, გადაუდებელი ოპერაციისთვის უნდა მობრძანდეთო. ახალგაზრდა პაციენტის მამა საავადმყოფოს შესასვლელში დაუხვდა დასტაქარს და უსაყვედურა:

- რატომ იგვიანებთ სამსახურში, არ გითხრეს, რომ ჩემი ვაჟის სიცოცხლე ბეწვზე ჰკიდია? ასეთია თქვენი პასუხისმგებლობა?

ექიმმა მოუბოდიშა საავადმყოფოში არყოფნის გამო და სთხოვა, დამშვიდდით, ყველაფერს ვიღონებ, რომ შვილი გადაგირჩინოთო.

- თქვენთვის ადვილია სათქმელად "დავმშვიდდე!" აბა, თქვენ ყოფილიყავით ჩემს ადგილზე? - ვერ იოკებდა თავს მშობელი.

- თქვენს ადგილზე წავიდოდი და ვილოცებდი შვილის სიცოცხლისათვის. მე კი ახლა ცდას არ დავაკლებ მისთვის სიცოცხლის შესანარჩუნებლად!

- რა ადვილია სხვისთვის რჩევის მიცემა! - უკმაყოფილოდ ჩაილაპარაკა მამამ, როდესაც ექიმი საოპერაციოში შევიდა.

ოპერაცია რამდენიმე საათს გაგრძელდა. ექიმი გამოვიდა საოპერაციოდან და ახარა მშობელს: - ღვთის წყალობით, თქვენი ვაჟი გადარჩაო, სწრაფად ჩაჯდა მანქანაში და იქიდან მიაძახა: - თუ რაიმე შეკითხვა დაგებადებათ, საოპერაციო მედდას დაეკითხეთო.

- სულ სად ეჩქარება ამ კაცს? - ჰკითხა საავადმყოფოს თანამშრომელს ქირურგის საქციელით გაკვირვებულმა კაცმა.

და მიიღო პასუხად:

- თქვენს ექიმს შვილი დაეღუპა ავტოავარიაში, დღეს დაკრძალვაა და იქიდან მოვიდა, როცა გადაუდებელი ოპერაციის გამო დავურეკეთ!"

[marine]

"ავადმყოფობისას ნუგეშს წმიდა წერილისა და წმიდათა ცხოვრების კითხვაში უნდა ვპოულობდეთ"

/მამა ვალენტინი (მორდასოვი)/

[marine]

" - უნდა ვიზრუნოთ თუ არა განკურნებისათვის ავადმყოფობის დროს?

- დია, უნდა ვიზრუნოთ გამოჯანმრთელებისათვის, რადგან ვინც ავადმყოფობის დროს ექიმთან არ მიდის და მთელ საქმეს უფალს მიანდობს, ის უფალს გამოცდის"

/მამა ვალენტინი (მორდასოვი)/

[marine]

" - რა უნდა ვიღონოთ, რომ ბავშვები ჯანმრთელები იყვნენ?

- ბერი ადრიან იუგელი გვირჩევდა, რომ ბავშვები ხშირად ვაზიაროთ. ამის შემდეგ ისინი ჯანმრთელებიც იქნებიან, გონიერებიც და ბედნიერებიც"

/მამა ვალენტინი (მორდასოვი)/

[marine]

" - დონორობა კეთილი საქმეა?

- კეთილია, თუ ამას აკეთებ მოყვასის სიყვარულით, უფასოდ. თუ ამაში ფულს იღებ, რათა მერე გემრიელად მიირთვა, ან სხვა რაიმე ანგარებიანი მოსაზრება გაქვს, მაშინ ცოდვაა"

/მამა ვალენტინი (მორდასოვი)/