პირველი კლასიდან ინგლისური და კომპიუტერი პარამეტრები

[მმკ]

მიხეილ სააკაშვილმა მთავრობის წევრებს განათლების რეფორმის მიზნით ახალი ინიციატივა გააცნო

საქართველოს პრეზიდენტმა მიხეილ სააკაშვილმა მთავრობის წევრებს განათლების რეფორმის მიზნით ახალი ინიციატივა გააცნო.

ინიციატივის თანახმად, პირველი სექტემბრიდან საქართველოს ყველა სკოლაში იმუშავებს ინგლისური ენის მაწავლებელი, რომელიც ინგლისურენოვანი ქვეყნიდან იქნება. პრეზიდენტის განცხადებით, საქართველოში ინგლისური ყველამ უნდა ისწავლოს. ამ მიზნით, მიხეილ სააკაშვილმა კერძო ტელეკომპანიებსა და "საზოგადოებრივ მაუწყებელს" მოუწოდა, ყველა ინგლისურენოვანი ფილმი გაუშვან სუბტიტრებით, რათა ინგლისური ენა ქვეყნის მასშტაბით შეისწავლონ.

პრეზიდენტის გადაწყვეტილებითვე, ახალი სასწავლო წლიდან საქართველოს საჯარო სკოლებში ინგლისური ენის სწავლება პირველი კლასიდან დაიწყება.

გარდა ამისა, პრეზიდენტის განცხადებით, ნებისმიერი საგნის პედაგოგს, რომელმაც იცის ინგლისური ენა და კომპიუტერი, ხელფასზე დანამატი დაერიცხება იმისათვის, რომ ინგლისურად საუბრობს.

ასევე, მთელი საქართველოს მასშტაბით, ყველა პირველკლასელს ახალი სასწავლო წლიდან საჩუქრად გადასცემენ საბავშვო კომპიუტერს, რომელიც სპეციალურად საქართველოს სკოლებისთვის დამზადდა და მასში ჩატვირთულია ახალი სასწავლო წლის მთლიანი პროგრამა. იმისათვის, რომ პირველკლასელებმა ძვირადღირებული წიგნები აღარ შეიძინონ, ყველა ბავშვს ექნება კომპიუტერი.

აღნიშნული საბავშვო კომპიუტერის ნიმუში პრეზიდენტმა დღეს მთავრობის სხდომაზე წარმოადგინა. მისი განცხადებით, კომპიუტერი წყალში არ იძირება, დასველების დროს არ ფუჭდება და დავარდნის დროს არ ტყდება.

საქართველოს პრეზიდენტი მიხეილ სააკაშვილი მზადაა, თანამედროვე საბავშვო კომპიუტერები ოკუპირებულ ტერიტორიებზე მცხოვრებ ბავშვებსაც გადასცეს.

როგორც პრეზიდენტმა დღეს ქუთაისში გამართულ მთავრობის სხდომაზე განაცხადა, რუსეთის საოკუპაციო ხელისუფლებას სთავაზობს, კომპიუტერები ბავშვებს შვეიცარიის საელჩოს მეშვეობით გადასცეს.

"ჩვენი ახალი სტრატეგიის ფარგლებში მზად ვართ ეს განვახორციელოთ", - განაცხადა მიხეილ სააკაშვილმა.


საქართველოს პრეზიდენტის
ადმინისტრაციის პრესსამსახური

http://www.president.gov.ge/index.php?lang...26&info_id=4893


რა აზრის ხართ ამ საკითხზე? აუცილებელია პირველი კლასიდან ინგლისურის სწავლება? ხომ არ აჯობებდა არჩევანის გზით ყოფილიყო ინგლისურის შესწავლა?

[ქევანა]

მე არ მივესალმები პირველივე კლასიდან უცხო ენისა და ინგლისურის სწავლებას,
ჯერ მშობლიური უნდა ისწავლოს ბავშვმა და მერე უცხო ენა
როცა მშობლიურს სათანადო დონეზე არ ფლობს, ის ვერც უცხო ენას ისწავლის და გამოვა ნაზავი, არც ქართული ეცოდინება და არც უცხო ენა


პ.ს. პატივცემულო ელგუჯა, დაშოშმინდით

[kinoteli]

სად იყავი გუჯა მაშინ როცა რუსულს გვასწავლიდნენ I კლასიდან....ის არ იყო პრობლემაა???

[.zakaria.]

მე მეზიზღება გამოთქმა "ენა და კომპიუტერი თუ არიცი ვერაფერს იზავ"
ეს სიცრუეა)))

[missis_kartveli]

მეც არ ვეთანხმები ამ რეფორმას. თან როგორც გავიგე, ბავშვები არ ისწავლიან წერას, მხოლოდ კლავიატურაზე იმუშავებენ, რაც ძალიან დიდი შეცდომაა. როგორ შეიძლება ბავშვს მხოლოდ კარგიი ბეჭდვა ასწავლონ

[fiore]

მე ვეთანხმები.

და რაც უფრო მალე ჩაანაცვლებენ წიგნებს და რვეულებს ლეპტოპებით მით უკეთესი

[kato_Bato]

ჩემი შვილი 2 წლი ნახევრისაა, მულტფილმებს თავისით რთავს, რომ მობეზრდება აპაუზებს და სათამაშოდ მიდის, მოუნდება მოვა, მოხნის პაუზას დაჯდება უყურებს.


თქვენი ხმალი და ჩემი კისერი, ფლიზ

პირველკლასელმა ძალიან ბევრი ადამიანის ოჯახში, თბილისში მაინც, იცის კომპიუტერის ავანჩავანი, ბარემ ენაც ისწავლოს.
მშობლიურს ვერ ჩაანაცვლებს სიცოცხლის მეექვსე წელიწადს შემოტანილი ენა, თუ ქვეყანას არ გამოუცვლი.
ნუ ახლა იდეები რომ აწუხებთ ჩვენში და რამდენად გააზრებული რომ არ ვიცით მეორე საკითხია ეგ.
თუ არის გათვალისწინებული ბავშვთა ფსიქოლოგია ..ან მერე კომპიუტერზე მიჯაჭვულობის კონტროლი როგორ უნდა მომხერხდეს, ვეღარ გამობრდღვნი იქედან ფაქტობრივად..

[fiore]

ვეღარ გამობრდღვნი იქედან ფაქტობრივად..

გამობრდღვნი

[Giorgi-]

მხოლოდ მისასალმებელია!

თუ გვინდა რომ ბავშვი გზაზე დავაყენოთ უნდა ვასწავლოთ ის, რაც ჭირდება, რასაც პრაქტიკულად გამოიყენებს.

ინგლისური ენა და უბრალოდ ინტერნეტი ბავშვს დეტალურ პასუხებს გასცემს კონკრეტულ კითხვებზე, ნაკლებას მოექცევა რომელიმე ვაი პედაგოგის გავლენის ქვეშ

ინგლისური ენა არსებობისთვის საჭიროა დღესაც და მომავალში კიდევ უფრო აუცილებელი იქნება და ეს რაც მტავარია სულაც არ არის ცუდი და სულაც არ უქმნის საფრთხეს ჩვენს ქვეყანას და ჩვენს შვილებს

თუ ღმერთმა ინება და პროპუსული მთავრობა არ მოვიდა ჩვენთან, მაშინ საქართველოს ნორმალურ ქვეყნად ქცევა გარდაუვალია, რასაკვირველია შორს აღარ იქნება ის დრო, როდესაც 37 ევროდ გადავფრინდებით მიუნხენში , პარიზში, პრაღაში, ამსეტრდამში... ჰოდა კავკასიური რუსული, (რომელიც სავალდებულო იყო და ჩემდა გასაკვირად არანაირი პრეტენზია არ მსმენია არასდროს) მხოლოდ ესენინის და ბულგაკოვის წასაკითხად დაგვჭირდება


ორი ვარიანტი გვაქვს:

1. ნორმალური მსოფლიოს ნაწილი გავხდეთ, ვერკვეოდეთ თანამედროვე ცხოვრებაში, ჩვენი შვილები შრომას და სწავლას მივაჩიოთ, თავად გამოსცადონ წარმატება, სტაბილურობა. ნამდვილი პატრიოტიზმი, თუნდაც ქუცაში ნაგავის არდაყრით და ა.შ.

ან

2. შევუერთდეთ დედა რუსეთს ,(ისედაც ნოსტალგია გვაქვს), ვუჭახუნოთ ჭიქები, შვილებს სკოლები გამოცდებზე ბამბანერკებით, ვარდებით და ოქროს საყურეებით დავამთავრებინოთ (ნიშანი არ გაუფუჭდეს ბავშვს), უნივერსიტეტებში მოვაწყოთ, შემდეგ სადმე ფული ჩავყაროთ და კაი ფულის საჭრელ კანტორაში მოვაწყოთ, ერთი სიტყვით კაცებად გავზარდოთ...
თავში ხელები ვიშინოთ ვაი ეს ევროპა სად იყო ჩვენ რომ რუსტაველი გვყავდა, სად იყო ინგლისი ჩვენ რომ მსოფლიო გვეკუთვნოდა, ერეკლე ვიზე ნაკლები იყო რუსებს რომ მიგვაერთა, ერთი სარწმუნოება, ერთი იდეა (ბატონის და ყმის), ლამაზი ქალები, სოჩაში უვიზოდ გადასვლა. ეს ამერიკელი მასონები...რუსეთი გადარჩება და საქართველოსაც გადაარჩენს

ჩვენს შვილებს ქონდეთ "უზარმაზარი ზოგადი განათლება", მაგრამ არაფერი არ იცოდნენ და არაფერი არ შეეძლოთ, სახლში იჯდნენ და "ოხ საქართველოს" გაყვიროდნენ

ისე გუჯა თუ მმკ-ში იყო არ ვიცოდი

[მარიამი]

იმედია, სანამ ჩემი შვილი სასკოლო ასაკს მიაღწევს, ეს სულელური რეფორმა შეცვლილი იქნება.

აგერ კომპეტენტური ხალხის აზრი:

ირმა ჯეგაძე (ექიმი – ოფთალმოლოგი): “ვფიქრობ, დაწყებით კლასებში კომპიუტერული სწავლება დაუშვებელია. ამან შეიძლება მნიშვნელოვანი პრობლემები შეუქმნას ბავშვის მხედველობას, პირადად ჩემს პაციენტებს 10-12 წლის ბავშვებს კომპიუტერთან ჯდომის უფლებას მხოლოდ კვირაში ორი საათით ვაძლევ, რაც სრულიად უსაფრთხოა მათი ჯანმრთელობისთვის. მაგრამ ხშირ შემთხვევაში ბავშვები არ ითვალისწინებენ ექიმის რჩევებს და სამი ოთხი საათით სხედან კომპიუტერთან, რამაც შეიძლება უამრავი პრობლემა შეუქმნას მათ ჯანმრთელობას, მითუმეტეს პირველი კლასის მოსწავლეს. შეიძლება გამოიწვიოს რეფრაქცია, გადახრა პლიუსისკენ, მინუსისკენ, ან ასტიგმატიზმი. ასევე თვალის სიმშრალე, ქავილი, წვა, “მშრალი თვალის სინდრომი” და ა.შ.

შორენა კვინიკაძე (ფსიქოლოგი): “სკოლების კომპიუტერიზაციას აქვს როგორც დადებითი, ისე უარყოფითი მხარე. ბავშვი რომ თავიდანვე შეეჩვევა კომპიუტერის მოხმარებას, ეს ცხადია, კარგია. მაგრამ პირველ კლასელის ფსიქიკასა და მხედველობაზე ცუდად აისახება. ხშირ შემთხვევაში, ბავშვები მშობლებს მოყავთ შემდეგი ჩივილებით: თავისტკივილი, აგრესიულობა, და ა.შ. თითქმის ყოველთვის, ამის მიზეზი არის კომპიტერული თამაშები და ზოგადად, კომპიუტერთან კონტაქტი. ამავე დროს, ბავშვები წყდებიან გარესამყაროს და თითქმის ყველა სურვილს იკმაყოფილებენ კომპიუტერის მეშვეობით. იკეტებიან ვირტუალურ სამყაროში, ასევე ცნობილია, ნეიროქირურგების დასკვნაც, რომ კომპიუტერი ტვინშიც იწვევს სერიოზულ ცვლილებებს.

ჩემი აზრით, ამასთან დაკავშირებით ფსიქოლოგებმა, პედაგოგებმა და სხვა კომპეტენტურმა პირებმა უნდა დადონ თავიანთი დასკვნები, გაიმართოს მსჯელობა, რადგან ეს ძალიან სერიოზული და საფრთხილო საქმეა. არ უნდა დავაყენოთ ჩვენი შვილების, მომავალი თაობის ჯანმრთელობა ეჭვქვეშ.

მაგული მაზანაშვილი (№ 208 საჯარო სკოლის დაწყებითი კლასების პედაგოგი): “თანამედროვე ტექნოლოგიების დანერგვა გვახარებს, მაგრამ არა პირველ კლასიდან. ექვსი წლის ბავშვი კომპიუტერით ვერ ისწავლის წერა-კითხვას ისე, როგორც საჭიროა. ეს აისახება ბავშვის კალიგრაფიაზე. აუცილებელია ბავშვი მიეჩვიოს აზროვნებას, ფიქრს… დადებითია იმით, რომ ბავშვები მძიმე ჩანთებით არ ივლიან სკოლაში, რაც იწვევს სქოლიოზს.

http://www.ambioni.ge/pirvelklaselta-kompi...-av-kargianoba/

დაავადებული მომავალი თაობა უნდათ გაზარდონ.


ინგლისურს რაც შეეხება, ვერაფრით ვერ ვხვდები, რატომ ფიქრობს ზოგი, რომ ენის სწავლა მე-4 კლასიდან რომ დაიწყო, ვეღარ ისწავლი? რად უნდა ინგლისურის სწავლას 12 წელი? რამდენი ინგლისური ენის არაჩვეულებრივად მცოდნე ვიცი და არც ერთს არ დაუწყია პირველი კლასიდან. ბავშვს "აი ია"-თან ერთად "this is a table" როგორ უნდა ასწავლო არ მესმის. ხომ აერია თავში ყველაფერი... და მგონი ეგ უნდათ სწორედ ამ იდეის ავტორებს.

[Giorgi-]

მარიამი

ნუ ამუქებ ყველაფერს მარიამ

აქ კომპიუტერის სრულყოფილად სწავლაზე არ არის საუბარი. ბავშვი აზრზე უნდა იყოს თავიდანვე, აბა ჩვენ რომ 20 წლის დავჯექით პირველად IBM-ზე და ინგლისური მე-11 კლასში რომ დავიწყეთ I am a table- ით, იმიტომ გაგვიჭირდა ცხოვრება

ინგლისურს კიდევ რაც შეეხება ბავშვი 6 წლის ასაკში სრულყოფილად ვერ ისწავლის, თუნდაც იმიტომ, რომ მშობლიური ენა არ ეცოდინება სრულყოფილად.

რად უნდა ინგლისურის სწავლას 12 წელი?

ცხადია ბავშვი დღე-ღამეში 22 საათს ვერ დაუთმობს სწავლას და ეს გასათვალისწინებელია

არც ისტორიას ჭირდება 12 წელი და არც მათემატიკას. ერთი ზაფხული დღე და ღამე რომ გაასწორო მთელ სკოლის პროგრამას აითვისებ (საკუთარი გამოცდილებით )

[მარიამი]

Giorgi-
კაი რა... მე მე-3 კლასიან დავიწყე ინგლისური, ჩემმა დამაც. და დღეს ჩემი და მთარგმნელია სპეციალობით, სხვათაშორის, არაჩვეულებრივად თარგმნის და გამორჩეულად მოსწონთ მისი თარგმანები იმ მიზეზით, რომ ქართული წინადადებები აქვს ენობრივად ძალიან გამართული, რაც, როგორც ამბობენ, დღეს იშვიათობაა. ბევრი ჩივის, რომ ძალიან კარგად იციან ინგლისური, მაგრამ ქართულად ისე აბდა-უბდად წერენ, აზრს ვერ გამოიტან. ამიტომ უნდა ასწავლო ბავშვს პირველ რიგში კარგად მშობლიური ენა და უცხო ენა მე-3, მე-4 კლასიდანაც რომ დაიწყო, არაა ეგ არანაირი პრობლემა. მაგრამ როცა პირიქით აკეთებ, ბავშვმა რომ მშობლიური ენა არ იცის და უკვე უცხო ენას ატენი ტვინში, მანდ უკვე შეიძლება პრობლემები შეიქმნას. გეკითხები: რა უფრო დიდი პრობლემაა? ბავშვს პირველ კლასში თუ ინგლისური არ ეცოდინება, თუ აზროვნების პრობლემები რომ შეექმნება? ზოგადად ინგლისური რომ დღეს საჭიროა, მაგას არ უარვყოფ. მაგრამ არა პირველი კლასიდან.

და მე თუ პირველად 15 წლის დავჯექი კომპიუტერთან, იმიტომ არ ვარ დღეს კომპიუტერის სპეციალისტი?

[Giorgi-]

მარიამი



კარგი იყო

მაგ ლოგიკით კანადაში, ინდოეთში და ა.შ. სულ ტვინარეულები არიან 2 ენაზე რომ საუბრობენ

და თქვენი თაობაც ქართულ-რუსულად რომ იზრდებოდა?


თუ რუსული მაინც მშობლიურში გადის და ინგლისური მაიმუნობაა ?

[მარიამი]

მარიამი



კარგი იყო

მაგ ლოგიკით კანადაში, ინდოეთში და ა.შ. სულ ტვინარეულები არიან 2 ენაზე რომ საუბრობენ

და თქვენი თაობაც ქართულ-რუსულად რომ იზრდებოდა?
თუ რუსული მაინც მშობლიურში გადის და ინგლისური მაიმუნობაა ?

რა იცი რომ არა აქვთ მაგის გამო პრობლემები? ცოცხალი მაგალითი მყავს აგერ გვერდით. ჩემი თანამშრომლის შვილიშვილი ინგლისში დაიბადა, რამდენიმე წელი ინგლისში ცხოვრობდა, მერე რუსეთში გადაიყვანეს და დროდადრო საქართველოშიც ჩამოჰყავდათ. შესაბამისად, ბავშვმა თავიდან დაიწყო ინგლისურ-ქართულად მეტყველება, მერე ჩაერთო რუსულიც და დღეს ლოგოპედთან დაჰყავთ. თან დაკომპლექსდა ამ არეული ენების გამო. მაგალითად, როცა სტუმრები მოდიან, ბავშვი თავის თავში იკეტება და ხალხთან კონტაქტს ვერ ამყარებს. სულ გაჩუმებულია. აზროვნებითაც დიდად არ გამოირჩევა. მისი ასაკის ბავშვებმა გაცილებით მეტი იციან ხოლმე. არადა ჯანმრთელი ბავშვია, წესით არანაირი პრობლემა არ უნდა ჰქონოდა.

[fiore]

მარიამი
და რა მოხდება პირველი კლასიდან რო დაიწყოს?

ეგრე ჩემს ნათესავს რო დაჭირდა 50 წლის ასაკშიც ისწავლა. ხოდა ვისწავლოთ მაშინ სიბერეში. როცა დაგვჭირდება მაშინ.

[მარიამი]

მარიამი
და რა მოხდება პირველი კლასიდან რო დაიწყოს?

ეგრე ჩემს ნათესავს რო დაჭირდა 50 წლის ასაკშიც ისწავლა. ხოდა ვისწავლოთ მაშინ სიბერეში. როცა დაგვჭირდება მაშინ.

რა მოხდება და ენების ერთმანეთში არევა შეიძლება ცუდად აისახოს ბავშვის აზროვნებასა და მეტყველებაზე. 6 წლის ბავშვი არაა ჯერ ჩამოყალიბებული სათანადოდ, რომ სხვადასხვა ენები ჩაუყარო ტვინში. რა შეიძლება გამოიწვიოს ამ არევ-დარევამ, ცოცხალი მაგალითი დავწერე ზემოთ.


50 წელი ნამეტანი გვიანია ალბათ ყველა მაგ ასაკში ვერ ითვისებს, თუმცა გამონაკლისებიც არსებობენ. ჩემი აზრით, სკოლის პერიოდში უნდა ასწავლო არა მარტო ინგლისური, არამედ რომელიმე მეორე უცხო ენაც. მე პირადად, რუსულსაც ვასწავლი ჩემს შვილს. გერმანულიც მინდა ძალიან. ვნახოთ, რამდენს შეძლებს.

[fiore]

ჩემი თანამშრომლის შვილიშვილი ინგლისში დაიბადა, რამდენიმე წელი ინგლისში ცხოვრობდა, მერე რუსეთში გადაიყვანეს და დროდადრო საქართველოშიც ჩამოჰყავდათ. შესაბამისად, ბავშვმა თავიდან დაიწყო ინგლისურ-ქართულად მეტყველება, მერე ჩაერთო რუსულიც და დღეს ლოგოპედთან დაჰყავთ. თან დაკომპლექსდა ამ არეული ენების გამო. მაგალითად, როცა სტუმრები მოდიან, ბავშვი თავის თავში იკეტება და ხალხთან კონტაქტს ვერ ამყარებს. სულ გაჩუმებულია. აზროვნებითაც დიდად არ გამოირჩევა. მისი ასაკის ბავშვებმა გაცილებით მეტი იციან ხოლმე. არადა ჯანმრთელი ბავშვია, წესით არანაირი პრობლემა არ უნდა ჰქონოდა.

და რატო აწყდებით მაინცადამაინც უარყოფითს???
მე მყავს ნათესავი 7 წლის არის ჯერ, ხან ამერიკაშია ხან რუსეთში და ხან საქართველოში და სამივე ენაზე თავისუფლად მეტყველებს.

ამერიკელი მხატვარი იყო კიდევ ერთი სერჟანტი და ჯერ კიდევ ბავშვი უკვე 4 ენაზე ლაპარაკობდა, მისი მშობლები ეხვადასხვა ქვეყნებში გადადიოდნენ საცხოვრებლად და მიტომ.

აზროვნებითაც დიდად არ გამოირჩევა.

ალბათ ამის ბრალია მაგ ბავშვის პრობლემა

[მარიამი]

და რატო აწყდებით მაინცადამაინც უარყოფითს???
მე მყავს ნათესავი 7 წლის არის ჯერ, ხან ამერიკაშია ხან რუსეთში და ხან საქართველოში და სამივე ენაზე თავისუფლად მეტყველებს.

ამერიკელი მხატვარი იყო კიდევ ერთი სერჟანტი და ჯერ კიდევ ბავშვი უკვე 4 ენაზე ლაპარაკობდა, მისი მშობლები ეხვადასხვა ქვეყნებში გადადიოდნენ საცხოვრებლად და მიტომ.


ალბათ ამის ბრალია მაგ ბავშვის პრობლემა

ჯერ ერთი, მაგ შემთხვევებში მთლიანად უნდა განიხილო ბავშვის ფსიქოლოგია და არა მარტო ენების ცოდნით. და მეორეც, როცა არსებობს რისკი, რატომ უნდა ჩაატარო ექსპერიმენტი საკუთარ შვილზე? უცებ რომ არ გაამართლოს და ბავშვს პრობლემები შეექმნას? ღირს კი 1-ელ და მე-2 კლასში ინგლისურის ცოდნა ამ რისკად?

ბავშვის პრობლემა არაა. მე დაბადებიდან ვაკვირდები მაგ ბავშვის განვითარებას და ძალიან ცხადად ჩანს, რომ პრობლემები სწორედ ენების არევის შედეგად შეექმნა.

[Giorgi-]

მარიამი

რა იცი რომ არა აქვთ მაგის გამო პრობლემები? ცოცხალი მაგალითი მყავს აგერ გვერდით. ჩემი თანამშრომლის შვილიშვილი ინგლისში დაიბადა, რამდენიმე წელი ინგლისში ცხოვრობდა, მერე რუსეთში გადაიყვანეს და დროდადრო საქართველოშიც ჩამოჰყავდათ. შესაბამისად, ბავშვმა თავიდან დაიწყო ინგლისურ-ქართულად მეტყველება, მერე ჩაერთო რუსულიც და დღეს ლოგოპედთან დაჰყავთ. თან დაკომპლექსდა ამ არეული ენების გამო. მაგალითად, როცა სტუმრები მოდიან, ბავშვი თავის თავში იკეტება და ხალხთან კონტაქტს ვერ ამყარებს. სულ გაჩუმებულია. აზროვნებითაც დიდად არ გამოირჩევა. მისი ასაკის ბავშვებმა გაცილებით მეტი იციან ხოლმე. არადა ჯანმრთელი ბავშვია, წესით არანაირი პრობლემა არ უნდა ჰქონოდა.

თუ უხცო ქვეყანაში დაიბადა - ეს გასაგებია

მე ვამბობ რომ მარტივი, სახალისო ინგლისური პირველ კლასელ ბავშვს არ აწყენს, ყოველ შემთხვევაში იმ დონეზე ეცოდინება რომ ინტერნეტში წაიკითხავს რამე განსხვავებულ მოსაზრებას რაიმე საკითხზე და ქართული ტელეარხების გავლენის ქვეშ არ მოექცევა

სადაც არ უნდა გავიქცეთ, ინგლისური არის ყველაზე გავრცელებული ენა, საერთაშორისო ენა და ყველაზე სრულყოფილი ინფორმაციის მიღება მხოლოდ ამ ენაზეა შესაძლებელი

იგივე კითხვას გავიმეორებ, რომ ჩვენზე უფროსი თაობა რუსულად ლექსებს სწავლობდა ბაღის ასაკში, მაგრამ არანაირი პრობლემა არ შექმნიათ, და იცი რატომ?

იმიტომ, რომ რუსული მაინც "შინაური" იყო რატომღაც.

ცხადია ბავშვის ტვინის არევას ვერ მივესალმები, მაგრამ გალიაშიც ვერ გავზრდით

გლობალიზაცია გარდაუვალია და სულაც არ ნიშნავს ქართველების გადაგვარებას ჩემი აზრით

ჩემთვის მთავარია ბავშვი დამოუკიდებლად აზროვნებას, გადაწყვეტილების მიღებას მიეჩვიოს და ამისთვის თანამედროვე განათლება ჭირდება პირველ რიგში და ფუნდამენტალური თავისთავად, თუმცა ყოველთვის ისე ხდება რომ თანამედროვე განათლება ძაან ცოტას აქვს დღესაც.

მე მართლა მირჩევნია სტომატოლოგთან მივიდე, რომელმაც არაფერი არ იცის სტომატოლოგიის გარდა, ვიდრე ექიმთან, რომელიც "უზომოდ განათლებულია", მაგრამ კბილებს ხარისხიანად ვერ აკეთებს. იმიტომ, რომ მე კონკრეტული საკითხის გადაწყვეტა მჭირდება მასთან, ვიდრე "რანი ვართ, რისთვის მოვსულვართ, საითკენ მივდივართ" და ასეთი ქადაგებები

სპეციალისტების პრობლემაა იმ ქვეყანაში, როდესაც ზოგადი განათლება არ ვიცით სად წავიღოთ

[Giorgi-]

მარიამი

რომ პრობლემები სწორედ ენების არევის შედეგად შეექმნა.

სხვა თემაა ეს, მარიამ, ბავშვი რომ საზღვარგარეთ გადავა საცხოვრებლად, ან იქ დაიბადება და სახლში მშობლიურ ენაზე მეტყველებს - გასაგებია

მაგრამ 6-7 წლის ბავშვმა მაქსიმუმ ისწავლოს ანბანი და მარტივი წინადადებები, მითუმეტეს ჩვენს სკოლებში. რაც ტვინს კი არ აურევს, პირიქით საფუძველს მისცემს

რაც მთავარია ის მომენტი არ იქნება, ჩვენს დროს რომ იყო ვისაც ფული ქონდა ის ემზადებოდა ინგლისურში და ვისაც არა სკოლა ვერაფერს აძლევდა. 60-ანი წლების აკადემიურ ინგლისურს ახვევდნენ თავზე. "ლ - ა - ნდონ, ქ - ო - მფანი"