ხატწერა, კანონიკა პარამეტრები

[uperuli]

პირველრიგში ბოდიშDით თუ აქ არ უნდა გამეხსნა თემა , მოდერატორს ვთხოვ ასეთ შემთხვევაში გადაიტანოს შესაბამის განყოფილებაში .

მაინტერესებს სად ხდება ხატწერის შესწავლა , როგორ და რანაირად ....



თუ შეგიძლიათ ზოგადათ ვისაუბროთ ამ თემაზე და იქნებ იცოდეთ ხატის დაწერის დროს რა შეიძლება და რა არა , მოკლედ კანონიკები და ასე შემდეგ.


როგორც ვიცი ღვთისმშობელს არ უნა უჩანდეს თმა .
ასევე როგორც გავიგე წმინდა გიორგის ,ცხენზე ამხედრებულს,შუბის ბოლოში უნდა ქომნდეს ჯვარი .
კიდევ იქნებ მიამატოთ?


ძალიან მაინტერესებს და იქნება მომაწოდოთ მაქსიმაური ინფოემაცია , წინასწარ დიდი მადლობა

[მაგდალინა]

ხატწერაში მიღებულ მაცხოვრის სამოსის გამოსახვა

კვართი - ქვედა, საკმაოდ თავისუფალი, ფართომკლავებიანი სამოსია, კოჭებამდე სიგრძის. მაცხოვრის კვართი ხატწერაში თბილი ფერისაა - ყავისფერი, მუქი შინდისფერი, წითელი, იშვიათად ვარდისფერი. კვართზე შემორტყმულია ქამარი. მაცხოვრის კვართის ორივე მხარეს, წინიდან და უკნიდან, ხატწერისას გამოსახავენ ვიწრო, დაქარგულ ზოლებს - კლავებს, ჩამოშდვებულს ბოლომდე. კლავი - წარგზავნილობის, მისიის სიმბოლოა. ამიტომაც, პირველყოვლისა ის ქრისტეს ეკუთვნის, როგორც მამა ღმერთის მიერ სოფლის გამოსახსნელად გამოგზავნილს. კლავის ფერი მეტნაკლებად გამოირჩევა კვართისგან. ხშირად ის მოყვითალო ფერისა და თითქმის ყოველთვის ირთვება ოქროთი.

მოსასხამი - კვართზე შემოცმული გრძელი და ფართო ნაჭერია. იგი ღარიბებისთვის ძილის დროს დასახურადაც გამოიყენებოდა. ის საკმაოდ დიდი ზომის იყო, ვინაიდან ჯვარცმისას ჯარისკაცებმა ოთხ ნაწილად გაიყვეს. ხატწერაში იგი ყოველთვის ცივი ფერით გამოიხატება - ცისფერი, ლურჯი ღია ან მუქი მწვანე. აღდგომის და ღვთისმშობლის მიძინების გამოსახვისას მაცხოვრის სამოსი ოქროსფერ-მოყვითალოა, დიდების ნათლით შემოსილი, ოქროთი მორთული. უფლის ფერისცვალების ხატებზე კი ქრისტე თეთრ სამოსელშია. ღვთისმშობლის ხატებზე კი ღვთიური ყრმა თითქმის ყოველთვის ოქროსფერ-მოყვითალო სამოსშია. ამით წმინდა ეკლესია გამოყოფს მაცხოვრის ყრმობას ჩვეულებრივ ადამიანთა შორის და მიუთითებს არსებას მამა ღმერთის საყდარზე სამარადისოდ.
მაცხოვრის ფეხსაცმელი, ისე, როგორც მოციქულებისა, ტყავის სანდლებია, ქუსლებზე შემოხვეული თასმებით. არის ხატები, სადაც ქრისტე გამოისახება, როგორც დიდების მეუფე, საყდარზე მჯდომი. მაშინ მისი სამოსი ასევე, ხშირად მოყვითალო-ოქროსფერია, ოქროთი შემკული. როგორც მეუფე მეუფეთა უფალი გამოისახება ბიზანტიურის მსგავსი სამეუფეო შესამოსელით, ტახტზე მჯდომი, თავზე გვირგვინით, შემკული ომოფორით, როგორც დიდებული მღვდელთმთავარი.

შემდგომში ღვთისმშობლის შესამოსელზე დავწერ