წმინდა მამათა გამონათქვამები, გამონათქვამები, წერილები, ამონარიდები ქადაგებებიდან და ა.შ პარამეტრები

[იოანა]

კარგი იქნება თუ აქ დავპოსტავთ ჩვენთვის ყველაზე ახლო, მისაღებ და საყვარელ გამონათქვამებს, წერილებს, ამონარიდებს წმინდა მამებისა ან უბრალოდ მამების ქადაგებებიდან. ამდენად, მე მინდა ეს თემა გავხსნა ჩემთვის ძალიან საყვარელი სანუგეშოთი (როგორც შეგპირდით), რომელიც მღვდელ-მონაზონ სერაფიმე ვირიცელს ეკუთვნის. ალბათ, ბევრ თქვენგანს წაკითხული აქვს ეს წერილი, რომელიც წმინდა სერაფიმემ თავის სულიერ შივილს მისწერა და რომელიც ისე როგორც მე, ბევრ სხვას დღესაც ანუგეშებს... მაგრამ მანამდე მინდა მისი ცხოვრებიდან მოვიყვანო ერთი შემთხვევა: "მკაცრ მარხვასა და თავის საბერო კანონთან ერთად მამა სერაფიმემ დიდი ღვაწლი იტვირთა: თავისი საყვარელი რუსეთის გადასარჩენად ათასი ღამე იდგა ქვაზე ღია ცის ქვეშ და ევედრებოდა უფალს. ამით მიემსგავსა წმინდა სერაფიმე საროველს, თავის ზეციურ მფარველს". (ჟურნალი „კარიბჭე“, №21, 2005 წ)

ახლა კი წერილი "ეს ჩემგან იყო"

გიფიქრია ოდესმე, რომ ყველაფერი, რაც შენ გეხება, მეხება ასევე მეც? რადგან ის, რაც გეხება შენ, ეხება ჩემი თვალის ჩინს.
შენ ძვირფასი ხარ ჩემთვის, უძვირფასესი, მე შენ შეგიყვარე, ამიტომაც განსაკუთრებულ სიხარულს მანიჭებს შენი აღზრდა.
როდესაც თავს განსაცდელი დაგატყდება და მდინარესავით მოგადგება მტერი, მინდა იცოდე, რომ ეს ჩემგანაა.
შენი უძლურება ჩემს ძალას ითხოვს და თუ გსურს უსაფრთხოდ იყო, მომეცი საშუალება, ვიბრძოლო შენთვის.
მძიმე გარემოებაში იმყოფები? იმ ადამიანთა შორის, შენი რომ არ ესმით, ანგარიშს არ უწევენ შენი სულისათვის საჭიროს და გრთგუნავენ? გახსოვდეს – ეს ჩემგანაა.
მე ვარ უფალი, მეუფე ყოველგვარი გარემოებისა, შემთხვევით კი არ აღმოჩენილხარ იქ, სადაც დაგადგინე.
შენ არ მთხოვდი, მორჩილება მესწავლებინა შენთვის?! ჰოდა, დაგაყენე ზუსტად იმ გარემოში, იმ სკოლაში, სადაც ამ გაკვეთილს ასწავლიან. შენი გარემო და შენთან მცხოვრებნი მხოლოდ ჩემს ნებას აღასრულებენ.
გაჭირვებაში ხარ და თავი ძლივს გაგაქვს? გახსოვდეს ყოველთვის – ეს ჩემგანაა. ჩემს ხელშია მატერიალური კეთილდღეობა შენი, მინდა ჩემთან მოირბინო და ჩემზე იყო დამოკიდებული. ჩემი მარაგი ულევია.
მინდა, რომ დარწმუნდე ჩემს ერთგულებაში. არ დავუშვებ, გაბედონ და გითხრან შენი გასაჭირი – არ გწამდა ღმრთისაო!
ტანჯვას განიცდი ღამ-ღამობით? განშორებული ხარ ახლობლებს? გახსოვდეს – ეს ჩემგანაა.
მე ვარ კაცი ნატანჯი, ბევრი განსაცდელი მიგემია. მე დავუშვი განსაცდელები შენზე, რათა მომმართო და ჩემში ჰპოვო სულის სიმშვიდე.
მოტყუვდი მეგობარში, ან ადამიანში, ვისთვისაც გული გიბოძებია? გახსოვდეს – ეს ჩემგან იყო. მე დავუშვი, ეს სიმწარე შეგხებოდა, რათა შეგეცნო, რომ უფალია ნამდვილი მეგობარი. მინდა, ყველაფერი ჩემთან მოგქონდეს ლოცვებში.
ცილი დაგწამეს? მომანდე ეს საქმე და იყავი ჩემთან, შენს თავშესაფარში, რათა მტკიცედ დაუხვდე „ენის ყივილს“. თავის დროზე ნათელს გავხდი შენს სიმართლეს, შენი სამართლიანობა კი გახდება მსგავსი შუადღისა.
დაინგრა შენი გეგმები? სულით დაეცი და დაიღალე? გახსოვდეს – ეს ჩემგან იყო. შენ აგებდი გეგმებს და მომიტანე, რათა მეკურთხებინა ისინი, მაგრამ არ მინდა დამითმო, არ მინდა მე წარვმართავდე შენს ცხოვრებას, მაშინ პასუხისმგებელი ყველაფერზე მე ვიქნები, რადგან ძალზედ მძიმეა ის შენთვის და მარტო ვერ შეძლებ გამკლავებას, რამეთუ იარაღი ხარ მხოლოდ და არა მოქმედი პირი. (ეს კარგად ვე რგავიგე, როგორც ჩანს თარგმანშია შეცდომა. იოანა)
იგემე მოულოდნელი ყოფითი წარუმატებლობები და უიმედობამ მოიცვა შენი გული? ეს ჩემგან იყო, რადგან მინდა, შენი სული და გული მუდამ ენთოს და ჩემი სახელით ამარცხებდე სულმოკლეობას.
დიდი ხნის მანძილზე არ იღებ შენი ახლობლებისა და ძვირფასი ადამიანებისაგან ცნობებს და, სულმოკლეობის გამო, უნუგეშობასა და დრტვინვას მისცემიხარ? იცოდე – ეს ჩემგანაა, რადგან ამ წუხილით ვცდი ახლობლებისათვის შენი ლოცვის კადნიერების ძალას. შენ არ დაავალე მათი მფარველობა ყოვლადწმიდა ღვთისმშობელს?
მოგიხილა მძიმე ავადმყოფობამ – დროებითმა ან უკურნებელმა და სარეცელს მიეჯაჭვე? იცოდე – ეს ჩემგან იყო. რადგან მინდა, უფრო ღრმად შემიცნო სხეულებრივი უძლურებისას და არ დრტვინავდე მოწევნული განსაცდელის გამო, არ ეცადო, ჩასწვდე ჩემს განგებას, ადამიანთა სულების სხვადასხვა გზებით გადასარჩენად დაშვებად მოუდრიკე ქედი წყალობას ჩემსას შენს მიმართ.
ოცნებობდი, ჩემთვის განსაკუთრებული საქმე აღგესრულებინა და ნაცვლად ამისა სარეცელს მიჯაჭვული აღმოჩნდი? იცოდე – ეს ჩემგან იყო. წარმატებისას საქმეებში იყავი გართული და არ შემეძლო, წარმომემართა შენი ფიქრები ჩემსკენ. მინდა გასწავლო ყველაზე ღრმა ფიქრი, იდგე ჩემს სამსახურში. მინდა გასწავლო შეგრძნება საკუთარი არარაობისა და იმისა, რომ საკუთარ თავს ვერაფერში ენდობი.
ჩემი საუკეთესო თანამებრძოლნი, ძირითადად, ისინი არიან, ვინც ცოცხალ მოღვაწეობას მოწყვეტილა, რათა ესწავლათ ფლობა იარაღისა, განუწყვეტელი ლოცვა რომ ჰქვია.
უეცრად მოგიწოდეს მძიმე და საპასუხისმგებლო მდგომარეობის დასაკავებლად? წადი ჩემი იმედით. მე გაბარებ ამ სიძნელეებს, რადგან მათთვის გაკურთხა უფალმა ყველა ჩემს გზაზე, ყველაფერზე, რაც გაკეთდება შენი ხელებით.
გაძლევ ჭურჭელს წმინდა მირონით. ისარგებლე, შვილო ჩემო! ამ მირონით იყოს ცხებული ყოველი წარმოქმნილი დაბრკოლება, ყოველი შეურაცხყოფა სიტყვითი, ყოველი მარცხი სამსახურში, გულისწყვეტის გამომწვევი, ყოველი აღიარება შენი უძლურებისა და უუნარობისა.
გახსოვდეს, რომ ყოველი მარცხი უფლის დარიგებაა!
ყოველი საწრეტელი შეხებისთანავე დაჩლუნგდება, რადგან გულში ჩაგითესე დღეს განცხადებული სიტყვები - ეს ჩემგან იყო!
1937წელი

[marine]

წმ. ეგნატე ბრიანჩანინოვი

949. როგორ უნდა მოვიქცე, თუკი შემთხვევით ვიპოვი რაიმე ნივთს?

ერთხელ აბბა აღათონი თავის მოწაფეებთან ერთად სოფლად მიდიოდა. ერთ–ერთმა მათგანმა უეცრად გზაზე დაგდებული წვრილი ბარდის ასხმულა იპოვა და ბერს უთხრა: მამაო, თუკი მაკურთხებ, მე ავიღებ ამას. ბერმა ყურადღებით შეხედა მოწაფეს და გაოცებით ჰკითხა: განა შენ დადევი აქ ეს ასხმულა? ძმამ მიუგო: არა. ბერმა კი უთხრა: მაშინ როგორღა გსურს იმის აღება, რაც შენ არ დაგიგდია?

[marine]

"ცილისმწამებელს ძმაზე ცილისწამება ჩაეთვლება იმავე ცოდვად, რაც მასზე მოიგონა და თუ არ შეინანებს, ამ ცოდვის გამო განიკითხება".

[marine]

"მიზეზი სხვებში კი არა, საკუთარ თავში უნდა ვეძებო"

/ღირსი პაისი ათონელი/

[marine]

"შეცთომილს თავზე ხელი კი არ უნდა უსვა და ეუბნებოდე - რა კარგი ხარო, შეცდომაზე უნდა მიუთითო".

/წმ. ფილარეტ ვოზნესენსკი/

[marine]

"განა არ შეურაცხყოფს მეძავი ქრისტეს, ძე ღმრთისას, როცა თავის თავში მის სხეულს ბილწავს და ანრისხებს მას?"

/წმ. დიმიტრი როსტოველი/

[marine]

"ჩვენ იმედით უნდა შევყურებდეთ მომავალს. აუცილებლად გავალთ სამშვიდობო გზაზე."

/უწმინდესი და უნეტარესი ილია მეორე/

[marine]

"აბბა იოანე ამბობდა:

- ის კი არ გვზრდის, რასაც ვჭამთ, არამედ რასაც გადავამუშვებთ. ის არ გვამდიდრებს, რასაც გამოვიმუშავებთ, არამედ ის, რასაც გავცემთ. ის რწმენა კი არ გაგვწმენდს, რომელსაც ენით ვაღიარებთ, არამედ ის, რომელსაც ჩვენი ცხოვრებით ხორცს შევასხამთ".

[marine]

"უნდა შეიგნო ღმერთთან კავშირის აბსოლუტური აუცილებლობა".

/არქიმანდრიტი ათანასე ლიმესოელი/

[marine]

"თუ ერთ ადამიანს მეორე უყვარს და დადებითად ფიქრობს მასზე, ეს უკანასკნელი გრძნობს ამ სიყვარულს. შეურაცხმყოფელის მიმართაც რაღაც ამდაგვარი ხდება. აი, მაშინ კი გულნატკენი კაცის მრისხანება სულს უბრუნებს მას. სულ სხვა ადგილასაც რომ იმყოფებოდეს, თუნდაც ავსტრალიაში ან იოჰანესბურგში - თუკი მისი მიზეზით ვინმეს სული აღშფოთებულია, იგი სიმშვიდეს ვერსად იპოვის."

/წმ. პაისი ათონელი/

[marine]

"თუ ადამიანს ღვთის კურთხევა აქვს, ეს უდიდესი საქმეა. ეს ნამდვილი სიმდიდრეა! ის, რაც კურთხეულია, დგას და არ ინგრევა, ხოლო ის, რაც კურთხევის გარეშეა, ვერ გადარჩება."

/ღირსი პაისი ათონელი/

[marine]

"გარდა ჩვენი ფიზიკური ყოფიერებისა, რომელზეც ასე გაძლიერებულად ვზრუნავთ, არ უნდა დავივიწყოთ სულიერი ცხოვრებაც"

/უწმინდესი და უნეტარესი ილია მეორე/

[marine]

"სახარების ქადაგება ყოველ მართლმადიდებელ ქრისტიანს შეუძლია და მათ შორის ქალსაც, მაგრამ ამ უდიდეს საქმეში წარმატების მისაღწევად მხოლოდ ცოდნა როდი კმარა, აუცილებელია მადლიც ღვთისა, რომელიც სიტყვას ძალას მიანიჭებს".


"თუ ქალი სამსახურს ოჯახზე მაღლა აყენებს, ე.ი. მას დედობრივი სიყვარული აკლია, თუ მას ოჯახიდან გათავისუფლება სურს, ე.ი. ის მეუღლე აღარაა".

/უწმინდესი და უნეტარესი ილია II/

[marine]

"ღმერთი შეიწყნარებს მას, ვისაც ხანგრძლივი დაუდევრობის შემდეგ გამოსწორება სურს"

/წმ. იოანე სინელი/

[marine]

"სიცოცხლის სიტკბოებას გრძნობს არა ის, ვინც ამქვეყნიური სიხარულით ხარობს, არამედ ის, ვინც სულიერი ცხოვრებით ცხოვრობს და სიხარულით იღებს ჭირსა და სნეულებას, როგორც სამკურნალო ბალახებს - სულისათვის, საზრდელს კი სჯერდება იმდენს, რამდენიც საკმარისია ხორცთა განსამტკიცებლად."

/წმ. პაისი ათონელი/

[marine]

"სიმშვიდე, სიწრფელე და უმანკოება თანდაყოლილი კი არ არის, არამედ გულმოდგინებით და შრომით მოიპოვება"

/წმ. იოანე სინელი/

[marine]

"ღმერთმა ჩვენი უძლურებანი იცის და სასჯელს მზრუნველობას უერთებს".

/წმ. გრიგოლ დიოლოღოსი/

[marine]

"ბევრს შემოუჩივლია ჩემთვის, რომ სურს იწამოს ღმერთი, მაგრამ არ შეუძლია, რადგან გონებით ვერ იღებს. რა თქმა უნდა, ამგვარ შემთხვევაში ღვთის არსებობის მეცნიერულ-ფილოსოფიური დასაბუთება შედეგს ვერ გამოიღებს, ამიტომაც მიკითხავს: სწამს თუ არა სიკეთისა და ბოროტების არსებობა, და როცა დადებითი პასუხი მიმიღია, მითქვამს: ერიდე ბოროტებას და სიკეთე აკეთე, და ეს სიკეთე აუცილებლად მიგიყვანს სარწმუნოებასთან-მეთქი. რადგან არ შეიძლება დაკარგვა სიკეთისა, რომელიც სიყვარულიდან მომდინარეობს, ხოლო სიყვარული თვითონ ღმერთია, ამიტომ უფალი ამგვარ ადამიანს გულსა და გონებას აუცილებლად გაუხსნის რწმენისათვის".

/უწმინდესი და უნეტარესი ილია მეორე/

[marine]

"ღირსი ისიხი წერს: "სამსონზე ძლიერნი არ ვართ, არც სოლომონზე უფრო ბრძენნი, არც ნეტარ დავითზე გონიერნი, პეტრეზე მეტად ღვთისმოყვარენი. ნუ მივენდობით საკუთარ თავს, რამეთუ საღვთო წერილი გვაუწყებს - თუ მხოლოდ საკუთარ თავს მიენდობი, დაეცემი საშინელი დაცემით".

[marine]

"ერთ ბერძენ მმართველს ჩვევად ჰქონდა, ყოველ დილით ორ მხარეს იჩოქებოდა. როცა ჰკითხეს, ვის ეთაყვანებიო, უპასუხა: - ღმერთსა და ხალხს - რაც მაქვს, ან ღმერთისგანაა, ან კაცთაგანო".

/წმ. ნიკოლოზ სერბი/

[marine]

"უფალო, ძალა მოგვეცი, რომ უკანასკნელ ამოსუნთქვამდე გადიდებდეთ"

/წმ. სილოვანე ათონელი/