 ბედისწერა, რას ამბობს ამის შესახებ რჯული? |
სტუმარს სალამი ( შესვლა | დარეგისტრირება )
  |
| Genesis |
 Feb 28 2008, 09:48 PM
პოსტი
#61
|
|
მივაფსი კრემლს  ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150  |
KAIROS
6ვე პუნქტებს გავცემ პასუხს თუ ჩამომიყალიბებ შენს შეხედულებას როგორ ახერხებს ადამიანი არცევნის გაკეთებას მარჯვნივ გაუხვიოს თუ მარცხნივ? -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
   |
 
|
| KAIROS |
Feb 29 2008, 01:00 AM
პოსტი
#62
|
 იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა ჩამომიყალიბებ შენს შეხედულებას როგორ ახერხებს ადამიანი არცევნის გაკეთებას მარჯვნივ გაუხვიოს თუ მარცხნივ? ჩემი შეხედულება მთლიანად ემთხვევა დამასკელის აზრს და ქრისტიანულ დოგმატიკას  კითხვაზე კითხვით ნუ მპასუხობ, თუ გვინდა დიალოგი გაგრძელდეს და მართლა საინტერესო და ნაყოფიერი იყოს, მაშინ უნდა გავარკვიოთ სწორედ შენი იდეები, რადგან რბილად რომ ვთქვათ განსხვავდებიან ქრისტიანული აზრისაგან... მოკლედ გენესის, გვესაუბრე კაცო, ვიცი, შენ აქცენტს აკეთებ ზეგავლენებზე ( გარემო + გენეტიკა), რათქმაუნდა რაღაც გავლენა არის, მაგრამ არა გადამწყვეტი, ადამიანი თვითონ აკეთებს არჩევანს, რაიმე შიგა ან გარე ზედმეტი ზემოქმედების გარეშე... ასე რომ, მოდი შენზე გვესააუბრე, კაიროსის თეოლოგია დამასკელს ემთხვევა აქ და ყველგან გისმენთ-ით; კაიროსი! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| Genesis |
Mar 2 2008, 02:17 PM
პოსტი
#63
|
|
მივაფსი კრემლს ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150 |
1)ბედის ამბავად მიმაჩნია როცა ადამიანი დაბადებამდე უკვე მსჯავრდადებულია ან ცხონებული.
ამის გამარტებაში გამოვიყენებდი ისევ იმ ადგილს ... სადაც წერია რომ კეთილი ხე კეთილ ნაყოფს გამოიღებს და ცუდი ხე ცუდ ნაყოფს... არ არსებობს კაცმა სიმინდი დათესოს და მის ნაცვლად ძაღლყურძენა ამოვიდეს... მსჯავრდადებულად თუ მიმაჩნია ვინმე, მხოლოდ საკუთარი მომავალი ცხოვრების შეცოდებების გამო და ცხონებულად თუ მიმაჩნია ვინმე მხოლოდ საკუთარი არჩევნის გამო... (ანუ ამ ადგილასაც გამოვრიცხავ იმას რომ, უხეში თქმით უფალმა ჩამოწერა ამას სიკვდილი იმას გადარჩენაო... ) ჩემი მოსაზრება იცი რომ სცენარს ქმნის გარემო + გენეტიკა და არა ღმერთი.... შესაბამისად თუ ვიტყვი რომ წინასწარ ცნობილია ვინმე მსჯავრდადებული იქნება თუ ცხონებული ამით ჩემს ჰიპოთეზას არ გავცდები... და არც ღვთის სამართლიანობის და სიყვარულის გმობად მიმაჩნია... 2)ციტატა არ არსებობს ეკლამა ლეღვი გამოისხას... კარგი ხე კარგ ნაყოფს ისხამს... ცუდი კიდევ ცუდს... ღვარძლი რომელიც ითესება ხორბალთან ერთად ხორბალს არ არმოაცენებს და ხორბალი კიდე ღვარძლს... ეს ადგილი ზემოთაც გამოვიყენე, რასაც შენ შეცდომის გაგრძელება უწოდე... გნოსტიკები უფალს და სამყაროს მიჯნავდნენ... მე კიდე არ ვუარყოფ უფლის მადლის და სიყვარულის მოქმედებას ნებისმიერ დროში... უბრალოდ ვთვლი რომ ღმერთი როგორც ყოვლისმომცველი ყოვლის შემძლე ყოვლისმცოდნე და უცვლელი არსი, ყოველთვის არის მასში იყო და იქნება მომავალში ზოგადად კაცობრიობის და კონკრეტული ადამიანის სიყვარულის ტუ დახსნის გეგმა... ანუ ჩემთვის განკუთვნილი დახსნის და მადლის გეგმა სამყაროს შექმნამდეც ქონდა და ჩემი გარდაცვალების შემდეგაც ექნება... მხოლოდ იმ კანონიკური მოსაზრებით რომ ღმერთი უცვლელია და მისთვის დრო არ არსებობს 3)ციტატა არა აქ მნიშვნელობა რას დაარქმევთ ამას... ბედისწერას თუ წინასწარგანჭვრეტას... ამაზე ამბობ რომ ბედისწერა სრულიად შეუსაბამო ტერმინია ქრისტიანობაში და საღვთო თვისებებს არ შეესაბამება... ვფიქრობ რომ ეგ ადრე არსებული ბედის მცდარი გაგების დამსახურებაა... და საღვთო თვისებებს არც უნდა შეესაბამებოდეს იმიტომ რომ ღმერთს არც მომავალი აქვს და არც წარსული... ანუ ეს ტერმინი მხოლოდ უნარშეზღუდულებს შეესაბამება... ღმერთის თვისებაში კიდე გამორიცხულია მისი არსებობა... 4)ციტატა ბედისწერა არის_ გარემოს + საკუთარი გადაწყვეტილება... ვისთვისაც გარემო სრულადაა ცნობილი და ადამიანის შინაგანი სამყარო მისთვის ამ ადამიანის და გარემოს ურთიერთქმედების შედეგი ცნობილია... ანუ 2+2=4 რაც არ უნდა დემაგოგოიით გაბეროს მორწმუნე ადამიანმა ამის არსებობა, საბოლოო პასუხი ის იქნება რომ უკვე ცნობილია ვიღაცისთვის ჩვენი ცხოვრება... ბრალს მდებ რომ მორწმუნეთ შეურაცყოფას ვაყენებ... "უფალი არ წვრილმანდება იმაზე ადამიანი მარჯვნივ გაუხვევს თუ მარცხნივ " ასეთი ფრაზა მიმაჩნია დემაგოგიად, ამის მთქმელის მორწმუნეობაში კიდე ეჭვი არ მეპარება... თუ მეტყვი რომელ ადამიანს გააჩნია ან გააჩნდა სრულყოფილი რწმენა და ყველა კითხვაზე პასუხი, მაშინ ვიტყვი რომ იმას არ სჭირდება თავისი უცოდინარობის კვება ჰიპოთეზებით... მაინც გავითვალისწინებ შენს რჩევას და ვეცდები მოვერიდო ვინმეს ნათქვამის დემაგოგიის კატეგორიებში ჩაწერას... 5) ციტატა თუ ვინმე ამბობს ბედისწერა არ არსებობსო, ამასთანავე არ უნდა ფიქრობდეს იმასაც რომ მისი გზა თუ რას მოიმოქმედებს ყველაზე მცირე დეტალებშიც კი არ არის ცნობილი უფლისათვის წინასწარ... თორე რჯულის წყევლას იმსახურებს თვლი რომ რომელიგაც რჯულის კანონის მანიპულირებით ვცდილობ ვინმეს აზრი მოვახვიო თავს... სიმართლე გითხრა ხელახლა რომ გადავიკითხე მეც ასეთი შთაბეჭდილება დამრჩა...  არადა მანდ რაც წერია აბსოლუტურად სიმართლეა... რჯულის წყევლას ის იმსახურებს ვინც ამბობს ან ფიქრობს რომ მისი გზა თუ რას მოიმოქმედებს ყველაზე მცირე დეტალებშიც კი არ არის ცნობილი უფლისათვის წინასწარ... ბედისწერაზე რა შეხედულებაც არ უნდა გააჩნდეს სულერთია... სჯეროდეს მის გინდ არა ამ თეზისის ფარგლებს არ უნდა გასცდეს... უფლის ყოვლისმცოდნეობაში ეჭვი არ უნდა შეიტანოს....  მეექვსეზე კი გიპასუხებ მაშინ როცა მეტყვი ტუ რა მექანიზმით აკეთებს ადამიანი არჩევანს მარჯვნივ გაუხვიოს თუ მარცხნივ...  -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
|
|
|
| KAIROS |
Mar 2 2008, 05:20 PM
პოსტი
#64
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ოოო, ეს უკვე წინსვლაა!
ახლა გენესის ერთი რამ უნდა გითხრა არ უნდა გეწყინოს, ამ შემთხვევაში შენ ქრისტიანობის გარეთ ხარ და რასაც მე გიწერ ქრისტიანული სწავლებაა, ასე რომ ილოცე, რომ შემოვიდეს შენში ჭეშმარიტება და გაიზარდო! რადგან ნამდვილად დასაფასებელია და მე გიფასებ კიდევაც, რომ შენი რწმენა არაა ლიტონი რწმენა, არამედ მაძიებელი რწმენა, თუმცა ჯერ არა "მცოდნე რწმენა", მთავარია, გქონდეს გულწრფელობა და მუდმივი გახსნილება ჭეშმარიტი სიტყვის მიღებისათვის და ზოგი საკუთარი წარმოდგენის უარყოფისათვის! ნოკლედ, ვიმეორებ შენი პასუხები, უფრორე წინსვლა იყო, ვიდრე ძველ სიმცდარეებში გამყარება; მივყვები ნელნელა 1) ციტატა დამიანი დაბადებამდე უკვე მსჯავრდადებულია ან ცხონებული. ამ საკითხს, რომელშიც მცდარად ფიქრობდი, რომ უკვე დაბადებული ადამიანი ან ცხონებულია ან წარწყმდილი ვიმეორებ აქ არაა ღვთის ყოვლისმცოდნეობაზე საუბარი, სადაც ეს ბუნებრივია, არამედ ადამიანის მომავალის აწყობაზე, სადაც შენ ზედმეტად გადამწყვეტ მნიშვნელობას ანიჭებ გინდ გენეტიკას და გინდ გარემოს! სადაც ამბობ რომ გენეტიკა ( +გარემო) წარმოჩნდება ბედისწერის განმსაზღვრელად და არა ღმერთი: ციტატა გენეტიკა და არა ღმერთი სადაც თითქოს ღვთის გმობას აღწევ თავს ( რადგან მაშინ ღმერთია მეძავეობის ჩამდები, და იგია მკვლელობის მოთავე, რადგან მან განსაზღვრა), მაგრამ გავიწყდება ადამიანი, უფრო სწორედ გავიწყდება მისი ღვთის ხატება და მსგავსება ჩადებული უფლის მიერ, ქვემოთაც გეტყვი და ახლაც გიმეორებ, არავინ უარყოფს, წარმოშობის, ოჯახის, საზოგადოების მავნე ან პირიქით, კარგ გავლენას ადამიანზე, მაგრამ ყოველთვის ხაზი ესმება ადამიანის თავისუფალი ნების თავისუფლებას! ანუ იუდა, ნამდვილი ებრაელი, პატიოსან ოჯახში გაზრდილი ( კარგი გენეტიკა) და საოცარ გარემოში გატარებული წლები ( კარგი გარემო) ანუ უფლის ყველა სასწაულის თანამხილველი და ხანდახან თანამოქმედიც კი, მაინც , საკუთარი ნებით მიდის უფლის ღალატამდე და საკუთარი თავის მკვლელობამდეც! და პირიქით, მარჯვენა ავაზაკი, არცთუისე წმიდა გენების ( ეს გადმოცემით და ლოგიკურად ვიცით) და საზიზღარი, მკვლელი ( მას ბარაბა ათასი თავის "სჯობდა", რადგან ბარაბა მკვლელი იყო ერის პრინციპების გამო, ეს კი იყო ავაზაკი, მძარცველი, ყაჩაღი...), სისხლიანი და დაუნდობელი გარემოს შვილი, პირველი შედის სამოთხეში!!! ესაა ადამიანის ნების თავისუფლების ზეიმი; როცა ყველაზე დაცემულსაც შეუძლია ყველაზე მაღლა ავიდეს, თან ყველაზე ბოლო წუთში, ბოლო წამში, ბოლო სიტყვებში "უფალო, მომიხსენე სასუფეველსა შენსა"! აქ უკვე ზედმეტია შენნეული გენეტიკა და გარემო, შენნეული "დაბადებამდე მსჯავდებული ან ცხონებული", აქ თავისუფლება, სინანული და უფლის შემწყნარებლური სიყვარული ყვავის! 2) ციტატა კარგი ხე კარგ ნაყოფს ისხამს... ცუდი კიდევ ცუდს... აქაც იგივე შეცდომაა, მცდარ აზრს უსაბამებ სწორ იდეას და ასე ცდილობ გაამართლო, ის რომ უფალმა იცის ყოველივე დეტალებში და ისიც იცის, როგორ იხსნას ანუ როგორც შენ წერ: ციტატა მადლის გეგმა სამყაროს შექმნამდეც ქონდა არანაირად არ ნიშნავს, რომ რომელიმე ადამიანი იბადება ან კარგ ხედ ან ცუდად, ანუ მთელი ის მსჯელობა რაც პირველ მუხლში მოგიყვანე.3) ციტატა ბედისწერას თუ წინასწარგანჭვრეტას... აქ შენივე შეცდომა გამოასწორე, როცა ეს "თუ" საღვთო თვისებას "წინასწარგანჭვრეტას" და უცნაურ ტერმინ "ბედისწერას" შორის წაშალე, როცა ბედისწერაზე თქვი: ციტატა ღმერთის თვისებაში კიდე გამორიცხულია მისი არსებობა... ასე რომ აქ მორჩა კამათი, როგოც 4) პუნქტში, სადაც ნამდვილად მოსაწონად, დაიხიე უკან 5) ციტატა გზა თუ რას მოიმოქმედებს ყველაზე მცირე დეტალებშიც კი არ არის ცნობილი უფლისათვის წინასწარ... ამაზე უკვე ვისაუბრეთ, რომ ღვთის ცოდნა, ადამიანის არჩევანზე არ ახდენს გავლენა... ხოლო შენ მე-6 მუხლის წინამოსამზადებელ კითხვაზე, ვფიქრობ უკვე მეწერა პასუხი: ციტატა რა მექანიზმით აკეთებს ადამიანი არჩევანს მარჯვნივ გაუხვიოს თუ მარცხნივ... unsure.gif როცა დაგიწერე, რომ მე დამასკელს ვიმეორებ და მას ვეფუძვნებიმეთქი: ციტატა შენ აქცენტს აკეთებ ზეგავლენებზე ( გარემო + გენეტიკა), რათქმაუნდა რაღაც გავლენა არის, მაგრამ არა გადამწყვეტი, ადამიანი თვითონ აკეთებს არჩევანს, რაიმე შიგა ან გარე ზედმეტი ზემოქმედების გარეშე მოკლედ მომეწონა ეს დიალოგი გენესის და იმედია სასარგებლო იქნება. იხარე; კაიროსი! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| makiki |
 Mar 2 2008, 06:35 PM
პოსტი
#65
|
 makiki ჯგუფი: Members პოსტები: 1,779 რეგისტრ.: 29-January 08 მდებარ.: Tbilisiii წევრი № 3,797 |
არსებობს თუ არა ბედისწერა ამის თაობაზე ხშირად მიკამათია და საბოლოო პასუხამდე ვერასდროს მივსულვართ. მაგრამ ის ნათლად ჩანს რომ ყველას ბედი თავიდანვე რომ იყოს გადაწყვეტილი ჩვენს ცხოვრებას აზრი დაეკარგებოდა,არ შეიძლება გულზე დავიკრიფოთ ხელები და ვთქვათ რომ მაინც ისე იქნება როგორც უფალი ინებებსო,აქ უფლის ნათქვამ სიტყვებს მოვიშველიებ როცა წყალში მყოფ ადამიანს ეუბნევა,რომელიც შველას სთხოვს "გაანძრიე ხელები და გეშველებაო"
-------------------- წიგნი,რომლის მეორედ და მესამედ წაკითხვა არ ღირს არ უნდა წაიკითხო არცერთხელ.
ლამაზი ცრემლები წამწამებს ეხება პატარა ცრემლები ბაგეზე ეშვება ღმერთო მოუსმინე მის ლამაზ ვედრებას გოგონა ხატის წინ მუხლებზე ეცემა... |
|
|
|
| q-e-T-i |
Mar 2 2008, 06:40 PM
პოსტი
#66
|
 Member ჯგუფი: Members პოსტები: 583 რეგისტრ.: 30-August 07 წევრი № 2,659 |
სწავლებას ბედისწერის შესახებ არ იწყნარებს ეკლესია. როგორც წმ. იოანე ოქროპირი ამბობს: „არ არსებობს სხვა იმდენად ზადიანი და უკურნებელი სწავლება, როგორც სწავლება განგებისა და ბედისწერის შესახებ. თუკი აუცილებელია მოხდეს ბედისაგან განსაზღვრული მაშინაც, როდესაც ბეჯითად ვმუშაობთ და მაშინაც, როდესაც გვძინავს, ნუ შეაბამს უღელში ხარებს მიწათმოქმედი, ნუ გამოიტანს სახნისს, ნუ გაჭრის კვალს, ნუ დასთესს, ნუ ელის წლის ხელსაყრელ დროს, ნუ იტანს სიცივეს, ხანგრძლივ წვიმას, უბედურებებს და შრომას მთელი წლის მანძილზე, ნუ ლესავს ნამგალს და ნუ მკის დათესილ პურს, ნუ ლეწს თავთავს, ნუ რგავს და ნუ ელის მცენარეებს, - მოიცილოს მიწათმოქმედის ყველა ზრუნვა, დაჯდეს სახლში და იძინოს: თუკი ყველაფერი ბედისგან უეჭველად აქვს დანიშნული, სიკეთე თავისით მიუვა სახლში... რატომ არ გადაწყვეტთ ასე მოქცევას, თუკი მართლაც გჯერათ ბედისა?..
როდემდე ვიქნებით გონებით ბავშვები? როდემდე არ შევწყვეტთ უქმ ლაპარაკს? თუკი ცუდს და კარგს ბედი აყალიბებს, რატომ არიგებ და აძლევ რჩევებს ბავშვს? თუკი ბედი აქცევს კაცს ღარიბად და მდიდრად, ნუ გზავნი შვილს სასწავლებლად, ნუ აძლევ ფულს, ნუ ცდილობ გამდიდრდე და საქმე ბედს მიანდე. მაგრამ ამას ვერ ბედავ. ხედავ, არ უჯერებ მას პატარა საქმეში, დიდში კი ეყრდნობი... [ბედი რომ არსებობდეს] არავინ იქნება კარგი და ცუდი. აბა, რისთვის ვაქებთ ვინმეს სიკარგისათვის? რისთვის ვაამებთ?ეს ხომ მისი სათნოება არაა, არამედ ბედისწერის. რისთვის ვკიცხავთ? რისთვის ვწყევლით? ცოდვა ხომ მისგან არ მოდის, არამედ ბედისაგან, რომელმაც უბიძა მას. ადამიანი, რომელიც საკუთარი სურვილით არ აკეთებს რამეს, არამედ ბედიგანაა იძულებული, არც კარგია და არც ცუდი. ხედავ, რა უაზრობამდე მიგვიყვანა ბედზე ლაპარაკმა? არავინაა ღვთისმოსავი, არავინ - გარყვნილი, არავინ - ანგარებისმოყვარე, არავინ - სამართლიანი. სათნოებაც და ნაკლიც გაუქმებულია, ტყუილად ვართ მოსულები აწინდელ ცხოვრებაში, უკეთ რომ ვთქვათ: არა ტყუილად, არამედ საუბედუროდ“. -------------------- I will sooth you if you fall
I'll be right there if you call You're my greatest love of all ________________________________________________________________ _______ სიყვარულია თავად ღმერთი ამქვეყანაზე_________ ________________________________________________________________ __თუ ქარ-ცეცხლში ნაწრთობია სიყვარული, გვაკავშირებს საუკუნო სიხარულით__ |
|
|
|
| neo |
Mar 2 2008, 07:36 PM
პოსტი
#67
|
 Advanced Member ჯგუფი: საფინანსო პოსტები: 2,152 რეგისტრ.: 11-September 07 წევრი № 2,723 |
მე ერთი ესეთი ჩვეულება მაქვს, ყოველი წლის დასაწყისში ჩემს ,,ბედს ვწერ" ხოლმე... მერე რასაც დავწერ გეგმებში გადამაქვს და ვასრულებ...
ნუ ძალისაებრ რა... -------------------- www.cordesign.ge
|
|
|
|
| Genesis |
Mar 3 2008, 02:26 AM
პოსტი
#68
|
|
მივაფსი კრემლს ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150 |
KAIROS
არ ვიცი სად ნახე შენ ჩემი აზრების თამაში... ანუ სადღაც სხვას ვწერდი და მერე გადავაკეთე... ხოდა წინსვლაც დაგინახია... განა ადამიანი არჩევანს საკუთარი მონაცემების ხარჯზე არ აკეთებს... რა განსხვავება იიმ ორ ავაზაკს შორის რომელიც ქრისტეს გვერდით იყო გაკრული? ორთავე ავაზაკები იყვნენ და ერთ განაჩენს იხდიდნენ... მაგრამ ერთერთ უფრო ძლიერი განსჯის უნარი აღმოაჩნდა... ამას მისი სიტყვების თანმიმდევრობა ადასტურებს... სწორი განსჯა კიდე ტვინის საქმეა... ტვინის განვითარება კიდე მშობლებისგან მიღებული გენეტიკური მასალის (ანუ როგორი გამოუვიდათ მშობლებს) და ის თუ რა გარემოში განვითარდა... თუ ეთანხმები იმ აზრს რომ ადამიანი არჩევანს ისეთი ანატომიური ორგანოთი აკეთებს როგორიც ტვინია... მაშინ რათ უნდა გიკვირდეს ის, რომ ტვინის ჩამოყალიბებაზე პასუხს აგებს გენეტიკა+გარემო... ჩემთვის ერთია მთავარი... დაიFანტოს დაბურული წარმოდგენები და ირონიები, თუ როგორაა ღმერთი წინასწარ მცოდნე, ადამიანის თითოეული ქმედება წინასწარ ცნობილი... და ამასთან არ არსებობს არანაირი ბედი... ყველას უფიქრია ამაზე და გაურკვევლობაში ამთავრებენ... აი იოანე ოქროპირის ციტატა რომ არის მოყვანილი ზემო პოსტში... დავუშვათ ბედი არსებობსო რო წერს... რატო დაუშვა? იმიტომ რომ ისიც ფიქრობდა ამის შესახებ და აწუხებდა ეს საკითხი... შენც გაწუხებდა ალბათ (მეეჭვება რომ დამასკელს დაუფიქრებლად დაეთანხმე...) მე კიდე ვაცხადებ რომ ადამიანი თავისი არჩევანით ქმნის თავის ბედს და რა არჩევანიც არ უნდა მიიღოს მან, ესაბსოლუტურად დამოკიდებულია მისი გონებრივი მონაცემების გარემოზე რეაგირებით... ანუ ყველა არჩევანში თვითონ აგებს პასუხს... მაგრამ მისი არჩევანი წინასწარ განჭვრეტადია. ვინმეს რომ შეეძლოს გარემოს ზედმიწევნით ცოდნა და კონკრეტულად ადამიანის მონაცემების ზედმიწევნით ცოდნა... იმასაც იტყოდა 100% თუ რომელ მომენტში რას მოიმოქმედებდა... პ.ს. კიდე მაქ სათქმელი და მერე გავაგრძელებ.... იძინეთ გენესისი  -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
|
|
|
| KAIROS |
Mar 3 2008, 02:44 AM
პოსტი
#69
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა ხოდა წინსვლაც დაგინახია... იმედი მქონდა...მართლა ჩახვეულ კამათში არ უნდა გადავიდეს ახლა ეს საუბრები, უნდა მივაღწიოთ რაიმე შეთანხმებას... ციტატა სწორი განსჯა კიდე ტვინის საქმეა ახლა შენი ახალი დაბრკოლების ბარიერს ტვინი ქვია, სული დაგეკარგა მთლიანად, უკვდავი ღვთის ხატება სული, რომელიც არ ხურდავდება, იმაზე რაც შეიძლება გაანგარიშდეს, იგი თავისუფალია ნებაში და ნების თავისუფლებაც თავისუფალია ზეგავლენებისაგან, რომლებიც არსებობენ, არიან, მაგრამ არა გადამწყვეტნი და არა ისე გათვლადი! ციტატა არჩევანი წინასწარ განჭვრეტადია მხოლოდ ღვთის ყოვლისმცოდნეობის მიერ, ძალიან შემოგელანძღა ადამიანის თავისუფლება, ვერც ავაზაკი ახსენი, და მასეთი წმინდა მატერიალისტურ-ფსიქილოგიური, ყოველგვერ სპირიტუალიზმს მოკლებული ლოგიკით ვერც ახსნი... გირჩევ ახლა ეს წაიკითხო: წმ. ეპისკოპოსი გაბრიელი (ქიქოძე) ცდისეული ფსიქოლოგიის საფუძვლები პირველი განყოფილება ადამიანის სულის ყოფიერების, თვისებების და მოქმედებების შესახებ თავი მეექვსე ნების მოქმედების შესახებ §140. თავის შინაარსი და კავშირი წინა თავებთან. როცა მეორე თავში ვაანალიზებდით სულის მოქმედ ანუ სურვილისმიერ უნარებს, ჩვენ ვთქვით, რომ გასაჭირი სულში მოუსვენრობას ბადებს, მოუსვენრობა აღძრავს დაკმაყოფილების ლტოლვას, ანუ მისწრაფებას; ნება კი არის სულის გადაწყვეტილება, გარკვეულად იმოძრაოს (არჩევანი), ანდა გარკვეული მოქმედების თავად დასაწყისი. ამ თავში ჩვენ გადავწყვეტთ ყველა საკითხს ნების მოქმედების შესახებ, განსაკუთრებით კი მთავარს - საკითხს ნების თავისუფლების შესახებ. ეს უმნიშვნელოვანესი ფილოსოფიური საკითხი მრავალგზის ყოფილა მრავალი მეტაფიზიკოსის ღრმა გამოკვლევის საგანი, და როგორც ჩვეულებრივ ხდება ხოლმე ყველა მეტაფიზიკური საკითხის განხილვისას, ამ საკითხმაც დაბადა ბევრი ურთიერთსაპირისპირო თვალსაზრისი. საკითხის არსება ასეთია - თავისუფალია თუ არა ნება თავის მოქმედებაში, ე.ი. თავისუფლად, იძულების გარეშე გადაწყვეტს თუ არა ის იმოქმედოს ასე ან სხვაგვარად, თუ ნებამ ყოველთვის აუცილებლობით უნდა ისურვოს და იმოქმედოს ასე და არა სხვაგვარად. ჩვენ შევეცდებით გადავწყვიტოთ ეს საკითხი ჩვენი ფსიქოლოგიის საფუძვლების შესატყვისად. §143. ნების მოტივებისა და მოქმედებათა კავშირების შესახებ. ამგვარად, ნათელია, რომ მოტივებს, რომლებიც განსაზღვრავენ ნების მოქმედების გარკვეულ წესს, არ ძალუძთ თავისუფლება წაართვან ადამიანებს. ეს უკანასკნელი ვითარება შესაძლებელი იქნებოდა მხოლოდ იმ შემთხვევაში, თუ კავშირი მოტივსა და მოქმედებას შორის მკაცრად დაემორჩილებოდა აუცილებლობას, ე.ი. თუ გარკვეული მოტივი გარდაუვალად და უსათუოდ წაიყვანდა ნებას, აი, ამ და არა სხვა მოქმედებისაკენ, როგორც სიმძიმე იზიდავს სხეულს ცენტრისაკენ და არა ცენტრიდან. მოტივები ყოველთვისაა, მაგრამ მათი კავშირი მოქმედებასთან არ არის აუცილებელი, ე.ი. ნებას შეუძლია დაეთანხმოს მას, მაგრამ შეუძლია მას არ მისდიოს. საკითხის ამგვარ გადაწყვეტას შემდეგნაირად ედავებიან: „ყოველი სურვილი, ანუ ნება არის გონების ბოლო განსაზღვრა, გონების ბოლო მსჯავრი, მაგრამ არავინ არ დაიწყებს იმის უარყოფას, რომ გონების გადაწყვეტილებები აუცილებლობით არიან აღბეჭდილი, რადგან გონებამ აუცილებლობით უნდა აღიაროს ზოგი წინადადება ჭეშმარიტებად, ზოგი კი - მცდარობად. ზუსტად ასევე გონებას აუცილებლობის ძალით მოსწონს ზოგი მოქმედება, რადგან ისინი ჭეშმარიტნი და სასარგებლონი არიან თავად თავისი არსებით, ზოგი კი არ მოსწონს, რადგან ისინი თავისი არსებით მავნე და ჭეშმარიტების საპირისპირონი არიან. მაშასადამე, არ შეიძლება ვაღიაროთ, რომ ნება, რომელიც მისდევს გონების ამ მსჯავრს, თავისუფალია. მაგალითად, ადამიანი, რომელიც ფიქრობს, რომ გაცილებით სჯობია მისდიოს თავისი გრძნობების ჩაგონებას და ისწრაფვოდეს ამქვეყნიური ცხოვრების სიამოვნებისაკენ, ვიდრე დაელოდოს მომავალ სიკეთეს, მოქმედებს ზუსტად იმავე აუცილებლობით, რომლითაც ამტკიცებს მათემატიკოსი სამკუთხედის სამი კუთხე ორი სწორის ტოლიაო. აქედან გამომდინარეობს, რომ თუ ადამიანი ყველა თავის ქცევაში გონების მსჯავრს მისდევს, ის არ არის თავისუფალი. მაგრამ თუ ის არ მისდევს გონებას, მაშინ ბრმად მოქმედებს“. ასეთი იყო საბუთები თავისუფლების წინააღმდეგ ფატალიზმის ერთ-ერთი უძლიერესი დამცველისა - კოლენისა - ინგლისელ განსწავლულ მეტაფიზიკოსთან - კლარკთან მიწერილ წერილებში. მაგრამ ბრძენი კლარკი ამ დებულებებს ძალზე საფუძვლიანად უარყოფს. გონების მსჯავრი ყოველთვის აუცილებელია, რადგან საგანთა ბუნებაზეა დაფუძნებული; მაგრამ ნება არ არის აუცილებელ ფიზიკურ კავშირში ამ მსჯავრთან; რადგან ის მუდამ როდი მისდევს ამ მსჯავრს. მოქმედება და თავისუფლება ორი იგივეობრივი იდეაა. სადაც არ არის თავისუფლება, იქ მხოლოდ პასიურობაა და არა მოქმედება. ჭეშმარიტება და ცდომილება გონებისათვის იგივეა, რაც თვალისათვის სინათლე. ჩვენ არ ძალგვიძს არ დავინახოთ, როცა თვალები ღია გვაქვს, არ შეგვიძლია არ ვაღიაროთ ჭეშმარიტება, როცა გონება ჯანმრთელია. მაგრამ ერთია - განსჯა, მეორეა - მოქმედება. ეს ორი რამ სავსებით დამოკიდებულია ორ განსხვავებულ საწყისზე. პირველი პასიურია, მეორე თავისუფალია. პირველი ისევე განსხვავდება მეორისგან, როგორც მხედველობის მქონე ადამიანისათვის განსხვავებულია გზის ხილვა და თავად გზაზე სიარული. არ შეიძლება იმის თქმა, რომ გზაზე სიარული არის შედეგი გზის ხილვისა. ზუსტად ასევე, არ შეიძლება იმის თქმა, რომ ნების გადაწყვეტილება არის აუცილებელი შედეგი გონების მსჯავრისა. რა ხშირად ხდება ხოლმე, რომ გონება გარწმუნებს ამა თუ იმ მოქმედების სიკეთეში, მაგრამ ნება არ მისდევს მის მრწამსს. ასევე, ხშირად ხდება ხოლმე, რომ გონება გიბიძგებს რაიმესაკენ, ნება კი თავისი გრძნობების საწინააღმდეგოს აკეთებს. მაშასადამე, ნების განსაზღვრებებში აუცილებლობა არასოდეს არ არის. http://www.orthodoxy.ge/fsiqologia/gabriel...logia-6.htm#142 უნდა გამოვყოთ რაიმე წინსვლის საფუძვლები, თორემ როგორც კი ნების თავისუფლების შეზღუდვას მიყოფ ხელს, მაშინვე იკარგება ქრისტიანობა, ეს შეზღუდვა ანუ არჩევანის განპირობება გინდ გენები და გარემო იყოს და გინდ რაიმე ზებუნებრივი, მაინც ნების შეზღუდვა და არჩევნის განპირობებაა, რაც სრულიად მიუღებელია ქრისტიანულ ანთროპოლოგიაში! წინსვლის იმედით; კაიროსი! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| Genesis |
Mar 3 2008, 01:25 PM
პოსტი
#70
|
|
მივაფსი კრემლს ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150 |
KAIROS
გადავიკითხე ას 140 და 143 პარაგრაფერბი... ყურადღებით და რამოდენიმეჯერ... სუბიექტურადაა დაწერილი... არ ვეთანხმები... ნეიროფიზიოლოგიის გაგებაში არაა ამის დამწერი... -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
|
|
|
| Genesis |
Mar 3 2008, 01:41 PM
პოსტი
#71
|
|
მივაფსი კრემლს ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150 |
ასე არს ყოფად...
მრავალი წინასწარმეტყველებანია ცნობილი და მრავალი ხილვები... რომლებიც აუწყებს ადამიანს მომავალს და სხვაგვარად შეუძლებელია რომ მოხდეს... რომ ჩაუჯდეს ადამიანი ბიბლიას 10000 ადგილს ამოკრიბავს სადაც მომავალზეა ზუსტი საუბარი. იმის გახსენება რად ღირს აბრაამს ეგვიპტის ტყვეობაზე რომ გაუცხადა უფალმა... ან სამოველ წინასწარმეტყველს რომ უთხრა შემოგხვდება გზაში ადამიანი რომელსაც ვირები ყავს დაკარგული და მას ეძებსო... ქრისტეს დეტალური წინასწარმეტყველება იერუსალიმის დანგრევის შესახებ... იუდას გაცემის შესახებ... პავლეს ზეატაცება და მომავლის გაცხადება... იოანეს გამოცხადება... ეს ყველაფერი მარტო მე კიარმაქ შემჩნეული... უბრალოდ თვალს ხუჭავენ ან სხვადასხვაგვარ ახსნას ურგებენ, მხოლოდ იმის გამო, რომ კონფლიკტში არ მოვიდნენ უფლის სამარტლიანობის და სიყვარულის შემეცნებასთან... აგერ ვდგავარ ადამიანი და ვამბობ რომ, უფლის სიყვარულს სულაც არ გამორიცხავს სცენარის წინასწარ არსებობა... ვისაც უნდა დარჩეს ეჭვებში, დარჩეს, მე რა... მე ჩემი სათქმელი ვთქვი. ვიფიქრებ კიდე ამ საკითხზე, მაგრამ მხოლოდ დახვეწის მიზნით... -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
|
|
|
| KAIROS |
Mar 3 2008, 04:06 PM
პოსტი
#72
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა სუბიექტურადაა დაწერილი... არ ვეთანხმები... ნეიროფიზიოლოგიის გაგებაში არაა ამის დამწერი... მდა.... NO კომენტი.... ციტატა აგერ ვდგავარ ადამიანი და ვამბობ რომ, უფლის სიყვარულს სულაც არ გამორიცხავს სცენარის წინასწარ არსებობა... ვისაც უნდა დარჩეს ეჭვებში, დარჩეს, მე რა... მე ჩემი სათქმელი ვთქვ აგერ ვარ მეც, მეც ჩემი გიწერე, ჩემი კი არა ეკლესიის და გიმეორებ, შენ შენი რელიგია გაქვს უკვე შექმნილი, ეგ აღარაა ქრისტიანობა, ეჭვებში კი ამჯერად შენ ხარ, ან უფრო სწორედ ( და უფრო სამწუხაროდ) სიმცდარეში ხარ და ულოგიკოა შენი მსჯელობა, ვიმეორებ ისევ: ციტატა როგორც კი ნების თავისუფლების შეზღუდვას მიყოფ ხელს, მაშინვე იკარგება ქრისტიანობა, ეს შეზღუდვა ანუ არჩევანის განპირობება გინდ გენები და გარემო იყოს და გინდ რაიმე ზებუნებრივი, მაინც ნების შეზღუდვა და არჩევნის განპირობებაა, რაც სრულიად მიუღებელია ქრისტიანულ ანთროპოლოგიაში! ვფიქრობ ახლა უფრო ჯიუტობ და წინასწარ ხარ დარწმუნებული შენს სიმართლეში, ასეცაა რადგან დამასკელმა, ქიქოძემ ვერ დაგარწმუნა და საწყალი კაიროსი რაღას გააწყობს? ხოდა გავალ და იმედია შენი ციტატა მხოლოდ დახვეწის მიზნით... ჭეშმარიტებასთან მიმავალი იქნება და არა უფრო გამყარება სიმცდარეში...უკეთესი მომავლის იმედით; კაიროსი! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| კანონისტი |
Mar 3 2008, 04:14 PM
პოსტი
#73
|
 დავით ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 |
Genesis
შეგახსენებ, ზოგად კანონიკურ პრინციპს, რომ ადამიანი მაშინ კი არ არის მწავალებელი, როდესაც მას გადახრები აქვს დოგმატურად განსაზღვრული ქრისტიანული სწავლების მიმართ, არამედ მაშინ, როდესაც ჯიუტად იჩემებს ამ სწავლებას  -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
|
|
|
| Genesis |
Mar 3 2008, 08:38 PM
პოსტი
#74
|
|
მივაფსი კრემლს ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150 |
ციტატა(კანონისტი @ Mar 3 2008, 03:14 PM)  Genesis შეგახსენებ, ზოგად კანონიკურ პრინციპს, რომ ადამიანი მაშინ კი არ არის მწავალებელი, როდესაც მას გადახრები აქვს დოგმატურად განსაზღვრული ქრისტიანული სწავლების მიმართ, არამედ მაშინ, როდესაც ჯიუტად იჩემებს ამ სწავლებას უFF დავით... ძალიან არ მედარდებოდეს ახლა ვინ როგორ შემამკობს... მე არ უფლის სიყვარულში და სამართლიანობაში მეპარება ეჭვი და არც მის ყოვლისმცოდნეობაში... თუ ვინმე სხვა ავტორიტეტის სიტყვების წინააღმდეგობაში მოვდივარ... ყველა შეიძლება შეცდეს და რატომ უნდა ვთქვა რომ მე ვცდებიო, თუ ამ შეცდომას ვერ ვხედავ? დამასკელს, ოქროპირს და სხვებს... მხოლოდ იმის ეშინოდა რომ უფლის სიყვარული და სამარტლიანობა არ დაკნინდეს განგების არსებობისასო... ხოდა რა მონაცემებიც მაშინ ქონდათ, იმით მსჯელობდნენ... აბა მართალია ის რაც 140, 143 პუნქტებში წერია? ვინც დაუნის სინდრომით იბადება ან სხვა უარესი ფორმის მუტაციით... რომელთაც განსჯის უნარი არ გააჩნია... მაგათ სული არ ჰქონია ხო?  თეოლოგია თეოლოგიაა... მარა დაფარული ყოველთვისაა რაღაცა და ვადაგასული შპაკლივით ჩამოსაფხეკია ზოგი შეხედულებები...  ახლა თუგინდა ერეტიკოსობისთვის განმიახლე ვორნი -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
|
|
|
| G_I_O_R_G_I_ |
Mar 4 2008, 12:29 AM
პოსტი
#75
|
|
Advanced Member ჯგუფი: Members პოსტები: 1,857 რეგისტრ.: 31-July 06 წევრი № 27 |
Genesis შენს თეორიაზე მეც ვიტყვი ჩემს აზრს
ციტატა ადამიანის არჩევანში 100% უჭირავს გენეტიკას და გარემოს ურთიერთქმედებას მოვიყვან ერთ მაგალითს ადამ და ევას შვილებს აბელს და კაენს ორივეს თითქმის ერთნაირი გარემო და გენეტიკა ჰქონდათ. აბელი მთელი გულით ემსახურებოდა უფალს და ამიტომ სათნო იქმნა უფლისთვის მის მიერ შეწირული მსხველპლი,ხოლო კაენს შეშურდა მისი და განიძრახა მისი მოკვლა (ეს მისი შურით გამოწვეული თავისუფალი არჩევანია) ყოველთა კაცთა გულთა მხილველი უფალი ხედავს კაენის გულისთქმას და აფრთხილებს:უთხრა უფალმა კაენს"ცოდვა ჩასაფრებულია კართან, შენსკენ აქვს მას ლტოლვა, შენ კი იბატონე მასზე. "კაენი არ ისმენს და თავისი თავისუფალი ნებით მიჰყვება თავის გულისთქმა სდა მოკლავს ძმას.უფალი კვლავ აძლევს საშვალებას კაენს სინანულისა და ეუბნება:" უთხრა უფალმა კაენს: სად არის შენი ძმა აბელი?" ხოლო კაენს არ უნდა საკუთარი თავის ხსნა (ისევ თავისუფალი ნებიდან )გამომდინარე და პასუხობს უფალს:"მიუგო: არ ვიცი. ჩემი ძმის დარაჯი ხომ არა ვარ"ამრიგად უფლისმიერ მიცემული რამდენიმე შანსის მიუხედავად კაენი თავისი თავისუფალი ნებით აკეთებს არჩევანს თავი დაიყუპოს და აქ ბედისწერა და გარემო პირობები არაფერ შუაშია. სხვა მაგალითს ვიტყვი მაგ.მარიამ ეგვიპტელი რომელმაც 17წელი მძიმე სასიკვდილე ცოდვებში ცხოვრობდა და წესით (გენეტიკიდან და გარემოებიდან გამომდინარე უნდა დაღუპულიყო)მაგრამ საკუთარი თავისუფალი ნებით იღებს გადაწყვეტილებას რომ იხსნას თავი და უდაბნოში 40 წლის მანძილზე ისეთ ტანჯვა-წამებას ითმენს (ბოროტ ანგელოზთაგან და სხვა განსაცდელებს) ადამიანური ენით შეუძლებელია ამ გმირობის გამოთქმა.ანდა იმ ავაზაკის ბოლო სამი დღის სიღრმისეულმა სინანულმა როცა ტიროდა საკუთარი ცოდვების გამო სნეულებაში საწოლს მიჯაჭვული რომ გადაწონა მთელი მისი უმძიმესი ცოდვანი (კაცისკვლანი და სხვა მსგავსი) და ცხონდა. თუ ადამიანი თავისი ბედისწერით ჯოჯოხეთში მოხვდა მაშინ გამოდის რომ მისთვის ლოცვა უაზრობაა რადგანაც ჩვენი ლოცვა მას ვერაფერ სარგებელს მოუტანს. |
|
|
|
| G_I_O_R_G_I_ |
Mar 4 2008, 12:44 AM
პოსტი
#76
|
|
Advanced Member ჯგუფი: Members პოსტები: 1,857 რეგისტრ.: 31-July 06 წევრი № 27 |
ციტატა კარგი ხე კარგ ნაყოფს ისხამს... ცუდი კიდევ ცუდს რაც შეეხება ამ გამონათქვამს აქ ის კი არ იგულისხმება რომ კარგი გარემო პირობების და გენეტიკის მქონე კარგ ნაყოფს გამოიღებსო,არამედ ამას ამბობს უფალი როცა გვეუბნება თუ როგორ უნდა გავიგოთ ვინ არის ცრუ და ვინ მართალი,ვინ ცხვრის ტყავში გადაცმული მგელი,და ვინ ჭეშმარიტების მსახური,როცა ჭეშმარიტის მსგავსად ცრუც ცდილობს თავი გაასაღოს მართლად და უფალი არ დაუშვებს რომ ამ ცრუმ კეთილი ნაყოფი გამოიღოს რადგანაც მის საქმეებში ამხელს უფალი მის სიცრუეს და ამიტომ ადამიანის ლამაზ საუბარს კი არ უნდა ვუსმინოთ არამედ მის საქმეებს შევხედოთ და უფალი აჩვენებს თუ ვინ ვინაა. |
|
|
|
| Genesis |
Mar 4 2008, 01:42 PM
პოსტი
#77
|
|
მივაფსი კრემლს ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150 |
ციტატა(solomony @ Mar 3 2008, 11:29 PM) Genesis შენს თეორიაზე მეც ვიტყვი ჩემს აზრს მოვიყვან ერთ მაგალითს ადამ და ევას შვილებს აბელს და კაენს ორივეს თითქმის ერთნაირი გარემო და გენეტიკა ჰქონდათ. ერთნაირი გენეტიკური ინფორმაცია მხოლოდ მონოზიგოტურ ტყუპებს აქვს... გარდა ამისა შედარებით ერთნაირი გარემო პირობები მხოლოდ ვაკუუმში მოთავსებულ კოლბაში შეუძლია ჩანასახს შეუქმნას ადამიანმა... არაა ასე ზედაპირულად სამსჯელო -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
|
|
|
| KAIROS |
Mar 4 2008, 05:54 PM
პოსტი
#78
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
მოკლედ დამუშავებული აქვს ამ კაცს თავისი "გენესისოლოგია"
იქნებ გაგვანათლო და გვითხრა, ევა ( და მერე ადამი ) რატომ შეცდა? ამაზე გვითხარი რას ღაღადებს "გენესისოლოგია" ციტატა როგორც კი ნების თავისუფლების შეზღუდვას მიყოფ ხელს, მაშინვე იკარგება ქრისტიანობა, ეს შეზღუდვა ანუ არჩევანის განპირობება გინდ გენები და გარემო იყოს და გინდ რაიმე ზებუნებრივი, მაინც ნების შეზღუდვა და არჩევნის განპირობებაა, რაც სრულიად მიუღებელია ქრისტიანულ ანთროპოლოგიაში! -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| Genesis |
Mar 4 2008, 08:04 PM
პოსტი
#79
|
|
მივაფსი კრემლს ჯგუფი: Members პოსტები: 1,902 რეგისტრ.: 11-November 07 მდებარ.: mtskheta წევრი № 3,150 |
ციტატა(KAIROS @ Mar 4 2008, 04:54 PM) იქნებ გაგვანათლო და გვითხრა, ევა ( და მერე ადამი ) რატომ შეცდა? გარემო პირობების გამო... გველმა შეაცდინა... შენ სხვანაირად იცოდი? პ.ს. კაიროს თუ ვინმეს ზევიდან უყურებ საუბარში იცოდე რომ არაფრის მომტანია ეგ საუბარი და სჯობს შეწყვიტო... -------------------- ღმერთმა ყველაფერი იცის...
ადამიანმა კი უკეთ იცის, თუ რა იცის ღმერთმა... |
|
|
|
| KAIROS |
Mar 4 2008, 08:23 PM
პოსტი
#80
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა თუ ვინმეს ზევიდან უყურებ უი, გეწყინა?  ბოდიში, არა რა ზემოდან, უბრალოდ გაჯიუტდი ზედმეტად და ცოტა იუმორი გავურიე საუბარში, თორემ ვინ ვარ რომ ვინმეს ზემოდან ვუყურო.... დაივიწყე, ვიხუმრე კაცო ციტატა გარემო პირობების გამო... გველმა შეაცდინა... შენ სხვანაირად იცოდი? ხო? მისი არჩევანი არც ყოფილა? ანუ გველმა ძალით აჭამა თუ თავისით გადაწყვიტა რომ ეჭამა და აყოლოდა ცდუნებას? და კიდევ სატანა რატომ დაეცა? არ გაბრაზდე ხოლმე... ანუ ქრისტიანობა ასწავლის, რომ გარემო პირობები არ განაპირობებს ადამიანის არჩევანს... მაინტერესებს რას ფიქრობს "გენესისოლოგია" -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
|
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 6th May 2024 - 08:31 AM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge