განსაცდელი, ვისაუბროთ პარამეტრები

[marine]

"ეს ძნელია და ვიცი, რომ ახლა, როდესაც შენ მე მისმენ, განიცდი ტკივილს, რომელიც ჩემთვის უცნობია, რადგან იგი თითოეულ ჩვენგანს თავისი აქვს, მაგრამ ვიცი, რომ ღმერთი ზიანს არ მოგაყენებს. იგი მხოლოდ კარგს მოგცემს.

ყველაზე კარგი შენი ტანჯვისგან მიიღება, რადგან, როდესაც ჯვარს გაცმევენ, როდესაც ტკივილს გამოცდი და ატირდები, შენი სული მაშინ იმ სილამაზეს შეიძენს, რომელიც ძლიერ განხვავდება სხვა გზით მიღებული სილამაზისგან - როდესაც ტუჩებ პომადით იღებავენ, ვარცხნილობას იყენებენ და სუნამოებს იპკურებენ.

ეს ყოველი - ამა სოფლის სილამაზე - ზედაპირულია".

/არქიმანდრიტი ანდრია (კონანოსი)/

[marine]

"ჯვარი სხვაგვარ სილამაზეს გჩუქნის, - შენ საშუალება გეძლევა, ტკივილის მეშვეობით განიწმინდო, რათა შენგან დადგეს ის, რაც სხვაგვარად არ დადგებოდა. მაგალითად - როგორ უნდა ისწავლო მოთმინება? იგი შენს გულში იმალება, ეს სიმდიდრე, გამოცდილება, სიბრძნე, მაგრამ როგორ უნდა ამოვიდეს ზედაპირზე? როგორ?

როგორ ისწავლი სხვების გაგებას, თუკი თავად არ გამოცდი ტანჯვას, როდესაც შენ ესაუბრები მას, ვინც იცის, რა არის ტკივილი, ამჩნევ, რომ მას შენი ესმის. როდესაც უყვები შენს ტანჯვაზე, ხედავ, რომ გისმენს, გიყურებს, მისი თვალები თითქოს შენი ცრემლებით ტირიან; მისი ყურები ისე გისმენენ, თითქოს მისივე ტირილი ესმოდეთ.

ადამიანი კი, რომელსაც ჯერ არაფერი გადაუტანია, რომელსაც ჯერ თავად არ უტირია, ასევე გისმენს, მაგრამ გისმენს ზედაპირულად, - მას შენი ტკივილის განცა არ შეუძლია".

/არქიმანდრიტი ანდრია (კონანოსი)/

[marine]

"როდესაც მასწავლებელი მოსწავლეს რთულ დავალებას აძლევს, ეს იმას ნიშნავს, რომ მას სჯერა და თვლის, რომ მოსწავლე დავალებას დასძლევს. როდესაც ღმერთი სირთულეებს გიმზადებს, ის კი არ უგულებელყოფს, არამედ სურს, რომ გაძლიერდე. ჩვენ ღმერთს უნდა მივენდოთ - სწორედ ესაა საიდუმლო".

/არქიმანდრიტი ანდრია (კონანოსი)/

[marine]

"ცალკეულ პიროვნებებსაც და ერსაც განსაცდელი ან რწმენაში განსამტკიცებლად ეძლევა, ან მცდარი გზიდან მოქცევისთვის"

[marine]

"ასე ძლიერ ნუ მწუხარებ. ყველაფერში ზომაა საჭირო, რადგან დიდი ტირილისგან უარესად შეიქნები, ნერვები დიდ მწუხარებასა და იწროებას ვერ უძლებენ".

/არქიმანდრიტი ეფრემ მთაწმინდელი/

[marine]

"დაითმინე, შვილო ჩემო, ღმერთი არ მოგატოვებს, მაგრამ შენს მდგომარეობას შეცვლის. ღმერთმა იმ სახით მოხაზა ყოველი ადამიანის სიცოცხლე, რათა ამ ქვეყანაზე მან ტანჯვა ნახოს, ხოლო მეორე, ნეტარ სამყაროში, სიმშვიდე და სიხარული მოიპოვოს.

აქ, შვილო ჩემო, დათმენითა და სიმტკიცით გავისტუმრებთ ჩვენს ცოდვით ვალებს, სიკვდილის შემდეგ კი სრული თავისუფლებით გავთავისუფლდებით".

/არქიმანდრიტი ეფრემ მთაწმინდელი/

[marine]

"ღვთის რისხვა არ უნდა აღვიქვათ ბოროტებად, არამედ მხსნელ და გამომსწორებელ, განმკურნებელ სიკეთედ"

[marine]

"თურმე ხორციელი გაჭირვება ადვილად დასაძლევია, სულიერი უფრო მძიმე და ძნელად თავდასაღწევი ყოფილა"

[marine]

"განსაცდელები ღვთისა და მოყვასისგან კი არ მოდის, არამედ ჩვენგან"

[marine]

"ტანჯვა თავისთავად ღვთის დიდი საჩუქარია"

/არქიმანდრიტი არსენი (პაპაჩოკი)/

[marine]

"დიდი მწუხარების ჟამს ღმერთი არ დაგიტევებს"

[marine]

"გლინელი მამა სქემარქიმანდრიტი სერაფიმე (ამელინი) მთლიანად ღვთის ნებას იყო მინდობილი, ამიტომაც მშვიდად ხვდებოდა ყველა განსაცდელს.

ერთხელ ერთმა სტუმარმა ძველ ალბომში ანახა ტაძარ-მონასტრები, რომლებიც კომუნისტებმა დაანგრიეს. ერთმა მორწმუნემ ჰკითხა, როგორ დაითმინე ამდენი განსაცდელიო, რაზეც წმინდა მამამ უპასუხა: - ყველაფერი ღვთის ნება იყოო! არც გაბრაზება, არც განკითხვა ბარბაროსთა არ დასცდენია."

[marine]

"როცა უკვე დაცემულ ადამიანს აღარ აქვს ძალა, ადგეს და წავიდეს ღვთისკენ, მაშინ თვითონ უფალი მიდის მასთან"

/უწმინდესი და უნეტარესი ილია მეორე/

[marine]

"გაჭირვებაც კიდევ იმიტომ გვეძლევა, რომ უფრო მეტად ვიყოთ უფალზე მინდობილი. სულ დალხენილი რომ ვიყოთ, ხომ მოვდუნდებით. ღმერთი გვაფხიზლებს ხოლმე განსაცდელებით. როცა მოდის განსაცდელი, ადამიანი უფალთან მეტ სიახლოვეს ცდილობს. თუ ადამიანს რწმენა არა აქვს, განსაცდელი სასოწარკვეთილებაში ჩააგდებს. ამიტომ რწმენა და ღვთის სიყვარული აუცილებელია."

/მამა ეგნატე გოგალაძე/

[marine]

"ნეტარია კაცი, რომელმაც დაითმინა განსაცდელი"

[marine]

"არა არს ადამიანი, რომელსაც არ აქვს რამე მწუხარება"

/ილია მეორე/

ფსალმუნი 39

1. "თმენით დაუთმე უფალსა და მომხედნა მე და ისმინა ლოცვისა ჩემისა"

- როგორც წმინდა მამები გვეუბნებიან, ფსალმუნის ამ მუხლში დავით წინასწარმეტყველი გვასწავლის, როგორ მოვიპოვოთ მოთმინებით ღვთის წყალობა. ადამიანზე განსაცდელი მოდის მის სასიკეთოდ და განსამტკიცებლად. როდესაც განსაცდელს დავითმენთ და ლოცვით შევევედრებით უფალს, ის შეისმენს და წყალობით მოგვხედავს. განსაცდელის ჟამს უფლისადმი ლოცვით ყველაფერი ჩვენს სასიკეთოდ იცვლება".

/არქიმანდრიტი მაკარი (აბესაძე)/

[marine]

"ვის შეუნანია და არ გადარჩენილა? ვის უთქვამს - "შევცოდე" და არ მიტევებია? ვინ დაცემულა, შველა უთხოვია და არ აღუმართავთ? ვის უტირია და ღმერთს არ უნუგეშებია?"

/არქიმანდრიტი ეფრემ მთაწმინდელი/

[marine]

"ჩვენ ყველანი ტკივილის სამეფოში ვცხოვრობთ. ჩვენ ვიცით, რომ ტკივილი ეს რაღაც პირადულია, რასაც ყველამ თავად უნდა გაუწიოს წინააღმდეგობა. ეს მისი ჯვარია, რომელიც უნდა ატაროს ქვეყნის მაცხოვრის, იესო ქრისტეს მსგავსად, რომელმაც იგი ჩვენი გულისთვის იტვირთა. ამგვარად, შვილო ჩემო, მიენდე მამის ხელს, რომელიც შენს თავზე მტკივნეულ ოპერაციას აღასრულებს და დამშვიდდი. შეიმეცნე, რომ ტკივილი ღმერთმა გამოგიგზავნა".

/არქიმანდრიტი ეფრემ მთაწმინდელი/

[marine]

"რაც უფრო შეიმეცნებ უფალს, მით უფრო ხვდები, რატომ უშვებს უფალი განსაცდელს"

"ადამიანი ვერ ხედავს უფალს განსცდელის დადგომამდე"

[marine]

"ცხოვრებაში უამრავი განსაცდელი მოდის. ჭეშმარიტად მონანულისთვის განსაცდელი ძალას კარგავს. ასეთი ადამიანი, რაც არ უნდა შეემთხვეს, მუდამ ურყევია, რადგან მის ცხოვრებაში ყველაფერი მეორეხარისხოვანია, გარდა იმისა, რომ უყვარდეს ღმერთი და მის გვერდით იყოს. ასეთი ადამიანი, გნებავთ მივაყენოთ შეურაცხყოფა, დავამციროთ, მაინც იტყვის, რომ ბედნიერია და წუთისოფლისგან კი არა, უფლისგან მოელის ნუგეშს."

/მამა მათე ვაშაყმაძე/